chuishancherrie
我是chuishancherrie。 我最喜愛到日本,泰國旅遊 , 最鍾意遊覽動物園/植物園/水族館,戶外活動, 住宿通常會揀5星酒店,公寓。
留言  留言給此旅遊家
  遊記數目 3
  上載相片 47
  上載影片 0
最近分享過的旅程
Bangkok 食買按
國家/地點: 泰國
旅程日期: 2013-09-10 至 2013-09-13
跟旅行團, 大部份介紹都係唔好食!
國家/地點: 泰國
旅程日期: 2013-08-05 至 2013-08-10
曼谷5日4夜自由行
國家/地點: 泰國
旅程日期: 2011-08-10 至 2011-08-14
Bangkok 食買按 (泰國)
(旅程日期: 2013-09-10 至 2013-09-13 ,  旅程性質: 飲食購物, 消閒度假)
 整個旅程  (共1篇遊記)
 分享至Facebook 
發表日期: 2013-10-05
今次整個行程每天都係以發掘地度小店美食--->購物---->按摩, 為行程目的!!

盡情享受泰國嘅每一天。
門面
門面
正
正
多次曼谷旅行, 行去食海南雞飯時都見到呢間唔多起眼嘅店舖! 但從來未入過去食。

今次去食, 係見到旅遊書介紹呢間店食鴨河, 即管去試試!

呢間店舖, 主要都係以泰國人食為主, menu無中文, 只有泰文同英文, 但有圖片可以選擇!

點咗4碗粉面, 包括2碗鴨河, 泰式魚蛋+炸雲吞河, 泰式红湯魚蛋+炸雲吞河!

嘩, 真係估佢唔到湯底咁入味!

雖然份量唔係好大, 但都夠飽嘅, 鴨河湯底濃郁, 鴨件好似都有4-5件, 仲有好似豬紅嘅食物!正呀!

而泰式红湯魚蛋+炸雲吞河, 個湯有好濃嘅好似我哋平時嘅南乳味, 魚蛋細細粒, 但帶有魚香, 

雲吞雖然唔係即炸, 但都係脆嘅, 唔會係過晒氣淋身! 

泰式魚蛋+炸雲吞河, 我就無食, 但朋友就話湯底好香, 好好味道!

推介菜式: 泰式鴨河
每人消費: 約45泰銖 (午餐)
評分: 味道4   服務4   環境3   衛生3   抵食5
泰式生蝦
泰式生蝦
正
咖喱炒蟹
咖喱炒蟹
餐廳位於Asiatique 夜市的碼頭旁邊!所以向外面望係河境,

環境Ok, 座位有室內及室外可以選擇,

店內以白色裝修為主,感覺都舒服嘅,但就唔可以講話好正。

以泰國地方嚟講, 呢度都算高級餐廳吖,

但大多數員工都係木無表情, 問佢哋野都好似唔係好想答你咁, service真係麻麻哋!

餸菜點咗生蝦, 泰式炒河, 咖喱炒蟹, 泰式炒菜, 冬蔭功湯, 燒牛肉沙律, 4杯飲品質!

其實整體性食物味道&賣相都可以嘅, 配合餸菜嘅汁都唔錯!

但就唔算好出色, 份量唔太多。
但呢餐飯, 只係6道餸菜, 就食咗相等於HK$1000, 實在認真唔抵食

仲貴過香港九龍城地道泰菜囉, 咁仲咩仲要喺呢度食呢?

只可以講, 唔會再有下次幫襯!!!!!! 
 
每人消費: 約1000泰銖 (晚餐)
評分: 味道3   服務2   環境3   衛生3   抵食1
呢間今年開幕嘅新酒店,上網睇相係唔錯,但到實際地方時其實就麻麻。

酒店設喺商埸樓上,check-in/out都要到9/f辨理,唔太方便。

而且以為有泳池,點知帶晒泳衣去,原來係無泳池㗎!

房間裝修用料粗糙,企缸沖涼時去水位做得差,D水去得好慢,洗手盆嘅水龍頭做得太入,一洗手,

D水就濺到周圍都濕晒。配備亦唔完善,除房間內只係得洗手間有一塊大鏡外,

就無任何小鏡、全身鏡可以供化妝或裝扮,有人用洗手間時,另一人就無法使用鏡裝身,

對女仕嚟講真係極唔方便! 而且房間無提供紙拖鞋、牙膏、牙刷!

房間係有免費wifi, 但接收就唔好,就算見到收爆wifi都好啦,都可以慢到好似收唔到咁,

或者係經常斷線!😡

另一不滿係,到第二朝早上9am左右,無端端有人㩒鐘,點知係清潔員工話要做清潔喎😤

,從來未試過會住酒店,喺你仲未起身,而要㩒鐘話入嚟執房囉!😡😡有無攪錯呀?

仲有其中一日,我哋一行4人,想享受酒店內嘅spa啦,點知去到接待員話,佢哋全店只有3位技師,

唔可以同時間做,要做就只能分開兩個時段。唉!結果只有又要坐車出去其他按摩店。

此酒店唯一可取,就係接待處及大堂員工的服務態度有禮熱心。如果下次再去曼谷,一定唔會再

入住呢間,更唔會介紹俾朋友!

 
評分: 設備2   服務3   環境3   衛生3   抵住3
好似食緊麵粉嘅蝦餅
好似食緊麵粉嘅蝦餅
無檸檬嘅怪味Ice Lemon Tea
無檸檬嘅怪味Ice Lemon Tea
鞋口雞肉碎
鞋口雞肉碎
"白烚"嘅香葉包雞
"白烚"嘅香葉包雞
今次成個行程去食泰菜為主, 由街邊擋到大餐廳都好好味!

點知返香港前, 喺曼谷機場食最後一餐, 竟然係最難食嘅一餐!
叫咗Ice Lemon Tea, 嚟到竟然係無檸檬嘅都唔緊要, 但味道非常怪, 超甜又酸

問個待應點解呢杯Ice Lemon Tea係無Lemon? 同埋點解味道咁怪?

佢個樣唔太有善, 仲話lemon tea係用lemon水沖嘅, 所以係無lemon。

蝦餅~~唔係好覺有蝦囉, 反而麵粉就好多, 一d都唔彈牙!

泰式抄雞肉碎 ~~d雞肉一d都唔似係抄過, 似用水烚過後撈返落d香料&辣粉度,

d雞肉係"鞋"嘅又無色無味!

香葉包雞 ~~仲犀利, manu係炸, 平時餐廳食都係炸, 但呢度嘅真係一打開塊香葉, 見到都唔想食 

嘅, 唔係炸嘅不持止, 又係白烚咁嘅樣, 食落就更加係味道古怪, 你又唔可以話佢係變咗味, 但食落

個感覺係好似變咗!

其他嘅冬蔭功炒飯、冬蔭功湯, 炒菜唔可以講係好, 只可以係形容可以入到口..............

估唔到喺機場咁大嘅連鎖店餐廳都可以咁差!
每人消費: 約600泰銖 (下午茶)
評分: 味道2   服務1   環境2   衛生2   抵食1
正
正
呢間海南雞飯店, 其實原來有幾十年嘅老店,

店內唔止食海南雞飯嘅, 仲有其他小食嘅!

但由於係早餐, 我哋亦要留肚食其他美食, 所以除咗叫海南雞飯外,

就點多一款香菇燉鴨湯&滷水豬肉。

海南雞飯嘅雞油飯做得好出色, 一啖食落去, 好香雞油味停留在口中,

海南雞都係起晒骨, 但個汁就覺得較為辣咗d, 搶晒d雞味。

香菇燉鴨都唔錯, 好香濃嘅燉湯, 內裏夾雜咗d好似中藥嘅香味, 正!

但滷水豬肉就麻麻哋啦, 因為炆得實在太老啦, 好鞋口呀!

而且呢間好多泰國人食, 我哋夜晚12am行過, 店內都坐滿人,

而且呢間店開到2am! 如果住附近就可以嚟宵夜啦! 
每人消費: 約50泰銖 (早餐)
評分: 味道3   服務3   環境3   衛生3   抵食4
  0 個留言    |  加入你的留言
此遊記的留言
加入留言
如要加入留言, 請先登入