聖誕節當日我哋就去左徐州最出名的旅遊景點<雲龍山>。我哋由屋企坐到雲龍山索道都只係20元人仔，三個人坐的士總好過坐巴士la~
索道門票單程￥30，由於當日並非國內假期，所以很少遊人，我們買完票後已可以立即登車，當日氣溫最暖只有-2度，所以坐上沒有玻璃蓋著的吊車都係真幾凍，加上北風迎面吹來，令到吊車不停搖晃，我都坐到成尊佛咁，唔敢亂動!!!
好不容易到了山頂，但對於有畏高症的我，這短短的10分鐘車程真係有d攞我命，而且無玻璃蓋著的吊車好似有d牙煙!!!!
下了車已經到了山頂，到處亂逛，見到一個叫同心台的地方，很多人將一把把鎖鎖在那條大鐵鍊上，象徵永結同心; 接著我哋就上了觀景台，嗰度係雲龍山最高既地方，氣溫比山下更凍，雖然著了羽絨，但都凍得要死，但觀景台望出去係廣濶既雲龍湖及徐州市既景色，真係好靚，雖然凍但都係值得的。
由於太凍，我哋都係不宜久留。下山有兩種方法:
1. 當然係步行LA
2. 坐滑兜 (記得細個時跟家人係桂林坐過滑兜，好鬼快，好唔安全咁，今次選擇步行)
其實由山頂下山都只係需要半小時，沿途綠樹林蔭，仲會經過一些景點，所以選擇行落山是正確既!
大約步行了10分鐘，離開了最凍的山頂，對手終於有番知覺，之前係凍到僵硬了!!
到達另一個景點:
放鶴亭：放鶴亭為宋神宗元豐年間張天驥所建。張天驥自號雲龍山人，又稱張山人。他在山上建一亭，並養兩隻仙鶴，隱居山中。蘇軾在徐州任太守之時，與張天驥結為好友，並寫了一篇膾炙人口的《放鶴亭記》，現已立碑置於放鶴亭南側。
之後再行多15分鐘，已經到了山腳，由於又凍又肚餓，又係時候醫肚喇!
而且當時已經1點左右，要快快去食LUNCH (徐州市既菜館大部份都會係下午2點鐘休息，再遲D去午飯都無得食架!!)
遊記數目 
上載相片 
上載影片 
2013-02-07
