今次book左呢間酒店係響海雲台的 上年也是住海雲台 因為呢個沙灘真係好靚 又不在市區 比較寧靜。 在agoda上留了言給酒店說了今次是我倆的"honeymoon" 在check-in的時侯 經理特意出來為我們送上一支紅酒 真係好sweet! (前一晚在首爾的5星級酒店咩都無...) 

至於房間 無諗過咁大咁靚 好整潔 成晚都訓得好好!  而且離地鐵站好近 只係得幾分鐘就到.

唯一一個缺點係酒店同一D酒吧,KTV Share同一部lift, 所以晚上出去有時會遇到滿身酒氣的醉客...
下次也許會再住呢間酒店 

今天行程:
1. 海雲台市場-(午餐) 辣魚湯套餐
2. 海雲台水族館  
3. 冬柏島附近碼頭 釣魚活動    
4. (晚餐) 燒海燒餐  
5. (宵夜) 炭燒牛肉大餐

上年的X'mas也是在釜山渡過的 今年能再踏上此地 實在係十分高興! 
往酒店放低行李後 立刻出去搵食. 去了這個位於海雲台的市場 其寊就好似一個街市咁 入面有好多野賣 有一半係餐館 一半係賣泡菜 賣水果的. 喜歡食韓國士多啤梨的可在這里買回酒店吃哦~ 呢度最有特色既係食盲鰻的 係細細條貌似鰻魚的魚 餐館會用鐵板炒 可加飯炒  幾惹味的! 不過今次我地就無食了 呢個市場仲有好多間賣蟹的餐館 不過我地第2日會去"機張蟹市"食長腳蟹 所以無食 而且呢度都會較貴. 今次選了這間吃辣魚套餐的店 包括: 魚生片拌飯+燒秋刀魚+辣魚湯  一人份大約HK$70  本來都覺得幾抵 但係呢個魚生我地食到有好多幼既骨 食左幾堍就唔想食了. 

*補充2張晚上回到這個市場食左街頭串魚旦補暖既相片*
 

今天行程: 
1. 海雲台市場-(午餐) 辣魚湯套餐 
2. 海雲台水族館  
3. 冬柏島附近碼頭 釣魚活動    
4. (晚餐) 燒海燒餐   
5. (宵夜) 炭燒牛肉大餐

1樓到地下3樓面積約4,000餘坪, 是國內最大海洋水族館，其中地下1樓是體驗館，主題餐廳，休息室和紀念品店，地下2、3樓則是各種不同的水族館。

最壯觀既係有個大型鯊魚的海底隧道。另外, 鯊魚和各種魚群的景象也非常壯觀。 水深7公尺的珊瑚礁館都幾多野睇
還有熱帶雨林生態館, 水獺館, 企鵝館, 水母館, 深海生物館  大約可留2小時 期間好多當地學生團 有點迫

今天行程: 
1. 海雲台市場-(午餐) 辣魚湯套餐 
2. 海雲台水族館 
3. 冬柏島附近碼頭 釣魚活動 
4. (晚餐) 燒海燒餐
5. (宵夜) 炭燒牛肉大餐 

呢間係必食既海鮮燒烤店 !!  小妹強烈
推介!!!  記得上年去食 係小妹人生第1次食到入口清甜無比既海鮮 今年再食 依然新鮮都不得了!真係好甜!!! 首先你可在店外買一D海鮮 我地買了大仙貝 蜆 帶子 店員會幫你手燒的如果你唔識 佢地會用一個鍚子碗放下烤網上 里面放了一些汁醬 蒜 亦有牛油. 所以D海鮮行別香!

我們每餐必叫白飯  另外今次的前菜有甜到不得了既車厘茄 仲有新鮮蝦仔  我地encore左3次 哈哈哈!! 好味 有機會必定要去哦!

*點解要叫 蠟筆小新海鮮燒烤店?? 因為呢間店既外牆畫左好多小新公仔() 好易搵嫁咋~ 

價錢方面 精打細算既我今次覺得幾抵 因為海鮮向來都貴 但呢間野既海鮮既新鮮 又唔係特別貴 成餐都係差唔多HK$200 唔收加一 唔收小費 去邊度搵?