台北去了多次，所以不想再只去台北，所以今次決定去其他地方，其中有朋友說宜蘭的民宿好正，於是我和老婆就起錨，去宜蘭住民宿，又去十分(因為去了兩次九份)，最後仍要返台北，買手信，住一d新潮的酒店!!!!

第一日，坐港龍八點的機，去到桃園機場都十點幾，桃園機場真係唔惦，又細又靜，似內陸機場多過似國際機場，最差就只可以坐巴士去台北，我們坐左國光號，幾殘的巴士，但只有幾個人坐!!!!要成個鐘有多先去到台北車站，到台北車站已十二點幾，我們不肚餓，所以沒有在台北食飯，立刻去台北車站轉乘葛瑪蘭車往宜蘭的羅東，現在因為開左雪山隧道，以前台北去宜蘭要三個鐘，宜家只要一個鐘多d!!!葛瑪蘭車又平又快又新!!!去到羅車只係兩點，就在羅東夜市食飯!
第一時間去找義豐蔥油餅，一個字---正!!!!
然後，就去食卜鴨肉羹--- 一般!!!!
再去紅糟魷魚 --- 特別，但味道又是一般!!!!
最後，食紅豆湯圓(因為在紅糟魷魚對面!) ---- 紅豆加湯圓加冰 --- 幾特別!

食完後，就去坐的士由羅東去冬山的芯園民宿，芯園民宿是我們這次最期望的地點，因為在網上睇好正，去到就------同網上一樣!!! 好正，成間城堡一樣，我們book左間國王城堡，間房成千幾二千呎，仲有個花園，間房的decorate到好似城堡一樣，正!!!!!
我們之後的下午就在房內影相，而且更去另一間更大的皇后城堡影相(因為冇人book)，皇后城堡是四人家庭房，所以更大有二千多呎!!!!
近黃昏時候，我們就去行冬山河畔，好relax!!!
晚上就在芯園內食燭光晚餐，好romantic!!!