今期實在太多人去台北, 所以酒店都勁爆, 本想試自己上網book, 但無奈試過問四五間都已經full晒, 唯有同旅行社訂package, 交左9間酒店名單, 結果到第8個選擇~四季酒店(classic seasons)才有房. 其實網上對此酒店comment不錯, 但缺點是地點不算太就腳, 往來捷運站都要乘taxi或步行20分鐘左右, 酒店都有專車出捷運站, 但只是1小時一班, 要就o岩時間才可以~

總括來說, 若不介意地點, 在台北飯店來說, 這間也算ok的~ 若那些熱門飯店爆左, 也可以參考這間呢!

到了四季酒店, check-in及放下行李, 便坐酒店shuttle bus出中山捷運站去淡水了. 本想先到中山站吃這間有名米朗琪咖啡館吃下午茶, 誰知起碼廿人在門口等位, 難道星期四他們不用上班嗎???? 唯有放棄吧!

不知吃什麼好了, 慳時間, 還是先出發到淡水吧, 第一件事當然去買悠遊卡, 相比東京, 坐台北捷運簡值easy job呢! 半小時左右已到達淡水站啦!

一出淡水捷運站見到兩間Donut鋪, 選了試Mister Donut, 超肚餓, 不過也只買了兩件來試, 免得太飽吃不到其他東東嘛!

一件係楓糖donut, 另一件係焦糖朱古力donut, 焦糖那個真的很好味, 意外地不算太甜, 本來打算之後幾天再買來吃, 誰知我倆每次都忘記了,

很後悔, 很想吃呀! 波提獅子很可愛, 可惜要儲夠印仔才能換到呢!

去到淡水, 當然要睇埋個日落先至走啦! 這裡日落真的太捧了~

本來Plan左去埋紅毛城及坐渡輪去八里/漁人碼頭,  無奈掛住食同埋影淡水個日落, 結果都唔夠時間再去了.

若下次再去, 應該先坐車直接去紅毛城先, 去埋八里及漁人碼頭, 才再走回淡水老街看日落及食野, 因為從淡水捷運站沿住老街行, 中途又被美食所吸引, 會浪費較多時間呢!

我地得兩個人, 雖然好餓, 但每樣買少少都幾漏, 我覺得鹽酥菇最好味.  我地又買左薑母茶做手信及自飲, 老板娘好nice, 她話這個對女人m痛最有療效, (薑母茶令我不其然想去"命中注定我愛你"的薑王爺, 嘻嘻~)

但我覺得最想係冬天晚上好凍好凍時, 飲完一杯暖笠笠才上床睡覺最正, 我地即場試飲, 味道真的很不錯~

繼光雞都ok, 不過我覺得香港的大雞大好味d, 另外墨魚燒比我想像中無咁好味, 超大杯, 食完勁漏, 還是愛吃荃灣佳記的炸魷魚鬚多d, 烤鳥蛋普通, 不算特別~

這裡也有一間"乾杯"分店, 是食烤肉及飲野的, 我知道它不是因旅遊書的介紹, 是因為"敗犬女王"這套台戲, 嘻嘻...

跟住我們就回程返台北站, 原本行程是去劍潭站看摩天輪及士林夜市, 但我們二人都覺得當天有點滯, 不能再吃了, 結果改了去台北站書局街看書, 10點半間間書店都關門, 我們雙腳也痛不能再行, 想吃點東西才回酒店, 但附近街都好靜, 沒有什麼鋪頭開門, 唯有幫趁吉野家, 浪費了一餐的quota了, 怱怱吃完便坐的士回酒店休息了, 因為真的太累!