今日既收獲絕對係意料之外! 話說出發前無乜做功課, 黎到 Chur 都唔知有乜好玩, 琴晚落車果時我地係火連站個遊客中心拎左d 地圖同小冊紙, 咁岩又見酒店後邊有架登山鑬車咪上去睇下law,
又咁岩有特價, 每人用左12CHF 就出發上山!



上到山上之後就不 得了喇, D 景色真係正到無得彈, 我地邊影相邊行落山, 而呢度D 天氣亦相當舒服, 凍凍地行山真係very good

行到接近山腳見有間 餐廳就入去睇下有乜食, 呢間野係無menu 既, 基本上我估你up 得出我估士頭婆都整到比你食果隻 (當然瑞士人黎黎去去其實唔係食腸就係食包…再唔係就cheese). 我地係度食左個腸+沙律餐, 兩個人來埋食左23CHR


Chur 火車站

行到落山腳都已經成 15:00, 之後我地就坐火車出發去聖莫里茲.

聖 莫里茲係一個滑雪/渡假聖地, 呢度名店臨立, 好似LV/Gucci, Rolex 等等, 淨係行街都有排行.

可惜十月份有唔少登山鑬車同景點都唔開, 可能因為淡季既關係人客亦都唔多, 我地check in 後出左去行街行超市, 之後就好早返左去酒店休息喇.

今晚我地住既 Hauser Swiss Quality Hotel

行山途中見肚餓就入左黎醫肚, 見度門口燒腸仔咁香梗係要試試啦!

呢間野無餐牌, 我地入到去問老板娘佢講到乜都有得食咁, (當然係講緊瑞士人食黎食去既腸仔, 包, 沙律, 蛋糕等等), 最後我地食左個腸包餐, 本來驚食唔哂唔敢叫沙律, 但老闆娘係都叫我地食, 最多比少D 我地, 就係咁我地食左一餐非常地道既私房菜 , 唯一既敗北之處就係我再次唔識食咁叫左支水(有汔果D, 勁難飲 )

係咁既環境開餐真係好寫意亦都充滿鄉土人情, 可惜係我唔鐘意飲啤酒, 如果唔係一定同隔離枱啤啤佢