話咁快就到左蘇黎士機場, 基本上先進同方便情度同香港機場無乜分別, 路 牌指示清晰. 入境後第一時間去左火連站activate 左張swiss pass 先, 之後係間麪包鋪買左個無餡包, dry 到不得了但果度d 人 似乎好鐘意食.


我地第一站就坐火車去左聖加侖, 呢度係個遊客區, 地方唔大,主 要係行下街shopping 下同睇教堂. 我地係火車站用左8chf 黎 租locker 放低兩件大行李就開始週圍行喇

聖加侖其實好細, 行兩個小時左右就行曬火車站附近既景點喇.

之後下一站我地會出發去搵海迪~

由聖加侖 去Maienfeld 梅恩菲爾德大約要1.5 小時, 梅 恩菲爾德其實係一個非常小既村落, 火車站無Locker 唔在講,連 售票處都無. 我地一人一個gip 都唔知點行, 又見落住雨所以都係 火車站四處行下就算.

睇到地圖後, 比較近火車站既景點係海迪商店, 心諗就算 去唔成d 景點(去搵海迪既景點有兩條路, 一條1.5hr, 一條4.5hr), 去買小小記念品都好, 點知去到發現原來海迪都係5天工作….

失望而回既我地又拖住兩個gip 落返火車站, 去全瑞士最古老既城市chur 克 爾出發.

Chur 克爾

一落車即刻飛身到酒店Check in.  之後我地出去行街街同搵地方醫肚, 果度d 商 店通常17:30 就關門, 有心行街就早小小出門口喇, 夜晚淨係得d pub 同餐廳開門, 無得shopping, 超市就係收18:30 or19:30 ga ja, 呢方便大家要留意喇

本來我地去本旅行書 既推介餐廳, 點知搵左好耐發現full booking 左, 之後 就求其去左一間, 不過menu 無英文, 有個待應就每一樣野都用英 文講返係乜黎,  不過係佢講完之後我都唔記得左有d 乜食喇.    

最後點 左一個通粉, 一個set din , 要注意係瑞士餐廳叫水飲等於比支有氣水黎, 又難飲(飲唔慣又貴), 呢餐消費約63CHF, 食 完飯後慢慢行返酒店就完成旅程既第一天

出發前係booking.com 上面搵, 中等價錢, 離火車站都唔算太遠(不過下次再拖咁大個gip 就一定會book 間再近d 既...)

本來係網上booking 既時候話唔知有個乜野river view 既房, 去到之後發現係對住條街 後來再睇返booking detail 原來自已搞錯左, 不過服務員又好好咁照唔數我錢upgrade 左我間房wor, 最後就比左一個套房我地(唔鬼記得左影相)


入面設備唔算得上係新(間野都應該有幾十年歷史), 算係不過不失咁啦, 有wifi 供應, 你問服務員拎個password 就得ga la~