我地一早食完好好味的早餐，就起程去Mallaig!!!!我地去嗰度係因為想去一個叫skye的島，由於lee度係scotland 好北的地方，天氣會愈來愈凍，可惜我地低估左d天氣，所真係好凍。我地搭左好耐車，之後就係Armadale度搭船入去，我地爭d miss左間船，因為scotland的英文係有佢地好重的鄉音，所以我地爭d錯過左上船的時間，我地係開船前的兩三分鐘好狼狽gum拎晒d野衝上去船度，好彩趕得切，因為船的班次好疏，一日得兩班船，我地嗰班係三點幾，下一班就要六點幾至七點，之後就無船。隻船係可以比d車駛入去ga!

我地落左船就要諗下點去間hostel，因為我地係上網睇佢個地址，唔太知道點去，所以就拎住個地址去問人，我地問左個阿叔，因為scotland的英文真係好難聽得明，所以我地三個女仔都用左個好迷茫的樣望住佢，可能佢見我地唔係好明gum，所以佢就拎左佢部電話出黎幫我地打去間hostel度，雖然係打唔通，不過我地都好多謝佢。最後佢叫我地行前少少去一個類似旅遊咨詢中心的地方問。個人都好nice，仲介紹我地去邊度食野，不過可惜個地方要搭成兩個鐘車去，所以我地都無去度。最後，佢叫我地係度等巴士。雖然，我地有諗過行路去，好似只係行五個字至半個鐘，不過個人話個天氣可能會落雨，而且個地下都係泥濘路，所以最後都係等巴士(個巴士站其實好簡陋，有一塊牌同一個有瓦遮頭的地方仔)，個人話等巴士要等成半個鐘........過左一陣，有個好nice的阿叔揸住間車黎問我地去便，我話左個地址比佢聽，佢就叫我地上車，佢車我地去~所以我地就搭左人生第一次的順風車!好彩有車住，因為原來個巴士站距離間hostel都有一大段路，仲要係泥濘路，如果拎埋個行李箱都幾難行，真係要多謝叔叔，令我地覺得小島的人真係好nice!!!