蜜月第一頓揀去這間連鎖式扒房, 除了因為分店眾多, 地點便利, 更重要是甜品menu超級吸引!! (詳見: hippopotamus.fr/menu/pdf/desserts.pdf)

同老公到達巴黎戴高樂機場後, 搭機場巴士到達Opera. 行了不久就見到Hippopotamus Opera店, 當時仲好興奮~
 
當時是巴黎時間7點左右, 天仍然光, 未到當地人晚飯時間, 店內人不多. 黑人侍應也是懶懶的, 但也逐一送上不脆的薯片小吃, 唔暖唔香的麵包, 以及英文版餐單.

老公要了一份牛扒(€16), 明明叫左medium但過烤火了, 幸而肉質唔差.

我的甜品就好失望了, 首先心太軟(€6.2)唔濃又唔流; 菠蘿他他(€5.7)好唔新鮮, 鍾意菠蘿的老公都食唔哂; 最好的, 是冇得失手的3球Ben & Jerry's的雪糕(€4.9)..

本來仲以為會在巴黎食多一餐, 試它更多甜品. 但今次食完當然打消念頭, 兼馬上埋單走人; 價錢比預期中平, 原來服務費同VAT (附加稅) 已包括在menu價格上, 咁又好D.

歐洲第一餐雖以失望收場, 但蜜月尾站再訪巴黎的5天4晚, 就搵到好多非常得的餐廳, 容後介紹!  

同老公食完hippo, 都差唔多係時間到酒店休息, 因第二朝要趕好早的火車呢~

乘搭巴黎又亂又臭的地鐵去Gare de Lyon, 由於該站是個metro, RER同火車交匯的大站, 我地用左好多時間先搵到出口... 幸而間holiday酒店幾近火車, 行左約莫5分鐘就見到個logo~

再行多100米, 咦, 外牆仲裝修緊?!? 所有住客都必須從大堂側門進入酒店, 難怪以不足€100的特惠價, 都可以訂到旺區牌子酒店, 不過房價未包括自助早餐, 要享用就要每人€16~

慶幸是房間樓底高, 空間感足, 裝潢美觀又寬落, 加上特大連浴缸的洗手間, 我同老公都很滿意, 一夜睡得安穩又舒適~ 酒店還奉送一些小點心及果汁, 成為翌日趕車的我們的早點!

是次經歷幾抵住, 但相信裝修完畢, 酒店一定不止如此收費.