今朝六點半酒店出發，展開水上市場之旅。個水上市場叫Damnoen Saduak，位於曼谷市西南方，要由市中心搭VAN仔，大約一個半小時就去到。去到後要轉坐長尾船，先至到個市場。到左個市場，我地6個人就坐一架船遊覽喇。

遊左大約半個小時就埋岸喇，我地食左碗粉同雪糕後，又要上車去第二個景點，就係大象園。個到無咩特別，你可以騎大象，但係好貴，結果我地無人騎。

遊覽完大象園後，又車我地我去睇蛇，入場費好似係幾十蚊，一場嚟度，就當見識下囉。

由於我地係join half day local tour原故，我地兩點已經返到酒店喇。休息一會後，我地坐的去唐人街食lunch。行行下見到有一間叫阿趙魚翅嘅小館，就選擇左入去試喇。

之後向前行去林珍香，唱錢同買左D手信。由於豐收關係，我地再坐的返酒店，放低D野後又坐的去Sum Lum Night Bazzar。去到當然又大買特買啦，最後晌個 Bazzar 露天food court到食晚餐，之後就返酒店Z...Z...Z...