是日國泰早機0835飛去我既家鄉(幻想中) - 台北
全晚囉囉'loon'訓唔著, 話晒咁大個女第一次自己出國旅行喎
其實已經係第二次去台灣~ 所以好快就攪掂晒入境既手續~
今次學人申請左個寶貝機~ (慳得就慳嘛~ 話晒都送 nt$200俾我講電話~hehe)
拎埋寶貝機就搭國光入台北市~ 兩次黎台灣都係住新驛旅店~
10個讚 連對台灣無好感既同事見到我 d飯店既相後都大讚好
哈哈~ 放低行李係 lobby後就出發去一o的上次旅程無完成既地方
「自由廣場」 自己一個同唔到佢合照真係可惜~
不過個到真係好舒服好大風仲好陽光普照
由於太肚餓既關係就去左西門町既''爭鮮'',
會揀佢既原因係 ----> ntd$30一碟
同香港既價錢差唔多, 但又唔會新鮮過香港
純粹為左咩都試下~ 食飽飽就係附近行下
點知紅樓無開, 失策! 唯有係西門町附近消費消費刺激下經濟
買左 d護膚品,染髮劑,護髮素等等番飯店
(仲去左買每日都要食既阿宗麵線)
拎到房後就當然擺好 d野休息下先啦~
點不知過左陣聽到外面落大雨
唔係掛! 未到雨季就咁黎玩我?
仲諗住殺去夜市, 只好將所有行程取消, 乖乖留係飯店 'facebook'
6點幾7點忍唔住冒雨去師大搵我最鍾意食既 '藍帶豬pa'
又一個點不知. ... 間鋪竟然裝修!!!!!!!
真係激鬼死! 行晒成個師大夜市都搵唔岩野食
失望而回飯店, 係隔離間便利店買左冷麵上房食~~~
因為第二朝約左一些香港人,所以11點多便睡了。