建興酒家 (曼谷, National Stadium)

逛完瞿道瞿, 回酒店與團友會合再沖個涼, 就行去食晚飯

剛下了一場雨, 好彩一出門就冇雨了, 由酒店行去呢間餐館都唔近, 行行吓都成差唔多半個鐘, 不過唔打的係因為啲人成日話啲司機會車咗另一間'冒牌貨', email訂枱時餐館都有提醒, 仲俾埋地圖, 所以都係行過嚟算lu

嚟到發現: 好多香港人

兩個人叫咗魚露生蝦, 咖哩炒蟹&蠔仔炒蛋, 味道不錯, 不過生蝦只算合格, 最正係炒蟹個汁, 用嚟送飯超正~

食飽就沿路行番酒店休息. 

樣樣好有水準, 係個冬陰公湯辣左小小, 環境同service都幾好, 三個人食左1200baht, 都抵食

從National Stadium站 MBK那邊的出口向前直行，對面路會見到 Siam @ Siam 酒店再直行至再見到 Tesco Lotus 超市的大十字路口，沿路左轉直行。至第2個路口轉入即見....

睇落好似好易行....但其實都要行成 15mins.............

由我發板點菜~~~~~~~~

我緊係飲椰青啦...搵曬成個餐牌都冇........只係見到 Coconut.......唯有搏一搏啦...又比我搏到....keekee~~~

肥妹飲果個好似係芒果冰~~

椰青清甜可口~~~不俗不俗~~

第一味: 生蝦!! 十分新鮮; 肉質彈牙~ 我同肥妹都覺得係依幾日最好食的生蝦~

第二味: 咖哩炒蟹~ 只恨不太辣.........

第三味: 冬陰公!! 好味~~ 加左好多蝦入去煮! 鮮; 酸; 辣 集一身!!

第四味: 生燒螄蚶~ 不是人人也欣賞; 但我就好 Enjoy 喇~

第五味: 蠔仔煎蛋~~ 落足料; 蠔仔多過蛋; 個辣醬夠辣~

第六味: 炸蟹棗~~ 裡面全部係真蟹肉!! 絕對唔係炸蟹柳!! 點小小蜜糖~正~~!!

第七味: 酸辣魷魚~~ 如其名; 個汁酸酸辣辣; 與冬陰公有既生瑜 何生亮之感!

第八味: 燒烏頭! D 肉滑到呢.......................

第九味: 大蝦粉絲~~ 之前唔明點解泰國d粉絲可以咁好味; 原來放左好多肥豬肉條落去炒的!

六個人; 九個餸~~ 都係2000B; HKD500 都唔洗.....咩世界............