Bangkok Sky Restaurant (曼谷, Ratchadamri)

平時係自由行, 但是次帶小朋友去泰國, 所以跟旅行團會方便D, 但估唔到落機第一餐,
就食一餐要自費, 仲要好難食, 又唔衛生嘅洒店自助餐!! 

導遊話呢間餐廳好出名, 喺泰國唔知咩野比賽, 佢個"冬蔭功湯"攞過咩獎!

又有海鲜, 大頭蝦, 泰式美食, 壽司, 沙律, 甜品呀等等...... , 而且環境好靚, 頂層仲係自轉睇風景,

餐廳喺全泰國最高大廈度, 風景一望無際, 價錢唔貴, 跟團先有得平D食喎( 泰銖700 ),

平時當地人BOOK要泰銖840 , 好值得一去呀, 帶小朋友食好D, 見識吓吖嘛!

(**話7-11歲小朋友係泰銖500, 但身高多過120CM, 係要計成人囉!)

都算啦, 出去玩, 如果係好食嘅真係無所謂, 結果一家大細自費去食, 係換嚟一肚氣!

首先酒店陳舊都算, 去到坐底, 冷氣真係好唔夠, 咁唯有當佢哋係環保國家, 所以冷氣開得較細。

跟全出去攞野食, 竟然發現10隻碟內 有一半以上嘅碟都係唔乾淨嘅, 仲有食物漬喺度!

食物選擇又小, 熱食係D炸魚蛋, 炸雲吞, 春卷, 咖哩雞呀菜式幾款咁!

海鲜亦係只有幾款, 烚蝦, 青口, 大頭蝦( 但係用蒸籠收埋, 無放出嚟俾人睇到嘅!),

全部海鲜都一路都steam住, 熟過龍啦!

另外就有泰式炒河, 泰式湯粉!

甜品就係幾款泰式糕點 & ice-cream, 不過係見到都無咩食慾咁啦!

全程就真係只有冬蔭功湯叫可以入口, 真係俾人感到賣豬仔囉!

又話係洒店餐廳, 其實係自己行出去其他嘅街邊舖, 都好過佢好多好多倍!

**重點係, 呢間應該係專做旅行團嘅餐廳, 因為全程3小時內, 不斷有旅行團入嚟食吖!**