すし源本店 Tsukiji Sushigen Headquarters (東京, 秋葉原 / 外神田)

大型商場入面未必有好傳統o既裝潢, 但可以有傳統o既師傅.
大型商場o既餐廳都未必好貴, 而且質素都唔錯.

係秋葉原行左成日, 之前係 UDX 排魂 Nation 果陣已經留意到有好多食肆, 所以夜晚就係度搞掂. 日文餐牌完全睇唔明, 侍應 d 英文都唔掂, 不過有英文餐牌.

點左吞拿魚壽司, 火炙壽司. 吞拿魚壽司有大拖羅, 中拖羅, 同平時食開果 d 吞拿魚. 大拖羅, 中拖羅都幾好, 脂肪夠, 食落好有魚油味. 火炙壽司好有水準, 唔會完全燒熟, 只係燒到表面熱熱地, 咬落重好新鮮. 不過海膽就麻麻, 香港成日都食到果 d 級數, 唔太新鮮.

最後加左個燒洋蔥......未試過o甘樣食洋蔥, 成個燒熟, 外皮燶晒, 但入面就好淋, 好有水份......不過差唔多 $50 食個洋蔥, 試一次算啦...