今日係旅程的第七天.

由於天氣不是太好, 我哋留係梅田行街.
梅田有幾個很大的 SHOPPING MALL, 包括DEPT STORE 阪神, 阪急百貨.
仲有HEP FIVE, 阪急三番街.

食街包括新梅田食道街 (近 NEW HANYU HOTEL, 即大阪站), 有好多細細間食店.

** 11/07/10 要搭09:40 Firefly飛返檳城, 一早07:00落去Coffee Shop吃早餐, 嘩!個天仲落緊大雨, 但天空已出現橙色+白色+少少藍, 原來就快日出, 真係靚到爆......真係有少少唔捨得Langkawi.......

其實Awana個早餐都唔錯, 幾豐富, 仲可以一路睇日出, 一路食早餐; 今日要離開Langkawi, 所以在機場還番部車給tour agent, 部日產七人車用咗4日, 性能都唔錯, 冷氣又夠凍, 車身幾新淨, RM400/4日, 真係幾抵, 好過坐的士; 另亦要讚吓內陸機Firefly, 它是馬航子公司, 去程機票是$0+行政費+機場稅=HK$81, 回程機票是RM20+行政費+機場稅=HK$131, 仲包每人20kg行李, 來回只須HK$212/人, 抵過坐巴士上廣州, 咪睇佢機身細細, 坐落都幾舒服, 雖然是坐半小時機, 空姐都有派果汁, 相比Air Asia, 咩嘢都同你計, Firefly就大方得多了......

10:15準時到達檳城, 每位Firefly的乘客都可坐一程免費巴士到喬治市, 401 或401E 都可到喬治市, 在光大中心 (Komtar)下車, 其實光大距離所住的龍城酒店好近, 但由於有大小行李, 所以甘願比白牌呃, RM$10 兩個街口就到龍城酒店.....

午餐在光大中心的George Town White Coffee, 我們3個共吃了RM$34.5, 好吃價錢合理, 起碼有冷氣......

在Cititel check in 後, 小休一陣, 就乘101巴士去峇丁都海灘, 車費每人RM$2.7 (HK$6.8), 檳城的巴士是分段收費, 乘客上車話比司機知去哪裡, 比錢比票, 逐個計, 所以效率很慢, 不過巴士班次都算密,好多車如204, Shuttle Free Cat ......

一小時後, 約19:00到達峇丁都, 其實一D都冇諗過會玩水上活動, 比個阿差講吓講吓,就氹咗去玩水上活動, 仲可以一路玩一路看日落及彩虹, 大家都好開心......

20:00, 就行去美食攤檔睇吓有咩嘢食, 行完一個圈, 決定喺呢度醫肚, 食物種類很多, 最好味是燒雞翼和Pizza, 而且仲encore多次, 我們仲差不多每檔都有order, 有鐵板炒麪, 沙嗲串燒, 湯麪, 鐵板燒魚等等, 好似食Buffet咁, 成張枱都係食物和果汁, 仲可以一Q清枱, 7個人一共食咗RM250左右, 真係大食啊!


***12/7/2010, 今天睡得不好, 床太小, 就落街走走; George Town周圍都是古蹟, 很多建築物都是戰前的, 後來走了入Campbell, 找到多春茶座, 一個綠色的攤檔, 人頭湧湧, 很多老街坊在吃早餐, 我order 了一杯涷美錄和咖央多士, 又平又好味

約11:00, 由酒店出發去E&O Hotel, 原本打算去E&O 食lunch Buffet, 但最後都是決定留番D錢食地道嘢, 其實E&O嘅lunch Buffet不算很貴, RM55+10%, 在一間5星英式大酒店享受一個lunch, 當然不錯....

去完E&O 影相, 就到附近的古蹟走走, 去到Penang Museum, 班細路已經唔想再行, 只走入去涼冷氣, 我就走進去參觀一吓, 只須RM1, 好抵呀, 裡面D文物展覽都唔錯, 想認識多D檳城, 入去就最好不過; 為咗班細路, 為有不再行路, 坐Free Cat Shuttle, 鍾意去邊度就在邊度落車....

下午太陽好猛, 班細路話要番酒店休息, 我就去了對面的張弼士故居, 即藍屋參觀, 下午3:00有導賞團, RM12入場費, 有位上了年紀的女士負責講解, 全用英語; 其實全間屋與國內的大宅差不多, 甚至乎國內的清暉園, 詹園, 餘陰山房等等都比它更宏偉, 可能是展覽品很少有關,

藍屋隔離有間朱古力店, 鞱鞱也曾介紹, 而對面有間幾有特色的國泰酒店, 好似話當年李小龍曾在此拍戲, 而隔離亦有間手信店, 打算明天來睇睇有咩嘢買....

返到酒店, 班小朋友話要去打保齡, 酒店reception姐姐教佢哋點樣去, 其實都幾難找, 冇招牌, 由Cititel 行去係好近, 就在E&O隔離,要行到去間建築物近樓梯處, 才有招牌話2樓有得打保齡; 去到剛是4:45pm, 其中一局是RM3, 5:00後RM3.5, 租鞋RM1, 嘩, 非常抵打, 仲平過國內, 我哋就在此消磨咗兩個半鐘, 然後才去新關仔角掃街......

在George Town 坐101巴士, 在Gurney Drive落車, 過咗馬路, 見到麥記, 隔離空地便是新關仔角, 在這裡吃了幾個攤檔的食物, 豬腸粉, 炒棵條, 有鑊氣, 但材料唔及George Town White Coffee, 菊花茶, 冇味道, 喇沙, ok嘅, 其餘的食物都冇甚特別出色, 價錢都不算便宜, 只是平峇丁都攤檔少少, 但質素差好遠.......

食完嘢就到Gurney Drive Plaza 走走

到豐原看看老同學，然後在廟東小吃開開胃，下午再去鹿港逛逛、大吃四方。

對於香港來說，在台灣吃東西應該是樣樣都扺食吧！只是我還是用台灣的標準去判斷扺不扺食。

今年生日.....

這兩天也去了沖繩的中部, 繼續藍天, 真的感謝主

很多人物去沖繩也是自駕遊。我不懂駕駛, 但對我來說一點問題也沒有, 因為我不怕迷路, 不介意等巴士。

等巴士也可以是一個樂趣, 很多時我想休息一下, 又不知道巴士什麼時候來, 就坐在地上等, 看看藍天, 也看看地圖。迷路也可以是一個驚喜, 有次我太sleepy, 上了一架去地鐵站(monorail)的巴士後就睡了, 醒來不知是什麼地方, 然後下車, 之後去了附近的mall行了一會, 那是我沒有planned的! 最後問了人怎樣回monorail就沒有問題了。還有一次等了半小時巴士, 有位婆婆也一起等, 她跟我閒談了一兩句, 這也是自駕遊沒有的。

坐巴士, 為了ensure巴士可去到我要去的地方, 每次我也先問站長, 他們十分之有禮貌, 十個讚!

坐巴士要一個多小時, 巴士沒有想像中的舒適, 冷氣不足, 而且坐到北部要百多元! 不過也沒有辦法, 因為單軌電車(monorail)只在南部行走。說南部的時候才詳說單軌電車吧, 因為我很喜歡它呢!

過了整個星期的愉快假期，今天要離開上海這個"Home away from Home"，返自己屋企喇！起牀後吃了陸師博太太做的餃子，九時正陸師博己上到來接我們出機塲，途中停了在一辦館買「上海老酒」。十時多便到了機塲。離開十二時半的起飛時間還有差不多兩小時，慢慢check-in、到處逛逛、最後衝刺再添些手信...咦！點解唔見咗張credit card 嘅？！哎喲...一定係咋晚吃飯找數時忘了拿回，只好立刻報失，好彩冇俾人簽過，一額汗
回到香港一落機第一件事就是book腳底按摩，因為行足咁多日對腳有啲腫，一定要舒緩吓。Oh! 差點忘了介紹老碼頭這地方，現再補上

上海真是一個不錯的城市，這次盡興後必定重遊！上海: We will be back