6月14日(星期四..Day 10)~依日要離開蘇梅lu
7點幾起身..梳洗完~收拾好行李..先再出去食早餐
hea到8:45am就check out~9點有專車送我地去機場
~~~~~~
星期四回程得一班早機~我地由蘇梅 > 香港(PG805..11:30am)
仲有好多時間可以係機場hea~依班機回程都full晒
3個鐘多少少..15:45我地就返到香港lu
"泰南十天(三島遊)之旅"..亦正式完滿結束

6月13日(星期三..Day 9)~依早7點半起身^^
出去食完早餐..hea到差不多9點幾先出去walk下
聽日準備走啦~所以依日要再去買手信+用品返香港
上次去"阿公阿婆石"~見店舖好多椰子用品+手信賣
上次因為時間關係~最尾一日無買到~所以今次舊地重遊
我講左一定要去買呢^^
~~~~~~
睇完石又買晒手信+用品~walk返酒店放底d野
hea到11點幾先出去Fisherman's Village食lunch
Fisherman's Village既牌坊靚左好多~不過無左舊有風味
泊好架車..我地順住行左一轉~先再去食飯
午餐揀去"Starfish And Coffee"
~~~~~~
食完lunch順路回程四圍貢下~下午超爆曬
我話真係頂唔順..唔想再曬啦~所以即刻揸車返酒店
wow..返到酒店即刻要梳洗(超舒服)~hea住各有各自由活動
睇下電影..睇完我仲有時間瞓返陣添~係房避暑4個幾鐘(爽)
見差不多準備日落黃昏~出車去Nathon影日落
~~~~~~
係Nathon影完日落~就揸車返Lamai Beach還車先~還完再去食晚餐
最後一晚係蘇梅~老闆話要食好d喎
加上無車呢..我話不如近近地去返"Sabeinglae Restaurant"
反正坐得又舒服~食物又好味~同埋最緊要有海鮮食ma
所以還完車..walk返20mins去餐廳
食完飯就行返酒店~梳洗+hea住收拾一部份行李
之後睇埋National Geographic教狗節目..就瞓lu

6月12日(星期二..Day 8)~依朝7點就起身lu
去旅行..我地都真係慣早起身~雖然我會比另一半瞓晏d
但晏之中..其實又算好早~但相對享受旅程既時間就多左
梳洗完出去食早餐~hea到9點..揸車出發去做Spa
~~~~~~
做完沿途經過Bophut Market~諗住入去貢下有咩岩食
(屬於local街市及熟食檔)行完我地就走lu~唔打算係道食野
沿途繼續再搵野食~見有個local檔好乾淨..所以停車食碗湯粉
食完湯粉..又出發去超市shopping上貨
買完回程再去view point食鮮椰子雪糕(30B)
~~~~~~
返酒店放底d野~順便hea到黃昏時段..無咁熱先再出發
旁晚活動範圍會係Lamai區..我地先去"Lamai Market"
再去Lamai Town行街+食晚飯~食完四圍再閒逛一陣~就揸車返酒店lu

6月11日(星期一..Day 7)~依朝8點幾起身lu
連續咁多日既旅程都瞓得超好~食完早餐..準備出發是日行程
依日會出車去搵Spa house~出發前其實已經鎖定左幾間
所以依早會先去睇下環境+價錢先
~~~~~~
出發搵完spa house~另一行程係去超市shopping
見岩就會買定d先~費事等最後一日先趕住買
中午經過view point~見有雪糕食..就停低休息一下
下午去遊車河+換錢(個rate以同日既找換店比較..以western union為最高)
~~~~~~
3點幾見肚餓~我地遊到去Bophut碼頭區..對面食local麵
天氣超爆熱..下午返酒店游水消暑
hea到將近黃昏時段~我地先再出發去超市shopping+食晚餐
依晚揀左去Bophut區既"My Friend Restaurant"
回程中途去Chewang Street~做個foot massage(200B/人)
之後就揸車返酒店~飲下啤酒睇電視+休息呢^^

6月10日(星期日..Day 6)~最後半日係Koh Tao既行程^^
下午我地會坐船返Koh Samui~繼續餘下"5日4夜之旅"
依朝7點幾起身~食完早餐..再去Ao Leak玩浮潛
所以換好泳裝..就出發lu~玩到10點左右..就返resort
梳洗完+收拾好行李~再出town還車~跟住就去食lunch
告別Koh Tao最後一餐~揀左去"Cafe Del Sol"食Pizza^^
~~~~~~
1點鐘係resort check out~2點由專車送我地出碼頭
係碼頭check in完~反正3點鐘先開船~我地放低行李
再walk返入town行下+飲個椰青~2點半返碼頭等上船
船期準時3點開出~同樣..中途站會係Koh Phangan上落客
~~~~~~
6點多..由酒店出發去租車~係Lamai Beach租完車~我地出發去Nathon食地道晚餐
食完就揸車返酒店lu(來回車程都40km)~攪掂梳洗完..11點多就瞓呢^^

6月9日(星期六..Day 5)~食完早餐..又出發環島遊~依日去既地方好多泥路
後尾有d路段~多碎石+太崎嶇~為免有意外發生
寧願叫另一半搵個地方泊低架車~大家徙步去沙灘區
用左唔少時間..徒步去到Tanote Bay
沙灘都OK靚~所以返RESORT換泳裝再出發去游水
~~~~~~
徒步行返出去攞車~之後揸車出去準備食lunch
中午係"Yang Restaurant"食完lunch
我地就先返resort休息一陣~換好泳裝..就揸車出去沙灘游水
終於去左另一個近d既沙灘位置.."Ao Leak"
起碼唔駛泊低架車~又再徒步行好大段路..先游到水
玩到3點左右~就揸車返resort..再去泳池游水呢^^
~~~~~~
hea玩左陣~返房梳洗+洗衫~差不多黃昏..再出動去Sairee Beach睇日落
飲完happy hour..8點多就出發去"Tukta Thai Food"食飯
食完揸車返resort..梳洗+等睇波~點知我睇到半場頂唔順瞓著左lu^^

6月8日(Happy Friday..Day 4)~依朝7點幾起身lu
今次分別揀既resort+酒店~張床都好好瞓..房間又好舒服
梳洗完..我地就出去餐廳食早餐~依2日resort入住率超低
數過..應該不出十個客人~所以早餐既buffet bar都無開
但有專人整蛋+pancake~而bread bar/生果/茶水都會有供應呢
~~~~~~
食完早餐..是日出發環島遊
walk到去town~我地租架車先
以24小時計~我地連租2日(共300B~我地唔會留passport..另收deposit 5000B)
出發前..知道Koh Tao好多泥路~所以租左架菠蘿軚既電單車
~~~~~~
接下來既天氣都超爆曬~環島遊要做足防曬措施
依日除左環島遊~仲會特意搵靚沙灘..打算去游水
上午無岩心水沙灘~所以返出town食lunch
食完lunch再出發環島遊~下午遊左去"Jansom Bay"~視察下沙灘既環境
依日除左車行~用腳都走左好多路
但唔係心水想要既沙灘~所以最終決定打道回府返resort游水
~~~~~~
係town買左件pancake~返resort邊涼冷氣邊食
食完hea陣就換衫落泳池游水~超正..一個人都無可以包池
玩完hea夠..5點幾出發去睇日落
欣賞完日落
我地由Dusit Buncha Resort返出Sairee Village食晚餐
食完飯返resort放低d野~之後就出去夜遊車河
不過好多地方無街燈~石屎路都可以摸行行駛
小路or泥路就唔會再入囉~遊到10點幾就返resort休息lu

6月7日(星期四..Day 3)~依日行程會去"Nangyuan Island"
前一日其實出去town搵過taxi boat~不過信唔過d街外人
所以都係返resort~叫職員代安排taxi boat接送服務呢
原本約好9點半..送我地去"南幽島"~回程就4點半鐘
不過食完早餐見咁早~所以叫職員提早少少送我地過去
佢話咁岩有2個客過去~問介唔介意一齊or想私人包船過
我話無所謂..所以join埋一齊出發~出發前船伕同我地講
下午會好大浪~最好2點左右回程..另一半又話想玩耐d
不過我都唔想太晏走..於是決定改4點囉
~~~~~~
不過玩到1點幾..開始頂唔順~因為真係超勁巨風
玩完水再上沙灘吹風~吹到超凍..直頭手指都開始發痺
著埋浮潛保暖衣都唔掂~所以去餐廳食野保暖
~~~~~~
食到半路開始落雨~好似打風咁橫風橫雨..加上又極級凍
已經唔想再落水玩~同埋仲要等多2個鐘..船伕先黎(help!!)
陸陸續續..見tours都分批有船黎接走~但..係最無奈既時候
突然露出曙光(al..le..lu..ya)~船伕2點半跑黎餐廳搵我地啊(好感動..超感恩)
見佢都凍到係咁騰騰震~不過佢話因為太大風浪
taxi boat黎唔到~最終要坐Lomprayah大船(Koh Tao/Nangyuan > Samui)
我地係Koh Tao落~船程大約10分鐘左右..不過依短短10分鐘
船上勁多外國人嘔~因為真係超快超登~同埋撞浪得好緊要
所以前幾篇講過..感恩揀坐Seatran Discovery係正確選擇^^
~~~~~~
下午3點多..由Nangyuan返Koh Tao
返到resort第一時間即刻沖個超熱水涼保暖~免得一陣冷親
梳洗完..瞓返個晏覺~依覺真係好好瞓..仲完全無轉過身^^
6點半左右起身lu~walk出去食飯
食到10點幾就走啦~再買d啤酒返resort睇住電視hea飲~11點多就瞓呢^^

6月6日(星期三..Day 2)~食完早餐~walk去Lamai Beach換錢..不過11點先開
剛好仲有成個鐘~所以去做個thai massage先
做完飲埋杯熱薑茶(舒服晒)~換埋錢就walk返酒店
(HK$1 : 3.96-3.98B)(酒店 > Lamai Beach徒步大約20mins..來回40mins)
收拾好行李check out~準備出發"Koh Tao - 5日4夜陽光之旅"
~~~~~~
依日約好專車12:30pm黎Mercure接我地~早左15mins到
30分鐘車程去到~司機幫手搬行李上check in counter
上落船需要自己拎行李~船上職員會指導安放位置
而行李都有目的地既色帶記認~船期準時13:30開出
海中心超勁大浪~船拋得好高..仲驚險見過傾斜45度角
其間會有職員昅住d乘客..隨時準備派嘔吐袋
~~~~~~
3點多終於到達Koh Tao~由落船步上碼頭既一刻~場面真係好墟冚
所有Resort既職員..圍住整個碼頭既木橋出口
邊舉住客人名單既木牌~不停叫喊自己Resort名
陸陸續續所有旅客~好快搵到所屬既resort職員迎接
我地間Resort..一共接左6人~齊齊返Resort呢^^
~~~~~~
welcome drink + check in手續
攪掂晒..就出去食野啦~超肚餓!!
食完野..係Mae Haad Town閒逛~之後返resort換泳衣游水
依2日resort既入住率好低~我地次次都包池游水
~~~~~~
hea到8點幾~就walk去Sairee Beach行下
順便搵間食店飲野+小吃晚餐~沙灘區好多食店
間間都好有情調+氣氛好好呢
食到10點幾就走啦~返酒店再hea飲+休息lu^^