共找到 266 篇遊記， 正顯示第 11 至 20 篇遊記
|
 共61篇遊記
|  今天的心情真的大上大落. 早上0500,心情全是慌張,因怕有任何意外. 早上0800,心情也同一樣慌張,因很怕錯過了任何一班飛機. 早上11:00,飛機到達Auckland這一刻,我的心情才能平伏下來. 晚上8:00,帶著依依不捨的心情準備到機場 晚上11:00,笑中有淚地回顧過去地上機及熱切期待將會降落在香港國際機場這一刻
不能有任何錯失,只有不段祈禱  2014-01-26由心情恐慌變成今日氣溫天晴  2014-01-26我的午餐,再來一打生蠔 2014-01-2610多年之後,我和Wendy姐姐在紐西蘭重聚 2014-01-26 會等我心足了飛夠了 再下降 2014-01-26 0 個留言
| 加入你的留言 |
共6篇遊記
| Day 6 & 7 & 8: A two-day tour to Waitomo, Taupo and Rotorua, packed with joy and laughter Taupo 2014-01-25 Taupo係一個十分值得去嘅地方，所以我地就決定參加一個2日1夜嘅短線tour，去呢個地方走一走，仲認識咗三位來自菲律賓，正喺澳洲讀大學嘅新朋友，一齊玩、一齊癲。朝早起身嘅第一站當然係去醫肚！WOW！好味到不得了嘅早餐，一睇就知有幾正啦！  沿途俾我地遇到幾隻好神氣嘅草泥馬，梗係要落去同佢地影下相啦！  第一站，我地去探下紐西蘭嘅國鳥 – KIWI BIRD。佢地夜間出沒，所以一般唔容易見到架！  呢啲就係喇！不過只係仿真品，因為場管唔希望影響到佢地嘅生活，所以入面唔可以影相，未能夠將佢地最真實嘅一面帶俾大家﹝抱歉﹞。不過仿真品都可以睇到小小特徵。佢地俾我地喺香港見到嘅雞大隻小小，睇落去冇手又冇翼，跳下跳下咁去搵嘢食，從後面睇埋去仲好似真係一個奇異果咁架！毛茸茸！  第二站我地去左Waitomo Cave睇螢火蟲，由於都係唔俾影相，所以只好用官方嘅圖片等大家有個概念。事實上，當你置身於漆黑一片嘅洞穴入面，成千上萬嘅螢火蟲就會令你覺得自己去咗外太空睇星星咁，好平靜，好優雅。  好！靜態完畢又係動態嘅時刻喇！第一站係去玩Jetboat！坐喺一架飛快嘅船上面衝呀衝！急速衝刺、拋上拋落、水上飄移真係乜都齊，頭搖又尾擺，成個身濕晒，好彩佢借出嘅防水衣都真係幾防水。   玩完之後，真係頭都甩，熱晒身準備紐西蘭終極大挑戰… 評分:
值得去5
Taupo 2014-01-25 就係佢喇！Cliff Hanger！  呢個真係好好玩，大推介，你淨係睇個景就已經值回票價啦。咁到底Cliff Hanger係乜東東呢？  就係咁，我地好舒適咁坐喺一個千秋煩嘅物體上面，「1，2，3」，跟住工作人員就鬆開千秋上面連接著吊臂嘅鎖扣，然後你就會好似bungy jump咁free fall幾秒，跟住就fing出去，好似玩緊超級無敵大千秋咁fing黎fing去，fing完佢就慢慢拉返你下去。好好玩架，冇bungy jump咁驚又小啲離心力，係一家大細、老少咸宜嘅新奇小玩意…講下咋，都有啲驚架，但真係好好玩。  玩完一大輪之後，梗係要同新朋友同導遊先生一齊食餐好嘢，交流下人生經驗啦！我地去咗一間當地嘅小酒吧食晚餐，雖然啲食物等咗好耐先上枱，但真係十分有水準。Barbecue ribs大大份，啲汁香濃到不得了，如果可以送白飯一定食幾多碗都掂，個Fish and chips又係正到爆，用啤酒炸嘅非常入味，魚本身又夠新鮮，大大舊、啖啖肉，真的很一流！ 評分:
值得去5
Pure Luxury! 2014-01-25 食完之後，就返去我地喺Taupo嘅住宿。可能係我地住過所有地方最充滿愛同溫馨嘅一個地方。呢間係一個河邊嘅BnB，屋主係一對好幽默、健談、有善同鐘意去旅行嘅年長夫婦。佢地屋企環境非常乾淨、企理，仲有一個小型地熱式水池，俾我地好好舒緩。仲記得我地入住嘅時候，佢地咁啱喺電影睇緊一場好緊張、好重要嘅Rugby比賽，仲邀請我地同佢地一齊睇埋最尾幾分鐘。我當然唔知發生咩事，但男朋友話我聽佢地支持嗰一隊剛剛險勝，令到佢地好開心，仲覺得我地好腳頭。我從這對夫婦的表現中看到了紐西蘭人對Rugby嘅熱情同執著，好熱血啊！  ﹝伸懶腰﹞喺一間咁舒適嘅BnB住，仲要浸晒溫泉咁，梗係瞓得好好啦！一起身，由房望出去就係呢個靚景，真係住一世都願呀。  Good morning!  嘩！好正嘅homemade早餐呀！  全部都係女主人Pat一手一腳準備架！  呢個真係不得了，自家製muffin，好味到極點，極點到我地食完之後厚顏無恥地問佢地拎左四個喺路上繼續食，嘩哈哈！  登登登櫈，佢地就係屋主Russ同Pat喇！﹝右面嗰兩位﹞﹝雖然我都好希望係左面嗰兩位然後去招呼客人…﹞ 評分:
設備5
服務5
環境5
衛生5
抵住5 Rotorua 2014-01-25 繼續參觀、遊覽！第一站，Huka Fall！  喺嗰到除咗可以見到啲水好急速咁衝呀衝，仲因為佢地夠澎湃所以有宏偉嘅聲效，雙料娛樂。  跟住就急急腳咁衝去睇噴泉。等呀等，等呀等…  爆發喇！噴到最高嘅時候真係有成十幾二十米高，壯觀非常。   你睇下，仲整左條彩虹出黎添！  睇完噴泉，又急急腳咁去下一站 – Wai-O-Tapu lakes，呢個地熱公園十分有名，四周圍都煙霧瀰漫，好似仙境一樣，而整個公園最有名嘅就係呢個香檳湖，湖水係綠色的，但湖岸就係橙色的，等我都走埋入鏡映襯一下先！  除咗有不同嘅特色湖之外，地熱公園附近仲有一個泥漿湖，呢個泥漿湖係可以細心欣賞的，因為呢個湖係處於沸騰狀態的，所以間中就會好似左下角咁噴一 “pat”泥出黎，好好睇，哈。 評分:
值得去4
Rotorua 2014-01-25 下一站，我地黎到Whakarewarewa村，個名係唔係好長呢，讀出黎仲有小小似粗口架，因為 “Wh”係發 “Ph”音的哈哈。如果你都有興趣去下一啲毛利人村落參觀，有件事情要留意的。一般呢啲村落大分兩種，一種就係真係有毛利人喺嗰到生活的，感覺會純樸一點；而另一種就係特別興建嘅旅遊景點，冇人真係住嗰到的，只係扮下嘢，但就會光鮮啲。而我地揀嘅呢條就係真係有毛利人住喺入面的。  正式參觀之前，我地就已經可以享受到一餐傳統嘅Hangi料理午餐，特別之處係所有食物都係用地熱黎烹調的，所以別有一番風味。例如肉類餡料會比較鬆軟、多汁，而呢餐嘅甜品都係用地熱蒸架 – 朱古力布丁！   呢個就係傳說中嘅地熱蒸籠喇！  至於粟米，就係用呢個湖黎烚熟架喇！  毛利人係戰鬥民族，以保衛家國。由呢一啲雕刻我地可以留意到一啲特點，例如佢地傳統會將戰鬥嘅事蹟以紋身方式紋喺面上。而佢地亦會以可怕嘅面部表情嚇怕敵人。張對眼睜到大一大，條脷伸到長一長，又真係幾可怕。  走之前，我地仲可以去欣賞幾位族人表演民族舞，然後…  以最嚇人嘅表情來張合照！ 評分:
值得去5
Rotorua 2014-01-25Pure Luxury! 2014-01-25 我地呢晚又揀咗另一間BnB住，位於奧克蘭嘅市中心。摩登嘅設計同擺設，加上一個小露台，簡直就係都市人嘅夢想家園。時候不早了，晚安。  呢一間BnB好似每一個角落都係精心設計一樣，無論喺色調、配搭、空間感、實用性等等層面都有投放心思，如果我有這樣的一間屋，然後攪BnB，人生就完滿了。   淨係睇下個廚房就已經就殺死人，簡直就是愛煮食朋友的天堂。   為我地準備早餐嘅就係女屋主Sandra。   等左咁耐，終於等到佢喇！！呢一間BnB叫Bella，咁到底Bella是誰呢？未就係佢囉！佢好攪笑，任人玩架！黑媽媽一舊咁，個頭啲毛又好似老公公嘅鬍鬚咁，笑死人喇！尋晚見唔到佢幾擔心，好彩今朝可以同佢social下先走啫，成個旅途完滿喇YEAH！ 評分:
設備5
服務5
環境5
衛生5
抵住5 1 個留言
| 加入你的留言 |
共6篇遊記
| Day 5: Matakana Farmer's Market + Sheep World Market Love! 2014-01-25 雖然尋晚食得好飽，攬住個肚咁瞓，不過今朝一早就起咗身喇！星期六嘅早上，我地去咗同Auckland Bridge合照，佢靚啲定青馬大橋靚啲呢？話時話，點解我記得係星期六？一陣話你知啦！  我地第一站去咗一個bee farm，睇咗蜜糖嘅製作同埋買咗啲Manuka honey做嘅產品，其中一樣係蜜糖酒，好甜好好味。  黎到喇！我想黎呢到好耐架喇，點解我知道今日係星期六？因為呢個Matakana Market係淨係星期六先開架咋！呢個Market好地道，係俾啲本地人一家大細放假黎呢到買下嘢食、傾下偈消遣一下。好，等我地入去睇下有乜東東先！  首先黎一份水牛漢堡先！  然後有青口、鮑魚煎餅，好味到我地食完再食。  除左熱食攤位，仲有好多小商戶，我地一路行一路試食，既幸福又充實。  係一片和諧當中，仲有佢地，一隊令整個市集充滿生氣嘅樂隊，你睇下連啲小朋友都睇到津津有味。  最後，黎到紐西蘭當然少不了新鮮嘅生蠔，仲要好低食，港幣八蚊就有一隻喇！ 評分:
值得去5
Market Love! 2014-01-25Mary Had a Little Lamb! 2014-01-25 去完市集之後就去另一個地方喇，去邊？睇下呢舊粉紅色毛茸茸嘅嘢你估唔估到呢？就係Sheep Farm喇！呢隻粉紅羊好出名架，俾人染紅咗黎吸引遊客。唔知佢啲朋友叫佢染咗髮然後唔同佢玩呢？  呢樣羊真係笑死人！佢個咀係咁咬下咬下好似食緊香口膠咁，又望住個太陽好似好享受咁，仲要有個咁可愛嘅笑容，冇得頂！  Sheep Farm表演一：牧羊犬 – 牧羊犬真係好乖好精叻，又聽話，好幫到主人手，話咁快就將山上面嘅羊趕返晒入個羊棚到喇。  Sheep Farm表演二：剃羊毛 – 師傅手法好純熟，三兩下手勢就幫隻羊仔剝光豬喇，爽晒！  最後佢地俾我地抱下羊仔同餵佢地飲奶，好想帶佢地返香港呀！ 評分:
值得去4
Wine Tasting 2014-01-25Sunset! 2014-01-25 0 個留言
| 加入你的留言 |
共6篇遊記
| Day 4: Hobbiton
Hobbiton 2014-01-25 今日可以話係成個紐西蘭之旅入面最「魔幻」嘅一日，點解咁講？因為我地今日要去「魔戒」同埋「哈比人」系列電影嘅拍攝場地參觀。唔講唔知呀，導演並唔係隨隨便便，是但揀個地方就開拍，而係坐住直昇機喺紐西蘭上空飛黎飛去，最後精選出黎嘅一塊福地。  先黎個全景先，大大小小哈比人嘅屋企就喺我地後面喇！事不宜遲，快啲去參觀先！  考一考大家先，你睇下呢一張相，到底入面有邊一樣嘢係假嘅呢？3…2…1…開估！  就係欄杆上面嗰啲青苔喇！原來佢地係用木屑、油漆同乳酪而混合而成架！係唔係好真先？  好似去睇示範單位咁，一間又一間嘅哈比屋，但好奇怪，導遊哥哥都冇打開過門俾我地入去。終於，去到一間藍色門嘅哈比屋，導遊哥哥話：「唔想幻想破滅嘅就閉上眼睛喇！」芝麻開門！冇嘢嘅？！原來電影入面嘅屋內環境全部都喺電影片場拍架！  認唔認得呢道綠色嘅門呢？冇錯喇！呢間就係電影主角Frodo嘅屋企，係唯一一間有啲啲咁多多嘅屋內裝修，但係都唔俾遊客入架﹝無謂打擾Frodo嘅生活丫，係咪？﹞  又有Behind the scene小知識喇！為咗令到某啲角色好似Gandalf咁睇落高大啲，製作團隊特別製造咗一啲小欄杆，令啲角色拍埋去嘅時候會變得高大、威猛、有型、神氣、﹝下刪一萬字﹞  平時行完示範單位之後一般都會請你飲杯咖啡啦，呢到又點會例外呢？行完之後，我地去咗鼎鼎大名嘅Green Dragon，嘆杯嘢飲，感受下哈比人嘅生活。 評分:
值得去4
Chef's Table! 2014-01-25 行咗成日，晏就又冇時間去食好嘢，夜晚就梗係要食餐勁架啦！事實上，我出發之前已經一直期待呢一餐嘅來臨架喇！我地今晚黎到一間攞獎嘅餐廳 – SidArt！老闆知道我地遠道而來，仲俾我地兩丁友book平時要四個人先可以book嘅Chef’s Table，可以一邊食，一邊睇啲廚師好似變魔術咁準備食物，上菜時大廚仲會黎同我介紹啲食物架！   開胃麵包同啲黑松露雖然好好味，但我要忍係唔可以refill，要留肚食好嘢！食物呢家嘢事實上就算有相片加上無窮無盡嘅介紹都未必能夠真正道出佢地喺你口入面發放威力時帶俾你嘅嗰種驚喜同魅力，等我略略介紹下啦，有機會記住要親身去品嚐呀！ 頭盤係﹝一口﹞鯖魚刺身 跟住有綠豆雪芭清一清味蕾 跟住有一盤假扮植物但係有二十樣食材混為一體嘅小食 之後有蝦，加上菊芋同好多新奇有趣嘅食材 跟住有甜菜根加豬肉片 再有軟殼蟹評分:
味道5
服務5
環境5
衛生5
抵食4 Chef's Table! 2014-01-25 0 個留言
| 加入你的留言 |
共6篇遊記
| Day 3: Zookeeper for a Day + Seafood Cooking Class
尋日咁激烈，今日我地就take it easy, 去下Auckland Zoo 啦！不過唔係睇動物咁簡單喎！而係做一日動物管理員呀！
我地兩個動物癡當初見倒依個活動真係雙眼發光！因為世界冇幾個zoo會有咁嘅package!通常頂盡俾你同一款動物接觸下影下相就算~但依個package認真地俾大家落手落腳做一日動物管理員嘅工作，去zoo嘅幕後地方了解唔同zoo area嘅運作，當然唔少得同動物接觸啦！但絕無做show成份㗎！
Bird, Tortoise, Wallaby, Emu, Seal! 2014-01-25Chimpanzee, Lunch, tamarin 2014-01-25 依個係老友記大猩猩Janie嘅屋企！因為佢年紀唔細，所以要不時訓練佢嘅觸覚靈敏，等佢保持身心健康~於是我地將佢嘅小食收埋，然後等佢返屋企搵食！  Janie真係好叻女！好快就搵倒我地收入麻包袋裏面嘅一罐yogurt! 望見佢嘅一擧一動真係同人不無兩樣！而佢同zookeeper更加可以話係有傾有講！原全明白大家！感情深厚！  餵完咁多動物朋友仔，係時候餵下自己啦！zookeeper 帶我地去zoo restaurant 入面，任選一款meat pie同side dish, 加drinks 同香蕉，全部都係package包的~不是甚麼特別嘢，但此刻我地完全對食物無要求，因為巴不得快啲食完去會下半場嘅動物朋友啦！  食飽後第一站去了一個不是很開胃的地方，就係動物們嘅食物庫啦！佢個凍櫃同超市嗰啲真係好大分別...有原隻急凍老鼠,白兔頭，血雪條等等~全部都係猛獸們的零食！大開眼界~  跟手又入到去另一個廚房，zookeeper一手搬出一個充滿cricket嘅箱，然後徒手拎咗一打出嚟話俾我地餵之後嘅動物喎！我心諗死啦要我拎住依啲跳跳扎嘅昆蟲我頂唔順㗎喎！但又表面裝作鎮定~原來食家係依啲細細隻髮型十分潮嘅tamarin! Zookeeper 叫我捉住一隻cricket進貢俾馬騮仔，我尖叫住咁隊隻昆蟲埋去，都未尖叫完馬騮仔已經好似食薯片咁將隻cricket 分屍了，然後chap chap聲咁大快朵頤...我頓時感到生命嘅脆弱，同食物鏈嘅力量...  同大象仔散步~  輪到今日highlight: 深入虎穴！要放歺俾老虎大哥真不易！首先zookeeper 要叫佢地返入展區後嘅籠，然後關閳等佢地出唔倒去~跟住我地從後門經過佢地嘅籠入去展區（每次同佢地相目交投都個心寒一寒）。入到佢地屋企都唔係放得塊肉就算！要將塊肉周圍high 一high,訓練佢地嘅嗅覺，然後放一啲高難度嘅位，等佢地可以多啲郁動嘛！等我地任務完成，安全出返去後（記住鎖門！）。佢地就放虎哥出嚟開歺啦！虎大哥左聞聞右聞聞，好快就搵到大歺啦！  再小會多幾種動物後，我地一日嘅「工作」（其實是阻頭阻勢啦）終於完成啦！ 依一日真係見識大增！學到超多保育知識！啟發良多！可能有人會認為每人NZ$500 嘅keeper for a day package好貴~但係咁寶貴嘅經驗，我認為是無價的！(其實去海洋公園親親小海豚都要$700啦~） 評分:
值得去5
Seafood Cooking Class 2014-01-25 0 個留言
| 加入你的留言 |
共6篇遊記
| Day 2: Canyoning @ The Valley of God
今朝晨光早就起咗身啦！因為我地要去Coromendel 附近進行刺激嘅Canyoning 活動！
Canyoning 即係溪降運動(在懸崖處沿瀑布下降的一種新型運動)~ 聽落都有點兒怕怕，不過其實我地其實唔係最怕高怕跌親，而係最怕凍死！因為當日溫度得七度，啲水一定好似冰河世紀咁凍啦！鬼個叫我地貪剌激...唯有頂硬上啦！
Bring on the waterfalls! 2014-01-25 我地都咗Thames同兩位猛男教練Russ 同Wayne 會合之後，就向Valley of the Sleeping God進發啦！今日又係得我地一個booking,所以又係private tour~ Russ 同Wayne除咗有型又大隻之外，仲非常友善，不斷同我地講解整個流程，又幫我地打點裝備。  原來Canyoning開始前我地要行45分鐘嘅上山路，大家都背住一堆物資同裝備，都頻考體能的~不過一路行一路閒談我地好快就到山頂嘅起點啦！  著齊裝備架撐ready to go!佢地提供嘅wetsuit 都ok 保暖的，由頭包到落腳很有安全感~很有趣的是我地pat pat有塊保護𥱊~唔洗怕啲石刮傷個八月十五啦！ 哈哈我頭頂上嘅go pro camera 搞到我好似天缐得得B  去到第一個waterfall 旁邊Russ就同我地試範同俾我地練習游繩嘅操作~趴街了幾次之後好快都掌握了技巧~  就算真係手腳唔協調都唔緊要~因為Wayne每次都會喺瀑布底拉住條繩，包保唔會有「衣郁」~ 不過講係咁講，人在邊緣時都咪話唔驚！啱啱學完啲step全部bye bye唔記得哂！好彩Russ十分鎮定地step by step guide 住我地~我終於在依嘩鬼叫中完成第一個descend!  跟住我地在亢奮嘅狀態下再征服了好幾個瀑布~其實感覺真係十分奇紗！因為一方面周圍環境靚到天仙咁！好令人心曠神怡~但另一方面又做啲令臔上線素狂升嘅危險動作，個腦真係有啲load唔倒發生緊咩事~  依過可以話係全程最驚險嘅位！我去到中間俾啲水打到隻鞋都甩埋，好彩Wayne將我同鞋拯救出來！  正當我地有點兒力有不遞的感覺時，lunch time就到啦！怇地好細心地準備咗三文治，熱飲同朱古力~雖然不是甚麼美食，但係處身於咁靚嘅大自然中，食乜都津津有味啦！ 評分:
值得去5
Cliff jumping, water slides and ziplining 2014-01-25 Lunch後我地再征服多N個大小瀑布~途中仲有zip lining 位！啱哂我依啲體能的人，就咁坐喺度sir過去~  唔好以為一味淨係用游繩爬瀑布呀~去到中段一個10米高嘅cliff 呀Russ很氣定神閒地叫我地跳落去啦！好彩我地有笨豬跳嘅經驗，最後扭擰咗一陣都豁出去一躍而下了~好爽呀！   下一個玩意係天然water slide!好彩pat pat有做足保護措施!  去到尾段，我地依啲成市人真係得番半條人命!  不過面上仍然掛著四萬的笑容，因為成功感爆燈！   返回車時，驚覚Wayne已經說時遲那兒快地煮好香噴噴嘅熱狗等我地！仲已經upload唒啲video同埋相俾我地欣賞！真係服務一流！ 評分:
值得去5
0 個留言
| 加入你的留言 |
共6篇遊記
| 我和男友都患有「多元旅遊渴求精神分裂症」，即係去旅行嘅時後，一秒就跳跳扎想搵刺激嘢玩到癲，下一秒就想洗滌心靈同大自然天人合一。要滿足我地咁貪心嘅要求，紐西蘭簡直係完美嘅選擇！之不過我地望往日歷短短嗰八日假，有點欲哭無淚嘅感覚。最後經過一輪掙扎，我地唯有忍痛將南島暫時收起，全力進攻北島！ 我地一朝早七點幾就到達奧克蘭啦！一落機個肚就咕咕叫~搭咗十幾個鐘頭飛機，係時候食返啲好嘢醒醒神啦！所以我一早就為肚仔安排咗第一樣活動：Auckland Food Tour!!!! 我地join嘅food tour 叫 Big Foody Food Tour~ 其實都係由老板娘Elly 一手一腳run 嘅one woman show~ 啱吖！夠哂親切~一啲都唔commercial~ 一出機場閳口就見倒好nice 嘅Elly嚟迎接我地！當日得我地一班客，所以可以完全私有化嗰tour !嘩哈哈！雖然十幾個鐘冇梳洗超樣衰咁，但係唔理得咁多，搵食要緊！於是Elly就車我地去第一個食點啦！ Dulce May Cafe, Bakery and Market 2014-01-25 Elly知我地周居勞動完精神晃怱咁，就帶我地去咗Auckland 一間當地local界好出名嘅Dulce May Cafe~依間樸素嘅cafe係由一位甜品高手婆婆同佢個孫開嘅~見到入面佈滿當地人，一個好似我地依啲條頸掛住支大炮嘅tourist都冇，就知夠哂地道啦！  Elly十分大老細地叫我地隨便點嘢食，我地一方面有點怕羞費事咁狼死，一方面又知之後仲有好多個食點，於是就扮含蓄咁各點了一杯咖啡同一件cake~嘩佢啲咖啡真係不得了！超級香醇！  啲cake又係心機之作！味道調得啱啱好！唔會太甜太酸！超讚！ Kick start完個人，Elly又拉咗我地過格離一間bakery~見到門口大大隻字寫住Auckland's Best Bakery,應該唔惹少~原來老板係酵母專家！每朝都會根據當日嘅濕度同其他環境因素調節食譜，所以做出嚟嘅飽全部都外脆內鬆軟！我地shamelessly咁試食完，Elly都堅持買左兩個sausage roll俾我地帶走~ :-p 下一站係一個逢星期一同三先出現嘅market~當地人都會一星期兩次去搜購最新鮮嘅蔬果！  Elly介紹咗好多新奇形狀嘅生果同蔬菜俾我地識~  例如依啲超迷你嘅蘋果仔，就係專為小學生lunch box而硏製的！ 當然唔少得紐西蘭代表金奇異果啦！評分:
味道5
服務4
環境4
衛生5
抵食3 Sabato 2014-01-25 第三站我地去咗一間𣿬集世界各地優質食材嘅鋪頭叫Sabato~  由於小女平時都有下廚同烘培嘅習慣，所以有如小朋友入去糖果店一樣興奮！ 此時我地已經放棄了所有「經」持，掃盪式咁試食哂所有chutney呀, dipping sauce呀等等~甚至連頂級煙三文魚都可以任試！ Elly 仲叫老板開咗支lemoncello 同請我地食新鮮從milk farm運到牛奶味十足嘅yogurt!最後，因為行李位置有限，只係忍手買咗三支New Zealand wasabi (同日本wasabi完全唔同㗎！配三文魚一流）同埋vanilla essence~ 但係Elly話其實佢絕對可以提供郵遞服務的！評分:
味道5
服務5
環境5
衛生5
抵食4 Mount Eden 2014-01-25Auckland Seafood Market 2014-01-25 跟住我地就向food tour最後一站進發啦：Auckland Seafood Market!  依個全紐西蘭最大嘅魚市場一星期交易成噸噸聲嘅海鮮㗎！  跟手我地就去𥄫埋向公眾開放嘅魚市場~  有趣嘅係seafood market入面仲有一個wine tasting嘅地方，叫Big Picture Wine~ 我地先入去一間叫Aroma Room嘅房入面了解wine making有關嘅氣味~每一支好酒喺釀製過程中都會有一組屬於佢嘅芳香，而依間房入面就有得試聞哂依啲通常會喺紅酒度出現嘅香氣啦~  打通完嗅覺之後，我地就入去睇戲啦！睇咩戲？當然係介紹紅酒嘅片啦！條片帶我地走勻紐西蘭上上下下五個出名嘅酒莊，由莊主解紹佢地酒嘅獨特之處，我地就一路聽一路品嘗佢地嘅出品~我又情不自禁地幫襯咗一支！ 飲到少少tipsy,又係時候填肚啦！我地一出到嚟，就見到Elly為我地準備咗嘅午餐！見倒依碟咁豐富嘅seafood platter,真係開心到暈！咪以為咁多炸嘢都唔慌新鮮~其實款款都用料上乘，鮮味無比！仲有配埋一大盤邪惡嘅薯條，簡直人生一樂也！ 同Elly一路食一路傾，話咁快就到2點啦~要同Elly講bye bye lu~臨走前Elly仲介紹咗幾間熱門餐廳俾我地添！評分:
味道5
服務5
環境5
衛生5
抵食5 One Tree Hill, Mission Bay, Parnell 2014-01-25 之後我地兩個就去會合我地另一位local guide: Milestone Tours 嘅Ewald 啦~好多人去紐西蘭都會選擇自駕遊，不過如果好似我地咁唔識揸車又唔想跟團嘅話，可以hire一位當地地膽充當driver 加local guide, 咁就可以想去邊就去邊啦！ Ewald 車我地去繼續遊Auckland City~  首先去咗One Tree Hill~  沿途見到周山都係羊咩咩！我地都超興奮咁衝落車諗住一親香澤~ 小綿羊真係可愛到不得了！  City Tour嘅下一站我地去咗Mission Bay, 喺迷人嘅海灘遠眺Sky Tower~    我地仲踩埋過去Parnell, 一個充滿性格小店嘅潮區！不過原來好多舖頭5點倒就關門~所以shopping趁早啦！  雖然The night is still young, 但我地心口嘅能量燈已經眨眨下了~於是我地提早返歸啦~我地住Rendezvous Grand Hotel~非常舒適的Business hotel~ 我地九秒二六就撻上床了~因為明天有一項艱辛嘅活動等住我地呀！ 評分:
值得去5
0 個留言
| 加入你的留言 |
共32篇遊記
| 31.01.2012 向世界步走 Kaipipi Bay 2014-01-25向世界步走 Kaipipi Bay 2014-01-25Deep Bay 紫藍色小青口 2014-01-25活捉 -最近南極的青口,鮑魚 2014-01-25活捉 -最近南極的青口,鮑魚 2014-01-25Crayfish 2014-01-25Crayfish 2014-01-25 0 個留言
| 加入你的留言 |
共14篇遊記
| |
共14篇遊記
| |
