共找到 164 篇遊記， 正顯示第 111 至 120 篇遊記
|
 共5篇遊記
|  Day 3 (19/6/2010) – 購買手信 / 數碼港 / 水上清真寺 / 狄臣港度假村 行程的第三天，早上全部時間大多集中參觀不同的店舖，方便選購地道的產品，分別有無糖白咖啡，錫手工藝品及朱古力店。最緊要買亞蘇麻油... 今日的午餐就安排吃肉骨茶，話說這間店舖連特首也曾經到過，因為牆上有他們的照片。整體餸菜皆微調以適合香港人口味，肉骨茶的藥材味不太濃，店員的服務十分細心，甚至講解味道的問題，是因收到很多遊客的意見及反映，所以作出改善；話雖如此，肉骨茶不是地道風味，我們都叫店員把肉骨茶潻了又潻。 午飯後便到著名的數碼港，果然是一個祟尚環保，綠化及經過規劃的新城市環境；再向前往便到水上清真寺，旅行團訂了13:00觀光船，全程約25分鐘。由於是中午時分，陽光非常猛烈，但在一個人工美及平靜的布達拉湖上，沿途有海風吹送，真把酷熱的天氣忘記了！ 約16:00便抵達狄臣港度假村，一個很有Resort的感覺度假村，還擁有一個長長沙灘看日落，玩厭了度假村內的泳池，便可投入馬六甲海峽的懷抱，超正！晚上19:30便到度假村附近的華人海鮮酒家，其中的名菜蟹肉魚翅很足料，很多蟹肉；還有金黃流沙蟹也很惹味，味道如同香港式的黃金蝦加了椰香及甜味。  0 個留言
| 加入你的留言 |
一個很有Resort的感覺度假村，還擁有一個長長沙灘看日落，玩厭了度假村內的泳池，便可投入馬六甲海峽的懷抱，超正！
共5篇遊記
| Day 2 (18/6/2010) – 整天旅程都是指定地標景點，沒有多大特別，到處留倩影便算，分別拜訪的地方是:- l 蘇丹皇宮 / 獨立廣場 / 國家英雄紀念碑 但到了黃昏時間，閒逛雙子塔的 Vincci鞋店，果然聞名不如見一面，那種試鞋壯觀情況，真係震撼！記住遊客可以到Information做張折扣咭，買鞋有九折，價錢算抵…..到吉隆坡一定要到此一遊，放低銀兩……..
0 個留言
| 加入你的留言 |
咖哩麵包雞
共5篇遊記
| Day 1 (17/6/2010) – Pavilion Jumbo Mall 大型購物中心 / 亞羅街宵夜 為省卻中途轉機的時間，成班朋友都商量好，選擇旅行團時首要是國泰直航吉隆坡；反正乘坐星航早機起行，中午也要在新加坡轉機，同樣也要下午三點才到吉隆坡。 整個旅行團準時10:30在機場集合，乘坐12:25國泰直航吉隆坡，在藍天白雲陪伴下，16:30分便抵達吉隆坡機場。 與當地導遊會合，約18:00已開始第一站 – 先吃個很早的晚飯，那一個【客家黃燉雞】很特別好惹味，帶點藥材味；還有【椰水野味蝦】有點似冬蔭功，味道酸酸的但不辣。 亞羅街宵夜 - 好美味  2010-07-04 0 個留言
| 加入你的留言 |
街頭還有煙霧瀰漫，是油煙才真！初到貴境，未適應炎熱天氣，成班人選擇有空調的室內地方，放棄地道街邊雅座。
宵夜的美食分別有牛油蝦，燒雞翼，炒粿條，串燒，燒魔鬼魚…..飲品當然要了消暑椰皇，啤酒及地道的桔仔酸梅汁，合共MYR$265.-左右。你只要落單，當食物送到檯上，便有不同單位向你收錢，效率超高！當中較特別的是燒魔鬼魚，份量是分大中小，可依人數或喜好落單。魔鬼魚的肉質很特別，魚肉是一梳梳的，魚身全部是軟骨，可以照吃…..魚身淋上特別醬汁，帶點辣刺激食慾…..燒雞翼外脆內滑，炒粿條的辛辣感覺，幸好有桔仔酸梅汁的中和，現在回想起那種甜酸苦辣也口水流。
共18篇遊記
| 第六天一大清早七點就由酒店出發,搭Monorail去KLCC站排隊拎票上Sky Bridge。不過去到KLCC都無指示去邊拎票,唯有問商場經理先知。好在我地早到,7:45已經打蛇餅,排到9點先開始派票。我地拎左9:45,拎完之後去對面的便利店買點早餐吃,之後我地就上Sky Bridge。高空觀光完,就係KLCC行下,去Madam Kwan's食午飯。之後我地就有一段酸苦的經歷。 我地本來諗住去Imbi那邊做Spa,但我地趕時間,一出KLCC就上的士。那個黑人的士司機向我地揮手,一上車就較低佢個座位,搞到坐係佢後面的男友好迫郁唔到,佢無按過咪錶就開車。之後又問我地係咪遊客同我地傾下閒話。不足十分鐘車程就到,佢要我地畀MYR294,這相對700港幣。我地同佢理論左一陣,但佢話在KLCC前的的士是貴的,而的士錢可以向酒店取回。我地當然不信啦,但佢又畀張收據我地,抄埋牌照號碼,車牌號碼。我地都唔知點,佢又停左係個位隔離有架車頂住左,我地又落唔到車。最後,我地叫佢寫埋佢公司電話,畀左錢就走。 因為昂貴的車費,我地唔夠錢做spa。結果帶著不快搭地鐵回酒店。返到酒店,我地拎張收據畀酒店職員睇,佢地都嚇左一跳,因為真係好貴。佢地話就算係機場去Bukit Jalil都係五十多馬幣,我地都知畀人騙,但我地真係唔知點算。佢本身話我地去旅遊協會舉報的士司機,不過我地4:40會上機,趕唔切。咁佢就教我地係機場搵旅遊協會專櫃舉報,不過我地去到機場,又問人,又行左幾個圈都找不到。我地好唔開心,無晒心情,執埋行李check-out,酒店職員就幫我地call車(MYR90)去機場。 黑仔經歷一而再,再而三,本來上左機,不過過左十分鐘,機長話飛機有故障要轉第二架機。我地又落機,係候機室等左十分鐘,又上番機,上左機又要等十五分鐘先起飛。結果返到香港遲左差不多兩個鐘。 這個旅程算是先甜後苦啦...... Sky Bridge  2010-06-04 0 個留言
| 加入你的留言 |
共18篇遊記
| 第五天早上先在唐人街逛逛,不過大部份東西都未開,特別的是一些橫街小巷會有一些地攤同熟食大排檔。原來早上既橫街小巷有好多人做生意,賣既可能係執返嚟既野,或者舊東西。不過行左一陣,我地睇唔啱食咩,之後就去左附近的麥當勞食早餐。問當地人點去馬六甲,知道左長途巴士站係邊,之後我地就搭地鐵去Bukit Jalil站,轉長途巴士去馬六甲。我地搵左個巴士站好耐,直到我男友見到架巴士駛左入個運輸站,我地先搵到。那裡有好多唔公司的巴士,先購票後上車,我地一入去就有人問我地去邊,都未知發生緊咩事,之後就帶我地買票(MYR13 each)。兩小時的車程,本是睡覺的好時間,不過架車無咩冷氣,我地又坐車尾好登,所以都覺得好辛苦。 長途巴士只送到馬六甲的MELACA SENTRAL ,我地都唔知自己係邊,幸好有個華人經過,問我地係咪去紅屋,帶我地去附近的巴士站搭車,真係好人。一見到紅屋廣場就落車,一落車就行去中華茶室吃午飯。食完飯就係附近行下街,買下手信咁。當天烈日當空,成三十五度,行兩步個人都溶左。行完街就行番去睇下紅屋,炮台。最後5點幾就搭返車出返SENTRAL,回程的車程長很多,約20分鐘,嚇得我以為搭錯車。再轉六點班長途巴士出返Bukit Jalil站。回程長途巴士公司不同(Transnasional),座位舒服好多,又有充足冷氣,車上仲有電視播電影,而且車費仲便宜一點,每人只需MYR12.40,真好!大家記住呢間公司。 回到吉隆坡,返酒店放低戰利品,就近近地係唐人街吃晚飯。食完飯又係附近行下,夜晚唐人街熱鬧好多,多左好多檔口開左。原本想行下酒吧街,不過攰死左,又下雨,取消了。 0 個留言
| 加入你的留言 |
共18篇遊記
| 發表日期: 2010-06-01 第四天早上到著名的亞坤吃早餐。之後搭地鐵去Eunos站食叻沙同買榴槤泡芙。之後因為趕時間,就搭的士返酒店,執埋行李就check-out,再搭地鐵去Changi Airport站去機場。我地去到機場搵左好耐先搵到AirAsia的航班係邊個Terminal。我地班機係14:35,所以拎晒登機証,趁仲有時間就食多個叻沙,因為一陣又無飛機餐。之後就上機啦,經過50分鐘的機程就到達馬來西亞機場LCCT。 我地起初知道機場有Express出番市區,不過我地搵唔到。後來才知道機場有兩個Terminal,KLIA才有Express的。最後我地搭巴士去Chinatown。經過大約一小時,到達唐人街,先到酒店放低行李。安頓好就立即出發去Masjid Jamek,我地由chinatown行過去,大約10分鐘,先到達回教寺,國會大廈,獨立廣場。外觀過後,我地就行番去搭LRT去Hang Tuah站,再轉去Bukit Bintang站去亞羅街吃晚飯。正當我地係黃亞華度食緊野,前面有個來公幹的香港人同我地相認,之後佢仲帶左我地到Imbi附近行下。佢約略介紹過,之後就走左啦。我地就食肉骨茶做宵夜。之後就向著Twin Tower方面,跟住大馬路一直行,大約二十分鐘就到啦。係個度影下夜景,成11點幾,就趕去搭Monorail返Pasar Seni站,行返去酒店。 脆卜卜多士 2010-06-01 0 個留言
| 加入你的留言 |
2010-06-01
共2篇遊記
| 第二日...~我地去左Langkawi Coral (珊瑚礁) 潛水 個度有兩種既..!~一係浮潛...如果你去既都要比 hk$600 左右啦... 有車去hotel接去到碼頭，then去坐船去既...!! 如果你想『咩樽』diving....都有嫁.... rm150 (about hk$400) 啦...~ 有cert囉tim!!!~=D 我就玩左了... 佢一個教練BRING一個人去既..~! 好安全...  我仲買左個WATER-proof既套去入住個camera tim..~ 好好玩...可以一試.... 不過係coral包個餐就嘛嘛了....  你係個邊仲可以同沙魚仔玩.....!!!!!!!~ 好正嫁個境~!!!! Langkawi Coral 2010-04-14喜來登海灘酒店 2010-04-14 1 個留言
| 加入你的留言 |
共2篇遊記
| 今個easter去左langkawi.. 好relax既一個地方!<<第一日>> 因為我地有直航機(cx)所以去到都係3點左右... 個邊d海關做野超慢... 我地出關都出左成個小時.. 但係個途好開心既係...一落機你就可以係個跑道...拍下照!!! 個機場 唔係好大不過好正~ 去到我地就去左『飛鷹廣場』... 因為始終都係地標~!! 好大隻『鷹』... 冇嫁喇... 但你唔去下...又唔似去左langkawi....  都幾大幾勁既...!!!! 唔好既...天有d陰....因為都5..6點了...~ d相唔係影得太好...要用flash先ok!!!! 佢有3個角..你企係個度影....就可以影哂成隻鷹了...!!! then去左食 龍蝦餐 ... 係一間中國人餐廳...唔錯~~~ 都係炸下...比較濃味少少既菜式啦....=) 會有相的~... heee~~ 晚上我地去左一間5星hotel... 係喜來登...~ 不過就冇sea village 啦...比較失望..~ 冇計啦...holiday咩房都爆哂... so要早dd book!!!!!!~!!!! 但都唔錯...~! 有車車接...因為依山而建...但比較多fly ant>< 多到...好可怕=3= 第一日都要咁..~ 啦...~~~ 好玩既野...都係之後個幾日做~~!!!!!! ^^ 0 個留言
| 加入你的留言 |
共75篇遊記
| |
共3篇遊記
| |
