08:00咩著大背包由我家出發

10:30到達香港國際機場,先Check in,之後便開始到香港手信店,買一些獨特的香港美食,如老婆餅,馬仔,蛋卷等,因準備送給我在澳洲working holiday認識的唯一韓國好友,給她試試香港的特色小吃.

17:00便到達仁川國際機場

19:30先到我住的Korea Backpackers放下行李

20:30便坐車到達廣藏市場,開始我在韓國的第一餐晚餐.

嚟到嘅旅程最後一日，行程都無乜點計劃，唔好搞咁多嘢，等大家瞓晏啲，因為1:20pm航班，由西歸蒲市坐機場巴士返濟州市又要成個幾鐘車，計埋有可能遇到啲阻滯，所以提早10:00am出發去機場。不過，小弟可能年紀大，晨朝早就醒鬼咗，又瞓唔番，所以就一支公去咗附近嘅新緣島跨海大橋睇睇，回程時，又無意發現仲有多一個世遺「景點」。

時近中午，出到濟州機場，因為大家仲未食早餐，所以先晌機場整番碗鮑魚粥先上機。之後，辦登機、搞離境，一切都順順利利，準時1:20pm起飛，結束依次8日韓國嘅「釜慶濟 」之旅。

是日天氣：3℃~ 4℃ 陰

由於之前計劃要晌濟州遊覽嘅景點都去晒，所以今日行程好隨意，好輕鬆，但都要醫肚先。餐餐韓國嘢，突然有少少懷念漢堡包，故此早餐走咗去「每日多萊市場」附近嘅Lotteria食早餐。之後，打的前往中文觀光園區（중문관광단지）逛一逛。

天氣突然變差，個天又灰又黑，原以為落雨，點知原來落雪，嘩！真喺意外收鑊呀。晌中文觀光園區內，有好多博物館及頂級住宿酒店，例如：泰廸熊博物館、信不信由你博物館、如美地植物園、樂天飯店、新羅飯店……等等。不過，我哋就去咗樂天飯店及The Seaes Hotel & Resort（韓劇秘密花園外景場地之一），又去咗濟州國際會展中心！

晏晝4:00pm返回廉宿休息一下，5:00pm再出動，貪無聊走咗入當地藝術家李仲燮藝術館，可惜唔多嘢睇。傍晚又去「飯卷天國」搵食，跟住去附近嘅Family Mart入入貨買啲手信及零食，早啲返回廉宿，收拾定行李，準備聽日回歸之路。

是日天氣：3℃ ~ 4℃ 陰．雨．雪