SemiCon
我是SemiCon。 我是一名採購專員。 我最喜愛到日本,台灣,澳洲旅遊 , 最鍾意遊覽自然景觀,歷史建築/遺跡,城市風貌,展覽館/博物館, 住宿通常會揀4星酒店,渡假村。
留言  留言給此旅遊家
  遊記數目 52
  上載相片 820
  上載影片 0
最近分享過的旅程
豐富韓國遊
國家/地點: 韓國
旅程日期: 2010-03-18 至 2010-03-21
深秋賞紅葉關西之旅
國家/地點: 日本
旅程日期: 2009-11-01 至 2009-11-08
泰國遊 2007
國家/地點: 泰國
旅程日期: 2007-06-27 至 2007-07-01
台北遊 2006
國家/地點: 台灣
旅程日期: 2006-06-29 至 2006-07-02
自遊泰國行
國家/地點: 泰國
旅程日期: 2008-01-29 至 2008-02-01
第二次新加坡training trip
國家/地點: 新加坡
旅程日期: 2008-08-10 至 2008-08-15
第一次新加坡training trip
國家/地點: 新加坡
旅程日期: 2008-06-16 至 2008-06-20
肇慶, 澳門兩天聖誕遊
國家/地點: 中國
旅程日期: 2008-12-25 至 2008-12-26
長隆兩日一夜悠閒遊
國家/地點: 中國
精選台北遊
國家/地點: 台灣
旅程日期: 2008-06-12 至 2008-06-15
精選台北遊 (台灣)
(旅程日期: 2008-06-12 至 2008-06-15)
發表日期: 2009-07-27

桃園機場->西門町函舍酒店->西門町鴨肉扁->市政府(NEO 19-上閤屋晚餐)->夜遊西門町

由於不是很早機的關係, 我同Honey有充足時間到機場先食大家樂早餐, 再走圍逛逛...到了閘口, 原來今天班機都好爆喔...
個多小時機程, 好快就到了台北...入到機場, 我地都發覺有點不對路..haha.. 好似同以往的不同喔...原來我地今次是在桃園機場....=.="" 做落地簽証, 過關換錢都用了個多小時..本打算可以在兩點前到酒店check-in, 結果遲了差不多一個小時呢....

到酒店安頓後, 先到西門町逛逛, 因為book了上閤屋夜晚buffet, 見時間未到, 周圍走走, 順度食lunch...特意找到想食的鴨肉扁...食完後到了Mr. Donut, 但都無我鍾意食個款呢...所以都係空手而回....之後搭捷運到市政府站...再行去NEO 19.沿途經過101, 新光三越, 等等...去到上閤屋..開始我地四小時既自助晚餐喔....食飽飽搭捷運返西門町再逛逛, 今次好一點點, 因為無落雨, 再去Mr. Donut, 買了double chocolate, 返到酒店食..口感好唔一樣..都係泰國的好味喔!!!

食完宵夜就梳洗休息...好relax地完成一天行程, 明天行程超豐富喔!!!

沐浴用品
沐浴用品
天氣麻麻, 落住雨, 但幸好酒店就腳, 而且比想象中還好!! 至少張床好大, 電視好大...當然不及五星大酒店, 但只是五百多元算不錯了...唯一不足的是, 點解明明兩個人既房間, 但只有一包沐浴露, 但就有兩句洗髮露呢?
評分: 設備3   服務3   環境3   衛生3   抵住3
麻麻地 ok喇2009-07-27
感覺一般, 我只對隻鴨有d興趣, 對碗粉完全無興趣呢...
評分: 味道3   服務3   環境3   衛生3   抵食2

記得食過泰國既Mister Donut 後就已經愛上了. 黎到台灣當然唔會執輸, 一定要去朝聖啦~! 但只食左一個Double Chocolate吧了...

評分: 味道4   服務4   環境4   衛生4   抵食4
四個鐘頭既自助餐好多款式, 但好似唔多岩胃口...不過我地都唔蝕呀,坐足四個鐘..haha~~~
評分: 味道3   服務3   環境3   衛生3   抵食4
  0 個留言    |  加入你的留言
發表日期: 2009-07-27

租機車->陽明山國家公園->花鐘->竹子湖(頂湖)->北投京都溫泉->淡水漁人碼頭->老街->士林夜市->西門町函舍酒店

今日九點多起身, 做了research到華陰街租機車, 不過搵唔到我地想去個間, 幸好都搵到另一間喔...租車後, 第一站先到陽明山, 沿途到了Subway食quick lunch 再繼續行程...由市區到陽明山揸電單車也不是很遠喔...而且仲好方便呢....之後開車到北投......

到了北投, 經過以前住過的春天酒店..原來外面係好荒蕪的,haha 以前黎的時候係夜晚, 所以外面係點根本無認真見過...我地去了一間叫京都的温泉館...浸完溫泉成個人爽晒...haha...之後到了7仔, 本來諗住買雨褸, 但後尾又唔落雨, 所以都係無買, 結果買了薯片同汽水...haha, 仲企係入面食埋先走...我地勁地道呀!

之後再出發到淡水....第一次到淡水....先到了漁人碼頭, 好靚喔....逗留大約一個小時, 再到老街逛逛...買了魚酥....原來淡水有好多舖頭的..但唔爭氣的我, 因為腳痛關係, 行了一個小時左右就唔想再行了.....所以只好揸車離開了....

途中經過電單車用品舖頭, 等Honey買野至少有一個鐘....攰死了....即黑面離場.....><

返回台北去了士林夜市, 食食食食.... 食到好飽...

之後返酒店,但我地迷路了....至少用了半個鐘至九個字先返到酒店....haha...

p.s: 好難忘既一次回憶, 第一次在台灣坐機車, 台灣揸機車係好正的, 可以左攝右攝不特止, 仲有係燈位前有個框框係俾機車等轉燈的...又有機車徑, haha..但原來可以好亂黎的..見住Honey又行錯公車專線, 又行左條唔應該行既路, 又勁俾d四個碌bu我地..真係有少少危危地..但又的確係勁勁勁勁方便既~~~!! 好期待下次再去台灣可以再坐機車喔!

 

景色怡人 笑臉2009-07-27
花鐘
花鐘
海芋
海芋
到了陽明山, 眼前見到一個大大的花鐘....第一個感覺係....."乜原來係咁架!?!"  我地停低影下相又繼續行程, 本來已經有少少雨了, 後來愈落愈大, 結果我要著上一件o係電單車入面唔知幾多人著過既雨褸...=.="" 但著左無幾耐又停左雨....玩我?!?! 之後到了竹子湖..大鄉理既我地仲以為點解山頂都有湖....原來只係一個睇海芋的地方....景色都唔錯呀!!
推介項目: 花鐘
參觀時段: 早上
評分: 值得去4  
京都溫泉會館門外
京都溫泉會館門外
足夠兩個人一齊浸既浴缸
足夠兩個人一齊浸既浴缸
兩個人一間湯屋只係五百多台幣, 即百多元港幣喔...但有一小時二十分鐘喔..都幾抵呀!!! 房間雖然唔大, 但都幾舒服....
參觀時段: 下午
入場價錢: 每人550新台幣
評分: 值得去4  
經過老街再到漁人碼頭
經過老街再到漁人碼頭
呢度真係幾靚, 怪不得有好多人黎呢度影婚紗相啦~~~走圍逛逛, 已經差不多黃昏了, 可惜的是, 天氣不是很好, 所以睇唔到日落呢...但已經係一個非常浪漫的回憶呢...因為個度好寧靜, 風景又靚, 真係有d唔捨得走喔....
參觀時段: 下午
評分: 值得去4  
Shopping 唔錯! 笑臉2009-07-27

幾多鋪頭既老街可以用上最少兩個鐘. 但可惜我腳痛, 所以行左一個鐘左右就放棄了.....

參觀時段: 晚間
評分: 值得去4  
夜市自助餐 笑臉2009-07-27
係咪真係吸到架呢?
係咪真係吸到架呢?
食了鐵板燒, 香腸, 飲了檸檬紅茶, 已經好飽了....但又的確好好味呢...
參觀時段: 晚間
評分: 值得去5  
抵食鐵板燒 笑臉2009-07-27
兩個人點左一個SET,原來個SET都幾多, 如果一個人食, 會食唔到其他野呢! 所以都幾抵食呀!

我地叫左牛排加鮭魚...兩樣都好好味. 連D芽菜都好好惹味呀!
評分: 味道4   服務3   環境3   衛生3   抵食4
  0 個留言    |  加入你的留言
發表日期: 2009-07-27

點水樓小籠包->茂園餐廳->西門町函酒店->基隆廟口夜市->西門町函酒店->紅樓劇場->華西街夜市->西門町(阿宗麵線)->西門町函酒店

今日先到了點水樓食了小籠包同生煎蟹皇小籠包...果然係正!!!

食左小籠包, 呢個只係早餐零食嘛..再轉陣去了茂園餐廳, 食到飽飽, 先回酒店歇一歇再到台北車站搭巴士到基隆, 失策地, 我唔記得帶相機呀!! >< 好彩, 電話影相的質素都還可以....去夜市又係食食食... 食完野, 其實基隆都無咩好玩, 所以都搭巴士返台北lu~

返酒店休息一下又出發了....先到紅樓劇場逛逛入面一條小街, 記得上年黎的時候, 只有外面...裡面都只是今年初才開的....不過只有幾間舖頭, 唔洗一陣就行完了....再去了華西街夜市逛逛....

行完夜市返西門町, Honey今晚終於有機會試了阿宗麵線...雖然我唔太鍾意食. 但呢樣咁特式既野, 一定要介紹佢食呢!!! 行了一陣西門町就返酒店休息了....今日又好攰呢~!!!不過好滿足地全日只係食食食...haha

 

好過鼎太豐 笑臉2009-07-27
點水樓
點水樓
即叫即做!
即叫即做!
小籠包
小籠包
生煎蟹皇小籠包
生煎蟹皇小籠包
好多汁呀!
好多汁呀!
小籠包入面好多汁, 通常d人黎食小籠包都係去鼎太豐呢, 但成日都係同埋香港都有啦, 所以我地今次揀左第二間, 果然無令我地失望, 雖然佢唔算平, 但最重要係好食嘛~~!!!
評分: 味道4   服務3   環境4   衛生4   抵食3
只有黑板上既菜單
只有黑板上既菜單
白斬雞
白斬雞
紅燒魚翅
紅燒魚翅
香腸
香腸
花枝丸
花枝丸
呢間餐廳既特式係無menu的, 佢只會將佢當日有既菜式寫係一個小黑板上, 再點菜的...我地叫了一個紅燒魚翅, 香腸, 花枝丸并蝦卷同 1/4隻白斬雞...食了一大半蝦卷都無黎到, 原來漏單了....都還好, 因為我地已經好飽了.....但的確又係好好味的一餐
評分: 味道4   服務3   環境3   衛生4   抵食3
更好的夜市 笑臉2009-07-27
正!
正!
又係正!
又係正!
最正!
最正!
到了廟口夜市, 又係食呀!!! 不過呢個夜市俾我感覺有d唔一樣... d野好似岩食d咁呢!!! 食了炒蟹, 買了鮮揸柳汁(即橙汁), 豬扒火腿旦三文治同士多啤利泡泡冰....樣樣都好好味呀!!!! 尤其個三文治, 本來我地都無打算買, 因為覺得只係一件普通的三文治吧, 但唔知點解兩間都好多人排隊, 結果我地都要試一試先心息...原來好好味的...雖然三文治裡面的青瓜我係唔食, 但其他料都好足, 有豬扒, 火腿, 旦, 蕃茄, 花生醬, 沙律醬..... 三層麵包...好味呀!!![IMG http://hk.l.yimg.com/hk.yimg.com/i/icon/16/10.gif] 食完真想再食呀!!!
參觀時段: 晚間
評分: 值得去4  
又是夜市 2009-07-27
華西街夜市
華西街夜市
經過蛇店。
經過蛇店。
呢個夜市d野食同士林的差不多...所以都無食野, 只係買了一杯蘋果汁就算了....
參觀時段: 晚間
特色小食 ok喇2009-07-27
雖然我唔太好阿宗麵線,但呢D咁特色既小食. 都必需一試既!
評分: 味道3   服務3   環境3   衛生3   抵食4
  0 個留言    |  加入你的留言
發表日期: 2009-07-27

咖哩工坊->故宮博物館->西門町->桃園機場->香港

今日行程好輕鬆, 因為我有d唔舒服既關係呢...搞到Honey一早為我出去買藥....好彩之後都無事...^^

一點check out到了中山站旁邊的新光三越的低層的咖哩工坊食炸豬扒!! ^^ 食完就到了士林站轉巴士到故宮博物館...

o係西門町最後衝刺, 食左一條好好味既香腸喔...再買了老天祿的雞脾, 雞翼同鵝翼...食飽飽就返酒店攞返行李就到台北車站搭巴士去桃園機場了...

厚脆豬扒 ok喇2009-07-27
好脆好好味呀
好脆好好味呀
好厚的炸豬扒, 仲好脆呢
評分: 味道4   服務3   環境3   衛生4   抵食3
值得一到 笑臉2009-07-27

其實上年我已經黎過了, 但其實我都覺得呢個博物館係值得一黎的...因為佢有冷氣嘛..haha... 除左呢樣, 佢入面都多野睇的...所以我地最後一日行程揀左去睇下野囉.....其實我地今日時間唔多, 行了個多小時就要搭車返西門町了...

參觀時段: 下午
評分: 值得去4  
好好味既滷水雞脾
好好味既滷水雞脾
唔知點解特別鍾意食滷水雞脾, 尤其係老天祿既TIM~ 所以西門町最後一擊都要食返隻先返香港
評分: 味道4   服務3   環境3   衛生3   抵食3
  0 個留言    |  加入你的留言