virginia2407
我是virginia2407。 我是一名clerk。 我最喜愛到日本,台灣,泰國旅遊 , 最鍾意遊覽自然景觀,城市風貌,鄉郊農田,公園/遊樂場/渡假區, 住宿通常會揀4星酒店,5星酒店。
留言  留言給此旅遊家
  遊記數目 22
  上載相片 190
  上載影片 0
最近分享過的旅程
雪映移城之最美麗的日本東北
國家/地點: 日本
旅程日期: 2008-02-16 至 2008-02-24
台北之食食食
國家/地點: 台灣
旅程日期: 2008-05-11 至 2008-05-14
雪映移城之最美麗的日本東北 (日本)
(旅程日期: 2008-02-16 至 2008-02-24)
發表日期: 2009-07-18

日期 : 16/02/2008 (Day 1) 
行程 : 香港 ~ 成田機場 ~ 池袋

今日我哋坐早上10點幾機去成田機場 但我哋差唔多9點先去到機場, 但Check in手續又好快喎, 可能因為我哋一早已經喺網上劃咗位啦, 下次都一定耍噤做! check完 in我哋仲有時間可以去Teminal 2食啲嘢! 食完嘢我哋就行去閘口lu, 其間丹尼斯唔知做咩, 張生同車厘子叫佢, 佢就越叫越走, 叫極都聽唔到!  好! 等維妮出馬:{三萬蚊!}ha~丹尼斯話都無噤快就擰個頭過嚟啦, ha~ha~ 呢"三萬蚊"嘅由來係因為佢話佢個背嚢值三萬蚊喎, "三萬蚊"係丹尼斯呢個旅程嘅其中一個花名(轆續有嚟呀!hee~)

差唔多日本時間下午4點到咗成田機場, 一去到成田機埸, 梗係即時搵日產租車間舗啦, 行吓行吓真係唔多覺有間舗頭喎, 但就見到有個細細counter仔貼咗好多租車公司招牌喺到, 其中一個就係日產啦, 唔理啦, 照隊啲文件比佢睇囉, 呀~佢又真係同我哋攪手續喎 真係無諗過原來一個噤細嘅counter仔可以做幾間租車公司噃! 等咗差唔多成三四個字先有個架仔(其實都係頭先同我哋攪手績嘅其中一個人)帶我哋去攞車, 去到見到架車, 幾靚仔吓噃, 跟手個架仔就比晒啲文件叫我哋簽名, 唔係化, 我哋都未睇清楚架車噃, 呢個時候張生梗係發揮佢平時工作嘅本色啦, Q車呀, 唔知係咪平時啲人係無Q車呢 定係因為我哋職業病呢, 當我哋手指指呢度嗰度時, 個架仔竟然陰陰咀笑喎, 之後我哋簽咗名啦, 佢就走啦! 喂~咪住 佢都未教我哋用GPS, 第一時間拉番佢轉頭, 最後佢都好用心教我哋, 即使佢啲英文係有限公司, 但其實佢教咗5分鐘都唔知有無, 但個GPS的而且確係好似好簡單噤嘅, 但其實我哋都比佢老點咗唔知幾多次呀! set 好資料就出發啦, 真係話都無噤快, 未出到機場範圍就已經行錯路啦, 原因係未習慣個GPS, 錯過咗個路口啦, GPS就係噤啦, 成日都唔知究竟係呢個路口轉呀, 定係下一個呢? 呢個問題喺成個行程經常發生! 好彩個GPS都好快教我哋再行過! 途中遇著塞車, 成7點先去到池袋, 終於我哋都去到間酒店, 但我哋唔係要去酒店先, 而係要搵car park泊車先......
因為之前我哋已經上網check過suncity後面應該有個露天駐車埸, 而且我哋一去到suncity都已經見到個駐車埸, 噤咪照泊啦, 但一入到去, 問題就出現啦, 點解無人嘅?  點攞飛呢?  點比$呀?  淨係見到有部機喺到, 但部機又無話要攞飛, 只係比$咋喎? 又見其他人個個都係泊咗架車就去走人, 噤佢點知我哋泊咗幾耐呀?  再去睇下個告示牌, 以維妮有限嘅日文去理解, 好似話咩泊咗三分鐘之後就會有啲唔知咩咩咩鎖住, 攞車時先攞飛噤, 噤我哋就等佢三分鐘..... 三分鐘後就見我哋個車位底有嘢彈上嚟鎖住架車啦, 嘩~嗰刻真係覺得好神奇呀! 哈哈~ 攪掂咗架車之後, 就那那臨去check in啦! 呢間suncity嗰個lobby真係"大"呀, "大"到我哋四個人加埋啲行李, 已經差唔多迫爆咗佢個lobby呀!  心諗個lobby都噤, 啲房都唔方好得去邊啦, 不過呢樣維妮都就有心理準備噃! 但入到房竟然有驚喜, 因為間房比想像中大呀, 有張茶機不特只, 仲有張雙人梳化tim! 真係比想像中好呀!  

我哋放低咗啲嘢之後, 就即刻出動搵嘢食, 因為我哋四個都勁~肚~餓~呀!  我哋一早plan咗諗住去一間叫"串家物語"到食自家燒串燒架, 但點知我哋搵咗成個鐘都揾唔到 再問下人啦, 終於搵到座大廈啦, 但搵暈都無呢間嘢嘅 我哋一至都認為應該係執咗! 喺又攰又肚餓嘅情況之下, 我哋白撞噤去咗一間叫り鮨大漁食迴轉壽司, 不過呢間迴轉壽司真係普通過普通呀, 所以我哋食咗幾碟, 決定行完街夜啲再揾拉麵食!

我哋去咗池袋最旺嗰幾條街行, 行行下見到有間食小丸子, 行埋去八吓啦, 嘩~唔係小丸子喎, 係大丸子呀! 唔係講笑, 真係大過維妮個拳頭呀, 梗係第一時間買嚟試下啦, 佢有成十種味道架, 但為咗安全起見, 我哋都係要番原味隱陣啲 , 味道同小丸子真係無咩分別, 但入面就多咗好多料, 最奇怪係竟然有半條腸仔喺入面呀! 320yen一個貪得意真係不防一試架, 但如果係食飽嘢去食, 維妮就建議大家同人share一個好啦, 因為我哋兩個人share一個都已經飽飽地呀!

再行咗一陣我哋就搵拉麵食啦, 左揀右揀最後揀去咗間叫"光麵", 我哋一人叫咗腕拉麵再加一碟餃子, 拉麵平平無奇, 餃子, 大板王將好食好多!      

嚟到日本, 藥房係女人最鍾意行嘅地方, 我哋就去咗一間好大嘅藥房到行, 有幾層, 除咗一般化妝品之外, 連小食都有, 喺呢間藥房到比維妮見到上次小虎妹去日本買比維妮嘅kose產品, 見到成set有body soap, powder sheet同powder spray, 成set有晒packing好靚都只係840yen, 但唔知點解維妮同車厘子諗咗好耐都唔知買好定唔買好 理論上840yen成set嘢送比人真係好得啦, 但可能我哋係啱啱到步, 又驚會買貴, 所以先諗噤耐, 最後我哋都只係一人買咗一盒, 買得噤少, 最後咪後悔囉! 因為之後我哋去到新宿淨係支body soap都要1050yen呀! 後悔! 後悔! 後悔! 之後我哋掃咗一堆小食, 張生就狂掃唧唧啫喱, 買埋聽朝早餐, 好! 一袋二袋返酒店lu!  準備聽朝一早向東北出發

り鮨
り鮨

嚟到日本諗住食好正嘅壽司, 點知揀咗間超普通嘅壽司店

評分: 味道3   服務3   環境2   衛生3   抵食3
炸彈大丸子 ok喇2009-07-18
認住三個大炸彈
認住三個大炸彈
足足有成十種味比你揀呀! 係實物原大架!
足足有成十種味比你揀呀! 係實物原大架!

認住呢三個大炸彈, 就係食大丸子嘅舖頭啦, 足足有成十種味比你揀呀!

評分: 味道3   服務3   環境3   衛生3   抵食3
平平無奇嘅 "光麵 "
平平無奇嘅 "光麵 "
聽講呢間 "光麵 "係咩日本唔知幾多大嘅拉麵店, 但本人就覺得只屬一般  
評分: 味道3   服務4   環境3   衛生4   抵食3
  1 個留言    |  加入你的留言
發表日期: 2009-07-18

日期 :  17/02/2008 (Day 2)

行程 :  池袋~士多啤梨園 

一早喺房食完個超簡單早餐之後, 8:45出發 去返駐車場到攞車, 開始玩個全自助駐車埸 首先要禁咗個車位號碼先, 跟住部機就會自動計個銀碼出嚟, 嘩~5800yen? 當堂比個銀碼嚇咗一嘢, 但再諗吓, 我哋係尋晚泊到今朝呀, 足足泊咗十一個半鐘, 噤徐番開, 都係三十幾蚊一個鐘, 又好似啱喎 不過就算真係唔啱我哋都唔知去邊到搵人問啦, 呢個駐車埸連管理員都無個呀!  

上車set好個GPS後正式踏上我哋嘅日本東北之旅啦  第一站就係位於櫪木縣嘅士多啤梨園, 行咗134km終於到啦, 離遠已見到好熱鬧, 我哋都未停定就已經有個嬸嬸手指指噤叫我哋泊好架車啦! 士多啤梨園係1200yen無限時間任摘任食, 但唔可以拎走!  對於維妮噤鍾意食士多啤梨嚟講, 真係超正呀! 個嬸嬸帶我哋去到其中一個溫室, 個溫室真係好暖呀, 暖到係有啲熱呀!  一入到去我哋就急不及待噤係噤摘, 係噤食, 開頭真係覺得好似無咩士多啤梨噤架, 但我哋越摘越發覺其實係唔少架, 喺溫室入面來來去去都只係聽到我哋講: {嘩~睇吓幾大粒!}, {嘩~好甜呀!}, {嘩~呢粒個樣幾攪笑!}, {嘩~呢粒好靚呀!}, {嘩~點解粒粒都噤甜嘅!}維妮真係從未試過食士多啤梨食到噤滿足架 亦都未試過一次過食噤多呀, 食完我哋仲將啲頂一排排噤排晒喺溫室門口, 食到噤上下, 我哋真係食唔落啦, 但又唔捨得啲噤好味嘅士多啤梨喎, 呢個時候我哋開始密謀做士多啤梨賊, 唔係講笑, 我哋真係有賊仔袋, 哈哈~其實係機場派嗰啲密實袋嚟架, 噤啱我哋又攞咗無用過喎, 真係啱晒! 偷~ 偷~ 偷.... 但最後我哋發覺我哋搵咗個笨賊, 嗰個就係張生, 佢竟然無裝滿個密賓袋呀! 真係笨賊呀! 食完士多啤梨我哋就行咗過隔離, 嗰度好熱鬧, 又有好多旅遊車泊晒喺度!  之後我哋發現又有個士多啤梨園受付所?  其實一直維妮都有個疑問就係其實呢度係咪有兩間士多啤梨園呢?  而噤熱鬧嘅呢間就係我哋原本要去嘅嗰間? 不過其實都無咩所謂啦, 我哋都食過好正嘅士多啤梨啦!

食完士多啤梨我哋就繼續上路啦, 下一站就係, 古怪美術館! 呢一程係由維妮擔任司機一職! 唔怕話比大家知維妮已經唔記得咗有幾多年無揸車啦, 妳哋話驚唔驚, 唔好話你哋, 連維妮自己都驚驚地呀! 喺日本揸車真係有啲唔慣, 好似啲紅綠燈係喺頭頂, 轉左又要睇人, 不過呢樣都唔係大問題, 都可以好快習慣到, 但有一樣嘢係維妮嘅死穴. 就係比IC費呀, 仲要係無人要自己攞飛嘅IC呀, 維妮永遠都係唔敢攞埋啲, 攪到每次攞飛都要除安全帶, 又要開門先攞到張IC飛呀, 真係瘀爆呀 點解日本噤多嘢都係自助架!  再加上又驚左住後面啲人, 攪到都不知幾狼狽! 唉~ 個GPS都唔知係咪知道維妮好耐無揸車呢? 竟然老點維妮  我哋行錯路呀, 仲要上咗啲唔知咩IC, 只見行極都只係見到啲路牌~ 日光, 鬼怒川, 鬼怒川, 日光,  個GPS又無指示喎!  呀 ~ 究竟我哋去咗邊呀~~............經過咗大約十五分鐘嘅前路汒汒, GPS終於有番指示啦, 我哋終於可以繼續行程啦, 呢個時候領航員張生竟然要維妮去入油, GPS玩我啫, 連你都玩維妮 頭先行錯路, 維妮都係啱啱先定番神咋喎, 而且個油錶都仲有一半, 係咪玩嘢呀! 但維妮無得反對, 鬼叫佢係領航員, 維妮唯有遵照指示啦! 去到油站後.....

士多啤梨園
士多啤梨園
成個溫室, 我哋包晒
成個溫室, 我哋包晒
唔駛講, 齋睇已經覺得甜呀
唔駛講, 齋睇已經覺得甜呀
食完嘅頂一排排噤排晒喺溫室門口
食完嘅頂一排排噤排晒喺溫室門口
1200yen無限時間任摘任食, 仲包晒成個溫室!
評分: 值得去5  
  0 個留言    |  加入你的留言
發表日期: 2009-07-18
日期 : 17/02/2008 (Day 2) 

行程 :  士多啤梨園 ~古怪美術館 ~那須高原中途站

上回講到維妮要去入油, 去到油站, 真係雞同鴨講 完全唔知佢講咩, 維妮唯有不停噤話:{Gasoline, Full} 但個職員都係繼續不停噤唔知講咩, 擾攘一輪之後, 維妮相信佢係無我哋噤好氣, 決定放棄, 唔再問, 照同我哋入就算, 但過後維妮先知原來佢哋其實係問我哋入邊種油, 因為Gasoline都有分靚同唔靚, 之後我哋就知啦, 除咗要講:Gasolin, Full之外, 我哋都講埋Regular! 維妮要讚一讚日本油站啲職員呀, 佢哋啲service真係一流呀, 當你一入到去, 佢哋就會有成兩三個人同你抺車, 抺玻璃, 當你走時個個職員又90度躹躬送你走, 真係低讚呀! 

維妮揸咗成百km終於到咗 "古怪美術館" 啦, 真係有啲攰呀! 呢個美術館總共有三個展館, 而第二同第三個展館原來又要再揸車過去架! 其實呢個古怪美術館主要都係玩佢哋啲立體畫, 有啲真係好似架 其實維妮覺得都唔知係我哋去玩啲畫呀, 定係啲畫玩我哋呢? 佢教我哋擺啲post, 有啲真係高難度post嚟架, 有時一幅畫又要影幾張相先影到, 真係唔知邊個玩邊個呀!

玩完第一個, 我哋就再揸車過去第二個啦, 其實第二個都係噤上下, 都係玩啲立體畫, 呢個展館入面有一part畫咗隻好大嘅怪獸張開咗好大個口喺幅牆到, 而我哋就要穿過去先可以繼績行, 但維妮行到去見到有個男人抱住咗個小朋友企咗喺到唔行唔知做咩喎, 維妮正奇怪啦, 原來個小朋友驚唔敢穿過去, 最攪笑係個男人只要一踏入去, 個小朋友就即喊, 一行番出嚟就即刻收聲 噤個男人就係噤行前行後, 個小朋友就喺噤喊~ 收聲~ 最後要勞煩到啲職員帶佢哋由第二個通道行先攪掂! 個小朋友真低死呀! 去到第三個展館, 呢度主要都係睇畫, 不過就唔係立體畫, 而係要你睇下啲畫有啲咩噤最無嘢睇就係呢個展館啦, 係有啲無聊tim架! 

玩完三個展館後, 我哋都話好肚餓呀, 因為我哋好似仲未真正食過嘢噤, 原本諗住嚟到美術館應該會有嘢食, 但原來係無架, 無辦法啦, 唯有上車食我哋啲小食啦, 真係唔好話我哋買噤多小食呀, 佢哋好多時就係我哋呢個旅程嘅lunch嚟架 唔知點解我哋成日都無lunch食架! 篇行程嗰個快啲解釋呀! 無lunch食唯有繼續行程, 呢程維妮可以抖下啦, 因為呢程由丹尼斯做司機, 我哋直上今晚嘅酒店紅葉館! 

行highway真係好, 因為好多時都會有中途站, 比你去下toilet噤, 而日本嘅中途站維妮就最鍾意啦, 因為一定會有間便利店, 又有嘢食, 有啲仲有餐廳tim! 今次我哋就停咗呢個那須中途站, 因為我哋實在太肚餓啦,  嚟到呢度其實已經差唔多5點, 但我哋好似淨係勁食咗士多啤梨之外, 就無食過嘢啦, 唔肚餓就有鬼啦, 所以我哋決定喺呢度食啲嘢先, 其實我哋都唔敢食噤飽, 因為我哋好快就會到紅葉館, 到時又食啦! 

 


古怪美術館 笑臉2009-07-18
好多好多的立體玩
好多好多的立體玩
你玩我, 我玩你的美術館
評分: 值得去4  
個鳥冬同個三文治都好好味架
個鳥冬同個三文治都好好味架
忍唔住肚餓, 都係要喺中途站為自己加加油
評分: 值得去3  
  0 個留言    |  加入你的留言
發表日期: 2009-07-18

日期 : 17/02/2008 (Day 2)    
 

行程 :  那須高原中途站 ~ 紅葉館

紅葉館位於盤梯熱海, 去到盤梯熱海都已經係6點幾啦. 個天已經黑, 根據GPS話我哋已經到咗啦喎 ! 但點解見唔到紅葉館嘅? 只係有個牌寫住紅葉館駐車場, 但紅葉館呢? 當時天又黑, 又係雪地, 啲路又窄, 又搵唔到間酒店, 點算呢 ?我哋再睇下個地圖, 發覺我哋係真係到咗喎, 不過係後門囉! 噤點去前門呀? 無車路行架喎? 噤我哋咪唯有又去番頭先嗰個駐車場泊低咗架車先算啦! 點知我哋泊低咗架車後, 就有人行出嚟啦, 當時真係唔知佢喺邊到彈出嚟架! 原來個駐車場側邊有個門仔係可以通去紅葉館架, 好彩佢哋有人出嚟接我哋咋, 如果唔係我哋就真係會做傻仔拎住晒啲行李兜個大圈去番前門啦! 

其實喺book酒店嘅時候, 維妮覺得最唔得係紅葉館 因為佢個web site影啲相真係唔係好得架, 成日都話睇web site都噤差啦, 真正咪仲衰! 但原來維妮呢個觀念係錯架 雖然紅葉館唔係大, 又唔係話好靚, 但佢就有一種好親切, 好warm嘅感覺, 有種民宿feel, 但就乾淨過啲民宿好多啦! 佢哋仲好有心思送咗啲鎖匙扣比我哋tim呀!   今晚我哋無book到一泊兩食, 因為一來上網見啲餐唔係好得, 再加上唔知邊個話紅葉館出面係溫泉街, 應該有好多嘢食嘅呢~
點知我哋行到出去, 人影都無隻 只係見到一兩間食そば嘅, 而有一間係食壽司, 但我哋又唔係好敢入去喎, 驚貴呀庥, 正諗緊食咩好時, 有位亞叔行埋嚟問我哋係咪住紅葉館, 傾咗兩句, 發現原來佢係紅葉館嘅社長嚟架, 噤正好問佢邊到有嘢食啦, 佢都係指下嗰幾間そば, 維妮又問嗰間食壽司貴唔貴架? 社長話好貴架, 真係好彩無入去咋, 最後我哋決定都係返紅葉館食, 你哋話係咪自己攞嚟衰呀!一早book埋一泊二食咪好囉!    

食完飯抖咗一陣我哋就去浸溫泉啦, 嚟東北浸溫泉就好似例行公事噤!  我哋呢兩位大少揀旅館時首要條件就係要個露天風呂夠"正"! 真係有少少頂佢哋唔順, 不過講真佢哋又真係完全無揀錯呀, 我哋喺東北所住嘅旅館嘅溫泉, 間間都 "正"到暈架!  紅葉館唔係大, 所以入住嘅人都少啲, 今晚我哋就包咗成個溫泉啦, 成個場就得維妮同車厘子, 感覺好寧靜呀! 點知喺噤寧靜嘅環境之下, 我哋竟然聽到有兩把男人聲, 我哋一聽就知係嗰兩隻大少啦, 原來男湯同女湯只係一板之隔咋, 佢哋仲衰到潑啲水過嚟, 好彩無人啫, 如果唔係真係失禮死呀!    

 

認住呢可愛隻貓仔, 係紅葉館嘅標誌
認住呢可愛隻貓仔, 係紅葉館嘅標誌
我哋間房望出去嘅view都唔差呀
我哋間房望出去嘅view都唔差呀
是日晚餐
是日晚餐
行出紅葉館就會有個都小小嘅公園, 啲雪厚到去大脾呀!  連個湖都結咗冰呀! 仲有個足湯tim呀!
行出紅葉館就會有個都小小嘅公園, 啲雪厚到去大脾呀! 連個湖都結咗冰呀! 仲有個足湯tim呀!
酒店細細, 但有一種好親切嘅感覺
評分: 設備4   服務5   環境5   衛生5   抵住4
  0 個留言    |  加入你的留言
發表日期: 2009-07-18
日期 : 18/02/2008 (Day 3)   
 

行程 :  紅葉館 ~ 米澤牛

我哋喺紅葉館食完個超正早餐後, 再出去玩咗一陣雪我哋就開始起程啦, 未去藏王之前, 我哋要去一嚐米澤牛 講到噤出名, 攪到維妮唔食牛都好想去試一試! 

越接近山形縣,周圍啲雪就越嚟越多,啲雪境就越嚟越靚,睇到我哋四個嘩嘩聲靚到我哋話要搵個地方落車影相,終於搵到個位停車啦,但其實我哋落車嗰度都唔係最靚,但都夠我哋玩啦,一落車我哋就衝埋啲雪到啦,啲雪真係好厚呀,噤嘅環境等我哋齊齊拍番個羽絨廣告先啦!雖然個境唔係最靚,但我哋喺呢度就玩得好開心呀!

 玩完一大輪,我哋又起程啦,沿途我哋都係繼續嘩聲四起!  啲雪境真係好似童話噤靚呀!


去到食米澤牛嘅地方都差唔多成十二點啦根據GPS講我哋已經到咗JJ話嗰間米澤牛啦喎,但點解唔見嘅? 我哋咪唯有再兜多幾個圈啦,點知兜兜下終於比維妮見到間舖啦,好彩維妮嘅資料有間舖張相先認到間舖咋,如果唔係都唔知搵到幾時呀!我哋搵地方泊低咗架車之後,就入間舖到諗住食米澤牛啦,點知入到去靜嬰嬰,只係見到有個靚女好專心喺到煮緊嘢食維妮叫咗佢幾次佢先識得應呀,佢真係好專心呀!維妮同佢講話四人啦,噤佢又問我哋有無預約,噤就梗係無啦,點知佢話無預約無得食喎!佢仲叫我哋去後面嗰間食tim !   我哋都知後面有一間都有米澤牛食,但嗰間好似係食西餐架喎!但佢話無得食都無辦法架,咪唯有去靚女話嗰間到食囉,之後維妮再睇番啲資料,又真係有寫住三點前要預約喎,呀~點解維妮噤失策之前睇唔到架!激死!我哋入到去靚女話嗰間,一入到去係有啲失望架因為好扒房feel呀,但最後我哋再細心啲睇,其實除咗有扒房feel之外,都好自家feel架,因為呢度周圍都放咗好多公仔又有啲自製嘅飾物噤!其實個feel都幾warm架!但我哋真係一心係想食日式燒米澤牛架庥!所以打開餐牌都唔知叫咩好,最後我哋叫咗鐡板米澤牛set,鐡板縣產牛set,鐡板豬set,咖喱豬扒飯!主角就梗係個米澤牛啦, 我哋即刻要試下先,嘩~唔係講笑,維妮真係呢一刻先知道咩叫做入口即溶呀,之前喺香港食過什麼和牛噤,但都無呢個米澤牛噤超級好味呀,真係滿足都暈呀再試下個縣產牛先,嘩!雖然米澤牛同縣產牛個樣係一樣,但真係一食都食得出,縣產牛真係無嗰種入口即溶嘅感覺呀!真係一分$一分貨呀!因為米澤牛同縣產牛相差啱啱好係一個double!雖然我哋食唔到日式燒米澤牛,但呢餐我哋四個都覺得好滿足呀!食完噤滿足嘅一餐之後,我哋就正式上藏王,去睇好期待嘅樹冰呀!
自家feel扒房 笑臉2009-07-18
呢間就係我哋食米澤牛嘅扒房啦, 個門口係有啲混亂架!
呢間就係我哋食米澤牛嘅扒房啦, 個門口係有啲混亂架!
係咪好扒房feel呢?
係咪好扒房feel呢?
呢個就係入口即溶 ~超級好味嘅米澤牛啦~正正正呀!
呢個就係入口即溶 ~超級好味嘅米澤牛啦~正正正呀!
呢個就係縣產牛, 同米澤牛無得比呀! 但都OK架!
呢個就係縣產牛, 同米澤牛無得比呀! 但都OK架!
初嘗入口即溶嘅米澤牛!
評分: 味道5   服務4   環境4   衛生4   抵食4
  0 個留言    |  加入你的留言
發表日期: 2009-07-18
日期 : 18/02/2008 (Day 3) 

行程 : 夜探樹冰

我哋落番去滑雪埸見仲有少少時間先夠鐘食飯!  我哋就去咗一間買手信嘅舖頭睇嘢, 順便維妮要買番啲樹冰Postcard寄比啲好朋友!  行完之後我哋又差唔多夠鐘返酒店食飯啦! 今晚我哋係食懷石料理, 我哋去到食飯嘅地方, 哝~原來啲嘢食已經擺好晒等緊我哋啦, 啲嘢食擺得好靚呀, 真係靚到唔係幾捨得食  但啲份量好似少咗啲喎, 樣樣都細細件, 會唔會唔飽架?  但原來我哋錯晒, 如果我哋真係只食依家枱上面嘅食物, 相信我哋真係唔會飽, 但我哋食食吓, 又有人攞啲嘢過嚟, 食食吓又有嘢攞過嚟, 來來回回應該都有成三四次呀 再加上車厘子唔舒服話無謂口, 我哋又食埋佢嗰份, 食到我哋要話:{好啦, 唔好再嚟啦, 食唔落啦喎!}  點知最後佢仲問我哋要唔要飯, 梗係唔要啦, 想食傻我哋咩!  懷石料理係咪最後先食飯嘅呢, 因為我哋每餐嘅懷石料理都係最尾先問我哋要唔要飯架喎!? 呢餐食極都食唔完嘅懷石料理食咗我哋成個半鐘呀

我哋食完都已經夠晒鐘要再坐吊車! 點解會話夠鐘?  因為我哋同酒店買咗夜晚飛睇樹冰, 係酒店啲人叫我哋7點半喺大堂等架庥, 我哋以為唔駛坐吊車, 酒店會有車上去啦, 點知去到大堂, 再問吓啲staff, 佢就指我哋去搭吊車! 唉~都係自己搭咋庥, 做咩要人哋7點半喺到等啫 真係唔知為咩! 夜晚坐吊車出面啲景真係無日頭噤靚啦, 因為黑得濟咩都睇唔到~又上到嚟啦, 嘩~今次天氣好咗好多呀 雖然係夜晚, 但因為天氣好, 所以啲樹冰清楚咗好多呀, 日頭同夜晚睇嘅樹冰真係唔同呀, 夜晚啲樹冰增加咗啲神秘感, 加埋射咗啲彩燈落去又多咗幾分浪漫嘅感覺呀~ 神秘還神秘, 浪漫還浪漫我哋依然係好凍好凍呀 噤梗係又入餐廳過冷河啦, 就喺過冷河嘅時候, 維妮同張生發現咗樓梯上面有個牌寫住展望台?  噤我哋就梗係唔執輸走上去八下啦! 點知一上到去, 真係比個場面嚇親呀 因為喺維妮眼前見到嘅係數唔盡嘅樹冰, 維妮真係唔知點去形容呢一刻嘅感覺, 真係超級壯觀呀, 係成個山都係樹冰呀 嗰一刻真係有啲感動架! 點解日頭我哋發現唔到呢個地方架~~~不過....就算真係比我哋發現到, 都可能因為天氣唔好都睇唔到啲咩(唯有噤安慰自己) 車厘子因為唔舒服所以dor神(即係丹尼斯)要陪住車厘子, 所以佢哋無同我哋一齊行留咗喺餐廳到, 但噤壯觀嘅場面點可以錯過呢, 唔睇真係好洩架, 所以張生就走番落去捉佢哋上嚟睇, 但都係得dor神上嚟, 睇睇下見到啲工作人員開始叫人走, 原來已經9點幾啦, 人哋關門啦, 呀~唔得呀, 維妮一定要捉車厘子上嚟睇呀!   望一眼都好呀, 呢啲場面真係好難得見到架庥, 所以維妮即刻用9秒9嘅速度跑落去捉咗車厘子上嚟!  比噤多$上嚟唔可以洩架! 捉咗車厘子上嚟睇咗一陣真係要走啦, 真係十萬個唔捨得呀 勁唔想走呀, 但始終都係要走......要同樹冰講bye bye啦, 維妮會永遠記得你哋架......
 

之前維妮話過我哋噤嘅安排係超級蠢, 大家知道點解未? 答案就係雖然嗰度啲人有講過話5點鐘就要清場, 但維妮覺得係可以賴死唔走, 噤我哋就唔駛分兩次上嚟曬多一次吊車$, 噤我哋就唔駛食完飯就趕住去睇樹冰! 我哋啲安排係完全錯晒呀!


好唔捨得噤同樹冰講byebye之後 我哋就返番酒店嘆溫泉啦, 但車厘子嘅狀態真係好差噃, 我哋都叫佢唔好浸啦!  一陣浸完仲衰, 噤點繼續我哋之後嘅旅程呢! 但車厘子又唔想洩~  噤佢就話比佢喺房抖一陣先! 因為我哋知道呢度有個足湯, 所以維妮就同張生去咗足湯一邊等車厘子一邊浸吓腳先! 呢個足湯都幾正架, 同張生一邊浸腳一邊談心, 個感覺好寧靜好舒服呀~~ 係唯一因為出面黑咩咩, 咩都睇唔到囉 如果仲有個雪景望住就仲perfect呀!  浸浸下車厘子同dor神就嚟到啦, 我哋四個又一邊浸腳一邊傾計, 真係好relax呀! 浸到噤上下我哋就入去浸溫泉啦, 但車厘子都仲好似.....但佢都係要照浸, dor神都無佢辦法, 唯有交帶維妮睇住佢, 放心喎, 我實同你睇住佢! 例牌一入到去一定係第一時間睇下個露天風呂正唔正先啦, 哝~又幾正喎, 仲可以掂到啲雪tim, 但我哋都係要喺入面浸下熱一熱身先 熱完身我哋就出去露天風呂啦, 凍凍地又暖暖地, 啲環境又寧靜, 真係好舒服呀~ 浸浸下仲得番維妮同車厘子, hee~我哋又包咗成個溫泉啦 我哋仲一邊浸一邊玩雪, 真係好正呀! 維妮仲砌咗個雪人tim呀, 哈哈~唔知點解維妮去到邊都要砌雪人架 係咪有啲頂維妮唔順呢?hee~ 唔好以為維妮只係掛住舒服無理到車厘子呀, 維妮都有時不時問下佢點, 得唔得架?  唔得我哋就走啦, 但佢又好似無咩事噤喎, 維妮仲以為佢可能浸完溫泉會好番啲tim! 但點知維妮浸完溫泉換完衫之後....哝~點解唔見咗車厘子嘅? 維妮就周圍搵啦, 呀~原本佢對住咗個垃圾桶勁嘔呀 wah~真係嚇死維妮呀, 即刻走埋去睇下佢點啦, 點知維妮走到埋去, 佢就嘔完啦, 佢仲同維妮講:{嘩!嘔完舒服晒!} 維妮見佢又真係好似精神咗好多喎! 舒服晒就好啦! 我哋就再坐多陣就返房啦 ! 最攪笑, 車厘子仲喺度諗番自己嘔咗啲咩出嚟, 又話整到人哋個垃圾桶污漕晒, 維妮仲同番佢講, 唔係呀, 妳嘔嗰啲嘢粉紅色都幾靚呀~哈哈~ 唔知車厘子有無比維妮激死呢?

夜探樹冰 笑臉2009-07-18
連枝電纜都都變咗電纜冰呀~
連枝電纜都都變咗電纜冰呀~
夜晚嘅樹冰加埋啲彩燈, 仲梗加似怪物呀~
夜晚嘅樹冰加埋啲彩燈, 仲梗加似怪物呀~
真係諗唔到點解啲樹噤都仲可以繼續生長架?
真係諗唔到點解啲樹噤都仲可以繼續生長架?
呢張好神秘呀, 仲有啲恐怖tim呀~
呢張好神秘呀, 仲有啲恐怖tim呀~
呢隻樹怪擺晒post等我哋影佢呀
呢隻樹怪擺晒post等我哋影佢呀
啲樹怪究竟想去邊呢?
啲樹怪究竟想去邊呢?
成個山頭都係樹怪呀, 好~好~好壯觀呀
成個山頭都係樹怪呀, 好~好~好壯觀呀
究竟呢度有幾多隻樹怪呢?
究竟呢度有幾多隻樹怪呢?
滿山榭冰, 真係睇到o晒咀!
評分: 值得去5  
起初就係只得呢度噤多嘢架咋
起初就係只得呢度噤多嘢架咋
嚟吓又一碟 ~ 刺身
嚟吓又一碟 ~ 刺身
又嚟一碟 ~ 唔知係咩
又嚟一碟 ~ 唔知係咩
又再再嚟一碟 ~ 甜品(連甜品都多過人)
又再再嚟一碟 ~ 甜品(連甜品都多過人)
呢度就係個足湯啦, 坐喺到一邊浸腳一邊傾計, 真係好relax架!
呢度就係個足湯啦, 坐喺到一邊浸腳一邊傾計, 真係好relax架!
呢個係內溫泉, 係細咗啲架啦!
呢個係內溫泉, 係細咗啲架啦!
呢個係露天風呂, 維妮就係用後面啲雪砌咗個雪人啦!
呢個係露天風呂, 維妮就係用後面啲雪砌咗個雪人啦!
評分: 設備5   服務5   環境5   衛生5   抵住3
  0 個留言    |  加入你的留言
發表日期: 2009-07-18

日期 : 18/02/2008 (Day 3) 

行程 :  藏王樹冰

越接近藏王, 心情就越興奮呀! 去到藏王都成兩點幾啦, 我哋首先就梗係去咗酒店check in先啦! 我哋今晚住嘅係藏王國際, 揀呢間嘅原因除咗係兩位大少話個風呂正之外!  其中一個原因就係因為佢同去睇樹冰嘅吊車非常之近, 只要過條橋就到! check in時我哋見到原來酒店都有吊車飛買, 仲有discount tim, 不過就只有夜晚飛! 好唔好喺度買呢? 其實我哋原本plan嘅行程今日只會夜晚先去睇樹冰, 但因為我哋早咗到, 所以我哋要考慮下好唔好依家就上去睇樹冰先呢? 我哋又要考慮埋幾點食飯喎! 因為酒店要我哋比食飯時間佢哋, 食飯時間我哋改完又改, 我哋左諗右諗.....最後決定同酒店買咗7:30嘅吊車飛, 跟住依家就上去睇樹冰, 睇到5:00落番嚟, 食6:00嘅懷石料理, 食完7:30就再上去夜探樹冰! 係咪好似好 perfect呢, 但其實......我哋係蠢咗架, 仲係超級蠢嗰隻呀! 大家睇落去就知啦!

攪掂完check in手續, 決定依家就上去睇樹冰, 講真, 維妮嘅心情真係又緊張又興奮架, 因為我哋知道上到去係超級凍 所以我哋係成套武裝上去架,真係咩保暖嘢都著晒上身呀!

由藏王國際去吊車站係要經過一條橋仔, 到咗個滑雪場就會見到個吊車站啦, 一上到架吊車時, 梗係要霸番個窗邊位企啦! 呢個時候維妮見到個窗掛咗一塊膠板喺到, 維妮好奇怪究竟要嚟做咩嘅呢 ? 但因為出面啲雪景太靚啦, 維妮都無再細心去研究啦, 喺吊車到維妮只係不停講好靚好靚同不停噤影影影 哈哈~好興奮呀 到咗轉車站啦, 喺呢度已經見到有兩棵樹冰喺度啦, 我哋又影影影 嚟到轉車站, 見到有個溫度計睇下, 嘩~ -9度呀, 好凍呀!唔理啦, 快啲去轉車再上啦, 終於上到終站啦, 嘩~呢度個溫度計係 -11度呀! 但興奮心情係蓋過冰凍架, 維妮第一時間就衝咗出去睇樹冰啦 嘩~嘩~嘩~嘩~~樹冰~樹冰~樹冰呀!真係想攬住佢呀! 我同車厘子都凍到塊面紅晒呀, 好彩呢度有間餐廳可以入去暖下, 我哋就係噤暖完又再出去再睇, 睇完又入返去, 來來回回好似過冷河噤,  唔知點解啲樹冰睇極都唔厭嘅~哈哈~ 

其實我哋除咗嚟睇樹冰之外, 我哋上嚟係有一個任務架 就係要做一個實驗, 就係要睇下一條濕毛巾喺呢度"fing"係咪真係可以變雪條呢? 呢個任務我哋交咗比張生去負責!

經過3分鐘嘅過程, 係真係得架! 哈哈, 真係笑死維妮啦,做完實驗見到啲人越嚟越少, 天氣都好似越嚟越差, 明明頭先都仲可以隱約見到地藏尊, 依家都已經見唔到啦, 所以啲工作人員都開始欄繩唔比人行過去, 我哋見時間差唔多所以我哋走啦, 真係有啲唔捨得走呀 好彩今晚我哋又會再上嚟啫, he~he~  

我哋坐番吊車落去時, 有兩個工作人員同車, 呢個時候維妮終於知道掛喺窗邊塊膠板係要嚟做咩啦!  原來係用嚟捔走窗上面啲冰架, 噤睇出面啲雪景就會清楚好多啦!又幾好噃!  又喺呢個時候見車厘子神情有啲呆滯原來佢話佢唔係好舒服呀! 呀~唔通頭先凍親? 我哋今晚仲要上去架噃......

 

幾凍都要睇 笑臉2009-07-18
就係坐呢啲吊車上山睇榭冰啦!
就係坐呢啲吊車上山睇榭冰啦!
坐吊車上去時沿途啲景, 簡直靚到唔敢相信係真架!
坐吊車上去時沿途啲景, 簡直靚到唔敢相信係真架!
佢哋除咗有樹冰呢個名之外, 仲有另一個名叫樹怪, 佢哋真係好似怪物架!
佢哋除咗有樹冰呢個名之外, 仲有另一個名叫樹怪, 佢哋真係好似怪物架!
啲雪厚到連藏王地藏尊都無咗半個身呀! 噤樣比啲雪包住佢唔凍嘅咩?
啲雪厚到連藏王地藏尊都無咗半個身呀! 噤樣比啲雪包住佢唔凍嘅咩?
每個人上到嚟都一定會去敲下呢個鐘, 好似話係會保佑上嚟呢度嘅人嘅安全之類
每個人上到嚟都一定會去敲下呢個鐘, 好似話係會保佑上嚟呢度嘅人嘅安全之類
實驗成功作品~ 毛巾雪條
實驗成功作品~ 毛巾雪條
評分: 值得去5  
  0 個留言    |  加入你的留言
發表日期: 2009-07-18
日期 : 19/02/2008 (Day 4) 

行程 :  藏王溫泉街 ~ 山寺

呢朝早只得維妮, 張生同dor神食早餐!  原來車厘子尋晚半夜成晚嘔咗N噤多次  所以佢無食早餐啦!  唉! 維妮仲以為佢尋晚喺溫泉嘔完已經無晒事tim! dor神仲一邊食早餐一邊講番尋晚嘅情形, 佢話車厘子死都唔肯嘔落個馬桶到 攪到成個洗手盆都係, 仲要佢去清理...喂...喂...喂...好啦喎 我哋食緊早餐架, 再講就連我哋都嘔埋啦! 不過維妮真係擔心佢唔知可唔可以繼續之後嘅行程呀......

原本plan嘅行程係今日朝早上山睇樹冰, 但因為尋日已經睇咗, 所以今日我哋多咗半日出嚟, 所以我哋決定喺藏王呢度周圍行吓影吓相 check out 咗之後我哋又行番去滑雪場, 唔知係咪我哋尋日太心急去睇樹冰呢? 我哋今日慢慢睇先發覺到原來條橋仔後面嘅雪景係超靚架, 好似童話噤好靚好浪漫呀! 維妮又狂影相!

影完相我哋就揸埋架車落去溫泉街行, 順便要買啲藥比車厘子! 我哋買咗藥比車厘子食之後我哋三個就去咗溫泉街行, 睇吓其他啲溫泉旅館, 而車厘子就喺架車到休息, 真係有啲戥佢慘呀 維妮希望佢食咗啲藥會無事啦!

原來溫泉街啲景色都好靚架, 我哋仲行埋啲小路tim呀, 其實好多小路都比雪封咗, 啲樓梯又比雪封埋, 但我哋都要照行!  噤行法真係有啲危險架, 噤我哋噤危險都要行為咩呢? 其實都係想睇吓會唔會發現到啲咩靚靚雪景啫! 行行吓比我哋見到高見屋呀!  呢間高見屋有咩噤特別呢? 就係特別~貴囉 其實真係唔知佢貴喺邊呢? 除咗個外表靚啲之外!  行到噤上下都係時候走啦! 但維妮依然都係好唔捨得藏王呢個地方呀!

根據我哋嘅行程我哋下一站應該就直去銀山溫泉架啦, 但其實我哋都仲有好多時間, 所以我哋就決定順路去埋山寺  去到山寺已經成1點鐘啦, 我哋架車去到山寺門口就見到有個嬸嬸手指指叫我哋泊架車入去car park到 ! 但係寫住有料架噃? 點解呢 ?噤我哋就攪低個窗睇下嬸嬸講咩啦, 喺維妮聽得一半聽唔到一半之下, 知道原來嬸嬸係隔離間餐廳嘅人嚟架, 噤我哋泊咗入去係咪一定要幫親佢呢?  雖然我哋都諗住食咗嘢先上山寺, 但都比我哋揀吓好庥!  噤維妮就同dor神落車周圍睇下仲有無其他餐廳可以選擇啦!  睇來睇去, 其實都無咩好揀, 所以我哋都係決定喺番嬸嬸到食啦, 入到去嬸嬸就指我哋叫我哋換雪靴, 吓?食嘢都要著雪靴? 維妮呢個時候先知道原來嬸嬸以為我哋唔食嘢淨係上山寺, 噤維妮咪同佢講我哋想食完嘢先上去!  入到去食嘢嘅地方見到有個好kawaii嘅小朋友 又見到有個BB仲有個mama, 睇得出呢間餐廳係一家人開架啦, 呢間餐廳食嘅嘢真係好簡單, 連memu都無 啲memu全部掛晒喺幅牆到, 仲要全部係日文, 連公仔都無呀! 呢個時候車厘子話要食淨烏冬, 張生又話要食咖喱, dor神就話要食有肉嘅嘢, 維妮好似做咗呢度嘅待應噤, 個個都同維妮落order 佢哋真係當正維妮啲日文好勁噤喎, 一陣維妮唔知叫咗啲咩比佢哋食就慘啦! 噤維妮就唯有用有限嘅日文同嗰位mama落order啦, 好彩mama又聽得明維妮啲唔咸唔淡嘅日文喎~~ 不過呢位mama都好細心噤聽, 當維妮聽唔明, 佢仲帶維妮入廚房指比維妮睇係啲咩嚟tim 呢位mama真係好細心呀!  不過維妮見到佢好忙架, 又要招呼我哋啦, 又要揪住個BB, 又要開飯比嬸嬸同個小朋友食, 又要行番出去睇舖(佢哋出面其實係一間賣手信嘅舖頭嚟架!)佢真係一腳踢呀! 

食完嘢我哋就起行上山寺啦, 因為車厘子都仲係好唔舒服, 所以我哋決定留佢喺度等我哋返嚟 我哋換咗雪靴就出發啦, 其實起初維妮都唔知點解要換雪靴架, 因為維妮一直都以為山寺其實只係一間廟 噤參觀一間廟又點解要著雪靴呢?

呢到直頭靚到暈呀!
呢到直頭靚到暈呀!
靚到好似post card噤呀!
靚到好似post card噤呀!
呢度另維妮諗起飄零燕呀!
呢度另維妮諗起飄零燕呀!
其實藏王溫泉街都好靚架! 都值得去行吓!
其實藏王溫泉街都好靚架! 都值得去行吓!
原來溫泉街有間神社架!
原來溫泉街有間神社架!
原本我哋想上神社睇吓, 但上咗半條樓梯已經上唔到去啦, 啲雪封咗成條樓梯
原本我哋想上神社睇吓, 但上咗半條樓梯已經上唔到去啦, 啲雪封咗成條樓梯
想爬都爬唔到上去呀!
想爬都爬唔到上去呀!
評分: 值得去5  
山寺烏冬店 笑臉2009-07-18
評分: 味道4   服務5   環境3   衛生4   抵食4
  0 個留言    |  加入你的留言
發表日期: 2009-07-18

日期 : 19/02/2008 (Day 4) 
行程 :  山寺

換咗雪靴我哋就開始上山寺啦 上咗一段樓梯就見日枝神社! 維妮心諗山寺就係噤啦? 我哋再周圍行吓, 先知原來我哋頭先行都未正式係山寺, 因為之後我哋見到山門, 即係上山寺嘅門, 見到要比入場費300yen,  維妮當時心諗, 唔係化, 要比入場費架 淨係睇呢啲廟, 維妮真係唔係好想睇喎, 仲要比入場費? 呢個時候dor神原來已經比咗$啦 既然比咗$噤我哋梗係行啦, 入到去見到, 嘩~好高喎, 又噤多樓梯, 真係要行? 唔知有無嘢睇架噃? 呢個時候維妮真係想講:{可唔可以唔上呀!} 但眼見dor神行得好似好開心噤, 維妮同張生都唯有照跟啦, 越上得高啲路就越難行, 維妮依家先知道點解要換雪靴, 真係好彩有雪靴咋, 如果唔係我哋未上到一半都已經扇到灘灘腰呀! 好彩沿途都有啲景可以影下相, 順便可以比維妮抖下, 上到一半, 見到原本係樓梯嘅地方已經唔係樓梯嚟架, 係已經變咗一條舖滿雪嘅斜路呀, 我哋係咪真係要繼續上呀 ? 但其實維妮真係想放棄 但眼見dor神一枝箭噤行, 維妮同張生都好似無得揀噤! 對於dor神嚟講就梗係小兒科啦 佢平時都行慣山, 但對於連平時行街都覺得攰嘅維妮嚟講, 上噤多級樓梯已經係超~超~超~極限啦 好彩都仲有張生陪住維妮, 如果唔係維妮真係企喺度等都似! 維妮同張生又行又爬噤, 終於聽到dor神講, {到啦! 快啲上嚟呀! 呢度好靚呀!} 聽到dor神噤講, 維妮真係好開心呀! 因為知道終於行完啦!  上到去, 見到有展望台, 呢度叫五大堂!  一望出去......維妮第一句講嘅嘢就係:{係咪痴線架......有無可能靚到噤呀!} 維妮完全唔相信眼前嘅雪景係真實, 簡直靚到好似一幅畫噤 呢個時候維妮已經唔記得咗自己究竟有幾攰, 可以睇到噤靚噤浪漫嘅雪景真係行得噤辛苦都值得架! 睇夠之後, 我哋決定走啦, 真係好唔捨得, 但呢個超靚嘅畫面維妮係唔會忘記! 

真係上山容易落山難呀 頭先我哋上嚟, 就算舖滿雪, 我哋都可以爬下爬下噤爬上去, 但落山呢? 唔通真係sir落去咩? 雖然落山無上山噤辛苦, 但就危險好多啦, 一下唔覺意真係可以好似雪球噤轆落山呀! 我哋慢慢噤行, 終於返到落去啦, 我哋返番去嬸嬸間餐廳到, 還番啲雪靴比嬸嬸, 嬸嬸見我哋行得噤辛苦仲斟咗啲茶比我哋飲 我哋喺嬸嬸到再抖咗一陣就正式離開山寺, 向呢個銀山溫泉出發啦!

維妮之後睇番啲資料先知道原來山寺總共有1,015級樓梯, 知道咗之後維妮都好佩服自己竟然可以有噤嘅能耐去完成呢個山寺旅程!

後記: 由一開始維妮完全唔知上到去有無嘢睇, 但又能堅持到底好辛苦噤繼續行, 上到去可以見到超乎現實嘅雪景, 呢個過程維妮係絕對唔會忘記! 維妮相信如果我哋無行過1,015級樓梯, 呢個山寺旅程一定唔會好似依家噤難忘!

未正式上山寺時, 有間日枝神社!
未正式上山寺時, 有間日枝神社!
睇到幅山寺地圖, 其實沿途係有好多寺院架!
睇到幅山寺地圖, 其實沿途係有好多寺院架!
真係有啲唔敢相信維妮噤都可以爬上去呀!
真係有啲唔敢相信維妮噤都可以爬上去呀!
未上到五大堂, 望番落去都已經好靚!
未上到五大堂, 望番落去都已經好靚!
上到去五大堂, 望出去嘅雪景, 簡直靚到唔敢相信係真架!
上到去五大堂, 望出去嘅雪景, 簡直靚到唔敢相信係真架!

幾辛苦都要行上去呀!

評分: 值得去5  
  0 個留言    |  加入你的留言
發表日期: 2009-07-18
日期 : 19/02/2008 (Day 4)

行程 :   銀山溫泉

我哋上咗車之後就set個GPS啦, 當我哋禁咗銀山莊個電話後, 個GPS就彈咗一句嘢出嚟 但維妮都未睇得切佢寫咩, 就無咗啦, 但我哋之前嗰啲都無呢句嘢彈出嚟架?  其實我哋都估到可能係話封咗路, 噤我哋見個GPS又無其他指示, 所以我哋無理到, 照行啦 ~ 我哋依指示行咗大半路程, 去到一個上山嘅路口, 見到有個牌寫住咩封路噤, 但我哋見個GPS又無啲咩指示,  噤我哋就繼續行啦, 但我哋就行得好慢, 因為真係驚封咗路, 其實我哋都覺得越行越唔對路架啦 條路又窄又無車喎, 行行吓我哋就見到有兩個男人喺到產緊雪 不如就問下佢哋啦, 噤維妮就落車問呢條路係咪行唔到架啦? 點知佢真係話唔行得, 噤維妮就順便問埋佢銀山莊點去啦, 佢就指番我哋落山!  既然係噤我哋就唯有落番山啦, 落番山後我哋又重新set過個GPS, 今次個GPS就就無彈句嘢出嚟啦, 噤我哋就繼續行啦, 好彩我哋發覺其實都唔係行多咗好多路啫!

大約5點終於去到我哋今晚住嘅旅館~銀山莊啦! 其實銀山莊離銀山溫泉街係有一段路架, 原本維妮真係好想直頭住喺銀山溫泉街到, 可以感受吓啲浪漫氣氛呀庥!  但經兩位大少左揀右揀最後都係決定揀呢間  不過佢哋又真係無揀錯, 因為呢間酒店維妮覺得係我哋今次嘅旅程最正最靚嘅一間! check in嘅時候佢哋要我哋填一份問卷噤嘅嘢, 當中有問今晚嘅晚餐要食飯定食粥, 飲啲咩噤, 其中飲品一欄有葡萄酒呢樣嘢, 噤我哋以為噤好唔駛$有葡萄酒飲嘅?  噤我哋咪揀咗一個要葡萄酒, 其餘就要果汁啦! 點知到我哋check out時先知原來啲嘢飲係要$架! 如果一早知要$就唔飲啦! 之後我哋一入到間房, 維妮就比窗外嘅景色吸引住啦 因為窗外係一個好靚嘅雪景, 一眼望埋去仲以為掛咗幅雪景畫tim呀! 真係靚到暈呀! 但維妮好奇怪唔知點解窗前會有個望遠鏡係到, 究竟有咩望呢 ? 唔通會有小動物睇?  到依家維妮都唔係好明! 維妮同張生見仲有一段時間先到食飯時間, 所以我哋就諗住去銀山溫泉街行個圈先! 但因為車厘子都仲係有啲唔舒服想訓下, dor神就話想去浸下溫泉先, 所以只係得維妮同張生! hee~可以乘機過下二人世界啦! 唔知係咪維妮抱得太大期望定係因為夜晚嘅關係呢, 去到銀山溫泉街竟然覺得無想像中噤靚 再加上又靜嬰嬰, 又唔知點解周圍都濕淋淋, 我哋部傻瓜相機喺啲噤嘅燈光下影啲相又唔得喎, 都係等今晚dor神帶埋佢嗰部相機先再影過!  我哋周圍行下, 行咗兩間手信舖, 買咗少少手信就走啦, 不過當我哋喺其中一間舖頭買完嘢諗住行番去銀山莊嘅時候 竟然見到頭先我哋買手信嗰間舖頭嘅人追出嚟, 我哋仲以為係咪我哋比錯$呢 ? 點知原來唔係, 佢只係想幫維妮同張生影相 佢真係好好人呀, 佢另維妮諗起銀山溫泉有句說話就係"一期一會" 真係好貼切呢!

返到酒店我哋換過浴衣就去食飯啦!  今晚又食懷石料理, 呢度好好呀, 有間房比我哋, 去到一樣都係已經擺好晒啲食物, 呢晚嘅懷石料理一樣都係噤靚, 而且唔知點解維妮覺得今餐啲食物仲多咗份誠意tim!  枱上面仲有張好精美嘅memu寫晒每樣餸嘅名, 嗰位侍應姐姐仲好細心噤逐樣解釋!  我哋就不停噤講係,係,係 ~ 但其實維妮想同佢講, 妳解釋完我哋都唔知妳講咩架啦! 但佢嘅誠意係可加嘅!


 

食完噤好味又噤有誠意嘅懷石料理之後, 我哋就再去銀山溫泉影相啦! 唉! 車厘子繼錯失咗山寺之後, 今次又錯失埋銀山嘅夜景啦, 佢都係繼續要休息呀 噤我哋唯有三人行啦! 維妮同張生今晚好勇呀 只係著咗旅館嘅浴衣, 再著埋旅館提供嘅大褸就出去啦, 點解我哋噤勇, 咪就係為咗要影啲喺銀山著住浴衣嘅相囉 哈哈~係咪有啲頂我哋唔順呢! 但dor神就無我哋噤勇啦, 不過唔緊要啦, 佢今晚嘅職責都係攝影帥咋庥 hee~雖然維妮同張生都著得噤少, 但唔知點解又真係唔覺得凍喎! 去到銀山溫泉仲靜過頭先同張生嚟嗰陣呀, 連啲手信舖都關晒門! 噤都好呀, 起碼唔會有人阻住我哋影相呀! 一嚟到銀山溫泉dor神就成個攝影帥噤, 又set相機又set腳架! 噤維妮同張生當然係沖當model啦 我哋真係好似model架, 因為我哋影嘅時候係叫dor神set好晒嘢, 真係影得啦, 我哋先至除褸, 哈哈~  今晚我哋好幸運噤見到真狸貓呀, 不過佢真係好可憐呀 佢個樣好似好驚噤, 佢應該係好凍呀, 因為佢係伏咗喺個足湯側邊, 佢個樣真係好可憐呀! 但最可憐都係佢之後比一班日本人搵啲膠樽掟佢, 真係離晒譜呀 一啲同情心都無! 之後我哋臨走時再去睇下隻狸貓, 但已經唔見咗啦! 影完相, 做完model我哋就返銀山莊浸溫泉啦 , 行返去嘅途中開始有少少飄雪, 張生即刻話行快兩步 因為佢話想試下一邊落雪一邊浸溫泉嘅感覺, 佢真係恨咗好耐架啦! 不過今次佢又失望啦, 因為我哋未行到返旅館時, 啲雪已經停咗啦!

返到去旅館我哋就去浸溫泉啦, 今次車厘子唔要洩呀 佢都要浸, 梗係啦, 我哋揀啲噤貴嘅旅館都係為咗個溫泉咋, 如果唔浸就真係好洩架! 不過見車厘子啲精神都已經好咗好多, 都放心啲! 今晚嘅溫泉真係好舒服呀 雖然呢度嘅溫泉都唔算係好古式嗰隻, 但就真係好舒服呀, 因為呢度嘅露天溫泉係可以訓喺到浸, 同車厘子一邊浸一邊傾計, 真係超爽呀 hee~ 今次我哋又係包咗個露天風呂呀! 浸浸下我哋又聽到兩位大少把聲, 我哋又好似喺紅葉館噤, 隔板傾計 同樣都好彩無人, 如果唔係又失禮死人啦!

 

銀山莊 笑臉2009-07-18
一入到房就比出面嘅雪景吸引啦!
一入到房就比出面嘅雪景吸引啦!
真係似幅畫多過似窗外嘅雪景呀!
真係似幅畫多過似窗外嘅雪景呀!
窗外嘅雪景真係好靚呀!
窗外嘅雪景真係好靚呀!
窗外嘅雪景真係好靚呀!
窗外嘅雪景真係好靚呀!
今晚食飯嘅地方! 幾優雅!
今晚食飯嘅地方! 幾優雅!
睇下今晚有咩食先???
睇下今晚有咩食先???
今餐嘅懷石料理真係好睇又好食呀!
今餐嘅懷石料理真係好睇又好食呀!
呢杯酒紅色的心好吸引維妮呀!
呢杯酒紅色的心好吸引維妮呀!
評分: 設備5   服務5   環境5   衛生5   抵住5
銀山溫泉 笑臉2009-07-18
靜嬰嬰嘅銀山溫泉街
靜嬰嬰嘅銀山溫泉街
好出名嘅昭和館
好出名嘅昭和館
全銀山最貴嘅旅館~滕屋
全銀山最貴嘅旅館~滕屋
可憐的狸貓~
可憐的狸貓~

評分: 值得去5  
  0 個留言    |  加入你的留言
發表日期: 2009-07-18

日期 : 20/02/2008 (Day 5)

行程 :   銀山溫泉~ 松島船河

呢朝早張生一早就同dor神去咗浸溫泉, 維妮就真係起唔到身呀, 要訓多陣先得呀 維妮諗住訓到佢哋返嚟就起身啦, 點知唔夠一陣張生就返嚟啦 維妮仲以為無得浸啦, 點知原來佢話溫泉無人呀, 要攞部相機去影相!  

今朝嘅早餐又喺番尋晚食飯嘅地方, 真係估唔到呢度連早餐都好似食懷石料理噤豐富呀! 一樣都係又靚又好味!

食完個靚靚早餐, 我哋又再去銀山溫泉街, 今次要睇下日頭嘅銀山又有幾靚! 日頭嘅銀山真係比起夜晚嘅銀山靚好多呀, 行到去足湯, 張生, dor神同車厘子都話要浸下足湯, 但維妮真係無興趣呀 除咗嚴庥煩之外, 其實維妮覺得啲水係有啲污漕架, 所以佢哋就浸腳, 維妮就周圍行下啦! 佢哋浸完腳, 我哋又周圍影下相 之後我哋就去買下手信啦, 其實維妮最想去睇嘅就係一間整木頭公仔嘅舖頭 因尋晚嚟到時佢都已經關咗門啦! 呢間舖頭入面有好多亞信嘅相喺度架,  因為銀山係亞信嘅故鄉 據說當年亞信就係喺銀山溫泉街呢度同佢亞媽分開 佢亞媽就送咗個呢啲木頭公仔比亞信! 其實呢個N年前嘅劇集, 維妮真係一早忘記得一乾二淨 依家嚟到銀山, 維妮真係好想揾番呢套劇嚟睇呀! 但睇怕都幾難搵到啦! 手信又買完, 相又影完, 我哋就返旅館check out, 正式離開銀山呢個地方啦! 

 

銀山莊 笑臉2009-07-18
呢個就係銀山莊個露天風呂啦
呢個就係銀山莊個露天風呂啦
睇下呢個早餐幾豐富!
睇下呢個早餐幾豐富!
評分: 設備5   服務5   環境5   衛生5   抵住5
銀山溫泉 笑臉2009-07-18
銀山溫泉街嘅足湯
銀山溫泉街嘅足湯
就係呢間舖頭有好多亞信嘅相啦, 維妮都唔執輸買咗幾個送比人hee~
就係呢間舖頭有好多亞信嘅相啦, 維妮都唔執輸買咗幾個送比人hee~
評分: 值得去5  
  0 個留言    |  加入你的留言
發表日期: 2009-07-18

日期 : 20/02/2008 (Day 5)

行程 : 松島船河
一路上我哋都好擔心車厘子究竟頂唔頂得順可以去遊船河呢? 但其實佢嘅精神已經好咗好多啦! 我哋都係諗住去到先算啦 跟住個GPS行差唔多2點半就去到目的地, 但點解好似唔係好似噤嘅? 見有個觀光案內所喺到, 噤維妮同dor神又落車去問下啦, 點知原來真係喺到買船飛, 但上船就喺隔離, 噤我哋咪照買飛囉, 睇下個船期, 原來最尾班船係3點喎, 真係好彩啱啱趕到坐最尾一班船 我哋買咗飛上番車, 一分鐘車程都唔駛就見到個碼頭啦, 啱啱好對面就有個car park就泊入去啦 哈哈~又係全自助停車場喎! 泊好架車我哋見仲有少少時間就去咗間手信舖行咗個圈, 之後就行去碼頭等上船 今次遊船河嘅主角其實係餵海鷗, 維妮開頭以為係要出咗海先會見到海鷗, 點知原來喺碼頭都已經有好多海鷗啦! 維妮心諗係度餵咪得啦, 駛咩坐船出去餵呢, 但原來喺船上面餵海鷗係好玩好多架!

落咗船後我哋就喺碼頭附近四圍行吓, 行行下我哋見到有蠔食喎, 仲係200yen一隻 因為我哋唔諗住去任食蠔, 所以我哋就喺到試下啲松島蠔啦! 我哋要咗5隻, 點知dor神同張生都話唔食 只得維妮同車厘子食, 啲蠔又燒又焗下噤, 整到半生熟, 食落去係好鮮甜架 維妮一食就食咗三隻啦! 其實真係想食多幾隻架, 但我哋又想再行下睇下仲有無其他嘢食喎, 所以都係少食多滋味! 行行下我哋又見到有間舖頭賣燒米餅, 維妮同車厘子一睇就知唔方好食啦 但兩位大少竟然好有興趣, 仲一人買咗一大塊, 真係有成塊臉噤大架! 食到佢哋傻呀! 最終佢哋都係食唔晒啦! 再行行下我哋就行到去松島漁市場, 但人哋已經關晒門啦, 我哋唯有明天請早啦! 行到噤上下我哋就行番去car park攞番架車去我哋今晚住嘅酒店松島大觀莊啦!


 

由碼頭去松島大觀莊, 車程唔駛10分鐘 近到我哋上車set完GPS後就已經話我哋到咗目的地! 我哋一去到大觀莊門口未落車就已經有位靚女出嚟迎接我哋 我哋落車想落行李時, 個靚女仲幫手tim! 嘩 ~ 我哋啲行李件件都重過咩噤, 佢又細細粒, 我哋邊忍心比佢攞呀 我哋即刻話唔駛我哋自己攞得啦, 真係唔係好明 間酒店無男人嘅咩? 點解要個女仔出嚟搬行李呢? 不過我哋見喺日本啲酒店好多女仔都係一腳踢 咩都要做, 好似我哋之前住嘅藏王國際帶我哋上房嘅女仔噤, 帶房又係佢, 到夜晚食飯又見佢做待應, 到第二朝食早餐又見佢, 真係我哋見到佢都辛苦呀! 

我哋落晒行李就有個司機出嚟幫我哋泊好架車, 一入到大觀莊第一個感覺係一間好國際化嘅酒店, 同之前我哋住嗰啲好日本式嘅好唔同, 即刻有一點失落呀 ~ 今晚我哋住嘅係和洋室, 即係間房一邊係和式, 一邊係洋式! 其實個感覺係有啲怪怪地囉! 我哋見仲未係時候食飯, 所以我哋就諗住去浸一浸先! 不過呢度同我哋之前浸嘅溫泉真係差好遠呀, 呢度其實唔可以叫做溫泉, 只可以叫大浴場(原來佢哋嘅web site都係噤寫) 真係一啲溫泉feel都無呀! 所以我哋都係係噤易浸下就走啦, 浸完溫泉維妮同車厘子四圍行下, 發覺原來呢間酒店好大架! 行到噤上下我哋就去食飯啦! 今晚我哋終於可以轉下口味, 唔駛再食懷石料理啦, 今晚我哋係食buffet, 一入到去我哋就見到好多人圍住張長枱又影相又拍手噤做咩呢? 原來係有個師傅喺度劏緊條好大條嘅吞拿魚呀! 呢度啲食物同我哋平時食嗰啲都無咩分別, 但呢度就有勁多甜蝦任食, "正"呀! 食飽飽後我哋就去買手信啦, 呢度賣手信嘅地方都算係我哋住噤多間酒店最大嘅一間啦! 買完手信我哋就喺lobby到一邊食雪糕一邊玩電腦 玩玩下張生同dor神話要去埋舊館浸溫泉, 真係唔係好明, 點解啲男人噤鍾意浸溫泉嘅? 維妮同車厘子真係無興趣, 所以我哋就繼續玩電腦, 玩到噤上下我哋就返房, 養精蓄銳等聽日繼續我哋嘅行程啦!  

松島船河 ok喇2009-07-18
松島碼頭
松島碼頭
我哋咪坐呢架船出海餵海鷗囉!
我哋咪坐呢架船出海餵海鷗囉!
啲海鷗好白好靚呀!
啲海鷗好白好靚呀!
幾多海鷗!
幾多海鷗!
好辛苦先至影到佢哋食蝦條嘅一刻咋!
好辛苦先至影到佢哋食蝦條嘅一刻咋!
睇下~ 4,3,2,1 食晒! 哈哈~
睇下~ 4,3,2,1 食晒! 哈哈~
同海鷗玩遊戲
評分: 值得去4  
松島大觀莊 ok喇2009-07-18
呢間就係好國際化嘅松島大觀莊啦!
呢間就係好國際化嘅松島大觀莊啦!
喺房望出去嘅view, 雖然無之前嗰啲噤好view, 但都唔差啫!
喺房望出去嘅view, 雖然無之前嗰啲噤好view, 但都唔差啫!
呢度仲有個花園仔tim!
呢度仲有個花園仔tim!
唔知點解佢哋唔將個泳池啲水放咗去呢? 攪到結晒冰, 呢個張生唔通想溜冰?
唔知點解佢哋唔將個泳池啲水放咗去呢? 攪到結晒冰, 呢個張生唔通想溜冰?
一間房有洋式同,
一間房有洋式同,
和式!
和式!
今晚嘅buffet!
今晚嘅buffet!
好大好多嘢買嘅手信舖呀!
好大好多嘢買嘅手信舖呀!

評分: 設備4   服務4   環境4   衛生4   抵住4
  0 個留言    |  加入你的留言
發表日期: 2009-07-18

日期 : 21/02/2008 (Day 6)

行程 :  松島漁市場 ~五色沼~ 檜原湖

尋日嚟到松島見到一啲雪都無, 仲以為松島已經無雪落 點知今朝一起身望出去就見到大風雪, 心情即刻興奮番呀! 但點知我哋食完早餐啲雪又開始溶, 啲天氣真係變得快呀! 食完早餐我哋就 出發去松島漁市場, 由大觀莊去漁市場係非常之近, 10分鐘唔駛就到啦去到漁市場, 嘩~靜嬰嬰 除咗嗰度啲職員之外就得我哋四個, 係咪我哋晏得滯呢 但其實都係九點幾咋噃, 不過呢個漁市場一啲都唔吸引呀, 維妮覺得呢度似超級市場多過似漁市場囉 原本維妮都好想試下啲蠔, 但噤早, 又啱啱食完早餐真係唔係幾食得落, 所以都係算數 但我哋就買咗兩串燒牛舌, 係一啲都唔好食呀! 食完我哋就走啦, 下一站係五色沼!

喺戰戰兢兢嘅情況下, 維妮終於都揸到嚟五色沼啦, 唔好以為我哋真係噤順利去到咗五色沼, 去到我哋係咩沼都見唔到 噤我哋去到五色沼嘅案內所, 就入去問下啦, 呢個案內所我哋都差啲睇佢唔到呀, 因為啲積雪多到包住咗成間案內所噤滯呀?  我哋入到去問咗個職員, 佢教咗我哋行, 又話啲沼依家太多雪係行唔到 呢個我哋都知, 但以我哋啲資料睇起碼都可以睇到最大嗰個沼 ~ 毘沙門沼架喎! 我哋依照佢教嘅路去睇下啦, 但我哋左兜右兜都係搵唔到, 之後我哋又返番去案內所又問番個職員, 佢又教多我哋一次 之後我哋又再搵過 ~ 又搵唔到 ~ 又返去 ~ 我哋來來回回足足三次, 之後我哋行咗去個案內所後面, 見到有間旅館, 但呢間旅館竟然寫住冬季休業! 哈哈~酒店都要冬眠呀! 喺呢間冬眠咗嘅旅館對面, 我哋見到個疑似毘沙門沼呀, 但真係完全唔知道係咪, 因為我哋想行落去睇下, 但真係搵唔到路可以行落去, 周圍都係積雪, 我哋又見唔到有咩牌寫住毘沙沼! 究竟呢個係咪就係毘沙門沼呢? 到依家都係一個迷! 我哋見噤嘅環境, 所以我哋決定放棄五色沼呢個景點, 我哋直接去下一個景點檜原湖.

由五色沼去檜原湖車程都係十分鐘左右, 我哋去到見到有嘢食, 梗係醫肚先啦 呢間餐廳係可以望住個檜原湖食嘢架, 但就靜嬰嬰, 我哋又包場啦! 呢間餐廳係要自己入$落部機到買飛! 我哋一邊食一邊欣賞個檜原湖, 呢個檜原湖已經係結晒冰架啦, 啲冰厚到啲人可以起間屋仔喺入面釣魚架! 仲可以喺湖上面玩雪上電單車tim呀! 我哋見到有個牌寫住 "雪上電單車檜原湖遊覽" 哝~咪即係可以坐住架雪上電單車游個湖囉, 都幾好玩喎, 我哋一於食完嘢去睇下先!

食完嘢我哋就落番去下面, 呢度有個conter係可以租啲釣魚用具比人釣魚 我哋就去問下啲雪上電單車啦! 個怕怕啲英文又幾ok喎 1000yen十分鐘, 會喺個湖兜個圈! 噤都ok呀, 我哋一於試下啦! 我哋又要換雪靴, 換完雪靴我哋就行出去, 嘩 ~ 一行到出去勁大風呀 上到架電單車仲死, 好似十號風球噤, 啲風吹到都抖唔到氣呀, 如果話藏王大風, 喺架電單上面風馳電制就簡直係藏王嘅十陪呀! 捱咗差唔多5分鐘嘅十級風力, 我哋落車個個都變晒巔佬巔婆! 企喺個湖上面嘅感覺真係好唔安全呀 成日都好驚啲冰會裂開, 到時我哋就真係齊齊游冬泳啦! 嗰位揸電單車嘅靚仔仲用隻腳整爛啲冰比我哋睇下啲冰有幾厚呀! 真係唔該佢呀! 其實個湖有好大範圍都有繩圍住唔比人行過去, 張生仲腳多多走去踩下人哋圍住咗個範圍入面啲冰, 最後咪比人話囉! 真係修家呀! 不過原來圍住嘅位置真係比我哋企住嗰啲位置嘅冰簿啲架! 但其實只係一繩之隔咋喎, 真係越諗越唔安全呀! 我哋仲去咗睇人哋釣魚, 其實應該係釣魚毛至真! 其實見佢哋喺間屋仔入面排排坐噤釣魚毛都幾得意架喎! 影完相我哋又要坐返嗰架十號風球電單車返去, 唉~我哋又再次變做巔佬巔婆啦! 雖則要捱十級風力, 但真係好刺激, 好好玩呀!  

 

松島漁市場 哭臉2009-07-18
維妮第一次喺雪地揸車呀! 好激呀!
維妮第一次喺雪地揸車呀! 好激呀!
我哋就係喺呢度試咗燒牛舌啦, 不過唔好食囉!
我哋就係喺呢度試咗燒牛舌啦, 不過唔好食囉!
幾得意,  用啲蠔壳砌咗個蠔嘅日文喎!
幾得意, 用啲蠔壳砌咗個蠔嘅日文喎!
維妮第一次喺雪地揸車呀! 好激呀!
維妮第一次喺雪地揸車呀! 好激呀!
評分: 值得去2  
五色沼 ok喇2009-07-18
睇下啲積雪有成個人噤高呀! 後面就係五色沼嘅案內所啦, 如果啲雪再高啲真係連間案內所都見唔到呀!
睇下啲積雪有成個人噤高呀! 後面就係五色沼嘅案內所啦, 如果啲雪再高啲真係連間案內所都見唔到呀!
呢間就係冬眠咗嘅旅館啦!
呢間就係冬眠咗嘅旅館啦!
疑似毘沙門沼, 如果有人知呢個係咪毘沙門沼, 請話聲比維妮知, 唔該!
疑似毘沙門沼, 如果有人知呢個係咪毘沙門沼, 請話聲比維妮知, 唔該!
搵唔到沼, 唯有又砌雪人啦!
搵唔到沼, 唯有又砌雪人啦!
評分: 值得去3  
檜原湖 笑臉2009-07-18
檜原湖呀! 寫住有雪上電單車坐架!
檜原湖呀! 寫住有雪上電單車坐架!
樓梯下面原本係水嚟架, 依家結晒冰啦!
樓梯下面原本係水嚟架, 依家結晒冰啦!
十號風球電單車!
十號風球電單車!
後面原本都係湖水, 睇真啲呢個檜原湖其實係好大架!
後面原本都係湖水, 睇真啲呢個檜原湖其實係好大架!
呢啲原本都係湖水!
呢啲原本都係湖水!
啲人就係喺呢啲屋仔入面釣魚毛啦!
啲人就係喺呢啲屋仔入面釣魚毛啦!
睇下佢哋釣得幾開心!
睇下佢哋釣得幾開心!
評分: 值得去5  
  0 個留言    |  加入你的留言
發表日期: 2009-07-18

日期 : 21/02/2008 (Day 6)

行程 :  鶴城 ~ 東山溫泉

離開檜原湖之後, 應該就係直接去今晚住嘅酒店 ~ 御東鳳 但因為我哋見鶴城離御東鳳唔遠, 所以我哋就順路去探一探呢個鶴城啦! 喺東北我哋浸溫泉好多時都可以包埸, 食嘢又包埸, 估唔到我哋嚟到鶴城都可以包場 哈哈~ 嚟到人影都唔多隻呀, 不過如果多人嘅, 我哋影相就無噤方便啦! 所以維妮覺得又幾好噃! 但其實係咪有啲奇怪呢, 噤大嘅鶴城點解會無人嘅呢? ha~ 原來人哋已經關咗門啦, 唔怪得人影都無隻啦, 因為關咗門所以我哋無得入去睇, 只係喺出面影下呢個鶴城啦 但其實呢個鶴城最靚最出名咪就係佢嘅外表咋庥, 所以我哋無得入去都唔覺得可惜! he~he~ 影完相我哋就去今晚住嘅旅館御東鳳!


御東鳳係喺東山溫泉到, 未去御東鳳之前我哋就去咗東山溫泉街兜個圈睇下其他旅館正唔正! 發覺間間都好似好簡陋, 又好細噤, 再睇番我哋住嘅御東鳳, 唉~未入去淨睇外表, 非常大陸feel, 我哋已經對今晚嘅旅館無晒期望啦......但原來我哋係錯錯錯錯晒呀! 個帶房一路帶我哋上房, 我哋一路睇發覺原來都唔係好差咋噃, 點知一入房仲驚喜 通常維妮一入到房都係第一時間打開個窗睇下出面嘅view正唔正! 今次維妮都唔例外, 一打開個窗簾就係一個 "嘩" 字, 係一個超靚嘅會津若松夜景呀 簡直靚到暈呀! 望住個噤靚嘅夜景真係有啲醉醉哋呀! 就喺維妮陶醉緊呢個夜景時, 電話响 原來係車厘子, 佢問我哋間房有無本聖經擺喺到, 維妮睇過無喎?  但佢話間房有, 驚到佢都唔知點算好噤 維妮就話我同妳調房啦, 反正維妮都無咩所謂! 但的而且確又係有啲奇怪, 點解佢間房會多咗本聖經, 而維妮間房又無呢? 算啦, 無謂再研究呢個問題, 越研究就越唔安樂! 之後頭先帶房嗰位靚女問我哋想幾點食飯, 我哋就話7點啦, 因為今晚我哋嘅晚飯係喺自己間房食, 所以佢又問我哋想喺邊間房食, 噤維妮見之前車厘子嗰間有聖經, 噤咪話喺無聖經嗰間房到食啦 點知佢話有聖經嗰間大間啲會好啲! 唉~噤妳又問我哋想邊間? 真係比佢激死! 未食飯之前我哋又浸一浸先! 一路行去浸溫泉嘅地方都覺得係好spa feel呀, 真係估唔到呢間旅館係噤靚架, 所以呢凡是都唔好睇外表呀! 入到去維妮就第一時間出咗去露天風呂, 因為維妮實在係忍唔住呀 因為呢度個露天風呂正到簡直唔識點去形容呀, 因為呢度個view就係我哋間房所睇到嘅會津若松夜景個view呀對住個噤靚嘅夜景view浸溫泉係咩呀? "嘆" 囉! 哈哈~ 呢一刻維妮真係有少少覺得自己做緊富豪呀! 哈哈~ 另一邊仲可以訓住嚟浸tim呀! 簡直嘆到暈呀! 連車厘子呢晚唔浸得溫泉, 佢都忍唔住要行出嚟企喺度浸腳就知有幾正啦! 呢度係維妮喺東北所浸過嘅溫泉唯一一個浸到唔捨得走嘅溫泉 維妮真係驚自己會浸浸下訓著呀, 嗰時真係大事件啦 所以維妮要清醒啲呀, 浸咗差唔多半個鐘維妮就同車厘子返房啦, 沖完涼維妮又坐咗喺個醉人夜景前面等開飯啦! 

今晚又係食懷石料理, 不過呢度啲懷石料理有少少西餐feel, 但都係靚到唔捨得食 呢度啲懷石料理又係好似食極都食唔完噤, 食食吓又有人敲門攞嘢入嚟都唔記得咗佢敲咗幾多次門啦, 我哋個個都飽到唔識郁呀!

鶴城 ok喇2009-07-18
睇下成個鶴城人影都無隻呀, 我哋豪到連鶴城都包場呀!
睇下成個鶴城人影都無隻呀, 我哋豪到連鶴城都包場呀!
鶴城!
鶴城!
評分: 值得去3  
御東鳳 笑臉2009-07-18
呢個就係我哋間房望出去嘅會津若松夜景view,  真係唔駛飲酒都醉醉地呀!
呢個就係我哋間房望出去嘅會津若松夜景view, 真係唔駛飲酒都醉醉地呀!
一路行去浸溫泉嘅地方都好spa feel呀~
一路行去浸溫泉嘅地方都好spa feel呀~
唔好入錯棚雲の湯係男湯, 宙の湯係女湯! (其實我哋都只係馮直覺, 紫色係女湯, 男色係男湯)
唔好入錯棚雲の湯係男湯, 宙の湯係女湯! (其實我哋都只係馮直覺, 紫色係女湯, 男色係男湯)
呢度係男湯入面影而且係晨早嘅view, 請大家試諗下呢張相變咗係夜晚嘅, 會唔會有醉醉哋嘅感覺?
呢度係男湯入面影而且係晨早嘅view, 請大家試諗下呢張相變咗係夜晚嘅, 會唔會有醉醉哋嘅感覺?
呢個就係女湯嘅露天風呂啦, 係咪好正呢?
呢個就係女湯嘅露天風呂啦, 係咪好正呢?
今餐嘅懷石料理幾豐富!
今餐嘅懷石料理幾豐富!

評分: 設備5   服務5   環境5   衛生5   抵住5
  0 個留言    |  加入你的留言
發表日期: 2009-07-18

日期 : 22/02/2008 (Day 7)

行程 :  大內宿  ~ 龍王峽 ~日光東照宮

今朝早一起身就睇下個會津若松嘅日景, 清早望出去真係好寧靜好舒服呀!不過今朝起身係有啲失落架, 因為今晚我哋將會離開東北返去東京啦, 真係有啲唔捨得呀!

食完蟹宴, 我哋就搭JR落新宿行街街啦, 嚟到新宿, 好似去咗銅鑼灣噤, 撞口撞面都係香港人, 同東北真係好唔同呀! 呢一刻梗加掛住東北呀!


因為今日嘅車程時間比較多, 所以我哋早咗出發, 未夠9點我哋已經食完早餐check埋out出發啦! 第一站係大內宿, 一嚟就係差唔多成兩粒鐘車程, 去到大內宿都已經係11點! 大內宿其實係一條街, 兩邊有好多舖頭, 有食嘅, 有賣精品嘅, 維妮就對啲精品好有興趣啦, 最後維妮就喺到買咗一對白兔仔同一個大內宿公仔啦, 好得意呀! 行到悶悶哋我哋又玩拍廣告, 哈哈~係咪有啲頂我哋唔順呢!? 我哋行到噤上下就搵嘢食啦, 記得嗰時睇雪映移城, 裕美好似喺呢度食soba, 我哋就搵soba食啦 揾咗一間試試正正嘅! 呢間舖頭有好多關於日本東北嘅旅遊書比人客睇架, 維妮當然唔放過 攞嚟睇下啦, 揭揭下比維妮睇到檜原湖同五色沼嘅夏天相喎, 即刻影低佢啦! 哈哈~

食完嘢我哋就離開大內宿啦, 之後我哋再去鬼怒川嘅龍王峽 唉~我哋又比亞GPS小姐玩啦 明明話到咗目的地架啦, 但都係咩都見唔到, 搵來搵去差啲想放棄架啦, 點知又喺呢個時候比我哋搵到喎, 原來又要行山禁行 維妮又抱住喺山寺嘅希望比心機噤行, 根據資料呢度應該有條河川同有條紅橋, 我哋嘅目的就係去睇呢條河同橋, 行~行~行~終於見到條河同條紅橋啦, 不過無想像中噤靚喎, 但條河啲水係冰綠色又幾靚嘅! 噤當然無山寺噤靚啦!

之後就係我哋喺東北最後一個景點, 東照宮啦! 維妮對東照宮真係失望呀, 又無嘢睇, 周圍又濕漉漉, 完全覺得返咗大陸噤呀, 估唔到喺東北最後嘅一個景點係噤失望呀! 不過呢度真係幾大, 大到我哋差啲盪失路搵唔番個停車場呀! 攞番架車後, 我哋就要同東北講byebye啦 真係超勁唔捨得呀, 好唔想離開東北呀!

一落番東京就遇到大塞車啦, 維妮訓醒幾次, nds都打完幾混都未到我哋嘅酒店呀, 點知塞完車亞GPS小姐又玩嘢 今次係就係話我哋到咗目的地, 但我哋又見唔到間酒店喎, 又要我哋搵一大輪, 真係比佢玩死!

當我哋check in時, 櫃台小姐拎咗個包裹比我哋, 大家仲記唔記得係咩? 咪就係車厘子個銀包囉, 宅急便送到盛惠750yen 真係超低呀, 低過我哋返轉頭去攞啦! 放低咗啲行李我哋就即刻要去還車啦, 因都已經過晒鐘啦,  好彩又好順利搵到間租車公司, 又噤啱租車公司隔離就係我哋今晚想去食嘅蟹道樂, 真係好呀, 唔駛搵餐檬先有得食! 張生一直都諗緊一個問題, 就係我哋聽日去見小王子好唔好都租車去 佢喺香港已經諗到依家啦, 最終佢都係決定租架車仔去探小王子! 因為如果我哋租車我哋聽日就可以一齊去築地食完壽司先去探小王子, 如果唔係維妮同張生就會趕唔切去探小王子架啦! 所以我哋還完車又租車啦! 哈哈~

御東鳳 笑臉2009-07-18
日景都好靚架, 朝早感覺特別寧靜!
日景都好靚架, 朝早感覺特別寧靜!
好寧靜. 好舒服
評分: 設備5   服務5   環境5   衛生5   抵住5
大內宿 笑臉2009-07-18
呢度就係大內宿啦!
呢度就係大內宿啦!
維妮對呢啲精品特別有興趣架!
維妮對呢啲精品特別有興趣架!
無無聊聊又玩拍廣告! he~
無無聊聊又玩拍廣告! he~

評分: 值得去4  
石原屋 ok喇2009-07-18
我哋就係喺呢間叫石原屋到食soba啦!
我哋就係喺呢間叫石原屋到食soba啦!
連擺牙籤都噤精緻架!
連擺牙籤都噤精緻架!
石原屋嘅memu, 非常簡單呀!
石原屋嘅memu, 非常簡單呀!
啲蘿白絲整到成橦山噤!
啲蘿白絲整到成橦山噤!
好好味嘅烏冬呀!
好好味嘅烏冬呀!
評分: 味道4   服務4   環境4   衛生4   抵食4
龍王峽 ok喇2009-07-18
紅橋...究竟有幾紅呢?
紅橋...究竟有幾紅呢?
呢度就係龍王峽啦, 維妮除咗覺得啲水幾靚之外, 都唔知有咩好睇呢?
呢度就係龍王峽啦, 維妮除咗覺得啲水幾靚之外, 都唔知有咩好睇呢?
評分: 值得去2  
東照宮 哭臉2009-07-18
唔睇都唔覺得可惜嘅東照宮
唔睇都唔覺得可惜嘅東照宮
評分: 值得去2  
かに道楽 笑臉2009-07-18
評分: 味道4   服務4   環境4   衛生4   抵食4
  0 個留言    |  加入你的留言
發表日期: 2009-07-18
日期 : 23/02/2008 (Day 8)

行程 : 築地市場 

呢一日維妮, 張生會同車厘子, dor神分道揚鑣! 車厘子同dor神會去台場, 而維妮同張生就會去探小王子, 但之前我哋會一齊去咗築地先!

今朝早見車厘子同dor神都無著羽絨, 佢哋話睇咗天氣話有成10度, 唔駛著! 維妮今朝都有睇天氣, 但天氣都有話晚間會趺到得2度喎! 但佢哋依然都係好勇!

我哋首先係去攞車先, 今次我哋租咗架車仔 因為我哋又無行李, 而且去完築地都只係得維妮同張生, 唔駛要噤大啦!  我哋同樣set好個GPS就出發啦, 去到之後個GPS又話到咗目的地但係真係完全唔似啦, 但今次應該唔關GPS事, 好可能係我哋個電話唔啱呀, 我哋再睇下個地圖發覺應該都係喺附近, 又噤啱比我哋見到有錶位喎, 所以我哋決定泊低架車, 行路去搵! 搵咗一陣, 我哋發覺唔係幾對路, 再睇下啲地圖, 終於知道喺邊啦, 但發覺原來都唔近, 所以我哋都係攞番架車揸車過去終於見到築地個街市啦, 啱啱好對面就有個car park, 我哋未駛到入去, 就有個實焦出嚟同我哋講:{....架?.....架?} 依維妮所理解 佢應該係話呢個car park時鐘只可以泊到十點! 吓? 咪得嗰半個鐘? 唯有再搵過car park啦, 搵咗一輪都搵唔到, 我哋真係諗住放低車厘子同dor神佢哋自己去架啦, 但點知又喺呢個時候比我哋見到錶位喎, 唔知點解呢個trip成日都喺我哋遇到難題正想放棄時, 就會有解決方法架呢?


築地市場真係多人到爆呀! 非常熱鬧呀! 呢度真係好多海鮮賣, 噤多海鮮我哋睇中咗啲大大粒帶子, 我哋諗住食完壽司就賣嚟試下! 原本我哋係想去一間好出名嘅壽司大到食, 但行咗一輪都見唔到, 我哋就決定是但搵間食算啦, 我哋見一間叫sushizanmai有好多分店, 應該唔差得去邊啦, 就呢間啦! 唔知係咪我哋對築地啲壽司期望太高呢? 都無咩驚喜嘅? 食完壽司我哋又繼續行街市, 行行吓, 竟然比我哋見到有間海鮮檔放晒啲大大粒帶子比人試食喎 我哋梗係唔放過啦, 食食食我哋一人都食咗兩大粒呀! 哈哈~我哋食完當然就唔駛再去買啦! 行到噤上下維妮同張生都係時候出發去搵小王子啦, 而車厘子佢哋就繼續行! 


維妮同張生返到去攞車, 第一時間set GPS啦! 入咗個電話, GPS小姐竟然話無資料! 吓!!!!唔係化, 無資料???噤點呀! 係咪去唔到呀???維妮真係好擔心呀, 小王子博物館係維妮極期待嘅地點之一嚟架! 入過幾次都係出一樣嘅嘢, 之後我哋唯有用地址入啦, 都係無? 呀~點呀最後唯有睇下GPS小姐嘅觀光地點入面有無啦, 如果無....唔通要放棄? 左搵右搵好彩最後都比我哋搵到咋, 真係嚇死維妮啦!  呢位GPS小姐真係難明呀!

sushizanmai ok喇2009-07-18
評分: 味道4   服務4   環境4   衛生4   抵食4
  0 個留言    |  加入你的留言
發表日期: 2009-07-18

日期 : 23/02/2008 (Day 8)
行程 : 小王子博物館

經過差唔多成個幾鐘嘅車程 終於到咗箱根啦, 我哋坐車經過一條好旺嘅街, 真係好想落車行呀 但我哋諗住去完小王子返轉頭先行! 終於到咗小王子博物館啦!  一入到去就見到小王子企咗喺B612星球上面, 側邊仲有個自動番皂機不停噤噴番皂泡, 又有好多小朋友喺到玩, 呢個畫面好童話呀! 入到去見到沿途有小王子故事入面所出現嘅人物嘅印仔吸, 維妮梗係唔執輸又吸埋一份啦 起初維妮都只係吸喺張地圖到, 但後來見到其他人係有for吸印仔嘅紙架喎, 之後維妮又走走走, 走返去門口攞番張紙又吸吸吸! 呢度整到好似一個小鎮噤, 其實一入到嚟, 就好似入咗童話故事書嘅世界噤!  不過呢個博物館主要都係講個作者生前嘅嘢, 反而小王子嘅故事無咩點講只係周圍都會有好多小王子故事嘅人物公仔! 但當維妮行到去一處擺咗作者生前畫小王子嘅手搞時, 維妮真係有啲感動架行咗差唔多成兩個鐘, 到咗最後一站就係精品店, 維妮一早就已經諗住要喺呢度狂買小王子嘅嘢因為香港實在太少小王子嘅嘢啦! 維妮最大嘅目標係小王子毛公仔, 哈~一入到去精品店就已經見到維妮嘅目標啦之後筆, 貼紙, memo pad, 水杯, 音樂盒, 維妮全部都據為己有, 哈哈~ 但其實維妮都覺得自己買得太少, 不過呢度啲嘢真係超貴架維妮唔覺唔覺噤都喺到放低咗成二萬幾yen呀! 血拼完小王子之後, 喺我哋準備離開嘅時候, 張生見到有個小朋友比咗嗰張吸滿咗啲印仔嘅紙個職員, 之後個職員就走咗入去, 張生話要睇下個職員會拎啲咩出嚟喎......原來吸滿咗印仔張紙係可以換一個小王子襟章架, 好彩頭先維妮吸滿咗三張啫, 噤可以換到兩個襟章之外, 仲可以留番張做紀念, he ~

原本我哋諗住去返去頭先好旺嗰條街行, 順便食啲嘢, 但點知我哋走時, 遇著大塞車唉! 睇怕都無時間行架啦, 唯有睇下沿途有啲咩地方有嘢食啦! 最後我哋去咗一間食拉麵嘅舖頭, 求其食腕拉麵就算啦!

 

返到去新宿已經成7點幾啦, 我哋首先返酒店放低啲嘢先再去還車, 順便拎多件褸比車厘子, 因為夜晚真係凍咗好多, 今朝佢哋又懶勇噤唔著褸, 如果唔攞件褸比佢實凍死佢都似 但dor神就真係愛莫能助啦! 會合番車厘子佢哋之後, 見到dor神雙手挿袋, 粒住頂風褸帽, 一粒聲都唔出成個露宿者噤 就知佢一定係凍到傻咗, 見到佢噤嘅樣, 除咗戥佢可憐之外, 其實仲幾好笑囉!

呢晚我哋四個都好想食日式燒烤放題 但我哋喺新宿行咗幾個圈都搵唔到, 最後我哋都係搵咗間韓式燒烤, 啲嘢都好好味, 雖然係話放題, 但原來有啲食物只係可以叫兩次 招呼我哋嗰位靚女佢知我哋唔係日本人, 佢就用英文解釋比我哋聽, 但佢啲英文就真係.......最後我哋都算啦, 食到邊啲佢話唔可以叫咪唔食囉食食吓, dor神話想食尢魚, 佢又叫番嗰位靚女過嚟, 點知講極靚女都唔明, 最後dor神就索性畫出嚟, 但dor神啲畫功就....畫睇唔明, 用埋身體語言佢哋兩個又ge li go lu又郁手郁腳噤,  我哋三個就喺側邊係噤笑點知個靚女突然彈句國語出嚟先知原來佢都識少少國語, 跟住dor神又用埋國語, 最後終於比佢叫到碟尢魚食, 真係辛苦晒啦! 食完嘢我哋又喺新宿行咗一陣, 見dor神依然好似個露宿者噤, 我哋都係決定返酒店啦!

 返到酒店沖好晒涼 車厘子過咗嚟維妮間房到傾計食零食, 唔知係咪最後一晚嘅關係呢, 我哋個個其實都超眼訓到連隻眼都爭唔大 但都係唔捨得訓, 繼續傾傾傾, 真係諗起都好笑!

  0 個留言    |  加入你的留言
發表日期: 2009-07-18

日期 : 24/02/2008 (Day 9)
行程 :Laqua 

終於嚟到行程嘅最後一日啦, 我哋今日係坐夜機返香港, 所以我哋都仲有半日玩!  今日我哋決定去La Qua 睇下嗰個穿過個商場嘅過山車!

La Qua其實係一個好大嘅商場, 但嚟到呢度我哋對行商場係完全無興趣只係對個過山車有興趣啫, 我哋一去到就見到個過山車啦, 奇怪? 點解無人玩嘅? 之後我哋去到入口睇下, 原來個過山車停開喎, 唔怪得知無人啦, 唉~仲諗住可以睇下呢個過山車有幾激tim! 既然過山車無開, 我哋唯有周圍行吓啦 行行吓, 竟然比維妮見到母明嘅主題餐廳呀, 呢間母明餐廳除咗有嘢食之外, 仲有麵包賣仲有當然唔少得嘅母明精品啦! 其實維妮對母明無咩興趣, 但對使力奇就好有興趣啦維妮尊攻使力奇嘅嘢, 呢度啲嘢出奇地平, 原子筆, 電話繩....又掃一大堆, 哈哈~ 

 

行完我哋諗住搵壽司食, 但成個LaQua都唔見有壽司食 噤我哋唯有又去番新宿啦, 我哋搵咗間105yen嘅迴轉壽司食, 雖然碟碟都係105yen咋, 但啲壽司係超好味架!食完壽司我哋就行返酒店準備坐shuttle去機場啦!

去到機場我哋見個pool仲有幾千yen浄 我哋就每人食咗杯雪糕, 但食完仲有五佰幾佰yen, 維妮就去咗間士多仔到買咗啲小食, 都仲有淨佰幾yen維妮就比埋嗰佰幾yen張生等佢攪掂埋佢, 點知張生又浄幾十yen, 跟住比埋dor神, dor神拎住嗰幾十yen真係唔知可以買啲咩! 其實一早拎去捐咗去咪唔駛噤煩囉! 最後維妮再去埋書局買埋北東北嘅書, 為下次北東北嘅旅程做準備! 買完書我哋就上機返香港lu! 9日嘅雪映移城旅程就噤完結啦!  

laqua 笑臉2009-07-18
母明主題餐廳!!
母明主題餐廳!!
呢度有母明陪你食嘢, 但點解無士力奇嘅?
呢度有母明陪你食嘢, 但點解無士力奇嘅?
評分: 值得去3  
  0 個留言    |  加入你的留言