conniecheung
conniecheung
我是conniecheung。 我最喜愛到日本，泰國，新加坡旅遊 ， 最鍾意遊覽自然景觀，歷史建築/遺跡，主要地標，城市風貌， 住宿通常會揀5星酒店，渡假村。
留言  留言給此旅遊家
  遊記數目 18
  上載相片 395
  上載影片 0
最近分享過的旅程
曼谷之旅
國家/地點: 泰國
旅程日期: 2011-03-25 至 2011-03-29
大阪之旅六天遊
國家/地點: 日本
旅程日期: 2010-10-13 至 2010-10-18
大阪之旅六天遊
國家/地點: 日本
旅程日期: 2010-10-13 至 2010-10-18
新加坡之旅20130924-28
國家/地點: 新加坡
旅程日期: 2013-09-24 至 2013-09-28
台中之旅
國家/地點: 台灣
旅程日期: 2013-06-15 至 2013-06-18
台山康橋溫泉之旅
國家/地點: 中國
旅程日期: 2012-03-24 至 2012-03-25
恩平食歎兩天團
國家/地點: 中國
旅程日期: 2011-12-10 至 2011-12-11
台中之旅 (台灣)
(旅程日期: 2013-06-15 至 2013-06-18 ,  旅程性質: 觀光攝影, 飲食購物, 公司旅行, 消閒度假)
 分享至Facebook 
遊記 : 第1日
發表日期: 2013-06-25

今年公司旅行同同事一行25人去左台中, 12點左右落機, 然後攪一輪後出發啦,我們先係台中食個LUNCH先, 然後就出發去清境啦,我地今日會去兩個景點.

豬腳好味 笑臉2013-06-25
亞水獅食豬腳,卥水豬腸,牛根,賢等等,豬腳麵唔大碟,豬腳SIZE都唔算大,好淋好入味,同埋好重膠味,好多骨膠原呀.

每人消費: 約160新台幣
評分: 味道4   服務4   環境4   衛生4   抵食4
檢舉此評論
回到頁首
彩虹眷村 ok喇2013-06-25
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
彩虹眷村
食完午飯就撘車出發去清境啦,途中會去幾個景點,第一個係彩虹眷村, 原來係好細的,到村口好多人呀,全條村都係好多彩虹畫既畫. 條走廊好迫架,我地行左入去一個圈,映下相就走了.入面有個亞伯已90幾歲,坐係度買明信片,原來係佢畫架.
評分: 值得去2  
檢舉此評論
回到頁首
埔里酒廠 ok喇2013-06-25
之後去第二個景點埔里酒廠, 因我地見附近有一間買餅的店舖,係同事話好好味的,所以我地放棄左酒廠既二樓,去左買餅呀.
評分: 值得去2  
檢舉此評論
回到頁首
香格里拉空中花園 笑臉2013-06-25

第一晚入住清境香格里拉酒店,上網睇過相覺得好靚,我地去酒店途中勁大雨,去到酒店已天黑及天雨路滑,因酒店是民宿,所以係冇電梯的,因為天黑既關係,所以我地唔知邊度係CHECK IN的地方,勁狼狽的攞位遮又攞住旅行箱的上上落落,後尾攪了一輪先知CHECK IN的地方在那

我地四個人住四人房,房間俾想像中細,不過都幾持別,全部民宿都沒有冷氣的,有一台風扇,好彩落雨所以天氣較涼,廁所都比較細,沒有浴簾的,水會弄到整個廁所濕晒,唔太方便呀.

我地住在LOBBY樓上,有幾層的,好彩唔使搬行李.

第二天天氣好好才看到食早餐的地方好別緻,LOBBY的地方都好漂亮呀,出面還有些枱一些櫈子一些傘子,好舒適的環境

評分: 設備3   服務3   環境4   衛生3   抵住3
檢舉此評論
回到頁首
  2 個留言    |  加入你的留言
遊記 : 第2日
發表日期: 2013-07-03
第二日行程好豐富,首先係酒店食完早餐,就出發去青青草原,行左個幾鐘又返酒店集合,再出發去日月潭,跟住在日月潭遊湖及食茶葉蛋,之後又要坐兩小時車去高美濕地看日落,看完日落返到酒店都七點幾了, 我地就8點幾出發去逢甲夜市掃街啦,行到12點幾先返酒店呀.
青青草原 笑臉2013-07-03
第二天一早食完早餐後就出發去青青草原啦,好開心可以見綿羊呀. 9:00左右去到,司機哥哥話9:30有綿草SHOW睇,我地就入去一路行入去睇綿羊SHOW啦,個草原好大好靚,天氣好好,沒有落雨,望到藍天白雲,GOOD.

沿路已看到綿羊呀,有兩隻,一隻比較啡色,一隻係白色架,原來綿羊D毛好硬架.....我仲以為係好滑添

行到去綿羊SHOW的場地,嘩.....好多羊呀,好多好多羊係度呀,人都好多呀.
勁開心見到綿羊,狂映相....HIGH左
參觀時段: 早上
入場價錢: 每人120新台幣
評分: 值得去4  
檢舉此評論
回到頁首
10人套餐 笑臉2013-07-03
正
正
正
正
正
正
正
正
下午到了日月潭,已經2點幾,我地先去食午餐,呢度好似只有呢間餐廳,司機哥哥同我地講要叫套餐先好味,我地12個人叫左一個10人套餐,原來套餐都好多餸架,大碟,抵食,味道都幾好呀.

套餐有:  菇菇,菇都好新鮮,好甜,大大粒架,好味
             豬手,豬手好淋好重骨膠原呀,GOOD
             肥五花腩，炸魚,呢個魚好腥,麻麻地好脆口的,肥五花腩肉都好好味,好惹味,好香口
             嬰花蝦,好有咬口,細細隻
             香薰蛋,個蛋有種香薰味,幾特別,不過唔係個個人都鍾意食呀
             炒菜,青青地,有青草味的
             藥饍湯,個湯都OK,幾足料,唔會太重藥材味道,好大窩呀
             糯米磁及熱情果凍,熱情果果凍同事好鍾意食呀.
 
評分: 味道4   服務4   環境3   衛生3   抵食4
檢舉此評論
回到頁首
遊湖 ok喇2013-07-03
茶葉蛋好出名
茶葉蛋好出名
好味道
好味道
日月潭遊湖,其實都冇咩特別,只係坐係間船度,然後看看風景,我地只係在自己傾計,都冇理會船家在說景點的介紹.但其實真的沒有其麼吸引,坐了一會兒在一個島上面上船,俾你買茶葉蛋食,好彩唔多人排隊,上到船食茶葉蛋,原來都真係幾好味架喎,蛋白及蛋黃都好有茶葉既香味. 然後又返轉頭落船,其實因為我地要趕時間去下個景點,所以都冇去行市集.
評分: 值得去3  
檢舉此評論
回到頁首
好美既日落 笑臉2013-07-03
用左兩個小時才從日月潭來到高美濕地,差唔多六點到達,還未日落,我地在一路映相,一路等,原來呢個地方真係好靚架,有好多風車同埋好大的空地,我地一路映相一路等,越來越多映相發燒友在爭靚位呀.
參觀時段: 下午
評分: 值得去5  
檢舉此評論
回到頁首
掃街 ok喇2013-07-03
鹽酥菇
鹽酥菇
半月燒
半月燒
夏威夷風薯蓉
夏威夷風薯蓉
逢甲夜市都好大,不過我覺得散左少少,唔夠集中,因為其它夜市係食既地方會集中在一條街,唔會度度都有少少,又有少少商店.
評分: 值得去3  
檢舉此評論
回到頁首
新驛旅店 ok喇2013-07-03
實在係嚇一跳的酒店房間,細到只可以放一張雙人大床,一張枱....廁所空間都算大的,沒有浴缸的. 服務一般啦,我地CHECK IN時已俾CONFIRMATION前台姐姐,但佢好似在發夢,房間是三人的名字,她問我們如果住六人是要加錢,我從來沒有說要住六人....莫名奇妙.
評分: 設備3   服務2   環境3   衛生3   抵住2
檢舉此評論
回到頁首
  0 個留言    |  加入你的留言
遊記 : 第3日
發表日期: 2013-07-04
今天的行程係去天馬牧場睇羊駝,跟住就返酒店,再出發去一中街食晏及行街,然後晚上食火鍋.
天馬牧場睇羊駝 ok喇2013-07-04

這裏主要睇羊駝的,又即係草泥馬,地點都幾偏遠,一大片草原,入到去就見到廿幾隻羊駝坐晒係度,遊人只係好少,我地不停同羊駝映相,牧場將佢地D毛剪到唔同圖案,有哈哈笑,心形,地毯等等,感覺有點怪異,好似變左第二D動物咁,佢地不停望住我地,因為以為我地有嘢食,其實佢地都幾臭,因為大小二便全部都係晒同一地點.

除了羊駝外,還有馬仔,烏龜,駝鳥等等....

參觀時段: 早上
評分: 值得去3  
檢舉此評論
回到頁首
魯肉飯 ok喇2013-07-04
正
正
正
正
正
正
酒店附近見到呢間飯度有魯肉飯,叫左一盒細的,味道都OK,唔會好油唔會好咸呀.同事食左一碗魷魚羹,佢話都幾好味.
評分: 味道3   服務3   環境3   衛生3   抵食4
檢舉此評論
回到頁首
一中街 ok喇2013-07-04
台中一中街都係好老的食街,不過台中的食街都係唔夠集中,我地去度咁啱落雨,所以都唔係行左好耐,因為其實度度都係差唔多果D嘢食,我食左一條大腸包小腸,OK呀,唔會好好味跟住飲左一杯珍珠奶茶,珍珠奶茶都幾好味,幾滑呀,珍珠都幾有咬口,好味的呀.同事食鐵板雞塊,佢話冇鹽酥雞咁好味,後尾見到鹽酥雞佢再買,不過我覺得好熱氣.
評分: 值得去3  
檢舉此評論
回到頁首
酸菜火鍋 ok喇2013-07-04
正
正
正
正
正
正
正
正
正
正
晚上去左食酸菜火鍋,係同事話有人介紹話好味的,鍋爐係東北的爐,用炭火燒的,湯底係酸菜,跟住竹面有一些肥白肉,仕應說係要將所有材料放入去個鍋度慢慢煲的,不過我地都唔係好慣,所以就慢慢似打邊爐咁煮啦,我地不停叫左好多嘢,有羊肉,牛肉,丸,雲吞,菜......等等,丸既味道好好,好爽口,牛肉,羊肉都好薄身,好味的. 菜係叫大陸菜,個妹十分攪笑,同埋只淨埋一種菜炸.

醬料同飯放晒係出面自助形式,可以自由配撘的,都幾GOOD呀. 我地十二個人又食又飲,嘈到隔離枱都要搬入房,食到人地關門先肯走,埋單都好抵呀,每人100元港幣左右炸.
每人消費: 約370新台幣 (晚餐)
評分: 味道4   服務4   環境4   衛生4   抵食4
檢舉此評論
回到頁首
  0 個留言    |  加入你的留言
遊記 : 第4日
發表日期: 2013-07-04
多啦A夢誕生前100周年展 笑臉2013-07-04
最後一日去多啦A夢誕生前100周年展,係台中高鐵站附近,就係香港的100年多啦A夢搬左去台中呀,但係呢個展館好大,分開幾個展館的,同埋有101隻多啦A夢,因為多啦A夢原來的顏色係黃色及有耳隻架.我地行左2個幾鐘呀,好大好值得去.
參觀時段: 早上
入場價錢: 每人250新台幣
評分: 值得去4  
檢舉此評論
回到頁首
名字很特別的麵店 笑臉2013-07-04
正
正
正
正
正
正
正
正
正
正
正
正
我地去完多啦A夢展後,就去宮原眼科,在附近食個晏先,本來係見到一間食火雞飯既茶館,不過同事話唔太吸引,後尾見到呢間麵店,餐牌都幾吸引,就入左嚟啦,都唔細喎,好舒服的環境,我地每人叫左一碗麵再叫左一個蔥油餅及餃子一齊食呀,我食酸辣麵,好大碗,多料,唔算好辣但好重胡椒既味道.同事食小丸子撈麵,佢話好好味及好抵食,個汁係好香的,另一個同事食小丸子肉燥麵,佢都話好味道的,小丸子好味,有同事叫左一個七彩撈粗,賣相好靚同埋都幾掂架,仲有牛肉麵都好得呀.

蔥油餅好香唔算多蔥但係好香脆,好味,餃子都OK呀,係菜肉料的.
每人消費: 約70新台幣 (午餐)
評分: 味道4   服務4   環境4   衛生4   抵食4
檢舉此評論
回到頁首
以為係醫院 笑臉2013-07-04

宮原眼科呢個名字好特別,原來前身真係睇眼既地方,我初初以為好大的,但原來只係一間賣手信,食雪糕及食飯既地方,但係真係好靚,佢裝修得好靚,所有手信都好精緻,其實都唔會捨得食呀.本來都有諗過食雪糕,但係好飽都食唔落,網上既人話雪糕好多人排隊,但係都唔算長龍呀.

參觀時段: 下午
評分: 值得去3  
檢舉此評論
回到頁首
  0 個留言    |  加入你的留言