上年11月已經開始籌備..今次既週年之旅
因為無太多時間做research~所以直接揀d純粹係Resort hea玩既地方(咁就唔駛煩)
反正見大家早前都講過會想去"馬爾代夫"ma
就決定去依個地方~當慶祝我地既週年日吧^^
~~~~~~
今次我地經"Travel Channel"訂Packages
旅行社有成50個.."馬爾代夫packages"
選擇又多又齊(HB/FB/All Inclusive)~真係花多眼亂
加上當地係回教國家(禁酒+禁豬肉)~另一半話明要飲酒
所以直接上去問~去到agent(阿Vic)問我地有咩要求
要飲酒最好揀All Inclusive~咁就篩剩得5間選擇
原本我想坐水上飛機~但同時又要考慮直航/轉機
我唔想轉機..唔想係Male住一晚~想直接入島住
但水上飛機4點後停飛~而直航delay又唔會負責
(因為之前問過其他旅行社~上年3月試過臨時cancelled航班又有嚴重delay =.=")
所以阿Vic建議如果坐直航~揀speedboat穩陣好多
最終我都揀直航~Packages 12月confirmed(等出發..go!!)
~~~~~~
Package係6日4夜~Mega航空每星期得一班機
由1月開始..已經check住個flight time準誠度
基本上可以接受~通常delay 15-30mins就離港呢
~~~~~~
3月7日(星期四)~7:30am去到機場D區做check in
指示唔清楚~櫃檯上既電視又無航班資料顯示
要問地勤先確定到位置~到好後期就有show返囉
雖然有四個counter~但真係超勁多人+手腳好慢
由HK > Male(5M137)~起飛時間9:50am..航程6小時
時差方面..Male慢香港3小時
比原定起飛時間遲15分鐘..全機爆滿
當地時間13:40到達~機場面積好細呢
出到機場..已經好多職員舉名字牌接客人
我地又話有..但搵唔到囉~於是直接去counter報到
~~~~~~~~~
連埋我地共有6個人住同一間villas
當中有兩個香港女仔及一對外籍夫婦
等齊人..由職員帶我地坐speedboat
船程10分鐘..我地就到達"Adaaran Prestige Vadoo"
職員帶我地去beach bar安坐~送上welcome drink
再為我地做check in手續~完成後..將我地交托管家照顧了
~~~~~~
管家(Deepu)先帶我地環島一周..介紹Villas環境及設施
然後連同行李..一齊就坐club car返房啦^^
~~~~~~
今次揀選All Inclusive既Addran Prestige Vadoo
其實係五間All Inclusive之中~只係排第二選擇
第一選擇其實想住Lily~因為transfer係水上飛機
同樣..先前因為擔心航班delay~所以最終放棄選擇
不過經過今次實際經驗~擔憂可以話解除左
如果再去馬爾代夫~我地考慮揀試坐水上飛機呢
~~~~~~
管家(Deepu)介紹完villas環境及設施
我地就坐club car返房~再為我地介紹房間內外設施
離開後..我地正式享受假期+陽光與海灘(YES!!)
坐完六個鐘頭機..其實都幾攰~所以無出去行
反正仲有幾日時間~下午留係房hea+影下相
另一半就好心急..自己去浮潛~各有各自由活動呢^^
黃昏就去beach bar飲野~之後準備食晚餐了

All Inculsive..顧名思義全包餐
除左酒水外..早午晚餐都會包埋~不過係指定餐廳
因為villas仲有間日本餐廳(自費)~去幫襯既人唔多
而餐廳用餐都有講究..餐桌用具/禮儀/食物質素
由站在餐廳門口開始~為客人拉門..拉椅子放上餐巾
每張檯會由一個服務生負責~就算叫其他服務生
都會轉達返負責既一位跟進~每道菜預備唔同餐具
菜譜以外既菜式~都會詳細話比客人知係咩食物
食完一道菜..又會問問客人~味道如何等等
而場內仲有個PR~負責同每檯客人輕談一下呢^^
~~~~~~
第一日晚餐..我地先點兩杯白酒
每晚既菜譜都唔同~感覺新鮮而且選擇都足
晚餐以四道菜為主..頭盤/湯/主菜/甜品

3月8日(Happy Friday)~我們的結婚13週年日^^
馬爾代夫除左honeynoon..結婚週年都有offer
所以訂packages時~同旅行社講埋慶祝"結婚週年"
Agent(阿Vic)就幫我地訂房果陣..remarks通知酒店
昨日係房已經見有支香檳~管家都有交代係送既
~~~~~~
villa張床好舒服~前一晚瞓得好好..一覺瞓到天光
瞓醒攪掂..就出去食早餐~早餐都係自選形式
同樣餐牌有唔同選擇~但早餐就日日都一樣
食完早餐..就返房自由活動~我實在太攰
所以翻瞓到中午先起身~另一半就自己去玩浮潛呢
~~~~~~
中午瞓醒覺..成個人精神晒
另一半話已經返過黎幾次~好瞓到完全唔知囉(哈哈)
話咁快又到lunch time~出去行完先再食飯
(待續)

行完一圈..準備去食lunch
Lunch都好多元化(包括有Starts, Soup, Pasta, Main, Snacks, Desserts)
每餐依個人喜好去點份量~外國人通常全點每人一份
但我好多都點一個..甚至唔要~因為同另一半share食
所以通常服務生都會奇怪~甚至問幾次去confirm(哈哈)
本身我食量細..好多都試唔到~每日又轉餐牌仲更加添
不過唔想勉強食~因為已經飽..再食根本食唔到好味道
食完..下午返房浮潛+浸水
玩完黃昏就去beach bar飲野
睇完日落..飲多杯野~又準備食dinner啦(哈哈..好hea)
~~~~~~
下午管家送"小吃"黎房間既時候
同我地講..依晚beach bar有show睇
所以食完飯去睇下..主要係唱+跳民族舞
表演時間大約半個鐘~睇完出去又見到管家
佢問我地係咪返房..我地話係呀~之後就走lu
~~~~~~
返到房..感覺好怪怪~出去果陣已經執好房
但感覺係有人再入過黎~最明顯隻窗明明關左
返到去係開左~個心有d寒! 跟住另一半就大叫啦
哦! 原來管家襯我地出去~攪d心思慶祝"週年日"
本來好寒..突然變得好開心~從心笑出黎呢(好窩心^^)
雖然管家唔係成日現身~又唔會騷擾我地
但其實感覺到..佢每日都暗地裡睇住我地行蹤

話咁快就Day 3
係馬爾代夫咁多日..除左2次超短暫過雲雨之外
其他時間都好好天~陽光好猛..超爆曬但好大風
依日好早起身..懶洋洋係villa hea到9點先食早餐
~~~~~~
食完早餐~唔係影相..就係返房玩浮潛+浸池
好快又話夠鐘食lunch呢^^
(待續)

係島享受假期..除左食玩瞓
最正係安排好晒~定時定候去用餐又無人騷擾
每日d時間..真係過得好快~無耐..又夠鐘食lunch
~~~~~~
下午浮潛+浸完水..超勁眼瞓
瞓到8點有人按鐘入黎執房先起身
wow..瞓醒又去食食食dinner啦^^
食完飯又去beach bar坐~睇星星+睇魚(超勁舒服)

黎到Day 4
每日既活動其實都一樣..唔係食就係瞓
一係浮潛..浸水..飲野..影相..睇星星..睇魚^^
唯一唔同就係餐飲~好! 又睇下依日食咩先

最後一日係villa~夜晚準備坐夜機返香港lu
早幾日都瞓到8點先起身~太陽都出來了^^
諗住都係隨緣影日出~唔想刻意起身去影囉
出奇..依早未夠6點就醒左~仲係完全清醒狀態
去完洗手間..出露台昅昅~wow..剛好準備日出喎
~~~~~~~~~
影完無再翻瞓~早少少出去食早餐^^
食完早餐..我開始收拾行李
另一半話要最後一浮~所以又去左浮潛
玩完攪掂晒..管家12點黎接我地check out
check in時..已經問過可唔可以extend到2點
酒店企得好硬..extend要加錢~我地6:30pm就走
加錢extend 6個好無謂~去main bar hea坐好過
第一日黎無食lunch~所以最後一日可以享用
~~~~~~~
管家約定我地6:30pm
坐speedboat出機場~食完lunch..仲有成4個鐘
出面咁熱..唔想四圍行~所以我地去main bar坐
因為已經check out~all inclusive唔再包飲料
如果要飲野就要自費~我地房仲有支大蒸餾水
管家叫我地拎埋去~咁就唔駛再點飲品呢^^
~~~~~~
出發前dl左好多戲~4個鐘涼住冷氣hea睇
差不多6點..準備日落~同另一半出去行+舒展下
順便又可以影埋日落呢
~~~~~~
日落完了..我地既旅程都來到尾聲
villas大門..管家同部份職員已經準備好
一一同我地握手道別..船隻離開都不停揮手
十分鐘船程~好快去到機場
辦完登機手續~仲有好多時間可以四圍行下
~~~~~~
我地乘坐(5M136)直航航班~由Male > HK
起飛時間21:45~航程4小時45分鐘..(時差3小時)
將於第二日早上~香港時間7:15am到達

前一日未夠六點就醒左
係villas hea到6:30pm先坐speedboat出機場
坐21:50夜機返香港~差不多六小時機程完全瞓唔到
好在隔離個男仔成日起身四圍行~我地都可以伸展下
瞓唔著唯有睇戲..食candy..聽歌去消磨時間呢^^
~~~~~~~
回顧今次既旅程~可以好好享受大自然
真係好舒服+relax~因為已經買少見少
所以更加會珍惜~當刻短暫抱擁既感覺
6日4夜之旅正式完滿結束~從天堂島回到現實世界
再見啦..馬爾代夫~我們會再來啊^^
~~~~~~
其實影左段片..已經upload左上youtube
不過遊記上載唔到(話格式唔岩)~有興趣可click以下條link呢
http://youtu.be/Ah8rOTp9v0g