亞瑜(AYU)
我是亞瑜(AYU)。 我最喜愛到日本,台灣,韓國旅遊 , 最鍾意遊覽自然景觀,城市風貌,動物園/植物園/水族館,公園/遊樂場/渡假區, 住宿通常會揀3星酒店。
留言  留言給此旅遊家
  遊記數目 9
  上載相片 265
  上載影片 0
最近分享過的旅程
獨自去台北,我,謝絕人監管 2011
國家/地點: 台灣
旅程日期: 2011-11-23 至 2011-11-26
公司旅行2008
國家/地點: 日本
旅程日期: 2008-10-31 至 2008-11-04
公司旅行2008 (日本)
(旅程日期: 2008-10-31 至 2008-11-04)
發表日期: 2009-05-06

0205--飛機起飛>>0645--完成過關手續>>0730--等租車店8點鐘開門,所以大家就去美食廣場食個早餐>>0900--離開羽田機場>>1030--和同事到達日本迪士尼>>1300--午餐>>2000--離開迪士尼>>2200--返到酒店

不知名烏冬一碗.湯底味道濃郁,蛋白幼滑的半生熟雞蛋,烏冬又滑又彈牙再加煙un.

評分: 味道4   服務3   環境3   衛生3   抵食4
25周年的包裝.
25周年的包裝.
大份到爆!!!
大份到爆!!!
呢個餐收880日元,人家真係畀足咁多料和味道出0黎.超哂值.

睇下個餡...double雞肉堡!!!煎蛋又是好鬼滑...麵包用上麥包,到手上仍keep住鬆軟的(不像香港麥當當,淋到一劈0野)

每人消費: 約880日圓 (午餐)
評分: 味道5   服務3   環境3   衛生3   抵食4
這天是迪士尼辦萬聖節活動的最後一天.
這天是迪士尼辦萬聖節活動的最後一天.
值得一看
值得一看
jack's cookie
jack's cookie
送給朋友的手信1
送給朋友的手信1
送給朋友的手信2
送給朋友的手信2

我地在迪士尼玩足十小時!表演SHOW很落本!有煙火有音樂有舞蹈有美女有美男有趣緻公仔人物全場靚衫排場勁etc....我本身唔好迪迪尼都覺得是一場GOOD SHOW!個花車巡遊很盛大.無論表演者同遊人個個人都好high! 

可惜既係...因為行到對腳已經唔係自己了+我地攰到不似人型 所以無等到八點半的煙花表演,加上要趕返去新宿join老闆佢地食晚飯,唯有走了。

參觀時段: 全日
評分: 值得去5  
  0 個留言    |  加入你的留言
發表日期: 2009-05-07

1045--起床>>1200--早午餐@和幸>>1245--行街(sanrio專門店,100日元店)>>1430--回酒店放戰利品>>1645--新大久保>>1730--吃小食>>1820--返到新宿>>1900--新宿街頭>>1930--晚餐@牛角>>2100--回酒店

100分
100分
豐富滿足
豐富滿足
由老闆帶我們去吃第二天行程的'早午'餐,我們跟著他在新宿街頭中穿穿插插,途中他問我們喜不喜歡吃炸豬扒﹖我們都說喜歡呀﹗於是他就帶到我們這間食店吃。 

時間還未到中午十二點,已經有半場的食客在進餐了。我們三人不用等位就入內,笑容滿臉的阿姨帶我們坐在出菜處的那邊,老闆和我們說這裡的炸豬扒是非常好吃,他每次來日本都會吃的﹗不懂日文的我對著日文MENU只以圖片和價錢來找尋想吃的,炸豬方面有個定食較貴,相信是豬柳了,我就選這個,同事選了豬扒定食,老闆則選了滑蛋豬扒定食。等食期間聽到廚房裡的聲音,每人都煮得十分起勁似的,微細的炸炸聲不絕,喝口熱茶,用濕紙巾抹抹手,定食也在10分鐘之內到了。 

定食包括有金黃炸豬,椰菜絲,還有漬物﹑湯和珍珠飯,認真豐富。趁熱先吃口炸豬柳,肉質彈牙!嫩滑!帶有肉汁!薄薄的外層炸面極鬆化,但絕不感到有油膩感,厲害!每件豬都是厚厚的,口感相當豐富。人生中未吃過這麼好吃的炸豬啊!!(高呼)炸豬沾上啡色的甜醬汁,更添美味,但個人認為此炸豬不沾醬就最好吃,醬汁反而用來撈飯~哈哈~YUMMY。椰菜絲也絕不簡單,爽!甜!脆!這種菜的天然甜味至今未令我忘記﹗從未試過吃淨蔬菜也可以有這樣子的滿足,當然,配以店方提供的柚子汁一起吃,簡直令我這個酸命至上的人都給俘虜了...美味的高潮並未在這裡停下,還有湯,不是普通的麵豉湯,店方加入了大量的蜆,而每個蜆裡面是有蜆肉的!令湯變得鮮甜無比,麵豉湯味都清甜,兩者合起來簡直再次殺死人呀~~~~~而珍珠飯煮得軟綿綿,帶著獨有的黏性,飯!你也太好味了吧?! 

小食同事的炸豬扒,由於肉和脂肪的比例差不多是一比一,吃了一件較滯,還是炸豬柳是全肉的好吃。 

除炸豬和漬物外,其餘的食物都可以無限量添加﹗店員阿姨很醒目,第一次用上她那溫柔的聲線問我們要不要添加食物,見我們望著她發呆呆的,就知道我們聽不明,就直接用行動表示她的意思了~~~XD 

在幾年前幫襯過香港的丼吉日本吉列專門店餐廳,那次對我來說已經是一次美味的經歷,估不到,一山還有一山高,とんかつ いなば和幸絕對是炸豬界中的表表姐呢!

推介菜式: 炸豬柳,有蜆的麵豉湯
評分: 味道5   服務4   環境3   衛生4   抵食5
love~
love~
給妹妹的手信
給妹妹的手信

間店90%都係賣HELLO KITTY0野,講真真係有好多好多款精品,仲有好多限量0野添,但我鐘意0既肉桂狗同我阿妹鐘意0既Charmmy Kitty相比之下就得好少了,最後都有買少少0野0黎做手信。

參觀時段: 下午
評分: 值得去3  
每天下午五點幾個天開始黑,未到六點就黑齊,頭兩日真係唔係好慣。
每天下午五點幾個天開始黑,未到六點就黑齊,頭兩日真係唔係好慣。

去新大久保0既目的係搵下我想買0既洗頭水...間salon.

幾經辛苦先搵到指定呢間代理salon,同個型仔髮型師指來指去一輪後(其實響度溝通緊=_=),好可惜我用開0既牌子響呢度無入到我想用緊0既款式。0黎日本前我明明向呢間出品商問好哂,重點係佢點我0黎呢間買添~~激氣呢 

出返0黎車站附近,就周圍行下,同事主要去睇衫(因天氣比我地預期中冷,佢無外套來旅行要即時買件0黎著)

參觀時段: 下午
評分: 值得去3  

行到餓餓地,個人又凍,去了7仔買了...關東煮

估唔到既係便利店出品都可以咁美味~蘿蔔入味﹑芋絲彈牙﹑豆腐裡有很多五穀粒粒 & 獅子狗好煙un。每款0野都係100日元上下 

想在店內開餐之際,畀店員駒趕出門口,原來日本便利店唔畀人食野0架﹖攪到我要企響街邊食,天氣凍呀覺得都幾慘

評分: 味道4   服務2   環境3   衛生3   抵食4
 趁有時間我就去買了一杯又是細老闆推介0既朱古力飲品^^

 630日元。忌廉夠滑,香濃朱古力原來是沙冰0既質地再混入大量朱古力粒粒一百分美味!!!

 

每人消費: 約630日圓 (下午茶)
評分: 味道5   服務5   環境3   衛生5   抵食5
所住酒店的斜對面
所住酒店的斜對面
JR經過
JR經過
  同事去左鞋店,佢試鞋時我就出去附近影下街影相。
參觀時段: 晚間
評分: 值得去4  
真正的"燒炭"。炭是圓柱體,老闆話原裝炭就是這樣子喎
真正的"燒炭"。炭是圓柱體,老闆話原裝炭就是這樣子喎

呢間牛角正正在所住0既酒店樓下~~hohoho。幾種牛肉都很麻麻,加上個炭火十分難控制。只有牛舌烤出來後是非常多汁又彈牙,厚牛舌更正啦!!!!夾埋都有吃了四﹑五塊。

 

推介菜式: 厚牛舌
評分: 味道4   服務4   環境3   衛生3   抵食3
地點方便.交通方便
地點方便.交通方便

STAR HOTEL在新宿區,離新宿JR站行過來真係5分鐘都唔使.夜返都無又怕.哈哈圍繞酒店附近的食店非常的多,便利店都多...真係十分方便...

評分: 設備4   服務5   環境4   衛生3   抵住4
  1 個留言    |  加入你的留言
發表日期: 2009-05-14
0630--起床>>0745--落街>>0815-0825--行便利店>>0826--早餐@mos>>0900--出發去箱根(細老闆渣車)>>1045--Maruetsu超市>>1330--箱根小涌園>>1400--入場>>1700--離開箱根小涌園>>1930--到達御典場>>2030--離開御典場>>2200--晚餐@御典場山下的烤肉店>>0000(2008/11/3)--回到東京>>0030--回到酒店
便利店之旅 ok喇2009-05-14
 一條短短0既街已經有三間不同0既便利店了(ampm,family mart,還有一間係日文名唔識打),我地主攻牛奶﹑乳酪和零食,我順手買盒青瓜茄子漬0黎試下,我估老闆佢地唔會去食早餐,加上早上天氣非常凍,就諗住買個熱騰騰0既肉包頂下肚囉^^ 

我想吃0既包款店員話未蒸得夠時間(其實隻隻包我都想試下0架 ...不過全部日文字都唔知入面係咩黎,而我點0個個包唯一一個有漢字>>>'豚',所以...XD),我R爆頭之際同事就話去返頭先我話想去試下0既mos喇。

參觀時段: 早上
評分: 值得去3  
我地在便利店買了飲品所以淨叫兩個包share食,就是玉子蛋飯堡同埋素飯堡~

我估香港無呢幾款堡食吧,這裡的飯堡的飯煮得好軟熟,無飯焦,玉子蛋勁滑,兩個包的裡面都有一堆芋絲蘿蔔絲0既物體,連埋醬汁吃真係又好食到要彈起了,唔油膩又多菜好健康呀。

可惜因時間關係所以無影相呀﹗
評分: 味道5   服務4   環境3   衛生4   抵食4
超市之旅 ok喇2009-05-14
我覺得呢間超市畀到我身處日本0既感覺 XD
我覺得呢間超市畀到我身處日本0既感覺 XD

坐左兩個鐘車,都係未到目的地,途中我恰左不少次眼瞓添~因為大老闆佢地想去下廁所,轉下轉下就0黎到呢個勁大型0既超市喇!!!!

就快正午但天氣仲係咁凍(打哂牙陣),要補補體溫所以就響超市買左d薯片for'暖胃',然後返上車。

參觀時段: 下午
評分: 值得去4  
火車0黎緊0既時候,燈號就'叮~叮~叮'響
火車0黎緊0既時候,燈號就'叮~叮~叮'響
去箱根必經的厚木區
去箱根必經的厚木區
開始見到有紅色0既樹出現了!細老闆話我地已經進入左箱根0既範圍,
開始見到有紅色0既樹出現了!細老闆話我地已經進入左箱根0既範圍,
上車之後,食完薯片,有時聽大老闆同佢朋友既對罵(佢地亙串對方,但我地聽到忍唔住係咁爆笑 XD),有時影下風景...

上箱根條路塞車塞到死呀.全世界D車都係一步一步爬上山.

參觀時段: 下午
評分: 值得去3  
等細老闆去泊車的時候,我地在lobby就同呢兩隻招牌公仔影相
等細老闆去泊車的時候,我地在lobby就同呢兩隻招牌公仔影相

快到1330差不多四個鐘的車程,終於到左箱根溫泉喇^.^小涌園有兩隻一粉紅一黃的代表人物,佢地好攪鬼0架,見人拎起相機就會自動波行埋0黎^^~

入場後就去取外套同儲物室鎖匙,男女更衣室的層數是不同的,大家先各自各去換泳衣,在等侯處集合(途中我和同事又迷路,0個場太大了,哈...哈...)

決定同老闆佢地分開玩分開浸,我和同事就唔玩室內區住,去左室外區先。山上的氣溫超冰冷,但無阻著住泳衣通街走0既我 XD

我地主攻呢度0既特別泉:紅酒﹑綠茶﹑辣椒﹑炭等,可惜最想試的朱古力泉無左了...而所以泉水溫度比以前在台灣浸過的無咁滾熱燙(細老闆話泉水唔熱=唔正宗),但 0岩我喎﹗

特別泉位處於山中,抬頭就望見d山呀樹呀咁,仲有疑似的紅葉的紅色樹葉呢^^﹗泉水中會些枯葉小樹枝的浮下浮下,加上滿山白煙飄飄,給大自然包圍了﹗

1510浸到一半

實在太肚餓和極度口乾,就返去泳池區食下午茶。點了湯拉麵﹑鮮茄意粉﹑燒小丸子和每人一支飲品,價錢不貴d 0野又好食(美食廣場級數都可以有咁出色0既美食,香港邊度有﹖﹗﹗)

ps---不得不讚日本人真係好叻﹗大家都知浸溫泉唔方便帶住銀包/私人物品,所以手頭上戴住0既locker鑰匙有另一個作用,就是儲存支出記錄。我地響場內食左d乜買過d乜,全部都拍一拍個收費機,輕輕鬆鬆就存左資料入去,到checkout時才一次過付款,非常方便~

更厲害是條匙浸極熱水都唔會損裡面塊晶片,佩服~1600細老闆指定走人0既時間

我地未玩夠,不過浸完特別區後遇到細老闆,"講好數"後佢畀我地玩多半個鐘 XD。咁我地就雞咁腳跑返去室內,玩另一個期待0既"魚魚食腳皮"池 XD

去到先知到了魚魚休息時間,但我很想玩呀,都係等半個鐘,見得廿幾人排隊,我唔想錯過,於是我話輪流等,每人等十分鐘,咁同事就先去再玩過。等等下細老闆再度出現就問佢一唔一齊,估唔到佢又肯喎等左半個鐘終於入得,我地係第二批,再等多十分鐘就玩得了。每人先在消毒盤內洗腳然後抹乾對腳,然後圍住一個水池邊坐,放對腳入去(浸到半隻腿喇),d魚魚就會自動波0黎圍住對腳 

 望住自己對豬腿畀魚圍 ,原來我右腳腳趾公好受歡迎喎 XD 而細老闆浸左一次就唔敢放返對腳落去,哈哈(不過佢事先張楊係好怕痕=W=")。全場人響度嘻嘻哈哈,好開心呢﹗

不過每次得5分鐘時間玩,玩完要消毒埋對手先走得。

最後和同事玩埋室外0既SIR滑梯一次,我地先捨得走...

推介項目: 全部溫泉
參觀時段: 下午
入場價錢: 每人3500日圓
評分: 值得去5  

去細老闆推介的烤肉店食飯。呵﹗和牛超好味肉味超~濃;辛辣冷麵都好好食~~~麵底是宇宙級的彈牙呢(回味中...)可惜沒有拍照...

評分: 味道5   服務3   環境3   衛生3   抵食4
  0 個留言    |  加入你的留言
發表日期: 2009-05-18
0930--起床>>1100--早午餐@大江戶>>1145--出發去三鷹之森美術館>>1220--到達三鷹站>>1222--到達龍貓巴士站>>1415左右--離開三鷹之森美術館 >>1515--到達池袋>>1620--下午茶@DENNY'S>>1845--返新宿>>2000左右--晚餐@sakura電器大廈樓上某居酒屋>>2045--離開居酒屋>>2100-2300在新宿作最後血併>>0100--晚安
 因為老闆響樹所以無影到d壽司呀﹗不過食左人生第一次0既....饅魚壽司,細老闆拍心口保証話無那陣香港食饅魚永遠都會遇上0既'腥味'(我無講出0黎佢都知0既??XD),咁我就放心一試~~唔...係就係無0個陣我好怕0既腥味,不過唔慣食覺得麻麻地好味囉。

跟住0既壽司全是熟食,有玉子﹑腐皮﹑蟹腳﹑熟蝦以及蟹柳沙律,少少沙律醬撈多多蟹柳絲,開胃美味,因為太好食呢味食左兩碟!
推介菜式: 蟹柳沙律壽司
評分: 味道4   服務3   環境3   衛生3   抵食4
好得意
好得意
來回就300日元.單程就200日元
來回就300日元.單程就200日元
這就是龍貓巴了>.<唔同想像中既
這就是龍貓巴了>.<唔同想像中既
龍貓巴士站~~~>宮騎駿博物館

車程只得五分鐘

參觀時段: 下午
入場價錢: 每人300日圓
評分: 值得去4  
天空之城 ok喇2009-05-18
很靚
很靚
主要想影個鳥籠.
主要想影個鳥籠.
正門口
正門口
去到我地先攻精品店,然後去返樓下有間小戲院睇一套15分鐘長0既動畫.免費架由於博物館內是不准拍照,外邊又無乜地方好影,所以機械人模型就成了大家拍照的目標喇~

 

參觀時段: 下午
評分: 值得去3  
好熱鬧
好熱鬧
很多地方已經佈置好聖誕裝飾了(咁快手0既 XD)
很多地方已經佈置好聖誕裝飾了(咁快手0既 XD)

在池袋睇鞋睇衫行商場,好多人呀﹗玩到不亦樂乎呀~~呵呵呵

參觀時段: 下午
評分: 值得去5  
前菜1~烤雞沙律
前菜1~烤雞沙律
主菜1~蕃茄茄子意粉
主菜1~蕃茄茄子意粉
前菜2~前蛋洋蔥汁漢堡扒
前菜2~前蛋洋蔥汁漢堡扒
主菜2~滑蛋奄列蛋飯
主菜2~滑蛋奄列蛋飯
甜品1~朱古力云呢拿雪糕香蕉杯
甜品1~朱古力云呢拿雪糕香蕉杯
甜品2~豆腐布甸紅莓雪糕香蕉杯
甜品2~豆腐布甸紅莓雪糕香蕉杯
認住佢!
認住佢!
每人1300日元
每人1300日元

行到對腳又開始攰喇,我又好肚餓,於是求其去一間餐廳食0野。估唔到求其搵都搵到好野...

下午四點幾都有好多人等緊位,我地等左十分鐘先有得坐。睇下餐牌原來呢間係西餐廳0黎,貴又唔係好貴,不過我地對佢在1700-2300才提供0既超級特價餐很有興趣,好想食呢個餐0既情況下就同服務員''溝通''下,哈哈,佢話現在都可以叫呢個餐,唔知點解呢??不過算喇~~~WOW!!!發達!!!! 呢個餐真係唔介紹畀大家就真係要打自己了見到喇,前菜 & 主菜 & 甜品/特式飲品(可以要甜品再加錢<400日元左右>多杯特式飲品) = 1300日元。味道一流,份量好巨,特別係個甜品(由其是同事吃有布甸那杯),真係好似唔使錢推到滿一滿0架(HEY!個杯都唔係細喎)

推介菜式: 全部呀!!!!太太太好食呀
每人消費: 約1300日圓 (下午茶)
評分: 味道5   服務5   環境4   衛生4   抵食5
假野@百果園
假野@百果園
堅的@御徒町市場
堅的@御徒町市場
見'百果園'好似在日本好出名.血併後岩岩經過,就買左一盒巨峰提子返酒店其實都幾費,我買的一盤要成1000日元,不過相信香港買巨峰提子仲更加貴喇...


點知....吃到入口...d皮淋劈劈,肉唔脆口的,唔多掂喎...


直到...返到0黎香港先知我畀人呃左呀

証據a---給細老闆試味後佢話唔似巨峰提0既質素 

証據b---同事在第五天行程中的御徒町市場買了一盒比這盒平一半的巨峰提回港,而食後報告後表示係好味好多,皮唔淋肉又脆. 

結論---呢盒0野係流0!

每人消費: 約1000日圓 (晚餐)
評分: 味道1   服務1   環境1   衛生2   抵食1
  0 個留言    |  加入你的留言
發表日期: 2009-05-23

0830--起床>>1000--ABC MART@買新款CONVERSE鞋>>1100--酒店CHECK OUT>>1120--午餐@細老闆推介的天婦羅飯>>未到1200--出發去池袋>>1300--小食時間@細老闆推介的人氣pancake店>>快到1500--到達御徒町>>1615--離開御徒町>>1900--到達羽田機場+晚餐@機場內的餐廳>>1930--CHECK IN+免稅店狂買零食>>2045--飛機準時起飛>>0045(2008/11/5)--準時到達香港>>0130--坐老闆車回到屋企樓下>>0330--瞓覺(早上九點就要返工啦)

大份到食唔哂
大份到食唔哂

老闆推介的天婦羅飯每碗都有三大隻蝦再加配菜,天婦羅的炸層又薄又脆,蝦大隻肉又爽。食哂三隻大蝦已經非常的飽!!!!d飯食唔哂呀。

 

評分: 味道5   服務4   環境3   衛生4   抵食5
我地先行了兩幢7層大型商場,每幢是屬於一個集團的,每層分別有電器﹑電腦﹑家品﹑體育用品﹑單車用品等(勁多0野買呀) 

之後細老闆就話帶我地去太陽城太子酒店見識下(哈哈),淨係個大堂已經美輪美奐,不過唔近JR站,有好有唔好咁喇。

 

參觀時段: 下午
評分: 值得去5  
左右手同時間可以整兩件.厲害
左右手同時間可以整兩件.厲害
反轉另一邊
反轉另一邊
又等下
又等下
這是第三塊餅皮
這是第三塊餅皮
反緊
反緊
兩個靚姐姐好快手連氣將三件餅加料...好多料呀
兩個靚姐姐好快手連氣將三件餅加料...好多料呀
超甜美的士多啤梨
超甜美的士多啤梨
完成.美味到得人驚>w<
完成.美味到得人驚>w<
細老闆帶我地去呢間人氣PANCAKE店,他每次來日本都是必吃食物之一﹗但我仲未肚餓本來話唔食架喇,不過細老闆一句'公司福利喎咁都唔試下?",於是點飽都食返件啦

即叫即制,我睇住靚姐姐好熟手咁整,我都流哂口水了...(當然是對住PANCAKE流喇)我點的那件是主打朱古力味道,仲放左好多士多啤梨件﹑滑滑忌廉﹑朱古力蛋糕一件和幾粒朱古力粒粒好食到停唔到口呀!

推介菜式: pancake
評分: 味道5   服務5   環境4   衛生5   抵食5
市場入口
市場入口
市場中間有座廟響樹
市場中間有座廟響樹
好大個呀!哈哈
好大個呀!哈哈
勁多海鮮!!!
勁多海鮮!!!
借同事買既三盒蟹腳相畀大家睇睇
借同事買既三盒蟹腳相畀大家睇睇

去呢度主要係去細老闆推介的""二目之果子""買大量零食和去海鮮市場。因為佢話呢區買海鮮比超市的新鮮而且平很多呢﹗

我地先去海鮮市場買最想吃的腳蟹,我和同事各買了三包,畀完錢收銀處後面有免費冰塊給大家包裝買了的海鮮,哇﹗日本人真係好周到我地三個人都為了自己買的蟹腳好努力咁包呀包呀包~~(最後同事仲整爛左人地個膠紙機呀!)XD而在二目之果子我地則見乜掃乜,麵食就最多的,又係老闆推介嘛(事實上食後感真係好鬼得喎)

買齊哂0野就回新宿的酒店匯合大老闆佢地。

參觀時段: 下午
評分: 值得去5  
同事食的奄列蛋飯
同事食的奄列蛋飯
因為未夠鐘CHECK IN,細老闆提議食晚飯。 原來呢幾日我都無食過日本的咖哩,最後一食當然點了個咖哩吉豬飯黎吃(忘記影相)...咖哩味夠辛辣,吉豬脆口肉厚...

...是完美的結局

 

評分: 味道3   服務3   環境3   衛生2   抵食4
盡地一買! ok喇2009-05-23
點解純朱古力味得一欄咁少~~
點解純朱古力味得一欄咁少~~
入口即溶,超濃郁朱古力味
入口即溶,超濃郁朱古力味
好食到停唔到口
好食到停唔到口

食完晚餐我地就搭駁巴去二號機場完成辦check in 手續.辦完都夠哂時間入禁區(還有一小時飛機起飛啦).順利入到禁區,因為我地仲有很多錢剩呀!所以響免稅店盡買手信.貴?係呀,貴一貴都殺呀

參觀時段: 晚間
評分: 值得去3  
  0 個留言    |  加入你的留言