Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 116
  上載相片 3989
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
洛杉磯探親三日遊 (美國)
(旅程日期: 2011-04-20 至 2011-04-22 ,  旅程性質: 探訪親友)
發表日期: 2011-06-24
今次黎羅省既主要目的係探親,所以完全冇觀光,只係行左幾間香港冇既商店買手信。雖然我地只係逗留三日,不過親友們都好客氣地帶左我地去D好有特色既餐廳食好野,喺度要再一次多謝佢地!而家就等小弟續一介紹比大家啦!

我地第一晚去既Bazaar,位於Beverly Hills(比華利山)核心地段,據說係全城最潮既地方,各大報章雜誌均獲好評。Bazaar係SLS酒店內既酒吧,又係餐廳加甜品屋,重做埋賣名牌既商店添,非常之多元化。

Bazaar內柔和既燈光配上輕快既流行音樂,感覺輕鬆得黎幾有情調,完全感受倒雜誌所形容既潮味呀!負責經營既係來自西班牙既名廚José Andrés,一位被視為引進 “Tapas”(「西班牙小碟」)入美國市場既主要人物,所以好順理成章,Bazaar餐廳既主題食物全部都係Tapas。除左發揚家鄉傳統式既Tapas外,José Andrés重好有心思地以分子料理研製出多款既Modern Tapas比客人細嚐。

喺Bazaar工作既全部都係後生既靚仔靚女,可以話係同個環境一樣咁潮呀!負責我地張枱嗰位哥哥仔,落單時提議我地每樣試D;我地當晚既潮人代表,XO最細既表弟A,就叫哥哥仔話哂事,安排餐廳最受歡迎同最有特色既菜式比大家品嚐。哥哥仔態度友善,而且好落力,張單跟到足,每道餸上枱既時候都必定親自講解菜式既來由,食材,以及烹調方法同過程,非常專業! 
特製飲品“LN2 Caipirinha”之Tableside Service
特製飲品“LN2 Caipirinha”之Tableside Service
特製飲品“LN2 Caipirinha”
特製飲品“LN2 Caipirinha”
Gazpacho New Way (透明既係蕃茄味啫喱)
Gazpacho New Way (透明既係蕃茄味啫喱)
Tortilla de Patatas “New Way”
Tortilla de Patatas “New Way”
Not Your Everday Caprésé (白色既波波原來係Mozzarella芝士水蛋)
Not Your Everday Caprésé (白色既波波原來係Mozzarella芝士水蛋)
Jicama Wrapped Gacamolé
Jicama Wrapped Gacamolé
Croquetas de pollo in NIKE Shoe
Croquetas de pollo in NIKE Shoe
Cotton Candy Duck Liver
Cotton Candy Duck Liver

顧名思義,「西班牙小碟」每款都好細碟,所以當晚我地食左成二十幾道菜,影相都影到冇哂電,真係幾誇張。

LN2 Caipirinha”,USD 20Caipirinha 係巴西既國酒,材料包括喺巴西出產既cachaça(一款由甘蔗提煉出黎既酒),青檸同糖。Bazaar既調酒師張依款雞尾酒稍為改製,以桌邊服務加入 LN2,即“Liquid Nitrogen”(液氮),成功地製造好有氣氛既視覺效果。製成品可以形容為酒精濃郁,味道香醇既清涼Caipirinha Sorbet。炎炎夏日,一款小弟極力推介既消暑特飲,不過就建議駕駛人士唔好飲用(因為一定超標)!

Sweet Potato Chips,USD 10:薯片用紙袋袋住,唔知係咪用黎索油呢?薯片夠薄夠脆,味道甜甜地又咸咸地。另上既乳酪質感唔係平時咁杰,而係好似剛打起既忌廉咁,入口即溶,味道唔係人人啱;同桌既人都有唔同反應,有D就話點左特別乳酪好食D,有D話幾得意,可點可唔點,我就話唔點味道正常D囉。

Ferman Platter,USD 38:在下並非火腿fans,所以唔係好識欣賞依味火腿拼盤,每次既食後感想都係同佢個名一樣「好ham」。今次都唔例外,所以試左一薄片就停左手,留返比其他識食既人慢慢吃。

Pa’amb tomaquet Catalan Style Toasted Bread,USD 8傳統代表之一,脆口既多士面搽左層薄薄既新鮮蕃茄蓉,帶有蒜香味,簡單清新。

Tortilla de Patatas “New Way”,USD 5/person“Tortilla de Patatas”其實係傳統「西班牙厚切薯仔奄列」,一款唔係好啱XO仔口味既西班牙餸;廚師真係好有諗頭同心機,居然可以令到小弟食完之後覺得係全晚最精彩既一味!據哥哥仔講解,師傅先把主材之一既薯仔打成泡狀,再以攝氏63度烹調另一主材既雞蛋,最後喺面頭加上以焦糖煮過既洋蔥粒同蔥花點綴。值得拍手叫絕既係,師傅成功地保留原材,並以嶄新配方煮製,更以全身面貌上枱,簡直可以話係分子料理既代表作呀!大家千奇唔好以為得個樣呀,薯蛋口感香滑細膩,配上甜脆既焦糖洋蔥,味道真係非筆墨能夠形容,只可以話係無可爭辯既必吃推介!

King Crab Raspberries,USD 20哥哥仔話餐廳用料絕對新鮮,用罐上只係視覺效果,想提醒大家西班牙出名生產高質素既罐頭食物wor。罐頭內用Raspberry Vinegar調味既蟹肉,講真食落係甜,不過似乎唔係蟹肉既鮮甜味,而係喧賓奪主既Raspberry味,糟蹋左D蟹肉!

Not Your Everday Caprésé,USD 12小弟唔係一個芝士或蕃茄客,所以好難客觀地對依道菜評審。唯一覺得特別既係相中白色既波波原來係Mozzarella芝士薄層包住液體Mozzarella芝士既芝士水蛋,入口就滑嘟嘟,不過好快就穿到成口都係水,所以要好小心,合埋個口食;味道好芝士囉。

American Caviar Cone,USD 9/pc冇乜功夫,只係放D魚子醬入個迷你甜筒入面,客人一口可以食哂,清脆利落。

Gazpacho New Way,USD 9Gazpacho係涷飲既西班牙雜菜湯,但經大廚分解後再重組,主材蕃茄湯竟然變成透明既蕃茄味啫喱,酸酸甜甜既彩色雜菜粒就用黎拌碟。味道雖然唔係每個人都可以接受倒,不過淨係聽哥哥仔講解都已經係一種享受!

Papas Canarias,USD 8另一傳統tapas,源自西班牙加那利群島,話說當地人係用海水煲乾D薯仔,直到薯仔皮皺哂紋,皮上結左層鹽喺面,再點mojo汁食既。好可惜,因為實在係太咸啦,全枱人都好反感;表弟話齋,再動聽既故仔都比D鹽沖洗哂!

Tuna Ceviche & Avocado Roll,USD 16加插左日式料理去造出份Ceviche,西菜和食,幾有意思。利用Avocado卷住吞拿魚同其他配料,好似食緊一件冇飯既薄餅壽司咁。好彩層椰汁忌廉唔會太濃,所以整體能夠保持香滑清甜。

Tomato Watermelon Skewers,USD 2/pc每串涷涷既蕃茄西瓜塊係就係好爽口,不過酸酸甜甜,個組合有少少奇怪囉。

Jicama Wrapped Guacamolé,USD 2/pc賣相好靚,食落香脆,感覺好似墨西哥taco,越南春卷,同餃子既混合體咁。

Norwegian Lobster,USD 15/person細細塊,輕輕燒過既龍蝦肉,鮮甜爽嫩,配上一細杯味道濃郁既龍蝦精華液,食完一口,再飲一淡,正到唔係好夠口!

Sea Urchin Pipirrana,USD 14海膽個樣好得,食落都好嫩滑,只係底下嗰D菜太過咸,咸味重滲入同搶走左海膽既鮮甜味,「口徒」料!

Japanese Grilled Eel TacoUSD 10 per 3 pc

Sauteéed Shrimp,USD 14蒜味香濃,不過醃得過火,所以好咸,而且D蝦肉過熟,煮到又老又嚡又霉,咁簡單既一味搞到咁失敗,唔扣分唔得!

King Crab Sandwich,USD 6/pc用中式既迷你饅頭,夾住蟹肉碎同Pickle,身為中國人既小弟唔多likE囉;Pickle太刺激,奪左蟹肉既味道,個包又乾,失敗!

Seared Redfish,USD 14碟上用黑蒜畫成既畫筆痕好有藝術感。魚肉嫩滑,面層帶脆,蒜味唔算濃,反而有陣意想不到既炭燒煙味,非常香口,送酒一流。

Oxtail Sandwich,USD 4/pc第一款蟹肉三文治已經唔係好掂,點知依件重衰,個牛尾又乾又嚡,重咸到我地儍左,食完要狂飲水解返,

Seared Piquillo Peppers, Capriola Farm Goat Cheese,USD 11對本身唔係好食芝士既XO仔,Goat Cheese個蘇味同咸味實在係太強烈啦,真係細嚐唔倒!

Seared Mary’s Farm Chicken,USD 11:話說,雞肉經真空煮熟,以確保肉質嫩滑多汁,但唔知點解,食落肉質竟然有少少嚡。拌碟既蜜棗本身好甜,蜜棗上既魚子醬芥辣雖然亦好特別,不過兩溝就奇奇怪怪咁,反而如果調配魚子醬芥辣放喺雞肉面呢,成個應該會唔同哂!

Grilled Beef Hanger SteakUSD 12三成熟既牛扒,肉質軟腍,味道冇乜特別,加上完全冇分子料理既元素,所以頗為失望。

Croquetas de polloUSD 10招牌菜之一既炸雞絲薯仔卷,每客都係用隻Nike鞋上既。冇錯,上枱時係好震撼,成功地謀殺不少菲林,不過雖然個皮夠脆,但係層炸粉太厚,入面個醬味道又比較咸,而且太creamy,所以好溜。

Baby Japanese Peaches, Di Stefano BurrataUSD 18BB桃好甜,不過同碟中一大pat既芝士好似唔係好夾囉。

Cotton Candy Duck LiverUSD 5/pc姨姨極力推薦既一味。鴨肝就咁食味道會較濃同溜,所以西餐多數會跟甜生果一齊上去舒緩返;大廚諗倒用入口即溶既棉花糖,包住一細塊既鴨肝,去製造依個舒緩味覺既效果,可以話係創意無限!不但口感獨特,而係非常美觀,新潮得黎重好懷舊,食到大家都拍爛手掌!超級必吃推介!

Philly CheesesteakUSD 8/pc同小弟讀書時候食嗰D好唔同,因為完全唔油膩,又唔會滯住滯住。迷你欖球形既空心麵包皮層好脆薄,咬落以為自己食緊空氣咁,唔講真係唔知入面隱藏住淡薄既芝士溶!面層舖左四片輕輕燒過既和牛,唯獨唔係好夠味,不過大家不妨叫黎試下個質感。

咁多款既Tapas,食材同煮法都好廣泛,真係好難會樣樣都啱哂全部人既口味,不過依餐飯勝在夠潮,夠多花臣,又多故仔聽,包羅萬有。總括黎講,可以話係一個非常之好既體驗呀!

推介菜式: “LN2 Caipirinha”,Tortilla de Patatas “New Way”,American Caviar Cone,Tuna Ceviche and Avocado Roll,Jicama Wrapped Guacamolé,Norwegian Lobster,Seared Redfish,Cotton Candy Duck Liver,Philly Cheesesteak
每人消費: 約220美元 (晚餐)
評分: 味道3   服務5   環境4   衛生4   抵食2
  1 個留言    |  加入你的留言
發表日期: 2011-07-08
羅省旅程既第二晚,舅父帶左我地去食日式串燒。因為間餐廳好爆,我地屋企又人多,所以訂左位都要六點前去霸位。不過可以話比大家聽,好味指數遠遠超過香港同日本既串燒店,絕對值得早去同排隊等位既!
豬五花腩
豬五花腩
雞腎
雞腎
雞肝
雞肝
雞軟骨
雞軟骨
豬腳
豬腳
雞粥
雞粥
Soboro Don 雞飯
Soboro Don 雞飯

一入Shin-sen-gumi(漢字為「新撰組」,據說係日本以前一個武士組織個名)個門口就見倒兩位師傅企左喺左手邊既炭爐旁準備為客人燒野食。餐廳座位唔算多,大概坐倒三十人。顧客可以選擇坐近炭爐既位置既,不過個人覺得太煙同太熱啦。散枱就比較迫,坐到密麻麻,但亦因此氣氛變得非常熱鬧。

服務生大部份都係好夠中氣既後生仔女,雖然髮形同髮色都好前衛,不過態度絕對友善,而且超級落力。佢地成晚都喺度互相用日文大聲溝通,識少少扮代表既XO仔只聽得出有時佢地喺度歡迎客人,有時感謝顧客落單,其他就… 全晚最high既時刻就係當熟客既舅父請大家飲啤酒時,佢地會好有禮貌地行黎我地張枱前面一齊乾杯,大叫多謝,然後行個鞠躬禮。

一間食客多到要成日排隊既餐廳,食材自然用得快,所以差唔多日日有貨黎,擔保新鮮。Shin-sen-gumi既串燒全部都係用炭爐燒,可以話係Ichiban中既Ichiban!雖然餐廳室內既燒肉味道比較濃烈(一D都冇誇張架:喺依度食完飯,返到屋企一定要沖涼洗頭兼洗衫!),不過因為師傅不斷喺度睇火,撥扇,先之可以保證食物唔會出現「外熱內涷」或者「外熟內生」既情況。

個爐咁近,食物上枱時夠哂熱辣辣,爸爸勁讚。師傅喺大部份既串燒面都輕輕搽左層甜甜既燒汁,好啱我地屋企人口味。哥哥仔好有心機地教我地用餐廳秘製既Yuzu Kosho(柚子青椒醬)點D串燒食;雖則好有特色,不過在下覺得個醬有少少喧賓奪主,所以唔係每樣串燒都適合點。我地全部人對當晚既食物都非常滿意,而家就等小弟推介一下啦:

串燒雞腎(每串USD 1.95):爽口得黎唔乾,而且比香港食倒既大粒。

串燒雞肝(每串USD 1.95):都係好大隻,咬落好軟熟,同最重要係一D都唔乾同唔粉。

串燒雞丸(每串USD 2):「賣飛佛」之一;肉質幼嫩,又夠肉汁,加上甜甜既燒汁,無得彈呀!

串燒雞翼(每串USD 2):燒雞翼其實好考耐性既,因為好容易燒燶左層皮而內部既肉都未係全熟得哂。師傅既手勢真係一流,能夠做出皮脆,肉嫩,多汁,真係拍爛手掌呀。

串燒雞軟骨(每串USD 1.95):埋到位重聽倒D吱吱聲既油聲,好high!雞軟骨非常香脆。師傅只係用左鹽黎調味,所以就點左哥仔介紹既柚子青椒醬,mmm… 味道更覺清香醒胃。

串燒豬五花(每串USD 1.95):聽落好似好唔健康,不過食完包你讚;大家諗下呀 ~ 連怕肥同怕油既媽咪都要encore,可想而知好味程度好成點啦!因為用炭爐慢慢燒,其實好多肥膏已經溶解哂,所以入口唔會覺得成口油。再者,應該就係依D肥膏先可以令到串豬肉咁香嫩。

串燒牛脷(每串USD 2.35):牛脷厚度適中,爽滑香口。

Soboro Don細碗USD 3;大碗USD 6家中有幾位都係冇飯不歡既,所以我地就叫左碗招牌雞飯食。飯面既雞肉碎同串燒雞肉丸既味道差唔多,都係咁嫩同帶D甜味既,超級受小朋友歡迎。

後記:

1)      唔記得左邊個食家曾經講過,一間餐館既衛生分唔可以單靠餐桌同樓面既清潔程度,一定要睇埋個洗手間,因為負責處理食物既廚師都要用架嘛。其實日本人經營既餐廳都已經係一個信心既保證;小弟用既洗手間係男女共用既,真係好大好乾淨,而且抽氣好勁,唔讚唔得!

2)      睇睇卡片背面先知道Shin-sen-Gumi喺加州有成十間分店,當中有麵店,串燒店,同火鍋店,真係唔講得笑。

推介菜式: 雞腎,雞軟骨,雞肝,雞肉丸,雞皮,五花腩,牛脷,雞粥,雞飯
每人消費: 約35美元 (晚餐)
評分: 味道5   服務5   環境5   衛生5   抵食5
  0 個留言    |  加入你的留言
發表日期: 2011-07-18

踏入旅程既最後一日,親友們帶左我地去一間日本人開既意大利餐廳同我地餞行

食完飯,表哥就車我地去機場。唔知係咪因為假期未完呢,個機場唔係好多人,所以我地半個鐘都唔洗就辦妥哂手續,重過埋繁複既保安檢查添。
日菜意食 笑臉2011-07-18
靚靚燈飾
靚靚燈飾
餐牌
餐牌
Sashimi of the Day - Red Snapper
Sashimi of the Day - Red Snapper
Negitoro
Negitoro
Garlic Soup "Rome Style"
Garlic Soup "Rome Style"
Long Sausage
Long Sausage
Chianti Special: Uni Pasta
Chianti Special: Uni Pasta

Il Chianti柔和既燈光同歐陸色既裝修其實好有情調,非常適合情侶拍拖。如果大家想享受加州咁好既天氣,更加可以選擇餐廳既露天位置

我地幫襯嗰晚餐廳滿座,所以哥哥仔同姐姐仔忙到唔係好應付得黎,而且重有少少唔係好友善添;不過日本人幾唔友善都唔會太過份既。

Negitoro, Green Onions Sauce & TunaUSD 8.60):吞拿魚生甜甜地,好好味。碟上既麵包好軟,不過麵包皮就有D韌。

Sashimi of the Day – Red SnapperUSD 5.80):叫得當日精選,應該唔會差得去邊掛;好可惜,魚肉又嚡又韌,而且個汁實在係太濃烈啦,搞到碟魚生一D都冇魚鮮味。失望!

Uni Pasta FettuccineUSD 16.50):寫喺牆上黑板上既Chianti Special Menu度。依款日意混血兒creamy得黎算light,所以完全唔溜。海膽份量唔多,只係有兩件喺面。整體味道帶甜,唯一問題係唔夠熱。

Garlic Soup “Rome Style”USD 5.30):非常有特色既一個湯,大家有機會一定要試下。相中既一舊舊好似椰菜花既其實係蛋白同蒜蓉既混合體;質感好似椰菜花咁爽脆,味道好夠蒜,但係因為溝左蛋白,所以絕對唔咸唔攻鼻,好精彩!

Long SausageUSD 9.80):雖然冇乜煙,不過小心熱;小弟都辣親條脷。修長既一條腸好爽口,胡椒味好勁,未必個個啱feel,不過I like!

Meat Sauce Spaghetti(Medium @ USD 10.30; Large @ USD 16.10):甜甜酸酸,又少肉,唔掂!

Aglio Olio & Peperoncini Spaghetti(Medium @ USD 9.80; Large @ USD 15.50三款意粉中最好食。彈牙既麵條夠熱,唔油膩,少辣,又有蒜香,好清新既一味。

Garlic Clams(USD 8.40D蜆又肥又多汁,最緊要係冇沙;蒜味夠得黎重食倒蜆既甜味,讚!

Garlic Saute Free Range Chicken (USD 14): 唔夠熱,又唔夠咸,建議雞肉可以醃耐D,不吃也吧!

推介菜式: Garlic Soup “Rome Style”,Long Sausage,Aglio Olio & Peperoncini Spaghetti,Garlic Clams
每人消費: 約40美元 (晚餐)
評分: 味道4   服務3   環境4   衛生4   抵食4
宵夜便餐
宵夜便餐
香酥帕森雞胸肉佐茄薑醬,四季豆,紫白花菜,芥蘭,彩椒及番紅花飯
香酥帕森雞胸肉佐茄薑醬,四季豆,紫白花菜,芥蘭,彩椒及番紅花飯
黑胡椒鮪魚佐明蝦
黑胡椒鮪魚佐明蝦
精美點心
精美點心
雜糧手工饅頭,原味手工饅頭
雜糧手工饅頭,原味手工饅頭
菜脯蛋,酸菜炒肉末
菜脯蛋,酸菜炒肉末
竹笙燴絲瓜,新東陽肉鬆
竹笙燴絲瓜,新東陽肉鬆
傳統中式早點
傳統中式早點
其實夜機既乘客多數都會休息,空中小姐既工作量應該比日機既少。好奇怪,雖則我地冇任何要求,我地班機既空中小姐們個個面,好似唔知點得罪左佢地咁。

我地上機等左好耐,小弟都訓左個round,大概深夜一點先派晚餐,好自然地大部份人都選擇左訓。為食既我就揀左份雞胸黎試:又乾又硬,味道重苦苦地,超唔掂

睇睇下戲,個肚開始叫,我就叫左份「精美點心」食。蝦餃同唔知乜野餃既質素重差過超市買返黎自己叮嗰D。

落機前兩個鐘開始派早餐。好彩中華個中式早餐都叫做似返下樣,完全唔失禮,成功地挽回一分。白粥正常,夠熱,配菜既味道好夠濃,讚!

一樣唔係好滿意既地方就係個洗手間非常污穢。雖然見倒空中小姐有入去清潔,唔知係乘客既問題定清潔唔夠,真係唔係好衛生囉!
推介菜式: 中式早餐
每人消費: 約1754.5美元 (其他)
評分: 味道2   服務3   環境2   衛生3   抵食2
個餐好唔掂 ok喇2011-07-18
雞絲蔬菜上海麵佐燒賣及菠菜蝦仁餃
雞絲蔬菜上海麵佐燒賣及菠菜蝦仁餃
我地由羅省黎班機遲左,又要搭「無人駕駛」先轉倒機,時間都幾緊迫;好彩我地行得快,而且班機又遲左少少,先啱啱趕倒。

機內既商務座位唔多,所以滿哂一D都唔出奇。商務位個size,我同爸爸咁大隻都只係緊緊夠,真係唔知身材比我地高大既人點坐

空中小姐們都好友善,不過個飛機餐就真係劣啦!大會指定既麵包同乳酪還ok,生果涷到我牙都震埋。嗰一大碟麵就好「油麻地」啦!
唔夠熱,味道欠佳,麵條太腍,嗰兩舊餃個心重係涷既添,味精濃到我要飲返杯可樂去解
評分: 味道1   服務4   環境4   衛生4   抵食3
  0 個留言    |  加入你的留言