SoC9
我是SoC9。 我是一名尋快樂。
留言  留言給此旅遊家
  遊記數目 7
  上載相片 78
  上載影片 0
最近分享過的旅程
慢遊曼谷
國家/地點: 泰國
慢遊曼谷 (泰國)
發表日期: 2011-05-02
20 Mar 2011

到曼谷一個月,因為住酒店,沒有廚房,所以除了早餐和宵夜外,幾乎每一餐都在餐廳食飯。Mango Tree可說是印象最深刻的餐廳。

 

餐廳位於Surawongse Road, 對於住Sukhumvit的我們是有點遠,不過曼谷坐的士很便宜,倘若不趕時間的話,絕對值得去試下。
芒果樹 笑臉2011-05-02
木瓜沙律---經驗告知,要求小辣,開胃前菜
木瓜沙律---經驗告知,要求小辣,開胃前菜
泰式生蝦---新鮮,好大隻蝦,配經典泰式醬汁,好味正宗
泰式生蝦---新鮮,好大隻蝦,配經典泰式醬汁,好味正宗
紙包雞---有coupon,餐廳送的,雞肉用香葉包住燒,唔會乾,夠入味,記得加配送的basil同吃!
紙包雞---有coupon,餐廳送的,雞肉用香葉包住燒,唔會乾,夠入味,記得加配送的basil同吃!
咖喱抄蟹---新鮮,要求小辣,可能餐廳認為我們怕辣,結果完全不辣!但係好味
咖喱抄蟹---新鮮,要求小辣,可能餐廳認為我們怕辣,結果完全不辣!但係好味
菠蘿抄飯---相對普通,如吃咖喱抄蟹的話配白飯更好
菠蘿抄飯---相對普通,如吃咖喱抄蟹的話配白飯更好
Thai Live Music
Thai Live Music

餐廳分室內和室外2部分,個人認為室外氣氛較好,加上晚上8時後有Thai live music,坐室外可邊吃飯邊睇show2樓洗手間也乾淨企理,於泰國標準來說是相當高分。

侍應們細心有禮和有笑容,服務也貼心,例如看見你吃蟹即時給濕毛巾,啤酒或水差不多喝完會主動替你加添,請代拍照也很樂意。值得加分的是,我們吃不完的食物請代打包,餐廳把食物打包到十分精緻,就連裝飾的花也放到靚靚的在透明微波爐盒中!在曼谷要找這樣的一間餐廳不容易,須知它可不是酒店餐廳呀
!

食物好唔好味係最重要。(請見上圖)

以餐廳質素來說,價錢是便宜的。可感受泰式風味,最重要是乾淨衛生。吃得飽飽,連飲品每人也只百多兩百港元。

建議傍晚5時半至6時到達,可先喝一杯然後吃飯。又或記得訂枱!餐廳很爆,真的要等枱的話,也可先到門口吧枱邊喝邊等…入夜後燭光處處,是愉快的! 難怪餐廳被受遊客推崇。

推介菜式: 泰式生蝦, 咖喱抄蟹
每人消費: 約700泰銖 (晚餐)
評分: 味道4   服務5   環境5   衛生4   抵食4
  0 個留言    |  加入你的留言
發表日期: 2011-05-03
Mar 16 2011

到曼谷的第一天。從機場到酒店已是晚上6時多,特別選擇下午班機,真的不想太累啊!

到酒店後小休,了解一下酒店的環境,便到位於同一條街,步行只須幾分鐘的姐娥餐廳吃晚飯。

餐廳裝俢屬於舊式中菜館,有點商業味,可能是餐廳已成連鎖式經營。侍應們有點散慢,但也態度良好。洗手間是舊了一點但尚算乾淨。

早已做了資料收集,最出名的是胡椒抄蟹。2人吃了飛機餐,加上舟車勞頓,沒甚胃口。叫了小號胡椒抄蟹和啤酒,是宵夜吧!蟹肉新鮮,大量黑胡椒,小蒜頭(泰國的蒜頭都是小小和有衣的,和辣椒同抄,加到湯河,豬脾飯或雞飯同吃),加泰國香草製成的胡椒抄蟹,勁惹味!沒可能不喜愛!吃過第一次後,因為很掛念胡椒抄蟹的美味,往後在曼谷的一個月都回去了2次。它的雞肉抄飯,抄麵還有抄空心菜都幾好味。白灼蝦平凡得很,香港的海蝦更好味。耶子沙冰是解喝首選!

記得早點來吃飯!他們可不像香港的橋底辣蟹般營業至凌晨。晚上十點已叫你埋單,十點半客人已走清光。
推介菜式: 胡椒抄蟹
每人消費: 約700泰銖 (晚餐)
評分: 味道4   服務3   環境3   衛生3   抵食3
  0 個留言    |  加入你的留言
發表日期: 2011-05-04

Apr 11 2011
這天大家想吃西餐,近近地到酒店附近的意大利餐廳食pizza

玻璃屋 笑臉2011-05-04
Caesar Salad---味道ok,但不正宗,而且bacon太硬
Caesar Salad---味道ok,但不正宗,而且bacon太硬
Mozzarella Cheese & Tomatoes Salad---不是頂級靚料,但也新鮮美味
Mozzarella Cheese & Tomatoes Salad---不是頂級靚料,但也新鮮美味
Bolognese---就是肉醬意粉,真的想不到其他形容詞
Bolognese---就是肉醬意粉,真的想不到其他形容詞
Lasagna---比Bolognese好味。
Lasagna---比Bolognese好味。
Hawaii---普通得很,建議可試其他款式
Hawaii---普通得很,建議可試其他款式

入夜後的曼谷沒有香港般明亮,疏落的街燈令一些街道感覺有點昏暗。

餐廳是一間玻璃屋,走在街上一眼便看見它。室內裝修簡單樸實,偌大的室內,開放式廚房和吧檯,格仔檯布加木椅,典型意大利餐廳的模樣。氣氛愉快而不拘瑾。侍應們親切有禮。大伙兒share pasta,侍應們主動問是否要幫忙分配,讚!

除了以上食物外,也叫了Tomato, Salami & Cheese pizza,比Hawaii好,但也沒甚驚喜。Carbonara最好食(沒有拍照),bacon都係太硬,但我鍾意食白汁多過茄汁。

曼谷飲紅白酒好貴,就算喺supermarket買同一牌子的紅白酒也是香港的兩至三倍。今晚高興,所以開了枝紅酒。相比下,免紅酒稅的香港是嗜酒人士天堂。

旅居泰國的日子久了,總不能餐餐泰菜,如想吃意大利餐的話,Bridge是不錯的選擇,起碼較Scoozi好!除了名氣外,Bridge的價錢和服務都比較好,極有可能是Scoozi多連鎖店吧!

推介菜式: Mozzarella Cheese & Tomatoes Salad, Carbonara
每人消費: 約800泰銖 (晚餐)
評分: 味道3   服務3   環境3   衛生3   抵食3
  0 個留言    |  加入你的留言
發表日期: 2011-05-07

Mar 18 2011

第三天了,還是未能提起勁去景點觀光,瞓到日上三竿,才到酒店附近逛逛,卻意外發現隔兩條街的Benjasiri Park正舉行 ‘Bangkok International Food Fair 2011’ 。

Benjasiri Park 2011-05-07
好熱鬧啊!各式各樣的booth,正好醫肚,又有show睇,免費節目!入內看見 Subway,即時整番個 ‘Roast Beef Sandwich’ , 見佢好似好孤寒,兩片薄薄的Roast Beef,即時要求加多兩片,最終這個包索價Baht 18x (大約50港元)!看來Subway要在泰國佔一席位,還須努力cut overhead。(題外話:但係實際上泰國都幾多Subway)買包後往公園邊食邊散步。中央是大型水池,輕鬆清新。池中有大烏龜不時伸出頭來打招呼。如此美景,坐池邊食包,想覺得唔好食都幾難。影下相,傾下計,又一個下晏。5點半喇!再出去行個round見到中國餐廳個booth,又燒鴨燒肉又點心,好熟面口啊!要了個燒賣(一客6件,Baht 60)。店員給了醋同炸蒜蓉,起初覺得好怪,坐下來打開蓋,見燒賣和香港的完全不一樣,無蝦又無蟹籽喺面!心諗:是但啦!泰國食燒賣,想點?但係食過後有驚喜,加埋醋同炸蒜蓉,好似好食過香港的點心唉!滿足矣…吃飽,再往前走,剛好是傳統泰國羽毛舞蹈表演即將開始,舞蹈員在準備,我們先喝一杯!Novotel也在擺booth,來個cocktail和啤酒,店員笑容滿面,也主動幫忙拍照,so cheerful!羽毛舞夠傳統又有特色,睇完都八點。走人!
廚師戴著帽子,很pro
廚師戴著帽子,很pro
盤內有炸雞,撕了一片片的雞肉和雞皮,很新鮮喲!
盤內有炸雞,撕了一片片的雞肉和雞皮,很新鮮喲!
豬手和豬脾,看似香港的牛什
豬手和豬脾,看似香港的牛什

個個都講水門街雞飯,但到了泰國的第三日已發現這檔雞飯,再不需尋尋覓覓了!

10點幾,搵宵夜食。未係好熟曼谷,喺酒店附近行下搵下。行左五分鐘,見到檔街邊豬脾飯,兼有雞飯同湯粉。老實講,初來報到,對這裡的街邊檔還未建立信心,因為通常見到的街邊檔都很污糟,實在不想因為唔舒服而破壞旅程。但係這檔口看來很乾淨,而且廚師還戴著帽子啊!叫了豬脾飯和雞飯外賣。這是我們第一次幫襯(往後的三個禮拜共幫襯十次以上),老闆(即廚師)因為不懂英語,我們只能用body language。老闆起初有點不耐煩,可能覺得我們很煩,又唔知我們講咩東東,但由第二次開始已非常友善和有求必應!

建議吃淨豬手加時菜(不是豬腳,因為它的豬腳很大,要煮熟的時間長,所以肉有點un)。提一提老闆不要把豬手放在湯內(這是他一貫做法),因為豬手用美味滷水煮熟,很香,放在湯內反而吃不到其原味。雞飯可是主打。飯應該是加了雞湯煮,我會選擇老闆放在玻璃櫃,已撕到一片片的雞肉同雞皮(泰國的雞都很瘦,沒有肥膏,食小小雞皮都無問題)。因為泰國人都覺得雞胸肉最正,但係我認為太un啦,所以喜歡甚麼部位要同老闆講呀!買雞飯會配一袋湯(他們叫noodle soup),這湯真是勁好味,飲得出用牛骨煲,每袋有兩三舊白蘿蔔,十分濃縮,可能到街上食飯都有味精,但這湯肯定不只是味精,難怪要雞飯都會配一袋湯啦,我覺得老闆本人都十分proud of 哩個湯!講講下,如果而家有得食就好喇!

這是不平凡的街邊檔,我們甚至認為老闆賣得太便宜了!如此花心機煮和好味的東西,配料(芫茜,蒜頭仔,指天椒,經典泰式辣魚露…)任你加,雞飯Baht 40,淨豬手大約Baht 100,另肉丸湯粉(也好味,因湯底正!)Baht 30,如果喺香港都成日食到甘正又平的雞飯就好囉!

正確位置:Sukhumvit Soi 20街口見7-11(seven eleven)面向大馬路轉右行三分鐘即見。唔係日日都開檔,試過4日唔見佢!
推介菜式: 淨豬手, 雞飯
每人消費: 約80泰銖 (宵夜)
評分: 味道5   服務4   環境3   衛生4   抵食5
  0 個留言    |  加入你的留言
發表日期: 2011-05-09

Mar 23 2011
今日到曼谷必遊的China Town行下,順便買手信。去之前諗:應該幾靚,因為中國人離鄉別井到泰國開舖頭,點都會搵到錢,生活也就相對地好點吧!點知。。。

中國同學會 2011-05-09
松記沙爹
松記沙爹
金佛寺
金佛寺
唐人街牌扁
唐人街牌扁
中國廟
中國廟
勁肥花膠,魚翅
勁肥花膠,魚翅
BTS出閘後先往找金佛寺。這區盡是非常舊的店舖,街道破舊不堪,加上這天有點悶熱,行左十分鐘已開始唔想再行,還好金佛寺不難找,但我們沒有付錢行上塔頂,只在下面影下相。跟著去旅遊書介紹的松記沙爹食串燒。老實講,無特別,地方簡陋,唔好坐。此店只賣燒雞肉串和燒雞潤串(Baht 5/串),叫了5串雞肉和5串雞潤,已經唔記得咩味!只記得雞潤唔熟,有小小血水,好驚,只吃了較熟的幾粒。唯一讚是有紅洋蔥,小辣青椒,和青瓜伴食。醬汁有點偏甜,是泰國人的口味,難怪見有當地人專登揸車來買外賣!離開後往China Town進發,總要有目標,去林真香買手信加唱錢喇!買野可以比港幣,仲可以唱錢,對番高過出面好多呀!
此路不通 哭臉2011-05-09
over HKD100
over HKD100
細

又夠鐘Happy Hour!原來China Town唔興Happy Hour亦無酒吧,只有酒樓食店。早點食晚飯吧!去了T&K Seafood Restaurant(後來至知原來幾多香港人去食飯)。
坐在室內,有冷氣,小小迫。看似老闆娘的女仕招呼我們坐下。我們點了啤酒後想了好一會才落單,又改變主意兩次,她也笑住說ok!叫了燒蟹和燒蝦。兩樣都新鮮,但燒蟹好貴呀!成一百蚊港紙一隻,得6~7両,兩啖就食完!有D唔值wor!燒蝦無特別。見隔離檯的香港夫婦叫了抄菜,青咖喱等泰菜,口中也說著唔係特別好味。而且這裡是純遊客區,食野都唔平啊!
跟識食的香港人說這裡主打海鮮?!.....行唔通wor

每人消費: 約400泰銖 (晚餐)
評分: 味道3   服務4   環境3   衛生3   抵食1
  0 個留言    |  加入你的留言
發表日期: 2011-05-15

Apr 09 2011
今日想到河邊行下hea下,順便食晚飯。坐BTS到Saphan Taksin站,見Peninsula隻艇就跳上去。

曼谷半島 笑臉2011-05-15
Central Pier 上船
Central Pier 上船
湄南河畔
湄南河畔

上岸行左個圈,最好坐係River Bar。晏晝5點,人客不多。River Bar裝修舒服自然又不失優雅,典型5星酒店的格調。面向寬闊的湄南河,心廣神怡。女侍應們服務有禮,笑容滿面,見友人想食雪茄,除即上前問是否要防風打火機,感覺貼心。唯一問題是晚上7點,太陽落山後,蚊子都出來打招呼,我們都要用cushion趕蚊啊!可能下次用蚊怕水會好D。
叫了cocktail和啤酒。Cocktail 叫 ‘Another One Please’是signature drink。充滿信心的名字,也就叫一個試下喇!唔。。。西柚味重,唔係唔好味,但係好細杯,又多冰,較小酒精,唔多覺係cocktail,加上要成HKD120一杯,唔適合happy hour 慢慢飲同傾計囉!(註:River Bar 沒有happy hour優惠)每檯有3款花生,另加送每人一個細細的小食,是咪你雪糕筒內有一些鹹鹹地類似xo醬的餡料,好味!由於有情意結,還是鍾情Peninsula啊!

每人消費: 約700泰銖 (下午茶)
評分: 味道3   服務5   環境5   衛生5   抵食3
醉人橋景 笑臉2011-05-15
風雨欲來,隨即開番個屋頂
風雨欲來,隨即開番個屋頂
潮人live band
潮人live band
沙嗲
沙嗲
海鮮拼盤
海鮮拼盤
為這靚景而來
為這靚景而來

離開半島後去搵食。Khinlom Chomsaphan的網評不錯,加上河邊餐廳(非酒店餐廳)選擇不多,於是本想從central pier坐船到13號碼頭再行過去,但回到central pier時,去13號碼頭的尾班船已開出,唯有打的直接去餐廳喇!原來路程都頗遠喎,Baht100,如果喺 Khao San嗰邊去近好多。餐廳建於河邊,須從外面大街轉入小街行10至15分鐘,好在無行去,我諗喺13號碼頭起碼行半粒鐘至到,坐的士穩陣。
餐廳裝修幾靚,有情調,坐在室外感覺開揚,近河邊位置面向 Rama VIII Bridge,好靚啊!又有live band,晚上9點前唱英文歌,9點後唱泰國pop songs,好多後生仔來飲酒,大家跟著唱就好似開演唱會一樣,幾熱鬧喎!不過好小遊客,本地人多,可能仍未屬旅遊熱門餐廳吧。
叫了啤酒,串燒和海鮮拼盤。啤酒唔平喎,Baht280 / jar(大概800ml)。串燒唔錯呀,Baht120,有12串,又有好多配料(厚而軟的麵包,微烤,細心地已切成細片,點沙嗲醬好味!另有小青椒同紅洋蔥,好開胃),難怪我地一坐低,經理已拿著串燒的相片推介。好快海鮮拼盤都到,全部都似燒過,但係食唔到有任何炭味。有蝦蟹,尤魚,青口,螄蚶。蝦蟹都無特別,是普通貨式。青口唔得,無味,係雪藏貨加煮得太奈,一定要點泰綠色辣汁先有味。尤魚都幾好,唔un又有尤魚味。最特別係螄蚶,因為之前喺香港唔敢食生的,所以從未試過,原來味道似勁重味的蠔,好鮮甜啊!這裡的已煮熟,食落放心。
網評是正確的。來這裡是為靚景而唔係食物!
小插曲!食到一半時突然番風,D風大到客人都嘩嘩聲,大家都知道風雨欲來,餐廳做足準備,隨即開番個屋頂,又放下塑膠窗簾,安排近河位置的客人坐到能避雨的地方,無幾奈即落大雨。這樣的服務實在窩心,亦可能是泰國人們早已習慣下雨天的生活,這裡畢竟是亞熱帶地方囉!
我地聽歌飲酒至12點才番酒店。埋單時問女侍應是否可以代為call的士,因為真係唔想行10分鐘小街至出到去坐的士,而且又落雨呢!原來餐廳有tuk tuk,可送客人到大街坐的士,一到街口已滿街的士,幾方便啊!

推介菜式: 串燒
每人消費: 約900泰銖 (晚餐)
評分: 味道3   服務4   環境4   衛生4   抵食3
  0 個留言    |  加入你的留言
發表日期: 2011-05-20
Mar 24 2011
懶洋洋的一天,朝早10:30食完酒店早餐,然後上網攪下公司D嘢,已經下晝2點。
下午茶 笑臉2011-05-20
三角嘜咖喱角,豬肉露筍卷,腸仔卷,菠蘿pie,朱古力muffin
三角嘜咖喱角,豬肉露筍卷,腸仔卷,菠蘿pie,朱古力muffin
Sunset
Sunset
小睡後起來喺房食酒店Bakery的pastry加咖啡。我平時雖然不是很喜歡high tea,但偶然在日落前嘆杯咖啡食件餅,充實那 ‘餓與為食之間’ 狀態的肚皮,實在是愉快的。
這酒店的pastry確實靠得住,甜鹹點都很不錯,配咖啡,茶,fruit juice或凍飲都一流,下晝5點後更有6折,另外又有各式cheese cake,原來酒店的bakery shop喺曼谷都幾有名,甚至另有幾間地舖分店,又見有看似闊太的泰國女仕連同傭人一齊來外買蛋糕。個人認為如果住喺樓上的話,不妨買上房食,因為酒店房有咖啡有茶又有景嘛。
其實bakery shop也有座位的,又分室外室內,如果不是大熱天,我會選擇室外,雖然不是面對甚麼靚景,但在內街總算清靜,又對著泰式豪宅,感覺優閒,下午茶食件cake真係幾好。(註:另有最近分店在 MRT,Sukhumvit站shopping arcade內,不設座位)
推介菜式: Pastry
評分: 味道4   服務4   環境4   衛生4   抵食4
德國風情畫 笑臉2011-05-20
後面德國國旗顏色的簷蓬便是小型購買店
後面德國國旗顏色的簷蓬便是小型購買店
木門通往室內雅座
木門通往室內雅座
有餐前牛油加麵包
有餐前牛油加麵包
Genuine Veal Sausage with roasted onions
Genuine Veal Sausage with roasted onions
mashed potatoes and broccoli gratin
mashed potatoes and broccoli gratin

到達第一晚經過看見這德國餐廳已覺得外型唔錯,看來乾淨,室外空間感寬,傾計飲啤酒至正。這晚適逢懶惰日,又一向鍾情德國香腸同薯茸,就試試酒店對面,不用30秒即到達的Bei Otto德國餐廳。
晚上10點才到達。餐廳前花園地方非常大,木製檯椅加屋頂,頗傳神的歐洲風情。Sukhumvit是商業區,相信因而餐廳多工幹人員去飲啤酒,碰到的有日本人,韓國人,也有華洋組合同事一齊去飲啤酒,大概這是德國給地球人的印象囉!Country of beer!也有室內座位,有冷氣寬倘舒適,室內裝修有德國餐廳元素,適宜family gathering 或大班人開party。洗手間也乾淨。最特別是它有一小型購買店,像便利店一樣大細。Cold cut,sausage,bread &butter,cheese,olive,wine…etc。有得食又有得shopping!合港人心意。侍應們親切有禮,時常主動睇下有咩做。隔離檯叫了3碟食物,送來時有一碟錯了(可能是落錯單),雖然客人說沒問題,但係侍應小姐都堅持要更換,又連聲道歉,是一流的服務態度!
此餐是宵夜,而且得2個人,加上飲啤酒食唔倒好多嘢,只叫一碟腸share。賣相唔錯喎,大大條德國腸,味道都係一般煎腸咁嘅味囉,都幾香嘅。配菜講究,薯茸滑漏好味,西蘭花加小小芝士烤過,好香口啊!仲有炸過嘅洋蔥碎鋪喺腸面,是誠意之作。Bei Otto另有其他德國菜式如豬手,cold cut拼盤,steak,pasta etc,而且價錢唔貴。可惜之後未有機會再來食飯,唯有下次來曼谷再試這裡的其他食物囉!

推介菜式: 香腸,薯茸
每人消費: 約350泰銖 (宵夜)
評分: 味道4   服務4   環境4   衛生4   抵食3
  0 個留言    |  加入你的留言