Hoglund
我是Hoglund。 我是一名......。
留言  留言給此旅遊家
  遊記數目 3
  上載相片 103
  上載影片 2
最近分享過的旅程
湖南長沙, 江西南昌贛州穩食之旅
國家/地點: 中國
旅程日期: 2010-08-05 至 2010-08-09
湖南長沙, 江西南昌贛州穩食之旅 (中國)
(旅程日期: 2010-08-05 至 2010-08-09 ,  旅程性質: 背包旅遊)
發表日期: 2010-08-13

嘩, 卒之放大假呢, 雖然祇有6日, 但因工作忙碌, 以推遲左一次. 一早plan定去湖南, 沿武廣高鐵到達城市之中比較大既玩. 放假前一晚先有時間去中旅問吓訂飛既手續(幾日黎打過好多次電話都唔通, 唯有自己去中旅問). 原來訂飛要等幾日先confirm倒, 票價亦貴過自己上廣州南站買(從網上查到內地高鐵票價), 所以都係决定自己坐直巴上廣州南站買飛算.
5號一早起身執齊野, 帶上自己既旅行孖寶(相機and netbook), 8:00am油麻地直巴(好似1日得1班, $120)到廣州南, 中途停沙田及上水上客. 到廣州果邊就停祈福新村及番禹, 廣州南係最後一站. 當日大堂都好多人排隊買飛, 亦有自勳售票機, 但好似祇收50同100人仔. 即買飛去長沙, 333蚊人仔, 12:34分開車, 我卡(4號卡車)都坐滿人. 座位就似D直通巴坐位咁上下(2等), 係面對面咁坐, 但leg room唔多夠. 車上有小賣部, 可以買倒飲同食既野. 當時正直午餐時間, 好多同胞都有買快餐飯盒食, 我就無試, 唔知幾錢.
兩個多鐘就到左長沙. 睇見最快係行到343km/hr. 全程祇停左3-4個站, 可能我坐果班係快車掛, 唔洗站站停.  首先兜的去五一廣場(市中心, 都要成50蚊車費.  的士佬好好人, 知我來玩, 佢沿途一路講有咩景點, 但我普通話有限, 祇聽得明少少), 穩酒店(黎之前無book定), 最後住7天Inn, 188蚊, 開會員卡, 第2晚就157蚊.  第1日坐左成日車有D攰, 係酒店放低包包後, 就落去附近既五一廣場步行街行吓. 五一廣場係商業中心, 附近食肆林立, 食街都有2-3條(坡子街夾三王街, 小食街, 南門口 .. 等等), 酒吧街, 大商場林林種種咩都有. 呢條步行街同一般既步行街都無咩分別, 但條街就夠哂闊, 人多都唔怕, 同埋有好多銅像公仔係度. 臨租酒店前祇食左個Donut同Ice Coffee, 兩樣都把鬼, 唐唔似唐, 西唔似西, 不過果時肚餓就唔理得咁多. 衣家又開始有D餓, 見有楊裕興就入去試吓.  食完繼續週圍遊蕩. 先逛五一廣場既小食街, 共十來間店仔. 試左個長沙著名小吃糖油粑粑, 熱辣辣炸起, 甜甜地幾好味, 1蚊2個, 2蚊5個. 行左陣就行去火官殿行下, 有間幾百年歷史既火神廟, 古色古香咁. 行到7點幾就去坡子街(五一廣場附近, 火宫殿對出其中一條食街), 又選左間百年老店熱鹵劉食晚飯. 飯後四圍行多陣, 食左幾隻餃子當宵夜就返酒店上網穩吓info, 先決定第2日行程. 返左酒店無耐就含含聲落大雨, 心稔唔好掛, 咁辛苦先黎得到呢度.

門面ok, 好多人幫襯, 仲有免費WiFi
門面ok, 好多人幫襯, 仲有免費WiFi
差差差
差差差
Ice Coffee 水注注, 無咖啡味, 唔夠冰唔夠奶, 得個甜字. Donut本身比較硬, 即係唔新鲜, 似足day old donut, 食完都唔知食左乜. 可幸counter小妹D service都叫ok.
每人消費: 約14人民幣元 (下午茶)
評分: 味道1   服務3   環境3   衛生3   抵食2
好味 ok喇2010-08-13
總店門面有D古色古香
總店門面有D古色古香
各式小食-1
各式小食-1
各式小食-2
各式小食-2
好味
好味
楊裕興粉麵店餐牌
楊裕興粉麵店餐牌
原汁原味 ... 正

佢地主打粉麵飯及小食, 以百年老店自居(網上查倒既info, 有好多分店). 叫左個原汁牛腩麵, 牛腩有肉味, 麵身有麵粉香, 原汁牛肉湯正, 6蚊, 抵食.

每人消費: 約6人民幣元 (下午茶)
評分: 味道4   服務3   環境3   衛生3   抵食4
抵食又好味 ok喇2010-08-13
週街都係呢一類車仔檔, 尤其係晚上
週街都係呢一類車仔檔, 尤其係晚上
熱辣辣脆卜卜幾好味
熱辣辣脆卜卜幾好味
新鮮即炸
新鮮即炸
街邊車仔檔賣既糖油粑粑, 新鲜炸起熱辣辣, 脆卜卜, 食落有D甜甜地, 幾好味架.
每人消費: 約1人民幣元 (下午茶)
評分: 味道4   服務3   環境2   衛生3   抵食4
熱鹵劉飯店
熱鹵劉飯店
唔係咁啱胃口, 飯都無食
唔係咁啱胃口, 飯都無食
劉府堂口菜咸到苦
劉府堂口菜咸到苦
熱鹵味度一般
熱鹵味度一般

晚飯就一定要穩間肆肆正正既餐館慢慢嘆吓. 行入坡子街三王街咁多食肆, 最後簡左呢間百年老店食, 因為好似最多客係佢地.
睇左菜牌成10分鐘, 因為好多野都未食過. 叫左一個劉府堂口菜及一個4式熱鹵. 堂口菜係半隻雞連雞湯, 豬肚絲, 肥豬肉粒, 豬肉煎蛋角, 東菇及"庵"春蛋一齊煮. 呢個湯咸到跳舞, 夾硬飲左兩三碗就頂唔順. 但奇怪係差唔多台台都有衣個湯, 係呢度既首本名菜之一. 另外一個4式熱鹵, 係一定要4樣鹵肉/菜, 唔可以少過4樣, 每樣7-8蚊, 好似有D那個. 我要左鹵肉, 鹵牛"展", 鹵椰菜同鹵豆皮條. 呢個菜我就覺得無鹵水應有既香味, 祇係有少少咸, 肉又切得好細片, 最好食都係個鹵椰菜. 結果兩樣野都食淨一半, 白飯都無食, 拿拿聲埋單走人, 下次米搞. 可能湖南人同香港人D口味係唔同既(指咸果方面).

每人消費: 約84人民幣元 (晚餐)
評分: 味道1   服務3   環境3   衛生3   抵食2
脆皮餃子 ok喇2010-08-13
向群鍋餃店
向群鍋餃店
餃子脆卜卜
餃子脆卜卜
餃子無咩肉汁
餃子無咩肉汁

係熱鹵劉食完晚飯出黎, 好似完全無食過野咁. 唯有繼續係步行街遊蕩. 行到咁上下想穩D甜品食下, 於是又行返入三王街穩甜品店. 有就有, 但係D甜品唔係咁啱食. 甜品店隔離有間向群, 又一間百年老店. 睇佢煎D餃子好似唔錯咁, 就不如試下呢. 4蚊有5大隻, 全隻餃子都煎到脆卜卜, 唔同香港咁, 衹煎到餃子底部脆就咁多. 衣度D調味幾好, 可惜無咩肉汁, 當宵夜食都ok既.

每人消費: 約4人民幣元 (宵夜)
評分: 味道3   服務3   環境3   衛生3   抵食4
五一廣場-下午-1-黃興銅像直立於五一廣場街口
五一廣場-下午-1-黃興銅像直立於五一廣場街口
五一廣場-下午-2
五一廣場-下午-2
五一廣場-下午-3
五一廣場-下午-3
五一廣場-下午-4
五一廣場-下午-4
五一廣場非常多呢一類銅像, 各有神態
五一廣場非常多呢一類銅像, 各有神態
五一廣場-晚上-1
五一廣場-晚上-1
五一廣場-晚上-2
五一廣場-晚上-2
五一廣場-晚上-3
五一廣場-晚上-3
呢度商場, 店鋪, 食肆, 酒店林立, 晚上車水馬龍, 遊人不絕. 附近更有酒吧街, 化龍池(亦係酒吧街). 長沙人愛夜蒲, 所以呢頭燈火通明到零晨兩三點. 
廣場有黃興(克強)銅像. 佢係民國初年一位大元帥, 聽聞反袁世凱稱帝既組織就係由佢領導.
五一廣場附近另有一長沙名勝-火宮殿, 相傳故老既故事就唔記得左呢. 不過呢度兩座廟宇都係有幾百年歷史, 值得去参觀一下.
五一廣場小食街係賣鐵板燒, 油炸野, 蒸包, 臭豆腐之類, 另有台式飲品店幾間, 共十來間店, 晚上總係鬧哄哄的.
廣場附近另有幾條食街 - 坡子街, 三王街, 南門口等 …去遠D仲有孺子路, 雅塘村, 曙光路, 同火車站附近既蒸菜一條街.
參觀時段: 全日
入場價錢: 每人0人民幣元
評分: 值得去4  
長沙火宫殿-1
長沙火宫殿-1
長沙火宫殿-2
長沙火宫殿-2
長沙火宫殿大門
長沙火宫殿大門

位於市中心五一廣場附近. 兩座建築物都古色古香, 但遊人不多, 可能長沙本地人以經見慣見熟啦

參觀時段: 全日
入場價錢: 每人0人民幣元
評分: 值得去4  
下午之小食街-1
下午之小食街-1
下午之小食街-2
下午之小食街-2
晚上之小食街-1
晚上之小食街-1
三王街行到尾就係坡子街
三王街行到尾就係坡子街
三王街
三王街
坡子街
坡子街

中午下午時段人流唔多, 但一到晚飯或宵夜時間就火紅咯. 坡子街同三王街其實係差唔多同埋一條街, 呈 ”丄”字咁.

參觀時段: 全日
入場價錢: 每人0人民幣元
評分: 值得去3  
真係幾快 笑臉2010-08-13
廣州南站大堂
廣州南站大堂
廣州南站-Bullet Train Terminal
廣州南站-Bullet Train Terminal
Bullet Train-最快可以去到350km/hr
Bullet Train-最快可以去到350km/hr
中旅火車時間表及價錢-D時間可能唔啱既. 不過D班車都幾密, 大約係半個鐘一班.
中旅火車時間表及價錢-D時間可能唔啱既. 不過D班車都幾密, 大約係半個鐘一班.
感覺同坐香港既MTR差唔多, 但更快更平穩, 而大部份時間都係open area行駛, 外邊D風景又唔錯, 我呢次見到既top speed係343km/hr. 333蚊, 2個鐘多D從廣州南到長沙都值得既.
參觀時段: 其他
入場價錢: 每人333人民幣元
評分: 值得去4  
  2 個留言    |  加入你的留言
發表日期: 2010-08-17

一宿無話. 第二朝早D起身上網check吓有咩地方好去. 見尋晚落過雨, 又順手check吓湖南湖北各地天氣. 唔check尤自可, 一check把幾火. 湖南湖北各地呢幾日都係密雲/大雨/雷雨, 上星期check過都話天氣好架. 天公不做美, 無法.
網上check到湖南省博物館有限量免費入場飛送(一般要30-50蚊入場費), 見朝早仲有D陽光, 立即check埋坐咩公巴去(好多公巴無冷氣既). 10點左右到達, 以經有成70-80人係度排隊. 落巴士即刻跟住龍尾. 咁啱有博物館職員出黎派flyer, 就順口問吓佢係唔係有免費門票. 佢話有身份証或passport就可以攞免費飛,. 唉, 我兩樣都無(唔記得問回鄉証得唔得, 不過我放左ID係酒店度, 得都無用). 問佢可以點, 佢話買門票呢30蚊. 一場黎到30就30呢. 買完飛入到去正門原來仲有成100人(免費飛) 等入場. 我呢D比錢買飛既就可以即刻入, 仲可以坐電睇上2樓開始参觀(免費飛要自已行樓梯上. 由3樓開始, 由上向下層参觀).
博物館正在舉辦一個契丹文物展, 再加上自已本有既馬王堆漢墓展及湖南青花陶瓷展, 都好似有好多野睇咁. 係博物館足足行左差唔多3個鍾, 真係好多野睇. 呢30蚊真係比得值架.
行完博物館, 出返黎又攰又餓(無食早餐), 就係附近穩D野食頂吓肚先. 博物館附近無咩野食, 只好簡左呢間無名菜館. 中午時段都係食快餐. 無咩好食就叫左個雞絲炒飯. 快快手食完就跟住去第二個目的地-岳麓山. 係公車站問本地人坐咩公巴去(其實一早寫定地點名稱係紙仔度), 佢地都好客氣咁教我坐咩公巴. 話咁快(2蚊公巴)就到. 係大門沿斜路上到山腳, 見有10蚊登山車坐就即刻上車. 沿路一路上到山頂, 司機佬開得鬼S咁快, 真係有D心寒, 不過對我衣D行唔慣山既人黎講, 10蚊都真係值得既. 岳麓山風景秀麗, 好多民國初年既英雄人物都長眠於此. 另有長沙名勝岳麓書院(好似係50蚊入場費), 愛晚亭, 鳥語林, 及D庤廟古剎等等. 由山頂沿路行返落山, 一路參觀唔同景點, 一樂也. 係衣度又行左成4個鐘, 真係攰S.
攰還攰, 都要繼續行程. 第三站 - 天心閣, 即長沙古城牆遺址. 剛到大門(16蚊入場費)就開始落大雨, 真係無癮, 唯有走人返酒店. 酒店對面有間香港滿記甜品, 入去食返個芝麻糊潤一潤喉先返酒店休息.
華燈初上, 又到晚飯既時候. 今晚决定去南門口食D地道野(黄興銅像果邊好似叫司門口, 行到步行街尾, 差唔多有1km, 叫南門口, 過對面馬路就係食街). 自己果時唔識路坐公巴去, 2蚊兜左個大圈, 落車先知原來係呢度. 南門口出名多大排檔及燒烤, 晚飯時候未係有咁多人, 行吓睇吓有咩食又幾過瘾既. 簡左間有冷氣既室內排檔成記, 要左個地道美食口味蝦(少辣)同家鄉炒通菜, 兩樣都幾好味. 飯後就行返過步行街遊蕩下, 不知不覺又行返黎小食街度, 一定要幫襯下啦. 食左串阿拉伯烤肉及飲左杯芒果乜乜珍珠奶茶, 兩樣都ok. 再行去酒吧街参觀一下就打道回酒店. 我對夜蒲無咩興趣, 都係返酒店上網check下D天氣以决定後幾日既行程.

一般味度 ok喇2010-08-17
豉油炒飯
豉油炒飯

肚餓就咩都好食. 炒出黎好似外國唐人街餐館果D豉油炒飯咁. 食飽就算.

每人消費: 約11人民幣元 (午餐)
評分: 味道3   服務2   環境2   衛生2   抵食3
唔錯既甜品 笑臉2010-08-17

香港滿記甜品開到黎長沙, 睇黎佢地D生意真係唔錯. 尋晚經過都full house. 今次食既凍芝麻糊湯丸, 有芝麻香, 唔太”傑”, 甜度剛好, 係D湯丸饀少D. Overall 唔錯. 地方亦keep得干干淨淨, 舒舒服服, 幾個哥仔小妹亦有笑容.

每人消費: 約16人民幣元 (下午茶)
評分: 味道4   服務4   環境4   衛生4   抵食3
唔太辣, 幾好味
唔太辣, 幾好味
成記行出去就有好多排檔
成記行出去就有好多排檔

口味蝦一定要試. 要左少辣, 蝦算新鮮, 跟大量蒜蓉, 葱, 紫蘇葉一齊炒, 真係幾和味. 通菜亦炒得夠鑊氣, 加支純生又一餐.

每人消費: 約61人民幣元 (晚餐)
評分: 味道4   服務3   環境2   衛生3   抵食3
長沙小食 ok喇2010-08-17
最紅係呢間阿拉伯烤肉
最紅係呢間阿拉伯烤肉
哥仔們又唱又跳
哥仔們又唱又跳
味度ok, 5蚊大大串
味度ok, 5蚊大大串
其它小店
其它小店
台式飲品店
台式飲品店
味度還可以
味度還可以
酒吧街一角
酒吧街一角
酒吧街其中一間Disco
酒吧街其中一間Disco

全條小食街最红就係呢一檔阿拉伯烤肉, 哥們又唱又跳以吸引食客. 食左串烤肉, 夠淋唔太辣. 整多杯大卡司, 味度ok. 始終唔夠膽食臭豆腐, 有D可惜.

每人消費: 約11人民幣元 (宵夜)
評分: 味道3   服務3   環境3   衛生3   抵食3
值得一去 笑臉2010-08-17
長沙湖南省博物館
長沙湖南省博物館
馬飾-1
馬飾-1
馬飾-2
馬飾-2
金頂飾
金頂飾
陶瓷
陶瓷
人像圖
人像圖
舍利塔
舍利塔
漆盒, 銅鏡
漆盒, 銅鏡

讀中史睇圖片就睇得多, 但真正既契丹文物就真係未見過. 展品包括兵器, 陶瓷, 服飾, 馬飾 …等等. 真係大開眼界.

參觀時段: 早上
入場價錢: 每人30人民幣元
評分: 值得去5  
值得一去 笑臉2010-08-17
馬王堆漢墓陳列
馬王堆漢墓陳列
弦琴
弦琴
奴隸木像
奴隸木像
雕刻
雕刻
服飾-1
服飾-1
服飾-2
服飾-2
清代陶瓷(湖南陶瓷展)
清代陶瓷(湖南陶瓷展)
兵器
兵器
馬王堆展覽廳

古漢墓陳列品包羅萬有, 亦係最多遊人参觀既地方. 最特別就係展品中包括一具漢朝貴人干C, 不過實在太多人圍觀, 我只可以望左一眼. 影片中辛夫人蠟像就係跟據衣個干C所雕刻而成.

參觀時段: 早上
評分: 值得去5  
長沙必遊 笑臉2010-08-17
岳麓山大門
岳麓山大門
指示去各景點之路牌
指示去各景點之路牌
岳麓山各景點名勝指示圖
岳麓山各景點名勝指示圖
岳麓山頂遠望長沙市
岳麓山頂遠望長沙市
岳麓書院-1
岳麓書院-1
岳麓書院-2
岳麓書院-2
愛晚亭
愛晚亭
黄興記念碑
黄興記念碑

長沙必去景點之一. 遊人眾多. 亦有青少年不理別人眼光, 開大音樂打啤牌, 真係大剎風景. 岳麓山到處景點, 可以講行一日都未必行得哂.

本想去天心閣一遊, 但一到大門就落大雨, 唯有走人.

參觀時段: 下午
入場價錢: 每人0人民幣元
其他消費: 上山車-10蚊
評分: 值得去5  
  0 個留言    |  加入你的留言
發表日期: 2011-05-02

夜晚check過, 朝早起身再check多次, 湖南省湖北省D天氣都係落雨多. 唯有去第度玩. 廣西天氣一樣係落雨. 鄰近只有江西天氣最好, 差不多全省天晴. check埋10:30am有巴士去南昌, 咁就一於咁話. 9點幾去到長沙東車站, 買左飛(140蚊), 見仲有時間就過對面馬路楊裕興分店食個快手早餐.
車程差不多要6個鐘, 中午到達南昌, 就住返7仔Inn, 係正長途車站對面, 夠方便, 離市中心亦唔係太遠. 放低包包就上網check下有咩地方好去. 長沙市內主要景點比較多, 相對南昌市內就無咁多地方行. 休息到差唔多晚飯時間先出去行下. 先坐的士去食街食晚飯. 南昌較出名既食街有孺子路, 蛤蟆街, 天燈下美食一條街及宵夜燒烤聖地宝珠街. 本想去孺子路, 的士佬聽錯去左蛤蟆街(相傳以前整條街都係賣田雞蛤蟆之類而得名, 正式街名我反而唔記得左). 既然黎到就無所謂係度食晚飯呢. 蛤蟆街其實唔係有咁多食肆, 只有兩三間比較大既+D大排檔. 簡左間叫小康廚房既試下. 飯後亂咁四圍行, 行左去南昌最旺既中山路. 呢度入夜街道兩傍都人山人海, 車水馬龍, 五光十色, 國內名店林立, 好多年青人係呢頭消費. 係度行左個幾鐘就沿中山路直上行返出大馬路(忘記左街名). 沿路經八一烈士紀念碑及一D大型商埸(當然已關門休息). 返到酒店先休息一下又上下網, 睇下聽日既行程. 11點幾再坐的士去宝珠街食燒夜. 宝珠街都係食燒烤多, 款式同深圳D燒烤大同小易, 但比較平. 食飽就坐的士返酒店沖涼訓教.
一早起身過對面車站買定中午去赣州既車飛. 襯早上仲有D時間就執埋包服checkout, 問路坐公巴去騰王閣望下, 50蚊入場費, 唔夠時間, 係門口影張相就算. 之後再返中山路穩食, 途經南昌八一起義紀念館, 又影多兩張相. 最後落脚於1+1燒菜館求其食D野算. 飯後就返車站等大巴返贛州.
贛州以前黎過, 市內無咩好行. 到步就租房, 休息到夠皮為止. 晚飯時間過左先訓醒, 但唔係太肚餓. 問前台有咩地方小食多, 佢地介紹左我去一個叫釣魚台既地方, 打的去都唔係太遠, 20蚊有找. 去到釣魚台呢個地方原來只係一條小巷.巷內有各式地方小吃粉麵店或車仔檔, 但衛生情況非常一般. 行左一轉, 只買左隻雞肶頂下當算, 其它都唔敢試. 返酒店途中去KFC食個餐搞掂. 但始終稔唔明點解呢條巷仔叫"釣魚台".
一覺醒來, 又到返深圳既時候. 8:30am早車返深圳, 食D野(另文介紹)再直巴返香港, 完成左今次混吉之旅.

楊裕興早餐 ok喇2011-05-02
普普通通, 無總店水準.
普普通通, 無總店水準.
附近行左個圈都無咩岩食既早餐, 唯有返楊裕興食. 今次食鹵肉麵及豆腐. 鹵肉半肥瘦夠入味, 麵就無總店咁爽囗, 不過都ok. 豆腐唔係太辣, 比較干身. 早餐黎講就無咩所謂.
每人消費: 約12人民幣元 (早餐)
評分: 味道3   服務2   環境3   衛生3   抵食4
江西小菜 ok喇2011-05-02
餐館大門
餐館大門
餐廳一角
餐廳一角
前檯簡食物
前檯簡食物
肉餅湯, 幾油
肉餅湯, 幾油
家鄉涼瓜夠野味
家鄉涼瓜夠野味
糯米我至愛之一
糯米我至愛之一
各式滷水小點
各式滷水小點
甜點
甜點

係蛤蟆街黎講呢間都算係比較大既一間餐館. 晚飯時間去到都坐左8成人. 部長話呢度無餐牌, 要行去廚房前面張抬簡食物. 其實好多野都唔知係咩黎, 最後部長都係比左張非常簡單既餐單比我. 簡左以下幾樣:
肉餅湯 - 似係豬骨湯底, 肉餅夠淋, 味精幾重手.
家鄉炒涼瓜 - 小小辣, 有鑊氣, 野味.
糯米排骨 - 糯米香, 排骨淋, 幾好味.
食到9點幾就有好多宵夜小食及甜點推出, 不過我幾飽, 無試.

每人消費: 約59人民幣元 (晚餐)
評分: 味道3   服務3   環境3   衛生3   抵食3
低食燒烤 ok喇2011-05-02
晚上好多檔囗, 客人亦源源不絕
晚上好多檔囗, 客人亦源源不絕
各款烤物
各款烤物
20幾蚊好低食
20幾蚊好低食
見最多人幫襯, 所以我都食呢間. 款式同深圳既差唔多, 不過比較平少少, 味度亦唔錯. 連埋啤酒一支都係20幾蚊.
每人消費: 約25人民幣元 (宵夜)
評分: 味道3   服務3   環境2   衛生2   抵食4
商業街 笑臉2011-05-02
中山路
中山路
八一烈士碑
八一烈士碑
中山路係南昌主要之商業街, 晚上車水馬龍, 人來人往.
評分: 值得去4  
味度一般 ok喇2011-05-02
農家炒通菜
農家炒通菜
冬瓜排骨湯
冬瓜排骨湯
平民式餐館, 餸菜味頗淡, 只求飽肚無咩所謂.
每人消費: 約35人民幣元 (午餐)
評分: 味道3   服務2   環境3   衛生3   抵食3
不去也吧 ok喇2011-05-02
車仔檔
車仔檔
加熱之後拎出黎時香噴噴
加熱之後拎出黎時香噴噴
釣魚台地方麻麻, 只買左隻雞肶頂下肚. 雞肶以鹵水調制, 味度ok.
每人消費: 約5人民幣元
評分: 味道3   服務3   環境2   衛生2   抵食3
一定水準 笑臉2011-05-02
保持一定水準
保持一定水準
KFC既食物通常都保持一定水準. 套餐外再加一件炸雞先夠醫肚. 我自己就唔係太中意個沙律.
每人消費: 約34人民幣元 (晚餐)
評分: 味道3   服務3   環境4   衛生4   抵食3
白鴿轉 ok喇2011-05-02
只在門外打左個白鴿轉, 影左幾幅相.
參觀時段: 早上
評分: 值得去3  
  0 個留言    |  加入你的留言