7/7/2010早上10:20乘Air Asia出發到檳城, 準時13:30到達Penang, 原先想用兩小時時間坐車到最近機場的Queensbay Mall 行街, 但check咗巴士及的士時間與價錢後, 根本是去不到, 為有在機場麥記坐低食個包飲杯嘢, 然後等check in 乘17:30 Firefly 內陸機到浮羅交怡, 不過當天Firefly 嘅check in counter 壞了電腦, check in 超慢仲要手寫機票, 但願寫到一半, 佢哋部電腦又OK噃, 咁又要重申出過機票, 攪咗好奈先check 完 in....

終於順利上機, 仲提早5分鐘起飛, 準時18:00到達Langkawi.....

落機就馬上去找 local tour 及租車的旅行社,
旅行社counter就在攞行李輸送帶前面, 當然要格價, 是但找間問價, 開價當然嚇人, Toyota 7人新車殺價至RM480, 都係覺得貴, 再問另一間, 其實我見佢哋有打眼色, 就知會有價講, 最後租了日產7人車RM400及跟團去巴雅島沙灘, 包來回船, 午餐盒及來回酒店接送, RM90/成人, RM70/小童 (原價RM150), 其實都是開天殺價, 原本想參加紅樹林遊, 但未能達到理想價, 原價RM200, 佢哋減至RM150, 我想減至RM100...

 

** 第二天早上09:30 到Cenang Beach 附近的Breadfast Bar 食早餐, 好吃!

再回Helang Hotel游水, 好游!

Check Out 揸車到瓜鎮Bayview Hotel覺 check in, 這酒店很多香港人住, 但個人覺得不是太值, 尤其是Buffet 早餐, 認真厤厤地, 設施都幾舊

下午到碼頭(Jetty)睇吓有冇嘢食, 結果是冇, 為有揸車四圍兜風, 去到一間叫Billion Duty Fee 停車, 前面有麥記, 進入商場2樓, 有個小型Food Court, 共有3檔, 其中1檔是中國人開的, 識講廣東話, 就在此處開餐.....

晚上在Bayview 附近一間叫露天海鮮飯店吃晚餐

今次整個旅程只用了約HK$10,500/3 個人, 共玩了8日7夜, 非常抵玩

Air Asia 來回機票包飛機餐,  3組15kg寄倉行李, 劃位   HK$2670

Firefly 來回內陸機 3 個人 (機票包20kg寄倉行李)      HK$656

Helang Hotel Langkawi  1晚                              HK$176.50

Bayview Hotel Langkawi 1 晚                            HK$429

Awana Porto Malai Langkawi 2 晚                     HK$738.50

Cititel Penang 2 晚                                            HK$562

Tune Hotel  1 晚                                                  HK$83

合共預繳                                                           HK$5,315

共唱錢                                                              HK$5,125
                                                                    ___________
                                                                     HK$10,440

HK$10,440 / 3 = HK$3480

 

*** Day 1乘Air Asia 10:20 出發到檳城, 準時13:30到達Penang Airport

原先想用兩小時時間坐車到最近機場的Queensbay Mall 行街, 但check咗巴士及的士時間與價錢後, 車費同時間都不能配合, 為有在機場麥記坐低食個包飲杯嘢, 然後等check in 乘17:30 Firefly 內陸機到浮羅交怡, 不過當天Firefly 嘅check in counter 壞了電腦, check in 超慢仲要手寫機票, 但機票寫到一半, 佢哋部電腦又OK噃, 咁又要重申出過機票, 攪咗好奈先check 完 in....

終於順利在17:25上機, 仲提早5分鐘起飛, 準時18:00到達Langkawi.....

落機就馬上去找 local tour 及租車的旅行社, 旅行社counter就在攞行李輸送帶前面, 當然要格價, 是但找間問價, 開價當然嚇人, Toyota 7人新車開價RM$780殺價至RM480, 但都係覺得貴, 再問另一間, 其實我見佢哋有打眼色, 就知會有價講, 最後租了日產7人車RM400及跟團去巴雅島沙灘, 包來回船, 午餐盒及來回酒店接送, RM90/成人(原價RM200), RM70/小童, 其實佢哋都是開天殺價, 紅樹林遊原價RM200, 佢哋減至RM150, 我想減至RM120, 但未能達到理想價, 所以沒有參加.......

註 : 有朋友遲一星期到Langkawi, 在機場counter 問價完全不同, Marine Park (冇浮台)只能減至RM$100, 紅樹林減至RM$170, 租車4天5人車RM$320

 

** 第二天在Helang Hotel游水, 好好游! 小朋友玩得好開心!

Check Out 揸車到瓜鎮Bayview Hotel  check in, 這酒店很多香港人住, 但個人覺得不是太值, 尤其是Buffet 早餐, 認真厤厤地, 設施都幾舊

下午到碼頭(Jetty)睇吓有冇嘢食, 結果是冇, 為有揸車四圍兜風, 去到一間叫Billion Duty Fee (萬隆) 停車, 前面有麥記, 進入商場2樓, 有個小型Food Court, 共有3檔, 其中1檔是中國人開的, 識講廣東話, 就在此處開餐.....

晚上在Bayview 附近一間叫露天海鮮飯店吃晚餐, 真係在路邊吃, 另加大貓快速捉鼠記, 貓兒不用時速9秒9, 在你腳旁走過, 把鼠已含在口中細嚼了, 再在你旁邊慢慢走開, 嘴角只露出一條長長的鼠尾
睇你仲有冇胃口...........

 

** 11/07/10 要搭09:40 Firefly飛返檳城, 一早07:00落去Coffee Shop吃早餐, 嘩!個天仲落緊大雨, 但天空已出現橙色+白色+少少藍, 原來就快日出, 真係靚到爆......真係有少少唔捨得Langkawi.......

其實Awana個早餐都唔錯, 幾豐富, 仲可以一路睇日出, 一路食早餐; 今日要離開Langkawi, 所以在機場還番部車給tour agent, 部日產七人車用咗4日, 性能都唔錯, 冷氣又夠凍, 車身幾新淨, RM400/4日, 真係幾抵, 好過坐的士; 另亦要讚吓內陸機Firefly, 它是馬航子公司, 去程機票是$0+行政費+機場稅=HK$81, 回程機票是RM20+行政費+機場稅=HK$131, 仲包每人20kg行李, 來回只須HK$212/人, 抵過坐巴士上廣州, 咪睇佢機身細細, 坐落都幾舒服, 雖然是坐半小時機, 空姐都有派果汁, 相比Air Asia, 咩嘢都同你計, Firefly就大方得多了......

10:15準時到達檳城, 每位Firefly的乘客都可坐一程免費巴士到喬治市, 401 或401E 都可到喬治市, 在光大中心 (Komtar)下車, 其實光大距離所住的龍城酒店好近, 但由於有大小行李, 所以甘願比白牌呃, RM$10 兩個街口就到龍城酒店.....

午餐在光大中心的George Town White Coffee, 我們3個共吃了RM$34.5, 好吃價錢合理, 起碼有冷氣......

在Cititel check in 後, 小休一陣, 就乘101巴士去峇丁都海灘, 車費每人RM$2.7 (HK$6.8), 檳城的巴士是分段收費, 乘客上車話比司機知去哪裡, 比錢比票, 逐個計, 所以效率很慢, 不過巴士班次都算密,好多車如204, Shuttle Free Cat ......

一小時後, 約19:00到達峇丁都, 其實一D都冇諗過會玩水上活動, 比個阿差講吓講吓,就氹咗去玩水上活動, 仲可以一路玩一路看日落及彩虹, 大家都好開心......

20:00, 就行去美食攤檔睇吓有咩嘢食, 行完一個圈, 決定喺呢度醫肚, 食物種類很多, 最好味是燒雞翼和Pizza, 而且仲encore多次, 我們仲差不多每檔都有order, 有鐵板炒麪, 沙嗲串燒, 湯麪, 鐵板燒魚等等, 好似食Buffet咁, 成張枱都係食物和果汁, 仲可以一Q清枱, 7個人一共食咗RM250左右, 真係大食啊!


***12/7/2010, 今天睡得不好, 床太小, 就落街走走; George Town周圍都是古蹟, 很多建築物都是戰前的, 後來走了入Campbell, 找到多春茶座, 一個綠色的攤檔, 人頭湧湧, 很多老街坊在吃早餐, 我order 了一杯涷美錄和咖央多士, 又平又好味

約11:00, 由酒店出發去E&O Hotel, 原本打算去E&O 食lunch Buffet, 但最後都是決定留番D錢食地道嘢, 其實E&O嘅lunch Buffet不算很貴, RM55+10%, 在一間5星英式大酒店享受一個lunch, 當然不錯....

去完E&O 影相, 就到附近的古蹟走走, 去到Penang Museum, 班細路已經唔想再行, 只走入去涼冷氣, 我就走進去參觀一吓, 只須RM1, 好抵呀, 裡面D文物展覽都唔錯, 想認識多D檳城, 入去就最好不過; 為咗班細路, 為有不再行路, 坐Free Cat Shuttle, 鍾意去邊度就在邊度落車....

下午太陽好猛, 班細路話要番酒店休息, 我就去了對面的張弼士故居, 即藍屋參觀, 下午3:00有導賞團, RM12入場費, 有位上了年紀的女士負責講解, 全用英語; 其實全間屋與國內的大宅差不多, 甚至乎國內的清暉園, 詹園, 餘陰山房等等都比它更宏偉, 可能是展覽品很少有關,

藍屋隔離有間朱古力店, 鞱鞱也曾介紹, 而對面有間幾有特色的國泰酒店, 好似話當年李小龍曾在此拍戲, 而隔離亦有間手信店, 打算明天來睇睇有咩嘢買....

返到酒店, 班小朋友話要去打保齡, 酒店reception姐姐教佢哋點樣去, 其實都幾難找, 冇招牌, 由Cititel 行去係好近, 就在E&O隔離,要行到去間建築物近樓梯處, 才有招牌話2樓有得打保齡; 去到剛是4:45pm, 其中一局是RM3, 5:00後RM3.5, 租鞋RM1, 嘩, 非常抵打, 仲平過國內, 我哋就在此消磨咗兩個半鐘, 然後才去新關仔角掃街......

在George Town 坐101巴士, 在Gurney Drive落車, 過咗馬路, 見到麥記, 隔離空地便是新關仔角, 在這裡吃了幾個攤檔的食物, 豬腸粉, 炒棵條, 有鑊氣, 但材料唔及George Town White Coffee, 菊花茶, 冇味道, 喇沙, ok嘅, 其餘的食物都冇甚特別出色, 價錢都不算便宜, 只是平峇丁都攤檔少少, 但質素差好遠.......

食完嘢就到Gurney Drive Plaza 走走

**** 13/7/2010是最後一天在檳城, 14/7/2010 要坐06:00 Air Asia 回港, 如果可遲多3個鐘就好了........

早上07:30起床, 爭取時間到北海, 先往所住的Cititel Hotel 對面7號巴士站坐免費Shuttle Cat Bus 到檳城Jetty (1 號站), 先到姓周橋繞了個圈, 再到小輪碼頭坐船到北海 (Butterworld),一心想坐回704巴士經檳城大橋回George Town, 可惜未能如願....... 

在11:30 am 會合全部人, 便去吃早+午餐, 行咗去酒吧街, 因噚日行過見有間Bar有set lunch 吃, 價錢都幾相宜, 便走進去打探吓; 內裡裝修幾特別, 個set lunch 亦啱班細路, 所以就在此開餐.......

Lunch 後, 去咗藍屋旁的朱古力店逛逛, 果然名不虛傳, 裡面有好多種類的朱古力, 除基本種類外, 另有榴槤朱古力, 辣椒朱古力等特色朱古力, 有個阿姐專門serves 每組人, 我哋入內前要貼張有數目字的貼紙, 代表你是哪組, 雖然D朱古力好貴, 但都買了3盒小的, 盛惠RM80......

跟住走了過去對面馬路的手信専門店睇吓, 又在裡面放低銀兩HK$250.....

財散人開心後, 要回Cititel check out, 坐101巴士到Tune Hotel Penang check in; 其實由Cititel去Tune都幾近, 行路的話約20分鐘, 走4-5個街口, 因烈日當空, 攞住行李+班"港童", 當然是坐車去啦.......


在Tune Hotel check 完 in, 又到Tune附近走走, Tune Hotel 旁有個幾大的廣場, 裡面有很多食肆, 再走多兩個街口, 就見到出名的Hot Wok熱煱 娘惹菜, 剛巧今天是星期二, 佢哋休息, 試唔到呢間娘惹菜.....

本來想沿住條街找義香買麻油, 但走了3條街, 個天好似想落雨, 為有返轉頭食個下午茶餐先, 最後去返Tune Hotel 附近的廣場的Old Town Coffe Shop, 剛落order, 外面就下大雨了.......

就在Old Town Coffee Shop坐了近兩小時, 雨才停, 但已經是6:00 pm, 義香已關門, 注定與此手信絕緣; 我哋行番去七條路巴剎 (近Campbell個街市)等204巴士去Penang Hill同去埋AirItam食亞三叻沙, 點知上到車, 司機話檳城山關咗門冇得坐鑬車, 叫我哋唔好去, 後來d當地人話Penang Hill 同鑬車做大修葺, 以便日後吸引更多遊客, 所以要關閉數月, 真可惜呢! 不能上山......

咁啱有架Cat Free Shuttle, 就跳咗上去遊車河, 在總站Jetty Point落車影相睇日落......

坐返Cat Free Shuttle去光大行街, 在商場裡shopping逛咗3粒鐘, 朋友自己都有收穫, 這個商場好似旺角中心, 貨路價錢都相似, 有d衣飾重比香港平, 很啱年青人, 所以班細路行到唔想走, 但商場在9:30 pm就會陸續落閘.....

慢慢走番去Tune Hotel個條街(Jalan Burmah), 要搵食啦, 原本想找一間叫Strada Restaurant & Patisserie嘅西餐, 網上話這間餐廳在檳城很出名, 好多人都讚好, 就在Burmah Road 238號, 不過班細路話想去番Tune Hotel 附近的廣場吃飯, 方便回酒店, 就在裡面找了一間西餐廳坐低.......

****14/07/2010, 我哋在Tune Hotel Book 咗架Van去機場, 3:45am在樓下等, 由於已在早一天上網在Air Asia web site 做咗check in, 所以不用提早兩個鐘到機場, 在4:00 am左右就開車出發, 4:20 am就到了機場, 好快啊!車費是RM100, 算合理, 因要半夜開車, 如在日間, 只須RM50左右......

總結整個行程, 開開心心, 自自由由, 輕輕鬆鬆, 全程我們一家三口共用了約HK$10,500, 朋友一家四口共用約HK$13,000, 以上價錢當然包括購物買手信等消費, 真係好底, 平均1人只須HK3,500, 跟團嘅團費都唔得啦, 唔好講話包埋shopping錢, 以下是使費細數:

                                                                                              HK$
來回香港檳城機票連稅, 飛機餐及行李45kg                                 2,668.40

來回檳城浮羅交怡機票連稅                                                         650.00
              
Hotel Helang Langkawi  7/7/10                                             176.50

Bayview Hotel Langkawi 8/7/10                                            430.00

Awana Porto Malai 9 - 10/7/10                                              685.40

Cititel Penang 11 - 12/7/10                                                   561.40

Tune Hotel 13/7/10                                                                 83.00

唱馬幣(食, 交通, 玩及購物)                                                      5,200.00

                                                                     Total :         10,454.70


此旅程有4大遺憾:

1.   不能在Oriental Village上山後登橋

2.   不能去檳城山

3.   從Butterworld坐巴士經檳城大橋回George Town

4.   沒有吃榴槤

希望將來能再到此地圓此夢!!!