陳真
陳真
我是陳真。 我是一名Accountant。 我最喜愛到日本，台灣，美國，英國旅遊 ， 最鍾意遊覽歷史建築/遺跡，主要地標，城市風貌，民俗風情， 住宿通常會揀3星酒店，民宿。
留言  留言給此旅遊家
  遊記數目 65
  上載相片 2741
  上載影片 7
最近分享過的旅程
北宜花東之旅
國家/地點: 台灣
旅程日期: 2016-02-15 至 2016-02-19
冬日的美國東
國家/地點: 加拿大, 美國
旅程日期: 2015-12-08 至 2015-12-24
惠東一天一夜
國家/地點: 中國
旅程日期: 2015-09-18 至 2015-09-19
跟大航一路去潮汕
國家/地點: 中國
旅程日期: 2015-04-08 至 2015-04-10
京都大阪加四國鳴門德島
國家/地點: 日本
旅程日期: 2015-01-22 至 2015-01-30
番禺主題公園兩日遊
國家/地點: 中國
旅程日期: 2014-12-20 至 2014-12-21
火車到上海，巴士遊華東
國家/地點: 中國
旅程日期: 2014-04-17 至 2014-04-23
中南東台灣的家庭樂
國家/地點: 台灣
旅程日期: 2013-12-31 至 2014-01-04
素食素玩東京鎌倉川越
國家/地點: 日本
旅程日期: 2012-09-27 至 2012-10-01
上有蘇杭‧下有義烏
國家/地點: 中國
旅程日期: 2011-11-11 至 2011-11-16
北京七天火車團 (中國)
(旅程日期: 2010-04-01 至 2010-04-07)
 分享至Facebook 
遊記 : 第1日 - 第2日  
發表日期: 2010-04-23

難得Easter人人有一個長達5天既假期, 太太約齊了其姨表, 一行8人, 有老有少, 跟著一個超值的旅行團, 坐直通車上京.

3點幾, 成個團隊百多人, 分成4個獨立團, 乘坐T98次列車, 行程23小時, 經過武漢長江, 鄭州黃河, 翌日的下午2時, 到達我20多年沒有來過的, 京城.

23個小時之後 笑臉2010-04-23
過黃河啦....
過黃河啦....
其實說的主要是車上的23個小時. 隔日一班的長途火車上北京. 一向都是我的夢想旅程之一. 呢次, 撞啱呢個復活節加清明的超長假期. 舉家一起, 上京去.

眾人興高采烈的上車, 3點幾的班次, 到達廣州東進行編組時已是6點多. 7點鐘再出發. 晚上4點多經過武漢過長江. 早上9點多經過鄭州過黃河. 下午2點到北京西.

旅程是特別的, 而且我們是坐最普通的硬臥床位. 一間房仔6個人. 三格床. 說舒適就一定沒有可能. 但睡火車的感覺就是特別. 而且, 除了入夜的時段, 沿途穿州過省, 看看不同地方的環境, 不同地方的點與滴, 雖是走馬看花但這不失為一個又省時, 又省錢去遊覽神州大地的好途徑.

準時到達北京西. 唔計旅遊巴在停車場塞了好幾十分鐘. 站內外都只是拍了幾張照作個留念而已. 北京西站主要是南下火車的始發站, 高鐵未開通啊, 由香港到北京, 都係要靠呢個北京西.
參觀時段: 下午
評分: 值得去3  
檢舉此評論
回到頁首
北京的東門/羅湖城 哭臉2010-04-23

跟團旅遊的弊處, 是總會帶你去一些你沒有興趣去的地方. 然而到達北京的第一站. 便好Hea地掉我們在秀水街, 感受下北京人的生活.

其實什麼都感受不到, 一入黎, 只是一個同東門, 羅湖城一樣的賣A貨的市場. 雖然甚受外國人歡迎. 但我們在深圳見慣見熟, 根本唔覺得有特色.

導遊一早說了幾多點係對面馬路既地鐵站等. 對面有一間麥記啊. 去邊食邊等仲好.

參觀時段: 下午
評分: 值得去1  
檢舉此評論
回到頁首
香港沒有的忘形雞翅 笑臉2010-04-23
唔行那個破秀水市場. 我們三個後生的. 便來老麥坐坐. 要係老麥坐, 當然不會白坐. 我們係火車上冇啖好食. 來到有機會自選美食的地方. 點都要叫份餐. 讓老胃開心一番.

國內既menu同香港既menu不同, 主要的就一定度度一樣, 但香港的特別限定同國內的特別限定, 就一定唔同. 而呢次我食的, 是國內限定, 香港冇得食既忘形雞翅. 而我就叫了非常中式的鹽焗雞味. 加份著條俾齋好食, 另其表姐就要了一個芋頭批. 特別promiton 7元兩條. 超了值.

雞翅, 是正宗的鹽焗雞味. 非常之香口. 雞亦, 說就是4隻, 其實只是兩隻 (兩隻中亦, 兩隻雞鎚). 少少地, 填下胃, 當Snack咁食真的不錯. 而這個雞翅膀, 是我到達北京的第一餐. 而我離開北京前, 上回程火車前, 也到了另一家麥當勞, 買同樣的雞亦. 可想而知, 呢個雞翅膀有幾好食.

而芋頭批, 我雖然沒有食, 但看見表姐非常enjoy的享受. 相信都有返咁上下水準. 呢個芋頭批香港有, 不知味道會否有別呢.
每人消費: 約12.6人民幣元 (下午茶)
評分: 味道4   服務3   環境3   衛生3   抵食3
檢舉此評論
回到頁首
坐去邊都係$2一程 ok喇2010-04-23
N年前, 豆釘時來京城, 有到訪過北京地鐵. 20多年後的今日, 也有搭地鐵當做遊北京景點的一個環節.

當年北京地鐵係點, 印像非常模糊了, 現在的北京地鐵當然Modern好多, 不過便民設備就不足. 行動不便的外婆就辛苦了.

奧運之後, 北京市推出搭地鐵$2的大折扣. 政策是好的, 吸引多d人選乘公共交通工具. 不過, 也許太多人了. 香港地鐵的擠湧小兒科, 東京山手線的擠湧也是普通料子, 北京地鐵的擠湧, 才是冠軍. 一入車箱, 請盡量行入中間, 正式來說, 不用行的, 因為後面既人會推你, 你自動會被擠入車箱中間.

我們一團40人, 迫上地鐵. 分了大概4班車吧. 係王府井下車......擠出來.....是一件非常考功夫既事. 不過, 北京地鐵, 非常方便. 而且歷史悠久. 可能好多人都不知, 北京地鐵是比香港更早通車的.
參觀時段: 下午
入場價錢: 每人2人民幣元
評分: 值得去3  
檢舉此評論
回到頁首
最美的坑渠蓋 笑臉2010-04-23
這個坑渠就是王府井
這個坑渠就是王府井
到了王府井, 又是自由shopping行街食野, 買手信的時間了. 時間是非常足夠的, 先行, 大伙兒去飲番杯國內特產的酸奶. 再行前去參觀王府井. 結果, 呢口井, 沒有華麗的裝飾, 沒有特別大標記. 只是一個寫哂呢個井既歷史既渠蓋. 既然來到, 拍張照, 當做到此一遊算數.

之後, 我們行去東華門大街. 這是王府井大街既其中一條橫街. 亦是一條食街. 北方小吃, 蠍子蜈蚣, 羊腿烤粟, 南方食品, 如燒蠔魷魚, 炒飯炒蛋, 魚蛋肉丸, 應有的有, 不應有的也有.

我們試了烤粟, 燒蠔, 羊腿, 還有冰糖葫蘆. 吃到半飽, 滿足一下味蕾. 若不是打後要去餐廳用膳, 相信我們會慢慢食慢慢掃.

跟團最唔鐘意的, 就是要看時間, 時間差不多, 便要回頭. 到集合點, 集合了.
參觀時段: 晚間
評分: 值得去4  
檢舉此評論
回到頁首
便宜坊食便宜餐 哭臉2010-04-23
看一看網上的介紹. 原來便宜坊是一間係北京都幾出名下既烤鴨連鎖店. 成個旅程既第一餐, 便是來到海淀區既一間分店, 按行程表上安排給我們的烤鴨宴.

領隊係火車上的說過, 佢地公司既團係抵, 住得又不錯. 只是係食方面麻麻. 所以之後的所有食肆介紹, 基本上是沒有可能見到笑面的. 旅行團包餐....."好食食多D, 唔好食食飽D"

團費不用2千元, 可想而知. 會有幾好食用, 看圖中, 青菜, 豆腐, 小小炒肉. 就是幾個見得人的餸菜. 味道其實都不算太差既. 而且樣樣菜, 都是送飯一流之物. 務求大家食多啖飯, 一於食飽D.......

此店是一家出名的烤鴨店. 當然有烤鴨食啦. 奈何的確我們食的是便宜餐. 鴨味普通一吃就知是便宜鴨. 而且便宜團仲要每檯食半隻......冇錯....每檯, 10人一檯, 只有 半隻鴨. 果真是"便宜".......此"便宜"二字用英文講應該會傳神D.

鴨, 其實是可以的, 不過的確是便宜貨, 鴨味不夠. 用黎夾鴨既皮又唔夠靚. 成個Dinner, 其實是有點兒失望的. 不過, 參加便宜團, 有野食, 咪食飽D囉.
評分: 味道2   服務3   環境3   衛生3   抵食3
檢舉此評論
回到頁首
住在四環 笑臉2010-04-23
我們這一團, 是4團人當中的第二團. 幸好的, 安排到住在四環內的酒店. 另外3團, 4疇就不幸了, 要住到去首都機場那兒. 絕對不方便.

其實四環都唔係方便得幾多. 附近都係乜都冇. 不過, 好在, 行多兩步會有一個小生活區, 食肆商店林立. 不過, 回到酒店都好累了, 四晚都沒有勁出去行.

房間, 夠大, 而且非常整潔, 始終是國際連鎖品牌, 點到有返咁上下質素. 其他設備就沒有享用了, 始終跟團玩完一整日, 沖完涼, 都係prefer抱頭大睡.

自己來, 都係會找一間近少少市中心的酒店, 外圍的酒店係好, 但一定要有車接送囉.
評分: 設備3   服務4   環境4   衛生3   抵住3
檢舉此評論
回到頁首
  0 個留言    |  加入你的留言
遊記 : 第3日  
發表日期: 2010-04-24
一清早, 首先參觀故宮, 行了4個多小時, 下午再遊天壇. 夜晚食所謂的山西菜. 幸好有加錢叫多樣野食, 不然真的食不出特式.
酒店自助早餐 ok喇2010-04-24
旅行團, 大多數都會包酒店的自助早餐的. 而珀麗酒店, 就有兩個餐廳serve早餐. 而我們一團, 就被安排在酒店的中菜館內享用.

基本上都是那一類自助早餐, 有中式, 西式, 麵包, 沙律, 水果. 野食多羅羅. 當中當然有好食的. 如饅頭, 粟米, 炒麵....不好食的, 也不少. 圖中, 其實就是幾款不好食的東西.

冇計, 參加旅行團, 點都要食左早餐先出門. 不然上午行程就冇力行了....因為幾個要用腳行的景點, 都是早上去的.

4天的早餐......唔好食都要食架啦.
評分: 味道3   服務3   環境4   衛生3   抵食3
檢舉此評論
回到頁首
宮 笑臉2010-04-24

來北京, 有兩個地方基本上, 至少都要到一次. 一個是長城, 另一個就是紫禁城.

經歷了兩個朝代的興衰, 再見證了近代新中國的所有人和事. 呢個宮殿. 對中國, 對世界歷史, 甚至對文化, 有重大的意義同影響力.

北京, 貴為中國三個朝代的國都. (明、清、共). 兩個帝王時代用作皇宮. 現時, 中國政府也高度重視呢一座宮殿. 如果不重視, 又怎會把尊敬的毛澤東主席個大畫像, 掛在紫禁城的正門.....天安門. 這樣才能豎立國威.

我們在景山公園門前下車, 由紫禁城的後門(神武門)入宮, 第一站便是宮內的一個小小花園. 是為御花園. 不過原來地方不大, 皇宮內的花園就是這麼小一個.

之後, 我們便遂一宮殿去行. 主要經過, 乾清宫, 坤寧宫, 養心殿, 慈寧宮, 軍機處, 太和殿, 中和殿, 保和殿. 太和門, 午門, 端門, 最後出到去天安門. 三百多年前的建築, 百多年前的擺設, 這麼大的宮殿, 以當時的科技同技術, 真是巧奪天工之作.

其實我們由神武門開始行, 行到天安門. 這條稱為北京中軸線的建築物群. 整個北京城亦是根據呢一條中軸線而劃分成東城同西城. 可想而知, 古代的北京城, 是多麼的布規劃地建設, 而且沿用至今. 因為鳥巢同水立方, 也是位於呢條中軸線既兩旁.

看了不少宮殿, 拍了不少照片. 行路行到腳軟軟. 終於出左午門了, 再行埋出天安門. 沒地方坐啊, 惟有同同胞一齊..蹲著....

參觀時段: 早上
評分: 值得去5  
檢舉此評論
回到頁首
集所有國家大事於一身既大廣場 笑臉2010-04-24

行出了天安門, 稍作小休. 蹲了一會. 導遊領隊點齊人, 我們過隧道. 便是天安門廣場. 即使在大白天, 天安門廣場都守衛深嚴. 除了入廣場前要做安檢之外, 係廣場內同四周, 看見不少公安, 軍人....而且應該有不少的特警, 秘警. 一搞事, 他們隨時可以使出少林絕學, 一秒KO你....

廣場地方非常大, 旁邊又有不少著名建築. 像人民大會堂, 毛澤東紀念館, 人民英雄紀念碑, 等等. 正對著天安門, 位於中軸線既正中. 新中國就在舊中國外面, 建立起來......不過, 為予建立這個新中國, 清、民、共三朝, 這個廣場, 又沾了多少鮮血呢.......再說深一層會觸及政治了, 要skip.

每個大場市都應該有一個大廣場的, 而天安門廣場, 相信是世界上數一數二的大.

再集合, 步行到國家大劇院(巨蛋). 之後使登上旅遊巴, 先到天壇附近的餐廳. 食中午飯.

參觀時段: 下午
評分: 值得去5  
檢舉此評論
回到頁首
又是使宜坊的便宜餐 ok喇2010-04-24
到埗中午飯的飯店了, 成團人行故宮, 行天安門行到腳斷. 終於有飯食, 各人都興奮起來. 因為行程上說是宮廷御膳, 但一看店子名字...御膳飯莊, 沒鍺是御膳, 旁邊多5隻字....便宜坊集團....心中的少少興奮即時幻滅, 腦海內, 浮現的, 是昨晚的便宜坊便宜鴨.....難道今日食的, 是便宜宮廷御膳???

又要食飽D了, 上來的餸茶希望不太差. 然而, 有碟幾靚下炒菜同洋蔥肉片, 一份又香脆又熱既春卷. 雖感覺唔好呢D係什麼宮廷御膳, 但起碼, 有好幾味菜可以叫做好味. 其中他們做出一個獅子頭最令大家欣賞. 也許, 各地對獅子頭既整法不一樣, 有的放湯, 上海館通常都醬汁多, 而呢次係北京食到的, 又唔同, 就咁4粒大肉球, 用生菜伴底. 味道一樣, 而且是肉球原味. 又是一個送飯佳物.

另外一個野菌都做得幾好, 而且我們發現, 北方人既菌類菜式, 其實比起我們南方人更多.

好食食多d, 只有那獅子頭可以食多d, 大家飽了. 鴨仔團會帶大家到天壇.
評分: 味道3   服務3   環境3   衛生3   抵食3
檢舉此評論
回到頁首
歷代帝王望天打掛的地方 笑臉2010-04-24
吃過中午飯. 就來到另一個世界文化遺產. 天壇. 天壇, 是明朝建造. 明、清兩代, 幾乎每一個皇帝都來過祭天. 天壇, 最出名的, 當然是祈年殿同回音壁.

從正門入, 首先到達的, 是一個得個台, 什麼都沒有的, 圜丘壇. 其實這個才是真正的天壇. 所以祭天儀式都在這一個圓形的壇上面進行. 據說站在壇正中央呼叫, 會聽到回音. 但我們正遇上週末及清明長假, 國內同胞太多了, 真的不願跟他們擠.

再入內, 是皇穹宇, 是歷代帝王神主牌巴安放地. 亦是著名的回音壁既所在地. 不過, 現在回音壁已被圍欄圍起了. 1) 現在仍清晰可見的某某到此一遊.......這是歷史文物啊. 太沒公德了吧.

穿過皇穹宇, 就是時常在電視看到的天壇. 這個應該叫做祈年殿, 多年來, 我一直誤以為這就是舉行儀式的地方. 其實這祈年殿是準備祭天時, 先在這兒供奉祖先, 準備牲畜. 再去圜丘壇舉行大典.

天壇. 現在整個壇及周遭已改為一個公園, 對外開放. 是日是星期天, 有北京戶籍的長者是免費入內的. 行到公園, 可以看到北京居民的週末生活. 香港, 最多耍下太極, 六通拳, 跳下舞. 北京, 果然比較有文化, 有人表演男、女高音, 有唱京腔的, 打波, 跳茶舞. 踢毽子, 放風箏. 感受一下北京市民, 又健康, 又悠閒的週末生活.
評分: 值得去5  
檢舉此評論
回到頁首
算是山西特式菜啦 ok喇2010-04-24
又是最失望的團包餐了. 呢間說是一定山西菜. 但來的, 咪都係果幾味. 又係食飽D既一餐.

導遊介紹了呢度既麵食好特別. 不過要自費. 我們便看看有什麼特別之處. 餐的確沒有任何麵食, 只是來了一個西紅茄炒蛋, 薯仔雞, 木耳雞, 一個豆腐. 都是一些為了啱我地香港人口味而煮的特別菜. 不值評價.

之後來的一個, 是用了山西陳醋整既菜式. 陳醋味香, 而且陳醋像我們廣東鹵水一樣, 煲得越耐, 精華越多. 醋香, 夾雜了肉香. 酸味不重, 但聞得兇醋既香味, 亦食得肉既鮮味.

我自費叫了一個特式麵食. 那上什麼刀削麵, 拉麵香港都有得食. 來到這兒. 當然食一些大家未食過的. 然而, 我既任務是大家分, 那個麵食一定要啱素食者享用, 故來了一個蒸麵. 名字叫"莜麵栲栳".

莜麵栲栳, 就是圖中係蒸籠內一個個圈的麵食. 製作方法沒有拍下. 不過是用了一個壓得好硬既麵粉. 再由女師父, 一條條的卷成空心卷, 再蒸. 通常是伴上羊肉臊子汁去食. 店方知道我們這一檯大多是素食者. 如給了一個西紅茄蛋汁, 同一個陳醋汁. 非常之特別. 而且, 若喜歡清淡的, 不點汁也可以. 不過, 一定要熱食, 擺耐左, 凍左就唔好食了.

若今餐是全都宴的詰, 相信一定有笑面.
評分: 味道3   服務3   環境3   衛生3   抵食3
檢舉此評論
回到頁首
  0 個留言    |  加入你的留言
遊記 : 第4日
發表日期: 2010-04-27
早上行程是上長城做好漢, 不過只是不壯觀的居庸關, 下午回京城遊覽頤和園
公路餐廳友誼商店 ok喇2010-04-27
一早行程是去登長城的. 不過, 事先帶我們去左兩個老屈景點. 出返黎又塞大車. 本是去完長城先食飯既. 結果, 我們先行黎呢一間公路餐廳用膳. 食飽再上路.

是日4團YMT一齊登長城. 一齊塞車塞到阿媽都唔認得. 一齊先後到達呢間友誼商店, 食飯. 而且由於時間既關係. 呢次不是一碟碟地上菜. 而是一早擺滿檯. 加上二窩頭一支. 好讓我們即坐即食, 食完多留點時間去參觀佢地既友誼商店. 睿真, 自從改革開放之後, 真係第一次見返呢一個溫馨既名字.

不說shop了, 還是介紹下呢D又係要求您食飽D既旅行團餐. 這次的食物安排有返少少北方既正宗食法. 因為有幾碟涼盤. 北方人, 吃熱葷之前, 一定會有幾味涼點, 開下小胃, 佐下白酒. 輕輕的, 就幾條小菜, 幾塊火腿, 一些芽菜. 我們沒有佐酒. 用來佐飯吃, 都佳.

小菜, 不外乎是一些簡單的炒肉絲, 肉片. 味道偏咸了少少, 帶點東北的口味. 最值得圈點的, 就是那濃香的酸辣湯. 色水不紅, 辣味未算重. 可能是就了我們廣東人, 不敢落太辣. 而且酸味, 是可愛的陳醋味, 怪不得色水比較深. 淡淡醋香的湯. 令人暫且放下筷子, 拿起匙羹....飲湯先....(好食既就食多D嘛, 導遊教的)..
評分: 味道3   服務3   環境3   衛生3   抵食3
檢舉此評論
回到頁首
未夠吸引 ok喇2010-04-27
兒時去過的長城, 是八達嶺長城. 而居庸關, 只是路過看看. 20年後, 再來北京. 呢次踏足既長城段, 就是聞名的居庸關.

居庸關多人知, 因為有個古長城既關口嘛. 然而, 這不是最壯觀的一段北京長城. 最壯觀的, 應該是司馬口長城, 八達嶺只是一個經人工現代化, 美化過的一段. 要原始, 聽同團的老旅行家嬸嬸說, 除了司馬口, 仲有一個更原始的....不過我忘記了.

居庸關, 已變得太過人工化了. 下面是高速公路, 旁邊有京張鐵路. 就是這兩個, 已經殺了好多風景. 不過既然來到了, 點都要登多一次長城, 做多一次好漢.

因為陪同者多是上年紀或是中年之人. 沒有人願意陪我更上一層而大伙先只上了一個敵樓. 若是上到頂, 應該會是另一個景觀. 在敵樓上拍照, 鏡頭的角度有限反而拍得出少少氣勢. 但回頭向出下面拍, 貫穿居庸關城下高速公路, 令景色大打折扣. 突然, 旁邊聽到火車的聲音. 原來有一架列車正從敵樓下的隧道鑽出來....而且還是新的和諧號列車. 這裡看到新中國科技同舊中國科技既交錯, 始終找到一些特別既.

跟團冇得自己揀去邊一段. 來日有機會再赴京, 司馬口長城, 會是我的target.
參觀時段: 下午
評分: 值得去3  
檢舉此評論
回到頁首
慈禧太后的奢華生活 笑臉2010-04-27
頤和園, 是慈禧太后渡過其晚年生活既一個大花園. 其實此花園早在乾隆年間建造, 昆明湖乃是一個皇室御用水庫. 在當時, 叫做清漪園. 後來到光緒年間, 把部份的清漪園重建, 就是現在的頤和園.

成個頤和園, 最令人容易留下深刻印像的, 就是那道十七孔橋. 不過是次目的地, 是石舫一帶. 我們便乘坐"龍船"前往. 不到幾分鐘, 便到. 在這裡, 感受到的, 不是北京的感覺. 亭台樓閣, 湖光山色. 水平如鏡. 這....不就是揚州西湖的意景麼.

翻一翻維基的資料, 石舫的一帶, 就是仿揚州西湖景色. 之後我們便一路行返去出口. 沿途經過排雲殿, 這個排雲殿是慈禧太后舉行慶典的地方.

沿著長廊, 我們慢慢的步行至出口, 看一看長廊, 不同的秀畫, 原來有不同的故事. 顯現出古人, 對佈置同建築, 非常之有心思.

慢慢的遊園, 遊完也快5點了. 導遊說了下一站同仁堂.....大家心裡想的, 是用什麼方法, 在那群中醫師出場前, 點溜出來.
評分: 值得去4  
檢舉此評論
回到頁首
北京人家常便飯 哭臉2010-04-27
係北京幾日, 最沒有特色. 最食得冇癮, 就是呢一餐了. 原因, 只是普通不過的廣東味道. 一碟青爪炒肉粒就是濃濃味的, 幾乎每一天都有食這一道菜. 食酊, 幾乎麻木了. 另外來了一個蒸水蛋. 火候控制得不錯, 非常有家庭既味道...

咦! 回看我拍下的門面照片, 天臨花花原來是主打家常菜的. 阿Q的說一句, 今餐是品嚐北京人的地道家常便飯. 想通了, 胃口也開了. 家常使飯式的芹菜炒肉絲, 豆腐, 木耳炒雞柳. 蒸條魚仔.

湯, 北方沒有我們廣東的老火湯, 主要的是羹同呢D清淡既滾湯. 不過呢個滾湯就滾得非常之Hea, 幾片青瓜, 少少紫菜, 就有個湯. 果然是家常便飯式. 而魚, 不知名的魚, 屋企求其$20一條的就是這樣....

幸好, 呢餐有幾味撈飯餸, 食飽D啦惟有.....
評分: 味道2   服務3   環境3   衛生3   抵食3
檢舉此評論
回到頁首
  0 個留言    |  加入你的留言
遊記 : 第5日 - 第7日
發表日期: 2010-04-27
第5日行程, 上午坐單車遊胡同區, 參觀恭王府, 下午入鳥巢, 再吃了一頓不知所謂的餃子宴......
第6日, 上午沒有加錢睇博物館, 我們就在附近商場HEA了兩小時, 順便補給食物, 1點便回到北京西站搭火車, 23小時後, 就回到我們的家, 香港. 北京的7天火車團, 完滿的結束.
遊胡同遊到恭王府 笑臉2010-04-27
是日, 是最後的一整日行程. 大早吃過早餐之後. 導遊便帶我們到西城的老城區, 看看四合院. 20多年前來, 因為北京未被過度發展. 當時到處都是這些大戶大宅. 當時的四合院並唔覺有什麼特色, 後來拆下拆下, 北京政府才醒覺, 這是中國的特色建築設計之一. 須保留同保護. 所以現在才能夠有西城胡同, 什殺海, 北海呢D老城區. 不過, 可惜的是, 有不少已嚴重的商業化, 如什殺海, 已經成為了商業化的酒吧街.

我們是坐傳統的三輪車遊胡同的. 車伕非常之細心地講解那一座有什麼名人住過. 那一座有什麼特色. 郭若沐故居, 宋慶齡故居等等, 都在這範圍內.

騎完三輪車, 付了小費. 我們下車的地方, 就是恭王府. 恭王府是什麼, 按字面既解釋, 就是恭親王, 奕訢的府邸. 其實呢, 恭王府的第一個主人, 是出名的大貪官, 和珅的府邸. 成個恭王府, 最聞名的, 就是那個比御花園更美更大的後花園.

這個算是新的旅遊景點了. 因為恭王府於2008年才修復好, 於奧運期間才正式對外開放.

恭王府的設計, 是傳統四合院的設計. 而且由多個四合院組成. 四合院是由正房, 東西房同倒座房. 從四面將中間的庭園圍在中間. 而恭王府, 一入去, 大門後是倒座房, 對著正房. 旁邊東西各有一房. 中間一個空曠的花園. 稱為四合. 行到旁邊的東房, 原來另有一個四合院設計. 計起來, 恭王府共有4個四合院.

恭王府另一個景點是, 後花園. 應該是最早對外開放的一部分. 導遊叫我們回逞一個主房. 留意一下上層的窗, 是個個不同設計的. 相傳, 和珅咁多寶貝玩意, 他一看那一個窗, 就是那個室藏的是什麼寶物.

經過一個歐陸式的門檻. 我們便到達一個巨大的花園. 雖稱不上酒池肉林. 但有大魚池. 假山, 亭台樓閣齊全. 帝皇也許要到頤和園, 圓明園等宮外花園才有咁既氣勢. 可想而知, 當年和珅和大人既生活幾奢華.

遊完恭王府, 我們便去附近的老店子. 食中午飯.
參觀時段: 早上
入場價錢: 每人120人民幣元
評分: 值得去5  
檢舉此評論
回到頁首
後悔冇另外加食 ok喇2010-04-27
中午, 依然在西城老區裡面. 上旅遊車, 轉幾個街口, 就到了一家叫做柳爺居的京菜館. 入門口, 拿了一張佢既外賣menu. 此店出名的, 是串燒同烤羊. 不過, cheap團.....都唔期望有得食. 就順其自然的, 看看導遊為我們安排了什麼樣的平價酒席.

食物都是日日有得食果幾味. 不過來到一間似有特式的食府. 點都有一兩味不同的. 如圖的一個紅色汁浸的雞件. 眾人以為是辣子雞. 其實是帶有蕃茄味的汁, 當中, 當然有辣味, 而且就是那紅色的油令人錯覺呢碗野會好辣. 其實雞件是帶茄汁甜味, 當中帶有少少辣. 是可取之作.

醬茄子, 味道極濃的茄子. 醬汁是帶甜的京味. 應該是用上黑糖去煮調. 甜美的茄子. 濃香的黑糖味. 很是好食, 而且味濃, 又騙下胃子一碗白飯.

之後來了一籠蒸蝦. 蝦不大隻. 好心佢唔好開邊蒸啦. 開邊不怪, 怪一, 沒有清腸, 黑色的一條要自己挑出來, 一係唔理照吞. 怪二, 蝦肉梅既, 應該是死去多時的冰鮮蝦. 或是雪藏過度的蝦. 盡管配搭有多好, 蝦唔夠新鮮就一定no good.

同團大哥遲遲才派他自己加食食唔哂的串燒. 看見燒得其香. 正宗北方風味. 不過, 已經食飽左, 而且亦不好意思去攞佢既. 沒有食. 相信, 若是自己俾錢食, 呢間會是最好的一間.
評分: 味道3   服務3   環境3   衛生3   抵食3
檢舉此評論
回到頁首
Olympic, Olympic....O....lympic..... 笑臉2010-04-27

京奧前, 已經好想好想來北京. 看看鳥巢, 看看新北京的建設. 2007年錯過了機會. 2008年係電視看到球場的宏偉. 看見李寧變成武林商手, 飛簷走壁的去燃點聖火. 當時, 心中那個熱誠, 頓時轉化為興奮.

渡蜜月後, 太太提議Easter 去北京. 而且想試下坐火車去. 令我成個人興奮起來, 積極的安排是次旅行. 再係旺角看是火車團的promition, 又有得入鳥巢看. 而且又平....正是好選擇.

我們住在朝陽區, 幾日都經過鳥巢, 水立方. 真的有點急不及待想落去行一行. 等呀等, 有團友忍不住要求離團拍夜景. 等呀等, 我們終於來到了Olympic Stadium, 經過多重的安檢. 國家體育場就在我們眼前.

一座宏偉的建築. 是藝術, 是建築學上的新成就, 縱橫交錯的鋼筋. 包著的, 是中國人百年的夢. 奧運的背後, 雖然有著種種不愉快的事. 但一次成功的慶典, 把一切都蓋過了.

入到場, 感覺到大場館的氣勢. 以前亦到訪過不少歐洲的大球場, 如 Old Trafford, Villa park, Millennium Stadium, Parken....等等. 都不及烏巢來得咁有氣勢.

係看台行了半周, 入了紀念品shop混了一會. 出來, 便在遠處同水立方拍個照. 跟團是限時的, 時間不夠. 沒有行埋去水立方了. 而且天有少少雨. 趕快回旅遊車吧.

參觀時段: 下午
評分: 值得去5  
檢舉此評論
回到頁首
奧體中心食餃子 哭臉2010-04-27

看完鳥巢, 我們使來到奧體中心既招待所. 旅行團安排了一小時的腳底按摩, 而且是由為國家級運動員服務的按摩師主理. 不過我一向都不愛俾人按, 不按就等, 等食飯. 本來想出去同舊國家體育場 (亞運場) 拍下照片的, 奈何外面正下雨, 同開始入夜. 都係乖乖地等食飯好過.

餐廳就在奧體招待所旁邊, 叫做歲吉府. 是冕知道是餃子宴, 所以我當這兒是山東館子. 來到, 又是團隊餐的餸同一大窩飯. 餃子比較後上. 不過一窩蜂的上, 十幾碟一齊上, 真的唔知邊樣打邊樣. 只是食得出一碟是韭菜餡, 一碟是粟米豬肉, 一碟是羊肉, 其他的, 都唔知自己食緊乜. 總之, 有餃就食啦......根本咁搞法, 是沒有可能食得出特色的.....前年係西安食, 一碟碟的分開上, 獨立介紹, 才能令人記得住這是什麼.

不再說餃子, 其他餸也是普普通通......湯也是一個簡單到自己都識整既菜湯. 我是喜歡食餃子的, 但呢一餐餃, 我完全不enjoy.

評分: 味道2   服務2   環境3   衛生3   抵食3
檢舉此評論
回到頁首
  0 個留言    |  加入你的留言