到東大門的酒店放底行李後就搭車到光化門的清溪川，其實清溪川係貫穿好幾個地方，東大門都有，不過最靚一段響光化門～一出就見到雕塑SPRING．．清溪川的水很清，而且有好多魚仔架．．雖然旁邊都是大廈林立，不過都仍然好RELAX，這邊的打工仔真好．．絕對係城市綠洲～點解香港無咁既地方？

10點前要去到，因為有得睇古代上朝儀式，9點左右去到買TICKET，W3000一個人，周圍參觀下～

古宮位於安國站仁寺洞Ssamziegil的B1/F，食傳統既全州鍋飯同石頭鍋飯~有得揀檯或地下～
坐地下過穩D，一黎就好多前菜，但唔太岩我胃口．．怕食唔晒，叫左全州鍋飯同迷你石頭鍋飯，迷你石頭伴飯比較好味，不過始終配料都唔太岩口味咁～承惠W16500！

全州鍋飯 W11000
迷你石頭鍋飯 W5500

返酒店CHECK IN，Eastgate Tower Hotel 是09年5月才開的新酒店, 位於東大門購物中心CERESTAR 最高的18,19,20樓。

LIFT直上18樓，我們住RM1835，走廊夠光，入到房，哈哈～好滿意，日本房 x2 咁大，仲有廚房，隱藏式LG大雪櫃，好夠凍~LCD電視，洗衣機，獨立式冷氣，等等．．真的不錯～

第一次住不是用地毯的酒店，感覺比較乾淨呢！呢度仲有個好處，個格局係"口"型，變左無尾房!今次多得KTS的好介紹!

提一提，韓國酒店大多數唔會提供沐浴露同牙膏牙刷，要自備的！不過如果帶漏野LIFT口都有自動售賣機可以買，有飲品日用品～

Eastgate Tower Hotel Offical Website: http://eng.eastgatehotel.kr/

休息完就去明洞，本來想去明洞聖堂附件神仙雪濃湯，好可惜裝修．．轉個彎見到書介紹的鐵板燒連鎖店～叫Yoogane，即管試下，MENU有圖，有英文日文，叫左一個係炒飯一個係新出既雞+韓式粉絲~Waiter拎完d材料黎就會即刻開爐炒炒炒，等一陣，又返黎炒炒炒，個個都好勁，有晒功架～炒完就可以享用！呢度有水提供～個雞好好味，個炒飯食極都熱辣辣，承惠14000won，抵食！

都幾多選擇，慣常見到既就一定有，發現了墨魚堡～好似未食過，決定試墨魚堡！買完俾個等候牌你，佢話等5 mins...當有野食既時候，個牌就會著燈同係咁震，香港要學下啦...成日嗌mic咁嘈...

墨魚堡:熱辣辣，個汁辣辣地，好味！
薯條: 麻麻，淡左d~尚可！

到 LOTTE MART 掃手信!! 提一提~除左自己個袋, 如果有其他袋拎住, 佢要你放入LOCKER的, 門口有幾十個~可惜我地搵唔到吉既, 拎去 INFO COUNTER 都可以~果度仲有D LOCKER, 俾完姐姐有個牌仔,走先黎拎番~~另外, 手拖車是要按金的...請準備定W100~ 買左好多野，紫菜，冷藏式既炒年糕, 獨立包裝既泡菜, 沖既蜜桃茶粉, 韓式果子,仲有個黃銅煲等等~~最後一人pack一個箱走～

P.S. Pack箱是免費的，當然要自己pack～相反膠袋就要＄

介紹下先~~樂天世界是世界最大既室內主題樂園 (另有室外部份), 響東大門運動場搭2號線到蠶室, 是行程中最長既一段, 都只是20-25mins~~本身係想玩5點後入黎玩夜場, 因為買野買耐左變左7點幾...錯有錯著, 7點後仲平, 只係W14,000 per person, 呵呵, 仲要係任玩到11點! 雖然係星期五晚, 不過唔算多人~

上網睇到響東大門市場入面有間食炒大腸既食店，旅遊書係無介紹的，我同朋友都鍾意，就決定去喇．．PRINT定晒圖去認架舖頭．．丫，提一提夜晚都幾靜，小心喔！唉～好叻搵到呀．．點知無開，哎呀！晴天霹靂！

對面都有檔類似既食店，老闆見到我地失望個樣．．就問我地去邊，問我地借個圖，佢話我地搵得岩，不過closed (明明個網話收好夜><)個叔叔再望一望個炒大腸圖，佢話佢地都有我地想食既野，哈哈，簡直會心微笑．．因為好肚餓呀．．．叔叔都d英文都講得兩咀(當然係簡單)，佢話佢地其實仲出名過我地搵果間，1975已開~~的確, 好好味!!

之後就去大戰東大門既不夜天SHOPPING MALL!!! 行主要幾個，有以下COMMENTS:-

Doota! - 感覺比較貴，但係係靚D, QUALITY好D
Migliore - d 款比較普通, 買唔到野...
Hello apM - D款比較YOUNG，響度買得最多，不過上到男裝係咁俾男sales用日文叫我地等等..
Good Morning City - 都唔錯架，有d都幾日本feel，有平有貴，多數百幾二百蚊件～

上面有d相 for reference, 提示: 一定要講價, 試過 29000 > 24000 > 21000 > 20000成交!