經香港芒果網買深圳來回上海-虹橋機場:hkd$1480, 一早去皇崗乘坐機場巴士(rmb20),一早去到check in先,食點東西,經過漫長的排隊時間及非常嚴密的保安,慘被摸足全身後,終於可以去登機;點知道去到閘口,飛機目的地去杭州??原本飛機唔等人,又不會有announcement,嚇壞了我!好彩航空公司立排下一班飛機.


到達上海虹橋機場, 當地氣溫為4'c, 又下大雨, 非常寒冷! 之後打的到華美國際酒店, 只是25分鐘,rmb50.

老友和我都不是電車男
因為生果日報介紹過
(http://hk.apple.nextmedia.com/template/apple_sub/art_main.php?iss_id=20091127&sec_id=12187369&art_id=13462366)
大眾點評網對這評價一般
但我覺得非常值得一試~

食物絕對是有驚喜,
價錢就絕對絕對是激安!
套餐$48
一杯飲品,份量大大杯
點了一杯果茶,原來是全生果浸做
充滿果味!用品之作
唔好點薑汁奶,麻麻地, 叫果茶吧
有四件有餡窩夫配沙律, 好味道
仲加一杯New Zealand Natural,抵到笑

女僕們跟客人都不太互動
老友和我 後來跟她們熟了一點
就跟她們合照了一幅,其實規舉是不行
她們都不太放心,於是應承不會把照片放上網
女僕們才安心一點
(所以大家去 還是不好拍照了)

有一位cherry,蘇州姑娘,
熱愛動漫,店內的畫都她畫的

後來跟挺真又健談的老闊娘談了一會
她說定期都cosplay聚會
可惜商場9pm便關,
我地匆匆忙忙就走了

晨早起身, 在上海最繁忙時間逼地鐵
(其實都唔係傳說中恐怖, 跌了東西落地會執唔到...)
為了就是在遠在佘山的上海歡樂谷

論上海地鐵,最不好地方可說是要出站轉乘
小弟路感算好,但在宜山路站換乘 都搵唔到入口
不過在2010年, 徐家匯站可直到, 大大便捷了

成個鐘才到佘山站,再轉free shutte
看一看手機, 都10時正了
花$200入場, 大家去的話, 記堅不要買門外的黃牛
因為門票是bar code0都, 小心得不償失!

入場啦~~ 面積很大, 明顯地參考深圳歡樂谷
也是圍繞著一個湖而建
園內有不同主題區, 例如上海灘(tvb影城?)for拍照用
也有個好大的室內螞蟻王國for小童
此外,跟長隆可一比高下的十幾個巨型超激機動遊戲
可以玩足一日, 不過當日為平日,
人影疏落,感覺就係包場!

基本上工作人員等人客來玩,
有幾個戲場項目,就等不夠人數而唔開!
係有一個最主打的木龍過山車,需要等一輪
3d 劇場好真實! 上海灘劇場比較公式化,ok啦!
西部礦場有個射擊訓練場, 好有迪士尼巴斯公年味道,
但唔駛排隊,一流!


呢$200入場,非常值得
又有d上海美女遊客睇下
比綿江樂團好太好, 工作人員都係年青活力一輩
加上新開幕,有heart好多....

但有幾個巨型超激機動遊戲,都係測試中
玩唔到了,而趕去下一站七寶古鎮,
三點多就要走了!

出發前老友看了openrice的遊蹤網頁後,
想去朱家角, 但我見行程太密, 騰不出一天時間去
於是去 大眾點評網 達2000人推介 七寶古鎮老街
上海歡樂谷的余山站之前4個站[七寶]
一出站,就見到有上海阿姨很惡死地趕行人,
原來是交通志工, 相信這就是上海人性格了
再行十分鐘就到,人聲沸騰, 熙來攘往
這個還未是港人熟識的地方令我十分期待

雖然沒有朱家角及杭州周莊的很具古樸氣息,
同是小橋流水縱橫古鎮, 七寶可算是很迷你的版本,
但交通便利, 平到笑的小吃, 都是推介的主因

鎮上分北大街和河後面的南大街,後是最熱鬧的小吃街,
滿是種類繁多, 琳瑯滿目的小吃
我點了$2有4件的臭豆腐!
$1一個板栗餅
$1.5一個的大湯圓(據說加價了不少)
1.5一個海棠糕,飽嚐口慾才抱著肚子走
才用了$9! 買了少許手信
可買個泥巴叫化雞,有網友帶回港,才$25!
行了約一個半小時,大飽口福後,
行程緊密,趕忙去下一站 陸家嘴

行完濱江大道,入偌大的正大廣場醫下肚
呢間Hooters係生果日報介紹
http://hk.apple.nextmedia.com/template/apple_sub/art_main.php?iss_id=20091127&sec_id=12187369&art_id=13462366
是我個人出發前心目中的必到地方!

Hooter字面係貓頭鷹,另一個意思係......自己估下啦
特色當然係火辣辣的啦啦隊女郎Hooters Girl啦
每半小時都全體跳一次節指強勁woobomba的舞蹈

雖然賣點係Hooters Girl,但食物水準都一流
美式super size 大到暈! 好肥但又好好味!
啤酒方面,最平是細樽青島,$28
最後埋單都係每人$120,
對比香港價錢, 算相當平啦~

每一台都有一位Hooters Girl專責既
我一台係一位叫christina的靚女
佢問我地係邊度人,當答係香港來時
後面有個Girl即刻用好不屑的面口話最僧香港人
嚇到我傻眼......後來才知道有時香港人去食野,
對班Hooters Girl都幾無禮,我估係講野把口太衰啦
唉,香港的朋友出去旅行, 記得記得要注重下香港人身份呀

christina知我地第一次來,
便按傳統, 叫所有Hooters Girl停止手上工作
圍住你唱首英文啦啦隊歌
大家諗下當時場面幾咁刺激難忘喇
不過, 見到有d Hooters Girl唔係咁落力
難道我地唔夠靚仔?

後來, 又識到位叫sunny的Hooters Girl,
即係片中捧雞翼的靚女
自學的英文, 講得很好
原來係香港迷, 熱愛香港8-90年代明星
連曾航生/黃凱芹都識(!)
傾計時聽佢講, 本身有d家底, 家人係專業人士
自己又係就讀專門科目
不過唔想家人媽媽費心照顧而返工

之後, 又識到北京店過來培訓的高經埋
幾健談好傾, 聽佢講Hooters Girl的獎金+人工
可以高過佢的薪金, 所以對Hooters Girl要求好高 (尤其是身材啦)
每年全世界的hooters店會有個Hooters Girl比賽
09年就係北京店代表win出
台中PROMOTION STAND都有她的相片
真係幾靚~

食完后,拎出層層疊一齊玩
咁餐廳就可以賣多2支啤酒啦, 不過我無買喇
就買了個canlander ($50內有coupon)
美國人真係識搵$$
當我們問chrisina email, 去Send番相時
佢好禮貌婉拒左, 相信係公司rule......

最後花$29(起碼平hk一半有多),打的過江返酒店
sunny教我們, 在上海可多搭[大眾].[強生]的士
另外,不要乘坐在停在門口等客的的士
改在街上截的更安全

今次居住的地方-華美酒店,
住新天地挺方便,一早退房之後,
先穿過酒店正門對面的東台路古玩街,
有旅行書指來這古玩街必買[上海錶]作紀念品,才百多元人仔,
可惜這都是回港之後才知道,錯過了....

走多一會,沿途經過左邊的湖公園,
就到新天地, 那個湖公園正在搭建2010年倒數表演舞台,
一大群上海衛視工作人員,大批保安........
是今次上海見過第三四次個表演舞台,
大部分港台明星今年都去上海搵外快, 新天地邀請了舞王城城作表演嘉賓
令我感到今日的上海已經成為大中華的焦點,
香港要麼靠攏,要麼被大陸邊緣化....

講得太遠, 來到新天地, 從現代大樓林走入灰色建築物中的小門巷
吵耳的車聲漸遠,換來了寧靜, 感到頃刻時把時光凝住
窄窄小巷回到石庫門當年的時光,
不過轉個角落,又見到paul, simply thai, starbucks等(唔知點解d人見去starbucks...)
一下子回到商業味濃濃的地方

由於很饑餓,一路在新天地南北里繞了圈
都不見小店子開門,無意間又見到[中共一大舊會址]
於是又入去行了一圈~

見openrice遊蹤所有朋友都推介上海老站,
之前去徐家匯時又沒有去
老友又想試下,於是專程番去徐家匯一次
特登拜訪一次,早去關係,11:45 店內不太多人
入一去,即被眼前畫面震懾了
簡宜進入去一所博物館內

一坐地,經己openrice食友上身, 拿起照機右拍左拍
在香港, 我有點討厭這些行為
但置身這店, 唔影多d對唔於自己呀
行入車廂, 不影響其他食客下拍了幾相
上海人明顯不習慣這些香港人行為
奇怪仲咩係咁影相

雖然當地人覺得上海老站略貴
但對於我在香港生活的人,這裡簡直是價廉物美
一般菜都是40-60,才香港普通酒樓價錢
但享受著高人一等,尊尚的環境氛圍
餐廳內進食的客人大都是搵到錢的大腕,連我隱約都沾了點光
(講下笑姐,俾唔起咩)

論食物,本地人都說這裡是正宗本幫菜
端出的食物 濃油赤醬, 結果老友食完都受不了
飽濟了一個下午
我覺得個拉糕比較一般,其他唔錯~

店員服務,都係整個上海之旅中最好
可能樓面店員負責的台不多, 可以專注每一台的情況
睇我地台之男待應,我覺得他還有點似劉翔呢

一如之前去過網友所講,
上海老站絕對最值得一去, 最有驚喜的行程
才花了$150, 換來咁開心的體驗. 太值得啦~
後來知道這裡都辨婚宴,我簡直想去搞呢

之前問過ctrip.com的朋友,問問有關去這上海博物館的行程
他們建議兩點:早點去 及 留耐點
結果我做不到兩點, 令行程打了折扣

行程最後一站, 一去到時見很多很多人排隊
我們無奈唯有照著排, 人龍很久才前進了一點
令我們差不多想放棄
原來是又是安檢,好比深圳機場的嚴厲
這代跟我們安檢,是類似解放軍但又很年青的小伙子
難到是學警?

好不寄易入了入之後, 先看看錢幣展覽館
哇! 公元前二千年的錢幣都有, 還有外國的公元前幾千年, 看得目瞪口呆
每一件展品都是價值連城, 堪稱國家級 當之無愧!
我想: 在這樣隨便一件展品都值幾百萬,全個博物館豈不是值幾十個億?
這種有傢俱 陶瓷器 畫展覽館 細心觀賞,肯定要一整天 上午加下午都不夠
還有每個展覽館都有冠名的,不過, 他們都是香港名人來

可是排了太久, 又太累的關係, 才一個多小時, 老友又捱不住病了
行了一個多小時, 就出來了連忙找個地方坐一坐