因為5 號早上10 點的機, 所以預多1 日在澳門玩, 唔使趕頭趕命去機場
不過, 如果坐船去氹仔, 碼頭都有巴士坐一個站去機場的, 只係要等半個鐘先一班咯!

到o左步去o左氹仔官也街, 路環(劉華同舒琪拍戲o個間教堂o個度), 再返去威尼斯人, 先返酒店, 一個下午o既行程夠豐富啦!

o係官也街行o左一轉就搵o左間好懷舊的茶餐廳食野, 點知太多人, 個大嬸唔得閒理我地, 所以只係食o左個好令人懷念茶餐廳蛋糕仔....都好香好好味的, 之後就轉戰地堡街, 又發現o左個幾大o既茶餐廳, 原來o個度係食豬扒包的, 2 人叫o左一個豬扒包, 一個咖哩麵, 個包好香好脆, 個麵又好好味...

酒店係正氹仔馬場隔離, 又可以見到新o個d 賭場酒店, 行去官也街又近, 都算方便, 而且酒店設施都唔錯, 半夜仲有宵夜角, 有車仔麵tim 架....

day 1 已經查察o左周圍, 酒店旁邊就係巴士站有車去機場, 打算去到機場先食早餐, 結果係後悔o左

護照後面係預先上airasia 網做的boarding, 護照夾住o既係澳門機場counter 的boarding.... counter 竟然話上網做o既boarding 無用.....?? 擔心一陣轉機趕唔切添!

原本16:xx 的內陸機, 因為delay 結果17:xx 先上到機, 不過航程只需1 hrs, 落機都係18:xx
一到提行李的大堂就即刻聽到一堆叫喊聲, 就係租車同join 團的counter, 只要隨便選一格走過去, 講價, 就即刻有車抯
我地的選擇SR Langkawi 租車 4日自動檔RM240, 按金RM50
出o左閘口左手邊有2 間銀行兌現, 買o左本地儲值咭, 等攞車去機場出面最近油站自助入油(因為車幾乎係無油的, 油站先比錢後自己入油) 跟住就睇住租車counter 比的地圖去Bella Vista

安頓好之後已經20:xx , 由機場來到酒店用o左半個鐘有多, 又抯出去Pantai Cenang 搵o左呢間印度餐館, 就o係正Under Water World 隔離, 呢餐RM11x-, 因為宗教關係, 馬來西亞是不會有豬肉食的

Pantai Cenang 算係夜市, 小攤檔咁, 仲好多間Spa 同Hotel, Resort, 不過食完飯都只係行o左陣, 就返酒店休息

酒店唔係好多人入住, 房門係用鎖匙開的....

因為上網訂房價錢好平, 所以拎o個間房間唔算寛闊, 不過都有電視, 有梳妝台, 馬來西亞d 酒店係無牙刷, 要自己帶....

成間酒店好似城堡, 抯車就咁泊o係車位就ok

第2 日朝早去海邊吧早餐, 呢度係cheap d o既早餐地方, 買貴d 套票, 可以上大堂樓上食
不過坐海邊都幾舒服, 有自助穀物早餐同一款order 的炒麵, 奄列, 日日唔同款, 果汁鮮奶咖啡茶任tim

尋日租車book 埋Langkawi Carol 的出海團, 講價2 個人RM400-
因為出海, 無帶相機, 無相

有專車接送, 去鷹廣場個碼頭出發, 今日呢團都有成廿幾人, 包Lunch 個自助餐, 好多款揀而且幾好味, 3 點左右就起程回航

返到酒店, 小休o左一陣去o左Kuah 行街, 買o左d 濕星野, 就搵野食, 好似d 大排檔咁, 仲見到架改裝好有型的綿羊

叫o左一碟尤魚, 一碟魚, 一碟蝦, 2 個飯, 2 罐tiger, 都係7 十幾

我平時都唔係好食蝦的, 但係呢個蝦做得好脆香口, 全部都辣辣地, 好味到食埋手指tim

今日轉酒店, 所以算係自由活動, 訓晏o左少少(都8 點幾起身)早餐o係酒店海邊間酒吧餐廳
跟住去鷹廣場行下同join 埋Mangrove 2個人RM260- 又係行一圈搵間講價就ok

鷹廣場除o左有個神鷹像, 仲有個好似HALL 的地方, 係浮羅交怡大碼頭隔離, 又有個商場同好多LOCAL TOUR 的檔口, 去影下到此一遊都幾岩架~

我地因為租o左車, 所以自駕去的

返酒店check out 將行李放o係車尾箱, 走o左去書香村, 果園, 再去Berjaya (中間行錯路, 好在隨時可以調頭, 不過其實d 路都好易行, 跟牌就ok)

行過o左龍, 入口唔顯眼又無人的書香村, 影o左d 相快快走人

去返轉頭的方向隔離就係個果園, 只需每人RM10 有導遊, 有得食的果園, 入口有停車場, 仲好大個生果像

由生果園去酒店途中又行錯路, 不過只要方向無錯, 都係會到目的地的, 去到有Shuttle Bus接去你間房, 雖然住2 日, 不過d 司機都已經認得我地

貴, 係值得的, 住2 日真係唔夠, 下次有機會來, 要享受埋其他設施(沙灘, 泳池, 森林遊......)

本來預算安頓好之後去Cable Car 不過落雨, 改o左酒店做Spa

1 人選o左RM2XX 做2 樣的套餐, 2 hrs 過去, 爽~

做完Spa 去o左酒店出面個游艇會間俄國餐廳, 個入口都幾唔明顯, 好易抯過龍, 入面o個條街好多外國遊客, 有d 似西貢

叫o左2 個湯, 1 個頭盤, 2 個主菜同1 份意粉, 仲有1 杯大啤 RM155- (已 + 10%) 好飽, 好和味

返到房發現已經執過房

今日去另一個Local tour, 旅程包括紅樹林, 魚排, 蝙蝠洞等, 包一個自助午餐, o係紅樹林中間的一間特色餐廳, 當然又係包車接送, 團費係包船, 其實係, 成個行程都o係隻小船上面的, 有導遊沿途講解, Langkawi 的生態, 紅樹林同動物之間的關係

酒店在島的西北, 專車載住我地去到島的東北面, 雖然地圖看上去係直路, 不過都行o左大半個鐘

去埋蝙蝠洞就去食Lunch, 回程出大海返碼頭, 仲見到幾首大船捕魚, 導遊仲講笑咁話, 小船捉o既就大魚, 大船捕o既就魚仔

洞入面太黑, 影唔到洞頂的蝙蝠, 但係就有幾支好大好粗的鐘乳石, 不過有幾支鐘乳石受到破壞

有第團韓國家人比馬騮打開背囊搶o左手機, 引o左好耐, 個爸爸搶返手機, 不過太用力, 反彈跌o左落水

去Kuah 買完手信, 天未黑就落大雨, 等o左好耐先上返車度, 返o左去Berjaya隔離間酒店門口間大排檔食飯

周街都有的雞, 馬騮, 牛 同......電單車仔, 自駕要小心!! 尤其小心的士