遊記數目 
上載相片 
上載影片  | 最近分享過的旅程 |  |
共找到 52 篇遊記， 正顯示第 41 至 50 篇遊記 |
第一站係果園, 所謂包一份水果, 其實咪只係得兩件橙同三粒車厘茄...本來個團話唔會去一D SELL你買野既景點, 但呢度...都係有少少呢D成份呢~! 之後食LUNCH, 呢餐午餐都唔錯, 幾好味...食飽就返酒店, 只係下晏四點幾, 六點多先食飯, 所以我地五點左右先去浸一次溫泉先~~
不過好唔小心咁ｏ係溫泉度跣親喔. 成個人瞓左係地...個下真係幾痛架...Honey見我跣到, 即刻過黎叫我唔好郁, 驚我整親條尾龍骨, 見我OK先扶我起身囉..不過返到酒店先開始痛呢...但唔理喇, 返到酒店沖埋涼, 我地之前叫既乞兒雞就到喇...乜都唔理, 食左先講....真係超好味!!! 又熱又香, 仲好夠味呢!! 好想食多隻喔~~~HOHOHO~~~食完又睇電視...好RELAX既一日呢~~
0 個留言
| 加入你的留言七點morning call...導遊講到個buffet早餐天上有地下無, 所以幾眼瞓都去食, 點知有俾人點既感覺, 又勁多人, d野又唔係好食得咁緊要...早知瞓多陣啦...
第一站係逄簡水鄉, 睇下橋, 姑婆屋同祠廟...
第二站去南國絲都睇蠶絲...咪又係sell野, haha~~
第三站去左中華牌坊, 好大既一個牌坊... 有d團友話唔落車, 但我地當然落啦, 成個團已經係買野團, 難得有少少景點行下影下相, 唔好執輸嘛~之後去左步行街, 行左陣去左民信食焞奶, 真係平過香港好多呢... 但就甜左d囉....食完野搭一個鐘車去番禺食飯, 雖然已經兩點幾, 但我地食焞旦焞奶都已經食飽左, 所以無乜胃口, 何況呢餐係三餐中最唔好食個餐, 所以都無蝕底啦~~食完又搭一個鐘車返深圳...
最後一站係桑果園. 上次去華僑城都係黎呢個桑個園呢..
兩日既trip總括黎講都唔錯, 因為跟左三次大陸團, 呢次係最好! 無論係導遊, 團友都係! d團友好搞笑呢, 有一行十五人, 又有一家八口. 同我地同枱個幾個師奶仲搞鬼, 成日叫我地小朋友....
0 個留言
| 加入你的留言八點三羅湖集合上車出發, 我地個團有差唔多四十人, 雖然人多d, 但勝在d團友都正正常常, 導遊服務都唔錯!!
出發後第一站已經係sell野...haha~~先去高科技生物谷, 其實個名好似好勁, 咪又係個d叫你買野既地方...第二站, 都係買野...全之第一日行程有三個景點都係sell野...下午食既陳皮乳鴿宴都唔錯...食得飽飽繼續行程.
下午終於有d行程行下, 去左孫中山紀念館(翠亨村), 行左個幾鐘, 再去蘆薈大觀園. 咁就差唔多完成一日行程了. 夜晚搭左成個鐘車去食順德招積菜, haha...兩餐都唔錯, 尤其夜晚呢餐個四杯雞, 淨係d汁都已經食左三碗飯呢..仲要返到酒店我地order左三隻乞衣雞...簡直飽到癲~~~ 返到酒店已經九點幾, 估唔到d雞咁早到, 食完玩左陣飛行棋&啤牌就沖涼瞓lu~
2009-07-19
2009-07-19
0 個留言
| 加入你的留言坐車期間, 導遊話我地下午去既雁南飛茶田係無包入場的, 所以要每人俾120蚊入場+陳唔知咩咩大宅+一餐晚飯. 我同Honey都覺得如果再食返呢兩日既飯餸, 寧願自己出去食呢...結果我地俾左每人80蚊去餘下兩個景點.
四幾多完成行程後去到陳咩咩大宅, 我地一致認為有被坤既感覺....呢個根本就係一間爛屋, 仲有人住緊, 同埋根本唔洗入場費既, 咁點解會收我地80蚊咁貴? 雁南飛茶田真係需要80蚊? 不過算啦, 唔去都去左, 由佢la~
夜晚, 我同Honey去左步行街, 又一無野行既地方..haha~之後去左所謂酒吧街, 成條街都係酒吧, 但無人架bor~
0 個留言
| 加入你的留言又係團餐早餐...之後就搭車去手信店, 估唔到今次我地都有買野呢...買左兩包粟子..haha~ 之後上車後又搭兩個幾鐘車返河源lu~
基本上呢日係無行程的, 所以有團友投訴呢, 點解要住一晚? 住一晚係因為有三日行程, 但結果逼晒兩日去晒...?? 返到河源食中午飯, 今餐已經係三日裡面比較好一餐. 食飽又係搭車..
本來仲有一個桑果園行程, 但因為落雨既關係, 導遊問我地唔去o唔ok, 當然ok啦~反正都係sell野之嘛~ haha~ 所以今次好早返到深圳灣呀~五點都未夠就到lu~
0 個留言
| 加入你的留言八點三準時到達集合地點, 上車後無幾耐就開始瞓...大約三個鐘就到左河源lu~ 第一個印象係, 好鄉下同埋好似好窮既地方, 心諗睇黎都無咩好玩喇....
第一站就去左食中午飯, 估唔到, 第一餐飯比想像難食得多, 餐廳嚴格黎講都唔係一間餐廳, 只係一間屋吧了...九餸一湯, 雖然唔好食, 但總好過無得食...所以都食飯飽飽....
第二站就去鏡花緣, 坐左八蚊雞既電瓶車到左女兒國睇表演, 估唔到都幾得意. 算係一個唔悶既show啦~ 之後行左大半個鐘, 園裡面都幾多野玩架喎. 不過影得最多相莫過於一個小瀑布呢! 行完鏡花緣後就返去食晚飯lu~ 仍然係八餸一湯, 都仍然係唔好食既一餐.....
食飽返酒店休息一陣趕八點鐘去睇噴泉, 聽導遊講呢個噴泉夜景係全個河源最靚, 我地當然唔會錯過~ 去完噴泉行下步行街, 再去食KFC..(haha, 每次去大陸必食既野係KFC), 食飽飽就返酒店休息lu~
第一晚既酒店非常一般, 無企缸加無浴缸, 只有花灑, 我都係第一次見呢.....但估唔到好戲在後頭....
0 個留言
| 加入你的留言呢日又係唔想起身既一日...我好似無試過去旅行攰到咁樣.差唔多十一點先check out, 放低行李係酒店就出去lu~先到淺草, 去左雷門寺...嘩!!!真係好多人呀!影相都唔知係影人定影景!?
之後出發去上野!又係一個好多人既地方, 去左一間餐廳度食拉麵,都唔錯.食完開始行街, 去上野最主要係買手信, 所以我地去左二本之菓子就買~買左一大輪後再行多陣就要走了...
由於honey想返去涉谷買袋同去原宿買野俾佢媽咪, 結果呢兩個地方我地又再一次返黎!不過來去匆匆,無認真再行. 只係買左要買既野就返酒店攞行李去機場了.
去到機場, 已經六點多, 岩岩好check in. 但由於我地之前無揀位, 所以埋到去counter, counter姐姐問我地介唔介意分開坐.....最搞笑個原因係想平衡返飛機既重量!但分開坐其實係坐前後!佢仲要同我地講係機尾有得連住坐,但因為要balance個重量,所以要分開坐~~~咁我就奇喇, 我地兩個人係咪重成咁呢? 定係我地好恰d? 點解個個唔洗分開坐但我地要? honey無再同佢理論, counter姐姐好似好好心咁安排我地坐窗口位既前後兩個位...
之後去左terminal 1諗住行下食下野, 但本來心情已經唔好既我加上肚餓又攰到死. 心諗點解要分開我地坐...人地今日生日喎~唔係應該有特別優待架咩? 仲要未食飯, 就連想食餐好d既時間都無.七點九要上機, 七點二仲未諗到食乜!結果係乜都唔食, 兩個人坐係度等....=.=""
上到飛機先發現, 原來我地被upgrade坐business class, 但我望一望坐我隔離o個個日本人, 唔似善男信女...真係十萬個唔願意...好彩honey醒目地同佢調位. 咁先開心返少少~唔知business既飛機餐會唔會唔同d呢? 我覺得我個set係搭咁多次飛機較好食既一份!之後一路瞓覺瞓到差唔多落機, 但好似有少少暈喎~~唔通坐唔慣business?? haha~!!
返到hk, 已經十二點幾喇, 好攰既一個trip, 但好開心甜蜜因呢個係我第一個日本trip呢 ^^
2009-07-19
0 個留言
| 加入你的留言由於連續幾日唔夠瞓加上過份體力透支, 今日幾乎起唔到身...起身換好衫後先去食過早餐就出發去原宿了! 一去到, 嘩, 實在多人得很呀!!! 我地先行竹下通.其實原宿比較岩我行, 因為每日都係行商場真係開始有D厭了, 呢度始終係行街同埋D野比較平!
Shop完一輪, 去左柿家鮨食壽司. 之後再行街, 本來打算行去涉谷, 但我對腳其實已經攰到死左, 所以選擇搭JR過去...haha! 行完街, 返左酒店休息左一陣放低晒d戰利品後就出發去東京鐵塔.
去完東京鐵塔返到新宿已經十一點多喇..求其去左一間日本餐廳食飯.十二點正就係我生日了....haha~~不過我地o係條街度流連緊~~
返到酒店拆左honey送我既生日禮物...仲有情人節禮物...真係多謝哂呢!!!
好新鮮好正既壽司！！
0 個留言
| 加入你的留言仍然係九點左右起身, 由於時間關係, 趕唔切食早餐, 所以只係買左個飽就拿拿聲搭JR去三鷹.. 行到十二點多就走lu~ 沿著井之頭公園一直向吉祥寺方向行...行左大約二十分鐘就到lu~
到去吉祥寺, 當然又係同honey分頭行事啦~~~其實吉祥寺都幾多野行的! 但其實我行左唔好好耐已經好攰了~~~約左honey一個時間一齊去食lunch! 去左一間叫Al dente既意大利餐廳度食補充體力後, 向池袋出發~!
滿心期待既池袋, 同想象中一樣好多野行, d商場多到行到腳跛...本來已經好攰既我, 真係無乜心機行喇....所以本來同honey 約左三個半鐘後meet我最後只係用左兩個鐘就ko晒d商場...因為一來好多唔岩睇, 二來攰到唔想行....只想坐....去左m記食左個餐....好貴...係hk既double價錢呢~!! 不過honey就覺得池袋好多野行, 仲唔夠時間行tim.....行完池袋, 竟然一d收獲都無.... omg.....=.="
之後再戰台場,原來夜晚彩虹橋好靚的......可惜今日我地無帶腳架啦~~~好多相都影得唔靚喔 T_T 今次再黎, 掃左d手信同少少衫咁啦~~~
九點多去左新橋食飯, 今次去左一間叫金太郎既日本地道餐廳, 樣樣野都好好味
返到酒店已經攰到不堪....連續三日行程, 我既體力開始透支了....
2009-07-14
激死了...
意粉同鋪頭名一樣, 口感幾al dente!! 不過都唔平, 一個意粉都要一千yen有多~~!!2009-07-14
0 個留言
| 加入你的留言第二日: 幕張>台場>新宿
九點起身換好衫急急腳去食早餐, 食飽飽向幕張出發~~~去到outlet, 行左Agnes b, 可惜無收獲~為有有效d去shopping, 決定同honey分開行, 約定時間集合先去食lunch! 其實outlet都唔算岩行, 不過好彩最後都有收獲!!真係比香港平好多呢~~~hehe~~~
lunch去左一間叫Jerry's UNO度食, 墨西哥style, 都ok, 食飽就回程了....當然又係搵個locker放低d戰利品再去台場啦~但由於時間比預計遲左d, 所以去到台場已經四點幾五點了.... o係台場都大有收獲, 尤其honey, 用唔洗10000yen買左成六七件衫, haha! 好抵呀~!!!
回程時, 去左新橋站搵食. 去左一間叫安具樂既地道日本餐廳..返到酒店已經十點多lu~ 結束左一日行程
0 個留言
| 加入你的留言