V3F
我是V3F。 我 最鍾意遊覽自然景觀,歷史建築/遺跡,主要地標。
留言  留言給此旅遊家
  遊記數目 18
  上載相片 266
  上載影片 0
最近分享過的旅程
Sydney 幸褔 8天遊
國家/地點: 澳洲
旅程日期: 2013-10-06 至 2013-10-13
新春韓國遊
國家/地點: 韓國
旅程日期: 2013-02-16 至 2013-02-21
慶七一廣州遊
國家/地點: 中國
旅程日期: 2011-07-01 至 2011-07-02
六天星馬自遊行
國家/地點: 馬來西亞, 新加坡
旅程日期: 2010-05-16 至 2010-05-21
珠海美食遊
國家/地點: 中國
旅程日期: 2010-01-09 至 2010-01-10
共找到 18 篇遊記, 正顯示第 1 至 10 篇遊記
Sydney 幸褔 8天遊 (澳洲)
(旅程日期: 2013-10-06 至 2013-10-13 ,  旅程性質: 觀光攝影, 探訪親友)
 整個旅程  (共3篇遊記)
 分享至Facebook 
發表日期: 2014-03-11
今天一早先去chinatown報local tour。之後去Fish Market食個Brunch,再行去Darling Harbour行下。係Lindt Cafe坐下嘆杯朱古力。再坐船仔去Opera House同Sydney Bridge行下。夜晚係酒店附近求其食d野,去左Central Baptist Church參加朋友Wedding Meeting。
生蠔之旅 ok喇2014-03-11
去悉尼一定要食生蠔,那當然最好是去魚市場啦。本來諗住係chinatown搭railway去fish market。點知等左15mins有幾架車都滿晒上唔到。結果我地就自己跟住google map行過去,大約行左20mins。

行到去已經12點,已經好多人。Fish Market有兩層,但得地下一層係賣海鮮,第二層係酒樓。地下有四間賣海鮮(兩間大有大量海鮮+熟食賣,兩間細得生蠔同熟食賣),有一間酒舗,有一間賣果汁雪糕,一間生果店。

這裡的海鮮都是急凍的,不是游水海鮮。吸引力大減。

參觀時段: 下午
入場價錢: 每人0澳元
評分: 值得去4  
蠔食一餐 笑臉2014-03-11
我地逛左一圈就決定去兩間大其一的Nicholas Seafood。由於男友對生蠔無興趣,只叫了半打Pacific+半打Rocks。仲有點了一隻藍腳蟹,兩隻蝦,一份刺身。再去果汁舖買左支大橙汁。坐左係店外的戶外位。

Pacific 比較鹹,海水味重。Rocks就淡味d,易入口d。蟹同蝦都係凍食,都幾鮮甜。刺身就麻麻地,還是係香港吃的比較新鮮鮮甜。

食完其實都唔夠飽,不過消費高,還是去第二度食下午茶。
 
每人消費: 約23澳元 (午餐)
評分: 味道4   服務4   環境4   衛生4   抵食3
其實係Fish Market都食唔飽,加上天氣凍又食凍海鮮,個人僵硬晒。來到Darling Harbour行左一陣商場,之後本地朋友推介的Lindt Cafe飲番杯熱朱古力。本來諗住食件朱古力牛角包,點知賣晒所以最後點了黑朱古力同牛奶朱古力一人一杯。

白痴的我忘了澳洲人嗜甜,將整杯牛奶朱古力倒入杯拌勻熱牛奶,真係甜到漏。應該倒半杯朱古力加整杯牛奶先啱飲。男友飲黑朱古力,佢話好甜。我叫佢試埋我杯牛奶朱古力,結果即變臉。杯牛奶朱古力到最後都飲唔晒。


每人消費: 約7澳元 (下午茶)
評分: 味道3   服務3   環境4   衛生4   抵食3
又係地標 笑臉2014-03-11
在悉尼橋上拍過來
在悉尼橋上拍過來
坐船仔拍
坐船仔拍
搭左半個鐘的船仔由Darling Harbour出發,下午四時先來到。地標之一必定好多人,Opera House旁有間沿海cafe,環境超正。本來對Opera House導賞團都有興趣,不過太晏來到,已經過時了。唯有自己行下,沿外圍行左一個圈。見到有人玩快速船,見到都刺激。再上上層行一圈,欣賞一下獨特的建築。
參觀時段: 下午
入場價錢: 每人0澳元
評分: 值得去4  
再一地標 ok喇2014-03-11
From Opera House
From Opera House
From Ferry
From Ferry
From Ferry
From Ferry
行完歌劇院就行去悉尼橋,這裡最刺激的是爬上悉尼橋。當然這遊戲太刺激而且太貴,我地係無玩。不過這條橋除左車行,還可人行,橋上面中間位置仲有觀景區(要付款)。我地就只是行行,行左約一半,就調頭。因為其實無乜野睇,景色都是望返對面的歌劇院/Luna Park。
參觀時段: 下午
入場價錢: 每人0澳元
評分: 值得去4  
  0 個留言    |  加入你的留言
Sydney 幸褔 8天遊 (澳洲)
(旅程日期: 2013-10-06 至 2013-10-13 ,  旅程性質: 觀光攝影, 探訪親友)
 整個旅程  (共3篇遊記)
 分享至Facebook 
發表日期: 2013-12-14

第二天約十點先起身,因為第一天搭長途機太累了。整理一點就起程去Bondi Beach。不過男友好姿整又拎漏野,結果成十二點先出發。由museum站去bondi junction只需25分鐘,再係bondi junction轉巴士去bondi beach,再跟住人落車。係bondi beach 逗留左約三小時就回程返酒店。

係酒店休息了一回,就去了chinatown逛一團,之後去了darling harbour行下同食晚飯。 

水清沙幼 笑臉2013-12-14
漂亮
漂亮
好大浪呀
好大浪呀
不少初學浪水者
不少初學浪水者
他快成功了
他快成功了
海鷗
海鷗
高手?!
高手?!
Bondi Beach 係悉尼著名的沙灘,喜歡陽光與海灘的我當然要來啦。本來仲諗住上2小時的滑浪班,不過要AUD95太貴了,最後放棄了。

當地朋友說今天是假期,還以為沙灘會好多人。來到沙灘又不感到擠迫,可能因為的沙灘實在大。赤腳一踏上沙,嘩~~~d沙好幼,好舒服~~係沙灘度行下~~影下相~~睇下其他人滑浪~~其實邦迪沙灘確是幾大浪,係白頭浪~~
可惜的是當天天氣有點凍,又大風。真的凍到不願落水。沒有去游泳是一遺憾

之後再就係附近的商店行下~行到約四點就起程走了。


 
參觀時段: 下午
入場價錢: 每人0澳元
評分: 值得去5  
悠閒Cafe ok喇2013-12-14
Fish Burger
Fish Burger
終於一點來到Bondi Beach,第一時間不是去海灘,而係醫左肚仔先~
每人消費: 約25澳元 (午餐)
評分: 味道4   服務4   環境4   衛生2   抵食3
虛有其名 哭臉2013-12-14
皇帝餅
皇帝餅
第一日來到chinatown已見到人龍,今天再來即管排下隊試下有幾好味~我地排左差不多30mins,終於買到,$1/4粒,小試牛刀。

嘩~~~好味到呢.....同普通蛋糕仔無分別...真的不外如是...浪費光陰.... 
每人消費: 約1澳元 (下午茶)
評分: 味道2   服務3   環境2   衛生3   抵食3
浪漫情人港 笑臉2013-12-14
海軍表演
海軍表演
海軍表演
海軍表演
黃昏來到浪漫的Darling Harbour,行下坐下欣賞這個內港。行行下開始入黑,適逄悉尼有海軍到訪,佢地正在情人港表演步操,睇左一陣。

這裡無論早上/夜晚都好多人...有時間可在情人港兩旁的餐廳坐下慢活一下。 
參觀時段: 晚間
入場價錢: 每人0澳元
評分: 值得去5  
Cream potato
Cream potato
Baked mushroom
Baked mushroom
Steak
Steak
Kangarro tapas
Kangarro tapas
行到累到左食飯時間,情人港那邊餐廳太貴了,終於走過一點,來到這間餐廳。兩口子點了一份牛扒,兩份tapas,一份薯仔同一杯紅酒。

牛扒好貴.....最後點了最平的aged steak。可能係aged,所以好乾,無肉味,over-cooked。係整個旅程最差的牛扒。

隨牛扒可加錢要cream potato。我地以為係焗薯仔,點知都係薯茸,不過味道都唔錯。

兩份tapas 是袋鼠肉同焗蘑菇。袋鼠肉好嫩滑,不過無乜味~焗蘑菇竟然意想不到的好好味,好juicy,而且上面浦上炸蒜茸,很香口。

 
每人消費: 約30澳元 (晚餐)
評分: 味道3   服務3   環境3   衛生4   抵食3
  0 個留言    |  加入你的留言
Sydney 幸褔 8天遊 (澳洲)
(旅程日期: 2013-10-06 至 2013-10-13 ,  旅程性質: 觀光攝影, 探訪親友)
 整個旅程  (共3篇遊記)
 分享至Facebook 
發表日期: 2013-12-14
這個旅程主要是去參加我朋友的婚禮。難得去到咁遠,當然拎多幾日假順道去觀光啦。今次我同男友兩人過去澳洲,為了節省一點,為了一兩千蚊選擇了轉機。我地搭Airasia 6:15pm機去吉隆坡再轉機去悉尼。結果在當地11:15(快香港3小時)下機。

過海關時有一小插曲,就是我被人截停問話。問下我來悉尼做咩,係香港做乜....好似查家宅咁...好驚...好在我是參加朋友婚禮...畀左朋友的電話佢地,佢地打左電話問左我朋友幾分鐘,確定無可疑,才放我走。雖然全程海關人員都好nice,但真的好驚。我地眼見唔只我一人被帶走,還有幾個華人都一樣。點解華人咁有可疑??搞左一輪,我地成12點先出到機場。

一出機場先買張電話卡。機場有兩間電訊公司:Optus同Vadofone。見Optus多人d就行過去問下...因為我地要同當地朋友聯絡...又應該不會打長途....所以選擇了本地plan $20/10 days 包本地無限通話同sms,每日500mb數據。

買完電話卡就去搭Airport Express出City。之前上網睇過blogger同資料,買左MyMulti 3 (7 day pass), 因為包藍山線鐵路,另外再買來回機場閘費,每人AUD81。機場快線的列車係雙層,好似香港去廣州的直通車咁,我地係Museum站落車,行5分鐘就到酒店。

 我地1:00去到check-in,但房未準備好,要等多半個鐘。於是我地就係大堂梳花坐到1:30再check-in。一上房就執d去街用的野,2:30就去join當地朋友食我地的Lunch(成程機十二個鐘都無食過野)。佢地帶左我地去附近在George Street上樓的日本餐廳。之後約4:30我地就去了Chinatown諗住找day tour,但行左個圈找不到。接著去了Circular Quay行下,行下行下去左The Rocks,誤打誤撞找到Pancake on The Rocks食晚飯。9:30吃完係Overseas Passenger Terminal行多陣就回酒店。
由於悉尼酒店一般最少都要成千蚊一晚,所以我地節省金錢住backpaker。我地訂左雙人房包浴室,不過浴室不在房內,在對面走廊。所以要交低AUD20做toilet key按金。

房間設備簡陋,一張床,一張枱,一個衣櫃,一個衣架,一個垃圾桶。

電視同廚房在1/F,洗衣房在2/F,不過我地都只係去過廚房斟熱水。廚房每晚會有人清潔,早上很乾淨,一到下午就好污糟,打扙咁。

酒店衛生麻麻。Reception大堂梳化成日都有層臭臭的怪味。有晚廁所馬桶邊有隻反肚曱甴。大堂有兩架lift,但由始至終都只見一架lift用得,而且好慢,要等三四分鐘先到搭到。

酒店地庫有storage room, 可以AUD2租locker 12小時。我地最尾走那天都租左兩個locker。

住左七日,有連續兩三日返來,房卡開唔到房門,叫大堂staff處理又搞錯房號,搞到我地上上落落左三四次先入到房。都唔知點解可以咁差.....
 
每晚價錢: 650港元 (雙人房)
評分: 設備2   服務2   環境2   衛生3   抵住3
著名Pancake店 笑臉2013-12-14
鹹Pancakes
鹹Pancakes
Beef Ribs
Beef Ribs
Banana Pancakes
Banana Pancakes
這店旅遊書有介紹,當地朋友也有介紹。本來預計係去Harbour Bridge個日先食,不過我地行行下來到,打鐵不如趁熱,即排隊。等左唔夠十分鐘就入座。

因為這餐是晚飯正餐,加上之前睇旅遊書都有介紹ribs都不錯,所以我地點了一個beef ribs,一個鹹pancake同一個甜pancake。

平時係香港食ribs都係pork ribs。今次食beef ribs,嘩~~好多肉,唔會只係得排骨黏住少少肉。我地直頭切住塊扒出來~醬汁甜甜的,肉還有肉汁,不太乾。啖啖肉,很好味~~伴碟的有沙律同薯角,都不錯。

睇間店的名都知這裡出名食Pancake啦。於是我地點了一個鹹點,料材是煙肉,薯蓉。味道很淡,根本係無味==食完就知還是吃一個甜點好了。

由於我倆口子都吃得飽飽的,便沒有點朱古力pancake,點了banana,看似無咁heavy。兩塊大大的原味pancake,兩邊燒過的香蕉,再加一個雲尼拿雪糕。很好味啊~~ 
每人消費: 約25澳元 (晚餐)
評分: 味道5   服務5   環境4   衛生5   抵食4
  0 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-04-01
最後一天,一早吃完早餐便收拾行李。約10點便check-out去首爾站Lotte Mart作最後的衝刺買手信。因為拎住兩個大行李箱,所以由安國站搭的士去首爾站,好彩司機識聽Seoul Station。去到首爾站先要安置行李箱,之前經過見到車站有locker,所以一心諗住租locker放行李。點知去到發現大locker全租出,正當我地唔知點算時,有人來退租呀,不過只可放到一個行李箱(KRW3,000)。之後我地諗住拖住個行李箱行supermarket啦~點知去到Lotte Mart先發現有限時不收費的locker,但可惜行李箱太大放不下,不過原來可寄存於information desk。之後我地就行supermarket啦。行完已差不多1點,所以我地決定先去機場退稅再找東西吃(因為首爾去機場要1小時)。我地去到機場先找海關蓋退稅印,再check-in便去入禁區。嘩~想不到有那麼多人~本以為有時間坐下吃東西,結果只可買包同咖啡吃完便即上機。3:15pm坐CX。
其實滑完雪個日做完汗幕蒸之後都有來買東西,買了韓國士多啤梨同巨峰提子,柚子茶,五味子茶,紅蔘茶。

今天最後衝刺,買了泡菜,紫菜,MARKET O BROWNIE & BISCUIT,部隊鍋急凍包,人參雞急凍湯包。雖然可能有其他超市或小店比這裡便宜,但這裡勝在夠方便,係首爾站,買完就可以搭機場快線~~

超市的購物車是要放入KRW100 COIN才能解鎖拿出來用,用完謹記鎖回取回金錢呀~
參觀時段: 下午
入場價錢: 每人0韓圓
評分: 值得去4  
  0 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-04-01
第五天在民宿吃過午餐~穿韓服影下相~就已經11點~之後我地就去了附近的韓屋村欣賞韓屋八景~行左兩小時~就起程去江南的鷺梁津海產市場吃海鮮~~吃飽飽到五點幾~回程去清溪川看看~行了一小段~便去明洞掃貨~最後帶著沈重的行李同身軀回民宿...
豪華海鮮餐 笑臉2013-04-01
今次旅程的重點行程就是去海產市場食海鮮~~~~之前上網睇過好多BLOGGER都會有個金三順大嬸很好人,會國語,又唔騙人。不過我地又唔記得個舖頭號碼....於是逛了一圈....先再揀~~因男友想吃皇帝蟹...所以就向有蟹的舖頭進發。問第一間...好貴...店員都話好貴叫我地食長腳蟹...男友話平日係香港食自助餐都食到長腳蟹啦....所以我地又去第二間...這裡得長腳蟹同松葉蟹...係無皇帝蟹...所以我地又行去第三間...這間終於有皇帝蟹啦~~仲有細隻添...啱晒兩個人食~~揀左隻蟹...就要多隻生八爪魚整刺身食~~店員再介紹鮑魚...但我地無乜興趣...又介紹帶子...見都好大隻就買一隻試下。我仲想食魚生拼盤...但這店沒有,隔離店先有,所以就一拼買埋,給了我KRW5,000 discount~哈哈~

買完店員大嬸畀左張咭片我地。一睇~~~啊~~~原來佢就係金三順大嬸~~(其實佢叫金玉順)哈哈~~誤打誤撞畀我地找到佢~~真有緣~~之後佢就問我地有無相熟的餐廳,我地話無,佢就安排我地去附近它的合作伙伴"開富食堂"。先除鞋,坐下,待應就來問下海鮮點煮....之後就捧來一籃生菜同紫蘇葉~~

在等海鮮烹調的時間,我地就先食魚生拼盤~~嗯...這裡的魚生不像香港的新鮮....所以不太好食....這裡的人也會用菜包著魚生片吃~之後生八爪魚來了,雖然已切斷了,但鬚仍在動....放在口中會吸住上"鱷"。如果將佢浸在附配的醋內,牠不消一秒便動彈不得。

之後再來的是燒帶子....嗯....燒得過火了,乾晒....最後出場的是清蒸皇帝蟹~~~好鮮甜~~~我地仲將佢的汁,膏同肉一切的精華用來撈白飯~~超好味~~~

費用如下:
皇帝蟹(KRW50,000)
八爪魚(KRW8,000)
帶子(KRW5,000)
魚生拼盤(KRW15,000)
醬料費(KRW3,000一位)
煮食加工費(KRW16,000)
 
參觀時段: 下午
入場價錢: 每人50000韓圓
評分: 值得去5  

民宿在韓國屋村附近,所以我地就近去看看。北村韓屋村有北村八景,但頭三景係民宿的另一邊,為了不走回頭路..我地放棄左,哈~~我地只走了6景(3-8),但也走了2小時。

在陽光充沛的早上,走動一下,真舒服~雖然是早上,但也已有不少遊人到達~~如果不是住韓屋或追電視劇景~~這裡絕對要來~~因為有很多傳統韓屋聚集在這裡~~是親身體驗韓國傳統的好經驗~ 

參觀時段: 早上
入場價錢: 每人0韓圓
評分: 值得去4  
人工河流 笑臉2013-04-01

我地在這旅程來了兩次清溪川,一次在夜間,行去東大門時經過~~一次在下午~~這裡是一個很好的散步地方~~不過我地冬天去...好凍...都無乜人在散步~~夏天應該會好多人....溪流旁兩邊都有行人路...溪流可令炎熱的天氣降溫...小朋友又可玩水,大人又可踏著石頭過溪...廣場還有許願池同水幕表演~~

參觀時段: 下午
入場價錢: 每人0韓圓
評分: 值得去4  
  2 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-04-01

來到第四天,我地預先已在香港登記參加了滑雪local tour,HK$5xx包交通,滑雪裝備,雪褸雪褲,教練同小食飲品~都好抵~~八點要在安武路OFFICE集合,所以早一天已買定麵包,去到安武路附近COFFEE SHOP飲杯咖啡,就去OFFICE報到交錢~仲有手襪送~~抵到爛~~一行車程連玩樂過左8小時,5點便回到首爾。趁滑完雪咁累~就試一下韓國傳統的汗幕蒸~本來想晚上去南大門逛下,但因太累~已放棄了這行程回酒店休息~

便宜滑雪團 笑臉2013-04-01
冬天來到韓國,雖然整個旅程都無落過雪,但我地都要感受一下白雪世界。所以我地參加了Tony Ski Tour,去了大明滑雪場。一團四十多人,一架大巴加一架小巴浩浩蕩蕩地駛去滑雪場。工作人員都能操國語,所以溝通不太問題~

經過一小時多的車程先到租借滑雪衣服的店舖,大家揀好雪褸雪褲後換上,當然你自己有就唔洗啦~這裡還可租借滑雪太陽眼鏡,不過建議帶自己的太陽眼鏡(慳番D錢嘛)。 著好衫又上車出發到滑雪場~五分鐘後就到,先度一度腳再拎滑雪鞋板同雪扙。之後鎖好貴重物品就行出滑雪場~

先有教練進行簡單的講介同教大家基本滑行的姿勢動行同注意地方,教左1小時,就可以開始自己滑啦~由12點至3點~玩左3小時,都夠晒皮...好累~

之後3點就要集合回程~還番D滑雪裝備就坐番1小時多車程去東大門/明洞下車。回程路上還有一包紙包飲品,一小包蘋果批同朱古力蛋糕送~作為小小的充餓~
參觀時段: 下午
入場價錢: 每人78000韓圓
評分: 值得去3  
Relaxing 笑臉2013-04-01
滑完雪來這裡汗幕蒸~雖然明洞都有不少,但之前睇BLOGGER話明洞的店會焗遊客做FULL
 PACKAGE (泡湯+汗幕蒸+按摩)比較貴。所以我地揀左這裡6點前入去都只係KRW10,000,6點後都係KRW12,000可過夜。所以有些人會住少一晚酒店花HK$1xx在這裡過夜。

這裡分男女間,先脫下鞋放在LOCKER再取, 衣櫃鎖匙同浴衣。脫了衣服就可往地庫洗個澡~但我地忘了帶淋浴露,這裡也有肥皂可用~之後就可以泡湯同焗桑拿~泡了一小時便再洗澡更換浴衣。因泡湯水太熱~好渴~買了樽優格飲~爽晒~因為2-5樓都是男女共用的地方,所以要著回浴衣~

上了2/F,是食堂同休息地方,這裡可帶手機上來~我同男友就在這裡會合,吃個石頭鍋飯同雞蛋~~好滿足~~之後再上去3/F是娛樂室,有機舖,卡拉OK房。再上4/F是各式的汗幕蒸室,我地試了兩三個室,出左一身汗~5/F是男女分開的睡眠室~

我地換回自己的衣服便回酒店啦~雖然這裡的大嬸都不會說國語,但佢地都會不停說韓文+身體語言話你知應該點做~多得她們先順利體驗了當地汗幕蒸的文化~ 
參觀時段: 下午
入場價錢: 每人10000韓圓
其他消費: 石拌飯(KRW8,000) 雞蛋兩隻(KRW1,000) 草莓優格(KRW1,000)
評分: 值得去5  
  0 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-04-01
今天是男朋友生日,所以節目都是為他而定的。今天是文化之日。先是轉民宿~因之前訂民宿時,第一間不是成個旅程都有房,所以一星期的旅程住兩間民宿。在之前的民宿附近COFFEE SHOP吃早餐後,收拾一下便checkout~之後就去惠化吃了部隊鍋,再行下附近的大學路,行完吃個TEA。之後就去返安國站附近的藝術中心,逛一圈,便去吃晚飯宮廷料理。吃完就回酒店啦。
豪華韓屋 笑臉2013-04-01
早餐
早餐
早餐
早餐
這間韓屋比前兩天住的面積大,這裡連廁所地板同坐廁板都暖嫁~~真舒服~~裝飾都是傳統古舊一點,基本設備有電視,電腦,DVD機,雪櫃,WIFI,煲水壺。坐廁仲係智能廁板...不過我地唔識韓文....所以無試過洗PAT PAT的功能~哈哈~

這裡有一個優惠,就是住滿三天便可以免費穿傳統韓服。這也是我地選擇它的原因。 女裝韓服比男裝多三倍,還有帽子同鞋配襯,都是一個挺好的體驗。

這裡住宿包每天早餐(Fusion韓式+西式),主要有一杯橙汁,一杯乳酪,兩件生果同主食。每天早上8點都會有人敲房門,遞上放了食物同餐具的小茶几入房間,住客便可以安坐於暖烘烘的地板享受早餐。這情節好以韓劇後輩捧餐給長輩房間咁~~
每晚價錢: 100000韓圓 (雙人房)
評分: 設備5   服務5   環境5   衛生5   抵住3
路上美術館 笑臉2013-04-01
這條路上美術館據說只要屋主同意,藝術家便可在房屋上塗鴉~~這裡需要左穿右插到不同的巷子才能找到更多的塗鴉,我倆只是沿著大路一路行約一個鐘都大致上看得七七八八。

這裡適合朋友,情侶來逛逛影下相~~ 
參觀時段: 下午
入場價錢: 每人0韓圓
評分: 值得去5  
最佳配搭 笑臉2013-04-01
之前行街都食到好多CAFE有好靚WAFFLE,好想試下。所以行完大學路~~來個TEA~~
Apple filling waffle: 每一格都有蘋果粒~~有趣~
Cinamon waffle: 好香的肉桂味~但不會太甜~
Cappinco: 奶泡好滑~
Blueberry yogurt gelato: 好滑~酸酸地~好開胃~

WAFFLE+GELATO+COFFEE=最佳配搭~ 
每人消費: 約6000韓圓 (下午茶)
評分: 味道5   服務4   環境4   衛生4   抵食4
人人廣場 ok喇2013-04-01

這廣場裡全是本地創作,因大廈外有兩個大"人人"字樣,所以旅客都叫它人人廣場~這裡適合下午來,陽光充足能看到建築物上的藝術品。

因我地約了晚餐在6:30,只能在這裡逛1小時。如果每一間小商店都要停下睇下,這裡應該要花三至四小時,這裡有五層,地庫是食店及工作室,地面至三樓是小店舖,四樓是食店(COFFEE SHOP)。

本地創作多是首飾,衣服,小擺設等~不過價錢卻貴了一點~ 

參觀時段: 晚間
入場價錢: 每人0韓圓
其他消費: 耳環2對 KRW30,000
評分: 值得去3  
下酒菜+前菜
下酒菜+前菜
小米酒
小米酒
長今晚餐
長今晚餐
串燒+炸人參
串燒+炸人參
涼拌魚皮
涼拌魚皮
神仙爐
神仙爐
蒸餃
蒸餃
雪皅
雪皅
來到韓國當然要吃一些傳統特式食物,為了慶祝男友生日,特意預先訂了這裡的宮廷料理~雖然好貴(約HK$800一位),但人一世物一世點都試下。其實地點比較僻~一來到沒有客。一入餐廳就有個部長迎接我倆,跟著帶我地入一個廂房~~因為我預訂時沒有要求要房,所以知道有廂房都好驚訝~我男友都好suprised!!之後入到房就見到有我名的名牌在枱上,坐下來就見到我預先訂的大長今套餐的餐牌(中英對照)放在枱上。它會鼓勵預訂時一拼點餐,因為備餐需時,我倆都食左3.5小時。男友最suprised的是待我們坐下後,部長同佢講Happy Birthday~哈~因我預訂時有講是慶祝男友生日。

除了吃長今餐,我地仲點了一小壺小米酒,好清甜,好飲。雖然樣樣都細細碟但好多碟食到好飽。先來下酒菜(炸海苔,合桃,魚乾,紅棗,甜栗子), 前菜有奶湯~~好滑~好CREAMY~又唔會好勁的奶羶味~

再來特式精選,離不開人參同泡菜~平時人參多是泡湯~今次食炸人參~~幾得意~好似天婦羅咁~唔會好苦,甘甘地味~不錯~

食到中段~來一個神仙爐~好似小型火鍋咁~主要海鮮有鮑魚同蝦~唔知係咪我地食得慢定佢上菜快~~煮得耐左~~D料有點過火~~

食到這裡,就好似法國菜咁~上一個小雪皅給你清清味蕾~韓國特產柑味~~好清甜~

食得七七八八,才到主菜,烤牛肉+人參沙律同鮑魚粥/麵。又一人參新食法~人參切條很爽脆~烤牛肉也很嫩。鮑魚粥好腥,不過加左配上的味粉就好好多,而且粥底好爛,好杰....所以好飽~另外還有預訂時已提出的生日特別菜式奉上,就是海帶湯~韓國傳統生日都吃海帶湯!!哈哈~雖然不是昂貴的菜式,但也很開心體會韓國的傳統~

最後來到甜品,精緻的糕點和一杯凍的酒糟茶給這頓晚餐畫上完美的句號~ 
每人消費: 約166000韓圓 (晚餐)
評分: 味道5   服務5   環境5   衛生5   抵食3
每日一咖啡 笑臉2013-04-01
焦糖Latte
焦糖Latte
Double cheese sandwich
Double cheese sandwich
在離開之前住的民宿前,先到街上吃早餐。但韓國早上沒有甚麼餐廳開門,就只有咖啡店。這裡既是咖啡店也是酒吧~~當然早上它就只是咖啡店的身份啦~~因只是隨心走到這裡,所以店名我地都忘了。

點了一個Bagel,配上淡牛油,嗯....無咩味~~另配焦糖LATTE,沖調師在咖啡面畫上可愛的公仔~~給早晨打打氣~~咖啡都幾甜~

我地仲點了一個雙重芝士三文治~噢~好膩啊~~ 好在旁邊有一些沙律酸瓜可以清一清。
每人消費: 約8000韓圓 (早餐)
評分: 味道5   服務5   環境4   衛生4   抵食4
  0 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-03-22
第二天本來諗住10點去景褔宮睇開門及換更儀式,不過好可惜,我忘記了韓國快香港1小時,較鬧鐘也遲了1小時結果在附近的Coffee Shop輕鬆食個早餐,就行去景褔宮,行左3小時。之後去左著名的土俗村食人參雞湯~食完就起程去梨大潮拜一下,在係附近行左一陣街~跟住就去埋弘大,行下街,再去3D館玩左2個鐘~最後就去醫肚食燒肉~~食飽飽就回酒店~~
光化門
光化門
門口侍衛
門口侍衛
門口侍衛
門口侍衛
每天10am-4pm每一小時都有換更儀式,10點同4點更有開門閉門儀式。宮殿門口(光化門)好似台灣的一樣有侍衛(兵)一碌木唔郁咁日曬雨淋咁企係門口。每天都有免費導賞團(英語/國語/日語),我地錯過了10:30那場國語導賞團,唯有租導賞機(KRW3,000)一邊行一邊聽。

其實亞洲的宮殿都係大同小異,好似古宮咁囉~~建築都係中式~~無乜特別~~不過我地途中去左入面的展覽館,有韓國傳統文化的展覽睇下,就無咁悶。我地去的時候,那裡都有不少地方正進行維修~遲D應該有更多野睇。

景褔宮都幾大,我地都無行晒,因為又凍又肚餓腳又累啦,行左3小時就走啦。臨走前剛遇到側門有儀式進行,就是侍衛行來行去 ,睇完我地先走。
參觀時段: 早上
入場價錢: 每人3000韓圓
評分: 值得去4  
人氣人參雞 笑臉2013-03-22
人參烏雞湯
人參烏雞湯
人參雞湯
人參雞湯
行完景褔宮來這裡食飯~來到已經2點幾,還怕LUNCH會多人排隊。點知唔洗點排就有位啦~入舖後有幾間大房,入房前要除鞋,房好暖(我最喜愛的暖烘烘地板)。主要有兩款就是人參雞湯同人參烏雞湯。我地就點了貴價人參雞湯同烏雞湯各一,就是多了一小瓶人參碎。主菜未到就先食前菜~~泡菜~~今次仲有醃蘿蔔~~好好味~酸辣度剛好~~

主菜來了~~熱辣辣~~除了有一小瓶人參碎外,上菜時還有一杯人參酒跟著。不過這杯酒不是飲,而是倒落湯裡。一直以為人參雞湯只是人參同雞~~點知一路食先發現除了有一條人參(仲有少少甘味),紅棗,栗子,仲有飯釀左係雞裡面~~超驚喜~~D飯淋晒又吸晒人參雞湯D味~~超好味~~

吃完好飽~~我食完塊面仲紅卜卜添~~看來人參對我很有效~~我應該要進補一下啦~ 
每人消費: 約29000韓圓 (午餐)
評分: 味道5   服務5   環境5   衛生4   抵食4
到此一遊 ok喇2013-03-22
曾是[我的野蠻女友]的拍攝地方,當然要去朝聖一下。但其實我對這套戲的場景已沒其麼印象~所以這裡都是到此一遊的景點~在這裡拍了幾張相~逛了一圈~本來諗住拍著燈的圖書館夜景~但要百無了賴咁捱凍等1小時,所以我地就放棄了~
參觀時段: 下午
入場價錢: 每人0韓圓
評分: 值得去3  
買票先~
買票先~
來韓國之前,已有同事推介一定要去這裡,因為會影好多相~之前見其他朋友去韓國影的相都幾得意~所以來走走~在觀光社網上印了優惠券,入場券由12,000W減至10,000W一位~這裡有LOCKER(500W)可放袋同褸~

在這裡真的影好多相~這裡大大話話都有5X張3D畫,每一張影兩張,已經影左1XX張。本來諗約1小時就玩左,點知影左2小時才離開~~
參觀時段: 晚間
入場價錢: 每人10000韓圓
評分: 值得去4  
之前係睇到旅遊書介紹,又近3D館,所以來試試。一坐下又是捧來一碟二碟的前菜~當然不少得泡菜,還有醃蘿蔔,甜蕃薯,芽菜。睇睇餐牌得牛同豬,我地點了五花腩同豬後腿肉,還有一支清露。

兩碟又大又厚的豬肉好快就送到我地面前。韓國燒烤喜歡一大件放在爐燒,燒熟才剪開細細件,再用生菜/紫蘇葉,加點辣醬包著來吃。本人不喜歡紫蘇葉,因為味道太濃了。

先來五花腩~~好大層肥肉呀~~不過好似無醃過咁,無乜味....燒完塊皮有點靭...豬後腿肉好似豬頸肉咁爽口的~

 
每人消費: 約7000韓圓 (晚餐)
評分: 味道4   服務4   環境4   衛生4   抵食4
一日一咖啡 ok喇2013-03-22
第二天早上約十時多,因為要趕住去景福宮,所以係民宿附近的咖啡店吃早餐。我地買了一個沙律,一個蒜頭麵包,一客三文治同兩杯咖啡。

蒜頭麵包味道有點奇怪,就是蒜頭跟面包的味道不夾....雞肉沙律幾好味~醬汁酸酸甜甜的黑醋,仲有杏仁片~脆卜卜的增加口感~三文治就一般啦~

咖啡很好~本人在香港是不喝咖啡的,又苦又怕夜晚睡不著...但韓國的咖啡唔苦嫁~~仲好好飲添~~連我男友(有點鑽研咖啡)都話好飲~~ 
每人消費: 約6500韓圓 (早餐)
評分: 味道4   服務4   環境4   衛生4   抵食4
  0 個留言    |  加入你的留言
新春韓國遊 (韓國)
(旅程日期: 2013-02-16 至 2013-02-21 ,  旅程性質: 觀光攝影, 慶祝生日, 消閒度假)
 整個旅程  (共6篇遊記)
 分享至Facebook 
發表日期: 2013-03-13
坐CX 9:40AM 機~8:00AM去到機場~將行李寄倉後就出境啦~搭左3個幾鐘機,去到仁川機場已經係當地2點幾(快香港1小時)。第一時間就係去搭機場地鐵,佢有兩種"Airport Express"同"Airport Train"。Express只停仁川同首爾站,約43分鐘(8,000W) 。Train就有8個中途站,約53分鐘(3,950W)。只快10分鐘但貴成倍的Express,以我地節儉的性格,當然無揀啦。去到酒店都已經5點,放低行李,收拾一下,著番件羽絨就出發去東大門附近的廣蔵市場。去到已經6點幾,因為好肚餓(飛機餐之後就無食野),立即開餐。食飽飽就慢慢行去東大門逛一逛。 在街邊吃了一串燒雞肉,店員問我地要唔要辣,我地諗住應該唔會好辣姐,一場來到當然要試下啦。點知花了3,000W買的雞串,咬一嗒辣到飛起!!! 我地要飲一支水同一支香蕉牛奶先解到辣。大約10點,我地就行去找陳玉華一隻雞。點知夜晚黑麻麻,找了很久才找到。11點先找到,食到人家1 點打烊,最後搭的士回酒店。
親切民宿 ok喇2013-03-13
簡單設備
簡單設備
房內環境
房內環境
門口
門口

這裡大概有6間房,有一個小小的花園仔。房間面積細,有簡單的設備,電視機,風筒,毛巾,淋浴露,洗頭水,牙膏。謹記要自己帶牙刷。我就是因為誤聽男朋友話酒店有牙刷,結果無帶,要在韓國買。

每個房間都有廁所,沒有分開淋浴間。廁所都好大,不過花灑用起上來就比較麻煩,因為花灑上有一個掣,要按著才有水出,所以沖完涼隻手指都有點累。

今次來韓國,不住現代酒店,而選韓屋,除了比較特別,可感受一下韓國傳統外,就是被溫暖的地板吸引。每晚一入房間,第一時間就是躺下來取暖,真的很舒服。

這裡的主人很好人,很親切。他們一點便會關上大門。第一晚我地1:30AM先回到,嘈醒了他們為我們開門,真的不好意思。但他們臉上還是掛著親切的笑容。所以到第三日走的時候,特意跟女主人影相道別。

民宿附近是總統的辦公室,所以每一條街都有很多警察巡邏,好安全!

順帶一提,民宿已改名為Duri Guest House (www.durihouse.kr) 

每晚價錢: 45000韓圓 (雙人房)
評分: 設備4   服務4   環境3   衛生4   抵住5
傳統市場 笑臉2013-03-13
飯卷+魚卷
飯卷+魚卷
綠豆煎餅
綠豆煎餅
之前睇了台灣一個旅遊節目[食尚玩家]介紹了這個市場,我地都想去一些傳統地方,吃一些傳統美食。更因為想食一些平野去平衡下個TRIP,所以來了這個市場。

在這個傳統市場有很多大排檔,我地食左綠豆煎餅,南瓜粥,芝麻飯卷,湯魚卷。之前朋友係韓國觀光社拎左傳統市場的10,000W現金券無用轉贈給我,我就用左,只要購買金額係現金券70%,商店就要找回現金。我地有兩張5,000W,一張用了吃綠豆煎餅(4,000W),一張用了吃南瓜粥(4,000W),所以我地賺左2,000W,哈哈~

綠豆煎餅有很多檔,我地見附近有位便坐下,再到附近的店買食物。點知座位不是我地幫襯的那間舖,那間舖又已爆滿(其實得10個位),我地就唯有立食啦。不過我地只係行過左少少,隔離舖的阿朱媽就好惡咁叫我地行開點。好慘,舖與舖之間只有一條一個人身位的路,我地唯有邊行邊食。不過市場買野的店舖7點就關門,所以行左一圈又回到起點。說回味道,其實無乜特別,料有芽菜,不過佢煎得好香口,都不錯。

之後我地見到電視節目介紹的粥店,這裡有南瓜粥同紅豆粥,我地點了南瓜粥SHARE。最開心係張椅加了暖氣,暖烘烘真舒服。南瓜粥都幾好味,甜甜的,有年糕在內。

我地仲未夠飽,行多一圈睇下仲有咩其他野食。最後在一間大排檔坐下,點了芝麻飯卷同湯魚卷。兩樣都好味,飯卷即是壽司卷,內有黃瓜,紅蘿蔔,青瓜,好味在充滿芝麻的味道,好香。魚卷是魚腐,煮到好淋,湯底都好好飲。吃完這個就飽飽,埋單走人(7,000W)。

 
參觀時段: 晚間
入場價錢: 每人7500韓圓
評分: 值得去5  
韓式雞煲 笑臉2013-03-13
雞鍋
雞鍋
我地係東大門行過來,一直跟著旅遊書的指示(見到某招牌就轉入巷仔),不過我地行到去鍾路5街地鐵站都找不到。結果倒頭再行一次今次跟著街號找,終於找到!!!至於那招牌原來是門面招牌,不是伸出來的大招牌,由於我地FOCUS錯誤同夜晚太黑的關係,我地用了一小時找到了。

來到已經是11點,一坐下侍應便奉上一鍋雞,一碟泡菜同一碟年糕。等左一陣侍應又來幫我地將隻雞分屍~~雞湯很清甜~~雞肉很滑~~我地無加辣醬~~因為畀街邊的辣雞串嚇壞了~~只是吃到一半,加了一點泡菜入鍋~年糕好煙靭~雞鍋的配菜還有蔥同薯仔~~薯仔好粉~好好味~~我地仲點了一支清露~~味道就是淡d的清酒~都唔會話好難入口~
每人消費: 約12000韓圓 (宵夜)
評分: 味道5   服務5   環境5   衛生4   抵食4
  0 個留言    |  加入你的留言
慶七一廣州遊 (中國)
(旅程日期: 2011-07-01 至 2011-07-02 ,  旅程性質: 飲食購物, 消閒度假)
 整個旅程  (共2篇遊記)
 分享至Facebook 
發表日期: 2011-10-08
第二天,瞓到9點幾,趕落去大堂吃早餐,因為十點收。不過因為接近尾聲無咩野食,只係食左件粟米同雞蛋。不過沒有所謂, 因為預左去飲茶~因為訂了六點的車票,所以沒有預備到較遠的地方觀光, 選擇了去陶陶居附近的上下九路和詹天佑故居, 還有陳家祠。最後還是再到上下九吃下午茶。就起程回港。
古色古香 笑臉2011-10-08

上下九路又是廣州一條必到的步行街。步行街兩旁的建築物仍然保留著當年的特色, 很像走進TVB 的文初街。 廣州人很愛運動嗎? 為何一路上有那麼多的運動品牌連鎖店?

路上有一個特色小食, 就是雞公欖。他一身雞公服, 手執一支喇叭吸引途人, 很多人都幫襯。 

參觀時段: 全日
入場價錢: 每人0人民幣元
評分: 值得去5  
三大酒家 笑臉2011-10-08

十一點幾去到,好多人等緊位,成十二點先入坐。作為香港人,飲茶一點也不陌生,開左茶就叫野食。香港茶樓多數都轉晒剔點心紙,廣州茶樓仲係要拎住張點心咭自己出去拎點心。

兩個人拎左一籠流沙奶黃包,燒賣同蝦餃。其實味道沒有特別 ,只是飲茶真的是廣州人的習慣,因為真係好多人飲茶同好嘈。最後食多碟椰汁蛋白撻,不過超甜。

每人消費: 約25人民幣元 (早餐)
評分: 味道4   服務4   環境4   衛生4   抵食4
詹天佑故居 笑臉2011-10-08
飲完茶,沿住恩寧路行下,睇下西關的建築。途中行左入一條小巷去這個展覽館,其實我地對詹天佑不太認識,所以都係入去逛一圈。這展覽館旁邊的是一間學校,裡面有一條火車軌同詹天佑銅像,不過鎖左無得入,唯有隔遠觀看。
參觀時段: 下午
入場價錢: 每人0人民幣元
評分: 值得去4  
一家藝術館 笑臉2011-10-08
最後一個景點,10蚊人仔入場費。未入去,已娙覺得好宏偉,屋頂有很多雕塑。這裡很大,不同的院子有不同的主題展覽,係可以消磨一天。
參觀時段: 下午
入場價錢: 每人10人民幣元
評分: 值得去5  
  0 個留言    |  加入你的留言