Vancouver的downtown最為遊客所熟悉的應該就是位於心臟地帶的Robson Street. 呢條街有好多不同類型的食肆及店舖, 幾時都咁多人。 入夜之後更時常會有人係街上賣藝, 例如樂手、魔術師、畫家、占卜師等等都會聚集於街上免費娛樂大眾, 當然他們亦都會希望你打賞一下。

但事實上我到這裡的主要目的是為了一嚐這條街其中一間最著名的熱狗檔。 在Vancouver的downtown其實有著好多流動的hot dog stands, 價錢亦都可以差距好大, 而這一間亦屬於偏貴, 一隻hot dog差唔多索價$5加元。 這間 Mr.Tube Steak永遠都在Burrard St.同Robson St.交界的其中一角營業, 一定唔會錯過。 叫了一個 Jalapeno & Cheese dog, 睇住檔主燒腸及配料, 成隻hotdog要兩隻手先hold到, 腸 grill到剛剛好, 唔好乾,咬落去肉汁四濺, 再加上檔旁邊有多種醬料,任君配搭, 就連中式鼓油都有一枝! 在涼爽的天氣下嘆熱狗真係有風味!

一路品嚐美味熱狗, 不經不覺就行到dowtown尾的English Bay, 呢度可算係vancouver其中一個高尚住宅區,因為難得係市中心有一個靚沙灘, 仲可以飽覽對面UBC大學的優美景觀。 行落沙灘前走到附近的Starbucks買左杯Mocha, 然後閒然地沿住沙灘散步, 一切事物都好似慢了下來, 煩惱也拋諸腦後, 真係實在太舒服了... 心想如果在香港的鬧市中有如此的一個地方就好了...

其中一日就到左出晒名既一蘭拉面, 呢間分店位於六本木, 跟朋友上到去佢就首先向我介紹該部售票機, 自己落order。 跟住發現原來呢度只得一款拉面供選擇, 就係一蘭的招牌拉面, 另外我仲加左隻boiled egg。

朋友跟住就帶左我入去見識一下呢個像自修室般的食店, 每一個人都有一個私人的賞"面"間, 聽朋友說係因為老闆想客人可以全心全意, 專心一致咁欣賞同品嘗拉面, 免受其他人騷擾, 真係有心。

就座之後, 師父會在座位前的簾後俾一張單你, 你可以再揀想點樣fine-tune 你碗面, 例如濃度、油度、要唔要蔥呀、叉燒呀 (點會唔要呀 :D) 同埋d 面既硬度, 真係體貼得黎又專業。

隔一陣呢碗期待已久既面就送上, 湯的味濃郁, 但又唔會覺得太油膩, 加上拉面本身軟硬適中, 講真句真係俾係香港食開既贏足不止一條街, 因為在香港大部份食到既拉面湯底都會俾你一種濃得來又太咸既感覺。 一邊食再一邊品嚐我最愛既半熟蛋, 真係人生一大樂事, 原來真正既拉面係咁既... 而其份量更是剛剛好。 坐係呢個嘗面的小天地, 你真係會份外專注地去嘆呢碗面, 所以好快你就會食完, 跟住埋單讓坐...(可能呢個先係背後真正既原因), 但當你離開時, 你個心就已經會同你講一定要起碼黎多次先返香港...