Ar!anna
我是Ar!anna。 我最喜愛到日本,荷蘭,瑞士,韓國旅遊 , 最鍾意遊覽主要地標,城市風貌,動物園/植物園/水族館,戶外活動,食食食食食, 住宿通常會揀4星酒店,民宿。
留言  留言給此旅遊家
  遊記數目 7
  上載相片 74
  上載影片 0
最近分享過的旅程
札幌奇遇記…500YEN做蛋糕之旅
國家/地點: 日本
旅程日期: 2012-04-05
韓國婚FUN FUN
國家/地點: 韓國
旅程日期: 2011-12-15 至 2011-12-20
共找到 7 篇遊記, 正顯示第 1 至 7 篇遊記
札幌奇遇記…500YEN做蛋糕之旅 (日本)
(旅程日期: 2012-04-05 ,  旅程性質: 背包旅遊, 觀光攝影, 飲食購物, 消閒度假)
 整個旅程  (共1篇遊記)
 分享至Facebook 
發表日期: 2012-04-14
Openrice 的遊記比較難攪…那麼就一篇篇寫下來吧。
今次去北海道,除了是自己可以拿雪藏牌一用…更有很多不同的奇遇。
先講一個比較另類的奇遇吧。
入學校前先脫鞋
入學校前先脫鞋
材料…已量好的…大概糖有100G
材料…已量好的…大概糖有100G
打蛋與糖中…
打蛋與糖中…
嘩很多Resberry啊:)
嘩很多Resberry啊:)
焗好了:)
焗好了:)
內有白朱古力及Resberry的cream
內有白朱古力及Resberry的cream
很多莓呢~
很多莓呢~
大功告成
大功告成
如果話人本人做事認真,對客人都充滿熱誠。無錯就係呢樣野令很多人都鍾意去日本。
好多人都會諗,去旅行當然用盡每分每秒。但係有冇想過每分每秒是不是都盡情血拼?
晚上八時許,放下行李,沒有太多購物商場想看,那麼就實現一下自己前一天看過的一間小店。

這間店位於JR 站下面地庫,連著一個充滿年輕的商場(到我走的一天都沒有時間走遍整個商場)
沒錯,就是門口的牌500YEN 體驗
香港的團購體驗做蛋糕一般都花上一百幾十,但是做出來的多數都不好吃,原因都是節省成本而已,而且服務態度不見得好…上次做立體蛋糕,整晚都是打CREAM, 就知劑CREAM, 整個蛋糕除了一塊大而薄的蛋糕片和小於一個蛋撻的小片蛋糕,一小點朱古力外…什麼配料都沒有…真的一次就夠了。

但日本的就真的很不同。500YEN 不是只給你CREAM 同蛋…而是認真對客,雖然我的日文是BB班,的確很BB,識的字不足以考五級,但是經過一翻的情求,他們都很樂意接受我呢個騎呢怪…

今晚我所做的是一個卷蛋
首先,老師給了我兩隻蛋,他們打蛋的方法與香港人很不同,他們是在枱上打的…
然後給我一點糖,然後當然是用攪拌器打一翻…打左十幾分鐘。
開始落一杯大約50ML 的奶,沒錯北海道3.6 牛奶…聽見到爽呢
然後就把小點麵粉"西"下去…接著用Cut and Flod的方法拌勻
好啦…同時老師係焗盤上準備了一點莓果,再把蛋漿倒進去
再把它用180度焗7分鐘。
係呢段時候呢,同學仔要學洗返自己的工具…
原因呢,其實都係想俾個同學仔知道要清潔乾淨…始終係自己食既。

之後呢又點…當然要把蛋糕放涼然後返轉…再塗上果醬…草莓味,很香很濃
同時老師又為我準備左白朱古力裝飾,上面還加了雪硬的resberry磨的小粉沒,真的做到甜與酸度平衡以及減了我對白朱古力的抗拒

同時溶了白朱古力,以及加了resberry 之後呢加入CREAM, 又係打CREAM 的時候。不過真係難打一點,因為白朱古力硬得很快…不消一會,CREAM 變了粉紅色

接著,把CREAM 塗上蛋糕上…然後卷起來…

把打一開二…再切三分一…(另外一半係不知不覺間不見了…), 不過都算啦,因為都食唔晒
再放上一些小盤,加上裝飾,大功告成。最後當然仲有切頭切尾我食埋啦…

整過過程都好開心…果度的日本人對我好好奇…問香港近唔近上海…
大家又以為香港同上海係好近…佢地仲問我要塔幾耐飛機黎
其實係五個幾鐘… 同埋香港人係唔係好叻國語,算啦…都係唔好話自己識,佢地其實都想學普通話…但係…香港人始終會多認自己係香港人。

其實可能人地笑緊我……不過別人笑我太瘋顛,我笑他們看不串。坦白講都幾開心架,因為500YEN 又有得玩又有得食…平時我好怕CREAM, 但呢個酸酸地又有朱古力粒粒的我勁愛。(係香港根本冇可能做到)

其實呢D 體驗班只可以上一次…但係都已經勁開心了。
一個鐘…做好後剛好商場閉門。
參觀時段: 晚間
入場價錢: 每人500日圓
評分: 值得去5  
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2012-02-12
------------------------------------------------
食完飯後…
佢地首先送左我地去酒店…
我仍然都係屈蛇於闊太到,冇理由叫佢一個人架麻
返到房…當然參觀下
同埋即時加影表演…唱歌...
叫我呢個五音不全的人唱歌... 真係有D 攪鬼.. 不過老實講…班泡菜人都唔知我地走音架啦HAHAHA
不過竟然真係會唔記得D 歌詞。

唯有RELEX 下…同濶太太一齊睇下節目
韓國D 攪笑節目都幾抵死
係冰天雪地下食凍甘…… 超攪笑囉
--------------------------------------------------
有些雪變了冰…好滑…
有些雪變了冰…好滑…
請先脫鞋,因為是坐地的
請先脫鞋,因為是坐地的
每人碗上都有一些蔥
每人碗上都有一些蔥
正統的燒肉是把整塊黑豚肉放進鐵板上
正統的燒肉是把整塊黑豚肉放進鐵板上
試一次便夠,口感似變了的蝦米
試一次便夠,口感似變了的蝦米
好好飲的汽水…但係唔知咩味
好好飲的汽水…但係唔知咩味
咪飯,好好食…嚼勁十足
咪飯,好好食…嚼勁十足
好難食的蒸蛋…"鞋烚烚"又冇味…可能香港人所整的實在太好食。
好難食的蒸蛋…"鞋烚烚"又冇味…可能香港人所整的實在太好食。
去到光州的第一餐,就是去跟泡菜先生的朋友一起吃,告別單身晚會…
黎黎黎今餐係食燒豬 , 黑豚燒肉

其實佢地食的步驟好間單。
燒肉… 切肉…
放在生菜包上…加點醬。
醬…係酸酸辣辣
不過好野…
除左生菜其實仲有黃芽白揀…不過生菜好食D
果度有隻芬蘭汽水…有少少波蘿味…不過仲有一種味…但係飲極都唔知係咩
而我要禁酒,所以睇住佢地入燒酒…不過我飲左一啖… 好似消毒藥水味啊。
不過就幾好飲。
呢度的肉好特別…睇落好肥…食落又唔覺喎…仲幾仲豬味,尤其是近軟骨果D
個醬其實入面係有D 麵鼓好特別
仲有可以落D 蔥同埋garlic 不過我就喜歡生菜, 肉同埋醬就好好了。

除左食呢D 當然有其他
蒸蛋… "鞋烚烚" 又冇味一D 都唔好食, 真係食左一啖真係想吐返出黎咁濟…

紫菜湯頂冇公SPOON, 有D 唔衛生﹐所以飲左頭啖湯後… 放棄
丫我仲叫左個飯…點之原來係一個"煙煙UN UN" 的湯飯…清清地但係會食得出有咩米係入面
粘米,糯米, 珍米,糙米。整體呢個好好,除左飽肚仲提供左沖走燒豬腩的肥油。

食完後好無聊,見到韓國人都幾鐘意的冬天小食………蟲蛹
我見到都標冷汗…但係呢係一班本地人鼓勵下,嘩... 食左佢先…
well~~~ 好似蝦米…不過係"叔"左果隻..... 唔算好差,不過一定唔會有下次…HAHA

其實韓國人食燒肉鐘意包完喂你食…呢個係解作友好的意思
不過我呢個都幾"保守" 的我黎講; 我覺得唔好意思… 尤其是男仔餵你…

其實韓國的男仔真係勁主動同進取囉,就算係宅宅地的男仔都會見到女仔都變得進取…

哈哈。惜我真係一粒韓文都唔識…所以我只係靠身體語言去表達

食完後…成身都有陣豬味啊…
評分: 味道4   服務4   環境4   衛生4   抵食4
酒店外的outback
酒店外的outback
酒店大堂
酒店大堂
光洲冇乜酒店揀,我又繼續屈蛇係闊太酒店。
房間很大,還有四十幾吋的大電視

洗手間有浴缸,還有淋浴。
功累的我當然泡一個熱水浴…

床夠硬, 但係.....
時凍時熱……

仲有呢……水杯漏水囉……
每晚價錢: 200000韓圓 (單人房)
評分: 設備3   服務3   環境3   衛生5   抵住3
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2012-01-02

出發啦…買晒糧食, 放好行李…輕輕便便咁出發
第一件事就去地鐵…OMG 點之行左去市政府站 
結果遲左半個鐘先到高速客運站。

兩位美少女早就係到等…
我地勁唔好意思遲到的時候佢地竟然好WARM 咁講左句,好彩你地冇迷路!?
呢度我地都中過招…  地膽都中招…?


----------------------------------------------------
由首爾往光州要三個幾鐘車…原本係想塔飛機…點之都幾麻煩…咁算幾個女仔一齊塔巴士。
嘩塔三個幾鐘車好囉命…
其實對上一次係十幾年前…係歐洲

---------------------------------------------------
由天光坐到天黑,由冇雪變有雪…
終於係七點到步。
光州比我想像中先進…我仲以為係得農田同草地
--------------------------------------------------
泡菜先生與新娘子係巴士站等我地
七個人逼入架車…去邊?
第一件事去Motel 放低D 行李…
之後去開飯…好多泡菜人等我地呢班香港人黎

從北走到南 ok喇2012-01-02
天氣不俗啊
天氣不俗啊
寧靜的街道
寧靜的街道
人山人海的車站
人山人海的車站
排隊等買票。
排隊等買票。
閘口…等上車
閘口…等上車
外面下雪了…
外面下雪了…
到啦到啦~~ :)
到啦到啦~~ :)
好悶啊…最怕坐長途車。
我同我新識的朋友兩個人去塔地鐵到高速客運站找兩位新識的朋友
兩位都係美少女呢,一位係度WORKING HOILDAY, 一位係韓文老師。

天啊,太感動了…因為我呢個文盲除左靠我D ,電子孖寶外…真係啞架
好啦…會合左就塔巴士

對上一次塔長途車係十幾年前去歐洲果陣…最記得係由瑞士去法國果陣幾乎俾車撞…
點解!? 我急就黎……架車好彩DUP 得切…嚇親所有人……
冇計…長途車加上天氣都凍…(四月我好記得歐洲都係得十度到。)

今次又坐長途車了希望都安全抵達

沿途其實有電視,我上左車就除晒D 外衣…鬼咩好熱啊
越坐越熱,好似去左汗幕蒸咁。

訓一陣又醒下食下野又訓一陣…終於好不容易到達中途站
下咩話得十五分鐘... 嗚嗚…坐到PAT PAT 都硬晒…

下車後就衝去洗手間…HAHA 多多少少都放低D ……

同伴呢就去買點心…好粟子啊。

上車後就發覺外面有雪…嘩嘩嘩雪啊
我好耐都冇見過啦…對上一次係十幾年前係瑞士=_=!
鬼咩幾年前去東京,二月去得果五度…竟然係下雨……

但係份量少呢…見到都好過冇....

真係由天光坐到天黑…
評分: 值得去3  
都幾層樓高
都幾層樓高
躲角落的小卡…不用問我是什麼..
躲角落的小卡…不用問我是什麼..
初雪
初雪
好不容易咁泡菜先生車左兩個女仔去佢地住果間Motel
點解? 因為平囉…

其實只係想大家近一點,咁咪唔怕大家唔識去婚禮場地。

房…幾迷幻架喎…其實係情調就真…
入面算幾乾淨同企理…
算係咁啦…話晒都叫酒店

門口有間房仔,reception.. !?個window咁都幾似睇完醫生去藥房…的感覺。

攪笑…竟然問兩個女仔要唔要dom dom.. !? 無錯係男仔用果D
笑了…
評分: 設備3   服務3   環境3   衛生3   抵住3
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2012-01-02
由於同伴的是塔另一班機…而且比我的夜,所以昨晚不夠時間去血拼。
一早…我們先來一個自助早餐…然後出發血拼,沒錯,只有一兩小時血拼她想要的東西
第一站就係LOTTE 個DUTY FREE~~ 唔去唔得…因為雪花秀實在太平…舶來品就不必了…
第二站就係YBOOK STORE, Store 除左D 書較香港平,還有一些特色的賀卡…只可惜沒有結婚賀卡。

接著…寄行李後我們就要起程塔車去光州了。所寄既當然係戰利品啦:)
19樓的餐廳
19樓的餐廳
沙律~
沙律~
自家制迷仔紫菜包飯
自家制迷仔紫菜包飯
沒有時差的我,八點起身食早餐。由於想早點外出血拼,所以我地就揀左呢度的自助早餐…
好豐富真係乜都有 由西式的蛋呀,茄汁豆到中式的粥都有
當然唔少得就係日式的食物同埋韓式食品啦。


先來一個沙律,再黎一個蛋白。
接著就係大戰粟米片
然後就一堆未食過既野,包括spicy 的小小軟腳蟹=_=!!
最後就以紫菜包飯跟生果結尾

泡菜人真係好特別,可能天氣凍,一日三餐都要食飯。
其實係香港人攪笑…早餐可以有牛扒,魚生 …

而呢度都有好多野飲…終之滿足到好多人的願望啦
每人消費: 約18000韓圓 (早餐)
評分: 味道4   服務4   環境4   衛生4   抵食4
Duty Free ok喇2012-01-02
大戰Duty Free後
大戰Duty Free後
Ybook Store 內找到的賀卡
Ybook Store 內找到的賀卡
好多好靚的生果
好多好靚的生果
好靚的糕點
好靚的糕點
韓式關東煮
韓式關東煮
電子飛仔~ :)
電子飛仔~ :)
冷麵
冷麵
闊太們原來是甚愛這品
吃過超豐富的早餐後…
我們來了……
闊太太的朋友叫她買雪花秀, 冇錯…必買手信之一…
LOTTE DUTY FREE 係十點前係要酒店後門塔升降機上去…
真係少D 頭腦少D 人都唔得…一個跟一個,上到去好似去左大陸咁…
鬼咩呢度係DUTY FREE 咩~
血拼時刻來了…經過十分鐘…一大包戰利品成為千幾蚊……當然係美金。
同時就送左好多SAMPLE 啦…

而我呢…就黎一個whiting mask 俾D 羊群… 始終白羊都係愛美。
可惜我的SAMPLE... =_=!!!

血拼過後做乜…當然回酒店放下戰利品再出發啦。
去完第二個購物點後,寄存好行李…

出發再黎LOTTE MART
去光州前必定要食飽先…食之前當然去行下呢個勁多野買的SUPER MARKET,
呢個Supermarket真係好多野買…其實果度唔算好大…但貴精貴多…其實果度有 D 似SOGO

個MART 咁大食咩好…

我呢個白痴就叫左韓式的關東煮… 盛為6000大洋其實真係勁貴…不過都好好食。
另外一個就係飯團…1800 個大洋…算不錯罷。

接著就係買野食上車啦…大拿拿幾粒鐘車程
我地就買左柑啦,同埋零食…還有麵包。

評分: 值得去3  
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2012-01-01
訓醒覺去邊!? 開始拿著購清單去血拼。
不過去之前當然要食飽飽先啦~



---------------------
其實冇乜期望的我變得好有驚喜,除左好多野食外,仲有好多平的化妝品…
不過真係唔多岩男仔去,不過呢如果係享愛街頭小食…的確幾好架

OMNI HEAT, 坦白講…唔多掂,睇返入面唔係DOWN, 而係POLYESTER
但係夠薄身… …如果係DOWN, 我諗會好D …

三千蚊一件咁既野…HUMMM, no comment.....
中文餐牌
中文餐牌
紫菜包飯+小食
紫菜包飯+小食
香噴噴的牛肉湯
香噴噴的牛肉湯
終於訓醒,三點幾﹐最好食D 野醫下肚
三點幾的明洞人唔算多,路邊攤亦唔算多…
求鬼其去左間叫新堂洞年糕開我既首爾第一餐…

拿拿林叫左個紫菜包飯同埋一個牛肉湯先…

先黎小食…韓國人的餐一定會有的餐前小食
味道唔錯喎…又唔算好Spicy
well 湯同紫菜包飯都黎左…

先試下個Kimbip先…每個都唔同味既…
有D 好甜,好香肉味,有D 就勁Spicy... 件件唔同好驚喜

個牛肉湯,好香牛肉味,佢係用牛展架喎… 個湯清得黎又唔多油…仲係奶白色…
用一個石煱盛住…仲送埋碗飯…
外面得果-幾度…而我就暖笠笠…好開心啊。

由於我真係一粒韓文都唔識,好彩老闆見到我係BACKPACKER, 所以專誠拎張中文的餐牌俾我。
仲識講普通話……

三點幾原來都有一班香港人係度…食完一班又一班,難道旅遊書講過!?
推介菜式: 牛肉湯,紫菜包飯
每人消費: 約5000韓圓 (午餐)
評分: 味道4   服務4   環境4   衛生4   抵食4
買得太遲 ok喇2012-01-01
終於到了… 一個十分似銅鑼灣的地方。
終於到了… 一個十分似銅鑼灣的地方。
血拼第一站…MISSHA *3*
血拼第一站…MISSHA *3*
帥師的皮帶
帥師的皮帶
仿皮皮散子包…價錢頗貴
仿皮皮散子包…價錢頗貴
收到一班同事的購物清單後就浩浩蕩蕩咁去SHOPPING原來Christmas 前係有大減價……嘩…
先黎MISSHA, 首先買蝸牛……但係呢度冇CLEANSING FOAM.... Grr
唔緊要…蝸牛系列…原來平過香港一大截~ 嘩.!! (返到香港…我老細問我點解某同事去完我到咁開心…係度WE Wa鬼叫原因係真係好好好平…三分一價錢…爽耶)
仲有一隻CREAM, 香港冇既…1500WON... (總之買多D 返黎賣…送禮自用真係超抵)

MISSHA 血拼左十幾萬…( 咁大個女第一次俾錢俾十幾萬俾得咁爽…HAHA)
可惜Sample俾得少…

下一站…Skin food.....其實都係平一半到…不過都好…幫同事又買到荀野…
原來Shopping 係咁爽…… 幫人買到平野更爽… (一向不嬲都唔係好熟呢D 野的時候…哈哈…睇黎真係要學下… )

再黎…行下inisfree, 同埋the face shop, tony moly... nature republic.. 等等
嘩嘩……越行越凍.. 不過見到D 皮帶又勁平…(唔洗一百蚊就有一條,D 樣仲好睇過香港…把他收下做聖誕禮物先 :P)
之後呢越行越凍……好想買頂帽…angry bird? 22000?!!! 算放棄, 改買手套... 細心找找就找到可以玩smart phone 的手套…不過都幾貴…但係天氣太凍,冇得揀。

行行下…見到好多socks!? 1000 蚊起跳…仲要有公仔? 有冇咁抵…唔理反正我黎的時候乜都冇帶… 買幾對頂住先… 但係D 款太攪笑……同埋太靚…

行到凍凍地…不如去食下小食…魷魚絲。其實呢D 野通街都有.. 不過其實係比香港貴, 5000WON....

好夠鐘去酒店屈蛇
放下行李再黎~
評分: 值得去5  
房間外
房間外
IBIS, 一向都是一個走向中價路線的酒店。
單人房星期五晚是大約八百幾蚊一晚...
坦白講…一間單人房其實夠兩個人住…
所以呢,我總覺得雙人房係呃人…

入到酒店…
其實都有兩對拖鞋.. !? 一個人用兩對…ANYWAY,
房間四平八穩,沒有浴缸…
電視…仲係大大部果D……不過是但啦,又唔係用黎長用。

床…軟軟的…硬一點更好。
每晚價錢: 800港元 (單人房)
評分: 設備4   服務5   環境4   衛生5   抵住4
唔記得影個牛肉拌飯。
唔記得影個牛肉拌飯。
天寒地凍…原本係想食冷麵,可惜找不到。
唯有到明洞這間店到食…
入去第一件事…除衫,除外套不過都有少少凍凍地…但係如果著住黎食又BULKY, 又唔會保暖。

先黎一個湯,非常正常…紫菜湯… (真係唔明點解香港果D 鹹到呢…想死。)

紫菜包飯到,飯味十分香,其實又係一D 好平衡的感覺,點解?
韓國人一向把五行放在飲食…其實行街行左咁耐,肥人真係少架喎…
呢度的飲食好似好千遍一律咁,其實係多菜少肉,真係一個健康的選擇。


再黎…又拌飯…小小spicy, 但係好野味 牛肉味濃而不膩

嘩埋單都係每人三十幾蚊…
呢到最岩係俾一D 冇乜彈藥的朋友黎食。

呢間可以係平靚正。




每人消費: 約5500韓圓 (晚餐)
評分: 味道4   服務4   環境4   衛生4   抵食5
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2011-12-26
五點幾到步,好眼訓因為訓得好差…幾乎冇訓咁濟…哈哈。一落機果下呢…
真係好似正宗芬蘭浴咁… 好在行多兩步就有暖氣。

到步後做乜

1. 租電話
我租的係NEXUS S, 哈哈,終於俾我試到
其實都算平架啦
1400 + 5000 無限數據 一天。 ( 去韓國觀光公社有條LINK, 然後去S ROAMING 上網預訂…)
數據對一個一個韓文都唔識的我黎講…簡直係正…

先DOWNLOAD 一個LINE, 一個WHAT'S APP, 再黎一個生果報, PICASA 同埋XE, 咁就唔會口啞啞。

PS: 不過網上果張預約紙,所講的ARRIVAL GATE 11, 係講緊ARRIVAL HALL 入面的小COUNTER... 我去到因為咁俾佢地FAKE 左……HAHA.

2. 換錢…請去韓國觀光公社DL COPUON, 兌高D…不過可以留返D 係明洞換…當地朋友話有間係換得幾好…不過太遲了… =_=!

3. 去G25 買T-MONEY, 塔地鐵靠佢。

----------------------------------------------------------

接者去邊緊係塔車啦…
由於A380 比較大隻,所以有指定位,而且仲幾近移民局
由於A380 比較大隻,所以有指定位,而且仲幾近移民局
KITTY 迷必看… :P 前往地鐵的路
KITTY 迷必看… :P 前往地鐵的路
月台,呢度好似冇咩暖氣所以都幾凍。
月台,呢度好似冇咩暖氣所以都幾凍。
望下個地圖先…
望下個地圖先…
車票… :)
車票… :)
好鬼眼訓…原來俾13000就可以塔架快車去市中心…
仲可以一個人罷兩個位…因為勁少人塔
同埋得兩個站,機場同首爾。

落到月台,好攪笑,一個欄之隔就與普通車同快車隔開,仲係前後隔…呢個設計都幾特別。

ZZZZzzzzZZZ

又安全又可靠,一個人去旅行最徍之選。

訓醒FEEL 到少少凍就岩…落車。
入場價錢: 每人13000韓圓
評分: 值得去5  
0830 .. 好眼訓
0830 .. 好眼訓
到了…… :)
到了…… :)
正門…冬天去韓國必到之選。
正門…冬天去韓國必到之選。
岩盤浴的說明…
岩盤浴的說明…
0830, 到逹首爾站…平時呢個時間都係剛起床。
今天天氣好好…不過咁早係冇鋪頭開…加上咁眼訓
所以就不如去 (外面溫度得-6)

HEA 下
入場費9000

首先緊係除鞋衫…
之後可以選擇洗白白與否… ( 本人不太習慣齊齊坦蕩蕩,所以都係換衫便住上走)
地板好暖啊… :) 難怪咁多人就咁訓係地下。

上去.. 一樓係食區,兒意遊樂區同埋按摩區…當然有個暖暖的大堂。同埋一間間唔同的房。
我呢個HEA 鬼…去左俾錢按腳=_=! 50000 大洋!!
一個鐘的按腳,頭九個字都係按腳,最尾就按下身咁

佢地的按腳比較特別…是整個人躺下…男技師手法不俗…
睡前按一按…爽呀。

按完腳後會幫你按頭…最爽的一刻…力度岩岩好…。
然後按背…

按完後,真係好似差完電咁…不過都去下D房都睇下先。(二, 三, 四樓)
1. 素氧房是有部放氧機…想入去訓…可惜爆左……
2. 有中藥的…我坐左一陣…好熱… :)
3. 冰室…又爆了…因為有班後生仔係入面食雪條。
4. 汗蒸…六七十度…見到門口都覺得熱。
5. 泥洞同SALT 室…睇下好了…下次有朋友一齊去先試。

實在太眼訓…按完都差唔多十一點幾…
去五樓…睡眠室…
入面有一間間好似籠屋的床仔…私人到極高…又好靜…
ZZZZZZZZ 床墊軟硬到剛好…

結果一訓就訓左三個鍾… :)

PS: 佢地個洗手間係冇暖氣…真係一冷一熱…身子差D 都好容易著涼……
每晚價錢: 9000韓圓 (其他)
其他消費: 按摩係自費
評分: 設備4   服務4   環境4   衛生4   抵住5
  0 個留言    |  加入你的留言
韓國婚FUN FUN (韓國)
(旅程日期: 2011-12-15 至 2011-12-20 ,  旅程性質: 背包旅遊, 觀光攝影, 飲食購物, 探訪親友, 消閒度假)
 整個旅程  (共6篇遊記)
 分享至Facebook 
發表日期: 2011-12-26
12月15 日,天氣甚好。不冷…,天啊,因為首爾是-6, 香港是16!?
韓國,一個沒有太大期待的地方,亦沒有計劃去那裏,因為時間太少了, 兩天半左右在首爾,兩天到光州
目的是去朋友的婚禮…!!! 十分期待反而是韓式婚禮。

背包只有一件「摸人脾罅」這期太熱的錫紙包裝層,因為香港實在太熱。同時當然加了一有輪的袋。
接過一班同事的代購清單後,下班出發
同事購物清單? 沒錯…蝸牛。

----------------------------------
早前天前,上網揀了位。大韓淩晨機果然好爆…而且仲係A380, 機粉必試。
我挑的是56A,目的都是一個
冬天多數是由GFS 那邊開始,飛到半天就可以欣賞維港景色。
A380 用的ENGNIEE 係用TRENT 又或者GP, 不過呢架似乎都係TRENT …
機雖寬,但很嘈。同埋好震…唔係氣流果種,係FEEL 到佢係到SHAKE.... =.=!
收輪果下呢,真係「劇劇」者…加埋個ENGINEE....真係有少少失望

更失望就係變晒坐位,連上去睇下的機會都冇……更慘的就係連關於飛機/航空公司的紀念品都冇得賣


算,食住花生睇下戲啦…睇咩睇POOH POOH, 算係咁啦…

開飯…





餐前小吃…花生 跟波蘿汁
餐前小吃…花生 跟波蘿汁
開飯啦~ :) A380 枱墊
開飯啦~ :) A380 枱墊
韓式伴飯—비빔밥
韓式伴飯—비빔밥
黎個近鏡
黎個近鏡
極少有的金屬餐具,自911 後都甚少見到
極少有的金屬餐具,自911 後都甚少見到
唔計港龍果個公仔點心,
大韓呢個飛機餐…真係好好好好食…好食過香港韓X家果D。
開飯前送上一杯果汁…唔錯

派餐時見到成枱都係食物…仲有一個SIZE 有近半碗飯的即食飯…
同埋一堆醬…

去呢一程食配菜,有蘿蔔, 牛肉,瓜, 大豆芽幾種啦。
我的做法係把麻油倒進去…然後倒一點醬,
再落飯,拌下去,再加一點醬

這個醬,一點都不SPICY, 太多醬又會搶味…所以有點敗筆,不過對於不習慣食Spicy 的人黎講…
都好,讓他們試試。

牛肉,份量唔多但係好有肉味同Juicy, 大豆芽好爽,除左個瓜有點老之外…其餘都好OK。

麵士湯…好好啊。不鹹…很難找到一個有麵士味但又唔太鹹的湯。(雖然是加熱水沖)
其實飛機上的食物是比正常濃味,原因是氣壓的改變令人的味覺都會變差
雖然飛機已減壓…但是仍然與地面差一點…

不過這個食物的確做得出色…
推介菜式: 韓式拌飯
評分: 味道5   服務5   環境5   衛生5   抵食5
A380 的感覺 笑臉2011-12-26
洗手間內還有CREAM~~ :)
洗手間內還有CREAM~~ :)
老實說,新飛機的確給人一種大而闊的感覺。
首先樓底的確高,以往我伸手就可觸頂,現在不行了。
枱的設計好好,令個MON 可以更大,而且它的視角只有大約150度,隔離位跟本很難看到你看什麼。娛樂性十足,可以利用鏡頭看看飛機TAXI, TAKE OFF, 頗有趣。還有電制給你叉電……
果粉同AND粉 友就最HAPPY.

坐位…算闊,但是訓就真的麻麻了。

首先腳前沒有承托…航班時間太短…所以沒有足夠時間讓人躺下。

溫度,本人覺太太熱…下機時有一種焗完一身的感覺。

評分: 設備5   服務5   環境3   衛生4   抵住3
  0 個留言    |  加入你的留言