HIGHLIGHT即場搾既果汁、煎奄列、同埋湯河，HIGHLY RECOMMEND個湯河，個湯係甜架!加埋辣粉就甜甜地辣辣地，ENCORE!!

阿BOB就ENCORE左個奄列，佢話好FRESH好正WOR!!

(重有叫waiter order latte, cappuccino 係free 架,吾係就會比行貨coffee 你)

JUNGCEYLON就o係正我地住o既MILLENNIUM旁邊，係一個超大既SHOPPING MALL，分開左幾個ZONE，舖頭有BOOTS、SWENSEN'S ICE-CREAM、CARREFOUR(家樂福)、ROBINSON等，如果大家想用FREE WIFI就要去BLACK CANYON COFFEE喇，ORDER任何野就可以無限上網，記住係無限，布吉裡面唯一既綠洲呀!!其他餐廳COFFEE SHOP全部都要比錢，呢個o野o係CAFE NERO有份，所以D COFFEE都唔錯o架!

經網上GE道聽途說，係度買SEAFOOD再拎去上面既FOODCOURT檔可以幫你加工，超平wor，咁我地就買左1KG GE噴水花甲(50BAHT)、半KG老虎蝦(3隻-160BAHT)黎試試，呢度有一間叫YOUR KITCHEN GE檔口，有中英文紙仔解釋煮法及價錢，多得之前黎過GE香港人咋，謝謝!

兩碟海鮮再ORDER多一碟蝦醬炒通菜(50BAHT)埋單都只不過係140BAHT(海鮮加工費為40+50=90BAHT)呢餐合共360BAHT，折實港紙$100蚊都唔駛，問你怕未!?味道一流，呢個價錢有超水準GE好味道，10個LIKE推介!!
(買魚、蝦、蟹都可以拎比佢加工，任君選擇)

食過返尋味，阿BOB話不如再買海鮮留定今晚再食多餐，但係老闆餐廳話佢地收5點鐘，失望!!不過佢話拎出去街市門口隔離GE HEMINGWAY'S餐廳都可以加工，重開到MID-NIGHT添，即時開心晒，拿呢臨揀定條斑仔(700G-133BAHT)、再ENCORE花甲(1KG-50BAHT)、同花蟹(550G-240BAHT)做今晚既晚餐!!

同餐廳BOOK好時間同講好D SEAFOOD點整之後我地行左去對面GE THAI BOXING STATION望下，係門口有個THAI佬SELL我地TICKET，阿BOB再次發揮佢口水佬GE小宇宙：講價!!1700BAHT張GE TICKET平左500BAHT，正呀......

由於真係太熱，我地一致贊成行返文明GE冷氣商場，拳館行返JUNGCEYLON都只係一分鐘，返MILLENNIUM再多三分鐘，沖個靚涼先!!出返酒店再行下JUNCEYLON，其中一個ZONE GE BASEMENT有好多工藝品，手信舖仔同埋MASSEGE，消磨左個零鐘就夠鐘返HEMINGWAY'S食晚飯喇!!

HEMINGWAY'S GE裝潢幾好又有露天位坐，坐低一陣就上菜了，條魚用BBQ開邊燒配酸辣汁，魚燒得太乾身無乜味道靠個汁去吊味，mama地，薑蒜炒花甲小小辣，有d HK ge影子，幾好，個咖哩蟹唔太辣加上好多蛋花，但汁略為唔太杰，ok la…之後再order一碟炒雜菜、2個椰青，合共870BAHT，加埋買料費要1290BAHT，相比下晝個餐，呢度ge加工費貴左6、7倍，令到我地好掛住Your's Kitchen……

其實對出條街D 野食仲多仲吸引,不過吾係太敢咁快試law, 肚痌ge 話之後几日行程點算r......
不過真係好香好吸引rrrrrrr

食完都差唔多9點，行返去斜對面ge拳館剛剛好開始入場，等左一陣拳手入場, 睇睇下點解個2 丁友咁細粒ge?原來佢地得6、7歲人仔, 咁細個就練泰拳，唔通佢地都想做Tony Jar第2???

睇左幾場至知分年齡去比賽，6、7歲，之後12、13左右跟住17、18(靠估)，卒之到成年組，比較有d睇頭，乖乖不得了真係拳拳到肉，打到彭彭聲，下下無揸流，重要有d幾靚仔、當打、有身材，睇到阿BOB留哂口水呀!!!哈哈…

個晚外國遊客好多，但係本地人更多，因為佢地會即場投注買邊位拳手贏，所以佢地叫得特別大聲同特別激動!!現場感覺好緊張，唔怪得睇波都要睇現場啦!!

睇到11點半阿BOB頂唔住要訓，所以餘下拳賽都唔睇LU，一出門口見到有PANCAKE食，阿BOB即時醒返話要食，為食到呢..
(對比起之後几日再食ge幾擋，係最好食!!)

過左海關D TAXI公司就熱情主動黎兜搭，650BAHT車到我地酒店，講左幾次都唔肯減，但係隔住塊禁區玻璃見到一大班的士佬牛咁眼咁望住我地，有如一群喪屍一樣咁猴擒，我就知無價講GE你並唔會係我GE FIRST CHOICE，不過我地都同左呢間公司唱錢，唔搭佢車都幫下佢LA!(其實係半夜乜鬼都CLOSE，佢地又出3.7RATE，唔唱我地都無錢比TAXI...)出左禁區，果然喪屍群就峰擁而上問TAXI?TAXI?不過問左好幾個都唔肯減價，正當我地感覺到"領左野"之際，見到幾個香港人都問緊TAXI價，阿BOB就發揮佢口水佬GE小宇宙，上去扮FD搏下一齊搭TAXI SHARE車費，佢地十分好人都話OK我地當堂定哂，加埋我地有8個人夠租一架1,100BAHT MINI VAN，除返都係140BAHT左右，抵呀!!真係出外靠朋友，HK PEOPLE HELP PEOPLE呀下!大家係車上有講有笑好快1個鐘車程就到，佢地去THE KEE HOTEL所以我地先落車，再三多謝之後我地拿呢臨去CHECK-IN，"支力"到連WELCOME DRINK都唔飲就上房，入到房我地勁開心好似鬼上身咁不停咁影相，因為酒店方面送左ANNIVERSARY DECORATION加COMPORARY CAKE比我地!雖然房唔算好大，不過都算OK LA!!