屋企附近新開左間炸雞店,決定同韓丈夫一試！

好多人唔知,其實大部份炸雞店都有得選擇部位,包括雞翼,雞搥,全雞和去骨雞肉。
而味道就間間都有分別, 通常有蒜香豉油味,韓醬味,芝士味,大蔥,等等！

今晚太懶煮飯,就去食炸雞！
港女妻唔鍾意在外啜骨咁 無儀態,所以叫左無骨！

一上枱好驚訝，係平日嘅兩倍份量！
味道好好！大蔥好新鮮,好爽脆,又可以減低炸雞的熱氣感覺！加埋啤酒,正呀！
不過 我唔鍾意韓醬,太甜,又令炸粉淋左！
雞肉彈牙無雪味！好好味！

 整體幾好！不過炸雞店連鎖又好小店又好一街都係,都係四圍試下啦！

懶得煮早餐,不如落街食早餐！
港女妻食唔慣韓食,所以都係去paris baguette食包包！

港女妻鍾意此店有得坐,店員亦會為你焗番熱包包！
包包名韓英對照,仲有卡路里,啱晒女仔！

今朝買左一個蘋果派一個煙肉包。
蘋果派係港女妻最愛,果肉多 ,不太甜！
煙肉包無咩料,但勝在軟綿綿！

最貴的是1500 ₩的果汁,又甜又假！

回程買左三文治俾懶惰的韓丈夫, 厚厚多菜好好味！