今天是最後一日全日活動日，我不愛ＳＨＯＰＰＩＮＧ，鐘意四處行，今天的目的地在臺北市立動物園和烏來二選一!


在台灣網站看到介紹烏來是這樣的：春天來到烏來可從緋寒櫻、富士櫻、吉野櫻賞到八重櫻，色彩繽紛的景象讓遊客愛上烏來，到了夏天烏來成為消暑的好去處，南勢溪和桶後溪可露營、釣魚和抓蝦，讓大人小孩消暑解熱，秋天的楓紅、瀑景以及冬天的溫泉風情。


考慮多天，認為動物園一年四季也可以去，但觀看我想看的楓紅的話就只有在秋天了吧，既然現在是１１月，把心一橫決定去烏來喔。不過網上有關烏來的楓紅資料非常甚少，來來去去都只有官方資料，所以楓紅是否存在呢對我來說是一個問號。


由台北車站開始，搭了一個半小時車才到達烏來。先入眼簾的是那一條長長的紅色橋，原來這就是烏來觀光大橋，在上面拍照和自拍後，再走進烏來老街。

由於時間尚早，老街中很多店子還未開鋪，但手信店就有幾間開了。是旦在一間大店買了友人推介的黑金鋼落花生，而我鐘意食小麻糬，購入一大盒有幾種味的，除了花生味最配合外，其餘款式味道則很一般。


烏來亦是浸溫泉的熱點，這裡有不少溫泉旅店，原來不需要住酒店才可以入去浸的，這裡亦有供半天／四小時的溫泉計劃，價錢方面極經濟！不過時間關係我沒有去浸，事後有感到可惜，所以有機會再來烏來的話我是不會錯過享受溫泉的樂趣啦。


烏來景色有山亦有水，一條長長河流穿過烏來中心區。可惜紅葉沒有漫天飛舞，它們已成為地下一堆又一堆七凌八落的枯葉了，唯有感嘆時機不對。  

最後一晚在台北了因為不想重覆去過的夜市，就上網找呀找，見到有個永和樂華觀光夜市只是距離酒店幾個捷運站，所以又試下去嚕。


在頂溪站下車，出到地面後，只看到人很多，找不到路牌，好在有交通警正在指揮交通，原來出口轉左手直行便是，加上大部份人都是行這邊，一定沒錯呀


這個夜市有四條街，如同十字路口一樣，不過主要得正門入口打後這條街較為旺場。飲食方面大致和早兩天到過的夜市不相伯仲，特別只是有很多檔是賣手撕雞和麻油雞的。今晚吃了難食的麻油雞加一杯沒加糖原來是極難入口的白苦汁和可麗餅作為晚飯。好飽但不滿足囉～


這個夜市除了飲飲食食，特別在有很多兒童遊戲，好似轉轉馬﹑波子機﹑夾公仔機等等，所以這夜市裡有很多小朋友出入，回想起好似我們細細個在屋村商場周圍走的日子。

適逢ＪＡＹ出新專輯，既然來到台北，就直接在台買吧！出發前透過電郵訂購ＣＤ，以及幫朋友訂購書本，電郵有專人處理，他們的態度和服務均一流。輕輕鬆鬆就完成主要事情。

我安排早上時候拿取書本ＣＤ，我選擇此分店，是因為這是全台２４小時營業的分店，很方便我的行程。

我十點來到已經有一眾市民在看書了，台灣人的確很喜歡看書呢。大家席地而坐／樓梯都坐，沒店員趕，沒人會介意，店內更附有疏化和枱，一間好的書店除了書款多書量足是不夠，沒有良好配套，哪可令愛書本的人更加愛閱書呢？

 

如非去MR.J餐廳，我也不會踏足台北醫學大學。(我份人無咁學術性)

這裡環境實在很大，建築物亦很有古典味道，很多街坊也在這裡休憩，或帶小朋友玩樂。我自己也不例外，在寧靜的校園內填寫明信片給自己。

 

在MR.J餐廳享受過後，下一個目的站是淡水。來到淡水是下午三點鐘左右，由於未肚餓又未夠鐘看日落，所以先在淡水老街行下和買下手信。一條小小的老街，可能是近海關係吧，很多店都是賣魚的制品，好似魚旦﹑魚酥。我也在較多人幫襯的信義魚酥買了魚酥兩包，（同事吃後讚很好吃呢！）當中人氣手信店～阿婆鐵蛋和阿媽酸梅湯也很易找到。

除了食之外，也有很多店舖可以逛，短短的一條淡水老街，要仔細行的話真的有排行的呢！ 我只是草草去了幾個手信店後就去吃周杰倫...套餐了

期後有三個馬來西亞女生上來，她們都想上三樓，此服務生照說不可以上三樓，大家聽後都無所謂，統統在二樓安坐。原來這裡要先在到地下收銀點餐，再等服務生送餐的。這時候我順道問收銀員＂三樓今天不可以坐嗎？＂收銀說＂要二樓坐滿先開放三樓＂，我是信的。

等食時，我看到那三位馬來西亞人的衣著是杰倫的粉絲會，呵呵！我便和她們傾聊一下。剛好老闆娘上去三樓，粉絲A就拉住老闆娘說＂你好，我是從馬來西亞來的，點解今天三樓不可以上去呀？＂ 

我看到老闆娘和粉絲三人組打了一打眼色，查實我都不知道是什麼意思？但粉絲三人組突然O咀+眼突突，我便問其中一位粉絲發生什麼事？她輕聲說：杰倫現在在三樓啊…!!!!!!

我們進食期間聽到杰倫的笑聲由樓上傳到下來二樓，大家都輕輕笑出來～我感覺到好微妙，一直只在活動中/演唱會中聽到他的聲音，不過都是靠支咪傳出來，今次是無任何機器下，是真人發聲！佢把聲好好聽好可愛哦～XD

無耐見到工作人員開始落樓，之後到周媽媽，點知個粉絲A突然衝出去，說＂你好，我是從馬來西亞來的…＂周媽媽聽後突然轉身極速上樓等多五分鐘，用衛衣帽的套住自己個頭的ＪＡＹ真人就落樓，這時候的我牛咁眼望住他，腦部停頓，只想一回事：我和自己的偶像只是隔一張木枱距離!!!!

在我呆若木雞時，點知粉絲Ａ截住ＪＡＹ的去路，說＂你好，我是從馬來西亞來的＂，ＪＡＹ沒作出任何反應，只是點兩下頭就下樓去了。

老闆娘同我們講，杰倫每次來吃飯都好熱情，今次他還帶了新碟送給老闆娘呢！老闆娘更爆出今餐ＪＡＹ吃了兩隻烤雞腿和三碗餛飩湯


我覺得如果不是粉絲Ａ事先張揚得太緊要，我估ＪＡＹ可以輕鬆下樓的話，就不會全城戒設備的出現了。 點都好我的確很開心，可以在無預期下和超愛偶像同一地點同一時間食同一樣野，哈哈。這個收鑊真的忘不了~~~

雞脾等了幾個字，原來是即烤的呢雞脾好似用了鹵水汁來醃制，再細火慢烤，烤到雞皮下的脂肪全無（真正消脂），皮薄得剔透，可惜我無法品嚐！雞肉極極極嫩滑，每口肉都有鹵水汁甜甜香香的味道，非常正斗！連骨頭都好好啜啊

今晚第二個參觀的夜市就是師大夜市。這個夜市主要客源是附近幾間大學的大學生，所以來在這裡你會發現很多型男生.....和可愛女未買東西吃，我對眼睛已吃緊冰淇淋了


這個夜市不是只得吃的東西，其中兩條街的小店鋪均是賣衣服鞋襪精品之類，我也有入去看看價錢，咦咦~都幾經濟的耶。不過我本身是肥斯大隻型，而店子多數售賣是小巧可愛系的衣服，想買也不成，所以我看了幾間鋪就去搵食了。


這裡最出名的許記生煎包，(文章在後)，其餘的食物款式和昨天在饒河街的不相伯仲，不過這裡多了水果店，我本人看到水果就好興奮，很多水果都好想吃但太飽啦，唯有看著水果陣邊流口水就算數了。


另外同事推介的牛扒餐又是必食，但台灣的食物真的又平又超太份呢，我望住很多市民排隊吃牛扒餐，看一眾鐵板滋滋炸炸，油煙滿天飛，吸引的確很吸引，但我食力已是零，最後以其他小食醫肚。

得知這間酒店都是'扮幫襯'去旅行社時'順便'問問有什麼好介紹下才得知。回家後自己直接上網訂房，價錢估不到非常之平，平均每晚400多港元，一個人負擔也不用太重，加上重點是酒店非常近捷運站和台北火車站，旅行最重要交通方便嘛。

房間比想像的大間，(上網的評語很多人都話好細間好窄)，我覺得二人住也足夠非常牆上掛有LCD電視，兩邊則有窗子﹗房間很整潔，附有拖鞋﹑衣架外，更免費供應茶包﹑支裝水和茶壺等。一直以為一人房張床會很細，但原來用上雙人床呢，很舒適。沖涼室內什麼都是透明的，這個價錢沒有浴缸，企缸也OK啦。

只是冷氣機帶點問題，一來對正床頭，二來調較溫度時先SET好溫度，再熄機又開機才通行。最後想到瞓床尾，就解決到冷氣吹到頭的問題。

酒店二樓是開放式免費廚房和洗衣間，咖啡﹑茶水任拿，另外多士爐﹑微波爐﹑雪櫃也在這裡STANDBY啊。

酒店服務生有很禮貌，回來的話他們會向你說"歡迎回來"，而且雙手奉上門匙。

PS:在旅程最後一天我想寄張明信片給自己，我問'哪裡有郵局我想寄信'﹖他們說可以幫我寄信出去呢，很貼心的服務啊。

老闆推介的天婦羅飯每碗都有三大隻蝦再加配菜，天婦羅的炸層又薄又脆，蝦大隻肉又爽。食哂三隻大蝦已經非常的飽!!!!d飯食唔哂呀。

之後細老闆就話帶我地去太陽城太子酒店見識下(哈哈)，淨係個大堂已經美輪美奐，不過唔近JR站，有好有唔好咁喇。

即叫即制，我睇住靚姐姐好熟手咁整，我都流哂口水了...(當然是對住PANCAKE流喇)我點的那件是主打朱古力味道，仲放左好多士多啤梨件﹑滑滑忌廉﹑朱古力蛋糕一件和幾粒朱古力粒粒好食到停唔到口呀!

去呢度主要係去細老闆推介的""二目之果子""買大量零食和去海鮮市場。因為佢話呢區買海鮮比超市的新鮮而且平很多呢﹗

我地先去海鮮市場買最想吃的腳蟹，我和同事各買了三包，畀完錢收銀處後面有免費冰塊給大家包裝買了的海鮮，哇﹗日本人真係好周到我地三個人都為了自己買的蟹腳好努力咁包呀包呀包~~(最後同事仲整爛左人地個膠紙機呀!)XD而在二目之果子我地則見乜掃乜，麵食就最多的，又係老闆推介嘛(事實上食後感真係好鬼得喎)

買齊哂0野就回新宿的酒店匯合大老闆佢地。

食完晚餐我地就搭駁巴去二號機場完成辦check in 手續.辦完都夠哂時間入禁區(還有一小時飛機起飛啦).順利入到禁區，因為我地仲有很多錢剩呀!所以響免稅店盡買手信.貴?係呀,貴一貴都殺呀

車程只得五分鐘

在池袋睇鞋睇衫行商場，好多人呀﹗玩到不亦樂乎呀~~呵呵呵

行到對腳又開始攰喇，我又好肚餓，於是求其去一間餐廳食0野。估唔到求其搵都搵到好野...

下午四點幾都有好多人等緊位，我地等左十分鐘先有得坐。睇下餐牌原來呢間係西餐廳0黎，貴又唔係好貴，不過我地對佢在1700-2300才提供0既超級特價餐很有興趣，好想食呢個餐0既情況下就同服務員''溝通''下，哈哈，佢話現在都可以叫呢個餐，唔知點解呢??不過算喇~~~WOW!!!發達!!!! 呢個餐真係唔介紹畀大家就真係要打自己了見到喇，前菜 & 主菜 & 甜品/特式飲品(可以要甜品再加錢<400日元左右>多杯特式飲品) = 1300日元。味道一流，份量好巨，特別係個甜品(由其是同事吃有布甸那杯)，真係好似唔使錢推到滿一滿0架(HEY!個杯都唔係細喎)

黎香港先知我畀人呃左呀

証據a---給細老闆試味後佢話唔似巨峰提0既質素 

証據b---同事在第五天行程中的御徒町市場買了一盒比這盒平一半的巨峰提回港，而食後報告後表示係好味好多，皮唔淋肉又脆. 

結論---呢盒0野係流0既!

我想吃0既包款店員話未蒸得夠時間(其實隻隻包我都想試下0架 ...不過全部日文字都唔知入面係咩黎，而我點0個個包唯一一個有漢字>>>'豚'，所以...XD)，我R爆頭之際同事就話去返頭先我話想去試下0既mos喇。

坐左兩個鐘車，都係未到目的地，途中我恰左不少次眼瞓添~因為大老闆佢地想去下廁所，轉下轉下就0黎到呢個勁大型0既超市喇!!!!

就快正午但天氣仲係咁凍(打哂牙陣)，要補補體溫所以就響超市買左d薯片for'暖胃'，然後返上車。

上箱根條路塞車塞到死呀.全世界D車都係一步一步爬上山.

快到1330差不多四個鐘的車程，終於到左箱根溫泉喇^.^小涌園有兩隻一粉紅一黃的代表人物，佢地好攪鬼0架，見人拎起相機就會自動波行埋0黎^^~

入場後就去取外套同儲物室鎖匙，男女更衣室的層數是不同的，大家先各自各去換泳衣，在等侯處集合(途中我和同事又迷路，0個場太大了，哈...哈...)

決定同老闆佢地分開玩分開浸，我和同事就唔玩室內區住，去左室外區先。山上的氣溫超冰冷，但無阻著住泳衣通街走0既我 XD

我地主攻呢度0既特別泉：紅酒﹑綠茶﹑辣椒﹑炭等，可惜最想試的朱古力泉無左了...而所以泉水溫度比以前在台灣浸過的無咁滾熱燙(細老闆話泉水唔熱=唔正宗)，但 0岩我喎﹗

特別泉位處於山中，抬頭就望見d山呀樹呀咁，仲有疑似的紅葉的紅色樹葉呢^^﹗泉水中會些枯葉小樹枝的浮下浮下，加上滿山白煙飄飄，給大自然包圍了﹗

1510浸到一半

實在太肚餓和極度口乾，就返去泳池區食下午茶。點了湯拉麵﹑鮮茄意粉﹑燒小丸子和每人一支飲品，價錢不貴d 0野又好食(美食廣場級數都可以有咁出色0既美食，香港邊度有﹖﹗﹗)

ps---不得不讚日本人真係好叻﹗大家都知浸溫泉唔方便帶住銀包/私人物品，所以手頭上戴住0既locker鑰匙有另一個作用，就是儲存支出記錄。我地響場內食左d乜買過d乜，全部都拍一拍個收費機，輕輕鬆鬆就存左資料入去，到checkout時才一次過付款，非常方便~

更厲害是條匙浸極熱水都唔會損裡面塊晶片，佩服~1600細老闆指定走人0既時間

我地未玩夠，不過浸完特別區後遇到細老闆，"講好數"後佢畀我地玩多半個鐘 XD。咁我地就雞咁腳跑返去室內，玩另一個期待0既"魚魚食腳皮"池 XD

去到先知到了魚魚休息時間，但我很想玩呀，都係等半個鐘，見得廿幾人排隊，我唔想錯過，於是我話輪流等，每人等十分鐘，咁同事就先去再玩過。等等下細老闆再度出現就問佢一唔一齊，估唔到佢又肯喎等左半個鐘終於入得，我地係第二批，再等多十分鐘就玩得了。每人先在消毒盤內洗腳然後抹乾對腳，然後圍住一個水池邊坐，放對腳入去(浸到半隻腿喇)，d魚魚就會自動波0黎圍住對腳 

 望住自己對豬腿畀魚圍 ，原來我右腳腳趾公好受歡迎喎 XD 而細老闆浸左一次就唔敢放返對腳落去，哈哈(不過佢事先張楊係好怕痕=W=")。全場人響度嘻嘻哈哈，好開心呢﹗

不過每次得5分鐘時間玩，玩完要消毒埋對手先走得。

最後和同事玩埋室外0既SIR滑梯一次，我地先捨得走...

去細老闆推介的烤肉店食飯。呵﹗和牛超好味肉味超~濃；辛辣冷麵都好好食~~~麵底是宇宙級的彈牙呢(回味中...)可惜沒有拍照...

時間還未到中午十二點，已經有半場的食客在進餐了。我們三人不用等位就入內，笑容滿臉的阿姨帶我們坐在出菜處的那邊，老闆和我們說這裡的炸豬扒是非常好吃，他每次來日本都會吃的﹗不懂日文的我對著日文MENU只以圖片和價錢來找尋想吃的，炸豬方面有個定食較貴，相信是豬柳了，我就選這個，同事選了豬扒定食，老闆則選了滑蛋豬扒定食。等食期間聽到廚房裡的聲音，每人都煮得十分起勁似的，微細的炸炸聲不絕，喝口熱茶，用濕紙巾抹抹手，定食也在10分鐘之內到了。 

定食包括有金黃炸豬，椰菜絲，還有漬物﹑湯和珍珠飯，認真豐富。趁熱先吃口炸豬柳，肉質彈牙!嫩滑!帶有肉汁!薄薄的外層炸面極鬆化，但絕不感到有油膩感，厲害!每件豬都是厚厚的，口感相當豐富。人生中未吃過這麼好吃的炸豬啊!!(高呼)炸豬沾上啡色的甜醬汁，更添美味，但個人認為此炸豬不沾醬就最好吃，醬汁反而用來撈飯~哈哈~YUMMY。椰菜絲也絕不簡單，爽!甜!脆!這種菜的天然甜味至今未令我忘記﹗從未試過吃淨蔬菜也可以有這樣子的滿足，當然，配以店方提供的柚子汁一起吃，簡直令我這個酸命至上的人都給俘虜了...美味的高潮並未在這裡停下，還有湯，不是普通的麵豉湯，店方加入了大量的蜆，而每個蜆裡面是有蜆肉的!令湯變得鮮甜無比，麵豉湯味都清甜，兩者合起來簡直再次殺死人呀~~~~~而珍珠飯煮得軟綿綿，帶著獨有的黏性，飯!你也太好味了吧?! 

小食同事的炸豬扒，由於肉和脂肪的比例差不多是一比一，吃了一件較滯，還是炸豬柳是全肉的好吃。 

除炸豬和漬物外，其餘的食物都可以無限量添加﹗店員阿姨很醒目，第一次用上她那溫柔的聲線問我們要不要添加食物，見我們望著她發呆呆的，就知道我們聽不明，就直接用行動表示她的意思了~~~XD 

在幾年前幫襯過香港的丼吉日本吉列專門店餐廳，那次對我來說已經是一次美味的經歷，估不到，一山還有一山高，とんかつ　いなば和幸絕對是炸豬界中的表表姐呢!

間店90%都係賣HELLO KITTY0野，講真真係有好多好多款精品，仲有好多限量0野添，但我鐘意0既肉桂狗同我阿妹鐘意0既Charmmy Kitty相比之下就得好少了，最後都有買少少0野0黎做手信。

去新大久保0既目的係搵下我想買0既洗頭水...間salon.

幾經辛苦先搵到指定呢間代理salon，同個型仔髮型師指來指去一輪後(其實響度溝通緊=_=)，好可惜我用開0既牌子響呢度無入到我想用緊0既款式。0黎日本前我明明向呢間出品商問好哂，重點係佢點我0黎呢間買添~~激氣呢 

出返0黎車站附近，就周圍行下，同事主要去睇衫(因天氣比我地預期中冷，佢無外套來旅行要即時買件0黎著)

行到餓餓地，個人又凍，去了7仔買了...關東煮

估唔到既係便利店出品都可以咁美味~蘿蔔入味﹑芋絲彈牙﹑豆腐裡有很多五穀粒粒 & 獅子狗好煙un。每款0野都係100日元上下 

想在店內開餐之際，畀店員駒趕出門口，原來日本便利店唔畀人食野0架﹖攪到我要企響街邊食，天氣凍呀覺得都幾慘

 630日元。忌廉夠滑，香濃朱古力原來是沙冰0既質地再混入大量朱古力粒粒一百分美味!!!

呢間牛角正正在所住0既酒店樓下~~hohoho。幾種牛肉都很麻麻，加上個炭火十分難控制。只有牛舌烤出來後是非常多汁又彈牙，厚牛舌更正啦!!!!夾埋都有吃了四﹑五塊。

STAR HOTEL在新宿區,離新宿JR站行過來真係5分鐘都唔使.夜返都無又怕.哈哈圍繞酒店附近的食店非常的多,便利店都多...真係十分方便...

不知名烏冬一碗.湯底味道濃郁,蛋白幼滑的半生熟雞蛋,烏冬又滑又彈牙再加煙un.

睇下個餡...double雞肉堡!!!煎蛋又是好鬼滑...麵包用上麥包,到手上仍keep住鬆軟的(不像香港麥當當,淋到一劈0野)

我地在迪士尼玩足十小時!表演SHOW很落本!有煙火有音樂有舞蹈有美女有美男有趣緻公仔人物全場靚衫排場勁etc....我本身唔好迪迪尼都覺得是一場GOOD SHOW!個花車巡遊很盛大.無論表演者同遊人個個人都好high! 

可惜既係...因為行到對腳已經唔係自己了+我地攰到不似人型 所以無等到八點半的煙花表演，加上要趕返去新宿join老闆佢地食晚飯，唯有走了。