三點水... 的遊記 - 旅遊指南 - 開飯遊蹤 - World Travel Guide

三點水...

我是三點水...。我是一名Creative Copywriter。我最喜愛到日本，馬爾代夫，芬蘭旅遊，最鍾意遊覽自然景觀，歷史建築/遺跡，公園/遊樂場/渡假區，戶外活動，住宿通常會揀4星酒店，5星酒店。

留言給此旅遊家

遊記數目 3

上載相片 49

上載影片 0

最近分享過的旅程

淺遊上海,玩轉世博五日四夜行

國家/地點:

中國

旅程日期: 2010-05-18 至 2010-05-22

共找到 3 篇遊記，正顯示第 1 至 3 篇遊記

淺遊上海,玩轉世博五日四夜行 (中國)
(旅程日期: 2010-05-18 至 2010-05-22 , 旅程性質: 背包旅遊, 遊學增值, 觀光攝影, 消閒度假)

整個旅程 (共3篇遊記)

分享至Facebook

遊記 : 第3日

發表日期: 2010-07-30

由於昨日係世博行左10幾個鐘，都已經好攰，所以我地轉左一下個行情。
DAY3既今日我地中午先去豫園，下午5點鐘買夜票再進世博。
呢到要俾個溫馨提示士大家，呢個真係重要！！

豫園既地鐵線將會係下午4時關閉(不肯定是否每日都係)，換言之，你想搭地鐵，就一定要係４點前走。如果唔係，就好似我地咁，要搭的士去另一個地鐵站先可以搭到地鐵

商業化後的小橋流水－豫園 ok喇

2010-07-30

豫園 (上海, 黃浦區)

每人均要買票

好多錦鯉呀

其中一條龍(全園好似有四條)

作為每本旅遊書都推薦的景點，加上可以睇下小橋流水，我想確實要去一趟豫園。
不過，遊覽完後，這個景點可以視為去一趟後，應該唔會再去。

首先入園是要買票的，每人40元人民幣！

作為旅遊景點，這樣的收費無可厚非。
可惜入園後，盡是旅行團，到處都是人，想影靚景唔係咁易，
想享受一下周圍既環境？偏偏十分嘈吵，不斷有旅行團既導遊大聲介紹。
個人認為，如果未去過，而且又好鍾意亭台樓閣既建築，係可以一去這商業化後的景點。

如果唔係，慳返個四十蚊啦！你去蘇杭，呢Ｄ景應該多到影唔哂！

參觀時段: 早上
入場價錢: 每人40人民幣元
評分: 值得去3

檢舉此評論

回到頁首

一試無妨--南翔饅頭店

2010-07-30

南翔饅頭店 (上海, 黃浦區)

鮮肉小籠+蟹粉豬肉

這間店舖沒有人會陌生，來到豫園，點都會黎試下。
一樓既外賣部同船舫廳都好多人，所以我地直接上左二樓
二樓分為長興廳同鼎興廳，供應既小籠有少少分別，
不過要留意係長興廳每人最低消費係$30;鼎興廳就每人最低消費$60。

其實黎之前做好資料搜集，這裡的小籠並不是很非常出色的，食的是名氣和環境。
我地叫左鮮肉小籠($28)+蟹粉豬肉($48)，仲有呢到要薑絲要加$1，
食物不過不失，服務都可以，
但其實比起上海的鼎泰豐或佳家，差不多的味道，南翔價錢貴了一倍有多！

值唔值得，就睇你點睇，我就覺得可以一試，去旅行嘛

每人消費: 約30人民幣元 (午餐)
評分: 味道4 服務3 環境4 衛生4 抵食2

檢舉此評論

回到頁首

食物還好，但沒有服務可言--寧波湯糰店 ok喇

2010-07-30

寧波湯糰店 (上海, 黃浦區)

酒釀丸子

芝麻湯圓

係南翔附近，仲有呢間寧波湯糰店都幾出名，湯圓有鹹有甜，花款夠多。
入到去，多人既程度令人咋舌，好不容易搵到個位坐低，叫左十分鐘執野都無人理，
去到收銀到買飛揀食物時，收銀嬸嬸既態度更加不可一世，問多兩句都唔想理你，
如果係多人排隊我都理解，但個時其實得兩三個人排隊姐。
作為一間係旅遊點既熱店，咁既服務態度真係不予自評，可能真係覺得唔憂做!!

講返食物，湯圓我地係叫返正常既甜湯圓：芝麻湯圓
都無咩特別，同一般糖水店無異。
不過要讚下個酒釀丸子，唔係招牌，唔係旅遊書推介，
但真係幾好食，淡淡的糯米酒香和桂花香，粉糰夠煙韌，我自己比較煙韌既口感，但香港好多時都食唔到。

推介菜式: 酒釀丸子
每人消費: 約20人民幣元 (午餐)
評分: 味道4 服務1 環境2 衛生3 抵食3

檢舉此評論

回到頁首

驚歎+必去--世博文化中心

2010-07-30

世博-文化中心 (上海)

外面睇已經歎為觀止

遠望中國館

一覽黃埔江夜景

睇埋噴泉表演就完美！

見大家都係去國家館，但其實呢個飛碟形既世博文化中心都係非常值得去

當然手握表演卷可以黎呢到睇歌星或文化表演，冇都可以上去文化中心外圍一覽世博夜景。
今日夜晚再次進駐世博，就上左世博文化中心睇夜景同食晚飯。
上到去見到既景真係好靚好震撼，而且呢到影相一流，絕對要去。
但文化中心好似都關好早，九點幾已截人龍，想上去要早點排隊喇

參觀時段: 晚間
評分: 值得去5

檢舉此評論

回到頁首

0 個留言 | 加入你的留言

淺遊上海,玩轉世博五日四夜行 (中國)
(旅程日期: 2010-05-18 至 2010-05-22 , 旅程性質: 背包旅遊, 遊學增值, 觀光攝影, 消閒度假)

整個旅程 (共3篇遊記)

分享至Facebook

遊記 : 第2日

發表日期: 2010-07-30

Day2
一早便黎到世博，全日在這裡，遊覽了七,八館，實在太多人了，平均大館也要排兩三個小時。
最唔開心係日本館，排幾個鐘入到去係唔比影相！
建議大家飲多Ｄ水，唔係實中暑。
同埋如果在夜晚才進館，會比較快，
俾D貼士大家:1.)特別在閉館前的半小時，放人既速度會好快架！
2.)想影靚相是要有耐性的，因為很多時間只會影到好多人頭。

而家我重點介紹兩個館！
香港同韓國

遜色－－香港館

2010-07-30

世博-香港館 (上海, 浦東世博區)

一早門外已經有不少人

第一層，旁邊播緊電影

第二層

第三層

夜晚挺漂亮

入園後，第一時間去排香港館，始終身為香港人，對香港館是有一份特別感情的。
排隊的時間不算太耐，大約四十五鐘，但不時被人打尖！

單看外形，香港館比起旁邊的澳門館，中國館已經顯得較"低調"，但我仍覺得香港館的外觀是不俗的，而且內涵才最重要。不過當我遊覽完後，對香港館只有兩個字--失望！唉！

第一層是十分鐘的３Ｄ電影，蜻蜓點水式咁介紹香港。
第二層係落地玻璃，而且有多部設觸控屏的電腦，sell科技？！
第三層濕地花園，有不同種類的花草，原意不錯，但單靠這一層狹小的地方，真的能讓人感受到香港的綠化嗎？讓人感受城市讓生活更美好嗎？顯然是不能，遊人大多行過就算，而我更覺得這裡是一塌糊塗，扮米浦嗎？裝作濕地？唉！

難道我們香港沒有其他東西作為賣點？
老實說，香港歷史博物館展覽緊既"香港故事"，入面既野比起呢到出色十倍，有價值十倍，起碼行完會令人對香港更有認識囉！

愛之深責之切，我相信上一位旅遊家比喊瞼都係咁諗，
我比ＯＫ，因為我起碼個Ｄ紅色懷舊燈係唯一比到感覺係香港獨有，但這是應該高興定可笑呢?

推介項目: 紅色懷舊燈飾
參觀時段: 早上
評分: 值得去2

檢舉此評論

回到頁首

值得排隊－韓國館

2010-07-30

世博-韓國館 (上海, 浦東世博區)

靚！

水族箱

幾得意

如果你有去北韓館，再去韓國館，你會感受到兩者對比之大。

夜晚的韓國館非常漂亮，而且像積木一樣的建築，亦非常具特色和搶眼，即是旁邊的日本館也被比下去。
排了半個鐘，底層不時會有韓國式的表演，讓排隊的人士有點娛樂，不錯！
乖扶手電梯上到館內，有展板介紹韓國的文化，風土人情等。
有水族箱展示海洋生物，介紹韓國的海洋，還有展示韓國的科技：３Ｄ立體眼鏡
其後有可再排隊觀看劇場，但我們還是爭取時間去多幾個館

參觀時段: 晚間
評分: 值得去4

檢舉此評論

回到頁首

0 個留言 | 加入你的留言

淺遊上海,玩轉世博五日四夜行 (中國)
(旅程日期: 2010-05-18 至 2010-05-22 , 旅程性質: 背包旅遊, 遊學增值, 觀光攝影, 消閒度假)

整個旅程 (共3篇遊記)

分享至Facebook

遊記 : 第1日

發表日期: 2010-07-30

第一次遊上海，當然充滿期盼。
再加上有世博呢個盛事，簡直係未出發先興奮。
酒店，機票，世博入場門卷一次過係中旅搞掂哂，因為我地係預訂世博飛，仲有得平添。
然後去書局買埋本旅遊書，Ｐｌａｎ好哂行情，是次背包旅遊就開始啦。

DAY1行程
酒店＞外灘＞吳越人家

港龍早機，１１點幾已經到上海。
第一時間當然去酒店Check-in先。
Check-in完，都快４點了。
拿了相機，背包，便到外灘拍照，順便享用晚餐。
這天比較簡單，當然是為明日的世博遊做好準備。

幸運旅程的開始-Novotel Hotel

2010-07-30

上海海神諾富特大酒店（Novotel Atlantis PuDong） (上海)

樓高50層，我地住第42層，GD!

唔好以為係模型，係間房望出去既景，好正

另一邊既房景

門口

房間整潔

未去之前，都有Ｄ擔心。因為呢家酒店係網上評論好壞參半，但去到真係成個心定哂。
首先我地好幸運，去到佢幫我地免費升級至行政房，樓層高Ｄ，房大Ｄ，間既view都唔錯。
起初我地都好懷疑，左問右問使唔使要額外費用，但個接待員都好有耐性話唔使

。

住左四晚，服務好好。
朝早既自助餐早餐好豐富，我地每日都食到好飽先去玩。食左4日，真係肥左幾磅，哈哈！每晚返黎都見到有２枝水同朱古力放係台面（唔使錢），而且執房執到好整潔。酒店位於陸家嘴金融區，都幾靜，人流唔多。距離地鐵站只係５分鐘，都算方便。

總括黎講，我真係覺得呢間酒店真係好有水準，亦唔算好貴（係浦東黎講算平，當然比起浦西既酒店貴一截啦!），住左4晚，大概係RMB700-800一晚啦，因為我地係訂套票，所以都唔肯定。

評分: 設備5 服務5 環境5 衛生5 抵住4

檢舉此評論

回到頁首

媲美維港－外灘

2010-07-30

外灘 (上海, 黃浦區)