最近分享過的旅程 |
共找到 117 篇遊記, 正顯示第 81 至 90 篇遊記 |
四年前肥肥家族曾經去過東京睇櫻花,而兩年前就乘坐超豪華o既Crystal Serenity郵輪暢遊歐洲多過地區,兩次旅遊o既靚景同美食到而家小肥都仍然歷歷在目;坐完郵輪河時,大家其實都已經開始幻想緊如果兩個trip可以合二為一再玩多次就正囉!今次真係比我地恨到,2014年初,Crystal Serenity郵輪咁啱就有航線由橫濱(Yokohama)黎香港,我地當然係第一時間組團兼報名啦!
由於橫濱離東京唔遠,大肥爸爸就提議大家先飛去東京玩幾日,然後再坐車去橫濱上船。哈,好在大肥咁爛玩,因為咁啱就喺上船前兩日,東京落大雪,世界各地來往東京有多班航機都受到延誤,部份更被取消添;如果我地冇計劃到預鬆三日時間去東京玩,而係等到上船嗰日先飛往橫濱,就算我地唔走船,恐怕情況都會幾狼狽吓,所以大家都好感激大肥有此特別安排!
2月10日(多雲):Crystal Serenity Day #1 之 Yokohama橫濱
上船當日,我地朝早喺東京凱悅酒店九樓個Hyatt Regency Club度食早餐同辦理check-out手續,一個地方搞掂哂,唔洗上上落落,夠哂輕鬆、簡易、快捷。我地大約十一點半離開酒店,乘坐巴士前往橫濱「大さん橋」(英語拼音:Osanbashi)郵輪碼頭,全程兩個鐘頭有找。
到達橫濱「大さん橋」郵輪碼頭,辦理好登船手續後都差不多成一點半,因為大家都肚餓,所以第一時間就去咗Crystal Dining Room度醫肚!食完晏,我地就上房安頓好自己o既行李,然後再出發去市中心「濕平」。「濕」到咁上吓就返上船Happy Hour,一邊飲酒,一邊聽音樂,直到八點半再入Dining Room食晚餐。
2月9日(小雪)
由於早一日落大雪,為怕交通會造成影響及安全理由下,我地結果留咗喺新宿活動,並將原本o既行程計劃順延至翌日,即離開東京前o既一天。嗰日係我地喺東京o既第三日,間中仍然有漂雪,街上積雪頗厚,但已開始溶解,所以地面都幾濕滑,溫度亦較冷;好在團友們都著齊禦寒裝備,靚女姐姐又每人派咗對日本人超人氣o既發熱鞋墊,大家都適應得到。
我地當日各自食過早餐後,就乘搭酒店穿梭巴士去小田急百貨公司,會合哥哥位靚女朋友,再由佢帶我地坐地鐡,向銀座一家我地四年前都已經光顧過o既美登利(Midori)壽司專門店出發。食過一頓大家一致裁定為「東京境內最平、最靚、又最正o既魚生」,我地就坐的士去女士們指定o既地點濕平(哈哈,小肥都係最近學識「濕平」等同shopping!)。
「濕」咗兩個鐘頭左右,手持多袋戰利品o既女士們終於同意係時候食下午茶啦,我地就朝六本木方向進發,去返我地上一次都有幫襯過o既甜品屋Toshi Yoroizuka飲茶食西餅。雖然當日有名廚老闆Yoroizuka先生親自炮製多款甜品,但可能因為食唔到上次食過超正o既蛋蛋梳乎厘啦,肥肥家族都大為失望!各人食下午茶o既時間因店內座位不多及排隊先後次序而有所偏差,故大家就約好食完後,就分別行去鄰近o既Tokyo Midtown商場一邊行一邊等,之後再集合行去附近o既一間居酒屋度食晚餐。
食飯時講起先知,原來團友們雖然之前都黎過日本玩,不過當晚都係大家第一次行入一家居酒屋進膳!我地十個人當中,有男有女,有老有嫩,食後感想卻一致,覺得「朝日食堂」(居酒屋之名稱)雖則唔係好好坐,但勝在氣氛好,食物質素高,大家都好慶幸小肥有此居酒屋安排,以作我地「東京狂食狂購三日遊」o既終結;見團友們食得咁高興,細佬都覺得好安慰!
2月8日(大雪)
肥肥家族每次出門旅遊,都必定會預先編排好每日o既行程,因團友眾多,所以出發前兩、三個月,我地就開始集齊各人o既特別要求、商討及計劃,為求大家都玩得開心,食得滿意。人算不如天算,我地喺東京o既第二日,原本計劃好一早起身,食完早餐就搭地鐡去銀座及六本木行街遊玩,點知哥哥訓醒一打開窗簾,就發覺外出落緊雪!正當細佬讚嘆雪景如何優美o既時候,哥哥已經開始擔心年長o既團友們;為怕佢地於雪中行走因而跌傷,及交通安全理由,哥哥就立刻聯絡上靚女姐姐,規劃新o既行程,盡量留喺酒店附近活動。
哥哥同靚女姐姐兩個都有睇天氣報告,得知當日會不停落雪,而且會越落越大,故此最終決定喺酒店附近o既名百貨公司「高島屋」shopping,食午餐。食完晏,團友們行咗差不多三個鐘頭就已經疲態盡露;眼見窗外積雪漸厚,大肥同團長二人就順勢提議落去高島屋最底層o既超級市場,買啲魚生返酒店作下午茶。嘩,我地一出高島屋門口,個天已經黑哂,雪勢強勁,能見度低,街上o既車輛不多,的士更加係寥寥可數;雖然高島屋離酒店頗近,但為安全起見,我地結果都係排隊搭的士走人。
Happy Hour時段,我地喺Hyatt Regency Club度飲酒,食魚生,見雪勢冇減弱,又聽到其他住客話地鐡有幾條線出現問題,就叫靚女姐姐快啲離開,以免因交通混亂而返唔到屋企。我地原本訂咗位出去食天婦羅,無奈連酒店都call唔到的士,所以就被迫取消訂座,改為留喺酒店coffee shop度食晚餐,早啲返上房休息。四年前肥肥家族曾經去過東京睇櫻花,而兩年前就乘坐超豪華o既Crystal Serenity郵輪暢遊歐洲多過地區,兩次旅遊o既靚景同美食到而家小肥都仍然歷歷在目;坐完郵輪河時,大家其實都已經開始幻想緊如果兩個trip可以合二為一再玩多次就正囉!今次真係比我地恨到,2014年初,Crystal Serenity郵輪咁啱就有航線由橫濱(Yokohama)黎香港,我地當然係第一時間組團兼報名啦!由於橫濱離東京唔遠,大肥爸爸就提議大家先飛去東京玩幾日,然後再坐車去橫濱上船。
2月7日(天晴)
計埋我地一家四口在內,由香港出發o既團友們共六人,年初八朝早天未光就起程去機場,乘搭早機前往東京。因為大家都好滿意上次所入住o既新宿Hyatt Regency酒店,覺得地點非常方便,所以今次決定再住多次!辦妥好入住酒店o既手續,安頓好行李後,我地第一時間當然係要醫肚啦,求求其其就走咗入去附近o既小田急百貨,上樓上一家日本料理。
食完午餐,我地就返酒店飲咗個下午茶。Happy Hour一到就一邊飲酒,一邊等待四位由美國飛黎o既姨媽姨丈們。傍晚八時,全團十人到齊,就由哥哥個靚女朋友帶路,行去牛脷專門店Negishi食晚飯。日本人出名客氣,哥哥個靚女朋友亦不例外,送咗一大盒士多啤梨比我地做飯後甜品!6月6日(天晴):離開羅馬
唔經唔覺原來已經離開香港玩咗成兩個幾禮拜,真係快活不知時日過!6月6日我地乘坐阿聯酋航空下午航班離開羅馬,經杜拜返港。因時間比較鬆動,嗰朝早我地先喺酒店食過早餐,辦理好checkout手續,就搭專車前往機場。羅馬機場及其工作人員都比肥肥家族留下一個極度惡劣o既印象,所以返抵香港o既第一刻,小肥o既感想係家始終香港最好,旅遊始終係Crystal郵輪最好!6月5日(天晴):羅馬自由行一天遊
Crystal Serenity郵輪到達羅馬,大家依依不捨地同佢道別過後,就坐上哥哥預早安排o既車輛,前往InterContinental De La Ville酒店check in。
擺放好行李,手持多張地圖,我地就跟隨團長出發暢遊羅馬一天,一邊睇景,一邊shopping。食完一頓超級好味o既午餐後,行到差不多五點,大肥爸爸就開始大叫頂唔順,所以我地一家四口飲完個下午茶就返酒店休息。到食晚飯時先再跟團友會合,搭的士去Hotel Majestic食一頓XO仔從未食過o既西西里晚餐。見食完晚餐時間尚早,團長就提議步行返酒店,全程只係約半小時,可以幫助消化之餘,亦可以速進血液循環。(旅程日期: 2012-05-24 至 2012-06-04 , 旅程性質: 觀光攝影, 飲食購物, 消閒度假)
6月4日(天晴):Crystal Serenity Day #12 之La Spezia & Porto Venere
郵輪河踏入最後一日,Crystal Serenity原本應該停泊喺Porto Venere小鎮對出之海面,不過因水位問題,最終改泊La Spezia之港口。對於突如其來o既行程改變,Crystal亦相應地提供免費穿梭巴士服務來往La Spezia港口及Porto Venere小鎮。
因小肥唔想大肥爸爸同受咗傷o既媽咪單獨留喺船上太耐,小肥就同姨媽姨丈簡短地一遊Porto Venere,哥哥就同佢契媽參加其他觀光團。遊過Porto Venere,再返上郵輪都已經差不多三點。因Main Dining Room已經關閉,我地就搵翻大肥同媽咪去Trident Bar度食熱狗,嘆香檳。
郵輪五點正開船,大約六點我地就已經可以喺賭場活動,一邊飲酒,一邊陪媽咪拉機,真係好爽!玩到七點半,我地就去睇郵輪河最後o既一場告別綜合節目。個show完咗就落去Main Dining Room食晚餐,為我地Crystal Serenity郵輪歐遊美食之旅劃上句號。評分: 味道5 服務5 環境5 衛生5 抵食5
(旅程日期: 2012-05-24 至 2012-06-04 , 旅程性質: 觀光攝影, 飲食購物, 消閒度假)
6月3日(多雲):Crystal Serenity Day #11 之Livorno/Florence
Florence唔係一個港口,Crystal郵輪必需停泊喺Livorno,搭客先可以轉乘的士或旅遊巴前往Florence觀光。雖然Crystal有提供免費穿梭巴士來往Livorno之服務,大部份旅客都選擇晨早七點半坐旅遊巴去Florence行街,包括我地八個人。
Livorno往Florence之路程非常暢通,個半鐘頭o既車程,半睡半醒話咁快就到。因為我地早一晚已經攞定地圖,規劃好必經商店及景點路線,到達Florence後,我地只係跟導遊叔叔到過集合點,之後就離開大隊慢慢行。解散前,導遊叔叔叮囑我地除左要小心扒手,大家一定唔好單獨離群,要注意街上衣著奇特o既群黨,有男有女,有大人有細路,千奇唔好同佢地傾偈接觸,唔係出左事叫警察都未必幫到手。
Florence到處都係商舖同歷史建築物,邊行邊睇真係一啲都唔會悶,而且唔需要搵車搭,非常方便。周圍都有餐廳同咖啡室,鍾意幾時食午餐可以隨時揀間入去食,行到攰更可以停一停,飲杯咖啡稍作休息,毫無壓力。
我地當日行到四點幾,返上郵輪都已經成六點,因大家都好肚餓,所以就先上Nobu排隊食sushi,等夠鐘先落樓下睇show。晚餐book左Prego,以意大利美食襯托番我地Florence一日遊o既主題,再一次欣賞Daryl Picasso o既表演!
(旅程日期: 2012-05-24 至 2012-06-04 , 旅程性質: 觀光攝影, 飲食購物, 消閒度假)
6月2日(多雲):Crystal Serenity Day #10 之Monte Carlo
事關媽咪早一日出左事,我地喺Monte Carlo o既第二日,大肥爸爸負責陪愛妻逗留喺郵輪上做按摩,聽音樂,同進餐。孝順o既中小肥兩兄弟亦唔想離佢地太遠,所以當日就選擇左同姨媽姨丈上岸,喺街道同商場中稍作觀光,然後再返上船陪伴兩老食下午茶,Happy Hour,睇表演以及食晚餐。當郵輪重返公海,小肥就同媽咪去拉老虎機,助佢暫時忘記肉體上o既痛楚。
(旅程日期: 2012-05-24 至 2012-06-04 , 旅程性質: 觀光攝影, 飲食購物, 消閒度假)
6月1日(多雲):Crystal Serenity Day #9 之 Nice, Eze & Monaco
踏入六月,Crystal Serenity郵輪到達Monte Carlo(Monte Carlo為法文,英語譯作"Mount Charles"),照原定計劃停泊兩天。為免爸爸媽媽行得太多會攰,哥哥安排左我地一家四口第一日先參加個較輕鬆o既巴士遊「Nice, Eze & Monaco Bus Tour」。
當年讀書地埋肥佬o既XO仔聽就有聽過Monaco依個地方名,不過非常陌生;除左知道有間時裝店用左Monaco個名之外,隱約只係記得個國家同法國有啲關連,所以當地人係講法文。從我地位導遊嬸嬸口中得知,原來Monaco係全球最細o既國家,而且全國人民都唔需要交個人入息稅。佢話只要每年喺度住夠180日就可以豁免物業稅,所以吸引到好多有錢人黎定居,網球好手祖高域(Djokovic)就係一個例子。