Handsome XO
我是Handsome XO。 我最喜愛到日本旅遊 , 最鍾意遊覽主要地標, 住宿通常會揀4星酒店。
留言  留言給此旅遊家
  遊記數目 117
  上載相片 4013
  上載影片 3
最近分享過的旅程
2018年聖誕遊東京
國家/地點: 日本
旅程日期: 2018-12-23 至 2018-12-28
2019瑪麗皇后二號郵輪八天遊
國家/地點: 新加坡, 越南
旅程日期: 2019-03-05 至 2019-03-12
2018台灣四天美食之旅
國家/地點: 台灣
旅程日期: 2018-11-23 至 2018-11-26
2018美加探親兩週遊
國家/地點: 加拿大, 美國
旅程日期: 2018-03-27 至 2018-04-07
2017京阪神六天遊
國家/地點: 日本
旅程日期: 2017-11-08 至 2017-11-13
2017台灣婚禮三天遊
國家/地點: 台灣
旅程日期: 2017-04-20 至 2017-04-23
2017溫馨家庭大阪四天遊
國家/地點: 日本
旅程日期: 2017-02-23 至 2017-02-26
東京豪食三日兩夜自由行
國家/地點: 日本
旅程日期: 2016-09-09 至 2016-09-11
2016鑽石公主郵輪東瀛遊
國家/地點: 日本, 俄羅斯
旅程日期: 2016-08-30 至 2016-09-09
2015台北怒食三天遊
國家/地點: 台灣
旅程日期: 2015-11-18 至 2015-11-21
共找到 117 篇遊記, 正顯示第 91 至 100 篇遊記
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2013-03-14

531日(天晴):Crystal Serenity Day #8  At Sea

五月最後一日就係我地郵輪河o既第三日“At Sea”。喺地中海上,小肥盡情享用Crystal Serenity郵輪上不同o既設備及參與各種活動。

雖然係“At Sea”,不過小肥八點未到就已經起左身,上頂層按摩;哈哈,其實即係再訓過!九十分鐘話咁快就過,小肥快速地沖完身就趕返落去六樓聽侍酒師講意大利酒。

十一點鐘,當姨丈去左搵日籍大廚Nobu先生影相簽名,媽咪同姨媽去拉老虎機時,小肥就靜掙雞走左去聽個減肥講座“Eat More to Weigh Less”。導師教大家點先可以食多多,但係又減到肥;答案:小吃多餐,多吃水果蔬菜,煮食時盡量少油少鹽少糖,最重要係每日要有適量運動

一點半要上跳舞班學Cha-Cha,所以我地十二點半就先上舞池對面o既Lido Café食buffet。跳完舞,即做完當日o既適量運動後,我地就落左去Main Dining Room度參加試酒活動,主題為美國加州酒。三至四點真係太多選擇,除左試酒會,其實仲有個poker大賽,iPad班,網球班,等等。

第一次坐郵輪,可以食到咁多美食,得知可以參觀Crystal Serenity個廚房,我地四點三就落定Main Dining Room度霸定位,等大廚四點半出黎講野。嘩,真係估唔到每朝早五點鐘除左係早餐o既工作人員開工o既時間,亦係夜更負責清潔o既同事收工o既時間。當佢提及到每日為乘客(即未計工作人員)準備所需o既材料量時,大家嘩得仲犀利:咖啡約100加侖,魚約400磅,蛋約2300隻,菜約2000磅,牛約500磅。我地入去Crystal個廚房時,工作人員正在忙碌準備晚餐。Crystal個廚房真係好大,而且好有系統,分開左不同部門,不過最重要就係地方非常衛生潔亮,令肥肥家族食得放心

最後一日“At Sea”,Crystal以雞尾酒會形式特別安排船長及其手下們同搭客見面道別。見到Gary先生喺船長旁邊,真係忍唔住讚嘆佢早一晚o既演出。發覺細佬忘記左主角時,大肥爸爸好醒目地同船長先生講話以後如果再有機會坐郵輪,我地一家都只係會選擇Crystal!Gary仲好風趣地講左句:「哈哈,You have been CRYSTALIZED!」

當晚衣著規定為“formal”,Crystal更安排左幾位專業攝影師喺Main Dining Room旁為賓客影相,所以酒會完畢,我地一團八人就走左落去影團體相及全家福。雖然都幾貴,不過見大家平時真係好難夾到時間上影樓影相,大家又著到咁靚仔咁靚女,而且影得唔靚可以唔要,所以大家都影左好多幅唔同款式留念。

影完相剛剛好係晚飯時間,formal night當然有好野食啦,當晚o既主題係French Dinner,即「法國大餐」。同行o既姨媽六月初生日,所以我地亦親機同佢暖壽,開左兩枝靚酒,叫Crystal幫忙做個生日蛋糕,搞左個surprise party
法國大餐 笑臉2013-03-14
5月31日之晚餐,郵輪向Monte Carlo進發
5月31日之晚餐,郵輪向Monte Carlo進發
法國大餐之精美餐碟
法國大餐之精美餐碟
法國大餐:Escargots Bourguignonnes
法國大餐:Escargots Bourguignonnes
法國大餐:French Onion Soup
法國大餐:French Onion Soup
法國大餐:Fusilli Boscaiola
法國大餐:Fusilli Boscaiola
法國大餐:Pink-Roasted Rack of Lamb
法國大餐:Pink-Roasted Rack of Lamb
法國大餐:Pan-Fried Fillet of Dourade
法國大餐:Pan-Fried Fillet of Dourade
Chocolate Birthday Cake
Chocolate Birthday Cake

同姨媽慶生,為隆重其事,團友們決定喺酒牌上揀選兩枝靚酒。雖然係要額外收費,不過大家都大讚Crystal好有良心,標價同我地喺街買差不多,所以非常合理。Crystal特備o既法國晚餐,一如過去咁多日,水準超卓,講起都已經令人回味無窮

1)      Escargots Bourguignonnes - Burgundy Snails in Garlic Herb Butter – 媽咪最愛吃法國大餐,對法式田螺更加係愛不釋手!雖然佢形容田螺可以同鮑魚比美,不過小肥實在冇膽品嚐。

2)      French Onion Soup w/ Gruyere Cheese Crouton – 港式洋蔥湯就飲得多,Crystal 個洋蔥湯特別及勝在唔會料多過湯,而且一啲都唔會話好油膩或者好濁;不過最精彩都係塊芝士餅,半脆得黎吸哂洋蔥陣香味,超正

3)      Fusilli Boscaiola w/ Proscuitto, Mushrooms, Onions, Tomatoes & Cream, Drizzled w/ White Truffle Oil – Crystal個廚房煮製o既pasta真係冇得彈,每日不同款式o既意粉,配上不同o既醬汁,烹調出黎o既麵條卻能同樣彈牙,佳餚出色美味,認真佩服

4)      Pink-Roasted Rack of Lamb, in Garlic Herb Crust w/ Mint-Flavored Natural Jus, Ratatouille Nicoise, Sauteed Haricots Verts & Gratinated Potatoes – 如相所示,羊扒同餸名一樣咁粉紅,賣相滿分;羊肉質感幼嫩,完全唔蘇,所以味道分都爆埋燈!

5)      Pan-Fried Fillet of Dourade w/ Artichoke Puree, Baby Fennel, & Olive-Tomatoe-Basil-Noisette Butter Sauce – 話明係法國大餐,又點會冇魚食呢?魚身薄,煎得夠乾身,而且皮脆肉嫩,好香口。

推介菜式: Escargots Bourguignonnes,French Onion Soup w/ Gruyere Cheese Crouton,Fusilli Boscaiola,Pink-Roasted Rack of Lamb,Pan-Fried Fillet of Dourade
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2013-03-01

530日(天晴,間中多雲):Crystal Serenity Day #7  Gibraltar

郵輪河進入第七日,目的地為屬於英國o既Gibraltar,中午泊岸,XO仔終於可以訓晏啲啦

因為可以遊覽o既地方唔係太多,所以Crystal喺Gibraltar只係逗留左五個鐘頭。據Crystal份每日一報講,Gibraltar o既的士聯盟好犀利,所以佢地並冇安排免費旅遊車服務比旅客入城(的士入城收費大概1-2歐元,有啲的士係會以人頭計)。我地一踏出個Cruise Terminal,果然立刻被一群的士司機圍攻,介紹佢地提供o既不同導遊及接送服務。聽落去行程夠簡短,又唔洗年長o既長輩們步行,我地七個人更可享用一架七人車私家團(因同行一位親友自行跟團過境去相鄰o既西班牙,所以我地當日只有七個人),遊完唔滿意仲可以同司機講數,所以團長好快就作出決定,暢遊Gibraltar的士河。

的士遊只有四個景點,其中兩個地方係比較需時觀賞o既洞穴同隧道,所以全程都要成兩小時。完結時已經過哂午餐時候,我地上番船就去左泳池旁o既Trident Bar度食美式燒烤,即熱狗漢堡包。因為我地當晚喺郵輪o既意大利餐廳Prego訂左位食六點半,所以食完熱狗我地就喺七樓行左個幾鐘頭,當做運動,以助消化

我地喺Prego食完餐豐富o既晚餐後,啱啱趕得上睇八點半嗰場特備綜合節目。當晚o既表演勁精彩,除左有跳舞同Wojciechowski(“Where’s-your-house-key”)先生彈琴之外,最令小肥印象深刻o既就係我地位Cruise Director Gary Hunter先生o既演出!Gary好有觀眾緣,唔講真係唔知佢係一位ventriloquist,字典譯作「口技表演者」,其實即係個攞住個道具公仔扮兩個人講野o既講故佬。喺小肥心目中,ventriloquist應該唔多同人溝通,如果唔係都唔洗成日自己同自己講野啦,所以得知健談o既Gary係位ventriloquist時,真係好愕然。唔知係咪第一次現場欣賞口技表演呢,所以分外投入,大肥爸爸睇完話仔仔係全場笑得最大聲嗰個,哈哈
從郵輪上遠望The Rock of Gibraltar
從郵輪上遠望The Rock of Gibraltar
Gibraltar Cruise Terminal: The Rock of Gibraltar模型
Gibraltar Cruise Terminal: The Rock of Gibraltar模型
Gibraltar Cruise Terminal: Welcome to Gibraltar
Gibraltar Cruise Terminal: Welcome to Gibraltar
有邉個知道2009年度世界小姐原來黎自Gibraltar?!
有邉個知道2009年度世界小姐原來黎自Gibraltar?!
Gibraltar Cruise Terminal正門
Gibraltar Cruise Terminal正門
Gibraltar Port Authority
Gibraltar Port Authority
Crystal Serenity, Quayside Propeller, 國旗
Crystal Serenity, Quayside Propeller, 國旗
Crystal Serenity VS Grand Princess 郵輪
Crystal Serenity VS Grand Princess 郵輪

我地喺海中心時,離遠哥哥已經望到Gibraltar,叫細佬快啲行出露台影塊大石。哥哥真係估唔到上當年地理肥佬o既細佬居然從未聽過Gibraltar依個地方,莫講話其大石o既外型。

落船後,入到去個Cruise Terminal,見到個易拉架海報先知原來2009年嗰屆世界小姐原來黎自Gibraltar,成團人都冇人知,當然係要影返幅相黎證明啦。踏出門口,原本想影一影自己坐緊嗰架Crystal Serenity,點知見到原來有兩首郵輪同一時間泊岸,另外嗰隻係大好多o既Grand Princess,似乎大石Gibraltar都可算係旅遊熱點bor

評分: 值得去4  
的士站
的士站
"The Evacuation of the Gibraltarians 1940-1951"紀念碑
"The Evacuation of the Gibraltarians 1940-1951"紀念碑
Gibraltar Cable Car Station Grand Parade: 歐元14/人
Gibraltar Cable Car Station Grand Parade: 歐元14/人
Queensway Quay Marina: 全Gibraltar最有錢嗰區
Queensway Quay Marina: 全Gibraltar最有錢嗰區
Great Siege Tunnels:導遊話直望係非洲!
Great Siege Tunnels:導遊話直望係非洲!
導遊話直望係西班牙!
導遊話直望係西班牙!
The Moorish Castle Tower of Homage
The Moorish Castle Tower of Homage
The Convent(Gibraltar ):Gibraltar總督府
The Convent(Gibraltar ):Gibraltar總督府

上文提到,我地七個人啱啱好包左架私家觀光的士遊Gibraltar。的士司機充當導遊,先講明人頭費Euro 28,滿意就請各位加多少貼示。賣花當然係要讚花香啦,佢不斷提醒大家的士遊有幾超值,因為如果我地選擇乘坐纜車,每位先要坐的士去纜車站,再每人付Euro 14纜車費,坐到中途要去第二個景點就必需步行數十分鐘,而且去到某幾個景點,如St. Michael’s Cave,所有遊客係要額外再比入場費添

Gibraltar啲路好窄,又迂迴曲折,雖然叔叔手車有返咁上下,不過小肥都有少少驚。導遊司機都好稱職,一邊安全駕駛,一邊介紹Gibraltar不同o既區域,建築物及歷史,如最有錢o既Queensway Quay Marina,Gibraltar總督府,英式電話停,等等。
參觀時段: 早上
入場價錢: 每人28歐元
評分: 值得去5  
紀念碑 ok喇2013-03-01
Pillars of Hercules
Pillars of Hercules
Pillars of Hercules
Pillars of Hercules
Pillars of Hercules
Pillars of Hercules
Gibraltar: Soaring Bird Migration
Gibraltar: Soaring Bird Migration
Gibraltar: 本地海鷗
Gibraltar: 本地海鷗
Gibraltar: 本地海鷗
Gibraltar: 本地海鷗
Gibraltar: 本地海鷗
Gibraltar: 本地海鷗
Gibraltar: 本地海鷗
Gibraltar: 本地海鷗

源於希臘神話,Pillars of Hercules其實係指兩條柱,而其中北邊嗰條就係位於Gibraltar,的士遊第一站就係要睇其山上o既紀念碑。

喺紀念碑附近有個牌,講述每年都會有大批鳥群經Gibraltar上空遷徙往返非洲同歐洲。我地六月去,所以見到o既雀鳥都係本地海鷗而並非遷徙中o既鳥群

評分: 值得去3  
St. Michael's Cave
St. Michael's Cave
St. Michael's Cave
St. Michael's Cave
St. Michael's Cave
St. Michael's Cave
St. Michael's Cave
St. Michael's Cave
St. Michael's Cave石雕:貌似樹木年輪o既橫切面
St. Michael's Cave石雕:貌似樹木年輪o既橫切面
St. Michael's Cave
St. Michael's Cave
St. Michael's Cave: Upper Rock Nature Reserve
St. Michael's Cave: Upper Rock Nature Reserve
St. Michael's Cave: 解說
St. Michael's Cave: 解說

Gibraltar依舊大石有多個洞穴,而且暗藏彩色!我地當日瀏覽o既St. Michael’s Cave入面有多條石柱,雖然石上o既顏色大部份都係燈光效果,不過入到去,見到頭頂上尖銳o既石雕同石柱,真係令人嘩然,繼而驚到心跳加速

山洞中央有多塊資料板,其中一個就解說洞穴內o既所有石雕同石柱都係天然o既,因為當雨水滲入limestone(石灰石)時,兩者會混合成carbonic acid慢慢溶解大石。當中有一條石柱自然跌落,工作人員就切開條柱,打磨後展覽出其貌似樹木年輪o既橫切面。

其他資料板上亦有講述到St. Michael’s Cave以前好多用途,包括維多利亞時代多數用作演奏廳,婚禮場地,決鬥場等,其後亦曾做過西班牙軍隊藏身之所,及第二次世界大戰之急救站等。此外,喺St. Michael’s Cave內曾發現多項歷史古物,如新石器時代(Neolithic)所用o既碗,石洞壁畫,尼安德塔人(Neanderthal)之頭顱等

參觀時段: 早上
評分: 值得去4  
St. Michael's Cave門外:頑皮馬騮坐車頂
St. Michael's Cave門外:頑皮馬騮坐車頂
Apes' Den:馬騮大少坐路邊
Apes' Den:馬騮大少坐路邊
Apes' Den:馬騮同導遊玩(其實搵野食)
Apes' Den:馬騮同導遊玩(其實搵野食)
Apes' Den:肥馬騮懶洋洋曬太陽
Apes' Den:肥馬騮懶洋洋曬太陽
Apes' Den:馬騮伸手攞野食
Apes' Den:馬騮伸手攞野食
Apes' Den:馬騮完全唔怕人
Apes' Den:馬騮完全唔怕人
Apes' Den:馬騮有自己o既遊樂場
Apes' Den:馬騮有自己o既遊樂場
精品店都係以賣馬騮手信為主
精品店都係以賣馬騮手信為主

講起真係失禮,土生土長o既XO仔好細膽,因為聽見同事及親友經常提及馬騮山啲馬騮唔怕人,仲成日搶人野食,就連書包都唔放過,所以我從未諗過要踏足香港個馬騮山。今次黎到Gibraltar,見馬騮山係當地o既一個主要景點,就連精品店都係以賣馬騮手信為主,而且山上已經企滿遊客,小弟就變身成為清兵,心口掛住個「勇」字,攞埋個相機落車影相

嘩,啲馬騮仔真係好頑皮,我地一打開車門,有一隻好快就走左上車攞左導遊先生袋野!其實之前喺其他景點度已經見到好多馬騮出沒,知道佢地同香港馬騮一樣唔怕人,不過真係冇諗過佢地會跳上車頂,沖入車輛搶野咁誇張囉!除左調皮o既馬騮仔,山上仲有啲懶洋洋o既肥馬騮喺度曬太陽,亦有幾隻好友善地同遊客玩,真係搞鬼。

據導遊先生所講,依班居住喺Gibraltar o既馬騮差啲死哂,當年都係多得英國軍隊,佢地先可以生存之今,得以繁殖及增長數目。英國人認為大石上一日有馬騮o既存在,Gibraltar一日都會屬於英國統治,所以英國有成隊人負責照顧依群馬騮。除左定時定候餵佢地食野,馬騮山上有個迷你遊樂場,馬騮病左仲可以入住海軍醫院添

參觀時段: 早上
評分: 值得去4  
Great Siege Tunnels:入口
Great Siege Tunnels:入口
Great Siege Tunnels:入口旁有枝大炮
Great Siege Tunnels:入口旁有枝大炮
Great Siege Tunnels: General Eliott
Great Siege Tunnels: General Eliott
Great Siege Tunnels
Great Siege Tunnels
Great Siege Tunnels
Great Siege Tunnels
Great Siege Tunnels
Great Siege Tunnels
Great Siege Tunnels: General Eliott
Great Siege Tunnels: General Eliott
Great Siege Tunnels
Great Siege Tunnels

十八世紀打仗時,英國軍隊為抵禦法國及西班牙o既襲擊而建成。隧道入面放有大炮,有保護作用o既mantlet,同埋好多解說隧道歷史,其建造過程o既圖片,文章,資料及模型。

評分: 值得去4  
Gibraltar International Airport
Gibraltar International Airport
Gibraltar International Airport
Gibraltar International Airport
Gibraltar International Airport:車輛可行駛往西班牙
Gibraltar International Airport:車輛可行駛往西班牙
Gibraltar International Airport:車輛可行駛往西班牙
Gibraltar International Airport:車輛可行駛往西班牙
Gibraltar International Airport:所有車輛突然被截停
Gibraltar International Airport:所有車輛突然被截停
Gibraltar International Airport:飛機降落
Gibraltar International Airport:飛機降落
Gibraltar International Airport:飛機降落
Gibraltar International Airport:飛機降落
Gibraltar International Airport:飛機降落
Gibraltar International Airport:飛機降落

入去隧道前,導遊叔叔叫我地先欣賞隧道外o既風景,並指出西班牙及非洲o既位置。佢叫大家一定要留意西班牙同Gibraltar間o既幾條行車線。行車線連接兩地,而且橫跨Gibraltar International Airport o既機場跑道!行車線大部份時間行車,只係每當有飛機要起飛或降落時先會暫時封閉。

嗰日真係好彩,入隧道前明明行車線都仲係行緊車,而正當我地喺隧道入面睇緊野o既時候,哥哥望出窗外,發覺所有車輛突然被截停,就叫我快啲黎睇飛機降落,小弟先可以成功拍攝到清晰o既相片

評分: 值得去3  
Trident Bar 餐牌
Trident Bar 餐牌
Trident Bar 餐牌
Trident Bar 餐牌
Trident Grill: Chilli Dog w/ Fries
Trident Grill: Chilli Dog w/ Fries
Trident Bar Soup of the Day: Cream of Garlic!
Trident Bar Soup of the Day: Cream of Garlic!

我地個Gibraltar的士一日遊之旅大概下午兩點完結。大家都非常之肚餓,不過Main Dining Room同buffet lunch都完左,所以我地就上左12樓o既Trident Bar度食即叫即燒製o既漢堡包,熱狗,pizza等等。

喺位度等緊食物o既時候,小肥第一時間就叫左杯香檳黎解渴;喺陽光下,泳池旁,真係好寫意!唔知喺咪小肥少食快餐呢,定亦或係食物係新鮮煮製,小弟覺得Trident Bar個熱狗同薯條都好正!熱狗個包好夠軟熟,完全唔乾;條腸爽口又夠肉汁,淨加生洋蔥同茄汁都已經好好味;伴碟o既薯條夠幼,同唔會太油,熱辣辣食果真「零啥不同」!此外,聽見當日例湯為忌廉蒜頭湯,勁愛蒜頭o既我又點會放過呢?忌廉蒜頭湯香滑中帶少少辣,無懼食後之重口味,小肥一飲仲飲左八杯,hehe,貪個意頭好
推介菜式: Chilli Dog with Fries,Cream of Garlic
評分: 味道5   服務5   環境5   衛生5   抵食5
Crystal Serenity:Prego
Crystal Serenity:Prego
Prego:Fitto Misto di Pesce, Crispy Fried Calamari
Prego:Fitto Misto di Pesce, Crispy Fried Calamari
Prego:Carpaccio of Black Angus Beef
Prego:Carpaccio of Black Angus Beef
Prego:Warm Lobster Poached in Sage Butter
Prego:Warm Lobster Poached in Sage Butter
Prego:King Crabmeat Salad
Prego:King Crabmeat Salad
 Prego:Vitello Tonatto "Prego Style"
Prego:Vitello Tonatto "Prego Style"
 Prego:Ravioli Ripieni con Pollo
Prego:Ravioli Ripieni con Pollo
Prego:Lemon Sugar Coated Egg White Soufflé
Prego:Lemon Sugar Coated Egg White Soufflé

喺早幾編食評度曾經提到,Crystal Serenity郵輪上有兩間要一早預訂o既主題餐廳。好彩我地個團長有經驗,喺我地未出發前已經一早訂左兩晚,為求每位團友可以食盡餐廳內所有菜式,肥肥家族當然心覺非常感激!

Prego地方冇Main Dining Room咁大,不過可能人少左,氣氛增添左一份優雅感。Prego只接受訂座,門口絕對唔會排隊,客人亦唔需要等位,高級程度可比喻酒店餐廳

入到去餐廳,發覺有好幾位侍應都好熟口面,經團長解釋先知郵輪上o既工作人員係會周圍調動;我認得嗰兩個原來曾經喺12樓個Lido buffet度見過。雖然佢地要喺不同崗位工作,但完全不失專業!佢地對餐牌上o既食物包括材料,醬汁,肥膩度,都了如指掌,更會提供配酒推介。

Crystal郵輪上o既一切,只會教人驚喜,果真唔會令人失望,當晚o既意大利菜當然亦不例外:

1)      Fitto Misto di Pesce, Crispy Fried Calamari, Shrimp, Bay Scallops, & Oysters with Aioli – 意式炸物拼盤有多款海鮮,如魷魚,蝦,帶子,每樣都細細件,容易食,而且炸得香脆無比,毫不油膩!

2)      Carpaccio of Black Angus Beef with Mustard Sauce & Caravaglio Capers – XO仔係「牛魔王」,最愛就係生食牛肉,日式,韓式,意式都一定會放過!食依道餸為我地帶黎最多驚喜及歡樂,因為我地有位超有創意o既男服務生。我地共有三位食意式生牛肉薄片,哥哥仔先送上一碟砌成花形o既生牛肉,然後就續一問我地需要多少醬油,繼而喺我地面前以不同份量o既橄欖油,醋等喺生牛肉片上劃出別出心裁o既圖案;小弟覺得女士們嗰兩份最可愛。當大家對佢加以讚賞時,佢仲話比我地聽佢其實有個稱號添,名為「Prego Picasso」,其風趣幽默逗得我地團親友哈哈笑。

3)      King Crabmeat Salad, Avacado & Sicilian Orange – 小肥唔鍾意食菜,對沙律都冇乜好感,不過因為依道沙律以蟹肉,牛油果同橙為主,菜o既比例唔多,亦唔會好大塊,食落新鮮清爽,好啱我口味

4)      Vitello Tonatto "Prego Style", Ahi Tuna Tartar & Pink Roasted Veal Loin, Micro Greens – Prego自創o既吞拿魚伴半生熟之牛仔肉片配搭新穎,卷埋兩種食材同碟上o既醬汁黎食,入口真係可以食出牛肉同魚肉o既鮮味,各有千秋,但同時間又唔會覺得佢地一個搶贏另外嗰個。

5)      Ravioli Ripieni con Pollo, Ravioli Filled w/ Chicken & Kernel Corn on Wild Mushroom Puree & Truffle Spume – 意大利雲吞一客兩件,未食仲以為會好溜,點知出奇地食完仲可以加多兩份甜品!意式雲吞皮較厚,不過好在餡夠料甜且唔溜,所以食後唔會滯,like!

6)      Lemon Sugar Coated Egg White Soufflé with Strawberry Sauce – 此道蛋白梳乎厘乃姐姐仔極力推介之甜品。正當大家都以為姐姐仔準備擺放杯梳乎厘上枱時,佢居然喺食客旁將梳乎厘反轉,倒落隻碟上面,再加上士多啤梨汁,令到口水流哂o既小肥更加期待。蛋白梳乎厘好有特色,亦好香滑,小弟只係略嫌個檸檬糖面過甜。

雖然好似食左好多野,不過食後都覺得個晚餐好light好舒服

推介菜式: Fitto Misto di Pesce,King Crabmeat Salad,Vitello Tonatto "Prego Style",Ravioli Ripieni con Pollo,Lemon Sugar Coated Egg White Soufflé
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2013-01-25

529日(天晴):Crystal Serenity Day #6  Lisbon

郵輪朝早8 點泊岸,為善用時間,我地7:30先上十二樓Lido Café集合,一邊睇郵輪泊岸,一邊食自助早餐。8點左右就排隊落船,繼而上Crystal預先安排好o既旅遊巴進入Lisbon市內。

團長之前已經黎過Lisbon,佢建議大家乘坐為旅客而設o既"Hop-on Hop-off Tours"之Yellow Bus觀光,因買票後可隨意喺不同站上車落車。我地大概9點上觀光巴士,途中只係喺一個景點落過車,去睇「熱羅尼莫斯修道院」(Jeronimos Monastery)及買所有旅遊書都介紹o既正宗葡撻

因為團中有幾位太太好想shopping,坐完整個約四個鐘o既Yellow Bus Tour,團長就先帶大家去佢所認識o既購物區食個自助午餐,方便女士們行街,跟住行到5點就坐的士返碼頭上船。

上返郵輪,放置好所有戰利品後,又到Happy Hour啦!飲左兩杯,稍作休息,我地7點就喺Galaxy Lounge度欣賞左場高水準o既表演。當晚演出o既係一對黎自蘇格蘭o既兄弟,名叫The MacDonald Brothers。聽完個迷你演唱會,我地就落返去Dining Room度食左頓豐富o既晚餐作當日o既終結

25 de Abril Bridge
25 de Abril Bridge
25 de Abril Bridge
25 de Abril Bridge
晨早起牀,步出露台,喺海中心上觀賞靚靚o既4月25日大橋(Carnation Revolution,即「康乃馨革命」發生於1974年4月25日,所以亦稱之為「四二五革命」;大橋亦因此而定名),陣陣海風吹埋黎,雖然相機能夠捕捉得到個靚景,但係嗰一刻同大自然接觸o既震撼同感想真係非筆墨能夠形容
參觀時段: 早上
評分: 值得去4  
Lisbon 黃巴遊 笑臉2013-01-25
Yellow Bus 成人票
Yellow Bus 成人票
當日起點:Yellow Bus Stop #21: Ruo do Comercio
當日起點:Yellow Bus Stop #21: Ruo do Comercio
Yellow Bus 小冊子
Yellow Bus 小冊子

Crystal 安排o既旅遊巴乘載我地由碼頭到Ruo do Comercio。站口已經企左兩三個姐姐仔,佢地頗為落力地推介市內不同o既觀光巴士,包括我地最終選擇o既雙層Yellow Bus。我地當然係幫襯佢買飛啦,成人票價每張為Euro 19。如果街上冇售票員,大家其實可以上車向車長購買,價錢都係一樣。Lisbon此款官方觀光巴士真係好方便,完全冇限制旅客喺每一個景點停留o既時間,每隔二十分鐘就會有一架巴士,持票者可隨意喺不同站上車落車;旅客鍾意可以慢慢睇,唔鍾意更可以選擇唔落車。大家記得攞份小冊子,因為入面有張大地圖,方便大家知道自己o既位置。

參觀時段: 早上
入場價錢: 每人19歐元
評分: 值得去5  
交通廣場 ok喇2013-01-25
Praça da Figueira: 有趣紙公仔
Praça da Figueira: 有趣紙公仔
Praça da Figueira: 連店舖門口都有紙公仔
Praça da Figueira: 連店舖門口都有紙公仔
Praça da Figueira:King John I之銅像
Praça da Figueira:King John I之銅像
Praça da Figueira,英文譯作"Square of the Fig Tree",位於Lisbon市中心,係我地坐嗰架黃巴線o既正式起點及終站。此廣場曾經係醫院私地,但1755年因被地震摧毁,其後就變成一個市集廣場。而家,廣場係一個重要交通中心,四周都以商舖,咖啡室及酒店包圍。小弟第一次歐遊,見到露台及店舖門口o既紙板公仔,覺得好有趣,所以忍唔住影左兩幅相
評分: 值得去3  
Rossio Square ok喇2013-01-25
Rossio Square: Column of Pedro IV
Rossio Square: Column of Pedro IV
Rossio Square: National Theatre D. Maria II
Rossio Square: National Theatre D. Maria II
Rossio Square: Bronze Rossio Fountain
Rossio Square: Bronze Rossio Fountain

啱啱去完法國,而家黎到葡萄牙,發現兩個地方都好多廣場,噴泉,同柱形紀念碑,莫非依啲就係歐洲o既特色?!

Praça de D. Pedro IV(Pedro IV Square)係廣場個官方名,不過普遍都稱之為Rossio Square。廣場個名同紀念柱都同Pedro IV有關,好明顯係一位重要人物。XO仔細個最怕讀歷史,要上網查先知道Pedro IV原來係葡萄牙國王,亦係第一任巴西皇帝。Rossio Square歷史悠久,又出名靚,據說以前用途好廣,包括用作舉行慶祝活動,鬥牛,處決等。廣場入面有仲個銅像紀念Gil Vicente,葡萄牙人都視佢為葡萄牙版o既莎士比亞,更被譽為葡萄牙劇院之始祖;就連葡萄牙足球隊Gil Vicente FC個名都係因佢而名,真係唔講得笑!

參觀時段: 早上
評分: 值得去3  
光復廣場 ok喇2013-01-25
Restauradores Square: Monument to the Restorers
Restauradores Square: Monument to the Restorers
Restauradores Square: Palácio Foz(以前係皇宮,而家係酒店)
Restauradores Square: Palácio Foz(以前係皇宮,而家係酒店)
原來去觀光可以學到咁多歷史,個人覺得比起讀書有趣得多,不過亦相對地貴好多囉。講真,如果唔係寫遊記,自己未必會take notes,影相,同上網查証資料,從而增加對各國,其地標,文化,建築及歷史o既認識同印象。

講返Restauradores Square,其英文名真係唔及中文名清晰;「光復廣場」係紀念1640葡萄牙恢復獨立以起名。廣場中間係一個Obelisk紀念碑,紀念葡萄牙喺Portuguese Restoration War中之勝利,碑上刻有當中不同戰鬥o既日期及名稱。紀念碑後面o既建築物曾經係一間華麗o既皇宮,但而家已改建成酒店。
評分: 值得去3  
自由大道 笑臉2013-01-25
Monument to the Fallen of the Great War
Monument to the Fallen of the Great War
Lisbon:巴士同私家車睇o既紅綠燈原來唔同架!
Lisbon:巴士同私家車睇o既紅綠燈原來唔同架!

自由大道上好多名店,酒店,係世界最貴大道排行榜中第三十五名。大道上o既建築物設計及馬賽克碎石路都極富有傳統葡萄牙特色。

大道中有一個附噴泉o既紀念碑,據說係為第一次世界大戰中有份參戰o既烈士打造,以表對佢地o既敬意,非常有意思

參觀時段: 早上
評分: 值得去5  
Avenida da Liberdade + Marquess of Pombal Square
Avenida da Liberdade + Marquess of Pombal Square
Marquess of Pombal Square: 龐巴爾侯爵銅像
Marquess of Pombal Square: 龐巴爾侯爵銅像
黃巴沿住自由大道一直行,離遠已經見到一條柱同柱上o既銅像。嗰度就係Praça do Marquês de Pombal,英文譯名為Marquess of Pombal Square,Lisbon市內o既一個重要迴旋處,連接住多條大小道路。銅像同廣場都係為紀念前葡萄牙首相 Marquis of Pombal(龐巴爾侯爵)而建造及起名。因為當年侯爵勢力龐大,佢個銅像旁邊有隻獅子,意味著佢o既權勢。
參觀時段: 早上
評分: 值得去3  
Eduardo VII Park
Eduardo VII Park
Eduardo VII Park
Eduardo VII Park
Eduardo VII Park:可望見Marquess of Pombal Square中之紀念碑
Eduardo VII Park:可望見Marquess of Pombal Square中之紀念碑

Eduardo 係葡萄牙文o既Edward,而Eduardo VII Park其實係因前英國國皇 Edward VII而起名,為紀念佢1902年曾到訪葡萄牙。

公園位於高地,喺嗰度可以清楚望到剛剛經過o既自由大道及Marquess of Pombal Square。每年o既Lisbon書展亦係喺Eduardo VII Park舉行。

參觀時段: 早上
評分: 值得去4  
Palácio Da Justiça (Palace of Justice)之石碑
Palácio Da Justiça (Palace of Justice)之石碑
Lisbon監獄
Lisbon監獄
Palácio Da Justiça (Palace of Justice)
Palácio Da Justiça (Palace of Justice)
喺巴士上聽到「下一站係監獄」時,真係打個突,所以巴士一埋站,小肥就立刻開始影相,希望拍到一兩張。哈,皇天不負有心人,小肥影左三張,不過其中一張係巴士行緊時影,所以只係影左監獄門口一少部份。因始終都冇落車睇過,真係唔知監獄係咪開放比遊客睇。
評分: 值得去3  
Amoreiras Shopping Centre
Amoreiras Shopping Centre
Amoreiras Plaza
Amoreiras Plaza

據說,Amoreiras Shopping Centre 係Lisbon市內最老o既商場!聽到o既時候真係又少少驚訝,因為個商場外形一啲都唔古老,其實仲可以話係有少少摩登添。上網查證過,原來開業於1985年就已經可以成為市內最老之商場,雖則如此,商場內o既商店絕非古董,好多舖頭名喺香港都見過,只係價錢不同而已。

參觀時段: 早上
評分: 值得去3  
航海象徵
航海象徵
Monument to Pedro Álvares Cabral
Monument to Pedro Álvares Cabral
轉角有間大教堂Basílica da Estrela (Estrela Basilica)
轉角有間大教堂Basílica da Estrela (Estrela Basilica)
學生時代對歷史尤其討厭,真係估唔到大個左去遊埠居然會寫筆記,同上網核實資料,相信我以前啲老師都未必會相信

小肥留意到,每逢經過一個大迴旋處,迴旋處中央好似一定會有個紀念碑咁。喺Avenida Álvares Cabral盡頭嗰個迴旋處中間就有個為紀念葡萄牙航海探險家Pedro Álvares Cabral而建造o既銅像。Pedro Álvares Cabral最出名就係喺1500年發現巴西。
參觀時段: 早上
評分: 值得去3  
神聖地標 笑臉2013-01-25
Cristo-Rei from Avenida Infante Santo
Cristo-Rei from Avenida Infante Santo
Cristo-Rei from Avenida da India
Cristo-Rei from Avenida da India
Cristo-Rei from Avenida da India
Cristo-Rei from Avenida da India

中肥哥哥真係眼利,而且見識廣博,架巴士一路行,佢好快就指出葡萄牙主要地標之Cristo-Rei 比細佬睇,仲叫我快啲影相。

聽個名Cristo-Rei(Christ the King Statue)都知神聖。葡萄牙信奉天主教,此耶穌基督像係第二次世界大戰後葡萄牙人為感謝主而建造o既。上佢地個官方網頁瀏覽時,小肥發現原來旅客同信徒可以喺耶穌像入面「爬梯」,當然嗰度亦設有教堂,餐廳同精品店啦!

 

參觀時段: 早上
評分: 值得去5  
Museu da Electricidade (The Electricity Museum)
Museu da Electricidade (The Electricity Museum)
我地坐嗰架黃巴只係經過個電力博物館,不過小弟見到個建築物舊款得黎睇落去又保持得好光鮮,所以就影左幅相留念。電力博物館其實喺1990年建成,個外表仲咁新原來係因為2006年曾經翻新過。博物館個主題係講能源,入面似乎有好多野睇。
參觀時段: 早上
評分: 值得去3  
Afonso de Albuquerque廣場及銅像
Afonso de Albuquerque廣場及銅像

Praça Afonso de Albuquerque,即Afonso de Albuquerque廣場。廣場及廣場中央o既銅像都係紀念「葡萄牙戰神」Afonso de Albuquerque。地方咁開放,有邊個會估到個廣場後面就係葡萄牙總統o既官邸,貝倫宮呢?

參觀時段: 早上
評分: 值得去3  
馬車博物館 笑臉2013-01-25
National Coach Museum
National Coach Museum
從外表睇一啲都唔似係個博物館,而且重要係全市最忙o既博物館之一,入面全部都係十六世紀至十九世紀葡萄牙貴族擁有o既歐製馬車。當日我地冇入到去,不過上博物館個官方網頁都可以瀏覽到館內擺放o既馬車,仲要係彩色添,真係好靚!

http://en.museudoscoches.pt/VirtualTours/VirtualToursInfo/tabid/97/tekmoduleid/575/Default.aspx?tektag=Virtual+Visites+-+Main+Hall+I
參觀時段: 早上
評分: 值得去5  
帝國廣場 ok喇2013-01-25
Praça do Império (Empire Square)中央之噴水池
Praça do Império (Empire Square)中央之噴水池
帝國廣場(Praça do Império,Empire Square)乃歐洲最大廣場之一,1940年Exhibition of the Portuguese World紀念葡萄牙帝國而建立。我地終於喺依個站落左車,不過唔係因為個廣場,而係為左要入去參觀廣場身後o既修道院
參觀時段: 早上
評分: 值得去3  
航海博物館 ok喇2013-01-25
黃巴站 #14: Navy Museum, Jerónimos Monastery
黃巴站 #14: Navy Museum, Jerónimos Monastery
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum):新翼
Museu de Marinha (Navy Museum):新翼
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Museu de Marinha (Navy Museum)
Navy Museum(左) & National Archaeology Museum(右)
Navy Museum(左) & National Archaeology Museum(右)
航海業對葡萄牙黎講係非常重要,既然喺個迴旋處都有個為紀念葡萄牙航海家而建o既紀念碑及銅像,見到佢有個航海博物館都覺得好理所當然。據曾經黎過o既Auntie講,博物館入面有好多畫,不同年代o既航海用具,模型等。因為佢上一次黎o既時候未有新翼,所以唔知博物館加插左啲乜野新玩意。
評分: 值得去3  
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum
National Archaeology Museum

嘩,除左馬車博物館,航海博物館,電力博物館,Lisbon仲有個考古學博物館,真係夠哂多元化。據說,個建築物未變身成博物館之前其實係修士宿舍

入場價錢: 每人5歐元
評分: 值得去3  
Jeronimos Monastery:Church of Santa Maria
Jeronimos Monastery:Church of Santa Maria
Jeronimos Monastery:Church of Santa Maria(西門)
Jeronimos Monastery:Church of Santa Maria(西門)
Jeronimos Monastery:Church of Santa Maria(西門)
Jeronimos Monastery:Church of Santa Maria(西門)
葡萄牙詩人Luís de Camões之石墓
葡萄牙詩人Luís de Camões之石墓
Church of Santa Maria
Church of Santa Maria
Church of Santa Maria
Church of Santa Maria
Church of Santa Maria
Church of Santa Maria
Church of Santa Maria
Church of Santa Maria
Church of Santa Maria乃Jeronimos Monastery修道院之教堂,免費入場,所以更加值得入去參觀。教堂無論係門口,外牆,室內,每一吋裝修,雕刻,人像,設計等都好講究。我地只可以從教堂個西門進出,但係門上細緻o既雕刻已經足以令人留下深刻印象。入到去教堂入面,見到為葡萄牙詩人Luís de Camões及葡萄牙航海家Vasco da Gama o既石墓,加上聖母,耶穌及其他聖人o既聖像同聖壇,真係覺得非常震撼!

請留意:要上Church of Santa Maria二樓睇耶穌聖像其實係要經修道院上去o既,即要付入場費。 
參觀時段: 早上
入場價錢: 每人0歐元
評分: 值得去5  
名修道院 笑臉2013-01-25
Jerónimos Monastery: Cloister
Jerónimos Monastery: Cloister
Jerónimos Monastery: Ancient Refectory
Jerónimos Monastery: Ancient Refectory
Jerónimos Monastery: Ancient Refectory
Jerónimos Monastery: Ancient Refectory
Jerónimos Monastery: Cloister
Jerónimos Monastery: Cloister
Jerónimos Monastery: Tomb of Fernando Pessoa
Jerónimos Monastery: Tomb of Fernando Pessoa
Jerónimos Monastery: Cloister
Jerónimos Monastery: Cloister
Jerónimos Monastery: Confessionals
Jerónimos Monastery: Confessionals
Jerónimos Monastery: Confessionals
Jerónimos Monastery: Confessionals

雖然教堂係免費入場,不過佢旁邊o既修道院就要買飛先入得;成人每位Euro 7,長者減一蚊,但必需出示護照。修道院比教堂空曠,感覺好似寧靜左好多。修道院內每條柱同外牆都經過精心設計,細緻o既雕刻令人嘩然。雖則Cloister 入面冇聖像,只係Refectory入面牆上有多幅用磚製成o既聖畫,建築物入面可以見到以前o既告解室同食堂,可以話係另一番味道。

參觀時段: 早上
入場價錢: 每人7歐元
評分: 值得去4  
超正葡撻 笑臉2013-01-25
Pastéis de Belém(門舖喺右下角,巴士太快,影唔倒)
Pastéis de Belém(門舖喺右下角,巴士太快,影唔倒)
Pastéis de Belém 葡撻盒
Pastéis de Belém 葡撻盒
Pastéis de Belém 葡撻盒
Pastéis de Belém 葡撻盒
Pastéis de Belém 葡撻
Pastéis de Belém 葡撻
Pastéis de Belém 單據:一打12.6歐元
Pastéis de Belém 單據:一打12.6歐元
聽到團友Auntie M話要行去買葡撻食,起初真係不以為然,因為喺香港同澳門都食過葡撻,覺得都係不外如是啫。點知Auntie M同中肥哥哥買左返黎,最為食o既大肥爸爸第一個去試,反應係「嘩,原來正宗葡撻係咁好食,香港同澳門嗰啲根本唔係嗰回事!」聽大肥形容得咁犀利,原本因怕溜而唔諗住食o既小肥都忍唔住,食完一隻又一隻。大肥真係講得冇錯,正宗葡撻同港澳版好唔同:
第一,食落去完全冇蛋撻o既影子;
第二,葡萄牙版完全唔溜;
第三,個皮並非酥皮或曲奇皮,總知就造得又薄又鬆化又香脆,而且絕不油膩;
第四,個餡一啲都唔杰;
第五,食客可自己加上焦糖粉調味,增添甜味。

大家如果有機會去Lisbon,一定要去食Pasteis de Belem正宗o既葡撻,包你地食過返尋味
推介菜式: 葡撻 (Pasteis)
評分: 味道5   服務5   環境5   衛生5   抵食4
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos
Padrão dos Descobrimentos

黃巴離開左修道院就沿住海旁行駛,離遠已經見到個半月形o既大石。四眼小肥眼力真係差,要近睇先知依個「發現者紀念碑」(葡文:Padrão dos Descobrimentos;英文:Monument to the Discoveries)原來係隻船,而且船上有好多好多人。可以被雕刻成船上o既全部都係對葡萄牙「發現業」有莫貢獻o既航海家,探險者,皇室等等。紀念碑個位置好有意思,因為以前葡萄牙就係喺依度出發去探險及對外貿易o既。

參觀時段: 下午
評分: 值得去4  
繼續貝倫 笑臉2013-01-25
Torre de Belém (Belém Tower)
Torre de Belém (Belém Tower)
Torre de Belém (Belém Tower)
Torre de Belém (Belém Tower)
Torre de Belém (Belém Tower)旁之飛機像
Torre de Belém (Belém Tower)旁之飛機像

之前提到Afonso de Albuquerque廣場內o既「貝倫宮」(Palácio Nacional de Belém)係葡萄牙總統o既官邸,點知係離貝倫宮不遠o既海旁又有個「貝倫塔」,原來我地當時身處於「貝倫區」。貝倫塔,又名「Tower of St Vincent」,同Jeronimos Monastery修道院一樣都已經被列入為世界遺產(UNESCO World Heritage Site),因為貝倫塔喺探索時代(Age of Discoveries)負責保衛葡萄牙!

參觀時段: 下午
評分: 值得去4  
潮餐廳 哭臉2013-01-25
Calçada do Sacramento:潮裝修,上格有尊佛
Calçada do Sacramento:潮裝修,上格有尊佛
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修
Calçada do Sacramento:潮裝修之葡萄牙磚畫
Calçada do Sacramento:潮裝修之葡萄牙磚畫
Calçada do Sacramento:大部份食物都冇哂
Calçada do Sacramento:大部份食物都冇哂
得意收錢器皿
得意收錢器皿

當黃巴返回Praça da Figueira時,已經過左一點半。團長就安排我地坐的士先去食個自助午餐,然後再帶啲女士們去shopping。

我地去到Calçada do Sacramento餐廳o既時候都已經成兩點,所以餐桌上o既食物選擇不多,而且好多都涷哂;好在之前食左幾件葡撻,個肚先唔會太餓。間餐廳最有睇頭就係佢o既新潮裝修同擺設,例如燈飾,佛像,磚牆,枱上o既棉花,同埋單時用黎收錢o既器皿等,真係各具特色,小肥淨係影相都影到手軟。

推介菜式: 潮裝修及擺設
每人消費: 約50歐元 (午餐)
評分: 味道2   服務3   環境4   衛生3   抵食1
Casa da Sorte葡式磚外牆
Casa da Sorte葡式磚外牆
Casa da Sorte葡式磚外牆
Casa da Sorte葡式磚外牆
Lisbon地圖
Lisbon地圖
Café a Brasileira
Café a Brasileira
Café a Brasileira
Café a Brasileira
Café a Brasileira
Café a Brasileira
Igreja da Encarnaçao
Igreja da Encarnaçao
Camões Square:葡萄牙詩人Luís de Camões之銅像
Camões Square:葡萄牙詩人Luís de Camões之銅像

食飽飯,團長按照原定計劃帶班女士們去shopping。嘩,真係估佢地唔到,行左個半鐘頭都未行得哂街上所有舖頭

正當女士們忙於買野之際,不愛購物o既XO仔就一邊行一邊影相,以上圖片包括喺Rua Garrett上o既一間好出名既咖啡室,Café a Brasileira。聽Auntie M講,依間咖啡室係Lisbon市內最歷史悠久o既一間,賣o既全部都係巴西咖啡。

此外,喺Rua Garrett上,小肥途經一間教堂,一間以葡萄牙磚所砌成牆o既舖面,以及為紀念葡萄牙詩人Luís de Camões而起名o既Camões Square及其銅像。

推介項目: Café a Brasileira
參觀時段: 下午
評分: 值得去3  
Administration of the Port of Lisbon
Administration of the Port of Lisbon
Administration of the Port of Lisbon
Administration of the Port of Lisbon
Barcelos Rooster: 葡萄牙吉祥物之小公雞
Barcelos Rooster: 葡萄牙吉祥物之小公雞
買酒做手信?!
買酒做手信?!
Crystal Serenity:返上船囉!
Crystal Serenity:返上船囉!
Crystal Serenity
Crystal Serenity
Lisbon Santa Apolónia Cruise Terminal
Lisbon Santa Apolónia Cruise Terminal
Lisbon Santa Apolónia Cruise Terminal
Lisbon Santa Apolónia Cruise Terminal

因為我地要趕上船,所以女士們未行完街我地都要截的士返碼頭。碼頭有咁多遊客經過,當然唔少得精品店啦,其中都不乏T-Shirt,杯,旗等紀念品;有特色少少o既都係同葡萄牙吉祥物Barcelos Rooster(小公雞)有關。

參觀時段: 下午
評分: 值得去3  
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: Brian MacDonald
Scottish Sensation: Brian MacDonald
Scottish Sensation: Brian MacDonald
Scottish Sensation: Brian MacDonald
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers
Scottish Sensation: The MacDonald Brothers

喺前幾編遊記度曾經提到,郵輪上所有食物同飲品都包哂。喺六樓o既Galaxy Lounge 都唔例外,雖然只係提供飲料,但所有紅酒,白酒,雞尾酒,汽水,果汁,咖啡等等,全部都唔洗比錢,最重要就係可以一邊飲,一邊欣賞Crystal預先安排好o既特備節目

當晚o既表演嘉賓係一對好年輕o既蘇格蘭兄弟,The MacDonald Brothers,即Craig Macdonald同Brian Macdonald,前者為哥哥。佢地一邊彈奏不同樂器(大哥拉小提琴;細佬仲勁,吹笛,彈結他,鋼琴,同手風琴),一邊唱歌;無論係獨唱,和音,亦或係奏樂都咁悅耳,簡直係繞樑三日!小肥英文唔係太好,加上佢地兩個蘇格蘭口音強勁,好多時都唔係好聽得明佢地喺台上講乜,淨係知個表演好正!嘻嘻,佢地表演完畢,我地high到去搵工作人員同我地請佢地出黎影相添

推介菜式: 香檳
評分: 味道5   服務5   環境5   衛生5   抵食5
5月29日之晚餐,郵輪向Gibraltar進發
5月29日之晚餐,郵輪向Gibraltar進發
Chilled Jumbo Prawn Cocktail
Chilled Jumbo Prawn Cocktail
Braised Oxtail Spring Rolls
Braised Oxtail Spring Rolls
Consomme Double
Consomme Double
Spaghetti Carbonara
Spaghetti Carbonara
Broiled Fillet of Mediterranean Sea Bass
Broiled Fillet of Mediterranean Sea Bass
"All About Chocolate"
"All About Chocolate"

睇完咁精彩o既表演,我地就落返去Main Dining Room度食晚飯,繼續講The MacDonald Brothers,因為有幾位團友冇時間去聽。

可能自助午餐唔係食得好多,小肥當晚胃口奇佳

1)      Chilled Jumbo Prawn Cocktail with Creole Rémoulade – 頭盤食左杯「雞尾蝦」,珍寶蝦香甜爽口,正!

2)      Braised Oxtail Spring Rolls with Peach Chutney and Lamb’s Lettuce – XO仔都係第一次聽到「牛尾春卷」依道菜式,味道同我地中式春卷完全唔同。「牛尾春卷」個皮好薄,而且唔油,牛尾餡又夠多,西式春卷認真唔錯

3)      Consomme Double with Porcine Flan & Spring Onions – 清湯味道香濃,飲完個胃好暖。

4)      Spaghetti Carbonara with Cream, Bacon, Parmesan and Italian Parsley – 比起市面上可以食到o既Spaghetti Carbonara,Crystal嗰個一啲都唔溜,但係味道又唔會因此而變得淡,麵條又夠al dente,做得好出色

5)      Broiled Fillet of Mediterranean Sea Bass with a Vinaigrette of Heirloom Tomatoes, Lemon Segments and Capers, on Olive-Smashed Potatoes, Topped with Fine Herb Salad – 主菜揀選食魚,sea bass魚肉幼嫩,配上個帶酸o既汁,意外地食落覺得魚肉好鮮甜。

6)      "All About Chocolate" Double Fudge Chocolate Brownie with Parlor Oreo Ice-Cream and Fudge Sauce – 一頓豐富o既晚餐又點可以少得甜品呢?"All About Chocolate"真係好夠朱古力,味道香甜濃郁,熱食brownie加上雪糕簡直係一絕呀

推介菜式: Chilled Jumbo Prawn Cocktail,Braised Oxtail Spring Rolls,Consomme Double with Porcine Flan & Spring Onions ,Spaghetti Carbonara,Broiled Fillet of Mediterranean Sea Bass, "All About Chocolate"
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-11-22

528日(天晴):Crystal Serenity Day #5  At Sea

郵輪往葡萄牙航行期間,我地有成日時間喺海中心活動。雖然唔洗一大清早去觀光,不過小肥都八點前起身上去十三樓按摩。時間真係幾緊迫架,因為按摩後,要趕十點前沖完涼,落返去六樓睇Nobu先生教煮餸。上完烹飪堂,孝順o既小肥同中肥就陪媽咪拉左陣老虎機,十二點正就上去Lido Cafe食自助餐。

下午節目同樣豐富。1:15pm,大家先過Lido Cafe對面o既Palm Court坐落黎等上Slow Waltz堂;一邊飲酒飲咖啡,一邊跳舞,high爆!兩點鐘又急忙落去六樓賭場參加拉機比賽。雖則我地幾個都失望而回,不過玩時都總算係開心過

四點喺Silk Road有個Sake試酒會,長輩們都驚遲到會冇位坐,所以就約定三點半去霸位。飲左幾杯酒,個午餐又食得早,大家就索性留喺度等壽司吧六點鐘開門,繼續飲Sake食魚生。Happy Hour過後,我地一齊去Galaxy Lounge睇show,然後就落去Dining Room食晚飯。飲飽食醉當然係要散散步啦,不過小肥之後都係要拉多陣機先捨得去訓

Gary (Cruise Director)介紹Fumio Hazu先生
Gary (Cruise Director)介紹Fumio Hazu先生
Sake釀製過程
Sake釀製過程
Sake試酒會中之試酒杯
Sake試酒會中之試酒杯
Sake試酒會中之不同酒品
Sake試酒會中之不同酒品
Sake試酒會中之送酒小食
Sake試酒會中之送酒小食
Fumio Hazu先生講解釀酒過程
Fumio Hazu先生講解釀酒過程
為大廚Nobu先生特製之北雪梅酒
為大廚Nobu先生特製之北雪梅酒
為大廚Nobu先生特製之北雪梅酒
為大廚Nobu先生特製之北雪梅酒

長輩們真係有先見之明,我地八個人如果四點正先出現,有位都肯定要分開坐,因為個試酒活動好受歡迎!

我地個Cruise Director, Gary先生略作介紹後,就轉交代表日本「北雪」酒廠o既Fumio先生以日文講解Sake釀製過程,再由一位日藉美女翻譯。如果冇聽錯,Fumio先生提及到釀酒時每粒米被割o既百分比就係用黎斷定製出黎o既酒有幾高級。XO仔諗住日本人釀清酒應該同法國人製紅酒差唔多啦,點知原來好唔同。其中最大分別就係法國人收割葡萄後係唔會煮熟啲葡萄果實,而釀製清酒卻必先煮熟收割後o既米粒!

個人認為,「北雪」四款不同o既清酒都唔及得上佢地最後比我地試嗰杯梅酒!梅酒幽香撲鼻,味道清甜,涷飲簡直係透心涼!當問到此梅酒有否出口時,Fumio先生話此梅酒乃為Nobu先生及其餐廳特製,所以街係冇得賣,一定要去Nobu先生o既餐廳先有得飲

評分: 味道5   服務5   環境5   衛生5   抵食5
高級Happy Hour 笑臉2012-11-22
壽司吧
壽司吧
海帶前菜
海帶前菜
Yellow Tail Tartar with Caviar
Yellow Tail Tartar with Caviar
油甘魚刺身
油甘魚刺身
Yellow Tail with Jalapeño
Yellow Tail with Jalapeño
Grilled Wagyu Beef Steak
Grilled Wagyu Beef Steak
麵豉湯
麵豉湯
The Sushi Bar餐牌
The Sushi Bar餐牌

早幾日喺Silk Road食得咁開心,啱啱又參加完Sake試酒會,食日本菜o既心情可以話係意猶未盡!肥肥一族歐遊最擔心就係冇亞洲菜落肚,而家仲要係講緊食魚生wor,我地大伙人仲唔襯機加料Happy Hour去壽司吧?!

嘩,好彩我地試酒會完左冇走,原來啲人一早就黎Sushi Bar排隊等食壽司!雖然壽司吧提供o既食物喺Silk Road都可以食得到,始終兩個地方氣氛唔同,最重要就係我地六點去完壽司吧,八點半又可以落去Main Dining Room正式食晚餐。

XO仔愛食油甘魚,所以喺Sushi Bar都係主攻同油甘魚有關o既菜式:

1) Yellow Tail Tartar with Caviar:配搭新穎,油甘魚同魚子醬味道好夾好鮮。

2) 油甘魚刺身:喺船上都可以食倒咁新鮮o既魚生,配埋sake真係好享受!

3) Yellow Tail with Jalapeño:少辣o既油甘魚薄切好野味。

4) Grilled Wagyu Beef Steak:半生熟o既和牛軟腍香口,正!

推介菜式: Yellow Tail Tartar with Caviar,油甘魚刺身,Yellow Tail with Jalapeño,Grilled Wagyu Beef Steak
評分: 味道5   服務5   環境5   衛生5   抵食5
Neptune Dinner 笑臉2012-11-22
5月28日之晚餐,郵輪繼續向葡萄牙進發
5月28日之晚餐,郵輪繼續向葡萄牙進發
Gravlax
Gravlax
Seared Sea Scallops
Seared Sea Scallops
Neptune Dinner之精美餐碟
Neptune Dinner之精美餐碟
Neptune Dinner之精美餐碟
Neptune Dinner之精美餐碟
Pan-Fried Lump Crab Cake
Pan-Fried Lump Crab Cake
Broiled Fresh Ahi Tuna
Broiled Fresh Ahi Tuna
Bananas Flambé
Bananas Flambé

XO仔一家每日都好期待去Main Dining Room度食晚餐,因為廚房都會有新搞作。話明係Neptune Dinner,主題好明顯係「海皇」,我地八個人當然係叫海鮮黎食啦!Crystal真係好有心思,連餐牌同餐碟都襯托埋個海洋theme,成功謀殺小肥唔少菲林

1) 大廚推介之“Gravlax” – Home-Cured Fresh Salmon, Served with Honey-Mustard Sauce, a Warm Dill French Toast, Quail Egg & Caviar Crème Fraîche:此道頭盤材料多,有層次得黎口感亦好多元化,味道有咸有甜好得意,小弟最欣賞隻超級滑溜太陽鵪鶉蛋!

2) Seared Sea Scallops with Roasted Pear & Warm Mushroom Salad:Crystal冇限客人食幾多野,所以小肥就叫左兩款頭盤。第二道o既帶子比較清,但同樣美味。

3) Pan-Fried Lump Crab Cake on Dijon Mustard Rémoulade with Summer Vegetable Slaw:XO所選o既蟹餅主菜非常鮮甜香嫩,加上炸物同沙律一齊食,整體好爽脆。

除左餐牌上各色各樣o既甜品,Domagoj通知我地當晚有項「同場加影」,就係佢個經理負責即場炮製Bananas Flambé。無懼增肥o既大中小肥每人叫左份。唔知係咪心理作用呢,新鮮熱辣煮出黎個效果永遠都係特別好味

我地成圍都好滿意個Neptune Dinner,更覺個特備甜品為海鮮餐劃上完美o既句號

推介菜式: Gravlax,Seared Sea Scallops,Pan-Fried Lump Crab Cake,Bananas Flambé
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-10-12

5月27日(天晴):Crystal Serenity Day #4之 Bordeaux

郵輪河第四日,朝早Crystal Serenity 繼續停泊喺Bassens。同早一日一樣,哥哥預先book定左個私人觀光團,不過導遊唔同左,轉左位較後生o既Sybil小姐;雖然佢冇好似Lucille咁早到,不過都尚算準時,只係我地心急早左,結果食左半個鐘頭西北風

當日行程比較簡單,上午先喺寂靜o既Bordeaux市中心行,吸收新鮮空氣同觀賞市內o既主要地標,包括梅花廣場,波爾多大劇院,議會廣場等。下午,我地遊覽Bordeaux以北之Médoc區o既酒莊,路程偏遠,所以嗰朝散步左大概個半鐘頭之後又要上返車坐多一個鐘。時間預鬆左,而且相距午飯時間仲有成個鐘,Sybil就帶我地喺Margaux區內遊車河,續間大酒莊指比我地睇之餘,仲比機會大家落車同Château Margaux黎個超近距離o既接觸添

我地嗰日午餐光顧Restaurant Le Savoie,係一位曾經去過Bordeaux o既Uncle H介紹o既。無錯,餐廳食物高質有水準,但因法國人做事速度太慢,結過食左我地成兩個鐘

Lunch 後,我地按照原定計劃向
Château Pontet-Canet進發,參觀其酒莊及聽酒莊代言人講解佢地o既造酒過程同間酒莊o既特色。因酒莊離郵輪所轉泊o既Le Verdon碼頭行車都要成個鐘,而所有搭客亦需趕於5:30前上船,我地都冇再要求去區內o既酒舖買酒,亦好慶幸早一日Lucille已經帶過我地去

我地5點左右返上船,其實時間都有少少緊迫,因為郵輪準6點開船,向葡萄牙出發。 小肥同親友們一上船就先去嘆返杯咖啡,香檳,同食個下午茶。稍作休息及梳洗,大家就約喺6樓會合,因為當晚7點有位名鋼琴家 Philip Wojciechowski上左郵輪表演。起初睇每日一報都費事傷神去諗佢個名點讀,好彩我地o既Cruise Director, Gary Hunter 先生夠風趣,教觀眾以快版讀出Where's your house key,大家先會識讀同記得,更令全場哈哈大笑。

睇完鋼琴表現,7點45分立刻又有個專比單身人士參與o既雞尾酒會,有酒飲,有舞跳,有歌聽,當然亦有好多女....仕啦,可惜XO對姊弟戀冇興趣,只可嘆一句有點美中不足。喺雞尾酒會度逗留左廿分鐘倒,我地就落返去Main Dining Room食晚飯。

Bordeaux
Bordeaux
清潔及平靜的Bordeaux市中心
清潔及平靜的Bordeaux市中心
清潔及平靜的Bordeaux市中心
清潔及平靜的Bordeaux市中心
Streetcars:好似香港地鐡上左地面咁,好靜!
Streetcars:好似香港地鐡上左地面咁,好靜!
Place de la Comédie
Place de la Comédie
Place de la Comédie
Place de la Comédie
Bordeaux: The Regent Hotel
Bordeaux: The Regent Hotel
Grand Théâtre de Bordeaux
Grand Théâtre de Bordeaux

法國人非常尊重國家週末休息o既習慣,所以週末絕大部份o既商店舖頭都唔會開,而且每個星期日朝早條街更加係寂靜無聲(如圖所示,條街真係人影都冇隻)。

XO印象最深刻係地面上o既Streetcars,因為佢好似香港o既地鐡同電車o既混合體。外表勁似卡通片內常見而又好有時空feel o既交通工具,車頂係冇任何電纜,美觀得黎好清爽,最重要就係架車非常靜,行過都唔係好覺。

當我地經過波爾多大劇院(Grand Théâtre de Bordeaux)時,Sybil指出,此聖殿形建築物之頂部有12尊雕像:9個繆斯女神(the 9 Muses)及神話中其中三位女神Juno, Venus & Minerva。

參觀時段: 早上
評分: 值得去5  
La Place des Quinconces: The Girondist Column
La Place des Quinconces: The Girondist Column
La Place des Quinconces: The Girondist Column
La Place des Quinconces: The Girondist Column
La Place des Quinconces: The Gallic Rooster「高盧雄雞」
La Place des Quinconces: The Gallic Rooster「高盧雄雞」
La Place des Quinconces(圖右方:廣場東邊入口有兩條柱)
La Place des Quinconces(圖右方:廣場東邊入口有兩條柱)
La Place des Quinconces: Fountain
La Place des Quinconces: Fountain
La Place des Quinconces: Fountain
La Place des Quinconces: Fountain
La Place des Quinconces: Fountain
La Place des Quinconces: Fountain
La Place des Quinconces:吉倫特派紀念碑
La Place des Quinconces:吉倫特派紀念碑

離遠已經睇倒條圓柱The Girondist Column,柱頂係代表自由精神的雕像。Sybil帶我地行近睇,先留意到圓柱旁有塊大空地,即「梅花廣場」。廣場內之樹木全以quincunxes形(所謂梅花形)種植,所以廣場名為「梅花廣場」(La Place des Quinconces)。

圓柱The Girondist Column底有個水池。水池中全部都係好有歷史o既雕像,包括法國象徵之「高盧雄雞」,吉倫特派紀念碑,等等。

參觀時段: 早上
評分: 值得去5  
Place du Parlement
Place du Parlement
Place du Parlement
Place du Parlement
Place du Parlement
Place du Parlement

自己冇親身黎過真係唔會知道Bordeaux市內原來咁多廣場,而且個個都有佢自己獨特o既歷史故事。比起梅花廣場,依個議會廣場就細好多,不過都有個噴水池仔,水池仲有個牌叫啲人唔好飲用水池中o既水添,真係搞笑。

議會廣場已被列為歷史古跡。大家請留意一下相片中圍住水池同廣場o既建築物,四邊o既建築物都係一色一樣架。個廣場改過好多次名,有一段時期叫過做「Place du Marché Royal」,跟住法國大革命時又轉左做「Place de la Liberté)」,後來先改為「Place du Parlement」。

參觀時段: 早上
評分: 值得去3  
舊金融中心 笑臉2012-10-12
Place de la Bourse
Place de la Bourse
Place de la Bourse
Place de la Bourse
Place de la Bourse: Fontaine des Trois Grâces
Place de la Bourse: Fontaine des Trois Grâces
Place de la Bourse: Fontaine des Trois Grâces
Place de la Bourse: Fontaine des Trois Grâces
Place de la Bourse
Place de la Bourse

由細街走出黎,第一眼見到個水池,大家都估倒我地又黎到一個廣場。水池名叫「三女神噴泉」(Fontaine des Trois Grâces),興建前原本有個路易十五o既騎馬雕像。

同議會廣場一樣,依個交易所廣場喺歷史唔同時期中有唔同名,其中以拿破崙一世統治期間所用之「Place Impériale」及復辟後之「Place Royale」最容易記

多年前,交易所廣場就係Bordeaux內之金融中心,舊交易所而家就做左波爾多工商會(Chamber of Commerce and Industry)。佢個開揚式設計好有來頭,因為廣場o既建造過程中要先拆除Bordeaux城牆,話係用黎代表繁榮wor。

參觀時段: 早上
評分: 值得去4  
迷幻鏡池 笑臉2012-10-12
"Le Miroir d'eau", The Misty Reflecting Pool
"Le Miroir d'eau", The Misty Reflecting Pool
"Le Miroir d'eau", The Misty Reflecting Pool(平靜)
"Le Miroir d'eau", The Misty Reflecting Pool(平靜)
"Le Miroir d'eau", The Misty Reflecting Pool(開水)
"Le Miroir d'eau", The Misty Reflecting Pool(開水)
"Le Miroir d'eau", The Misty Reflecting Pool(開水)
"Le Miroir d'eau", The Misty Reflecting Pool(開水)
"Le Miroir d'eau", The Misty Reflecting Pool(涼快)
"Le Miroir d'eau", The Misty Reflecting Pool(涼快)

交易所廣場對出係2006年建成o既「鏡池」(Le Miroir d'eau),平靜時會反映交易所廣場之倒影(如圖所示),而噴水時則反映出廣場之瀰漫版倒影。依個水池喺夏天特別受當地人歡迎,當日仲有個冇著衫o既小朋友喺入面玩

參觀時段: 早上
評分: 值得去5  
賞花 笑臉2012-10-12
靚燈
靚燈
"Le Jardin des Lumières", Garden of Lights
"Le Jardin des Lumières", Garden of Lights

「水鏡」旁有個「光之花園」(Le Jardin des Lumières),大家可以玩完水走過去一邊賞花,一邊吸收新鮮空氣。對冇乜藝術細胞o既XO仔黎講,第一眼望向個花園度,其實覺得幾單調下,所以就喺度諗,唔知個花園名係咪暗示夜晚會有特別燈光效果黎襯托返旁邊個迷幻鏡池呢?!
(當日,老豆坐左喺其中一張櫈度中左招,一褲都係雀仔排泄物。)

參觀時段: 早上
評分: 值得去4  
Margaux: Château Lascombes之路牌
Margaux: Château Lascombes之路牌
Margaux: Château Palmer
Margaux: Château Palmer
Margaux: Château Palmer
Margaux: Château Palmer
Margaux: Château Palmer
Margaux: Château Palmer
Margaux: Château Cantenac Brown
Margaux: Château Cantenac Brown
Margaux: 葡萄園
Margaux: 葡萄園
葡萄園上之花朵
葡萄園上之花朵
葡萄園旁之檸檬樹
葡萄園旁之檸檬樹

離開左Bordeaux市中心,我地就向北前往Médoc區。黎到Margaux鎮,Sybil先喺車內指出不同酒莊,小肥就將爸爸所認識嗰啲影抵左,等佢返香港後可以睇返啲相黎回味一下。不過,XO仔居然都認得出幾間,包括Château Lascombes同Château Palmer,因為依兩間都係屋企人常飲o既紅酒。

參觀時段: 早上
評分: 值得去4  
Château Margaux
Château Margaux
停車場內都有靚花
停車場內都有靚花
Château Margaux
Château Margaux
Château Margaux: 土壤中之石塊
Château Margaux: 土壤中之石塊
Château Margaux: 葡萄果實
Château Margaux: 葡萄果實
Château Margaux: 葡萄果實
Château Margaux: 葡萄果實
Château Margaux: 葡萄果實
Château Margaux: 葡萄果實
Château Margaux: 葡萄果實
Château Margaux: 葡萄果實

嗰朝最high莫過於Sybil停泊架車喺Château Margaux度,比大家同依間名酒莊黎個超近距離接觸!除左我地之外,現場已經有好多其他遊客喺度影緊相。

雖然酒莊冇開,我地亦冇緣同酒莊負責人交談,不過我地竟然可以喺佢門口任意拍攝,更可以伸手觸摸土壤,石塊,及葡萄園中細小o既葡萄果實

參觀時段: 早上
評分: 值得去5  
法式午餐 笑臉2012-10-12
Restaurant Le Savoie
Restaurant Le Savoie
Amuse Bouche
Amuse Bouche
斜杯
斜杯
Cassolette d’Œufs de Caille et de Foie Gras
Cassolette d’Œufs de Caille et de Foie Gras
Duo de Gambas décortiquées & de St Jacques Plancha
Duo de Gambas décortiquées & de St Jacques Plancha
Carpaccio de Homard rôti & parfumé aux Fruits
Carpaccio de Homard rôti & parfumé aux Fruits
Côtelettes d’Agneau en Crépine de Cèpes & Foiegras
Côtelettes d’Agneau en Crépine de Cèpes & Foiegras
Free jellos & canelés
Free jellos & canelés

上船之前,黎過Bordeaux o既Uncle H已經極力推介Restaurant Le Savoie比我地,所以嗰朝早第一件事就係同Sybil講叫佢訂定位去嗰度食lunch。

法國人真係好享受大自然,每間餐廳都一定設有露天位置,怕熱o既肥肥一族當然要求坐陰位啦!除左周圍都有靚花,枱上必定有隻酒杯同水杯。Restaurant Le Savoie嗰隻水杯好得意架,相未必睇得清楚,不過佢好似比薩斜塔咁側左一邊。

餐廳提供法文版同英文版餐牌,所以唔識法文唔洗驚。除左散叫,大家可以選擇午市套餐「Le Savoie」(Euro 31)或「Saveur」(Euro 50)。兩款都包頭盤,主菜,甜品,咖啡/茶;細食o既客人可以單叫主菜,或以主菜配頭盤/甜品,唔同配搭收費不同。我地未點好餸,姐姐仔先送上免費贈送o既Amuse Bouche,涼拌蝦及青口加半隻蛋,每人一小碟,開胃美味。

我地九個人試左好多不同菜式,大家都認同餐廳所選用o既食材高質,廚藝有水準,如果有機會返黎Bordeaux都一定會再幫襯。是次推介:

1)      Fraîcheur de Truffe noire sur Raviole de Truffe blanche et ses Médaillons de Homard (Google Translation: Fresh Black Truffle Ravioli on White Truffle & Lobster Medallions)

2)      散叫生蠔

3)      Cassolette d’Œufs de Caille et de Foie Gras sur Crème de Morille (Google Translation: Casserole of Quail Eggs & Foie Gras on Morel Cream):香滑野味,第一次食,感覺好獨特。

4)      Duo de Gambas décortiquées et de Saint Jacques Plancha au Caramel d’Orange (Google Translation: Duo of Prawns Peeled & de Saint Jacques Plancha Orange Caramel):大蝦爽甜,帶子嫩滑。

5)      Carpaccio de Homard rôti et parfumé aux Fruits des Iles (Google Translation: Roasted Lobster Carpaccio Flavored with Fruits & Islands):龍蝦肉鮮甜香脆,一啲都唔嚡,牛油果亦好香滑。

6)      Porcelet confit et rôti au Thym (Google Translation: Square of Roast Suckling Pig Confit & Thyme)

7)      Saint Jacques Plancha glacée au Safran (Pan-Seared Scallops & Pumpkin Ice-Cream) :帶子嫩滑。

8)      Pigeonneau Rossini désossé au Port (Rossini Boneless Squab at Port):鴿肉香嫩。

9)      Côtelettes d’Agneau en Crépine de Cèpes et Foie gras (Google Translation: Lamb Chops with Porcini Strainer & Foie Gras)

10)    Goblet of Smooth Milk Mousse on a Strawberry & Rasberry Soup:唔怕酸o既Sybil話好似未攪勻o既啤利奶昔咁wor

食左差唔多成兩個鐘頭,我地埋單嗰陣時姐姐仔再免費贈送細杯啫喱同canelés,小肥嘆左句,「早知慳啲,個套餐唔要甜品啦!」

推介菜式: Fresh Black Truffle Ravioli,Casserole of Quail Eggs & Foie Gras,Duo of Prawns,Rossini Boneless Squab,Lamb Chops with Porcini Strainer & Foie Gras
每人消費: 約60歐元 (午餐)
評分: 味道4   服務4   環境4   衛生4   抵食2
"ABC" 笑臉2012-10-12
Saint-Julien: Château Beychevelle
Saint-Julien: Château Beychevelle
Saint-Julien: Château Beychevelle
Saint-Julien: Château Beychevelle
Saint-Julien: Château Ducru-Beaucaillou
Saint-Julien: Château Ducru-Beaucaillou
Saint-Julien: Château Léoville Poyferré
Saint-Julien: Château Léoville Poyferré
Saint-Julien: Château Léoville Poyferré
Saint-Julien: Château Léoville Poyferré
Saint-Julien: Château Léoville-Las Cases
Saint-Julien: Château Léoville-Las Cases
Saint-Julien: Château Léoville-Las Cases
Saint-Julien: Château Léoville-Las Cases
Saint-Julien: Château Léoville-Barton
Saint-Julien: Château Léoville-Barton

食飽飯,Sybil一邊開車前往Château Pontet-Canet,一邊繼續介紹及指出名酒莊。黎到Saint-Julien區,小肥覺得自己見識真係唔夠廣,因為除左未聽過啲酒莊,就連個區名都未聽過。姨丈見狀,就講左個爛gag:「遊客黎到Bordeaux,開口埋口都喺ABC,知唔知點解?ABC其實等於Another Bloody Château。」(哈哈!)

參觀時段: 下午
評分: 值得去4  
Pauillac: Château Latour
Pauillac: Château Latour
Pauillac: Château Latour
Pauillac: Château Latour
Pauillac: Château Latour
Pauillac: Château Latour
Pauillac: Château Latour
Pauillac: Château Latour
Pauillac: Château Pichon-Longueville
Pauillac: Château Pichon-Longueville
Pauillac: Château Lynch-Bages
Pauillac: Château Lynch-Bages
Pauillac: Back of Château Grand-Puy-Lacoste
Pauillac: Back of Château Grand-Puy-Lacoste
星柱標籤著Rothschild家族所擁有之區域
星柱標籤著Rothschild家族所擁有之區域

去到Pauillac區,終於又聽返啲名牌酒莊啦,當中包括Château Latour,Château Pichon-Longueville,以及家中舅公最愛o既Château Lynch-Bages。

參觀時段: 下午
評分: 值得去4  
Biodynamic Wine 笑臉2012-10-12
Château Pontet-Canet
Château Pontet-Canet
每行葡萄樹前都種左一束花,用黎確認泥土o既健康度
每行葡萄樹前都種左一束花,用黎確認泥土o既健康度
用馬車收割葡萄以減輕收割其間對泥土及葡萄樹之傷害
用馬車收割葡萄以減輕收割其間對泥土及葡萄樹之傷害
收割葡萄後先送上此二樓工場作初步處理
收割葡萄後先送上此二樓工場作初步處理
處理過之葡萄會經此器械落一樓之木桶內
處理過之葡萄會經此器械落一樓之木桶內
上鎖鐡籠內之超級舊酒,要不時換酒塞
上鎖鐡籠內之超級舊酒,要不時換酒塞
不同大細之酒樽
不同大細之酒樽
試酒時間
試酒時間

其實每間酒莊o既製酒過程都大同小異,Château Pontet-Canet獨特之處就係佢地o既biodynamic釀酒過程,百分百天然,絕對唔用化學品如殺蟲劑。所謂biodynamic,即係話製酒過程完全係以生物自然生態黎控制,而且佢地係用月亮黎作出種植決定(即我地農/陰曆啦),非常科學。此外,Château Pontet-Canet係用馬車黎收割葡萄果,以減輕收割其間重型車同機器對泥土及葡萄樹之傷害。

落到去地下室,姐姐仔指出地層除左儲存一桶桶o既新酒外,入面仲有個上左鎖o既鐡籠,入面全部都係酒莊之寶,即歷屆舊酒。有好多因為太舊,要定期換酒塞添。

參觀時段: 下午
評分: 值得去5  
Château Mouton Rothschild(星柱標籤著Rothschild所擁有之區域)
Château Mouton Rothschild(星柱標籤著Rothschild所擁有之區域)
Pauillac: Château Mouton Rothschild
Pauillac: Château Mouton Rothschild
Pauillac: Château Lafite Rothschild
Pauillac: Château Lafite Rothschild
Pauillac: Château Lafite Rothschild
Pauillac: Château Lafite Rothschild
Saint-Estèphe: Château Cos d'Estournel
Saint-Estèphe: Château Cos d'Estournel
Saint-Estèphe: Château Cos d'Estournel
Saint-Estèphe: Château Cos d'Estournel
Saint-Estèphe: Château Cos d'Estournel
Saint-Estèphe: Château Cos d'Estournel
Crystal Serenity已停泊喺Le Verdon
Crystal Serenity已停泊喺Le Verdon

Château Pontet-Canet其中一個鄰居就係名酒莊Château Mouton Rothschild(香港及中國又稱「武當」)。據說,相中所示之星形石柱為Rothschild家族擁有,以標籤其家族所擁有之區域,所以Château Lafite Rothschild範圍亦有相同o既星形石柱。

當日睇完Médoc區內o既酒莊,終於明白點解啲法國酒莊全部都叫左Château(法文可譯作「城堡」),因為間間都好似古堡咁大

參觀時段: 下午
評分: 值得去5  
精彩出色 笑臉2012-10-12
5月27日之晚餐,郵輪向葡萄牙進發
5月27日之晚餐,郵輪向葡萄牙進發
Cream of Sweet Corn Soup with Leek Straw
Cream of Sweet Corn Soup with Leek Straw
Grilled Medallions of Scandanavian Venison
Grilled Medallions of Scandanavian Venison
5月27日晚餐之甜品牌
5月27日晚餐之甜品牌
"Apple Bake" - Ofen Bake Apple Pudding
"Apple Bake" - Ofen Bake Apple Pudding
"Harlequin": Chocolate Melt Cake a la mode
"Harlequin": Chocolate Melt Cake a la mode
"Harlequin": Chocolate Melt Cake a la mode
"Harlequin": Chocolate Melt Cake a la mode
"Harlequin": Chocolate Melt Cake a la mode
"Harlequin": Chocolate Melt Cake a la mode

郵輪向葡萄牙進發,海面尚算平靜。觀光左成日,睇完「Where’s-your-house-key」先生o既精彩鋼琴表演,又去埋單身人仕雞尾酒會,返到黎空調充足,座位寬闊o既Main Dining Room,真係好爽

心情好就特別想食甜野,咁啱是日精選靚湯又係帶甜o既粟米忌廉湯,嘻嘻,正合我心意!主菜小肥就揀左個鹿肉,嘩,香嫩鬆軟,個汁又靚,無得頂呀!甜品就食夠兩款:蘋果布丁香滑,心太軟亦成功溶喺我個口,精彩出色! 

推介菜式: Cream of Sweet Corn Soup with Leek Straw,Grilled Medallions of Scandanavian Venison,Ofen Bake Apple Pudding,"Harlequin"
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-08-31
5月26日(天晴):Crystal Serenity Day #3 之 法國Bordeaux

郵輪準時上午9點抵達Bassens,Bordeaux之港口。我地一行八人,為方便起見,團長一早book左個迷你私人觀光團,乘坐九人車去遊覽酒莊同Saint-Émilion小鎮。因為約好導遊小姐九點半喺郵輪旁會合,我地嗰朝一早8點半就上左去十一樓Lido Cafe先食個自助式早餐。

導遊小姐Lucille非常準時,我地早左十分鐘落船,佢已經喺度等緊我地。開車前,每人先派一本小冊子,粗略地講解當日o既行程,然後就正式出發。Lucille一邊開車,一邊講解好多有關酒莊同紅酒o既野,例如紅酒o既"classification","appellation",酒莊點解叫"Château" 等,完全冇悶場,真係好稱職。

我地第一站去左一間較細o既酒莊,Château Laniote,由幽默友善o既莊主Arnoud de la Filiole先生親自接待,大家都好有驚喜。跟住,Lucile就帶左我地去觀賞Saint-Émilion o既名勝古蹟,Eglise Monolithe及Collegiate Church Cloister。食過午餐,我地再去同區一間大好多o既酒莊,Château de Pressac,參觀。

送我地返上船之前,Lucille當然不忘帶酒客大肥去酒舖入貨啦!今次真係要讚下大肥爸爸,除左有頭腦,佢仲好有細佬心;為免加重小肥搬運行李o既負擔,佢決定所有親朋好友都以紅酒做手信。媽媽一向有品味,所以負責揀一D未出口去香港o既地道紅酒,然後再由酒舖安排速遞送到我地香港屋企。雖然速遞要額外收費,不過總好過去到機楊因行李過重搞到唔知點算好,而且因所有稅款已經自動扣除,仲幫我地慳埋唔少搞手續o既時間添

我地大概五點返上船,剛好Happy Hour,大中小肥先黎幾杯香檳涷啤,而Auntie們就選擇飲咖啡同食蛋糕。下午茶過後,大家稍作休息,六點十就去六樓Galaxy Lounge會合睇show。睇完表演,八點半再落Main Dining Room食餐勁o既
Château Laniote
Château Laniote
Château Laniote:大量紅酒存貨
Château Laniote:大量紅酒存貨
Château Laniote:製酒機器之一
Château Laniote:製酒機器之一
Château Laniote:酒桶
Château Laniote:酒桶
Château Laniote:Saint-Émilion Grand Cru Classé
Château Laniote:Saint-Émilion Grand Cru Classé
Château Laniote:傳統標籤打印機
Château Laniote:傳統標籤打印機
Château Laniote
Château Laniote
Château Laniote
Château Laniote
上文提到,當日Lucille安排左我地先去一間較細o既酒莊,Château Laniote,參觀。何謂細呢?比起其他有最少20hectares葡萄園o既酒莊,Château Laniote只有約5 hectares o既vineyard(葡萄園),每年釀製約1,700樽紅酒。

到達Château Laniote酒莊,第一個驚喜,就係發現負責接待我地o既係該酒莊之莊主Arnoud de la Filiole先生,大家頓時變成貴賓,真係有少少受寵若驚。再者,靚佬Arnoud毫無架子,幽默友善,仲善於玩魔術,逗得同場o既女親友們不知幾高興。佢氹女咁有計,小肥都學倒唔少技倆,當然係喜多過驚啦

除左帶我地走遍酒莊不同角落,Arnoud仲預備左一段影片,一邊播放,一邊講解佢地酒莊製酒過程,如幾時播種同收成,處理葡萄o既不同步驟及儀器等,真係好詳盡。據說,酒莊係佢地家族生意,只不過係因為以女系相傳,所以佢地個名同酒莊個名唔一樣。Arnoud仲不停大讚自己個太太,因為佢太太係一位oenologist,即酒學家」,好有來頭架。

想客人買自己出產o既紅酒,最好o既方法就係比大家試味架啦!Arnoud真係好有誠意架,因為佢開左枝2009年(爸爸話係好年份黎架!)o既酒比我地試,仲教我地點睇紅酒,聞酒香,睇「掛杯」等等,平時唔係好飲紅酒o既XO仔真係學左好多野。Arnoud係一位老實商人,佢解釋,2009年係好年,不過D酒未"ready",即未係時候飲,不過大家都可以收藏定。另外,出面D酒舖應該冇哂佢地2005年(亦屬好年份)製釀o既酒,不過如果我地有興趣,可以買酒o既時候,叫售貨員打個電話比佢,佢會留定幾箱比我地,認真唔話得
參觀時段: 早上
評分: 值得去5  
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc
Saint-Émilion:Château Cheval Blanc新翼(左手邊白色建築物)
Saint-Émilion:Château Cheval Blanc新翼(左手邊白色建築物)
進入Pomerol區域
進入Pomerol區域
Pomerol:Château Pétrus
Pomerol:Château Pétrus
Pomerol:Château L'Évangile
Pomerol:Château L'Évangile
Pomerol:Vieux Château Certan
Pomerol:Vieux Château Certan
三隻馬都識望過黎影相,真係難得!
三隻馬都識望過黎影相,真係難得!
因為好多酒莊都唔比旅行團帶隊參觀,而且有好多週末又唔開放,再加上我地只係有時間一日之內睇兩三間酒莊,我地當日只可以喺車上遠觀其他酒莊,再等Lucille指出邊幾間係名氣大少少,我地又聽過o既,然後拍照留念。佢都算好人啦,專登喺路中心旁(好在路面冇幾他車輛),即酒莊指示牌附近,停多一陣,等我地影完先再去第二個景點。
參觀時段: 早上
評分: 值得去5  
Macaron始祖店 笑臉2012-08-31
Saint-Émilion鎮
Saint-Émilion鎮
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮:周圍都係酒舖
Saint-Émilion鎮
Saint-Émilion鎮
Saint-Émilion鎮
Saint-Émilion鎮
Saint-Émilion鎮:Macaron餅店
Saint-Émilion鎮:Macaron餅店
Moulierac Fabrique De Macarons:Macaron始祖店
Moulierac Fabrique De Macarons:Macaron始祖店
原始Macarons
原始Macarons
話名係酒鎮,Saint-Émilion鎮內當然有好多酒舖啦!間間賣o既野都唔同,有賣酒,開酒器,酒瓶,酒具,有關酒o既書等,門面同櫥窗都好有特色架,所以每間都吸引倒唔少客人。

Lucille唔講,真係冇人聽過,原來而家好盛行o既甜品macaron原來黎自此鎮!始祖店名叫"Moulierac Fabrique De Macarons"。肥肥一族又點會放過食甜品o既機會呢?我地並冇買市面上周圍都見得倒o既五彩繽紛macarons,不過就試左佢地用最原始嗰個秘方所製成o既淺啡色macarons。個人覺得"原始macarons"外表雖然冇咁花巧,不過因為新鮮製成,食落好夠清甜鬆脆香口,別有一番風味
推介項目: 原始秘製macarons
參觀時段: 早上
評分: 值得去5  
一石教堂 笑臉2012-08-31
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church):UNESCO世界遺產認證
Eglise Monolithe (Monolithic Church):UNESCO世界遺產認證
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church)
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Chapel
Eglise Monolithe (Monolithic Church):Floor Plan
Eglise Monolithe (Monolithic Church):Floor Plan
Saint-Émilion鎮雖然唔大,不過都有名勝古蹟架!最出名o既就係以一塊limestone(石灰岩)建造而成o既教堂Eglise Monolithe(Monolithic Church)。

入去教堂參觀,導遊必需先取鎖匙,門口更掛有UNESCO世界遺產認證,好堅架!原來依間教堂入面有好多catacombs(陵),唔怪得知咁陰涼啦

小肥只係影左幾幅相,因為入到去先見倒警告話嚴禁攝影,仲話無論有冇閃光燈,拍攝過程都會影響到建築物
參觀時段: 早上
入場價錢: 每人5.50歐元
評分: 值得去5  
Collegiate Church Cloister
Collegiate Church Cloister
Collegiate Church Cloister:法文解說
Collegiate Church Cloister:法文解說
Collegiate Church Cloister:英文解說(冇圖片)
Collegiate Church Cloister:英文解說(冇圖片)
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Collegiate Church Cloister
Saint-Émilion另一個旅遊景點就係Collegiate Church Cloisters,一間已荒廢o既修道院之「迴廊」。要友人解釋,先知「迴廊」(Cloister)係修道院用黎分格僧人同外界o既空間,以便靜修wor。小弟見識少,入到去只係覺得好靜,好空曠,同好有古蹟feel。
參觀時段: 早上
入場價錢: 每人5.50歐元
評分: 值得去4  
法式午餐 笑臉2012-08-31
認住隻牛,包唔會去錯
認住隻牛,包唔會去錯
牛之講解圖
牛之講解圖
每日精選
每日精選
法式春卷
法式春卷
燒鴨串
燒鴨串
每人一條法包
每人一條法包
飯後Espresso + 蛋糕仔
飯後Espresso + 蛋糕仔
「神之水滴」法文版
「神之水滴」法文版
上車冇耐,Lucille已經問定我地對午餐有乜要求;因為我地架郵輪好多客人落船觀光,要喺Saint-Émilion鎮內食飯可能會好難搵位。佢話如果我地冇乜野唔食,就建議坐車去遠少少o既餐廳食地道少少o既法國菜。人生路不熟,我地八個人又咁隨和,當然係叫佢渣主意啦

去到門口,入埋餐廳,其實都唔知餐廳個名係乜,要後來上網查,先知原來叫"Le Comptoir de Genès"(講明先:餐廳網頁全部係法文,間餐廳可能唔係依個名架)。印象最深刻就係門口隻大假牛同店內放有全套法文版o既「神之水滴」漫畫。

餐廳入面有個英文非常流利o既阿嬸,不過佢對自己o既哥仔同事態度就唔係幾好啦,淨係聽倒佢不斷呼呼喝喝,真係好吵耳。唔知法國人係咪全部都係咁o既呢,定亦或係佢地唔係好鍾意中國人,除左年紀輕過我o既哥仔外,店內所有人都係黑面神,真係覺得自己唔係好受歡迎囉。

食物方面,因餐牌只有法文版,為免驚動狂燥阿嬸,我地唯有等Lucille續一解釋先作選擇。平心而論,餐廳食物真係好唔錯,味道佳,食材又高質,好難挑剔。小弟所叫o既春卷頭盤,燒鴨串主菜,特濃咖啡,同免費送贈o既canale小蛋糕都好正!
推介菜式: 燒鴨串
每人消費: 約30歐元 (午餐)
評分: 味道5   服務3   環境4   衛生4   抵食3
較大型酒莊 笑臉2012-08-31
Château de Pressac
Château de Pressac
Château de Pressac:42 Hectares of Vineyards
Château de Pressac:42 Hectares of Vineyards
直入禁區
直入禁區
Château de Pressac:Concrete Vat
Château de Pressac:Concrete Vat
Château de Pressac:Wine Barrels
Château de Pressac:Wine Barrels
Château de Pressac:製成品
Château de Pressac:製成品
Château de Pressac:酒莊接待人
Château de Pressac:酒莊接待人
試酒房
試酒房
食完一頓美味o既午餐,Lucille就帶左我地去睇第二間酒莊,Château de Pressac。佢地擁有42 hectares o既葡萄園,係Château Laniote八倍有多,真係唔講得笑。

負責接待我地o既係一位小妹妹,而並非莊主本人。聽佢講解得咁流暢,應該都帶過唔少團。喺佢身上學倒一樣好特別o既野,就係每行葡萄樹前都會種左一束花,原來係用黎確認泥土o既健康度;換句話黎講,如果D花有問題,即代表嗰行葡萄唔健康

妹妹仔講完佢地酒莊o既歷史,葡萄園擴充o既經歷,其土壤,種植及製酒過程後,亦帶我地周圍睇,當然唔少得試酒時間啦!(唔識飲紅酒o既XO仔個人比較喜歡Arnoud比我地試嗰隻酒多D。)

講真嗰句,黎到法國,見倒兩間酒莊都打理得咁乾淨企理,小弟都好放心屋企人飲紅酒
參觀時段: 下午
評分: 值得去4  
百食不厭 笑臉2012-08-31
每日都會有一份菜單貼喺正門
每日都會有一份菜單貼喺正門
5月26日之晚餐,郵輪位置為法國Bordeaux
5月26日之晚餐,郵輪位置為法國Bordeaux
5月26日:晚餐餐牌
5月26日:晚餐餐牌
Crabmeat Tower w/ Melon Carpaccio & Lemon Aioli
Crabmeat Tower w/ Melon Carpaccio & Lemon Aioli
Reginette Pasta "Prince of Naples"
Reginette Pasta "Prince of Naples"
Pan-Seared Veal Scallopine
Pan-Seared Veal Scallopine
Mango Napoleon Slice
Mango Napoleon Slice
Double Fudge Chocolate Bread & Butter Pudding
Double Fudge Chocolate Bread & Butter Pudding
喺Crystal Main Dining Room進膳,享受禮賓式o既待遇,加上晚晚個餐單又夠多元化同精彩,真係百食不厭,XO仔每日都好期待架

嗰晚都唔例外,小弟所揀選o既食物全部都好有水準:
1) Crabmeat Tower with Melon Carpaccio & Lemon Aioli:蟹用鮮甜,薄薄o既生果又夠脆,配搭得好好。

2) Reginette Pasta "Prince of Naples", with Porcine Mushrooms, Bolognes & Tomato Sauces:意粉不但al dente,肉醬好似加左忌廉咁,食落好香滑,加上Porcine菇,整體好完美
 
3) Pan-Seared Veal Scallopine, with a Ragout of Artichokes, Tomatoes, Capers & Fresh Herbs, Served on Capellini Pasta:牛仔肉薄片一D都唔韌,而且夠香口,XO一邊嘆酒,一邊進膳,真係好享受。

4) Double Fudge Chocolate Bread & Butter Pudding with Vanilla Sauce & Rocky Road Ice-Cream:朱古力甜品,鬆軟香甜,一流呀! 

我地八個人都食到好飽,所以飯後一齊去左七樓出面,繞船步行,行左大約半個鐘頭先各自返房/活動。 
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-08-17

5月25日(天晴):Crystal Serenity Day #2 之 At Sea

郵輪旅程第二日,船隻前往法國途中,我地全日都喺海中心。不過大家千奇唔好以為會好悶呀,因為喺船上真係好多野做,好多野食,好多野玩,好多野學,好多野睇,真係多到XO唔夠時間做哂所有想做o既野

我地每個人o既興趣都好唔同,好多時各人都選擇參與不同活動。不過,進膳時候總算一致,所以我地八人相約中午去十二樓食個簡單o既自助午餐,方便飯後小肥同大肥過對面學跳舞。自由活動到五點左右,大家又再喺六樓個咖啡室嘆個下午茶及Happy Hour飲返兩杯。稍作休息,梳洗過後,穿上禮服,大約七點半就去左十二樓Palm Court參加Captain's Formal Reception同船長見面(不過,因衛生關係,一律謝絕握手)。

雞尾酒會過後,我地就落返去七樓日籍大廚Nobu先生主理o既Silk Road 餐廳食日式fusion料理。十點半再到六樓Galaxy Lounge欣賞特備表演節目。睇完表演XO仲有精力,所以喺賭場玩左陣先捨得返房訓

每日一報 笑臉2012-08-17
At Sea之陽光普照
At Sea之陽光普照
5月25日:每日一報
5月25日:每日一報
5月25日:每日一報之封面
5月25日:每日一報之封面
5月25日:早上活動情報
5月25日:早上活動情報
5月25日:下午活動情報
5月25日:下午活動情報
當日天清氣朗,XO同哥哥一起身就走左去個露台度曬左陣太陽,D海風吹埋黎感覺真係好寫意

有關Crystal Serenity郵輪,上回講到我地入住o既9樓廂房有幾舒適,配備有幾齊全;今回小弟想講下郵輪上o既其他地方同Crystal公司安排比乘客o既不同活動。

Crystal每日都會為乘客印製一份"Reflection"日報,詳盡地講解跟住嗰日o既行程,目的地o既各種資訊,上岸可參與o既不同旅行團,船上提供o既各款活動及特備表演節目(請看相片)。我地有每日一報喺手,都要一早規劃幾點鐘做乜野架,因為每個時間都會有幾款活動比搭客選擇。好似我地一家四口咁,當日喺公海,爸爸媽媽朝早先去十三樓比人按摩。然後,爸爸就走左去學打橋牌,而小肥同哥哥就同媽咪一齊去學品酒,同聽人講解調酒心得及技巧。 

如果唔鍾意睇演講或上堂,船上亦設有健身室,圖書館,麻雀/遊樂室,賭場,電腦室,游泳池,露天茶座,酒吧,等,包保任何時後都唔會悶親客人! 二十四小時o既room service 更能確保唔會餓親肥肥一族
評分: 設備5   服務5   環境5   衛生5   抵住5
即叫即做 笑臉2012-08-17
西式食品
西式食品
中式即叫即做炒麵
中式即叫即做炒麵
甜品
甜品
Lido Deck間隔好鬆動,全部都係圓枱同獨立梳化櫈,好舒服。所有座位任坐唔嬲,客人除左唔會爭位坐,大家都非常友善禮讓。

自助午餐每日有兩款熱湯,一濃一清;多種西式冷盤,沙律蔬菜,及麵包;熱食最少有一道魚,而幾款肉類,即雞鴨牛豬羊等,則每日不同。記得打後其中一日有個以"亞洲美食"作主題o既自助餐,嗰日有燒鴨,鍋貼,魚生,點心,真係非常豐富!甜品亦包羅萬有,生果,蛋糕,雪糕,餅乾,樣樣都咁好食!咁多選擇,食物質素又高,真係想唔肥都幾難

雖然話係自助餐,不過好多食物都係即叫即做,包括煎蛋,奄列,炒麵,等。周圍更有多名態度和藹,服務超卓o既哥哥仔幫客人排隊等食物,兼送埋上枱添,簡直係冇得頂
 
評分: 味道5   服務5   環境5   衛生5   抵食5
鄰居贏左冠軍
鄰居贏左冠軍
XO贏左安慰奬大T裇一件
XO贏左安慰奬大T裇一件
聽聞船上o既免費社交舞堂有好多單身女子去上,而且唔係好夠男仔,所以XO就約埋老豆去學跳舞。下午一點半開始o既Salsa堂,無錯真係好多單身女子,不過佢地大部份都可以做得我阿婆;好彩船上有四位花甲"Ambassador Hosts"陪多位靚女學,唔係肯定個個都會爭住同XO跳。世界冠軍級老師 Aleksandr & Elena夫婦好識搞氣氛,教得好有心機同唔會太急,所以一D都唔悶場,仲幾好玩添。

由於節目時間有沖突,跳舞班未完,XO就走左去賭場同媽咪會合,參加免費入場o既拉機比賽。 船上o既賭場唔係好大,不過就靚過澳門多多聲,因夠簡潔光猛,當然唔少得兔女郎免費送上飲品啦,真係同美國拉斯維加斯有得比!小肥雖然冇隔離房住客咁犀利,贏取冠軍(即現金劵USD 25 + T裇 + 帽),我總算有少少運,贏左件安慰奬大T裇,哈哈
參觀時段: 其他
評分: 值得去5  
Silk Road (Asian Cuisine by Nobu Matsuhisa)
Silk Road (Asian Cuisine by Nobu Matsuhisa)
刺身拼盤
刺身拼盤
Grilled Wagyu Beef
Grilled Wagyu Beef
Yellowtail Sashimi with Jalapeno
Yellowtail Sashimi with Jalapeno
Spicy Creamy King Crab
Spicy Creamy King Crab
Nobu-Style Lobster with Truffle-Yuzu Sauce
Nobu-Style Lobster with Truffle-Yuzu Sauce
Suntory Whiskey Cappuccino
Suntory Whiskey Cappuccino
Trio of Crème Brûlée
Trio of Crème Brûlée
除左五樓Crystal Dining Room之外,Crystal Serenity郵輪上仲有兩間主題餐廳;一間係意大利餐廳 Prego,另一間係日式Fusion餐廳 Silk Road。兩間主題餐廳都只供應晚餐,而且座位有限,建議大家上船之前就好訂定位。餐牌上o既食物唔會變,我地人數算多,所以去左兩晚已經可以試哂所有菜式

Silk Road餐廳室內間隔裝修同Main Dining Room一樣寬敞,格調高雅,舒適得很。穿著整齊o既哥仔們同船上所有服務生態度無異,每個都友善非常,落力又唔怕煩,比酒店級服務簡直係有過之而無不及呀!

聽哥哥仔講,好多時上船頭兩日都會有特別菜式,如生龍蝦刺身,喺Silk Road旁,亦即只有十個位o既Sushi Bar 供應。為食o既爸爸第二日就即刻搵埋哥哥一齊去食,六點鐘開波,兩個人仲飲左成枝Sake,醉醺醺地返房休息左個幾鐘再去Dining Room報告比我地聽有幾精彩。可惜我地隔多日後再去時,佢地已經冇哂龍蝦刺身lu,正式係蘇州過後冇艇搭

講返Silk Road,依間餐廳係由名廚Nobu Matsuhisa先生主理。食物以日式為主,有壽司,刺身,天婦羅等傳統菜式,亦有好多Fusion餸菜採用Nobu先生自創o既配方烹調。我地一共八個人,哥仔提議以family style上餸,每樣都有D,唔洗我地諗,仲幫我地分埋,好食可以再encore,真係周到。

唔知係咪同喺船上有關,真係食得出食材好新鮮,傳統壽司刺身尤其鮮甜肥美,睇相都應該感受倒。Nobu式醃製刺身,如油甘魚,吞拿魚及牛肉薄片,肉質相當幼嫩,味道香濃少辣,可算新穎o既食法。除左魚生,我地食左多款主菜,包括天婦羅,銀雪魚,燒帶子,其中以Spicy Cream Crab,龍蝦兩味更為特出,真係食過返尋味!甜品亦絕不遜色,以Trio of Crème Brûlée(Sweet Ginger,Pink Guava,Passionfruit)及
Suntory Whiskey Cappuccino最俱特色,兩款真係各有千秋!後者好有分子料理feel,由Cappuccino溝Buttermilk雪糕,面層再加上Whiskey Foam製成,小肥自己飲左兩杯

後記:咁啱Nobu先生同佢一班親友,包括佢個女,女婿,孫女等,都上左郵輪,嗰晚仲坐喺我地隔離枱。我地八人中有幾個長輩係佢粉絲,Nobu先生都毫無架子同佢地合照,真係大方得體
推介菜式: White Fish "Nobu Style";Yellowtail Sashimi with Jalapeno;Grilled Wagyu Beef ;Assorted Sashimi;天婦羅;Spicy Creamy King Crab;Pan-Seared Diver Scallops;Nobu-Style Black Cod;Suntory Whiskey Cappuccino;Trio of Crème Brûlée
評分: 味道5   服務5   環境5   衛生5   抵食5
  0 個留言    |  加入你的留言
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2012-08-03

5月24日(天晴):Crystal Serenity Day #1 之Dover上船

XO咁大個仔都係第一次坐郵輪,感覺新奇有趣,所以玩得亦非常投入盡興。我地一行八人,其中有四位係郵輪常客。據佢地所講,Crystal o既船係佢地坐過咁多間入面最正o既,佢地咁有經驗,我地一家就任憑佢地策劃旅程,到決定好哂XO就去請假,老豆負責比錢

Crystal有兩艘船,一艘係Crystal Symphony,另一艘係Crystal Serenity,我地所乘坐o既係後者。簡短地講,是次Crystal Serenity o既航程係喺英國Dover上船,經法國Bordeaux,葡萄牙Lisbon,英國海外屬地Gibraltar,摩納哥Monte Carlo等,最後到達意大利羅馬落船;上船嗰日起,計埋落船嗰日,一共十三天。

小肥一家由上船o既第一刻開始,已經愛上郵輪,對其廂房,膳食,服務,配備,各種各樣都十分滿意,超級欣賞!我地依個團係全包,即船上所有食物同飲品,包括指定餐酒,都無須額外收費。小肥無懼增磅,非常放肆,大吃特吃,大飲特飲!最終,返香港再上磅時,驚嚇地發現自己竟然肥左兩公斤,因後悔都冇用,唯有欣然面對已經變為中肥o既事實

Dover上船 2012-08-03
Dover Cruise Terminal之歡迎光臨
Dover Cruise Terminal之歡迎光臨
Dover Cruise Terminal之歡迎各國旅客
Dover Cruise Terminal之歡迎各國旅客
Dover Cruise Terminal
Dover Cruise Terminal
祝旅途愉快!
祝旅途愉快!
Dover Castle & White Cliffs of Dover
Dover Castle & White Cliffs of Dover
Dover
Dover
Dover Lighthouses
Dover Lighthouses
Dover Lighthouse
Dover Lighthouse
因為航程係喺英國Dover上船,我地由香港飛去英國時先留喺倫敦三日,希望搞好時差,再由倫敦坐車去Dover個郵輪碼頭上船。

XO真係大鄉里,諗住坐船同坐飛機都係差唔多啦,點知原來坐船比坐飛機簡單好多。一到碼頭就有專人檢收我地一早標籤好o既行李,安排送上廂房。我地只要提取所需o既手提行李同證件,辦理兩分鐘都唔洗o既簡單快捷出境手續,影返幅靚相(Crystal攝影隊負責,即如果要一張留念,就要比錢),咁就可以上船

可能我地真係好早啦,哥哥又喺網上做好"Priority Check-in",所以覺得登船手續唔係好繁複。排隊時間大概五分鐘,Crystal o既工作人員們先收起我地o既旅遊證件,因為佢地會負責哂搭客喺每個口岸o既出入境手續,然後再幫我地即場用電腦製作身份證,以便上落船點名及確認身份。始終我地都係第一次搭船,難免有好多問題,不過佢地真係好有耐性地續一解答,感激萬分
參觀時段: 下午
負責我地午餐之服務生
負責我地午餐之服務生
5月24日之午餐,郵輪位置為英國Dover
5月24日之午餐,郵輪位置為英國Dover
餐前香檳:歡迎光臨Crystal Serenity
餐前香檳:歡迎光臨Crystal Serenity
Chicken Broth with Vermicelli & Vegetable Julienne
Chicken Broth with Vermicelli & Vegetable Julienne
Spaghetti "Bolognese"
Spaghetti "Bolognese"
American Cheeseburger
American Cheeseburger
Ice-Cream Sundae "Viennese Ice-Cream"
Ice-Cream Sundae "Viennese Ice-Cream"
5月24日:午餐餐牌
5月24日:午餐餐牌
我地預鬆左時間,大概一點已經辦理好登船手續。因為廂房要三點先準備好,我地就走左入去Crystal Dining Room,一邊食午餐,一邊等上房。

我地一埋位,肥哥仔首先每人派杯涼透心o既香檳,歡迎我地!雖然係我地船上o既第一餐,小肥已經留意到Crystal為每餐都會印製出特別餐單,標明日期,地點,廚師,每日餐酒,及每道餸菜之詳情。餐桌上所擺放o既枱布及潔亮無瑕o既餐具亦令小弟印象深刻。雖然嗰餐只係簡單o既午餐,但係Crystal Dining Room入面所有服務生,不論年幼或年長,高級或低級,全體人員都非常落力,而且態度友善,比起五星級酒店更加專業!

食物方面,廚房用料新鮮,連一個看似簡單普通o既肉醬意粉同芝士漢堡都做得好細緻,質高,味道佳,最重要係小肥食完一D敏感反應都冇,証明絕無味精!XO對個甜品Ice-Cream Sundae "Viennese Ice-Cream" (Vanilla & Coffee Ice-Cream, Cold Strong Coffee & Whipped Cream) 簡直係愛不釋手;兩款不同味道o既雪糕加上濃烈o既咖啡,依個組合相當香滑美味,讚
評分: 味道5   服務5   環境5   衛生5   抵食5
應有盡有 笑臉2012-08-03
9樓附露台之廂房
9樓附露台之廂房
兩人可同時共用之洗手間
兩人可同時共用之洗手間
9樓附露台之廂房
9樓附露台之廂房
書枱,雪櫃,電視
書枱,雪櫃,電視
9樓廂房外之露台
9樓廂房外之露台
5樓餐廳外之水池
5樓餐廳外之水池
12樓之Palm Court
12樓之Palm Court
Crystal Serenity
Crystal Serenity
由於我地訂房訂得太遲,所以價格比較平,亦即較低層o既房都已經滿哂,我地唯有入住9樓附有露台o既廂房。

睇相都可以見倒,廂房非常寬敞舒適;露台,客廳,超大o既雙人洗手間,電視,雪櫃,飲品,應有盡有。每間廂房都會有位妹妹仔負責打掃,添加日用品,換水,開床等服務。雖則話服務費已經包左,不過大家都可以加料以示鼓勵。

Crystal郵輪此程正價約為USD 12,000一位,但因有買一送一優惠,我地最終以優惠價每位約USD 6,000入住;食物,酒水,服務費等全包;用A/E找數仲有額外奬賞。聽落好似好貴,不過諗深一層,我地每日五餐(早,午,茶,晚,宵)任食任飲,起身食飽就可以上岸玩,黃昏前上船可以先黎一個下午茶或Happy Hour飲返兩杯,跟住睇表演,食晚飯,郵輪夜晚起航後可以到船上o既Casino玩返兩手,又或者去唱K,聽歌,跳舞,第二朝起身又到新景點;以咁短時間去遊咁多個國家,又唔需要上落飛機,出入機場,辦理任何出入境手續,搵酒店,訂酒店,執行李,擔心搭車,膳食等,慳左咁多時間同精神,其實真係抵返哂!(平均USD500一晚連膳食,已經平過英國或其他歐洲酒店淨住一晚!)
每晚價錢: 500美元 (雙人房)
評分: 設備5   服務5   環境5   衛生5   抵住5
5月24日Bon Voyage晚餐,起航向法國出發
5月24日Bon Voyage晚餐,起航向法國出發
Crystal Cruises Bon Voyage 餐碟
Crystal Cruises Bon Voyage 餐碟
Forest Mushroom Tart w/ Herb Salad & Pesto Aioli
Forest Mushroom Tart w/ Herb Salad & Pesto Aioli
Sauteed Jumbo Shrimp w/ Slow Roasted Veggie Salad
Sauteed Jumbo Shrimp w/ Slow Roasted Veggie Salad
Penne Lisce Alla Primavera
Penne Lisce Alla Primavera
Roasted Wisconsin Veal Chop, Wild Mushroom Risotto
Roasted Wisconsin Veal Chop, Wild Mushroom Risotto
 "Mohr Im Hemd" (Chocolate Hazelnut Pudding)
"Mohr Im Hemd" (Chocolate Hazelnut Pudding)
"Route 66" (Vanilla Bean Cheesecake)
"Route 66" (Vanilla Bean Cheesecake)
雖然Crystal Serenity船上有其他餐廳,不過我地差不多每晚都會去Crystal Dining Room 食。Crystal Dining Room晚餐有兩輪,為方便日頭上岸遊玩,近黃昏上返船之後有時間去睇每晚不同o既精彩表演,我地選擇食八點半開波o既第二輪,唔洗咁趕。

第一晚o既Bon Voyage Dinner有Crystal特別訂製o既餐碟,好別緻。我地喺dining room接住落黎o既服務生都會係Domagoj同Martin,而sommelier就係貌似英國威廉皇子o既Pierre。由於大肥爸爸食麵包非常揀擇,第一晚已經講明只係會食法包, 而且食親都最少三塊,嗰晚之後,哥仔都好醒目地每晚預備定一籃法包比佢,認真唔話得!

每日o既晚餐餐牌好特別,左手邊係一份廚師推介,而右手邊就係廚房所預備左o既不同菜式。如果大家唔喜歡餐牌上o既食物,師傅係會為客人烹調一D比較傳統o既牛扒或者魚。食完主菜,就會送上甜品牌,每晚不同,款式新穎,包保有驚喜!好多時重會有人喺餐廳內即場煮製甜品添

由於食物飲品全包,小肥極不客氣地先黎一杯香檳,跟住再叫左兩款頭盤,一份意粉,牛仔肉主菜同大廚推介之精選甜品。因為實在係太美味啦,我一定要續一同大家講解一下,自己順便回味一番
頭盤一之Forest Mushroom Tart with Herb Salad & Pesto Aioli:薄薄o既蘑菇tart非常香脆,味道清而不淡,食落好健康!

頭盤二之Sauteed Jumbo Shrimp with Slow Roasted Vegetable Salad:珍寶蝦鮮甜爽脆,冇得彈!

意粉之Penne Lisce Alla Primavera (Italian Pasta with Assorted Spring Vegetables, Mushrooms, Cream Sauce & Italian Parsley):作為非主菜,所以份量比較少,雖然係用忌廉做,不過食完一D都唔覺溜。意粉煙韌,配料全部都係蔬菜類,又一健康之選!

主菜之Roasted Wisconsin Veal Chop with Rosemary Gravy, Wild Mushroom Risotto & Broccoli:Medium Rare o既牛仔肉好夠粉紅,肉質鬆軟,肉汁足,個醬汁亦校得好香甜美味。Risotto做得好light,一流!

大廚推介之甜品"Mohr Im Hemd" (Chocolate Hazelnut Pudding with Chocolate Sauce, Whipped Cream & Vanilla Ice-Cream):睇完個甜品解說都已經覺得好溜,食落個pudding味道真係比較甜同厚,不過勝在有忌廉同雲尼拿雪糕中和返,而且每份唔會太大,所以小肥都可以食得哂。 

Crystal Dining Room 地方闊落舒適,環境衛生比得起五星酒店有餘,服務佳,食物質高,師傅廚藝了得,完全冇任何地方可以扣倒半分,肥肥一族一致比100分滿分以示滿意
推介菜式: Forest Mushroom Tart with Herb Salad & Pesto Aioli,Sauteed Jumbo Shrimp with Slow Roasted Vegetable Salad,Penne Lisce Alla Primavera ,Roasted Wisconsin Veal Chop,"Mohr Im Hemd"
評分: 味道5   服務5   環境5   衛生5   抵食5
  2 個留言    |  加入你的留言
倫敦三天遊 (英格蘭)
(旅程日期: 2012-05-20 至 2012-05-23 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2012-07-26
Pre-cruise倫敦三天遊之第三天

其實我地由香港出發之前已經睇定天氣報告,得知倫敦落大雨好涷,都好驚乜景都睇唔倒,仲要好狼狽地遊地方,不過好好彩,因為我地喺倫敦三日天氣都非常好,陽光普照,真係要感謝天公造美

當日我地個行程係由Auntie M一對喺倫敦住o既好友夫婦安排及帶隊,先乘搭地鐡去奧運村感受下奧運氣氛,然後再去倫敦名百貨公司Fortnum & Mason嘆high tea。因時間充足,所以嗰朝早我地首先係酒店享受一頓勁豐富o既早餐,再起行同領隊夫婦會合。
豐富早餐 笑臉2012-07-26
自助式早餐
自助式早餐
自助式早餐
自助式早餐
自助式早餐
自助式早餐
煙肉,煎蛋,薯餅,多士
煙肉,煎蛋,薯餅,多士
乳酪,甜燈,班戟,朱古力碎Croissant
乳酪,甜燈,班戟,朱古力碎Croissant
自製「流心太陽蛋蘑菇雞粥」
自製「流心太陽蛋蘑菇雞粥」
我地訂酒店房時為方便參加旅行團,專登訂埋酒店o既自助式早餐。其實我地逗留喺倫敦咁多日都有食,不過只有依日先有最多時間去欣賞。

雖然話係食自助餐,酒店餐廳South West 7o既服務生都好客氣,不時會幫客人攞食物,態度友善且落力,一坐低就會自動走過黎問我地要唔要咖啡或茶,加上地方闊落寬敞,大家都食得好舒適自在

XO仔對餐廳所提供o既中西式食品都好滿意,尤其鍾意自創o既流心太陽蛋蘑菇雞粥」,班戟,同朱古力碎Croissant
推介菜式: 雞粥,煎蛋,蘑菇,乳酪,甜燈,班戟,朱古力碎Croissant
評分: 味道4   服務5   環境5   衛生5   抵食3
London Underground,又稱The Tube
London Underground,又稱The Tube
倫敦市長勸諭搭客環保地處理免費報紙,勿掉在車廂內
倫敦市長勸諭搭客環保地處理免費報紙,勿掉在車廂內
地鐵出口之奧運公園指示牌
地鐵出口之奧運公園指示牌
倫敦奧運村之地圖
倫敦奧運村之地圖
由商場瞭望台望向奧運村
由商場瞭望台望向奧運村
由商場瞭望台望向奧運村
由商場瞭望台望向奧運村
倫敦奧運村之地圖
倫敦奧運村之地圖
倫敦奧運村之地圖
倫敦奧運村之地圖
當日,我地由酒店乘坐倫敦地London Underground,又稱The Tube,轉左幾次車,到達倫敦奧運公園站。

正當不常外遊o既小肥以為只有香港有免費報紙時,黎到倫敦先發覺原來英國都有,不過佢地就冇香港人咁有公德心啦,因為大部分搭客都會將睇完o既報紙周圍放,搞到成車廂都係報紙,非常不雅不潔。就連倫敦市長都要喺地鐵車廂內外登出語句,勸諭搭客環保地處理垃圾報紙」

因為奧運公園工程尚未完工,加上英女皇鑽禧紀念慶典將近,守衛開始加強,所以我地只可以由其鄰近o既Westfield 商場遠觀。

2012年對倫敦真係好有意義,除左要主辦2012奧運會,重要為英女皇鑽禧紀念舉辦不同慶祝典禮及活動,今年英國旅遊業應該會好唔錯。為左要將兩件喜事溶埋一齊此奧運公園將會喺奧運會後改名為"Queen Elizabeth Olympic Park"添。
參觀時段: 下午
評分: 值得去4  
倫敦市內見倒第一個垃圾桶
倫敦市內見倒第一個垃圾桶
2012倫敦奧運會吉祥物Wenlock
2012倫敦奧運會吉祥物Wenlock
由John Lewis百貨公司旁之瞭望台望向奧運村
由John Lewis百貨公司旁之瞭望台望向奧運村

據說為免有人喺女皇鑽禧紀念活動及倫敦奧運期間搗亂,如掉炸彈入垃圾桶而製造恐慌,倫敦市內,包括各酒店,大小街道及機場等,都收起哂D垃圾桶,以防萬一。黎左倫敦三日,終於比我地喺最接近奧運會場o既Westfield商場見倒第一個垃圾桶啦,仲要咁有環保意識地分開三格,真係難得。

我地喺五層高o既Westfield商場度行左幾個鐘,發現原來入面有間叫John Lewis o既百貨公司,係倫敦奧運特許紀念品銷售店。喺店內見倒有幾款不同o既吉祥物,附圖中帶燈色o既Wenlock就係其中之一款。精品店隔離係一個設有不同望遠鏡o既瞭望台,比大家更加清楚地欣賞奧運村。

參觀時段: 下午
評分: 值得去4  
14. Pho Tai (steak)
14. Pho Tai (steak)
越南粉中講劣都要係依碗啦!喺香港商場food court搵野食時,成日都會覺得叫碗越南粉係最安全同最快捷o既,所以諗住喺倫敦都一樣啦?!點知... 不但店員態度惡劣,碗粉個湯底仲好咸,粗麵條分唔開一條條,夾起上黎仲係一舊舊,牛肉就超嚡,真係失敗到極點!XO勸大家唔好去試!
每人消費: 約10英鎊 (午餐)
評分: 味道1   服務1   環境3   衛生3   抵食1
皇室名牌 笑臉2012-07-26
Fortnum & Mason
Fortnum & Mason
Jubilee Unicorn 鑽禧紀念獨角獸
Jubilee Unicorn 鑽禧紀念獨角獸
英女皇鑽禧紀念紙餐具
英女皇鑽禧紀念紙餐具
英女皇鑽禧紀念瓷器茶具
英女皇鑽禧紀念瓷器茶具
英女皇鑽禧紀念禮盒
英女皇鑽禧紀念禮盒
英女皇鑽禧紀念特別裝飾
英女皇鑽禧紀念特別裝飾
由查理斯王子頒授之皇室認証
由查理斯王子頒授之皇室認証
由伊莉莎白女皇頒授之皇室認証
由伊莉莎白女皇頒授之皇室認証
Fortnum & Mason乃皇室認証品牌,店內亦掛上由伊莉莎白女皇及查理王子所頒授之認証。Fortnum & Mason係一間六層高o既百貨公司,貨品除左質高,其包装亦非常精美,最出名就係西茶,茶具,果醬,餅乾,等。

話明係皇室認証品牌,女皇鑽禧紀念點可以唔推出一系列o既特別版精品呢?搞到唔係好鍾意洗錢o既小肥喺度都大出血,買左好多手信返香港比親友。大部分唔食得o既精品,XO仔都只係拍照留念,買返香港做手信嗰D全部都係食得o既,最特別嗰款禮品仲用個音樂盒黎做餅乾筒添,價錢當然唔平啦。
推介項目: 買手信返港
參觀時段: 下午
評分: 值得去5  
Fortnum & Mason Tea Set Menu
Fortnum & Mason Tea Set Menu
靚靚花擺設
靚靚花擺設
有專人斟茶
有專人斟茶
Lobster Omelette Victoria
Lobster Omelette Victoria
Fortnum & Mason Afternoon Tea Cakes
Fortnum & Mason Afternoon Tea Cakes
Fortnum's High Tea
Fortnum's High Tea
Finger Sandwiches
Finger Sandwiches
Fortnum & Mason Tea List
Fortnum & Mason Tea List
Auntie M 一早都話左比我地知喺Fortnum & Mason訂位食High Tea,要一人叫一份,唔可以分黎食;雖然份量係好勁,因為食物離開餐廳會容易變壞,同埋唔係好得體,食剩o既食物係絕對唔可以打包返酒店o既

普通o既Fortnum & Mason Afternoon Tea Set係GBP 38一份,另加服務費及稅。除左餐茶外,個套餐包有迷你三文治(Finger Sandwiches),Scones,精美蛋糕,同Macarons,食物任添。

因為小弟唔係好食三文治,所以就選擇食貴GBP 2 o既Fortnum & Mason High Tea。依款套餐同之前嗰款唯一不同之處就係個迷你三文治換左做一款自撰熱食小點。XO仔當日揀左個龍蝦蛋包為熱食小點,嘩,正到dum幾聲呀,可惜依款熱食係冇得再添o既。小肥一向唔浪費食物,而且又見可以無限添食物,我就一於當左個下午茶係晚餐,食個"High Tinner"(即High Tea + Dinner),飽到攬住個肚走。用GBP 50食左兩餐高質食物,如果胃口好,食量勁,真係可以係幾抵食架
推介菜式: Fortnum & Mason High Tea之Lobster Omelette Victoria
每人消費: 約50英鎊 (下午茶)
評分: 味道5   服務5   環境5   衛生5   抵食4
Burlington House
Burlington House
Burlington House
Burlington House
Burlington House
Burlington House
我地喺Fortnum & Mason嘆完個High Tinner後,返酒店o既途中經過Burlington House,見條路封左,門口又有一大堆人圍住影相,大家估計一定係有VIP到訪,莫非係英女皇?!
參觀時段: 下午
評分: 值得去3  
  0 個留言    |  加入你的留言
倫敦三天遊 (英格蘭)
(旅程日期: 2012-05-20 至 2012-05-23 ,  旅程性質: 消閒度假)
 整個旅程  (共4篇遊記)
 分享至Facebook 
發表日期: 2012-07-20
Pre-cruise倫敦三天遊之第二天
為求以最短時間遊覽倫敦最多名勝,我地個家庭團長Auntie I 決定參加經酒店訂購o既"Premium Tour: Total London full day tour with the London Eye",倫敦一日遊, 每位GBP 99,長者GBP 96(此優惠黎自某三個景點o既入場費長者優惠,即每度平一英鎊)。詳情請瀏覽:http://www.premiumtours.co.uk/tours/tour/total-london-full-day-tour.id40.html

嗰朝早七點幾先有專車黎酒店接我地去Victoria Coach Station集合,再喺嗰度分團上車出發。我地個團第一站先經Tower Bridge,入去Tower of London,喺個度聽完好多歷史之後,跟住就好high地去左欣賞英國皇室o既超級名貴珠寶庫

第二站原本係入去Westminster Abbey,即西敏寺,不過因為當日正在舉行一個悼念儀式,所以我地只可以喺門外觀賞

第三站我地就去左Buckingham Palace,即白金漢宮,喺出面睇"Changing of the Guard",禁衛軍交接典禮,嘩,非常之有氣勢!

因為女皇鑽禧紀念將至,倫敦交通擠塞,所以我地當日只有時間食個勁快o既午餐,然後就要去第四個景點,St. Paul's Cathedral。我地大概逗留左半個鐘頭就要上返旅遊巴去旅行團o既終站,London Eye

嗰晚一早有對Auntie同Uncle約左我地食飯,所以我地遊完名勝就趕返酒店同佢地會合,然後一齊乘坐地鐡去倫敦唐人街o既中國城大酒樓食晚飯。
Tower Bridge
Tower Bridge
Tower Bridge
Tower Bridge
Tower Bridge (由Tower of London入面望出去)
Tower Bridge (由Tower of London入面望出去)

Tower Bridge係倫敦地標之一,橫跨River Thames,連接住Tower of London,不過經常被誤為London Bridge。因為船隻過橋數量不大如前,所以起橋次數少左,而且船隻過橋前要最少二十四小時前通知。據導遊先生講,佢細個返學每次要走堂,都會計準Tower Bridge 起橋時間,製造藉口,實則喺賴牀訓多幾個字,真係搞笑

評分: 值得去3  
重量級珠寶 笑臉2012-07-20
中塔門前:動物銅像以紀念及象徵前皇家動物園
中塔門前:動物銅像以紀念及象徵前皇家動物園
行刑道具
行刑道具
Traitor's Gate
Traitor's Gate
Bloody Tower (血腥塔)
Bloody Tower (血腥塔)
Scaffold Site Memorial on Tower Green
Scaffold Site Memorial on Tower Green
炮
The Crown Jewels
The Crown Jewels
White Tower (白塔):倫敦塔中央主體建築
White Tower (白塔):倫敦塔中央主體建築
我地參加嗰個旅行團已經包哂所有景點o既入場費,所以我地唔知道要比幾錢。

入到去Tower of London,導遊個角色就轉交由一位Yeoman warder,俗稱Beefeater,負責。身穿紅色制服o既Beefeater,既係侍衛, 又係導遊,好有意思。

侍衛交代左好多有關Tower of London o既歷史:
1) Tower of London唔係一個普通o既塔咁簡單;佢係一個堡壘、軍械庫、國庫、鑄幣廠、刑場、公共檔案辦公室、天文台、避難所、監獄、更係英國皇室珠寶庫。

2) 以前英國未有動物園之前,某國皇喺Tower of London內起左個皇家動物園比D罕有o既猛獸住,更在塔內塔外建設獅子,老虎,大熊等銅像以作紀念

3) 古時有句說話"send someone to the tower",就係指要帶犯人去Tower of London受刑或監禁。而家Tower of London內重遺留好多行刑道具。

4) 家醜不得外傳,有陣時貴族會被秘密斬頭,綠塔中o既Scaffold Site Memorial就係紀念其中被斬o既女人。

5) 塔內o既"The Crown Jewels",即英國皇室珠寶庫,唔比影相,不過入到去個個都嘩嘩聲,因為D皇冠,寶劍,及其他首飾真係好有份量。見到其中一款有個牌仔寫住"正在使用中",先知道英女皇會不時替換佢D皇冠首飾,唔知佢揀左邊幾款喺鑽禧紀念活動時配帶呢?!
推介項目: 英國皇室珠寶庫
參觀時段: 早上
評分: 值得去5  
精品店隔離賣特濃熱朱古力
精品店隔離賣特濃熱朱古力
精品店對面:Tower of London之Middle Tower
精品店對面:Tower of London之Middle Tower
精品之發夢做皇室
精品之發夢做皇室
精品之迷你皇冠權杖套裝
精品之迷你皇冠權杖套裝
精品之皇冠紙鎮
精品之皇冠紙鎮
XO仔出名cheap,所以入親精品店都係影相多,唔會洗錢買野返屋企擺

因為英女皇鑽禧紀念將近,所以店內擺放左好多有關英女皇一生o既書籍,同埋英女皇鑽禧紀念特別版o既精品。個人覺得嗰D迷你擺設最得意,所以忍唔住影左幾幅相。其他精品包括杯,銀幣,貼紙,迷你皇袍等外表都唔錯,只係貴左少少。
推介項目: 迷你擺設
參觀時段: 早上
評分: 值得去5  
Westminster Abbey(西敏寺)
Westminster Abbey(西敏寺)
西敏寺:西大門上方之十尊基督教殉道者塑像
西敏寺:西大門上方之十尊基督教殉道者塑像
西敏寺:西門上之西敏市紋章盾徽
西敏寺:西門上之西敏市紋章盾徽
西敏寺附屬學校:Westminster School
西敏寺附屬學校:Westminster School
記得我認識西敏寺都係因為舊年威廉皇子喺嗰度結婚,當時仲比老豆話我冇文化,因為我完全唔知道此乃皇室安葬或加冕登基o既地方。今次黎到現場,除左同睇電視好唔同之外,感覺好似沾左人地D皇室光咁,突然覺得自己貴氣左,行步路個頭都高D,個身又直D,哈哈

雖然當日寺內正在為一位剛殉職o既海軍舉行悼念儀式,無法入內參觀,不過淨係睇其西大門都已經覺得好不可思意。
唔講真係唔會諗倒,西大門上方o既十尊基督教殉道者塑像中,最右手邊嗰位係中國雲南苗族牧師王志明(1907~1973),而最中間嗰位就係Martin Luther King, Jr.(1929~1968)。
參觀時段: 早上
評分: 值得去5  
有人拜訪英女皇
有人拜訪英女皇
此旗代表英女皇在白金漢宮內
此旗代表英女皇在白金漢宮內
正在為女皇鑽禧紀念活動搭台
正在為女皇鑽禧紀念活動搭台
Buckingham Palace(白金漢宮)
Buckingham Palace(白金漢宮)
白金漢宮前:維多利亞女皇紀念碑
白金漢宮前:維多利亞女皇紀念碑
目不斜視,步伐一致有力而不會停頓或減速o既侍衛
目不斜視,步伐一致有力而不會停頓或減速o既侍衛
Buckingham Palace(白金漢宮)
Buckingham Palace(白金漢宮)
白金漢宮:Queen's Gallery
白金漢宮:Queen's Gallery

白金漢宮係英女皇o既辦公室,雖然英女皇年紀唔輕,不過每日都會返工,了解及聽取所有報告。導遊先生話我地真係好彩,因為佢一睇白金漢宮頂枝旗就知道英女皇喺宮內,而且我地去到嗰一刻剛好有客人乘坐馬車入去見英女皇。

因為離英女皇鑽禧紀念活動只剩兩星期,所以白金漢宮周圍o既守衛開始比平時嚴密(個人其實覺得好鬆懈,因為旅客可以走到好近),我地亦可以睇倒工作人員正在忙碌搭建舞台同觀眾席。

參觀時段: 早上
評分: 值得去5  
威猛禁衛軍 笑臉2012-07-20
Marching Band
Marching Band
Marching Band
Marching Band
陀槍禁衛軍
陀槍禁衛軍
警長帶領禁衛軍
警長帶領禁衛軍
立正排好
立正排好
禁衛軍出動
禁衛軍出動

導遊先生一早提醒過我地千奇唔好行得太近,因為D禁衛軍係唔會減慢步速,更加唔會停下腳步黎就D旅客或途人,只係會直行直過

同D禁衛軍咁近距離先知道原來個個都係身材健碩o既後生仔,而且每位都同樣有型靚仔,莫非全部都經英女皇篩選過

參觀時段: 早上
評分: 值得去5  
St Paul's Cathedral
St Paul's Cathedral
St Paul's Cathedral: The Dome
St Paul's Cathedral: The Dome
Statue of Queen Anne(安妮女皇)
Statue of Queen Anne(安妮女皇)
St Paul's Cathedral
St Paul's Cathedral
(因為我地個旅行團包哂所有入場費,所以我地無需擔心要購買入場券。)

據導遊先生所講,大部分皇室婚禮都係喺西敏寺舉行,但為左隆重其視,當年黛安娜王妃o既童話式婚禮係反傳統地喺St. Paul's Cathedral舉辦。仲有兩個星期就到o既伊利沙伯二世女皇鑽禧紀念典禮都會喺度舉行架。

入到去教堂第一個感覺係地方好大,建築超宏偉,入面除左體積大小o既雕刻像之外,每一寸地方都可稱得上為藝術品,設計精密,雕功謹慎細緻,真係非常精彩!教堂內每個人o既表情都好嚴肅,所以自己都不禁正經起黎。
參觀時段: 下午
入場價錢: 每人15英鎊
評分: 值得去5  
一眼望倫敦 笑臉2012-07-20
London Eye 觀景摩天輪
London Eye 觀景摩天輪
London Eye Capsule: 瀏覽艙
London Eye Capsule: 瀏覽艙
摩天輪式睇倫敦
摩天輪式睇倫敦
Westminster Bridge & Westminster Palace(右)
Westminster Bridge & Westminster Palace(右)
St Paul's Cathedral
St Paul's Cathedral
The Hungerford and Golden Jubilee Bridges
The Hungerford and Golden Jubilee Bridges
Houses of Parliament or Westminster Palace
Houses of Parliament or Westminster Palace
Waterloo Bridge
Waterloo Bridge
遊完倫敦一日,上去London Eye度觀賞倫敦,好開心認得出我地當日去過o既名勝;不過就發覺原來倫敦仲有好多地方我地未睇得到。唔知夜晚上去睇夜境會點呢?!會唔會靚得過香港夜境?
入場價錢: 每人19.98英鎊
評分: 值得去5  
一窩蜂 ok喇2012-07-20
富有傳統中國味o既裝修
富有傳統中國味o既裝修
筷子俱樂部
筷子俱樂部
中國城餐碟
中國城餐碟
薑蔥龍蝦麵
薑蔥龍蝦麵
清蒸多寶魚
清蒸多寶魚
明爐燒鵝
明爐燒鵝
千葉豆腐
千葉豆腐
一窩蜂,成枱餸
一窩蜂,成枱餸
中國城位於唐人街核心地帶,我地由酒店搭地鐡半個鐘頭就到,亦唔需要行太多路。酒樓門面裝修好有中國傳統味道,小橋流水,好似幅國畫咁,非常詩意。

因為uncle係熟客,所以招呼好到不得了。講到食物,其實中國城所提供o既餸菜質素真係好好,不過最可惜就係佢所有食物同一時間上枱,一窩蜂黎哂,食物好快涷哂,令大家食慾大減

薑蔥龍蝦麵(GBP 35.50):龍蝦爽,薑蔥味香濃,不過麵質就腍左少少。

清蒸多寶魚:條魚好新鮮,肉質嫩滑,全枱人都讚不絕口

明爐燒鵝(GBP 13):燒鵝肉質唔嚡又夠多汁,個人覺得做得好過香港名牌X記

千葉豆腐:薄薄o既豆腐片好滑,不過整個餸唔夠味,只可以話OK。

鮮魷蒸肉餅:個肉餅看似好厚,但係意外地做得好鬆,亦好香口,唔錯!

如果大家準備去幫襯,記得叫伙計慢慢上餸,或者可以安全D,自己食完一碟先叫第二碟。 
評分: 味道4   服務4   環境4   衛生4   抵食3
飯後路過 ok喇2012-07-20
Natural History Museum
Natural History Museum
倫敦奧運倒數
倫敦奧運倒數
食完一頓咁豐富o既晚餐,Uncle N就帶左我地去附近散步,幫助消化。

途經Natural History Museum,當晚已經關門,不過聽講係免費入場架。見到個館對出個廣場有個計時器,哥哥講我先知原來係Omega贊助o既,用黎倒數奧運。

Uncle N仲講左個故仔比我地聽:話說當年佢同我契爺一齊喺英國讀書,除夕走到黎Natural History Museum前o既廣場襯熱鬧。佢地聽講英國人有個傳統,新年搭正十二點,D男仔可以喺個廣場度錫隔離個女仔而不會被拒絕。Uncle N話我契爺嗰晚滿心歡喜地揀左個金髮女郎,企定喺佢隔離,一倒數完就準備慶祝啦...  可惜新o既一年剛剛開始,佢居然比人請食檸檬... 哈哈
參觀時段: 晚間
評分: 值得去3  
  0 個留言    |  加入你的留言