午餐來到Siam Paragon,商場內餐廳林立,選擇多,自然意見多,挑來挑去後還是步入上年食開呢間 9th Cafe,吸引之處,還不是那些美麗的蛋糕,甜魔急call.醫肚開飯!

飯焦配甜椰汁:一道比外表看上去更美味的小食,鬆脆的飯焦配丄香甜的椰漿,香口到爆,一碟唔夠食呀.

泰式金邊粉:以前係酒店房叫嘢食必叫呢道麵,因為一定唔難食,呢度都唔例外,金邊粉好食之餘,配埋脆脆雲吞皮,口感豐富着一層.

泰式燒猪扒:店員推介.果然出眾,厚身豬扒燒到剛剛好,又嫩又多汁,最緊要有豬肉香味,入口留香.配上獨特泰式酸辣汁,好味指數爆燈.

煙肉大蝦意粉:估唔到泰國煮意粉如此出色,硬度剛好,配上香濃extra virgin oive oil,上上之作.好味!

煙雞肉菠菜寬條麵:又係好好味,今次配白汁,又香又滑,好味!

沽唔到在此食到如此高質數的意粉,真係會再來,唔知甜品....

先來Apple Pie 同 石坂朱古力蛋糕:前者Pie皮做得有些不對勁.內裏萍果炒得唔夠香,另外那味古力蛋糕一食便知泰國人口味~勁甜!两者剛剛合格.

椰青雪方蛋糕:又是店員推介.論外表排第三,味這出奇地好,鬆軟的蛋糕配上淡淡椰青奶油,天衣無縫,好味.

上次來食印象麻麻,但經過今次,意粉和甜品上上之作,一定唔會放過,下次再來食~哈!

拜完四面神,也是時候醫醫個肚,泰國朋友相約傍邊的Nara泰餐廳晚膳,Nara裝修華麗,最啱朋友相聚,開心吃返一頓,開飯!

炸脆豬肉絛:本來以為會好肥利,但原來猪肉炸脆後走晒啲油,變得又香又脆,配埋炸脆了的香葉,一個開胃又香口的小食,正!

泰式雞肉春卷:唔炸的春卷配少油的雞肉,清淡又健康的一道小食,劃龍點睛地加上特色泰式燒汁,立刻變得Very Hot.....

特色河粉:穌絲黃推介,味道有別於一般街邊河粉,湯底味濃,味道別樹一格,可以一試,两種口味,各有特色.

咸魚炒菜:大路之物,過可能出於本土,特別香口美味.

泰色伴茄子:泰國菜精彩之作在於酸同辣的合調,醒胃又美味,這道菜第一次食,但也是最有印像的一味,

咖喱軟壳蟹:本人好少在大廳廣眾面前食蟹,怕失禮,但軟殼蟹就無需用手對待,食得好味又有儀態,推介之作.

泰式燒雞配糯米飯:泰國北部的傳统菜式,雞肉配香料燒到又香又多汁,好味.

木瓜沙律:傳統泰式小菜,每年又有伴沙律比賽,來泰國叫這道菜一定唔雖食,但一定要食得辣同埋消化良好.

特色雞串:雞串澆到多汁又嫩,配上蜜汁變得特別好食,泰國菜中的點汁可算是靈魂所在

甜品:以為只是紅茶,綠荼雪糕球,點知得意在配上大量泰國增多冰材料,哈,連唔食甜品的大師兄都溝埋一份,玩得又食得.

開心又一餐,食飽再行街,度假的行為!

今日潮拜新加坡最新大型Shopping Mall{ICON},需然內裏都是熟口熟面的東西,但整個商場設計非常特別和舒服,所以想消磨一個下午的話也是一個不錯的地方.

Tea Time時段,朋友帶住ICON對面的一間Cofe 嘆Tea和甜品,一提到甜品ニ字,眼晴立刻發光,急步沖過馬路,直驅Cofe CANELE.好名牌的店名,而且精美的蛋糕好似珠寶般放在玻璃櫃內,令人望之興奮,開飯!

點着士多啤鮮奶油Cake:外表好creami,彷彿一碰就溶化的感覺,义子一碰,喔!原來並不是外表那樣的鬆軟,士多啤唔甜,奶油唔香唔滑,舊cake比香港3蚊一舊的劣質清蛋糕還要差,失敗!

花生泡夫:同樣外表似中環名Cake shop的出品,但事實同樣不對勁,泡夫做得太乾,內裏花生cream唔夠香,一般.....!

多重朱古力餅:全場最好食的一件餅,朱古力香滑,唔苦,甜品適中,中間加着麥提莎feel的脆脆,令到口感豐富,爽.

抬頭見到一張美麗海報,寫着[Macaron Collection],眼晴再度發光,正所謂[飯可以唔食,Macaron唔可以唔試]~哈!
叫着店員隨手拿上3件店內最熱買的Macaron,分別是朱古力,樽子,開心果口味,結果是.......3件Macaron味道夠濃,甜度適中,可惜無着鬆軟感,總要痴牙.....喊,破壞着我對Macaron的一片痴心.

整間店的包裝非常搶眼同埋High end,可惜甜品有外表無內涵,好似深圳A貨.....唔怪得間店叫Canele,啋!

午餐時段,身處聖濤沙島6星級酒店Capella Singapore,古今建築的容合,寧靜又高貴,比美香港半島,餐廳Knolls就在泳地邊,望海美景盡收眼底,這樣的美景因該也很適合開飯!
叫着酒店的Set Lunch...

有機蔬菜沙律:各式蔬菜新鮮爽口,配合Extra Virgin Oive Oil,口感一流,加上蕃茄內的Feta Cheese,口感更加豐富,清淡又好味的一道前菜,因為食物好味的重要因素就是~新鮮!

主菜是Wasabi Crusted Salmon Fillet:其實三文魚好易煮,最緊要個汁,今次個汁好mach魚肉,酸酸甜甜,正!另外配上Mashde Potatoes,薯蓉又滑又香,好味!

甜品最出色:香脆的Almond Lace,配上Mango Sorbet,己經是味覺上的特級享受,點知法式奶凍的香滑令到這個甜品更上一層樓,終極美味!

西餐如果甜品做得出色,便是Happy Ending,這頓飯做到了,窗外落着微微細兩,這份美味和寧靜,正好令我細意回味!極享受.

體驗新航假期,乘坐A380傍晚時份抵達星洲,第一時間前住著名食辣椒蟹胜地East Coast,作為一個遊客,當然也要作足本份,前往最多推介的珍寶海鮮酒樓用餐.不過到達餐廳後才發現只有珍寶海鮮酒樓人頭湧湧,本地人也為數不少,所以因該也是來對地方.樓高两層的餐廳,下面沒有冷氣,好似大排檔,充滿新加坡風情,我們還是選擇樓上,嘆住冷氣開餐!

冷盤4小碟:海哲不算爽口,但配以甜酸口味,充滿東南亞風味.海蝦鮮果沙律:海蝦新鮮肉實,配以清甜生果,開胃美味.鴨肉伴西芹:又係一道東南亞口味,特別配於火鴨絲,惹味非常.
脆脆魷魚仔:4碟之中最好味及得意之作,濃濃甜醬油香味配上特脆魷魚仔,食到停唔到口!

麥皮蝦:每個來過這裏的朋友都推介的一道菜,魔力何在?大隻彈牙的虎蝦已經令人難以抗拒,脆脆麥皮才是魔力源頭,充滿牛油香味的麥皮吸收晒蝦和各式調料的味道,果然是推介之選,好好味~

黑楜椒蟹:皇后級的菜式出着場,未食己聞到牛油爆香的楜椒香味,唔算辣,但好香.勁重楜椒味,但也食到蟹的鮮味,真係一絕.

辣椒蟹:歡迎皇帝級的菜式登塲,成碟紅當當,買相吸引到不得了,食落口,甜甜酸酸辣辣的醬汁好味到停不了口,唔掛得跟饅頭仔啦,就算唔係好食得辣的我,也不斷地想再食再食,投降!

炸子雞:雞肉唔鞋好味,配以蝦片十分星洲風味,食雞加檸汁真係第一次.

蒸海魚:時間剛好,魚肉肥美,可惜味覺已被两蟹搶去,罪過罪過....

滿足的一頓飯,需然價錢太便宜,但也是令人回味的一餐,值得值得.

事隔個多月,又一次到訪台北,今次好想真正去食下嘢,行下街!决心巳定,所以做足準備,今日第一口飯就選着肥前屋開餐,係香港同埋台北都好多朋友提過他家的蟃魚飯好食,而且也俾足資料話記得避開食飯時間.所以我們今日過着1點先去拜訪.地方都好易找到,在巷子口巳經望到一個大招牌,門口依然有人排隊,但大概等了十五分鐘就可以內進開餐,店內裏不大,有屋洒屋feel,坐位要搭枱,有些不太舒服,但為着神話蟃魚飯.....忍!開飯

沖繩海帶:酸酸地,好開胃!

剪蛋卷:真係好開心係日本以外的地方食到如此好味的蛋卷,蛋味香,又鬆又軟,三舊中我一人食着ニ舊半

蟃魚鈑+麵鼓湯:紅色漆盒打開後,肥美的燒蟃魚閃閃發光,蟃魚肉肥美鮮甜,再加上台灣大米的香軟同埋甜度剛好的蟃魚汁,真係食到眼有淚光,好味到想喊.麵鼓湯也用料十足,完美的一餐!

PS:價錢的吸引度才是這頓飯的高潮,每人唔駛400蚊新台幣,大家總唔行?

每次去台湾玩,都一定會去西門町,約朋友.做GYm,但食飯就比較少在這區.但每次都會去蛋蛋屋買布丁食.但這次真的很失望,餐廳換了menu,連我最愛的蛋蛋布丁也換走了....最後一天走到蛋蛋屋.需然冇着布丁,但突然好想食蛋包飯,就入着去,餐廳三層樓高,好乾淨,服務也很好..開飯,

我點了傳統的(咖喱猪扒蛋包飯+甜品+柚子汁)個蛋包飯做得好靓,蛋皮煎到剛剛好,又嫩又滑,入面的茄汁飯就少着啲料,味道也偏淡.朱排差着啲,太乾啦,日式咖喱汁好正宗.夾埋個蛋包飯食,就剛好...好少在香港食咖喱可以撈晒啲汁.

甜品~朱古力聖誕蛋蛋屋甜品始終係最強,雪糕好味,唔漏,加埋粟米脆脆同朱古力醬.嘩~~好味到飛起

柚子汁好唔得,同香港它味比得1/3 的濃度,當水飲就無投訴,

朋友點着(漢堡扒蛋包飯配意粉和沙津)因該也好好味,全部食晒...哈!

呢間餐廳也很受香港人歡迎.點解?我們傍邊幾枱也是講廣東話囉.價錢也算合理,套餐每位HKD100有找,