去o左曼谷幾次, 都係去 d 旅遊書介紹, 或者旅遊區搵食, 今次想搵 d 小餐廳食o野, 唔想成日都係圍繞旅遊區, 我估有好多唔起眼o既食店都好好食.

第二日, 問酒店一個識得英文o既 staff 邊度有 d 好食o既小餐廳, o係 d 遠離遊客區少少都唔緊要, 個staff就提意o左一間, 但就要搭 taxi 25mins 左右就到, 咁我同朋友們抱住呢個試新o野o既心態, 儘管去試一試. staff 就寫o左個地址俾我地嘞. 去到o個度, 附近都有好多食店, 咁就搵下o個間食店啦. 無幾耐, 就搵到, 店名叫 Krua Namthip. 入到去, d staff 好有禮貌. 坐低之後老闆娘過黎同我地傾計, 好彩佢識講英文, 佢見我地唔係泰國人, 所以就簡單介紹下有 d 咩好食, 因為 menu 都係得泰文. 最後, 我地隨便揀o左幾樣試下. 我都無諗過 d o野食好唔好食, 只不過係想試下, 估唔到都幾好食, 好食過好多餐廳. 不過地點就難去左少少, 唔係個個的士司機識去.

價錢平, 又好食, 值得一試呀.