全球唯一粵菜品牌擁有兩間米其林指南二星級餐廳的「桃花源小廚」，位於南京西路恒隆廣場的上海分店於5月15日正式開業。

 上海店位於恒隆廣場5樓，樓高兩層佔地1300平方米，設有9間貴賓廂房，可容立共228人。十多米高的落地大玻璃及中央水池的大桃花是整個空間的亮眼點。十多幅來自蘇州的桃花雙面繡與港澳兩地的桃花源小廚的戲服刺繡及粵劇裝飾元素互相呼應。傳統工藝精品與桃花源小廚的傳統手工粵菜在這個當代設計風格的空間裏，取得絕佳的平衡。 巧手名菜包括講求刀功的太史五蛇羹及玻璃明蝦球，嘗鮮的白灼響螺片及冬瓜蒸原隻鮮蟹箝，講求鍋氣炒功的桂花炒魚翅及七彩炒豬肚尖，傳統手藝的蝦籽炆柚皮及八寶鴨，中西廚藝融合的紅酒炆和牛牛尾及蒜蓉雞絲煎生麵。

 港澳兩地的桃花源小廚自米其林指南(香港澳門)2009首度發表，每年均被評為星級餐廳。米其林指南(香港澳門)2011，港澳兩店分別被評為二星餐廳 。是除法國名廚Joel Robuchon的餐廳外，唯一能在港澳兩地均能獲得二星或以上的獨立品牌餐廳。

別誤會, 這金錢豹不是甚麽江湖中人開的會館, 而是一家頗有名氣的中高檔自助餐餐廳.

這裏的食物選擇不少, 都是自助餐常見的東西: 海鮮(魚生, 青口, 蝦, 蟹, 冰鎮鮑魚仔等), 湯類, 沙律, 廣式燒味, Pizza, 各種燒烤諸如此類. 海鮮新鮮程度也合格的, 不過鮑魚仔就完全無味. 酥皮海鮮湯就很像罐頭湯, 而且太膩了, 不好喝; 紅燒雞絲翅看樣子杰杰糊糊的, 沒興趣吃, 看朋友吃到底也沒撈到多少條散翅; 熱食吃了燒鴨胸和牛柳, 以自助餐水準來說, 都算不錯. 兩者都燒得不太乾, 牛肉質地也夠鬆化.

我吃自助餐, 一向最愛在甜品區流連, 木瓜炖雪蛤幾清甜滋潤, 燕窩則預了它是流的, 稀到燕絲都找不到兩條. Cake類吃了綠茶紅豆慕絲蛋糕, 經典朱古力蛋糕, 玫瑰慕絲蛋糕等. 最喜歡綠茶紅豆蛋糕, 綠茶味夠濃, 而且mousse質感很滑.

這裏的另一賣點是Haagen-Dazs雪糕, 需知道Haagen-Dazs單球售28 RMB, 對於某些吃自助餐就是盤算能不能夠回本的人來講, 吃幾球已經回了一半本了, 所以這區是永遠有條人龍的. 雪糕有朱古力, 雲呢拿, Strawberry Cheesecake 等味道, 但很可惜沒我最愛的綠茶味.

價錢每位238 RMB, 算偏貴, 聽朋友說這店頗受歡迎的. 食物質素OK, 但就沒甚麽突出之處.

論食物本身味道是還可以的. 油爆河蝦的蝦殼炸過, 很酥脆, 蝦肉也鮮嫩. 八寶鴨的鴨肉軟腍, 裏面的餡料如糯米等吸收了鴨汁也很和味. 但就太油膩了, 雖說上海本幫菜以濃油赤醬著稱, 但這個實在是過鹹過油, 不適合我們的口味. 其他菜式都不過不失. 總的來說就是不算特別好, 除了以上兩味, 其他的都沒留下甚麽深刻印象.

飯後繼續行街, 走到累了就鑽進滿記吃甜品. 去到上海都是吃滿記? 誰叫同行的小朋友想吃呢? 滿記在內地真是開枝散葉, 無論蘇杭上海都能看到它.

吃了杧果涼粉, 杧果西米露和楊枝甘露. 都是很正常的滿記味道, 杧果很甜. 具體價錢不太清楚, 張單不是我埋的, 但大致上和香港差不多.

晚上到朋友家聚會, 這天就完結了.

飯店是經ctrip訂的，相當方便。無需預繳任何費用，提供信用卡guarantee即可(如果能提供國內電話號碼作聯絡，則不需提供信用卡資料) 。房費於退房時直接繳付給飯點。

房費3晚供RMB3,140 (不包括早餐)，包括免費上網服務。房間有提供 LAN 線供上網之用。如要使用wifi，則要到飯店大堂。

房間很清潔，地方亦很大- 牀很大，洗手間得大，衣櫃也很大......

飯店的位置相當方便，就在步行街附近。

地鐵站:
往南京東路站 - 步行大約3分鐘。
往人民廣場站 - 步行大約10分鐘。

景點:
步行街 - 步行大約3分鐘。
往外灘 - 步行大約15分鐘。

食點
往滄浪亭 - 步行大約5分鐘。
往沈大成 - 步行大約5分鐘。
往佳家湯包、小楊生煎 - 步行大約10分鐘。
往舒蔡記- 步行大約10分鐘。
往東方既白- 步行大約10分鐘。
往85度C - 步行大約10分鐘。


由機場坐的士到酒店大約RMB170，在交通暢順的情況下車程大約45分鐘。

小楊生煎就在佳家湯包對面。先購票，後取包，最小一份四隻。生煎包很大隻，皮很厚，但仍好吃。生煎包上放了很多蔥和芝麻，很香!! 吃的時侯要小心，因為很多湯汁及相當燙口呀!

Kentucky 開的中式快餐店。早餐RMB6有交易，很便宜呀! 豆漿、粢飯、粥、油條、素餃 、蝦餃、湯包、麵 、米.....。原本想吃咸漿和粢飯的，但似乎一早以售罄了，唯有要了一碗雪菜肉絲米、一客素餃、一份油條及凍豆漿。

雪菜肉絲米加了毛豆和炸菜，好味道。素餃的皮厚薄適中，都好味wor!

期望越大失望越大啦

黃魚面很鮮，可惜湯低好唔得!

唔係即叫即做，食物唔夠熱呀!

冬天遊上海的旅遊前準備好重要, 而且係唔分男女都好重要):

基本衣服方面:
1. 保暖內衣
2. 上衣盡量選擇厚身的...因為咁可以打底一件, 上衣一件, 再加羽絨就已經夠暖..
3. 外套 (毛衣, 以妨某幾日真係好凍...)
4. 羽絨 (80%已經好暖..)

下身衣服:
1. 打底褲 (上海冬天真係幾凍, 一定要著起碼兩條褲..)
2. 各式厚身褲...
3. (女士), 如果你選擇著裙, 你要有心理準備, 對腳會好凍..所以我真係唔建議, 但如果你的羽絨係長身都可以考慮, 不過一定要著厚身絲襪...

Underwear:
因為上海的冬天都幾凍, 如果大家打算帶多d衫, 褲, 我建議underwear方面選擇即棄式, 咁回程會輕d....

物品方面:
1. 手套 (否則對手係會凍到無知覺)
2. Hand cream (真係好大風, 對手真係會比d風吹到極度乾燥..)
3. Body Lotion (室內地方又開暖氣, 好易烘到乾燥, 而且好痕..)
4. 面霜 (上海d風係迎面打埋來的, 手都會乾, 何況面部)
5. 潤唇膏 (同上同一樣原因, 而且我搽左都爆拆到紅哂)
6. 棉質口罩 (完全係因為太凍要keep住個咀暖..棉質口罩唔好處就係好難呼吸, 我試過紙質, 唉..比風一吹, 鼻水一流, 就好容易整濕左唔戴得...)
7. 暖耳頭箍 (保持耳仔暖, 唔係話需要日日戴, 但某d日子好凍, 耳仔會凍到好痛..)
8. 暖包, 因為有時候手套都未必夠暖....
9. 冷帽, 如果怕D頭髮吹到亂哂, 同埋可以保暖, 但如果羽絨已經有帽, 可以唔需要,費事個行李重...

以上指的係冬天一定要帶的東西, 其他你地想額外帶的自由加入, 但小心行李過重, 每人只可以帶20kg...仲要預回程有手信...我好辛苦先減左行李的磅數...結果先唔過重...


題外話:
如果自由行...最好...
1. 旅遊書2本以上.. (行程可以多d選擇)
2. 地圖 (以妨旅遊書的地圖唔清楚, 或者想去一d旅遊書無介紹的地方...)
3. 上海地鐵路線圖 (可以在甘海地鐵的website download到...)

我亦會同時間研究定自己會去邊個地方, 而且我會check埋上海地鐵的首班車同尾班車, 以免影響行程..

其實我自己唔係特別喜歡Barbie, 所以有人話女仔一生中點都有一個Barbie呢, 我就真係無喇...不過朋友仔就好鍾意Barbie, 所以當初我plan個上海行程的時候, 就有加插去呢間Barbie Cafe喇...

呢間旗艦店總共有7層, (但事實上係無2樓的, 唔知點解...)... 1樓(門口大堂)係賣Barbie精品, 而3, 4, 5樓就係Barbie的「展覽館」, 你會睇到各式各樣, 唔同style, theme, 樣貌的Barbie, 例如有不同國家的Barbie著住佢屬於的國家的衣服, 而且會根據當地人的樣貌而唁同...., 另外有邦女郎 barbie, 著名時裝設計師barbie等等, 真係多到你睇唔哂...我同朋友仔影相都影到好暈同好累...當然佢地係有賣Barbie, 但我相信大家的focus都只係擺在影Barbie度, 而唔會真係買Barbie...而且佢地仲會播Barbie的卡通片, (我真係而家先知道原來Barbie係有卡通片, 我只係睇過電影...)

佢地用一條好長的樓梯連住3, 4, 5樓...而條樓梯側邊由一個個透明的膠盒拼成, 每個盒都有一個Barbie, 非常壯觀...如果你係Barbie迷, 你一定會好喜歡呢個地方, 雖然我唔係Barbie迷, 但我六覺得呢個地方好特別, 都值得來參觀...

而5, 6樓分別係Barbie Cafe, 同Barbie bar, 佢地的飲品會有Barbie的剪影, 好特別..如果喜歡, 不妨試下....

白斬雞鮮、美、滑，搭配店家附贈的蘸料，味道提升。