今天終於可以坐飛機回港去了，今天的心情是想快快到香港去看醫生。

因為很多朋友留在上海玩，有另一位朋友陪伴我上機，直到回港由朋友接我去看醫生。

雖然受傷了，但還是覺得這次旅行是很值得的。

第2天由上海出發到拉薩。第3次到拉薩，下機後已沒有太大高反的感覺了。

因為我們這個行程以林芝為主，所以我們明天便出發，不會再回拉薩了。

除了和師傅喝甜茶聚舊，晚上便要約契妹倆母子出來聚舊吃飯了，開開心心的過了一天。

第1次進藏時已遊了林芝線，這次是跟朋友前往更多的地方看看。

沒想到這次林芝遊，終於能好好看雪，玩雪了。無論是風景，人和事與及我的腳傷，通通都出乎我意料之外!

2月19日（多雲）：Crystal Serenity Day #10 之At Sea

全因早一晚玩得太顛，溝酒溝得太勁，加上南中國海波濤洶湧，小肥實在無法九時半起床，參與客席廚師Hans Peter Fink先生o既甜品烹飪班，到餓醒o既時候已經差不多中午。見距離午餐集合時間尚有十分鐘，XO仔就靜靜雞走咗落去Crystal Cove度先飲返杯回魂酒，定一定神再上十二樓Lido Café食自助午餐。

話就話休息咗成個上午，但可能海勢不穩，個人精神狀態未為最佳，故午膳後小肥自行於七樓步行運動，兩點鐘再會合團友們一同參加老虎機大賽。比賽中隊友四人都空手而回，拉機心情卻無減，玩多個幾鐘頭後先各有各活動。

郵輪河最後一個「At Sea」日，船長於傍晚舉辦咗個雞尾酒會與搭客會面傾談道別，由Crystal Sextet伴奏音樂，歡迎賓客飲酒跳舞。當晚衣著規定為「formal」，梳洗亦較費時，既然男女老幼都扮到咁靚，郵輪上o既專業攝影師又準備咗幾款不同佈景，好多乘客都會襯機影返幾輯相留念，極少會到影樓拍照o既肥肥家族當然係唔會執輸啦！由於加插咗雞尾酒會，Crystal就將晚上o既歌舞節目順延至八點四十五分同十點四十五分兩場；我地八點半食晚飯，睇完第二場表演都已經係深夜十二點。 

2月18日（陰）：Crystal Serenity Day #9 之上海

團友們曾多次遊上海，亦已參觀過市內大部份o既名勝，小肥兩兄弟又唔係咁有興趣於上海觀光，故此當日行程較為他條簡單，只為一個「食」字。

早上起牀，大家各自各進食過自助早餐，十一點半就集合乘坐穿梭巴士出市中心外灘，再轉搭的士前往「上海老站」享用午膳。午餐後即返回郵輪，步行運動上兩小時，嘆咗個下午茶，再經梳洗一翻，Happy Hour未到就已經開始飲酒。Crystal原定晚上七時駛離上海港口，但不知為何，歌唱表演完畢後，船隻都未有動靜離開，要等到晚餐中途，大約九點鐘左右先起錨向香港進發。 

大隊喺上海兩日比較hea，翌日又為「At Sea」日，所以飯後仍精力充沛，毫無欲睡之意；既然冇人想訓，當然係一齊去玩啦！十人同行，九點半鐘先去六樓個disco bar「Pulse」度唱K跳舞，到十一點就再轉場上去十二樓Palm Court食宵夜跳交際舞，結果玩到成點幾先捨得返房休息。 

2月17日（陰）：Crystal Serenity Day #8 之上海

小肥手持回鄉証多年，卻未曾飛往祖國，今次坐郵輪遊日本終於有機會到訪全國主城之一o既上海！由於團友們對上海毫不陌生，又能用國語跟當地人溝通，大家決定逗留喺上海o既兩日都以的士代步尋找美食。

Crystal Serenity於朝早八時泊岸，九時開始提供每半小時一班o既免費穿梭巴士來往碼頭及外灘黃浦公園，但搭客必需於十時半前先跟入境主任進行會面後方能外出，就連持中國護照或回鄉証者都唔例外。 

我地團友八人，早上食過自助式早餐後，就乘坐九點半班車前往市中心。當日只有兩個目的，就係去買手信同埋食人氣食品「南翔小籠包」，由於餐館離巴士站只有半小時步行路程，故團長決定健康啲，由黃浦公園一邊行去「南翔饅頭店」，一邊觀賞以其建築物聞名o既上海外灘，飯後團員可自行選擇直接打的回巴士站或搭地鐡先購物再回郵輪。 

因穿梭巴士每程約個多鐘頭，加上放工時間路面情況擠塞，我地差不多成七點先返上船。稍作休息，睇咗場超高水準o既平衡體操表演，再於Crystal Dining Room食完餐勁之後，仲有餘力o既肥肥家族決定步行消脂，夠鐘再戰當晚特備節目之buffet宵夜！