搜尋:
遊記日期:    發表日期:    
 
簡介形式      文章形式
共找到 11 篇遊記, 正顯示第 1 至 10 篇遊記
samcoral
9篇遊記
小女子意法夏日漫遊 (法國, 意大利)
(旅程日期: 2013-07-02 至 2013-07-16 ,  旅程性質: 觀光攝影)
 整個旅程  (共9篇遊記)
 分享至Facebook 
發表日期: 2014-06-12
意大利西岸和法國東南岸的地中海沿岸,是一條無比迷人的藍色海岸鐵路。
兩天內坐上速度不快的火車,卻能緩緩地將沿路美景,印入腦海。
意大利的古老和南法、摩洛哥的奢華,相映成趣 
Genova出發的火車到意法邊境
Genova出發的火車到意法邊境
沿路滿眼藍色
沿路滿眼藍色
一過法國邊境,火車車廂變得豪華起來
一過法國邊境,火車車廂變得豪華起來
摩納哥、康城一路到尼斯,沿路是這種讓人變得慵懶的房屋
摩納哥、康城一路到尼斯,沿路是這種讓人變得慵懶的房屋
果然是藍色海岸
果然是藍色海岸
一天數小時火車路程,窗外都這邊景色
一天數小時火車路程,窗外都這邊景色
Nice街景
Nice街景
Nice海岸線
Nice海岸線
經過前一日晚看著google map才知是否到達Genova的驚恐火車之旅,次日沿海岸穿過意法邊境就輕鬆一點了,還可以一路觀景。到邊境沒有任何關卡,只有ticket的意大利文和法文的微小區別,讓你感覺自己已正前往另外一個國家。

南法的火車和窗外的景色一樣,頓時多了幾分貴氣。摩洛哥、康城、尼斯,未有細看已感覺到紫醉金迷在火辣的海灘,海天一色之間,我看到了法國國旗的顏色——藍、白、紅。 
評分: 值得去4  
真正的閒逛 ok喇2014-06-12
omelette Tortellini
omelette Tortellini
對面馬路的小店
對面馬路的小店
走累又坐下,吃著滑蛋omelette和芝士小雲吞(還是意式的),看著路人如梭。感覺自己真的在旅行,有與平時不一樣的步調。
評分: 味道3   服務4   環境4   衛生4   抵食3
  0 個留言    |  加入你的留言
heikerrie
2篇遊記
南法16天自駕深度遊 (法國)
(旅程日期: 2013-09-15 至 2013-09-30 ,  旅程性質: 蜜月旅遊)
 整個旅程  (共2篇遊記)
 分享至Facebook 
發表日期: 2013-10-03
睇過 Mr. Bean's Holiday 都應該留意到南法最迷人的旅行景致集中在尼斯/康城,即地中海沿海一帶, 统
French Riviera - Cote d'Azur (蔚藍海岸). 今日第一站尼斯! Gogogo! 

Book 錯了!!! 哭臉2013-10-03
本來想book 一間叫Nice Garden Hotel的, 但係book 錯了這Villa Saint Exupéry Gardens..... 大頭蝦到癫! 這Hostel 距離市中心廿零個街口,重要上左山。我的蔚藍海岸呀〜日日揸車落黎見你都咪話唔煩。而且衛生非常一般,冲凉好難唔搞到全洗手間濕透。唯一好處,如果想識法妹法仔,呢度晚晚有party,不過嘈死晒要zzzz的人..... (好在有耳塞)
每晚價錢: 78歐元 (雙人房)
評分: 設備2   服務4   環境2   衛生2   抵住3
蔚藍的天
蔚藍的天
蔚藍的海
蔚藍的海
好多海灘分區
好多海灘分區
一清早去個晨運~ 清新的海風, turquoise 色的無邊海岸〜有唔洗返工的有錢人jogging, 退左休有渡假响度的老人家放狗, 以及好多冇錢都要來哂哂地中海陽光的自遊行真係要多謝照顧左我地好耐的英國佬。點解?因為呢條靚靚大道係有班有錢的英國人响十八世纪夾錢起的!所以法文䆁為"英国人步行道"。點解班英國佬咁好?因為人地十八世紀已經響呢度渡假啦! *正*
推介項目: 行吓啦
參觀時段: 全日
入場價錢: 每人0歐元
評分: 值得去5  
Nice 全境
Nice 全境
另一邊的view
另一邊的view
old town 全境
old town 全境
人工瀑布
人工瀑布

海邊步道行到尾便是Castle Hill 了. 上落山可以選行樓梯或者搭lift. Lift 是鬼異的,是人手開閘的那種, 很细,而且開動時沒有聲。由地下到一樓(i.e. 山頂) 有三分鐘. 出Lift 後有個牌話你知個lift 起响一個古井入面, 而且個井有成千年歷史(真係死左都唔知點liu 返架lift 出黎!) 上到山除了遠眺蔚蓝海岸,到此一遊拍拍照之外,最amazing 就係這建築的歷史! Impressive - 早在BC (Before Christ)年代有班叫Celtic 的民族在這山项起了一座城! Celtic! 有印象嗎? 打機打過Age of Empire (AOE) 的人應該知Celtic 這民族吧! 城有城牆,城堡,民居 ,人工瀑布(中世纪加建)...現在是一個公園!

推介項目: Panorama Nice 全境, 歷史
入場價錢: 每人0歐元
評分: 值得去5  
Agnes b.
Agnes b.

舊城區往往是法國每一個city 的景点區, 而Nice 亦不例外. 行返落山便是old town (法文Vieille Ville). 這個old town 便有齊所有old town 的完素--flea market, fruit market, cafe, bistro, restaurant, local 工兿, 還有古色古鄉的小巷和舊建築.... 最catch 到我地attention 的便是flea market 的舊poster /剪報攤檔, 有舊至18xx年的 名牌廣告, 明星剪報, 跑車廣告, 名酒, 古代地圖 乜都有. 最後睇完冇買, 不過幾得意 ... 在小街小巷行下又幾有風味, Agnes b. 在這也有店, 小小的boutique,没香港的張揚, 法國style 係elegant D

推介項目: Flea market
參觀時段: 全日
入場價錢: 每人0歐元
評分: 值得去4  
beef tartar - 正
beef tartar - 正
Omelette - 正
Omelette - 正

法國餐館分了好幾類, formal 的有restaurant, casual 有bistro, cafe, brasserie。今次選了間bistro, 坐室外哂下太陽睇下人。點了牛肉他他(beef tartar) 和 芝士奄列。平時香港要幾百蚊的牛肉他他這裡十零歐, 新鮮好食!   芝士奄列正正常常啦。

推介菜式: Beef tartar
每人消費: 約35歐元 (午餐)
評分: 味道4   服務4   環境4   衛生4   抵食4
海邊看夕陽
海邊看夕陽
豪宅區
豪宅區
一路向Monaco 方向揸車,沿途有豪宅, 靚車,跑步的人和狗。去到有個海邊有得坐的地方, 係個石崖, 坐下看日落。浪漫啊!
參觀時段: 下午
入場價錢: 每人0歐元
評分: 值得去4  
  0 個留言    |  加入你的留言
heikerrie
2篇遊記
南法16天自駕深度遊 (法國)
(旅程日期: 2013-09-15 至 2013-09-30 ,  旅程性質: 蜜月旅遊)
 整個旅程  (共2篇遊記)
 分享至Facebook 
發表日期: 2013-10-03
搭了十多小時飛機到巴黎,再轉機到尼斯後已經是晚飯時間。
Beef carpaccio
Beef carpaccio
隨便找了一間感覺地道的法式小餐館便坐下了。點了兩個set menu (法文:formule). 主菜要了Beef Carpaccio 和 Duck Confit, 貪個名唔知係咩。上菜了, 原來Beef Carpaccio 係薄切生牛肉 (老公話啱哂,坐飛機坐到冇哂胃口)。Duck Confit 就啱啱相反, Confit 即係油封,係一個古老的方法用來保存肉類的。後來才知Duck Confit 係好common的法國菜, 在餐牌常常見到。這個鴨做得不錯,皮夠脆,肉夠嫩。甜品有蘋果批,好住家feel. 


推介菜式: Duck confit
評分: 味道4   服務4   環境4   衛生4   抵食4
  2 個留言    |  加入你的留言
Handsome XO
117篇遊記
Crystal郵輪歐遊美食之旅 (法國, 直布羅陀(英國), 摩納哥, 葡萄牙, 英格蘭, 意大利)
(旅程日期: 2012-05-24 至 2012-06-04 ,  旅程性質: 觀光攝影, 飲食購物, 消閒度假)
 整個旅程  (共12篇遊記)
 分享至Facebook 
發表日期: 2013-05-14

61日(多雲):Crystal Serenity Day #9 Nice, Eze & Monaco

踏入六月,Crystal Serenity郵輪到達Monte Carlo(Monte Carlo為法文,英語譯作"Mount Charles"),照原定計劃停泊兩天。為免爸爸媽媽行得太多會攰,哥哥安排左我地一家四口第一日先參加個較輕鬆o既巴士遊「Nice, Eze & Monaco Bus Tour」

當年讀書地埋肥佬o既XO仔聽就有聽過Monaco依個地方名,不過非常陌生;除左知道有間時裝店用左Monaco個名之外,隱約只係記得個國家同法國有啲關連,所以當地人係講法文。從我地位導遊嬸嬸口中得知,原來Monaco係全球最細o既國家,而且全國人民都唔需要交個人入息稅。佢話只要每年喺度住夠180日就可以豁免物業稅,所以吸引到好多有錢人黎定居,網球好手祖高域(Djokovic)就係一個例子。

薄霧觀景 ok喇2013-05-14
Port of Monaco, Monte Carlo
Port of Monaco, Monte Carlo
Port of Monaco, Monte Carlo
Port of Monaco, Monte Carlo
Grand Casino(左),Monaco Modern Art Museum(右)
Grand Casino(左),Monaco Modern Art Museum(右)
Grand Casino(左),Monaco Modern Art Museum(右)
Grand Casino(左),Monaco Modern Art Museum(右)
The Monte Carlo Casino
The Monte Carlo Casino
The Monte Carlo Casino
The Monte Carlo Casino
Galerie d'Art à Monaco (MONACO MODERN ART)
Galerie d'Art à Monaco (MONACO MODERN ART)
Port of Monaco, Monte Carlo
Port of Monaco, Monte Carlo

晨早起牀,步出露台,發現郵輪正慢慢靠近岸邊,頗為詩情畫意。薄霧中除左睇到勁多遊艇之外,亦可以清楚望到當地著名賭場Monte Carlo Grand Casino及國家美術館Monte Carlo Art Gallery。

據每日一報所講,Monte Carlo的士唔多,喺碼頭更加係少之有少,價錢不但高,仲會因應不同時間而調整,所以Crystal為搭客提供免費Shuttle Service入區

參觀時段: 早上
評分: 值得去4  
醒神早餐 笑臉2013-05-14
Cinnamon French Toasts
Cinnamon French Toasts

CrystalMain Dining Room無論係早餐,午餐,定係晚餐,食物質素以及服務都同樣出色

同船上其他餐廳一樣,Dining Room所有果汁都係新鮮榨製,小肥飲左杯蘋果汁,好夠涷又好夠甜。此外,熱辣辣oCinnamon French Toasts亦非常鬆軟,大肥食完一客仲要追加多客,好味程度真係唔講得笑

推介菜式: 鮮榨果汁,Cinnamon French Toasts
評分: 味道5   服務5   環境5   衛生5   抵食5
Circuit de Monaco
Circuit de Monaco
Circuit de Monaco
Circuit de Monaco

導遊嬸嬸一上車就講起「一級方程式錦標賽」,每年都會有一站喺摩納哥蒙地卡羅摩納哥賽道舉行。XO仔對賽車認識唔深,不過都絕對聽過「一級方程式錦標賽」,只係從來冇諗過賽道會係由市中心o既道路改編而成

因為2012年度喺摩納哥蒙地卡羅摩納哥賽道舉行之一級方程式錦標賽啱啱喺早一個星期結束,所以我地喺巴士上沿途仍然見到賽道o既不同標記,廣告牌,流動看台及椅櫈。

參觀時段: 早上
評分: 值得去4  
Eze:Monaco及Nice中間
Eze:Monaco及Nice中間
Eglise Notre Dame de l'Assomption
Eglise Notre Dame de l'Assomption
Eglise Notre Dame de l'Assomption
Eglise Notre Dame de l'Assomption
在魔鬼橋上
在魔鬼橋上
"The Exotic Garden of Monaco"
"The Exotic Garden of Monaco"

巴士入左法國區域後,第一站停喺Eze,一個外表平平無奇o既小鎮。Eze之所以係旅遊熱點因其處於高原o既地段,旅客從高向下望就可以欣賞到美麗o既景色。此外,小鎮頂建有一座教堂Eglise Notre Dame de l'Assomption(英語為:"Our Lady of the Assumption Church")及一個種有好多奇花異草o既花園Jardin Exotique de Monaco("The Exotic Garden of Monaco")。可惜,因當日巴士喺嗰度只係停左一陣,所以我地無緣入去朝聖或賞花。

參觀時段: 早上
評分: 值得去3  
蔚藍海岸 哭臉2013-05-14
Côte d'Azur
Côte d'Azur
Côte d'Azur之燈塔
Côte d'Azur之燈塔
Côte d'Azur之燈塔
Côte d'Azur之燈塔
Côte d'Azur
Côte d'Azur

巴士遊最大特色就係要遠觀及近看地中海沿岸之蔚藍海岸(法語:Côte d'Azur;"Azur"解作「藍色」)。喺網上睇過好多相,印象中Côte d'Azur個海岸真係好蔚藍,點知去到實地睇就有少少失望。唔知係咪同個天氣有關呢,望落去覺得Côte d'Azur同其他海岸無異;如果唔係見到個燈塔,真係以為未到目的地

參觀時段: 早上
評分: 值得去2  
Saint Nicholas Cathedral
Saint Nicholas Cathedral
Saint Nicholas Cathedral
Saint Nicholas Cathedral
Parcours Princesse Grace
Parcours Princesse Grace

離開法國區域,回到Monaco最後一站,家母好不幸地發生左少少意外。正當大家搭電梯上觀光點時,媽咪前面一位六尺高o既公公突然失足去後墮,好在大肥爸爸身形有返咁上下,幫手頂住,而兩位老人家又有太極底子,媽咪最終只係因撞傷流鼻血及輕微扭傷,可以話係不幸中之大幸。因為依段小插曲,最後我地四人決定派哥哥做代表去繼續觀光拍照,之後再報告比我地聽。

唔知係咪因為最近荷里活由Nicole Kidman主演為已故o既Princess Grace Kelly拍製電影有關,去到Monaco見到同聽到都離不開Princess Grace。毫無意外地,上到地面,哥哥第一站先停Saint Nicholas Cathedral,即著名Princess Grace及其夫君Prince Rainier遺體之葬身處。

評分: 值得去3  
Prince's Palace of Monaco
Prince's Palace of Monaco
Prince's Palace of Monaco
Prince's Palace of Monaco
Prince's Palace of Monaco
Prince's Palace of Monaco
Prince's Palace of Monaco:大炮
Prince's Palace of Monaco:大炮
St. Mary's Tower & Albert I's Clock Tower
St. Mary's Tower & Albert I's Clock Tower
St. Mary's Tower & Albert I's Clock Tower
St. Mary's Tower & Albert I's Clock Tower
Hommage des Colonies Etrangères
Hommage des Colonies Etrangères
從Prince's Palace of Monaco望向Crystal Serenity
從Prince's Palace of Monaco望向Crystal Serenity
Prince's Palace of Monaco乃Princess Grace兒子Prince Albert II之府第。每年夏天,皇宮都會開放某部份比大眾觀賞。因為皇宮仍然正常運作,所以門外可以見到有士兵看守。皇宮入面有個露天庭院,既係Monte-Carlo Philharmonic Orchestra o既露天表演場地,亦係皇室舉辦盛事o既地方。此外,當皇室人員有事情要喺皇宮宣佈,Monaco市民都會聚集於此露天庭院。
參觀時段: 下午
評分: 值得去5  
白色建築物Oceanographic Museum of Monaco(右)
白色建築物Oceanographic Museum of Monaco(右)
La Pieuvre Statue (Octopussy)
La Pieuvre Statue (Octopussy)
Princess Grace 1962年參觀 Museum of Oceanography
Princess Grace 1962年參觀 Museum of Oceanography

一個世紀前於海邊一座大石上建成oOceanographic Museum of Monaco係一個同海洋近乎零距離o既海洋博物館,真係好有意思

Prince Albert I一生醉心於海洋學,對海洋生物及其生態環境有極大興趣,為左要同大眾分享其研究o既過程,結果,及自己研製而成o既器具同技術,所以成立左Oceanographic Museum of Monaco依個博物館。亦因此,博物館內除左有好多品種o既海洋生物喺水族館度游黎游去之外,入面仲展覽出好多鯨魚骨,沙魚骨,各色各樣o既海洋生物標本,不同儀器,工具同模型,等等。
參觀時段: 下午
入場價錢: 每人14歐元
評分: 值得去4  
海中水母(白點)
海中水母(白點)
海中水母(白點)
海中水母(白點)
Port of Monaco:燈火明亮之靚靚夜景
Port of Monaco:燈火明亮之靚靚夜景
 Port of Monaco:燈火明亮之靚靚夜景
Port of Monaco:燈火明亮之靚靚夜景
 Port of Monaco:燈火明亮之靚靚夜景
Port of Monaco:燈火明亮之靚靚夜景
 Port of Monaco:燈火明亮之靚靚夜景
Port of Monaco:燈火明亮之靚靚夜景

當日巴士遊完畢後,我地從返郵輪第一件事就係陪媽咪去船上o既醫療室檢查,因為醫生未返,我地一等就等左成幾粒鐘。雖然為此我地未能參與其他活動,不過喺郵輪上,我地仍然可以欣賞到海中多隻水母及Monte Carlo之靚靚夜景

評分: 值得去3  
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-28
由呢度搭車去摩納哥
由呢度搭車去摩納哥
住宅屋頂種滿樹
住宅屋頂種滿樹
大教堂
大教堂
城市綠化充足
城市綠化充足

第八日, 我地要向摩納哥進發. 搭巴士要去到一個泊滿豪華遊艇, 叫Le Port的碼頭邊, 搭100號線. 由於摩納哥實在太吸引了, 架架巴士爆曬棚, 等咗好耐先等到架無咁滿既塞到我地四個入去. 車程大約40分鐘, 車費每人只需1€, 同尼斯市內一樣. 全程無查證件無關卡咩都無, 唔講你唔會知自己已經去咗第個國家. 落車要0係Casino站, 因為摩納哥唔係總站, 架巴士要繼續去0架.

參觀時段: 早上
評分: 值得去4  
摩納哥海景 笑臉2012-09-28
由水族館影出去可以見到摩納哥人的屋頂小花園好漂亮
由水族館影出去可以見到摩納哥人的屋頂小花園好漂亮
睇完市景, 來個海景如何?
參觀時段: 早上
評分: 值得去4  
經典賭場 哭臉2012-09-28
賭場正門
賭場正門
賭場旁的一列名店
賭場旁的一列名店
Hotel de Paris, 位於賭場旁的著名酒店
Hotel de Paris, 位於賭場旁的著名酒店
賭場旁邊的差館
賭場旁邊的差館
賭場對開
賭場對開

著名既賭場Casino Monte Carlo位於半山腰, 由我地落車的巴士站行上去好快就到. 賭場及其周邊建築典雅有格調, 給人的感覺十分有氣派.

0係摩納哥, 賭場唔係隨便入的, 先要貢獻每人10€入場費. 齋賺門票都賺到笑, 話之你入去後賭唔賭. 呢10€只供閣下於某幾個廳流連, 如果想入另一d賭廳又或想出露臺坐下, 磅多10€吖唔該. 賭場內唔准影相, 裝修係典型的賭場式華貴, 面積唔大. 講靚講豪講地方大都及唔上澳門d賭場. 所以如果唔係真係想玩番兩手既話, 0係門外影張相就得喇, 無謂浪費10€. 我地用咗40€來感受何謂the legend of casino, 感受完, 其實係覺得有少少搵笨的.

參觀時段: 下午
入場價錢: 每人10歐元
評分: 值得去2  

由賭場出來就嚟咗呢間Café de Paris食晏. 呢間餐廳名氣甚響, 因為佢位於賭場及著名酒店Hotel de Paris旁邊, 正正是摩納哥的心臟地帶, 地點一流. 由於我地旁邊台食客不停眼望望, 搞到我地唔多好意思影相, so無相睇.

呢度既menu走大包圍路線, 由法式到意式甚至印度咖哩雞都有得食. 我叫咗個beef stew, 係用茄汁燜的牛肉粒. 牛肉肉質好鞋下, 調味則不錯, 燜得幾香, 鹹淡適度. 比較特別係會跟一碟通心粉, 俾客人自己加入煲中. 索咗汁的通粉比牛肉更好吃.

當麵癡家母搵唔到中式或日式麵的時候, 意式麵一樣照殺可也. 佢叫咗份香草番茄意粉, 聽佢講意粉味道尚可, 佢鍾意個汁帶點點胡椒的香辣. 只係意粉煮得過腍無咩嚼頭. 而且可能呢味係餐牌上的廉價食物(大約10幾€), 配料少得可憐. 阿媽話除咗一粒番茄外, 深海尋寶咁由面摷到底都摷唔到d咩了. 

家父同細佬就點咗份香草燒雞. 雞肉腍得來無味又唔香口, 好似燒好攤凍再叮返熱咁. 埋單150€左右, 唔算平, 雖知我地無點前菜及海鮮類貴價食物. 最重要係貴得嚟無咩好食. 地點就夠曬正, 室內裝修也相當優雅. 如果純粹只係想飲杯咖啡, to see and to be seen, 都不妨一到的. 想品嚐美食既話搵過第間好過.

每人消費: 約35歐元 (午餐)
評分: 味道2   服務3   環境5   衛生4   抵食2
無得入呀! 2012-09-28
王宮正面
王宮正面
大門旁邊兩個三角頂小屋內有士兵站崗
大門旁邊兩個三角頂小屋內有士兵站崗
王宮側面
王宮側面

食完飯後我地行番落山搭巴士去王宮. 王宮坐落於山上, 外觀似座城堡, 佔地唔大, 但望落幾有氣勢的. 可惜當日有王室成員在內, 所以唔允許參觀, 令我地超級失望.

參觀時段: 下午
睇魚仔 ok喇2012-09-28
全館年紀最大的生物: 成5張幾的鰻魚
全館年紀最大的生物: 成5張幾的鰻魚
一條條豎立0係沙中的魚仔
一條條豎立0係沙中的魚仔
化石
化石
各式標本
各式標本

我地0係王宮外流連時聽見旁邊幾個內地同胞話有個水族館, 王宮無得入咪入水族館打發時間囉, 一於跟埋去. 門票盛惠每人14€, 肉赤. 家父最愛動物, 平時0係屋企成日睇動物紀錄片, 自然睇得興致勃勃, 不過我地覺得呢度似乎無咩珍貴品種. 唯一較特別既係第3張相中條鰻魚, 0係60年代已經被人發現--咁佢咪起碼過咗50大壽?

水族館下層睇生魚, 上層就睇死魚, 展示咗唔少海洋生物的化石及標本. 再上一層係餐廳及露臺, 由此可以影到整個摩納哥的全景.

大多數人來摩納哥都會抱住一種獵奇心態, 想來見識下呢個小國的富貴. 摩納哥的碼頭泊滿私家遊艇, 高尚住宅林立, 可以睇得出係個富裕的地方. 但僅此而已, 唔會好似杜拜咁有令人嘩然的炫富事物. 而遊客只會去遊客區, 撞口撞面都係見番遊客, 亦唔會睇得到摩納哥本國人的生活係點. 而我認為即使唔係打算來開眼界, 摩納哥都值得一遊的, 畢竟此處市容整潔, 綠化充足, 環境是十分舒適的. 前提是唔好期望可以睇到d咩超特別的景點囉.

評分: 值得去3  
康城影展大樓
康城影展大樓
沙灘旁的promenade,右邊就係沙灘
沙灘旁的promenade,右邊就係沙灘
遠眺影展大樓
遠眺影展大樓
舊城區
舊城區

第九日, 我地既目的地係康城, Cannes. 康城離尼斯其實唔遠, 但我地搭既200號線巴士係左兜右兜型, 結果兜咗2個鐘先到. 車費每人1€, 都幾抵的.

去康城, 人人第一時間梗係去睇康城影展的大本營喇. 該建築正式名稱為Palais des Festivals et des Congres. 老老實實, 呢棟大樓外表上睇嚟超普通, 只係一間規模較大的電影院. 遊人唔准入內(唓!), 外面樓梯有條應該一排無清潔的紅地毯, 以及幾個扮明星的街頭藝人, 專同遊客合照的. 戲院旁邊的展館有展覽, 但唔0岩睇, 所以我地無入去. 講完. 所有野唔使三分鐘睇曬.

電影院對面是名牌街, 街後是一條promenade, 聽講呢條promenade係抄尼斯我地日日行過的果條呢. 再後就係海灘. 康城既沙灘的確係"沙"灘, 真係沙來的, 雖然沙質麻麻地同香港差唔多. 海水望落似乎比尼斯更清澈. 想游水, 二揀一既話呢度睇落好過尼斯.

之後我地沿著海岸邊行, 漸漸行到去舊城區. 地理位置相近, 所以無論尼斯, 康城定摩納哥的建築風格與自然風光都差唔多. 0係一個小山坡上我地遇到個英國旅行團, 個導遊指住山下的房屋講邊座邊個名人住過, 我地0係旁邊又聽埋一份.

參觀時段: 早上
評分: 值得去2  

呢間亦係我於網上搵到的知名甜點店. 買咗兩件cakes, 左邊係檸檬mousse cake, 外面包裹著一層紅莓醬, 粉紅色嬌艷非常. 右邊係菠蘿mousse cake. 蛋糕鬆軟, 紅莓檸檬味加埋原來幾夾的, 連我呢d絕不愛任何類型berries的人都覺得好吃. 而菠蘿味則夠天然, 酸甜合度. 兩款蛋糕都很清新討好, 連上面裝飾的朱古力片都香濃美味. 將來如果我會重遊康城的話, Jean Luc Pelé就係唯一的理由.

食完後我地就搭巴士離開, 整個康城之旅只係用咗約3, 4個鐘左右. 因為我地又唔係咩影癡, 而且當見過尼斯同摩納哥後就會覺得康城與呢兩個城市十分雷同.

到咗第二朝, 亦即是旅程的第十日, 起身後大家就執野check out, 搭飛機去巴黎再轉機返香港. 雖然我地去既城市如巴黎尼斯等, 都係浪漫逍遙適合兩口子度假的, 但同屋企人嚟一樣可以玩得好開心. 雖然呢, 有d景點我真係覺得幾把鬼下. 好, 我會努力賺錢, 爭取出年繼續同家人去旅行!

評分: 味道5   服務4   環境5   衛生4   抵食3
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-27
無沙的沙灘 ok喇2012-09-27
呢張及第二張係尋日傍晚影的, 天色較暗.
呢張及第二張係尋日傍晚影的, 天色較暗.

第六日, 朝早起身後去酒店餐廳食早餐. 內容都係最基本的麵包, 果醬, 生果, cereal之類. 選擇唔多, 味道普普通通無驚喜無驚嚇咁囉. Service你就靠自己喇, 侍應手腳非常慢的.

食飽飽後去海灘散步, 老土d叫踏浪. 藍天白雲, 尼斯有; 椰林樹影, 尼斯有(棕櫚樹都算椰樹啩?); 水清沙幼, sorry無噃. 呢度海水水質一般, 唔算清澈, 講到沙幼? 有鬼沙咩, 全部係石仔, 有d直情拳頭咁大, 行上去"銀"腳既. 好彩我地亦唔志在游水, 所以都無所謂的.

參觀時段: 早上
評分: 值得去2  
呢條小巷都算幾靚的
呢條小巷都算幾靚的
唔記得咗係咩建築物
唔記得咗係咩建築物
Cours Saleya
Cours Saleya

沿住岸邊的promenade直行就行到去舊城區. 尼斯舊城區其實唔係幾靚. 街道尚算乾淨, 但唔少房屋墻上都有污漬就有d令人反胃. 況且整體既建築亦無咩特色.

跟住我地行到一個叫Cours Saleya既市集. 呢度賣鮮花為主, 另外亦有蔬果, 香料等. 阿媽買咗樽rose jam帶返香港. 呢個市集十分熱鬧, 而且滿有歐洲風情, 可以一來. 

參觀時段: 早上
評分: 值得去3  
中上水準 笑臉2012-09-27
正

中午我地去咗Chez Freddy食野. 呢間餐廳網上好多人推薦, 名氣不小的. 地點就0係Cours Saleya市集旁.

生蠔: 有6隻, 我地大家分食. 海水味非常濃, 但可能當時未係季節, 所以蠔身偏瘦, 而且無咩鮮味.

海鮮鍋: 有青口, 蜆, 魚, 蝦, 薯仔, 一鑊熟. 個容器好得意, 下面係用來放空殼的. 食材新鮮, 味道自然唔差得去邊, 入面既薯仔索咗海鮮汁十分美味. 可惜貝類唔夠之前食過的咁肥美. 份量唔少, 再加埋薯條, 女仔來講一個人真係食唔曬.

阿爸唔跟我地點海鮮鍋, 要咗個燒鱸魚. 試咗少少, 皮脆魚香但肉唔夠嫩, 鞋咗d.

Overall來講呢間店都吃得過的, 雖然無前一日唔記得名果間咁好.

評分: 味道4   服務3   環境4   衛生3   抵食3
睇夜景 笑臉2012-09-27
山上有瀑布及觀景台
山上有瀑布及觀景台
呢個角度望出去是幾漂亮的
呢個角度望出去是幾漂亮的
海邊靚過舊城區
海邊靚過舊城區
舊城區
舊城區
日落的一瞬
日落的一瞬
夜景
夜景

食完飯後我地返酒店休息, 跟住就出來上山頂. 尼斯面積唔大, 所有地方行都行到去. 山上有個人工瀑布, 風涼水冷係個欣賞夜景既好去處. 講燈火璀燦就梗及唔上我地山頂喇. 始終呢度唔係咩國際大都會, 無得比較既. 一家人0係上面吹風兼吹水, 都好耐無試過咁溫馨了.

參觀時段: 晚間
評分: 值得去4  
甜咗d 笑臉2012-09-27

上山前買咗Lac Chocolatier既蛋糕0係山頂食. 兩件分別係咖啡千層蛋糕及檸檬慕絲蛋糕. 前者咖啡味香濃, 蛋糕本身就實淨咗少少, 唔夠鬆軟; 後者既mousse就好滑. 兩件餅味道比較甜, 論味道係今次旅程中最遜色的, 不過仍算好味的.

4條友由日落睇到華燈初上, 餵完蚊後終於落山, 去Café de Turin食晚飯. 呢間餐廳我地之後會重臨, 食評請留意後面.

評分: 味道4   服務3   環境4   衛生3   抵食4
呢類熱帶植物, 香港成日見, 無咩特別
呢類熱帶植物, 香港成日見, 無咩特別
錦鯉池
錦鯉池
難道法國都有放生烏龜既習慣?
難道法國都有放生烏龜既習慣?
唔係塑像, 係一隻活生生的Flamingo
唔係塑像, 係一隻活生生的Flamingo
覺唔覺佢瞪住你既時候個心有d寒?
覺唔覺佢瞪住你既時候個心有d寒?
遊人可以行入去餵呢班鴨仔
遊人可以行入去餵呢班鴨仔

第七日我地去Phoenix Park. 呢個係一個有植物有動物既大公園, 兼有個好小兒科既音樂噴泉. 入場費係以旅遊區來講平到你唔信既2€! 嚟呢度你唔好期望有咩睇, 入來relax下, 訓下草地餵下鴨仔就得. 其實好多人來尼斯都係想咁樣放鬆下0者, 公園環境係十分清靜舒服的. 如果係第d月份嚟, 天氣無咁熱既話會更好. 我地當時係日日陽光普照的35度或以上.

印象最難忘的係果隻白色貓頭鷹, 你行去邊佢就擰個頭啤你啤到邊, 你都咪話, 個心真係有少少怯0架. 班鴨仔就好可愛, 完全唔怕人, 一入去就圍住你等你餵, 畢竟0係香港都好少同呢d非寵物類動物接觸, 幾好玩的.

0係巴黎我地行街食野為主, 嚟到尼斯就想放鬆下. 所以每日都係周圍行下坐下, 去海灘曬下太陽吹下海風, 話咁易又過一日.

參觀時段: 早上
入場價錢: 每人2歐元
評分: 值得去4  
咁既顏色, 你估d蝦蟹仙遊咗幾耐?
咁既顏色, 你估d蝦蟹仙遊咗幾耐?

中午我地又去返尋日去過的Café de Turin食飯.  呢間餐廳都是幾十年老字號了, 我地尋日來吃晚餐時覺得佢既海鮮盤除咗鹹咗少少外, 味道都唔錯. 所以今日打算來個翻兜. 兩位老人家一排無食中菜, 周身唔聚財, 走咗去搵中餐廳打救. 呢餐變咗得我同細佬兩個人食.

我又叫番上次食過的海鮮盤, 但今次一擺上嚟令我超失望. 首先隻蟹, 大家睇相都見到隻蟹係瘀黑色的, 唔係前一晚的紅潤鮮艷. Lunch價錢較平所以差D? No, 我兩次都係點同一味, 俾既價錢一樣, 約30€左右. 所有lunch的食物質素都咁差? 又唔係, 隔籬枱個海鮮盤的海鮮色澤光潤, 比我的新鮮得多. 味道方面亦較第一餐失色, 蟹肉超鹹, 雖然上次都偏鹹, 但至少入得到口, 今次則簡直鹹到吞唔落. 蝦既顏色亦比上次更暗啞, 又鹹, 同隻蟹一樣都好似用鹽水烚過咁. 海螺雖然唔鹹, 不過咬落好腥, 完全唔係新鮮貨.

細佬就點咗生蠔. 生蠔分normal or special, 兩款都有3個size可供選擇. 細佬揀咗special中最大的一款, 20,90€6隻. 我地一家少食生蠔, 所以都唔知係咩品種. 生蠔看上去都足夠新鮮的, 味道據細佬講蠔身肥美, 但同樣地極鹹.

而細佬食過生蠔後返到酒店開始覺得唔舒服, 嘔咗一陣. 好在嘔完後無事. 係咪同Café de Turin的食物有關我唔知, 但為免掃興, 我都係唔建議各位來呢度食.

每人消費: 約30歐元 (午餐)
評分: 味道2   服務3   環境3   衛生3   抵食1
  0 個留言    |  加入你的留言
MLKM
29篇遊記
2012法國摩納哥之旅 (法國, 摩納哥)
(旅程日期: 2012-08-19 至 2012-08-27 ,  旅程性質: 消閒度假)
 整個旅程  (共6篇遊記)
 分享至Facebook 
發表日期: 2012-09-27
居高臨下 ok喇2012-09-27
由我間酒店房望出去近在咫尺的Tour Montparnasse
由我間酒店房望出去近在咫尺的Tour Montparnasse
搭多張夜景
搭多張夜景
在塔的室內區域下望
在塔的室內區域下望
頂層的露天天台
頂層的露天天台

第四日一早, 去咗位於酒店隔離既Tour Montparnasse. 呢座建築物號稱全巴黎最高, 堅定流就無從稽考喇. 門票每位13€, 0係酒店度都有得賣而且價錢更平, 10€就搞掂.

遊客嚟呢棟大廈只係為咗俯瞰巴黎全景. 呢度遊人相對較少, 如果嫌上鐵塔又貴又排隊排到海枯石爛既話呢度不失為一個好選擇. 同鐵塔一樣呢度都有間餐廳, 可以一邊食晚飯一邊欣賞巴黎夜景, 不過網上探子回報話食物味道不過爾爾, 所以我地無嚟吃.


參觀時段: 早上
入場價錢: 每人10歐元
評分: 值得去3  
搶眼非常的Moulin Rouge
搶眼非常的Moulin Rouge
上Sacre Coeur的主要道路
上Sacre Coeur的主要道路
Sacre Coeur
Sacre Coeur
山上望下來
山上望下來

由Tour Montparnasse落嚟後我地去咗紅磨坊, Moulin Rouge. 求其0係外面影張相證明到此一遊過就OK喇. 一來對表演興趣唔大, 二來入場費唔平, 唔包晚餐, 齋睇show都要約莫100€一位(唔知有無記錯).

之後大家去咗Sacre Coeur, 聖心教堂. 呢度離Moulin Rouge好近, 只係相距一個地鐵站. 教堂位處一個叫Montmatre的小山坡上, 未有鐵塔之前呢度係全巴黎最高既地方嚟0架.

第二張相中條斜路就係通往聖心教堂之路. 我地由地鐵站一上來, 即時嚇咗一跳: 撞鬼咯咁多人既? 家陣趁墟咩? 著實令我憶起內地旅遊景點既盛況.   

之前提過我地對教堂無咩認識, 所以入內行個圈, 睇咗一陣就走. 而且入面唔准影相. 反而外邊仲多野睇, 有個日本人表演唱歌, 又有個黑人徒手爬上電燈柱, 猿猴咁兩手抓住上面, 然後用膝頭及雙腳輪流頂波! 精彩. 而且坐0係外面草地休息都幾舒服的.

另外想講下教堂外邊有好多黑人, 一見遊客經過就綁條彩繩0係人手上, 跟住就梗係要你磅水喇. 我一行過就有條友拉住我隻手想綁條繩落去, 我梗唔制喇, 豈有此理信唔信阿姐我告你非禮吖嗱. 即刻掙脫咗繼續行. 旁邊有個十幾歲既台灣男仔就無咁醒, 傻傻下任人綁咗條彩帶, 俾咗2€對方竟然仲嫌少. 後來佢點甩身就唔知喇.

由教堂出來後我地去咗Galerie Lafayette, 呢, 即時大名鼎鼎既名牌集中地老佛爺. 同一條街上仲有同老佛爺一樣既百貨公司Au Printemps, 都係賣名牌為主的. 老實講呢兩間公司人多到似街市, 要買名牌既話去Rue St. Honore行得仲舒服. 不過如果時間無多既話呢度都算係shopping好去處, 因為牌子夠多夠集中, 而且兩間公司位處的街上仲有無數時裝店可供選擇.

參觀時段: 下午
入場價錢: 每人0歐元
正門, 影得朦咗
正門, 影得朦咗
富麗堂皇
富麗堂皇
四大頭盤
四大頭盤
四大頭盤之鴨肝
四大頭盤之鴨肝
燒羊腿
燒羊腿
燒鴨胸
燒鴨胸
朱古力柚子mousse
朱古力柚子mousse
熱情果白朱古力慕絲蛋糕
熱情果白朱古力慕絲蛋糕

行咗一陣我地就開始去食晚飯. 呢間餐廳叫Le Train Bleu, 位於火車站Gare du Lyon裏邊, 好易搵, 亦都係一間百年老字號了, Mr. Bean電影版都0係度取過景呢. 環境超靚, 金碧輝煌到差 d以為自己坐0係凡爾賽宮享受晚宴.

先來麵包. 侍應拎住一籃麵包俾我地揀, 有原味, 黑麥同橄欖麵包三款. 我要咗原味既, 之前講過法國餐廳既麵包都偏乾硬, 呢度既亦不例外. 但麵粉味係幾香的.

頭盤方面, 我要咗佢地自家製既煙三文魚. 三文魚肥美可口, 但就唔算驚為天人. 配上的兩件鬆餅我覺得同煙三文魚唔係咁夾. 旁邊仲有用煙三文魚加奶油打成既souffle, 放0係一塊薄脆上面, 呢個就好好味, 豐腴鮮美.

細佬叫咗青蘆筍凍湯, 佢話夠滑味道又夠清新. 阿媽就點咗鴨肝醬. 鴨肝醬幼滑, 而仍然食得出粒粒鴨肝的口感. 中間夾咗一層杧果茸, 食起嚟無咁膩.  旁邊配上燒菠蘿粒及淋上蜜糖既waffle. 兩樣都好味但後者同鴨肝唔多夾, 我地一致認為怪怪地咁.

阿爸叫咗個咩頭盤我地無人記得, 包括佢自己. 好似係個裏面係蘑菇餡既酥皮圓球, 旁邊仲放上一片燒香咗既煙肉. 只記得佢食既時候都讚幾好味的.

主菜兩老都要咗燒羊腿, 我地兩個就點咗燒鴨胸. 侍應推來一架車, 揭開蓋後一隻壯觀的羊腿誘人地呈現在眼前. 侍應由羊腿上切三片下來, 就係一份了. 羊腿非常好味, 七分熟, 鮮嫩多汁. 有應有的羊騷味但又未至於太過分, 很合兩老心意. 配上的是加咗blue cheese的薯茸, 好吃.

燒鴨胸用既係嫩鴨, 同樣燒得七八分熟, 吃起來軟嫩無渣, yummy!  旁邊同樣配上薯茸, 不過係無加cheese的版本. 卷起成筒狀的青瓜片內係炸脆的麵包小粒, 帶有濃濃的芝士香, 好得意.

食完兩道菜後大家都相當飽了, 不過都試咗兩份甜品. 一份係朱古力及柚子mousse , 一濃甜一微酸加起來恰到好處. 另一道係熱情果白朱古力mousse cake配熱帶水果沙律. 蛋糕濕潤鬆軟, 味道清新輕巧, 唔錯.

呢餐消費大約240€. 我0係網上訂位, 有八折, 未折前大約300€左右. 唔算平, 但巴黎呢d旅遊城市消費肯定偏高, 只要一家人吃得滿意就好. 今次比之前L´absinthe果餐貴大概50€, 但今次大家食得開心得多. 

每人消費: 約60歐元 (晚餐)
評分: 味道5   服務4   環境5   衛生3   抵食3
包裝華貴
包裝華貴
正

第五日. 之前一日0係Au Printemps買咗件cake, 留返做今日既早餐. 細細件要成7,90€, 唔平呀. 間店叫Café Pouchkine, 買呢件係因為睇中佢話有茉莉味, 查實有鬼咩, 只係朱古力蛋糕夾一層梅子果醬. 味道都唔錯, 今次旅程我食過既法國cakes水準都好好. 唯一係外層塊朱古力片唔夠香滑, 唔係就perfect喇.

評分: 味道5   服務5   環境5   衛生4   抵食3
洗手間
洗手間
洗手間
洗手間
窗外民居的萬國旗
窗外民居的萬國旗

之後大家執行李去機場, 去下一站, 尼斯. 機程大約個半鐘左右. 到達後由於我地唔識點去酒店, so搭的士去, 用咗38€. 但原來如果搭巴士既話機場出市區每人只需4€, 路程亦並唔算遠. 而尼斯市區內巴士車費一律每人每程1€.

呢間酒店119 €一晚, 包早餐. 位於市區內, 交通方便. 房間比巴黎的Hotel Le M寬敞d, 顏色亦較colorful, 衛生程度都令人滿意的. 兩間酒店相同既係soap之類同樣無得refill, 唔相同既係Hotel Le M 牙刷要問先有, 呢間直情問都無, 要自己去買.

抵唔抵住我唔知, 但至少我訂房果段時間以3星酒店來講呢間算較平的了.

Btw, 尼斯的物價比巴黎有過之而無不及. 巴黎既水蜜桃1kg售2€, 尼斯就賣到4, 5€. 超市的日用品亦相對上較貴.

每晚價錢: 119歐元 (雙人房)
評分: 設備3   服務2   環境3   衛生3   抵住4
又食青口 笑臉2012-09-27
煙三文魚沙律
煙三文魚沙律
白酒汁青口, 正!
白酒汁青口, 正!
左邊白色太陽傘處就係本餐廳了
左邊白色太陽傘處就係本餐廳了

Check in後一家人出去周圍行下, 見到呢間餐廳好似OK咁就坐低咗. 父母對巴黎食過既青口念念不忘, 而家嚟到海邊近水樓台當然要大吃特吃. 我地要咗白酒汁, 番茄汁等唔同調味既青口, 同0係巴黎食過的既一樣咁肥嫩無渣.

另外仲點咗個煙三文魚沙律做前菜, 三文魚肥美, 不過d蝦仔就好鹹.

推介菜式: 又食青口
評分: 味道4   服務3   環境4   衛生4   抵食3
  0 個留言    |  加入你的留言
Green Spot
75篇遊記
復活節歐遊美食觀光之旅 (法國, 意大利, 瑞士)
(旅程日期: 2011-04-13 至 2011-04-27 ,  旅程性質: 消閒度假)
 整個旅程  (共9篇遊記)
 分享至Facebook 
發表日期: 2011-05-01
從法國南部的馬賽Holiday Inn Express出發>>>>>首先前往酒店附近(興建超過160年)的火車站拍照留念,逗留20分鐘後>>>>>駕車直往康城>>>>>在天使灣拍照留念>>>>>再駕車駛往尼斯早巳預訂的酒店Hipark Residence放低行李>>>>>晚餐在Cafe' de Turin吃海鮮
到法國,很自然地想到法國生蠔,在出發前以計畫前往尼斯,於是在網上平台搜尋一些經營海鮮超過一個世紀的海鮮餐廳,想必應有質素保證吧!

從酒店步行約15至20分鐘,沿途經過主要的旅遊景點舊城區及馬賽納廣場,邊步行,邊拍照確實延誤了不少吃晚餐時間,到達馬賽納廣場(Massena)便很容易找到其所在位置,因為就在廣場附近.

由於餐廳正在維修外牆,因此看不清楚其門外金漆招牌,只是靠街名地址尋找其位置.這家食店經營海產類主題菜色超過一個世紀.接近晚上十時光顧此店,起初誤進入餐廳後巷,後來侍應帶領我們到餐廳的正門,然後安排我們坐靠正門的位置,而在後巷期間,見擺放了一盤盤的海鮮盤,每個盤子下放有每張檯子的編號.然後待應們進入後巷內,從檯子捧上一盤盤的海鮮盤,往店內方向供給食客享用,還未下單巳留意到其它食客檯面上最少有一盤海鮮盤,當然,我與其他食客一樣,前來這餐廳的目的亦是為了這些.

見海鮮盤內放有很多各種不同的海鮮,便向侍應點了兩個海鮮併盤(Plateau ou Turin)及兩支礦泉水,由於相信兩個併盤巳能令我們飽肚,所以沒有再點其它的食物.很快地,兩個盛著海鮮的大併盤巳放在我們的跟前,併盤內的海鮮包括:24隻法國生蠔、3隻蜆、12及大量不知甚麼品種的小蝦(放在低部)、12青口、300克小海螺、1隻龍蝦、1隻麵包蟹、帶子......我想,約在香港吃這個份量的海鮮併盤,價錢必定三級跳.

邊吃這個海鮮盤,一邊感受法國這個無污染的海洋為家人帶來吃得安心的一餐,暗地裡善慕當地人民無需像中港人民般,經常要顧慮食物來源等問題.儘管不太認為海鮮全都鮮味好吃,如中蝦及龍蝦為例,不感覺得新鮮,麵包蟹雖然新鮮,蟹羔亦幼滑鮮甜,但說到蟹肉,始終不及花蟹;生蜆及青口亦鮮甜,只是天生品種細隻,末能滿足我的胃納;併盤內最好吃的海鮮一致認為是法國生蠔及不知甚麼品種,放在盤低的小蝦,首先把盛滿海水的蠔殼及較為偏小而悄帶點creamy的蠔肉一併倒入口腔內紳嚼,海水的鮮鹹極速提升生蠔的鮮味來,而放在盤低的小蝦體積像用來做沙律的那些罐頭水蝦,相信亦是產自法國,蝦身味道同樣地充拆海水味,帶給口腔陣陣的鹹鮮氣味.來到巴黎,盡管某些海鮮末必合食客的口味,但既然來到,嚐嚐他們的海鮮特產,對我而言,就等同此地一遊,兩者同樣重要.

推介菜式: 蟹羔、法國生蠔及放在盤低的小蝦
評分: 味道3   服務4   環境3   衛生4   抵食4
  0 個留言    |  加入你的留言
doravicki
8篇遊記
法國 (10年7,8月) (法國)
旅程性質: 背包旅遊, 消閒度假
 整個旅程  (共1篇遊記)
 分享至Facebook 
發表日期: 2010-09-28
今次係第3次黎法國,但係之前2次都淨係去過paris,今次終於可以去到其他好多地方喇...
希望下1次,可以留耐d啦再去多d地方啦...
好好味... 笑臉2010-09-28

呢間leon有好多分店架...我就揀黎Champs Elysées呢間...方便嘛..

我2年前喺Saint-Germain分店食過之後,就覺得好好味喇..每人approximately eur 20, 又唔算貴,正...

今次係去完outlet shopping之後過黎,本來係打算去凱旋門影下相先, 點知勁大雨,所以一落車就開餐...

我地3個人,叫3個唔同嘅set, 其中2個set要前菜,另1個就要甜品...

個前菜都好好味架...1個係salad, 1個係smoked salmon,甜品我地就要waffle...

3個青口黎到, 全部都好好味,其實我唔係好知邊個打邊個...不過都冇所謂啦..我地都係share食架啦....

d薯條好正,仲熱辣辣添....而家喺HK D fast food shops,要好好彩先會有熱辣辣嘅薯條食囉...
雖然leon d薯條係可以不斷refill,不過我地食完3兜已經飽到暈...所以冇refill到..

跟住我地仲order左1個iced coffee,1個coke....個iced coffee都好好飲架...

埋單euro 71...都ok啦....

每人消費: 約24歐元 (晚餐)
評分: 味道5   服務5   環境4   衛生4   抵食4
我地一早由paris坐成9個字車黎行outlet....張車飛成eur 6呀...所以未黎到已經決心要滿載而歸架喇...

去到outlet成12點, 見到個mall入面有好多餐廳, 行完1輪睇晒咁多間嘅menu之後決定揀呢間平平地嘅pizza....(不過最衰唔記得餐廳個名,喺outlet個網又search唔到wor)

我地3個人叫左2個set, 每個set 好似大概eur 14..包1杯飲品 (仲可以叫啤酒添), 我地叫左1個pizza, 1個長通粉,2杯啤酒, 再加1杯earl grey...非常飽...

個pizza好好味呀...仲有隻蛋, 令我聯想起細個成日食嘅窩蛋牛肉飯...

食食下隔離有1 pair法國夫婦,見到我地係遊客傾左1輪,好好人...仲話佢地都好鍾意香港添...跟住比埋個孫仔張相我睇...好得意架...

食完歐洲d pizza, 返到hk真係好唔想食pizza hut囉...
每人消費: 約15歐元 (午餐)
評分: 味道5   服務3   環境4   衛生4   抵食5
喺reception隔離,食早餐嘅地方
喺reception隔離,食早餐嘅地方
可以借佢個電腦上網, eur 2 1次
可以借佢個電腦上網, eur 2 1次
第1次黎Nice...滿懷希望以為係好似monaco果類渡假天堂...話晒Nice呢個地方由細聽到大...
點知一去到有d失望囉...個車站超混亂..條街亦都好似一般歐洲街道咁污穢...又係周街醉酒佬...

anyways...呢間酒店咁鬼平黎講算好ok...因為佢有免費wifi, 有elevator...(我地喺另外幾個城市住..有d平酒店真係冇elevator架,我搬行李都要搬半個鐘), 佢個toilet好夠大,個bath tub仲有個門等d水唔好整濕個地下,而且佢仲日日執房同換毛巾添...

酒店個receptionist好好傾架...我見到佢好似負責serve埋早餐架...身兼數職

酒店行過2條街已經有超市同埋laundry...

本身酒店自己有早餐, 不過要加$..好似eur 6 per pax...咁貴,我梗係冇加啦...
因為呢次旅程係慳$團黎架....6蚊個早餐太貴喇...
每晚價錢: 84歐元 (三人房)
評分: 設備4   服務5   環境4   衛生4   抵住5
個浴室有小少窄..
個浴室有小少窄..
搬到傻嘅樓梯
搬到傻嘅樓梯
telephone corner
telephone corner
好豐富嘅早餐
好豐富嘅早餐

呢間酒店個owner好helpful, 好information..我地住左大概1個星期,除左冇elevator,搬條非常迂迴嘅樓梯搬到我死之外,其他各方面都好令人滿意...

我地以avignon為中心點,住喺呢度嘅時候去埋monaco, marseille, orange, nimes等等地方,好方便..

喺呢度住仲有早餐食添,d麵包好好食,仲有1杯果汁同1杯熱飲,杯飲品仲要係即刻整架.熱辣辣,好warm...有1日我因為要一早出發去sault睇lavender,個owner仲特登早半個鐘整早餐比我地食添...好好人呀...

講返間房, 1星酒店就當然唔會好靚啦...不過算好乾淨, d毛巾日日換同埋日日執房...
不過就有d細囉...但係ventilation好好...冷氣好夠..而且有好大個窗, 我地多數都開窗就算喇..好好風...

呢度有free wifi, 非常stable.

不過浴室d熱水唔係好穩定, 有時凍有時熱..所以要快沖....

每晚好似eur 80多d...

每晚價錢: 80 歐元 (三人房)
評分: 設備3   服務5   環境4   衛生4   抵住5
好味道..
好味道..
呢個另外叫嘅沙律好味d.
呢個另外叫嘅沙律好味d.
跟餐嘅沙律
跟餐嘅沙律
山長水遠黎到瑞士邊界,梗係要食下呢度d芝士火鍋啦..雖然我以前喺St Moritz食過1次之後話以後都唔會再食, 不過即管比多一次機會佢....

我地喺chamonix住3日,咁多時間所以我為左慳$,就揀lunch黎食fondue,因為有幾間餐廳set lunch都包fondue...

呢間餐廳有2款芝士火鍋,一款係傳統, 一款係磨菇底..set lunch包果款係傳統嘅! 同好多餐廳一樣,如果叫芝士火鍋嘅話,就要叫2個人嘅portion先得...即係我地其中2個都要叫呢個set lunch....
個waiter好好人,我話想要磨菇底果個火鍋佢都冇收我extra $....仲pose埋叫我幫佢影張相添...

個set lunch仲有1盆肉, 好鬼大盆, 聞落去就好香, 不過食唔慣呢d風乾嘅肉, 最尾冇食晒..

我地另外叫左個麵, 1個沙律, 2樣都好好味....
另外佢個set仲有2個甜品, 我要左choco mousse, 阿姨要雪糕...佢話藍梅雪糕好酸wor...

呢餐飯最尾埋單好似大概eur 80 ....

我覺得chamonix呢個地方好旅遊區呀, 氣氛好好, 好似瑞士嘅zermatt咁,如果係為左睇雪山我就覺得瑞士方便d...不過如果好得閒都可以黎下呢度嘅
推介菜式: cheese fondue
每人消費: 約25歐元 (午餐)
評分: 味道4   服務5   環境4   衛生4   抵食4
勁多人..
勁多人..
上去之前仲係泥地..
上去之前仲係泥地..
走嘅時候變左條河
走嘅時候變左條河
我黎之前諗過唔同嘅方法黎呢度,但係要轉車我又覺得好煩,所以最尾係報local tour,喺羅浮宮附近上車,回程又係喺羅浮宮解散.

local tour其實好貴ar...好似要成eur 180 per pax,不過就包埋你個lunch, 同埋有個guide沿途講解,跟我地個guide都算講得好detailed....算係咁啦...

不過我地去程坐左5個幾鐘, 回程又5個鐘 (因為有d塞車同喺油站停一停), 中間再食2個鐘頭飯...
喺山上面嘅時間好少...再加埋我地行上去嘅時候又塞下人咁...到個guide講解完話free time...果陣距離集合時間得返1個鐘都冇... 所以呢...如果唔想走馬看花最好就係住1晚...再慢慢行...

anyways,其實我對個修道院興趣唔大..我只係想睇潮漲...因為之前睇過人地d相覺得好amazing..

果然, 我地黎嘅時候原本係泥嘅地方到我地回程嘅時候條路已經變成條河...好神奇...
淨係見到咁樣,我已經覺得呢個地方好值得去喇...

我去果日仲比天氣報告呃左,話會得12度....等我著左2件外套去...點知去到我估有30度...
見到d人個個著吊帶囉...
參觀時段: 下午
評分: 值得去5  
棟building出面有輻畫..
棟building出面有輻畫..
呢棟樓好似中空咁,喺歐洲好少見.
呢棟樓好似中空咁,喺歐洲好少見.
天氣好好呀..
天氣好好呀..

話晒係法國第2大城市wor..我梗係要黎行下啦...
而且我去完lyon之後就會去paris, 喺呢度走坐TGV就非常順路喇...

Lyon地方唔係好大,應該留1日就夠喇....不過我喺度住左3晚

呢個城市最靚就係舊城區...好多巷仔,建築物都好有特色....仲有幾條街集中晒好多餐廳...
我晏晝行過旅遊局附近果陣,仲見到d街市攤檔,賣菜賣肉...連牛奶都有得賣...
我最鍾意行呢d架喇...

如果唔鍾意睇建築唔鍾意睇風景,lyon都有d shopping area架...乜都有得賣呀...
有d 舖頭仔仲賣d好得意嘅家品添...

我下次黎歐洲,都會再黎呢度...去埋睇我今次冇去到嘅miniature museum ...

評分: 值得去4  
水族館入面嘅紫海膽
水族館入面嘅紫海膽

明明去緊法國, 無啦啦睇旅遊書見到呢個喺南法隔離嘅小國即刻去埋...
喺avignon上車, 坐20分鐘車就到喇...仲快過我喺屯門出荃灣. 

我地一去到就坐低食飯...之後再慢慢行...

首先去參觀皇宮, 買飛果陣有隻飛係包埋隔離個博物館同水族館...好似eur 18...於是我地就參觀晒3樣喇...皇宮入面都好靚架, 不過皇宮同museum入面唔比影相嘅, 而水族館就可以影,不過唔可以flash...

monte carlo呢個地方,周圍都係環海...身處任何位置望出去都係好靚嘅海,同埋泊晒好多遊艇喺度...

我地參觀完之後就行去賭場果邊, 未行到去已經見到門口有隊live band表演緊..好多人圍觀....
跟住見到門口個停車場好似車展咁...最cheap嘅車已經係Mercedes...
因為傍晚過後入賭場有dress code, 所以我想入去見識下都唔得...我見d 人男嘅就著suit/tux...女嘅有d戴埋headpiece添...

呢度真係好靚... 好值得去!

評分: 值得去5  

而家變成睇藝術品的地方, 有畫啦...雕刻品啦..木乃伊等等. you will need to spend like 2 to 3 hrs here, 不過遊客就唔算多, 唔會好似羅浮宮咁人迫人..所以可以慢慢睇, enjoy...

馬賽成個城市都幾靚, 尤其係個舊港...港口有好多遊覽船,不過好貴..所以冇坐到..另外沿住海邊有好多攤檔賣唔同種類嘅野, 有soap啦...porcelain啦.. 飾物啦....衫啦....麵包啦...仲有個女仔幫人紮dreadlock...好型

我地去左食出名嘅馬賽魚湯啦..不過望落去好似香港嘅番茄魚湯咁...只係佢用左幾隻唔同嘅魚再加青口再加麵包....anyways...都幾ok..唔算貴..no harm trying...

如果要買soap嘅話, 馬賽d攤檔應該係最平嘅..(比起其他城市)...

評分: 值得去4  
Pont du Gard, 我去之前1個星期先有人跌落橋byebye左
Pont du Gard, 我去之前1個星期先有人跌落橋byebye左
好多街頭畫家..
好多街頭畫家..
仲有好多賣藝的人..
仲有好多賣藝的人..
lavender field in sault
lavender field in sault
雖然avignon冇nice, paris呢d城市咁出名, 但係真係1個好舒服嘅城市...d人仲好nice添...

我初初主要係用avignon做中心點, 因為由avignon去其他地方都好方便, 後尾發現其實avignon本身已經有好多野睇: Palais des Papes 教皇宮,斷開1半Pont St Benezet 嘅聖班納齊橋, 仲可以坐車去sault睇薰衣草添....

如果唔鍾意睇景嘅人可以shopping....我發現avignon嘅skincare平過paris好多好多,我之前喺bordeaux買過1轉,已經覺得平過paris好多, 但係點知去到avignon再平多好多..
除左skincare之外, avignon買衫褲鞋襪都好平好多選擇架...我喺呢度買到大概係hk retail price 4折嘅mulberry袋,仲有平hk 1半嘅birkenstock boston...仲有好多其他brands架...

我下一次再去paris嘅時候(next yr hopefully) , 應該都會特登過黎1轉買野同埋睇太陽花...
推介項目: shopping...sight-seeing
評分: 值得去5  
  1 個留言    |  加入你的留言
文妮emily
2篇遊記
先去法國再闖西班牙 (法國, 意大利)
(旅程日期: 2009-04-05 至 2009-04-15 ,  旅程性質: 觀光攝影, 飲食購物)
 整個旅程  (共2篇遊記)
 分享至Facebook 
發表日期: 2010-05-05
尼斯  早餐

 
一個好貴的火腿煎雙蛋
一個好貴的火腿煎雙蛋
早餐 ~ 酒店價錢已包了 Continental Breakfast

有咖啡 果汁 鮮奶 水果 栗米片 法國麵包....  

就是沒有我最想吃的火腿煎雙蛋   點了...盛恵每位 € 15

有咖啡 果汁 鮮奶 水果 栗米片 法國麵包....  

吃了... 不算特別好, 但起碼吃了 
 
每人消費: 約15歐元 (早餐)
評分: 味道3   服務3   環境4   衛生4   抵食1
名店 笑臉2010-05-05
昨晚已經找到名店街的正確位置.... 朝聖

LV  Hermes Chanel  我有看但沒買

不停想些不同的理由告誡自己:

今趟我是來吸收文化氣息, 不是來瘋狂購物的 (否則就去巴黎啦)

我的行李沒有多餘空間 會超重的

酒店 機票已經花了很多錢 不能為所欲為

只在Zadig & Voltaire 選了件背心

反而大官在Agnes b 又買T 恤又買恤衫

大家請盡情稱讚我!!
 
推介項目: shopping
評分: 值得去4  
法國海鮮 笑臉2010-05-05
行了三小時要食晏

今天吃 海鮮 ~ 生蠔及法國皇帝蟹 另加一大碟海鮮意粉

這餐廳水準很不錯 也不貴 可以推介
 
推介菜式: 海鮮 生蠔及法國皇帝蟹 海鮮意粉
每人消費: 約40歐元
評分: 味道5   服務4   環境4   衛生4   抵食3
終於買了 笑臉2010-05-05
尼斯風光
尼斯風光
wakaka
wakaka
中午四人一起乘了開蓬雙層巴士  每位€ 20

可在廿四小時內無限次使用

帶上耳筒你便可沿途收聽重點建築及名勝的簡介

讓你對這誘人的城市加深認識

我一直留心的看 也很想靜心的聽

但腦海不停出現的卻是那該死的手袋

而且越坐越冷

他們三位為了不令本人冷傷風及憶物成狂

唯有迫我在名店街下車

..
..
..
..
..
終於買了


不買的理由很多... 但已經想不起來

買的理由只得一個

很想擁有

況且在法國啊.... 不買一個會遺憾的




當晚發生了件令我嚇破膽的事情, 差點就滯留法國了

正努力寫, 你們要再來, OK?
 
評分: 值得去5  
  1 個留言    |  加入你的留言