搜尋:
遊記日期:    發表日期:    
 
簡介形式      文章形式
共找到 46 篇遊記, 正顯示第 21 至 30 篇遊記
moonlakehotel
1篇遊記
高雄之旅 (台灣)
旅程性質: 消閒度假
 整個旅程  (共1篇遊記)
 分享至Facebook 
發表日期: 2011-12-26
【沐戀~學生樂透GO 優惠專案】               
     
週日~週四(不含國定放假日及其前夕)
2人同行只要$750、4人同行只要$1250
2人同行每人僅需NT$375,住宿豪華雙人套房一晚、享2客早餐 !
4人同行每人僅需NT$313,住宿家庭四人房一晚、享4客早餐 !


[沐戀~考生優惠GO 優惠專案】
                  
週日~週四(不含國定放假日及其前夕)單人成行 只要$700
★~ 1人成行NT$700,享住宿豪華雙人套房一晚、享1客早餐 ~★

[IMG http://ho.moonlake.com.tw/pic/digi/976124023_lar.jpg]


 豪華雙人房房型

[IMG http://ho.moonlake.com.tw/pic/digi/97612458_lar.jpg]

 豪華雙人房房型

[IMG http://ho.moonlake.com.tw/pic/digi/976142420_lar.jpg]


家庭四人房房型

* 全館24小時無線寬頻上網(請自備NB)
* 免費借用腳踏車及WII遊戲器(請自備光碟,借完為止)
* 免費提供中西式自助早餐(早上7:00~9:30供應)、礦泉水、茶包、咖啡包..等飲品。
* 本專案適用日期限週日~週四,不含國定假日及其前夕。
* 備有特約停車場,可免費停車。
(本館代客支付特約停車場車位租金(旅客免付),停車場不負看管之責,
若有失竊或損壞情形發生,請自行負責,飯店協助報案處理。)
* 櫃台提供購買摩天輪遊樂券(原價$150優惠價$120)及愛之船船票(原價$80優惠價$70)。
* 另提供機車租用服務。
* 本專案活動不得與其他優惠併用!

.各房型恕不能挑選或指定特殊樣式,不便之處敬請見諒!
※提醒您!房型照片為此房型代表圖,房間擺設、裝潢請依飯店現場為準。※

 

*學生專案:請住房者於check in時出示學生證件,一張學生證限優惠一間房間,如現場無出示學生證,則以一般訂房價住宿,現場補繳費用!

*考生專案:請住房者於check in時出示考生證件,一張考生證限優惠一間房間,如現場無出示考生證,則以一般訂房價住宿,現場補繳費用!

學生專案 笑臉2011-12-26
 【沐戀~學生樂透GO 優惠專案】
                
週日~週四(不含國定放假日及其前夕)
2人同行只要$750、4人同行只要$1250
2人同行每人僅需NT$375,住宿豪華雙人套房一晚、享2客早餐 !
4人同行每人僅需NT$313,住宿家庭四人房一晚、享4客早餐 !

[沐戀~考生優惠GO 優惠專案】
                  
週日~週四(不含國定放假日及其前夕)單人成行 只要$700
★~ 1人成行NT$700,享住宿豪華雙人套房一晚、享1客早餐 ~★
每晚價錢: 1050新台幣 (雙人房)
評分: 設備4   服務4   環境4   衛生4   抵住4
  0 個留言    |  加入你的留言
marchan88
24篇遊記
從台南到台北 (台灣)
(旅程日期: 2011-11-30 至 2011-12-04 ,  旅程性質: 觀光攝影, 飲食購物)
 整個旅程  (共4篇遊記)
 分享至Facebook 
發表日期: 2011-12-12

早餐後離開飯店向台中出發,中途在古坑小休,古坑有售賣台灣出的咖啡,亦有其他小食和精緻café,這裡環境美麗,空氣清新,連洗手間都大型乾淨,很多途經的駕駛人士都喜歡在這裡停泊休息,我買了一隻好甜橙色肉的蕃薯上車,切開3件給英英和滿滿分吃,後悔不買多隻,因實在太好味而忘記影相。

中午時到達孔雀園,位於南投縣魚池鄉中正路,園內有數百隻孔雀之外,還有些不同品種的山雞,想看孔雀開屏,一定不會失望,遊人可近距離觀雀。

中外聞名 2011-12-12
從山邊賞潭景
從山邊賞潭景
從廟上看潭景
從廟上看潭景
阿婆茶葉蛋
阿婆茶葉蛋

其後到南投縣日月潭,日月潭是台灣最大最美麗的淡水湖泊,今天煙霧迷漫,不太清晰。

飯後上日月潭畔的文武廟遊,9.21大地震後,文武廟現已翻新,行上廟石階,可從高處欣賞潭景,廟前兩旁有巨大紅色石獅。我的興趣反而是路邊的阿婆茶葉蛋,售賣的婆婆說她是正宗的阿婆茶葉蛋,有電視訪問過,除茶葉外,蛋有靈芝和香菇調味,我和焯焯分吃一隻,覺得都是香港的茶葉蛋好味。

唯一的餐廳 ok喇2011-12-12
不吃飯吃炆米
不吃飯吃炆米
魚好滑
魚好滑

團員在附近唯一的景勝樓大飯店吃中午飯,飯店是文武廟附設,菜餚以素菜居多,味一般,似褔壽魚的蒸魚較滑。

評分: 味道3   服務3   環境3   衛生3   抵食3
後山覽車站,內有小型cafe
後山覽車站,內有小型cafe
小火車遊花園
小火車遊花園
九族文化歡樂世界場內有數間餐廳、紀念品售賣店、機動遊戲、原住民部落景觀區、民族表演、坐小型火車遊歐洲宮廷花園和坐覽車上落山,覽車上到山頂轉另一覽車從山另一邊下山,那裡風景如畫,就在潭邊近距離欣賞日月潭,回程同一路線,如有時間,可任坐覽車,入場費全包,除觀光遊客,亦有本土人士,尤其是年青人和學生,他們多是玩機動遊戲。
評分: 值得去4  
交通方便 ok喇2011-12-12
其中一張是雙人床
其中一張是雙人床
早餐區一角
早餐區一角
逢甲夜市
逢甲夜市

到飯店休息前,導遊帶大家去逢甲夜市,型式和食物似台南的六合夜市。

今晚住的飯店是帝寶大飯店,標準單人房NT$3,600至貴賓大套房NT$7,000,房間環境比昨天的好,地點又方便,前有OK後有7-11
評分: 設備3   服務3   環境3   衛生3   抵住3
宵夜 2011-12-12
湯渣多過湯
湯渣多過湯
豬肋骨湯
豬肋骨湯

晚上到飯店後兩條街的中華西街,有不少食檔,可能是早和凍,很多食檔未開,其中一檔似乎尊做藥膳湯,焯焯提議飲湯宵夜,我們點了一個虱目魚湯、2個肘子湯,1個排骨湯,再應老板娘介紹來一個麻油米線(唔好食,剩下一半);3”厚肉連骨的虱目魚好大件,吃剩1/3件;肘子有2件,很稔;排骨湯有6件豬肋骨,每條4”長,見隔離枱的食客都是當晚飯吃,還加一碗白飯,怪不得我們6人也不能吃清光,所有湯頭都藥味濃和燥火,半夜感覺咽喉乾渴。

每人消費: 約100新台幣 (宵夜)
  1 個留言    |  加入你的留言
marchan88
24篇遊記
從台南到台北 (台灣)
(旅程日期: 2011-11-30 至 2011-12-04 ,  旅程性質: 觀光攝影, 飲食購物)
 整個旅程  (共4篇遊記)
 分享至Facebook 
發表日期: 2011-12-12

機程1小時半不到已到高雄,當地天氣有30℃。節目全交給導遊,日日跟他走。

第一站是遠近馳名的佛光山。 在龍鳳門庭園吃完飯後坐船夜遊愛河,船上有人講解週邊建築物,一路吹涼風一路欣賞兩岸景色,遊了約20分鐘上岸去飯店(台灣飯店即我們叫的酒店)。

其後開車到市內春秋閣,是2座中國宮殿式樓閣,一是春閣,另一是秋閣,由曲橋連接,為紀念關聖帝君而建,曲橋下是蓮池。樓閣旁有龍虎塔2座,各高7層。

導遊說創辦人為星雲法師,因年齡已過90,現交其弟子打理。寺內有很多大師的人生哲理金句、有120呎高的釋迦牟尼大佛及過百座小佛,供參拜的廟堂亦有數間。

參觀時段: 全日
評分: 值得去4  
酸甜汁開胃
酸甜汁開胃
炆冬瓜
炆冬瓜
煎封魚
煎封魚
雯雯的素菜,做到似魚生,素湯另上
雯雯的素菜,做到似魚生,素湯另上

今晚在市內一間叫龍鳳門庭園的餐廳吃飯,中午飛機餐只是小食,大家都好開胃,菜式不差,蒸蛋滑、煎封褔壽魚大條濃味、炒菜不油膩、辣子雞丁和味不太辣,唯一不好是味精清湯,雯雯吃素,餐廳為她煮了數款素菜,菜式賣相美麗,雯雯說好味,大家留肚今晚到六合夜市宵夜。

評分: 味道4   服務4   環境3   衛生4   抵食3

第一晚住九褔飯店,在一條小街內,裝潢不豪,設備算齊全,勝在方便,去六合夜市只需要1分鐘。

熱鬧新其 笑臉2011-12-12
正在燒給我們吃的蝦
正在燒給我們吃的蝦
蚵仔煎
蚵仔煎
唯一雯雯可吃的東西
唯一雯雯可吃的東西
全豬腳
全豬腳

六合夜市非常熱鬧,人來人往,有過百食檔和大排檔,賣買的人都守法,不會將垃圾掉在地上,經過一檔有燒烤大隻和新鮮的蝦,於是我們坐下,每人要一隻加一碟蚵仔煎,再要2枝啤酒。蝦頭有羔和肉質爽口鮮味,每隻足有6吋長,蚵仔煎的蚵仔很細小,不及潮州式的好味。未行完開始下雨,唯有急步回飯店。

參觀時段: 晚間
評分: 值得去4  
  1 個留言    |  加入你的留言
山區麵包王
67篇遊記
台南高雄墾丁自在遊 (台灣)
(旅程日期: 2010-08-30 至 2010-09-04 ,  旅程性質: 觀光攝影, 生態探險, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-06-05
南台灣之行嘅最後一日行程喇,有啲唔捨得,咁快過咗5日,因為玩得開心!不過,今日嘅行程都好豐富,無悶場,又唔匆趕。

先晌酒店大堂側嘅波麗露咖啡廳擦餐飽,面對豐富嘅自助餐美食,點可以忍口架,慢慢食,食到飽,嘆到夠,一餐頂晒朝早、晏晝兩餐。跟住返房收拾好所有行李、手信,落去退房及搞行李寄存,輕身走我路!

朝早、中午就去壽山動物園,晌華王嗰邊有56路公車,好快到。然後,先路經入一入雄鎮北門,作為同場加映秘而不宣嘅景點。再兜上去打狗英國領事館,觀海兼afternoon tea。因為見仲有啲時間,無無聊聊走過去真愛碼頭 打個轉,巧遇台南縣農特產展售活動

校啱時間慢慢行返酒店取行李,6:00pm出發去機場,搭8:30pm夜機。不過離開酒店之際,見斜對面有間小王子麵包鋪,身上又仲有剩番嘅新台幣,所以就嚟兩件cake外帶,晌機場等機時慢慢嘆。
餐廳一入門口直望就見到,地方幾闊落。
餐廳一入門口直望就見到,地方幾闊落。
令人坐得好舒服嘅皮椅
令人坐得好舒服嘅皮椅
擺放食物區唔算大,一眼睇晒!
擺放食物區唔算大,一眼睇晒!
專業咖啡機,沖出嚟嘅咖啡幾掂。
專業咖啡機,沖出嚟嘅咖啡幾掂。
沙律配冰凍鮮橙汁,加少少熱食
沙律配冰凍鮮橙汁,加少少熱食
沙律再戰多輪,加少少生果
沙律再戰多輪,加少少生果
一口氣試咗5款包,正!
一口氣試咗5款包,正!
咖啡,醇香細滑!加多杯牛奶粟米片,平衡吓!
咖啡,醇香細滑!加多杯牛奶粟米片,平衡吓!
位於華王大飯店地下嘅波麗露西餐廳(Bolero),一入門口直望就見到,環境幾現代感,地方幾闊落,唔同色系嘅皮椅,坐得好舒服

基本上,波麗露作為酒店嘅西餐廳,都係主要供應自助早餐、午餐、晚餐俾客人,此外,佢都有做埋下午茶自助餐,仲係平日假日都有。自助早餐成人TWD350(另加一),唔算貴,不過,我哋訂房時已包咗雙人自助早餐喇。值得一提係佢嘅自助晚餐,成人TWD459(平日)、TWD529(假日),相對起香港,真係好抵喎,仲係5:30pm食到9:00pm,不過,質素就唔知係點!當然,除咗食自助餐,散叫都得嘅。

自助早餐,唔算話好多好多嘢食,但種類OK,都係以多種異國美食為主,有中式(粥、油炸鬼、蒸包、點心…)、有日式(味噌湯…)、有西式(自助沙律吧、火腿豬肉腸煙肉、芝士、麵包、粟米片…)、台式(鹵肉飯、涼菜…),以及生果、果汁、豆漿、牛奶及茶啡。

今次小弟主打西式,狂攻沙律吧同麵包,因為沙律配料非常新鮮味美,襯番杯冰凍鮮橙汁,開開胃,醒醒神先。跟住食啲熱食間場,火腿、豬肉腸、煙肉、炸魚柳……等等。臨尾就唔好錯過啲麵包,因為都幾多選擇,況且台灣啲西式糕餅一向唔差架,我就一口氣試咗5款,各有特色,少有哋見到丹麥方包,所以食完一片又一片;而另一款芝士香草方包都好正,呷著杯咖啡,仲以為自已食緊下午茶添呀!加多杯牛奶粟米片,咁就滿足晒喇。
每人消費: 約0新台幣 (早餐)
評分: 味道4   服務5   環境4   衛生5   抵食5
「壽山動物園」嘅入場券好可愛
「壽山動物園」嘅入場券好可愛
「壽山動物園」平面圖
「壽山動物園」平面圖
園區嘅指示路標,非常清晰實用。
園區嘅指示路標,非常清晰實用。
玻璃屋內嘅大蜥蝪,真係好大隻!
玻璃屋內嘅大蜥蝪,真係好大隻!
友禽天地,裡面好多飛鳥同孔雀
友禽天地,裡面好多飛鳥同孔雀
半開放式展區,前面係動物介紹牌
半開放式展區,前面係動物介紹牌
封閉式嘅老虎籠
封閉式嘅老虎籠
中央水池,好多細路在嬉水
中央水池,好多細路在嬉水
我同太太都幾鍾意去睇吓啲動物園,可能晌香港無乜依類設施,有都係好似中環動植物公園嗰種小規模,或者要俾幾百入去嘅海洋公園,今次嚟到高雄,偶然發現佢都有個動物園晌鼓山嗰邊,又近我哋住嘅酒店,咁就梗係上上佢個網址睇睇,原來個動物園都幾多嘢睇,而且仲好平,TWD40,為起港紙$10蚊雞,所有食完早餐後第一個景點就安排咗去動物園探趣,足夠消閒一個朝早呀。

「壽山動物園」雖然位處高雄市壽山,但其實晌壽山東南方邊位,鄰近緊接著市區,所以交通相當之便利。原來,壽山動物園最早晌1978年成立於『西子灣風景特定區』,名為「西子灣動物園」,2年後因市政府想爭取中山大學設校,就將原處嘅動物園搬遷去現在嘅『壽山風景區』,所以都改埋名叫「壽山動物園」。1986年年中先完成園區內全部設施,隨後對外開放參觀,不過,個人感覺之前啲規劃有啲兒戲喎

壽山動物園雖然佔地面積唔算好大,不過,園區內飼養咗成百多種來自世界各地嘅珍禽異獸,數量多達一千三百多隻,都算得上非常齊全,仲有啲稀有品種添,如台灣黑熊。而且,園區以多元化設計,有開放式(如「友禽天地」,以天網罩住上頂,所有雀鳥可隨意走動;或馬棚、羊棚)、半開放式(大部份動物區)、同封閉式(獅子、老虎、黑猩猩)。仲有,每個展區,都為每款動物製作介紹牌,各有故事,相當有寓教於娛樂嘅地方。加上動物園內仲有數百餘種嘅原生植物,所以令到「壽山動物園」環境更閒適!

參觀時段: 早上
入場價錢: 每人40新台幣
評分: 值得去5  
大貨船正駛入打狗港
大貨船正駛入打狗港
影貨船景觀唔錯
影貨船景觀唔錯
向出一望,成個海洋,仲見到防波堤!
向出一望,成個海洋,仲見到防波堤!
有路可行去打狗英國領事館
有路可行去打狗英國領事館
對岸嘅旗津燈塔
對岸嘅旗津燈塔
「雄鎮北門」相信都無乜人聽過依個景點,書都唔會點介紹,點解我又去咗,都係一個機緣!話說去完壽山動物園,等咗好耐未有公車,咁啱有個的士大佬林長信師傅,見我哋等車,佢問咗知我哋去打狗英國領事館,而佢又係去接老婆返西子灣屋企,問我哋介唔介意載埋佢老婆,車費就收少啲,正所謂一家便宜兩家著,睇佢個樣又老老實實,而且依幾日嚟,遇到啲高雄人都幾友善,咁樣就跟咗佢車

沿途林師傅不停介紹高雄嘅景點,到打狗前,佢無啦啦車咗我哋先上雄鎮北門(其實只係大路向左屈上斜路少少),極力推介,話個景點正點正,又介紹埋個歷史背景,成個導遊上身,喂!真係好得喎。查實,雄鎮北門係哨船砲臺嘅門額題字,清光緒元年建造,為國家三級古蹟,與對岸旗津南岸嘅旗后砲臺同時期建成,鎮守住打狗港。不過,大砲就無咗,得番個弧型砲座。

當然,依家殘留嘅古蹟唔算好吸引,最得係佢開闢咗近海個灣位,對正港口。近距離睇住啲超大貨輪出出入入,多多少少都有啲震撼力,望過對岸就見到尋日去過嘅旗津燈塔,所以,尋日晌燈塔就可以高抄影貨輪,今日晌雄鎮北門就可以少少低抄影貨輪,感覺好唔同!而且,向出一望,就係成個海洋,幾爽呀!睇完依個景,林師傅又繼續車我過隔離嘅打狗英國領事館,又熱情咁介紹一番!真係出門遇貴人呀。
參觀時段: 下午
入場價錢: 每人0新台幣
評分: 值得去4  
打狗不打搞 笑臉2011-06-05
從下面望上去嘅「打狗英國領事館」
從下面望上去嘅「打狗英國領事館」
Z形樓梯,上領事館必經之路
Z形樓梯,上領事館必經之路
打狗英國領事館近入口位
打狗英國領事館近入口位
領事館全景平面圖
領事館全景平面圖
好懷念嘅紅色英國皇冠郵筒
好懷念嘅紅色英國皇冠郵筒
對住高雄市全貌嘅一方,最窩心係設置咗啲枱,安心坐晌石壆上飲住嘢吹水睇景!
對住高雄市全貌嘅一方,最窩心係設置咗啲枱,安心坐晌石壆上飲住嘢吹水睇景!
迴廊一景
迴廊一景
內部嘅史蹟文物館
內部嘅史蹟文物館
依個英國領事館叫「打狗」,其實並無貶意,只係以前高雄市舊稱叫「打狗」,既然作為一個領事館官邸,佢哋梗係識搵好位啦,座落晌海天一色嘅西子灣山上,雄據高雄港嘅半山位,真正背山面海,對著視野遼闊嘅天然景致:前對高雄港無敵大海景、左擁高雄市全貌市景、右抱西子灣醉人日落美景(可惜要就時間搭飛機,未有機會晌度睇日落,只好幻想吓),係咪好正先

打狗英國領事館為二級古蹟,建於1865年,至今都近150年歷史。其實除咗美景天成之外,本身幢建築都好有味道,就係古建築嘅味道。翻查資料,領事館屬於後文藝復興時代巴洛克式建築風格,咁講其實我都唔係好識,但一講到係一舊一舊紅土磚,外牆、內牆弧拱磚砌咁就易明啦,一個又一個羅馬式半圓拱設計,力學嘅計算。迴廊嘅圓栱晌太陽斜照下顯得古意盎然,最有趣係以竹節狀造形嘅去水管,係清末洋樓嘅特色,都可以話係結合西方、東方巧藝建築而成。足見證出一個半世紀嘅歷史。

1986年始經考證研究修復,現在內部做咗高雄史蹟文物館,陳列咗有關打狗開拓及近代史嘅文獻、照片同模型,不少珍貴歷史可以係度搵到;有時,亦有啲臨時展,好似我依期去就係叫「雙城故事-利物蒲與高雄」,仲有啲The Beatles嘅嘢添!增值之後,使其成為一個內外兼備嘅古蹟領事館,所以,依個官邸值得一睇唔好怕打搞

除咗睇古蹟,依度仲係好多遊客嚟tea嘅地方,源於佢個靚景,坐晌露天茶座,嘆啡食cake真係好hea嘅享受!想知係點,睇下一節「舌尖舞芭蕾咖啡」介紹啦。
推介項目: 露天茶座Afternoon Ta
參觀時段: 下午
入場價錢: 每人0新台幣
評分: 值得去4  
露天茶座
露天茶座
大樹好遮陰,仲有太陽傘!
大樹好遮陰,仲有太陽傘!
Pu Lsate做嘅簡單推介,好似小學生勞作仔。
Pu Lsate做嘅簡單推介,好似小學生勞作仔。
TWD390,幾抵架!
TWD390,幾抵架!
傳統風格,三層架方式相隔,配兩杯嘢飲!
傳統風格,三層架方式相隔,配兩杯嘢飲!
依邊位就對住咗旗津
依邊位就對住咗旗津
另一邊就對住高雄市市景
另一邊就對住高雄市市景

上文介紹過打狗英國領事館環境真係幾正,而晌領事館側有個露天茶座,由Pu Lsate(舌尖舞芭蕾咖啡)經營,係度嘆番個英式下午茶,曬曬樹叢透下嘅陽光,望望海,望望山,幾賞心樂事呀

雖然之前講到領事館個景點正點正,但露天茶座就縮晌一邊,景觀唔係咁全面,主要對住高雄市同旗津島,望正旗津渡輪站,不過,咁嘅景觀都好唔錯啦!但坐位你都要眼明手快,因為個場大概廿多張枱,只有近邊嗰6、7張至係揀手位,坐低都望到海,其他「內陸」位就當然差少少啦。之不過,整體個場都幾舒服,因為大樹好遮陰嘛,又架起咗太陽傘,唔怕有嘢跌落嚟。

講到食,其實唔單只嚟tea嘅,佢營業時間由朝到晚,選擇有風味餐點(如:義大利肉醬麵、和風咖哩雞腿飯……)、銅鑼燒、蛋糕、點心(如:東港鮮鮪魚捲、脆皮薯條……)、茶飲果汁(如:奶茶紅茶、有機鮮果汁、氣泡水……)、有機咖啡,所以話呢,食晏又得,晚飯開餐都得,得咗!

至於我同太太試嘅英式傳統下午茶,就只晌2:30om-5:00pm供應,TWD390一份兩人用,唔收10%服務費。傳統風格,三層架方式分層呈現,再配任何飲品兩杯,冷熱隨意,折番唔使港紙一百,有靚景睇,有嘢飲有嘢食,確係幾抵

第一層(上層):蛋糕加手工餅乾,而蛋糕三選一(重乳酪、提拉米蘇、黑森林),我哋揀咗重乳酪,即係焗嘅芝士蛋糕,質感就如同美國芝士餅,芝士打得頗挺身,芝味超濃;而手工餅乾係幾條朱古力餅乾條,唔算有咩特別。
第二層(中層):時令鮮果拼盤,有哈蜜瓜、西瓜、菠蘿、提子、熱情果同番石榴(芭樂),都幾大堆頭!
第三層(底層):一整份公司三文治,烘底麵包,餡料包括蛋、蕃茄、青瓜、火腿,用料較簡單。
老實講,整體食物唔算好突出,除咗件餅,其他只可用中不錯嚟形容。

反而,兩杯嘢飲又幾OK喎,一杯係熱嘅卡布奇諾咖啡,另一杯係凍嘅香柚綠茶;前者甘醇細滑、後者清甜有個性,正正各有所長

每人消費: 約195新台幣 (下午茶)
評分: 味道4   服務3   環境5   衛生4   抵食4
遠望真愛碼頭全貌
遠望真愛碼頭全貌
標誌嘅大風帆
標誌嘅大風帆
台南縣農會搞嘅「文旦農特產展」
台南縣農會搞嘅「文旦農特產展」
各式台南縣農產品
各式台南縣農產品
大堆「文旦柚」
大堆「文旦柚」
真愛碼頭原本係散裝貨輪碼頭(舊稱高雄12號碼頭),但近年來因貨櫃輪興起而令散裝貨輪逐漸沒落,故此,將荒置嘅12號碼頭打造出一個新興嘅遊憩景點,仲俾咗個全新嘅名佢:「真愛碼頭」,據介紹依度將會係未來多種藝文活動嘅舉辦地點,市政府想將佢塑造成充滿浪漫氣息嘅休憩公園,所以命名為真愛碼頭。不過,除咗一個好大嘅招牌寫住真愛碼頭之外,真係感受唔到咩浪漫

她位處愛河嘅出海位,碼頭有兩座雪白嘅風帆標記,融入咗節約能源嘅概念,所以風帆有太陽能發電板及發電量顯示器嘅裝置,此外,仲有啲觀景木棧平台,同埋開通真愛碼頭去旗津嘅航綫,大大紓緩原本就人山人海嘅鼓山輪渡站,不過只限假日開航。其次,開辦固定觀光航線,如遊愛河、旗津小島,所以,都難以理解點浪漫!

偶然下,見附近空地由台南縣農會搞咗個「文旦農特產展」,就好似天星擺農墟咁,主要販賣台南縣特色農產品,尤其出名嘅「文旦柚」(即係好似我哋食開嘅沙田柚),標名柚香柚甜,仲有其他農產品,包括米、茶、咖啡、酒、保健養生食品及加工食品……等等,又幾有趣喎
參觀時段: 下午
入場價錢: 每人0新台幣
評分: 值得去1  
芒果慕斯蛋糕.朱古力蛋糕
芒果慕斯蛋糕.朱古力蛋糕
丹麥酥麵包
丹麥酥麵包
係度買餅都真係個意外,因為之前來來回回五福四路,都無發現小王子,係到臨走,拉住行李去捷運站,先遇上佢,可能走時開始入黑,開咗燈就比較顯眼!見佢櫥窗面擺咗好多麵包,就走入去睇睇,睇到啲西餅好似好有水準,手上又凈返唔少新台幣,加上成8:30pm機,起碼9:00pm先有得食,所以就把心一橫,買兩件cake去機場嘆吓兼頂一頂肚

小王子烘焙坊所賣嘅嘢都幾多元化,有歐陸麵包、特色麵包、西餅、蛋糕、手工曲奇……,應有盡有,仲以「精緻,天然,健康」製作忠旨。怪不得幫襯當日都唔少人買包買餅。

芒果慕斯蛋糕TWD55
長條形蛋糕,造型簡潔,牛油消化餅底,加一層芒果果肉,再上就係海綿蛋糕,面面唧出芒果忌廉花,簡單得嚟又見其心思,味道多層次,芒果果肉清甜,只係嫌佢少。

朱古力蛋糕TWD60
經典嘅朱古力蛋糕,黑朱古力來自比利時,以微微濕潤嘅朱古力蛋糕,配上黑朱古力同忌廉打做嘅朱古力醬,一層疊一層,再晌上面砌出朱古力裝飾,灑啲唂咕粉。味道苦甜而濃郁,柔軟而有質感,無可媲美嘅滋味

丹麥酥麵包TWD75
見佢一磚磚金磚丹麥酥麵包新鮮出爐,一袋袋大概好似平時晌超市見嘉頓隻8片方包份量,只係賣TWD75,即係廿蚊唔使,真係撞鬼囉,抵食到咁。你晌香港出晒名嗰間博洛尼亞度買,都成十幾蚊先得一片,所以,順手買一袋走,拎返香港當第二朝早餐啦。雖然隔咗一日先食,但依然咁好食,外層丹麥酥外皮,酥香非常,裡面包身帶點嚼勁,烘番熱,搽點果醬,簡單而好味嘅早餐,雖然杯咖啡係三合一,但麵包先係主角,都無所謂啦!

每人消費: 約60新台幣 (其他)
評分: 味道5   服務5   環境4   衛生4   抵食5
瑪莉食品門面
瑪莉食品門面
旗鼓餅、木棉酥、栗子燒
旗鼓餅、木棉酥、栗子燒
因為正正係我哋所住嘅華王大飯店斜對面,所以,之前嘅行程都無乜點買啲食得嘅手信,諗住係度一鋪過,唔使走嚟走去周圍搵,慳番時間又唔使麻煩

入到去,鋪仔細細,擺咗好多款手功糕餅,前後左右都擺滿晒。得個疑似老闆娘嘅婆婆係度招呼我哋,佢人就非常熱情,猛咁叫我哋試食啦試食啦,當然我哋就梗係東試試西試試,先再決定大手入咩貨啦!佢都有好多產品賣,如鳳梨酥、手工壽桃、古仁片、坦克酥、幸運餅、台式銅鑼燒、水果酥……等等,但買手信始終都係想帶有當地特色,所以主打揀咗「旗鼓餅」同「木棉酥」,兩者都稱得上係「高雄市餅」。

「旗鼓餅」
好似日本啲銅鑼燒咁,不過餅型就唔係銅鑼而係個大鼓咁款,餡料只有3款:蕃薯、芋頭、紅豆味。咁旗鼓何解,原來「旗」與「鼓」係指旗津同鼓山,因為高雄最早嘅發源地就係始於依兩處。婆婆補充話,依家「旗」、「鼓」仲代表埋高舉大旗,擊鼓出發,奮勇前進,開創未來。真係咁有寓意!食起嚟口感就同食銅鑼燒差唔多,軟軟甜甜,可能用咗其他餡,所以相比感覺同銅鑼燒有少許分別。個人比較喜歡蕃薯味,因為鍾意食蕃薯嘛。

「木棉酥」
意思嚟得簡單,因為高雄市花就係木棉花,所以就以木棉花為型,整咗依個「木棉酥」,餡料有4款:柑桔、藍莓、小紅莓(台稱蔓越莓)、哈密瓜,口感較鬆軟,都唔錯!

「愛河栗子燒」
除咗上述嗰兩樣,婆婆嘅極力推介就係依個栗子燒,新產品,叫話起源自愛河河畔嘅幸福,真係難想像呀!但總之又幾好食,軟綿綿栗子蓉做餡,外層餅皮薄薄又帶有咖啡苦甜,真係幾得

你想散買又得,而每款餅亦有獨立禮盒裝,仲加埋唔同分量配搭嘅綜合禮盒裝,即有齊旗鼓餅、木棉酥、栗子燒,共冶一爐,所以好有彈性,買吓買吓我哋都買咗成千幾銀喇,不過,係新台幣啫!
每人消費: 約1200新台幣 (其他)
評分: 味道4   服務4   環境3   衛生4   抵食4
  9 個留言    |  加入你的留言
山區麵包王
67篇遊記
台南高雄墾丁自在遊 (台灣)
(旅程日期: 2010-08-30 至 2010-09-04 ,  旅程性質: 觀光攝影, 生態探險, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-05-29
抖足精神,晌酒店嘆飽早餐,收拾行李離開墾丁返高雄,踏出酒店,卒之見到墾丁嘅燦爛陽光,雖然遲來,影響咗好多行程部署,但見番咁好天氣,心情都返晒嚟

2.5個鐘車程,正午返到高雄火車站,天氣依然晴朗,拖著行李,第一站自不然是先到酒店。如果行程中有需要住唔同酒店,我哋鍾意越住越好,所以尾站就揀嚟鹽埕區嘅5星華王大飯店。安頓好,先晌幾街之隔嘅老宋牛肉麵食番碗麵,跟住再去旗津。

揀華王除咗可以住得好,食得好之外,因為佢晌鹽埕區,過條隧道或兜個圈就係西子灣,去鼓山渡輪站搭程小輪就過咗旗津島,慳番啲時間,行程又好安排。今日晏晝先玩旗津島,夜晚行夜市;聽日就玩鹽埕區、西子灣,掂晒!
越住越好 笑臉2011-05-29
酒店外觀
酒店外觀
大堂
大堂
大堂個古老大鐘
大堂個古老大鐘
穿旗袍奏中樂的少女
穿旗袍奏中樂的少女
房間內部整潔
房間內部整潔
小小心意 - 酒店自家製作鳳梨酥
小小心意 - 酒店自家製作鳳梨酥
洗手間衛生令人滿意
洗手間衛生令人滿意
晌高雄好幾間中價位嘅5星酒店中,揀咗華王大飯店,多少都係因為位置問題,因為尾依兩日嘅行程都係晌晒鹽埕、西子灣同旗津,可要慳番多少少時間。

華王原來都有成40幾年歷史(1968年成立),有300間豪華客房,但去到第一眼係睇唔出咁多年,因為晌2009年投放上億元大裝,從大堂、客房內部以至房間設備全部都改頭換面,執到最好,等於老店新開。以新裝計,經網站訂,雙人房連自助早餐都係HK$568一晚,絕對住得過,老婆都讚好,我都安心啲!

酒店外觀唔算好特別,但大堂都算瑰麗典雅,擺咗個古老大鐘,有啲雅致嘅木枱椅,又有啲穿旗袍少女彈奏中樂,頗有韻味。服務都好好,大門口嘅門僮,前台嘅服務員,都感受到佢哋真係殷勤咁招呼你,雖然早到,佢哋都好快安排到房間俾我哋。佢哋話自己會秉持著『尊客以誠,敬客以心』嘅理念嚟經營,我都覺得佢哋做得到喎。上到房,房間整潔不在話下,基本設備齊全,窗外景觀開揚,送你兩樽水好多星級酒店都有,仲送咗兩笠酒店自家製作嘅鳳梨酥作小小見面禮,味道香而鬆軟,外層餅身唔太乾

由於從酒店步行5-10min就去到愛河,愛河被喻為高雄城市靈魂,入夜後,河畔燈光迷人,被當地人稱為一條美麗嘅藍絲帶,大可閒逛,感受下幾分浪漫。題外話,酒店仲有免費單車借用,當然數量有限啦,如果有閒情,都可以踩單車遊西子灣添。
每晚價錢: 568港元 (雙人房)
評分: 設備4   服務5   環境5   衛生5   抵住5
真假老宋? 笑臉2011-05-29
大大個鋪面好易搵
大大個鋪面好易搵
調味醬料,特別係最上一樽芳香豬油
調味醬料,特別係最上一樽芳香豬油
「老宋牛肉麵」招牌大字,碗外碗內都見
「老宋牛肉麵」招牌大字,碗外碗內都見
特製筋肉麵TWD160
特製筋肉麵TWD160
寬麵,口感QQ,有咬勁。
寬麵,口感QQ,有咬勁。
滷豬腳麵TWD80
滷豬腳麵TWD80
被稱為仿冒嘅老宋牛肉麵
被稱為仿冒嘅老宋牛肉麵
由捷運鹽埕埔站行去華王大飯店,途中會經過位於五福四路146號嘅老宋牛肉麵,都頗有名氣,之前晌墾丁遇過一對港人情侶,都推介此店。晌佢門口有此聲名:「真正的老宋在此,在愛河橋下有一家32XXX是仿冒」,事後去開愛河都見過嗰間老宋,仲寫住32街老宋牛肉麵(五福四路32號),30年老店新開。熟真熟假?邊間開先?恐怕都可能係類似海天堂鬍鬚佬同大家姐嘅問題!不過,都唔理真假,食咗先講。

佢叫得牛肉麵,自己依個係主打,不過,麵類以外,都仲有飯類、湯類、小菜(或小食)。上上佢個網址就一目了然,有晒種類同價錢。無論麵飯湯,種類離不開牛筋、牛肉、牛雜、排骨、榨菜肉絲、豬腳,價錢TWD80-160。而小菜方面,如涼拌海帶絲、酸辣泡菜、皮蛋豆腐、滷豆乾、滷牛肚、現炸排骨……等10多款,價錢都係TWD30-100。特別要提嘅係佢嘅麵條分咗寬、中、細三種。

招牌特製筋肉麵TWD160
筋肉即係有牛筋加牛腩,麵條要寬麵。特製筋肉係以紅燒方式煮,味道香濃,筋腩各半,前者柔軟而有韌勁,後者鬆軟而重肉香。至於寬麵條,似山西刀削麵嗰種闊度同厚度,口感充滿QQ嘅勁道有咬口;湯頭都好出色,感受到牛肉原汁味道,帶著濃甜香!

滷豬腳麵TWD80
依個就試細麵,同我哋廣東嘅粗麵差唔多闊,但亦都係厚身啲,口感較柔滑。滷豬腳浸滷時間足,所以好入味,咬到最入都一樣好味,而且,咬落富膠質感,同樣好食!
推介菜式: 招牌特製筋肉麵, 滷豬腳麵
每人消費: 約120新台幣 (午餐)
評分: 味道4   服務4   環境4   衛生4   抵食4
高雄的天星 笑臉2011-05-29
鼓山渡輪站正面
鼓山渡輪站正面
鼓山渡輪站側面
鼓山渡輪站側面
碼頭內
碼頭內
 碼頭外
碼頭外
摩托車都上船喇
摩托車都上船喇
船艙客位,前面道門可去船頭
船艙客位,前面道門可去船頭
回望鼓山渡輪站碼頭
回望鼓山渡輪站碼頭
高雄港,望向85大樓
高雄港,望向85大樓
鼓山渡輪站,就好似我哋嘅九龍天星,搭5-10分鐘左右小輪就過到對面海旗津島,依條鼓山-旗津航線,收費唔貴,大人TWD15,學生TWD12,班次都幾密,約4-6分鐘就有一班。船分兩層,上層坐人,下層就俾摩托車用。其實,仲有一條真愛碼頭-旗津航線,同樣去到旗津,不過假日先有,而且班次較疏。

鼓山-旗津航線渡輪唔單只係旗津居民嘅公共交通渡輪,亦係遊客觀光線。碼頭本身無咩特色,應該係改造過,比較現代化。到此,只為搭程船,不過,晌船上就記得出去去船頭,渡輪橫越壯闊嘅高雄港,景觀「二流」,因為小弟覺得一陣上去旗津燈塔,景觀就真係「一流」喇


參觀時段: 下午
入場價錢: 每人15新台幣
評分: 值得去3  
在渡輪上望向旗津渡輪站
在渡輪上望向旗津渡輪站
旗津渡輪站
旗津渡輪站
旗津島,感覺有啲似我哋香港嘅長洲,但係都有好多嘢唔同,小島得嚟又比較發展咗,佔地更大,又住咗好多人。同長洲明顯唔同嘅係旗津可以行車(長洲就只係島上特定嘅「車仔」),所以,過嚟旗津除咗晌鼓山渡輪站搭船過嚟,仲可以坐公車,公車35路(前鎮站<>旗津站),大概近捷運凱旋站,穿過海隧道去到終站旗津渡輪站。所以,我哋晌旗津島嘅路線圖,係搭船過嚟旗津,沿路玩到去風車公園 ,再坐35路公車去夢時代逛下,不走回頭路。

旗津話大唔大,話細唔細,個人覺得預半日都OK,如果深度遊,景點大小通吃,就預番一日啦。首個景點,自不然係落船嘅旗津渡輪站,據講,目前晌台灣除咗台北淡水外,旗津係唯一有渡輪嘅地方。不過,依家個渡輪站唔係昔日嗰個,因為渡輪站晌時間嘅洗禮下,已帶點夕陽餘暉,加上1984年高雄過港隧道通車,使旗津的對外交通大為改善,其實旗津嘅觀光資源豐富、古蹟眾多,所以,為了讓旗津展現新風貌,近年來係市政府嘅建設下,逐漸形成觀光導向嘅名勝地區,可踩單車環島遊,晌廟前路近海一帶嘅海產街食海鮮,……等等

1987年,高雄市政府亦將旗津渡輪站換新裝,將渡輪站外型改建為復古建築,充滿古典味道,二樓對海一邊以落地玻璃窗設計,可將高雄港海景盡收眼底。有閒暇嘅,大可晌碼頭上層嘅「河邊曼波咖啡館」享受繁忙嘅高雄港口及對岸景致
參觀時段: 下午
入場價錢: 每人0新台幣
評分: 值得去3  
環迴景觀360 笑臉2011-05-29
山腳嘅圖形牌
山腳嘅圖形牌
上山小路,唔太辛苦
上山小路,唔太辛苦
旗津燈塔
旗津燈塔
旗津燈塔
旗津燈塔
燈塔園區模型
燈塔園區模型
柴山(遠)、西子灣(近)
柴山(遠)、西子灣(近)
西子灣
西子灣
 旗津島全貌
旗津島全貌

抄少少網上嘅介紹資料俾大家睇睇先:「旗后山頂上的旗津燈塔,又稱高雄燈塔,是台灣少數僅存的清代燈塔之一。建於西元1883年,是台灣本島上的第二座燈塔(第一座為屏東鵝鑾鼻燈塔)。1918年整修過後,塔身為磚造八角形白色建築,黑色圓形頂,高15.2m。」

由碼頭行過嚟,計埋上山到燈塔,大概預
20min左右。不過,通往旗津燈塔嘅路隱身晌老街、巷弄內,啲指示被人塗鴉得唔太清楚,不過一般都搵到上山條路,因為山腳有大大個嘅圖形牌。燈塔位處旗津島嘅盡頭,一眼望晒成個島係點,而最正係晌眺望台上可以盡覽台灣海峽、高雄港、柴山、西子灣美景,以及近距離望到進出港口嘅大型船隻,景致真係一流。我哋仲晌燈塔旁嘅樹下吹吹風,幾鬼寫意,係差咗杯凍啡同件cake啫。

此外,燈塔園區裡其中一幢建築物開闢為小小博物館,有燈塔園區模型,燈塔嘅不同景觀相片及一啲相關物品嘅展示,所以,絕對值得一遊

參觀時段: 下午
入場價錢: 每人0新台幣
評分: 值得去4  
嚇鬼黑沙灘 哭臉2011-05-29
沙灘前區嘅亭
沙灘前區嘅亭
更衣設備
更衣設備
沖身設備
沖身設備
椰樹棕棕,感覺輕鬆!
椰樹棕棕,感覺輕鬆!
依邊個灘就唔係咁靚喇
依邊個灘就唔係咁靚喇
求先晌旗津燈塔望落嚟見到依個沙灘,睇落好靚,所以離開燈塔嘅下一個景點就係佢「旗津海水浴場」。旅遊書有對佢咁嘅介紹:「位於旗津區廟前路,沙質細軟,海水清澈,與海岸公園相鄰,也是海岸公園北邊的起點,一個擁有救生設備的海水浴場,為夏日消暑、玩水、游泳、衝浪、拖曳傘等水上活動最佳的處所。」

其實,遠睇個灘真係幾靚,椰樹棕棕,又有綿延數公里嘅海岸線,你話到傍晚時分,夕陽西斜、雲彩變幻,襯埋浪花拍打聲響,感覺幾浪漫呀!不過,椰樹叢為界,一邊個灘就OK,另一邊都唔知搞乜,個灘巖巖巉巉,枯枝、爛木、垃圾乜都有,感覺好影響。個「喊面」係俾啲無公德嘅人架
參觀時段: 下午
入場價錢: 每人0新台幣
評分: 值得去2  
斗六冰城好易搵,成幢屋大大個招牌!
斗六冰城好易搵,成幢屋大大個招牌!
木卡位,有種70年代啲冰室仔感覺
木卡位,有種70年代啲冰室仔感覺
大樹幹木凳,好有原始古早味
大樹幹木凳,好有原始古早味
有乜嘢賣,一目了然
有乜嘢賣,一目了然
綜合冰淇淋TWD30
綜合冰淇淋TWD30
綠豆冰淇淋TWD30
綠豆冰淇淋TWD30
咁消暑,清晒啦!
咁消暑,清晒啦!
行咗陣海灘,天氣又熱,入番內街,就撞正係「斗六冰城」,啱晒啦,消消暑解吓熱,仲可以乘機休息抖抖

斗六冰城好易搵,晌中洲三路,成幢屋大大個招牌。原來依間係本店,仲有三間分店:旗津二店(旗津區旗津三路)、海邊店(高雄市海邊路57號)、鹽埕店(高雄市建國四路375號),所以,想試依個古早味雪糕,都唔一定要嚟旗津。

斗六售賣嘅商品有冰餅(即係我哋叫開嘅雪糕三文治,但底面就用大塊克力架餅夾雪糕)、冰棒(即係雪條)、雪糕(依個無詳問,但睇樣似係我哋食開嘅脆皮雪條)、冰淇淋(咁叫法先等於我哋常叫開嘅一球球雪糕),同埋飲品(例如冰紅茶、梅汁牛乳冰、檸檬冰淇淋),總之樣樣都能令你消暑解渴。而環境有啲回歸到70年代啲冰室仔咁款,木卡位,個人比較喜歡坐晌近馬路邊嘅行山通道位,因為好似樹幹嘅大木凳,好有原始古早味!服務方面,自助形式,都無嘢好講,唯一係當係正左度右度唔知想點乜時,老細都唔會催你,仲笑容滿面!

綜合冰淇淋TWD30
同太太先試綜合冰淇淋,唔晒講,都係貪佢一次過可以試勻六款味道啦。冰淇淋一共有8種味:桔仔、綠豆、牛乳、可可、芋頭、酸梅、花生、草莓。不過綜合就唔係任揀嘅,係指定6種,都無所謂啦,反正都係試試吓。果真係冰淇淋,質感似富豪雪糕車所賣嘅珍寶橙冰咁,奶味唔重,似冰多啲,非常傳統嘅手製「雪糕」,但味道鮮活唔造假,個人較鍾意係桔仔同綠豆,前者甘桔味清新,後者綠豆味濃郁。

綠豆冰淇淋TWD30
因為太太都覺得綠豆好食,所以再添食一杯,凈綠豆冰淇淋,都係6球,夠晒皮啦!哈哈!
每人消費: 約30新台幣 (下午茶)
評分: 味道3   服務3   環境3   衛生4   抵食4
晌旗津風車公園,巧遇彩虹。
晌旗津風車公園,巧遇彩虹。
7座三葉式風車,醒目搶眼。
7座三葉式風車,醒目搶眼。
色彩繽紛嘅海洋生物拼貼創作
色彩繽紛嘅海洋生物拼貼創作
蟹仔凈係識出剪架咋!
蟹仔凈係識出剪架咋!
有海螺、有魚……做鍋底得唔得呢?
有海螺、有魚……做鍋底得唔得呢?
碧海藍天,吹吹海風,舒暢到極。
碧海藍天,吹吹海風,舒暢到極。
擊出數尺澎澎聲嘅浪花
擊出數尺澎澎聲嘅浪花
夕陽永遠係美景
夕陽永遠係美景
旗津風車公園位處旗津島中部海邊,對住西面,而面向台灣海峽,於2003年完工啟用,叫得風車公園,賣點就係7座三葉式風車,但其實賣點豈只於此!

7座三葉式風車,油上鮮黃色,十分醒目搶眼,不過,只有7座,而且風葉比較細,好聽就係造型獨特,唔好聽就有啲似小兒麻痺,做到好似南丫島風車嗰類先有番啲氣勢嘛!所以,個人覺得風車未係咁吸引。反而,有其他嘢仲有睇頭

第一,就係園區裡面色彩繽紛嘅海洋生物拼貼創作,有海螺、有魚、又有蟹……,造型生動有趣,散佈園區多個地方,有啲仲整到有成個人咁大,同蟹仔玩包剪揼,佢凈係識出剪,必贏啦。所以,同啲海洋生物可以影出好多有趣嘅相片。

第二,係睇「泊浪」,對出嘅台灣海峽,海水不斷一進一退,朝向岸邊嘅防堤一碰一撞,澎澎聲之餘,擊出數尺浪花,幾有動感

第三,由於公園面向西邊,不妨晏啲先嚟,睇埋日落先走,夕陽永遠係美景;如果遇埋碧海藍天,吹吹清涼海風,感覺舒暢極啦
參觀時段: 下午
入場價錢: 每人0新台幣
評分: 值得去4  
統一夢時代購物中心
統一夢時代購物中心
B1層美食天地
B1層美食天地
美食天地其中一鋪「台南擔仔麵」,格局都做得似模似樣
美食天地其中一鋪「台南擔仔麵」,格局都做得似模似樣
B1層台南特產大街
B1層台南特產大街
B2層家居生活,幾多特色家居嘢賣
B2層家居生活,幾多特色家居嘢賣
「小熊家族」,好多得意家居儲物箱
「小熊家族」,好多得意家居儲物箱
台灣惠康(頂好),撞到「陳慧琳」賣月餅
台灣惠康(頂好),撞到「陳慧琳」賣月餅
特惠牌都出鳳梨酥
特惠牌都出鳳梨酥
我同太太去旅行唔多購物,鍾意睇景,所以夢時代都係必然「景點」,只不過晌旗津坐公車出嚟,終站都係去到捷運凱旋站,就不妨到夢時代打個轉。題外話,坐公車由旗津穿過港隧道返高雄嘅時候,隧道嘅設計好有心思,就係私家車同電單車係分開行,電單車條路係獨立挨牆而升高七、八尺,咁就減少好多意外,抵讚!

呢個果然係一個Dream Mall,都好大,以水(B1-B2:家居生活、美食天地)、花卉(1F-2F:國際精品、時尚樂活)、自然(3F-6F:都會新貴、新潮流行、兒童王國、運動休閒)、宇宙(7F-RF:潮流美饌、流行雜貨、影城會館、摩天輪樂園)為四大主題規劃,為夢時代打造出購物、休閒、娛樂、餐飲、藝文嘅生活空間。我哋無花太多時間行,主要走咗去B1台南特產大街買買手信,咁啱依度有惠康(台灣叫頂好),睇睇超市物價,連特惠牌都出鳳梨酥圖分一杯手信羮

由於一陣會去瑞豐夜市,所以,下面個美食廣場都係齋睇絛幫襯,留肚大作戰。夢時代有免費穿梭巴士車去捷運,故此,都好方便,晌依啲大熱天時,入嚟過過冷河,或「竭竭腳」,可以再為去下一站前叉充電
參觀時段: 晚間
入場價錢: 每人0新台幣
評分: 值得去3  
抉擇對戰 笑臉2011-05-29
火鍋
火鍋
萬國鐵板麵
萬國鐵板麵
日式鹽燒雞腿
日式鹽燒雞腿
水煎餃
水煎餃
鹵味大雜會
鹵味大雜會
芭樂汁(左)、芒果汁(右)
芭樂汁(左)、芒果汁(右)
懷舊玩意彈波波
懷舊玩意彈波波
瑞豐夜市唔使多介紹,揀佢作為晌高雄嘅最後晚餐,一句講晒,全因係全高雄最大。其實,本地人都比較鍾意去瑞豐夜市,因為依度攤販常有創新產品,吸引力自然大增。

夜市就唔一定凈係食,瑞豐依度仲有玩嘅(懷舊玩意彈波波贏獎品)、買嘅(衫褲鞋襪、流行飾品),商品五花八門。不過,檔口雖多,但就過於擠逼,所以,總係人山人海,還好嘅係嚟到嘅人都頗有秩序,唔會左推右擠,算係好有氣氛,非常熱鬧。

無數過有幾多檔小食,總之就多,粗略斷估都上百檔,就係唔知點抉擇,真係心緒交戰。反正小弟食乜都無所謂,重任就交晌老婆手上,由佢發辦,我俾錢

食過以下幾款,未必係最好,只係想食就想嘅決定:
日式鹽燒雞腿 - 慢工出細貨,等好耐,拎住個籌食完一兩樣嘢返去攞都未遲。TWD40一串,雞肉燒我鹹香惹味,肉質都唔錯,只係唔算太特色!
水煎餃 - 水煎變奏,餃底香脆,肉餡OK,此外就唔算有咩特別。
鹵味大雜會 - 色澤頗深,滷得入味,而無過鹹
鮮果汁 - 飲嘢晌台灣永遠係最抵,真才實料,睇住佢落,又夠晒大杯喎。芭樂汁(即係番石榴)TWD25、芒果汁TWD30,前者味道帶酸,冰凍醒神;後者味道鮮甜,濃郁果香,正呀

仲有好多嘢想試,但老婆話夠皮,而且都成十點幾,就咁算住先。

每人消費: 約100新台幣 (晚餐)
評分: 味道4   服務3   環境3   衛生4   抵食4
  0 個留言    |  加入你的留言
山區麵包王
67篇遊記
台南高雄墾丁自在遊 (台灣)
(旅程日期: 2010-08-30 至 2010-09-04 ,  旅程性質: 觀光攝影, 生態探險, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-04-24

頭兩晚都係住晌高雄,搵咗間平平哋嘅酒店落腳,近捷運同近高雄火車站方便周圍去至係重點。

第二日嘅行程,計劃咗全日攻台南市,不過,天氣真係唔係幾好,遇正打風(吹向高雄),雖然唔係話好正,多少都有影響,但係,希望在台南,去到台南又完全無晒事,除咗抵達時落咗一場大雨,之後出晒太陽,真好呀!

先晌舊高雄火車站「到此一遊」,跟住過隔離新嘅火車站坐台鐵直踩台南,晌月台嘅小賣店有啲鐵路便當,都係TWD60,不過,唔肚餓,無買!大概50min,去到台南市,坐台鐵好過高鐵,因為起點、終點站都近市中心,而且又平啲呢!台南火車站,原來都有上百年歷史,自不然都要幫佢影張靚仔相。

買咗「好行府城自由行」套票(公車站有得買),TWD100,包兩條觀光路線巴士及市議員公車任搭,仲加埋2個台南市古蹟免費入場,凈係2個景點入場費都要TWD100,即係變相搭車免費。

我哋嘅台南攻略係先遠後近,所以先遊離市中心遠啲嘅安平區,首站係安平古堡,係台灣最早嘅城池,都幾多嘢睇,整個古堡地方唔太大,幾好行。跟住食個晏,周氐蝦捲搭體育公園杏仁豆腐冰,一個熱炸,一個冰涼,爽晒。安平樹屋亦晌附近,外望好似唔太特別,決定去下一個景點。

飯後遊億載金城,個名就勁,不過算得上廢墟一個,無乜嘢好睇,所以被佢「昆」咗,兜一圈唔使半粒鐘。依日都幾熱,啱啱億載金城對面就係伍角船板,當然要嚟個下午茶啦,視覺與味覺享受!

跟住入番市中心區,赤坎樓,既為國家一級古蹟,總要去望個究竟,裡面古樓處處,座遠佈局優雅,影相位都唔少,值得一遊。赤坎樓旁就有一間度小月担仔麵,時值傍晚,就不如嚟個early bird dinner。之彼,沿民族路、中山路行去台南車站,途經South Park休閒小區,跟住坐台鐵返高雄!

晌返酒店之前,遊一遊愛河之心,因為只係離酒店5min步程,逛埋先叫結束今日行程!基本上,小弟認為遊台南市即日來回一日行程都夠晒皮!

房間 - 雙人床
房間 - 雙人床
房間 - 另一邊
房間 - 另一邊
超闊落嘅洗手間
超闊落嘅洗手間
超闊落嘅洗手間
超闊落嘅洗手間
輕便早餐直送
輕便早餐直送
沐戀商旅真係好鬼方便,捷運後驛館站步行5min就到,而且勝在夠抵,雙人房每晚折返港紙都係HK$264一晚(旅遊網站價),包早餐,房間比較大,尤其個洗手間,雖然設施簡單,但都夠齊全(例如:沖涼設備、日用品、雪櫃仔、風筒機…),最緊要都係乾凈企理,令人瞓得舒服啫!房間本身有空調,但房內仲有把負離子電風扇,幾搞嘢!

不過,第一日朝早到咗酒店,真係被佢個地下大堂嚇死,好似大陸啲舊商廈咁,又殘又舊咁款,連燈都唔開多盞,因為要3:00pm後先可以攞房,所以只有先寄存行李,去咗玩,夜晚先可以返房,心諗依鑊實被老婆咋形,好彩係地獄天堂,大堂疑似地獄,啲房雖唔可能叫得做天堂,但同個大堂相比,啲房絕對令人瞓得安心

上文提過包早餐,唔好諗住酒店話包早餐就一定自助餐,沐戀商旅嘅係輕便早餐,一份蛋牛治加一杯凍麥茶,好在係直送,一早按人頭掛晌你門口,咁又幾好喎,快快食完開始行程!
每晚價錢: 1050新台幣 (雙人房)
評分: 設備3   服務3   環境3   衛生3   抵住5
舊高雄火車站
舊高雄火車站
新高雄火車站
新高雄火車站
火車站月台
火車站月台
舊嘅列車
舊嘅列車
月台上嘅小賣店
月台上嘅小賣店
鐵路便當
鐵路便當
新嘅列車
新嘅列車

舊火車站建於1941年,車站外觀由三層大小唔同嘅正方體所組成,主要特徵係站體採用西方古典建築型式,而屋頂則採用日本大寺廟或皇宮建築慣用嘅帝冠式樣,是一座和洋混合式建築

2002年,為配合三鐵共構工程嘅施工,為咗保存依座具有歷史建築象徵嘅火車站,成座車站站體被搬移有82m遠嘅空地,規劃成為「高雄願景館」,介紹高雄市過去、現況與未來展望嘅願景館,讓不單可重溫老火車站復古懷舊嘅氣息,成為高雄市民嘅集體回憶,亦藉此展示了解市政發展藍圖。

如果舊紅磡火車站仲晌度,唔係凈得幢鐘樓,感覺會幾唔同呢!

雖然舊火車站搬過咗,起咗新站,但鐵路依舊,去到月台,依然感受到古舊氣息,好似仍然見到舊嘅列車、小賣店啲鐵路便當……等等,頗有韻味!

參觀時段: 早上
入場價錢: 每人0新台幣
評分: 值得去3  
台南火車站
台南火車站
「好行府城自由行」套票(每套TWD100)
「好行府城自由行」套票(每套TWD100)
台南火車站建於1900年,不僅係府城重要地標,亦係台灣最具代表意義嘅大型車站建築之一。但老實講,睇外形又唔算好特別,不過,嚟台南都係「必經之路」,影張相留個念!

穿過隧道,對面有個公車站,晌個車站更亭就可以買到「好行府城自由行」套票,順便晌度等巴士。
參觀時段: 早上
入場價錢: 每人0新台幣
評分: 值得去2  
安平古堡導覽平面圖
安平古堡導覽平面圖
安平古堡與鄭成功銅像
安平古堡與鄭成功銅像
安平古堡
安平古堡
城壁遺跡
城壁遺跡
安平古堡瞭望台
安平古堡瞭望台
從瞭望台外望安平區
從瞭望台外望安平區
熱蘭遮城博物館
熱蘭遮城博物館
1634年初建成嘅熱蘭遮城
1634年初建成嘅熱蘭遮城
安平古堡查實都好堪呵,原為荷蘭人晌1624年所建,1634年完成,初名係奧倫治城,後改名熱蘭遮城,早期漢人稱荷蘭人為紅毛,所以將依座巍峨嘅城稱為「紅毛城」。台灣光復後,先叫做「安平古堡」。荷蘭時期,係統治台灣嘅政經中心,明朝鑑於台灣城已失去軍事價值,大量拆除城磚加以運用。到日治時期,為咗建造安平海關宿舍,被夷為平地,再晌上面重建方形臺階式嘅磚砌高臺。晌中央位置起拱門式嘅西洋樓建築,依個就係依家所見嘅安平古堡。

依座台灣最古老嘅城堡,現包括:城壁遺跡、磚砌平台、古堡石碑、安平古堡文物陳列館、熱蘭遮城博物館、安平古堡瞭望台、鄭成功銅像和古壁史蹟公園。以地標性古蹟,幾有歷史觀賞價值
參觀時段: 早上
入場價錢: 每人50新台幣
評分: 值得去4  
等食!
等食!
炸花枝丸(左)周氏蝦捲(右)虱目魚丸湯(後)
炸花枝丸(左)周氏蝦捲(右)虱目魚丸湯(後)
炸花枝丸,正!
炸花枝丸,正!
周氏蝦捲,都好食!
周氏蝦捲,都好食!
周氐蝦捲同陳家蚵捲,都稱得上台南必食名物。啱啱落車見到周氐蝦捲,就費事諗,揀咗佢嚟試!

因為志在一試,所以唔會話叫太多,其實周氐蝦捲都有好多經典產品,如:黃金海鮮派、白北魚羹、枸杞貢丸湯、八寶鳳翅……,但我哋都係揀番佢經典中嘅人氣食物。店舖怏餐形式,無加一,部份食物要等(如炸花枝丸),其他即叫即有!

炸花枝丸(兩粒)TWD40,好大粒,大過個乒乓波,店舖話堅持人手製作,不含任何防腐劑、化學添加劑及人工色素,依個當然要真係走去化驗過先知,不過,佢仲話精選新鮮花枝肉製造,依個我又信喎,因為食到啖啖墨魚粒,質感爽口唔粉,外層炸得金香,味道嚟得自然

周氏蝦捲TWD50,一客有兩大條,每條一開二,睇番佢嘅介紹,原來餡料有鮮蝦肉、上等豬絞肉、魚漿、芹菜、蔥等材料充分攪拌混合而成,再以特選豬腹膜作為包裹蝦捲嘅外皮,經高溫油炸後腹膜上嘅油脂溶化並滲入內餡,再加上祖傳配方嘅特製粉漿,作為蝦捲最外層。真係唔睇唔知咁犀利!確實,食落蝦肉鮮甜,皮薄酥脆,抵讚

虱目魚丸湯TWD40,本身唔知咩係虱目魚,更唔知佢本身係咩味,好似食魚蛋咁,咬落都有啲爽彈,所以食落無乜驚喜。不過,湯頭幾香,唔好錯過。
推介菜式: 炸花枝丸, 周氏蝦捲
每人消費: 約65新台幣 (午餐)
評分: 味道4   服務3   環境3   衛生4   抵食4
體育公園杏仁豆腐冰鋪面
體育公園杏仁豆腐冰鋪面
甜品選擇唔多,頭上一眼睇晒!
甜品選擇唔多,頭上一眼睇晒!
招牌杏仁豆腐(下)杏仁紅豆牛奶冰(上)
招牌杏仁豆腐(下)杏仁紅豆牛奶冰(上)
邊食冰,邊睇電視,當時真係三個颱風夾擊台灣
邊食冰,邊睇電視,當時真係三個颱風夾擊台灣
食完一輪熱氣嘅周氐蝦捲,梗係要搵啲嘢消消暑啦,晌附近嘅體育公園係不二之選,佢唔係一個公園,佢個鋪名真係叫「體育公園」,賣杏仁豆腐!人手製作嘅杏仁豆腐,保留杏仁濃郁滋味。

招牌杏仁豆腐TWD40
杏仁味果然超濃郁,口感香濃鮮滑,配上牛奶、紅豆,令食法唔單調!牛奶有香濃奶香,飽滿嘅紅豆亦香甜。

杏仁紅豆牛奶冰TWD40
可能天氣熱關係,依個正好多,底層係杏仁豆腐粒,再鋪一層刨冰,然後澆啲牛奶,最後加上紅豆,變出依款奇冰,果然人氣,枱枱都見,杏仁豆腐粒加刨冰,食得令人爽晒,不愧最佳享受。
推介菜式: 杏仁紅豆牛奶冰
每人消費: 約40新台幣 (午餐)
評分: 味道4   服務4   環境3   衛生4   抵食4
億載金城導覽平面圖
億載金城導覽平面圖
城門、操練場、大砲
城門、操練場、大砲
護城濠
護城濠
大砲,高過一個人好多
大砲,高過一個人好多
彈藥庫遺蹟
彈藥庫遺蹟
個古蹟背景係清代名臣沈葆楨晌同治十三年(1874年)所建,光緒二年(1876年)完工,目的係為咗對抗因牡丹社事件而犯台嘅日本軍隊,鞏固安平海防。個名真係好架勢,「億載金城」,我估以前應該真係幾勁,不過依家所見,雖修復,有引橋、護城濠、城門、操練場、大砲、小砲稜堡、扶壁等,保留整個砲台模樣,只係唔算有乜睇頭!

個人小評,如無時間,可減省依個景點,慳錢慳時間
參觀時段: 下午
入場價錢: 每人50新台幣
評分: 值得去1  
伍角船板正門
伍角船板正門
伍角船板門口佈置
伍角船板門口佈置
內在環境
內在環境
內在環境
內在環境
內在環境
內在環境
餐牌,設計有心思
餐牌,設計有心思
梅香桔汁
梅香桔汁
焦糖瑪其朵
焦糖瑪其朵
因為晌億載金城逗留時間唔耐,比預期早咗好多好多,又咁啱對面就係伍角船板,在台中已聽聞其名,估唔到今趟晌台南有幸遇上,原本都無計劃去依間嘢,既然咁啱,稍事休息,入去嘆杯嘢都好丫!

佢個鋪位,真係幾偏,周圍都無乜商廈或住宅,依家係晏晝3:30pm左近,所以,全間廳餐就只有我同老婆兩個客,簡直係包場!伍角船板出名於佢嘅建築,可稱得上建築神話食店,店主收集各類建築材料,憑建築夢想,將一磚一木一瓦堆砌成形。台南店嘅建築風格係「樹與鳥美麗註足」,外觀綠葉成蔭,內觀藝術樹林。因為「無皇管」,晌餐廳內係咁影

晌咁正嘅環境,點可以雞咁腳咁走,點咗兩杯嘢,慢慢嘆,又細心欣賞店主對「建築」嘅苦心。依個下午茶,視覺與味覺同樣有甜蜜享受

梅香桔汁(Plum with fresh kumquat tea )TWD120
太太叫嘅梅香桔汁,顏色鮮黃,味道酸甜醒胃,飲落很清新。每杯飲品附送兩件曲奇,都幾香脆,不過只係塊普通牛油曲奇啫。

焦糖瑪其朵(Caramel macchiato)TWD150
賣相好搶,底層係牛奶,跟住一層咖啡,杯面唧滿咗一個個忌廉花,最後加上焦糖漿。撈勻之後,味道很和,咖啡同焦糖味很香,又夠冰凍,真係好飲!

因為始終係一間有晒服務嘅西餐廳,要加一係自然不過嘅事!
推介菜式: 梅香桔汁, 焦糖瑪其朵
每人消費: 約150新台幣 (下午茶)
評分: 味道4   服務4   環境5   衛生4   抵食3
赤坎樓
赤坎樓
城樓下刻滿漢文嘅御碑
城樓下刻滿漢文嘅御碑
錦鯉池
錦鯉池
赤坎樓(前)、文昌閣(後)
赤坎樓(前)、文昌閣(後)
赤坎樓,另一角度景觀
赤坎樓,另一角度景觀
文昌閣
文昌閣
赤坎樓內文物
赤坎樓內文物
文昌閣內文物
文昌閣內文物
國家一級古蹟,又係荷蘭人所建(1653年),所以早期叫佢做紅毛樓,都三百多年歷史。

赤坎樓經歷明鄭、清朝,以至日據時間嘅變遷,依家成為一座幾古雁、層次豐富嘅古蹟建築。現存嘅赤崁樓,由山南面嘅庭園、北面嘅閣樓及西面蓬壺書院所組成。散佈晌庭園有各式碑碣、石馬、石駝、刻滿漢文御碑……等歷史文物,算得上一庭戶外小型博物館。

夜晚仲靚啲,打晒燈,所以,作為台南行程尾站景點不錯,傍晚早少少嚟到,日夜景睇晒之餘,返火車站又近,附近又多嘢食!
參觀時段: 下午
入場價錢: 每人50新台幣
評分: 值得去4  
度小月担仔麵
度小月担仔麵
其他枱凳就放在路傍,甚有台式街邊風味
其他枱凳就放在路傍,甚有台式街邊風味
粿仔條(前)、担仔麵(後)
粿仔條(前)、担仔麵(後)
担仔麵加鹵蛋TWD60
担仔麵加鹵蛋TWD60

遊完赤坎樓,都成7:00pm,其實在附近周圍都好多嘢食,好似民權路、國華街……等等,不過,既然樓旁就有一間度小月擔仔麵,遇其相請,不如偶遇,無謂周圍團團轉,反正台南度小月個名都夠響啦!而依間正正晌1895年由洪芋頭公創立,真係具歷史文化代表性

依間度小月正正晌角位,都好易搵!街邊檔風格,有肉燥飯、粿仔條、担仔麵、虱目魚丸湯……等等,價位唔貴,飯麵都係TWD50一碗,加蛋就TWD60。

試了一碗擔仔麵(加蛋)同一碗粿仔條,兩者配料都係有蝦,有肉燥,分別在於一個係麵同粿條,前者擔仔麵麵身比我哋廣東麵厚少少,咬落煙韌一啲,嚼勁十足;後者粿仔條似係加厚再加厚版嘅河粉,有咬口,彈性十足,跟台灣人講法,好香Q耶!湯頭醇香不膩,確實好食!無負三代祖傳‧百年老店之名呀!

鍾意食肉燥嘅老友,仲可以晌度買肉燥罐頭走:
TWD130:古早味肉燥,豬油成份拌炒
TWD140:芥花油新配方,植物油成份拌炒
肉燥罐頭附精美禮盒裝,詳洽店內,真係做生意之道

每人消費: 約55新台幣 (晚餐)
評分: 味道4   服務3   環境3   衛生3   抵食4
  0 個留言    |  加入你的留言
minniech
2篇遊記
高雄3天之旅 (台灣)
(旅程日期: 2010-12-09 至 2010-12-11 ,  旅程性質: 消閒度假)
 整個旅程  (共1篇遊記)
 分享至Facebook 
發表日期: 2011-04-23
中午乘坐港龍客機前往高雄, 台北已經去過兩次, 所以今次與友人選擇高雄!!

雖然3日之旅, 我們都準備哂資料, 務求有個愉快的旅程。

捷運站
捷運站
原宿玉竹
原宿玉竹
脆皮湯包
脆皮湯包
誠品書店
誠品書店
夢時代接駁巴士
夢時代接駁巴士
歡樂世界
歡樂世界
中午乘坐港龍客機前往高雄, 台北已經去過兩次, 所以今次與友人選擇高雄!!

雖然3日之旅, 我們都準備哂資料, 務求有個愉快的旅程。


2010/12/09
一落機, 便乘坐捷運返酒店放底行李。

check-in後, 便開始活動, 我們先前往<原宿玉竹>, 那裡有很多飾物的攤檔, 包括衣服鞋物, 種類繁多, 很適合女孩子購物!!

之後便要醫肚, 我們選擇了六合夜市作街頭"掃"食!! 有美味的脆皮湯包....雖然同小籠飽沒有分別, 不過即叫即蒸, 所以特別很鮮味!!

2010/12/10
吃過早餐後, 我們便到誠品書店看書和買參考書。買完書已經到下午茶時候, 我們便去附近的sogo逛逛。逛到晚上我們再去夜市作第二晚的"掃"食和少不了的風味珍珠奶茶!!

2010/12/11
吃過早餐後, 我們便到夢時代商場逛逛, 不過等接駁巴士就大排長龍。 逛完之後, 再到最頂層的歡樂世界樂園玩, 有攤位遊戲, 又有摩天輪。很適合一家大小玩樂!! 之後回酒店check-out, 再搭港龍客機回港。告別三日高雄之旅。


參觀時段: 下午
入場價錢: 每人0新台幣
評分: 值得去5  
  0 個留言    |  加入你的留言
山區麵包王
67篇遊記
台南高雄墾丁自在遊 (台灣)
(旅程日期: 2010-08-30 至 2010-09-04 ,  旅程性質: 觀光攝影, 生態探險, 飲食購物, 消閒度假)
 整個旅程  (共6篇遊記)
 分享至Facebook 
發表日期: 2011-04-20

好多年前,太太去過一次台北(跟團嘅),印象非常差!所以計劃今次台灣南部之旅時,有啲「提心吊膽」,要提高心機計劃好,又要吊起膽量試去新點,佢無壓力,我有壓力,但最後不單令太太對台灣改觀,佢仲話好鍾意高雄添
 

自由行在小弟嚟講就係心水遊,揀啲我哋自己想去嘅景點,絕無浪費時間晌啲「購物景點」度,亦唔會安排得太密集令行程太趕。
 

早上9:00am港龍機,好舒服咁10:30am就到達高雄小港機場。酒店安頓好之後,第一個景點就係屬於高雄近郊有台灣西湖之稱嘅澄清湖,天朗氣清,悠悠閒閒咁,感覺好舒服,爽呀!順便晌度食埋晏添。
 

傍晚,返入城,去新光碼頭睇日落,天空泛起一片橙黃,碼頭旁一艘疊一艘嘅貨船,在黃昏光下形成一個個剪形,景觀一流。附送埋85大樓黃昏景,全高雄最高嘅摩天大樓,總要望兩眼嘅。
 

跟住順道過去新堀江商圈走走,購物唔大興趣,「係咁二」兜個圈,主要為搵食!因為係晌高雄第一晚,要試夜市仲有大把機會,所以搵咗「斑鳩的窩」食晚飯,她係當地連鎖日式食店,而且價平質高,地方坐得舒服,一邊食,一邊又可以睇番今日影嘅相。行到攰,食到飽,都係返酒店嘅時候,因為聽朝要去台南。

中興塔
中興塔
中興塔頂可眺望高雄市
中興塔頂可眺望高雄市
往千樹林小路
往千樹林小路
吊橋
吊橋
環湖路
環湖路
Z形嘅九曲橋,高位影落去效果仲好!
Z形嘅九曲橋,高位影落去效果仲好!
懷舊兒童遊樂場,諗番起自己細個!
懷舊兒童遊樂場,諗番起自己細個!
澄清湖大門口嘅慈香庭小食店 - 蛋餅,全部夾埋TWD90
澄清湖大門口嘅慈香庭小食店 - 蛋餅,全部夾埋TWD90

當然遊湖看樹未必人人啱,但如果你比較鍾意花花草草,自然美景,又想閒逸啲洗滌吓心靈,澄清湖確係幾令人舒服,值得一遊。湖區總面蹟300多公項,湖面100多公項,建有環湖路7公里,沿線區分為八景:

1. 梅隴春曉

2. 曲橋釣月

3. 柳岸觀蓮

4. 高丘望海

5. 深樹鳴禽

6. 湖山佳氣

7. 三亭攬勝

8. 蓬島湧金

啲名作得頗有意境,個人感覺就有少少誇,不過,好幾個景區確係幾靚,例如中興塔、千樹林、吊橋、九曲橋,都唔錯!小弟建議,可以晌入口載架的士,入到最盡頭嘅景點「中興塔」開始,沿環湖路向番入口行,咁就無回頭路,又輕鬆啲

參觀時段: 下午
入場價錢: 每人100新台幣
評分: 值得去4  
新光公園其中一個入口
新光公園其中一個入口
新光公園上層觀景位
新光公園上層觀景位
好似一個個剪形咁,景觀好靚。
好似一個個剪形咁,景觀好靚。
黃昏下嘅85大樓
黃昏下嘅85大樓
黃昏嚟,就睇日落美景;夜晚嚟,就睇醉人夜景!還可以吹吹海風,你話幾寫意呢!
參觀時段: 晚間
入場價錢: 每人0新台幣
評分: 值得去4  
餐牌,很別緻嘅圖案。
餐牌,很別緻嘅圖案。
炸粉定食都係TWD200-220
炸粉定食都係TWD200-220
地方頗闊落
地方頗闊落
不時有新嘢推出
不時有新嘢推出
麥茶,麥味濃郁
麥茶,麥味濃郁
咖喱魚定食
咖喱魚定食
日式炸豬扒飯定食
日式炸豬扒飯定食
朱古力牛乳布甸
朱古力牛乳布甸

「斑鳩的窩」以專業嘅日式炸豬排連鎖店經營,店鋪以專業、品質、服務、衛生四大基本信念努力,確實今次試過之後,真係值得推介!每款炸粉定食(即係吉列)都係TWD200-220,差唔多係香港價錢嘅1/2至1/3,已有齊主菜、椰菜絲、味噌湯、醃菜、蒸蛋、白飯,仲送咗樽朱古力牛乳布甸俾我哋做甜品!當然,佢哋仲有丼飯定食、拉麵定食、冷麵定食、紅咖哩燒定食、咖哩乾拌麵、日式鍋物……等等。

 

地方頗闊落,坐得舒服,加上我哋被安排坐四人枱,更稱心!先嚟兩杯熱水,係麥茶,好濃郁麥味,而且個茶壺又好雅緻,不過就幾墜手。

 

太太點咗個咖喱魚定食,因為係日式咖喱,所以都係唔太辣,帶少許甜,而且,個咖喱魚唔係凈係得咖喱汁晌面,仲有好多蛋漿,真係滑溜嘅蛋漿,質感係半凝固嘅,配埋啲魚食落很柔滑!此外,味噌湯、醃菜、蒸蛋都做得有水準,唔馬虎。

 

我就要日式炸豬扒飯定食,吉列豬扒色澤金黃,賣相以厚切為形,多配上特別醬汁點吉列豬扒食。豬扒肉嫩,外層又鬆脆,兼且無話肉還肉,皮還皮散開,行攰咗食好嘢,特別滋味!試咗兩個定食,果然價錢平,質素高!

 

額外送嘅朱古力牛乳布甸,一樣好食,朱古力唔算好濃,但布甸做得非常軟滑,充滿牛奶香。

推介菜式: 日式豬扒飯
每人消費: 約225新台幣 (晚餐)
評分: 味道5   服務4   環境4   衛生4   抵食5
  0 個留言    |  加入你的留言
Dor Dor Cat
35篇遊記
墾丁高雄追風團 (高雄段) (台灣)
(旅程日期: 2010-09-02 至 2010-09-05 ,  旅程性質: 背包旅遊, 觀光攝影, 慶祝生日, 消閒度假)
 整個旅程  (共1篇遊記)
 分享至Facebook 
發表日期: 2010-12-01

餘下的一天半是高雄段的行程,住宿方面其實打算住商務酒店,最後仍是選了民宿,又是被房間的設計吸引。

最終選了一間近最方便的捷運美麗島站的主題房,貪佢近六合夜市和轉車站,預訂時店家說香港遊客可以不付訂,電郵確認留房就可以。

行程方面咨詢過團友,得到的回覆都是不想Shopping,所以編排上只佔很少時間,就只有上機前的下午而已,其餘時間盡量安排景點,主要以捷運沿線為主,減少不懂轉車迷路的機會。

交通樞紐 2010-12-01
自勵販水機 / 南華路一帶
自勵販水機 / 南華路一帶
2 Day Pass
2 Day Pass
光之穹頂 1
光之穹頂 1
光之穹頂 2
光之穹頂 2
光之穹頂 3
光之穹頂 3
光之穹頂 4
光之穹頂 4

到旅館時因沒預定通知負責人準備,躭誤了些時間,不過仍是預算時間之內。

安頓好後第一站先醫肚,選了在南華夜市附近的推介老店 – 老李排骨湯,由於南華夜市以賣服飾為主、小食為輔,兩旁服飾店日光日白已開始營業,粗略看,衣物質料屬中下貨色,就像女人街、廟街的小販檔一樣,看過就算,晚上也不會再來。

吃飽到捷運站先本想參觀站內直徑長30米的玻璃彩繪樓頂「光之穹頂」,不過當時有佛教團體租用該範圍,不太方便拍照。無所謂,反正這個站是基地,出入必經,總有機會慢慢看的。

車票方面當然是買Day Pass,旅遊書介紹的都是有效1天的,售價NT270 (可退回NT70按金);不過,搜集景點近各站哪個出入口時發現,還有一款售NT230的2 Day Pass,而且不用押金,當然是選這款了,本來預算買兩天Day Pass要NT400,如今有2 Day Pass正合我們逗留兩天的實際需要,成本更大幅降低;而且不需押金買斷張卡,可以帶回來留念。

推介項目: 光之穹頂
參觀時段: 下午
入場價錢: 每人0新台幣
其他消費: 捷運2 Day Pass @ NT 230
40年老店 笑臉2010-12-01
路邊小攤
路邊小攤
店舖範圍都做了廚房
店舖範圍都做了廚房
排骨酥湯
排骨酥湯
油飯
油飯
排骨麵
排骨麵
地圖
地圖

高雄的第一餐按計劃選了1971年創業,有近40年歷史「老李排骨湯」。

此店位於大同一路,算是「南華夜市」週邊,店面細小,商舖內籠是厨房,在門外騎樓底放幾張摺檯,伸延至馬路,大概只能同時招待10多位顧客,用餐環境的確不是十分理想。

招牌出品「排骨酥湯」精選豬肋排醃製後酥炸,加入以冬瓜和香料燉的高湯在盅內再蒸,取出時傳來胡椒香氣,湯頭濃郁帶點小辣,配料入口即化,雖然是炸過的,但不是很油膩。

吃過自然會明白為何能一味主打賣足40年仍屹立不倒,底子果然深厚。

若不喜歡燉湯或份量不夠,也可選擇排骨麵或冬粉,售價NT 75;其實要盅湯加個以排骨酥肉屑加醬汁而成的油飯也是同様價錢(湯NT 50 + 飯NT 25),這個配搭似乎好一點。

推介菜式: 排骨酥湯
每人消費: 約75新台幣 (午餐)
評分: 味道5   服務3   環境2   衛生2   抵食5
二級古蹟 笑臉2010-12-01
下車處要上百多級樓梯
下車處要上百多級樓梯
遊人頗多, 都無乜心情等條走廊少人才慢慢影
遊人頗多, 都無乜心情等條走廊少人才慢慢影
清朝官員蠟像的面相有點像飾演紀曉嵐的張國立
清朝官員蠟像的面相有點像飾演紀曉嵐的張國立
Model們再次出動
Model們再次出動
可惜天陰, 不然更美
可惜天陰, 不然更美
鼓山渡輪站
鼓山渡輪站

首個參觀的地方是「打狗英國領事館」官邸,在西子灣站駁「橘1」路線公車直達,不過公車的班次很疏,在等候期間有「泥鯭的」開價,按人頭NT20收費載我們到目的地,當地的士起錶也NT85元,如今4位只收NT80這麼爛做當然值得坐,他能安排到兩輛車即成交。車程約10分鐘,正價該是NT150之內吧…

旅遊書介紹該處是一個很優雅的地方,而且鄰近國立中山大學,該有點文化氣息。誰知一下車就見到「天滅中共」的攤位,四週都有旅遊巴。

高雄舊稱「打狗」,「打狗英國領事館」官邸建於1865年,座落在西子灣的小山崗上,是外國人在台灣建造的第一座領事館,也是第一棟洋樓。有美麗的拱式廊,是傳統英式建築的風格,現在已列為二級古蹟。

戶外可俯視西子灣海景,也能盡攬高雄港灣風貌;往西望,則是台灣八景之一的「西子夕照」。(不過今天陰天,而且未有耐日落…)

「活化」之後更結合了休閒餐飲,讓遊人可以在此用餐、品茶,讓古老建築展現新的浪漫情調,成為高雄熱門景點之一。

遊人是多了點,顯得有點嘈雜,不過熱門旅遊點多會這樣,有本事包場丫!書上介紹Hi-Tea很有情調的地方亦變了「大X樂」,無幫襯了。逗留了約30分鐘就到下一站 – 鼓山渡輪站。

去完「打狗」其實該到此處坐渡輪過旗津半島看炮台、燈塔及訪海鮮街,不過覺得這裡該可玩半天,故明早才過來;現在是應某「豆腐痴」的要求,到碼頭附近的店子吃豆腐冰。

亦是有「泥鯭的」兜生意,不過這程有點冤枉,因為「打狗」到碼頭步程原來只有600公呎,真係轉個彎就到!

為何會坐車呢?因為資料搜集時見地圖不是這樣子的,還滿以為好醒的想:「呢個位有條橋駁過去就好咯!」誰知去到真的有條橋,大大縮短了一半路程,算了吧!這些失誤都是自由行的樂趣之一。

回來再看地圖,今次連實景也看,Google實景地圖製作時,堆滿工料,條橋剛剛開始興建…

吃完豆腐冰之後,下一站是盬埕埔站的「駁二藝術特區」。

參觀時段: 下午
入場價錢: 每人0新台幣
其他消費: 「橘1」路線公車收費NT12
評分: 值得去4  
棄較知名的「海之冰」選這間
棄較知名的「海之冰」選這間
可隨意塗鴉
可隨意塗鴉
舊課室的佈置
舊課室的佈置
這個貓樣值錢, 老闆該好好保存
這個貓樣值錢, 老闆該好好保存
配百香果的最好吃
配百香果的最好吃
同場加影: 9月已充斥選戰氣氛
同場加影: 9月已充斥選戰氣氛

應草籽點名到鼓山渡輪站吃冰,不是每本旅遊書都推介的「海之冰」,而是只有她那本書獨有的「豆腐冰」。

店子取名「童年懷舊」,標榜吃出台灣幸福滋味,大概是指老闆童年時常吃的味道,有沒有共鳴則要看食客的感受。

店內裝修以小學教室為主題,擺上舊書桌和學生椅,書桌與牆壁皆可任意塗鴉,有特色而且氣氛不錯。

講返出品,招牌主打的是「杏仁豆腐冰」,入口香滑杏味適中;不會太多而嗆鼻。其餘還有綠茶和牛奶口味的豆腐冰選擇。

一磚豆腐以刨冰伴碟,每碟基本價NT 30;嫌單調可隨心水選擇配料 + NT10左右,再加煉奶也只多NT 5,埋單一份不用NT 50,這個價錢對比返香港算是相近的綿花冰,半碗也買不到呢!

8位共點了5碟(皆沒有選綠茶),份量多差點吃不完,配料推介的是加「百香果醬」,芒果或者不合時令,不夠甜。

推介菜式: 杏仁豆腐冰
每人消費: 約50新台幣 (下午茶)
評分: 味道5   服務3   環境4   衛生3   抵食5
創作實驗場 笑臉2010-12-01
很容易可以找到
很容易可以找到
主題展覽
主題展覽
鑄幣流程, 注意別鑄雙面, 壞機累其他人無得玩
鑄幣流程, 注意別鑄雙面, 壞機累其他人無得玩

「駁二藝術特區」以前是高雄港第三船渠的二號接駁碼頭,荒廢後有次市政府找地方放煙花,用過後覺得地點不錯,活化後應有所為,稍事修葺後在藝術家及地方文化工作者推動之下,就成了南部知名的創作實驗場所,本來是民間團體經營,但2006年後交回高雄市政府經營。

由所在地到「駁二藝術特區」很近,只差1個捷運站(盬埕埔),若剛才去了旗津,回程時選在真愛碼頭上岸,沿愛河旁的單車徑步行約10分鐘即到。

在西子灣捷運站有不少單車租賃的店舖,NT100就可以租全日,不少當地年輕人來這一帶都會租單車,先在鼓山渡輪站乘渡輪到旗津半島玩半天再轉在真愛碼頭上岸,到「駁二藝術特區」,能夠悠閒的消磨一天呢。

我們沒有這麼多時間,當然是坐捷運,在出口沿大勇路只有數分鐘步程,直路一條不會迷路的。

該範圍分為幾個區域,有按期更換主題的展館、售賣紀念品的商店、各式露天擺設,還有一部自助模製紀念幣的機器,切合附近五金區的環境。介紹說假日會有免費的陶藝工作坊給遊人體驗,不過當日見不到。

由於遊人頗多,匆匆的走了一轉就離開。時間剛過五時,距離晚飯還有一段時間,本來預算明天下午才會進行的Shopping時段提早進行,大夥到三多商圈站解散,約定六時四十五分原位集合。

推介項目: 主題展覽, 自助鑄幣機
參觀時段: 下午
入場價錢: 每人0新台幣
其他消費: 自助鑄造紀念幣 @ NT10
評分: 值得去4  
不懂欣賞 哭臉2010-12-01
幸好沒有帶其他團友來, 一定「噓爆」
幸好沒有帶其他團友來, 一定「噓爆」
一號出口,為英國建築師Richard Rogers的設計作品。趕時間無心機影
一號出口,為英國建築師Richard Rogers的設計作品。趕時間無心機影

這一個多小時也很忙碌,花小姐想到Birkenstock專門店買鞋,近捷運站的有5間分店,按慣例要行勻才能下決定,斷估其他團友不會有興趣跟著去,趁有空檔去得幾多間就幾多間,於是離站先到在「大遠百百貨公司」的誠品旗艦店買了受託的書就坐捷運到有分站近出口的中央公園站。

順道到一到旅遊書上介紹的「城市光廊」。幸好沒有帶其他團友到這景點,不然會被埋怨,只是一小段走廊由燈箱鋪成,晚上會發光而已,如今世界主流講環保講節能,此處有點浪費資源呢!實在不懂欣賞,不過中央公園十分遼闊,作為城市綠洲,不失是一個好去處。

晚餐比較遠,去了凹子底站附近的「新台灣之原味」餐廳,團友看別人的網誌推介,說是以懷舊為主題的餐廳,查過後見鄰近捷運站,就去這裡了,吃完後又可以坐多一個站到巨蛋站,這裡有受當地人歡迎的「瑞豐夜市」,如此安排正好順路。

推介項目: N/A
參觀時段: 晚間
評分: 值得去2  
2樓全是大檯
2樓全是大檯
受顧客歡迎的舊巴士
受顧客歡迎的舊巴士
老街主題
老街主題
真的有懷舊電影上映
真的有懷舊電影上映
上:炸蚵仔不及炸大腸好吃;下:推介的古坑咖啡蝦球 - 怪怪的
上:炸蚵仔不及炸大腸好吃;下:推介的古坑咖啡蝦球 - 怪怪的
上:牛奶海鮮火鍋抵食夾大件;下:素炒雨來菇很爽口、糖醋魚塊麻麻地
上:牛奶海鮮火鍋抵食夾大件;下:素炒雨來菇很爽口、糖醋魚塊麻麻地
Model賣廣告
Model賣廣告

本團的行程其實很有彈性,只要團友提出,多數都會編排到,高雄唯一一餐的晚餐選址亦是如此。這家「新台灣原味 – 人文懷舊館」是團友看到介紹,覺得有特色才提議要去。

餐廳非常旺場,到達時已很多人在等位,正後悔沒訂位之際竟獲安排入座,不知是等位的多是等細檯或是未齊人不准入座,總之立即能入去就可以。

此店的特色在懷舊的主題,都是台灣數十年前的市區景況,下層的主題是火車站,等位的接待處是火車站大堂的裝修;座位設計成火車卡位,容納人數較少的客人;三五成群的則安排坐二樓,2/3範圍設定是老商店街背景,餘下1/3是舊電影館擺設,據知真的會按時播放懷舊電影,讓訂座的顧客邊吃邊看。

其餘的細節亦一絲不苟,貫徹餐廳主題,包括待應的制服是以前的中學制服;牆上和路邊擺放不少舊海報和擺設;當中沿樓梯一系列國共對立時及國民政府在台開放選舉,作初步民主化時的政府海報,反映出當時的社會情況,最喜歡就是這部份。

佔了這麼多篇幅仍是講裝修,一間餐廳最重要的部份又如何?

此店提碟頭飯、小菜、一人及多人套餐,價錢頗實惠,今餐只是NT 1600左右,人均50元港元左右。

不過味道方面...很老實,水準只屬普通,最有印象只有火鍋套餐,或許是被另一個賣點 – 裝修,給比下去。

推介菜式: 牛奶海鮮火鍋
每人消費: 約200新台幣 (晚餐)
評分: 味道3   服務3   環境5   衛生4   抵食5
人頭湧湧 笑臉2010-12-01
毗鄰婚紗街(中正四路)
毗鄰婚紗街(中正四路)
烏魚子並不如期望般好吃, 放涼了變腥
烏魚子並不如期望般好吃, 放涼了變腥
簡單一碗擔仔麵, NT45超值
簡單一碗擔仔麵, NT45超值
團友的芒果沙冰很吸引, 但怕弄污手沒有買
團友的芒果沙冰很吸引, 但怕弄污手沒有買

吃飯期間開始下雨,想及剛吃飽到瑞豐夜市也吃不了甚麼,倒不如在餐廳多坐一會,到9時直接到最後一站 ─ 六合夜市就算了。

高雄眾多夜市中,六合夜市最受亞洲遊客歡迎,攤檔多是賣吃的,劃出的行人專區約下午4時就開始營業,兩邊的店舖仍在營業,不過遊人顧著逛這些攤檔多會忽視這些店的存在。

部份團友光顧腳底按摩,趁空檔吃了幾檔推介的食攤,很是滿足,但其他賣衣物精品的攤檔無乜心水。

逛完已近十一時,今天只有晚餐時曾下雨,對行程影響不大,只少了個瑞豐夜市,算是最順利的一天。

推介項目: 印度拉茶, 度小月担仔麵, 現場氣氛
參觀時段: 晚間
入場價錢: 每人0新台幣
其他消費: 各類小食自費
評分: 值得去4  
入口設在橫巷內,唔使擔心,算乾淨企理
入口設在橫巷內,唔使擔心,算乾淨企理
本貓入住的「南洋風四人房」 1
本貓入住的「南洋風四人房」 1
「南洋風四人房」地下房間 & 電腦
「南洋風四人房」地下房間 & 電腦
「南洋風四人房」閣樓
「南洋風四人房」閣樓
另一批團友的「闔家四人房」
另一批團友的「闔家四人房」
本貓認為這間裝修不及另一間
本貓認為這間裝修不及另一間
據說是因為閣樓有多張床才揀呢間,不過佢哋有5個人住咩?
據說是因為閣樓有多張床才揀呢間,不過佢哋有5個人住咩?

有關高雄住宿,最初條件只有方便和企理,反正都是整天在戶外,沒多少時間會在房間。

很大路的想幫襯旅行代理買熱門的酒店如漢來/金典,原本都屬意金典,話哂座落高雄最高的建築物,交通遠比漢來方便。

記不起是誰查到金典同幢內有些「日租主題套房」,價錢和酒店相差不太遠,但空間較大(普遍1房1廳有Pantry),房間設計亦各有不同,於是將目標轉移到該類主題套房,愈睇愈多選擇。

一連找了幾間合心水的,當中以鄰近美麗島捷運站的「真愛高雄」回覆最快,態度亦最誠懇積極,就選定了這間,最擔心的付訂金問題亦輕易解決,因房主知道是港澳遊客就很樂意不收訂金,預留了房間出發前1星期確認就可以。

咁順攤有點擔心,怕去到先話間房無咗就大件事。立即向台灣的友人探聽,立場「深綠」的他指出開放旅遊給大陸客嚇走了不少高質素遊客,旅館業者叫苦連天,就算不幸「溝通出錯」,要找住的地方也不難…

這間主題套房獲團友青睞的原因如下:

位處捷運轉車站,
五分鐘到「六合夜市」
裝修有特色 (本貓只會評為「唔似住酒店」)
地方夠大 (1房1廳1 Pantry + 1閣樓)
每套房都備有供上網的電腦,合哂餓了幾日Facebook的團友需要

當日去到現場,見到的是一幢叫「巴黎戀人」的大廈,並沒有「真愛高雄」,與房主小貞聯絡後得知無搞錯地方,是他們在這幢似是由小商廈改裝而成的大廈租用了多個單位,再設計房間租給遊客,入到電梯大堂就見到有水牌列出哪幾間房屬哪間「公司」。

或者是未到Check in時間(下午2時),小貞未有在大堂守候,要樓下由各家合聘的管理員通知才過來,其實我們該在到埗前30分鐘左右打電話通知房主準備的,做少了個步驟要等也不能怪責,才等約10分鐘而已。

上房驗收房間、填寫明天早餐的外賣紙,付清房款後就沒有再見過房主了,她臨行叮囑早上7時半可以下樓自取早餐,11時交門匙到管理處,有物資需要向管理處要就可以,全程不過10來分鐘,態度是很有禮的,不過沒有預期租用這類套房是如此模式的,好像甚麼都是自助的。

於網上查詢預約情況及即時訂房時請留意,房間名稱下有個編號是指屬幾樓幾室,我們其中一組選中4樓的「闔家四人房」,另一組本選了「古典風情四人房」,查問下才知是在12樓,由於想住近一點照應,改回4樓另一間「南洋風四人房」。

講返套房環境,跟網頁介紹分別不大,有點不滿的是洗手間沒有跟淋浴間隔,洗澡後弄得整個範圍濕漉漉的;空調較殘舊,需要涼快的或許會覺得不夠。

再看樓層走廊的設計,更確信這裡前身是商業大廈(想一想商業區中小企的辦公室),保安方面值得一讚,24小時都有兩位(可能以上)管理員當值,電梯亦要住客拍咭啟動(銷匙扣)。

若單純的入住不需附加服務如出入開關大門、搬行李、附餐廳早餐之類,這裡是不錯的清靜選擇;不然還是住酒店比較適合。

每晚價錢: 2599新台幣 (多人房)
其他消費: 早餐 + NT1,Total NT2600,不過真係唔好有所期望...
評分: 設備3   服務3   環境4   衛生3   抵住5
拆夥 2010-12-01
七點零落樓天氣仍很好
七點零落樓天氣仍很好
食店很早就營業,其實無必要吃旅館的外賣
食店很早就營業,其實無必要吃旅館的外賣
旅館的外賣早餐簡直慘不忍睹
旅館的外賣早餐簡直慘不忍睹
沒想到這些「小金磚」是爭吵的引爆點
沒想到這些「小金磚」是爭吵的引爆點
台北速遞過來的總統餅
台北速遞過來的總統餅
旅行不是該快快樂樂嗎?
旅行不是該快快樂樂嗎?

最後一天,預算會到的景點只剩下旗津半島,這裡有天后宮、海水浴場、炮台及燈塔,街上也有不少海鮮檔,是今天午餐的首選。預計玩到下午二時左右就會解散,自由活動至五時多回旅館整理一下行李,六時左右出發至機場。

晨運時天氣還不錯,仍有太陽的,不過八時過後天色變暗,電視新聞的天氣預告有颱風將之,天氣會轉壞。

昨天問團友們有沒有興趣買「舊振南」的鳳梨酥,總店就在附近,不過他們興趣不大,而且找熟人訂了「港記」的總統餅,稍後速遞過來放在接待處,不用再買了。

無所謂,趁早買了回來才出發去玩,儘管只是買三四盒,都忍受店員們的白眼,按吩咐向餅店要了個紙皮箱,讓其他團友把買來的啫喱、總統餅放在一塊Pack箱寄倉,到香港機場才分貨,因為一來大家的行李箱空位不多,二來午後回來要再整理行李箱不甚方便。

回程時雨勢愈下愈大,捧著紙箱打不了傘,汗加雨水渾身濕透的回來要洗過澡換衣服,已有點暴躁,出來後大家仍未有出發的跡象,對是否按計劃行程以至如何封箱也有所爭論,催促快下結論,不料火上加油,最終拆夥收場。

只得我與花小姐去旗津,其餘團友等雨勢減弱才去凱旋站的「夢時代」行商場,編行程時是預定了最後2-3小時才到此。

本來就預了下午會分開行動,因為大家Shopping的目標不一様,但沒想到會在氣氛不太融洽之下提早解散,或者是這幾天安排不週,行程不順利或被認為過份遷就某團友的積怨終於引爆。

帶著一點怒氣啟程到旗津,其實雨在步行往捷運站時已停了,不催趕他們,耐心等多10分鐘不就開開心心的一起行動嗎?

這個難當的掛名領隊,到此終承認失敗。

參觀時段: 早上
入場價錢: 每人0新台幣
兩大地標 笑臉2010-12-01
由碼頭沿廟前路穿過天后宮即可
由碼頭沿廟前路穿過天后宮即可
沿途都有清晰路牌指示
沿途都有清晰路牌指示
先到炮台,只是5分鐘的緩坡,非嚇鬼的20分鐘
先到炮台,只是5分鐘的緩坡,非嚇鬼的20分鐘
兵舍非常開揚
兵舍非常開揚
管理處後有步道通往燈塔,不需下山再走
管理處後有步道通往燈塔,不需下山再走
看過鵝鑾鼻的,這個對比下並不吸引
看過鵝鑾鼻的,這個對比下並不吸引

在西子灣捷運出口就碰到租單車店舖在拉生意,租全日才NT 100而已,本來很有興趣的,但想到在當地連過馬路也未熟習(始終不慣綠燈過路仍要顧著有沒有車會轉彎),又擔心車泊在景點出入口會被偷車,就此拉倒。

在鼓山渡輪站到旗津渡票價NT 20,約10分鐘一班,距離跟尖沙咀過中環差不多,一下船就見到沿海有一條單車徑和步道,是搜集資料時沒有的,由於想逛逛街上的商店,就按原定的路線行。

旗津半島想環繞一週其實可以玩上一天的,但時間有限只選了最重點的旗後炮台和燈塔,可能要上一小段山路(其實鋪得很好),遊人不算太多,沿廟前路經過了天后宮後右轉入通山路,很快就有標示到炮台與燈塔的路口。

兩條上山的路建議先到炮台,因為路途較短和斜坡較緩,炮台管理處後有條散步路通往燈塔的,不用下山再上。兩處較喜歡古舊一點的炮台,燈塔因為看過鵝鑾鼻的,難免給比下去。

參觀時段: 早上
入場價錢: 每人0新台幣
其他消費: 兩程共NT40的渡輪費用
評分: 值得去4  
若有所失 笑臉2010-12-01
在炮台拍攝的海水浴場
在炮台拍攝的海水浴場
廟前路兩旁的攤檔都很吸引
廟前路兩旁的攤檔都很吸引
小食攤檔及精品店
小食攤檔及精品店
等花小姐逛精品店時偷閒吃烏梅挫冰
等花小姐逛精品店時偷閒吃烏梅挫冰
乘船回鼓山渡輪站
乘船回鼓山渡輪站

下山後繼續行剛才未行完的廟前路到海水浴場,看到兩旁的海鮮店,不禁後悔放棄了其他團友,這幾天如此近海,無道理沒有一頓豐富的海鮮餐吃的!如今只能吃花枝丸和燒魷魚等小食…

到海水浴場看過就回頭逛路旁的飾物店,約1時就回西子灣午餐。

參觀時段: 早上
入場價錢: 每人0新台幣
其他消費: 沿路的海鮮攤檔
評分: 值得去4  
哈瑪星孖寶 笑臉2010-12-01
旗魚丸大王門面 / 綜合丸湯
旗魚丸大王門面 / 綜合丸湯
汕頭麵 / 雲吞乾麵
汕頭麵 / 雲吞乾麵
地圖
地圖

團員少了3/4,未能如願品嚐旗津的平價海鮮餐,但也不用失望,西子灣哈瑪星老街代天宮一帶,也有相定的心水食店,都是地道的小店。

「哈瑪星」是日治時在鼓山區臨海興建的一條鐵路「Hama-sen(濱線)」的諧音,哈瑪星正是指該鐵路經過的範圍,亦因為有鐵路有海港,當時是繁忙的政經中心,後來市中心發展東移,該處才漸漸沒落。

首先來到有半世紀歷史的「哈瑪星旗魚丸大王」,這裡的旗魚丸以爽口彈牙馳名,店主每天清晨六時已到市場精選黒旗魚,以牠肉質具彈性又有油脂的中背部即場以機打成魚漿,回來即用人手揑製成旗魚丸,絕對是投入時間和心血的結晶。

店子小小的平均賣出100斤旗魚丸,售完即止,每天清貨不留過夜以保品質。

除了旗魚丸外,還有蝦丸和肉丸供應,這兩款丸也非沒下功夫,蝦丸加入荸薺(馬蹄)増加咬勁;肉丸則加入扁魚吊味;配以煮魚丸的湯加入中藥、大骨和胡椒熬製的湯頭,就成了遠近馳名的出品了。

為一次嚐盡3款口味,有綜合丸湯(大、小)供應,非常貼心。

順手過埋對面的汕頭麵,汕頭麵是福州人常吃的一種陽春麵,麵條煙靭帶咬勁固然重要,但醬汁更是精髓所在,各家出品好壞之分就在此。

這家「哈瑪星汕頭麵」據報已有60年歷史,經歷兩代,現任店主仍遵從始創人勇伯的秘方,把中藥、高梁酒、米酒頭泡浸半年,加以豬油調製而成的醬汁,澆上煮好的麵上,簡單的以食材(肉片/雲呑之類),不需名貴材料,可選擇湯麵和拌麵。

點了雲吞乾麵,加入蒜泥和蔥拌勻,吃進口中香氣四溢,雲吞皮薄饀多,口味獨特。

吃完才看到牆的雜誌報導,都是兩間店擺埋一齊,店主都是姓呂,可能是同一家人噃…

推介菜式: 綜合丸湯, 雲吞乾麵
每人消費: 約55新台幣 (午餐)
評分: 味道5   服務3   環境2   衛生2   抵食5
最後任務 2010-12-01
補返中央公園車站
補返中央公園車站
到漢來參觀「無口貓」的士
到漢來參觀「無口貓」的士
同樣是「無口貓」出品
同樣是「無口貓」出品
碰巧經過高雄市議會
碰巧經過高雄市議會

最後的任務是買鞋,行勻就腳Birkenstock專門店,款式是選中了,但尺碼不合,無功而回,且看下月尾能否過去觀選,有空檔才買吧…

睇完鞋有時間剩,睇埋有「無口貓」主題的漢來酒店,回程碰巧接駁車是去市議會,又順手去埋。

行到約5時就回旅館大堂坐坐,嘆今天第3杯奶蓋綠茶,5時半過後團友陸續歸來,整理行裝約六時就坐捷運到機場。誰知正想出發就下起雨來,而且雨勢不小;最終叫了架的士由兩名團友押運行李,其他人跟我按計劃坐捷運,因想省錢用盡張Day Pass的聲音不少。

折騰一輪到捷運站時已是6時半,不過到機場只是20分鐘車程左右,出口連接機場非常方便,沒有港鐵懶巴閉的開條特別貴的「機場快線」。去到才剛好7時,運行李的的士也是剛到不久,車費不用NT300,這價錢在香港付了青馬橋的費用已所餘無幾呢!忽然愛上了這個機場。

 到機場時外邊其實已行雷閃電,幸班機沒有延誤,準時返抵香港分貨就解散。

(四天行程完結)

推介項目: 街頭的台式飲品店,最誇張是NT 20一杯1公升的古早味冰紅茶
參觀時段: 下午
入場價錢: 每人0新台幣
其他消費: 購物消費
  0 個留言    |  加入你的留言
Dor Dor Cat
35篇遊記
墾丁高雄追風團 (台灣)
(旅程日期: 2010-09-02 至 2010-09-05 ,  旅程性質: 背包旅遊, 觀光攝影, 慶祝生日, 消閒度假)
 整個旅程  (共1篇遊記)
 分享至Facebook 
發表日期: 2010-11-29

墾丁之旅蘊釀多時,由復活節首次聽到,到7月中開始埋位準備,條數左計右計,最終都決定自由行,日子訂了9月1日至10日的其中4天,一共8位團員,實際上事前準備只得本貓與草籽跟。

行程由最初墾丁/高雄/台北各1晚、變到1晚墾丁+2晚高雄;到最終的2晚墾丁+1晚高雄;出發日期本來是9月3日至6日,又因墾丁能網上預訂的旅館甚少能提供到星期五、六8人的住宿,不想分開旅館就決定提早一天出發,亦是加菲寶誕的大好日子。

草籽負責跟機票、墾丁包車導遊與住宿,本貓跟高雄的住宿與行程。

墾丁兩間知名的星級飯店「福華」和「夏都」,我喜歡附沙灘的「夏都」多一點,不過價錢是住民宿的兩倍;旅行團愛入住的福華,根本不在考慮之列;而南灣一帶的民宿沒多少能住8人的可連住兩天,另一間被選為最佳民宿,位於船帆石的伯利恆,連閒日都無房…

最終墾丁段選了在墾丁大街牧場區的「棋盤腳民宿家族」,該店老闆共有3間旅館,分別是「牧場旅棧」、「二手童話」及獨立小屋「牛舍」。特色是房間的設計,離大街約5分鐘步程,價錢住兩晚每位約500多元,設有香港銀行戶口可以落訂預留房間;行程方面將交由包車的導遊負責,不過都會約略了解一下有甚麼地方該去和預留半天玩水陸活動時該選甚麼。

一切準備就緒,惡補埋以墾丁為場景的《海角七號》,又到《悠遊墾丁》網站下載了各種優惠券,滿心期待的等出發日子。

誰知出發前那個星期一,整個夏天也未聞打風的台灣,竟一下子受3個風暴影響,雖然全部打唔正,但根據「打風唔成三日雨」的慣例,儘管萬分不願,也要計劃一下天氣惡劣時該以甚麼室內活動打發時間。

不過也有好事發生,就是台灣內政部宣佈9月份開始,港澳居民網上辦簽證可以不收NT300的手續費,本來打算到高雄才辦落地簽證,正好食正這條水。

出師不利 2010-11-29
正常與素食飛機餐, 正常餐個包熱辣辣唔錯
正常與素食飛機餐, 正常餐個包熱辣辣唔錯
本團其中兩名指定Model: 亞鬆同亞懵
本團其中兩名指定Model: 亞鬆同亞懵
往墾丁途中, 天氣迅速變壞
往墾丁途中, 天氣迅速變壞

早上9時乘港龍機出發,約好7時半集合,但不知何時改成8時集合,加上行李寄艙需時,地勤(大概是新人吧…)見8時15分仍有8名乘客仍未辦妥手續緊張起來,一緊張就手忙腳亂出錯,足足弄了近10分鐘才辦妥。立即過關,趕到登機處已是最後召集的時段,總算趕上,Youtube少了一段港貓大鬧機場的影片…

上到機才發現換成了國泰機和機組人員,本來關係不大,只是不能購買港龍25週年的紀念品,有團員為此失望。

準時10時半到達高雄小港機場,天色只是多雲,隱約還有陽光透出,慶幸當局的天氣預測準確,這幾天都是「時陰多雲陣雨」,而且高雄的預測是比恆春半島差,高雄只是如此,墾丁還會差嗎?一片樂觀的氣氛。

很不幸,過關時馬上遇到阻滯,不少辦了網上簽證的旅客包括本貓 + 2名團員及同機的香港人都中了招,我等環保份子不少都將兩頁紙(入境和出境)的簽證列印成雙面或是一紙横印成兩頁A5 Szie,全部不予受理,一定要兩張A4才算數。

雖然入境人員肯將簽證放大或複印成兩頁,但效率奇低,等了近半小時才完成,之後又要重新排隊,下一班機的旅客也到達了,最終差不多11時半才步出機場。很是憤憤不平,尤其是印成A5 Szie的本貓,落地簽證那張也不是跟我那地一様大小,而且我列印時再三確認過沒有規定要印A4才這様印,做事怎會如此僵化?(回來後再上入境網頁查,都是沒有有關條款)

千辛萬苦排到去,關員看見護照上的資料高興的問本貓是否來過生日,等得有火只能報以苦笑。其他在閘外呆等的團員可能見本貓當日大哂,沒有抱怨,感激不盡。

已早知最少要90分鐘車程,愈往南走,天色愈差,開車約半小時就開始下雨了,時大時小,各團員都有點失望。

推介項目: 網上簽證記得列印為2張A4紙 (入境和岀境)
參觀時段: 早上
入場價錢: 每人0新台幣
前廳有自家製烘焙食品出售
前廳有自家製烘焙食品出售
前廳佈置
前廳佈置
用餐範圍
用餐範圍
圖一
圖一
圖二
圖二
圖三
圖三

這是旅程的第一餐,團友在旅遊書上看來介紹見內部裝潢不錯,出發前已提議來這裡。

餐廳位於鵝屏公路,進入墾丁多數得經過這裡,據說前身是一間荒廢了的冰庫,店主約8年前到此開業,內部以海洋風格為設計重點,呈現以藍天和白雲的氛圍,符合顧客處身「國境之南」的處境,店內很多適合拍攝的地方,正好符合本團的要求。

假日經常要預訂的店光顧時是星期四的下午,店內沒有其他客人,無端的「升呢」為包場,意外驚喜。

食材方面很有本地元素,將恆春半島盛產的洋蔥、海霧茶和海鮮等加入菜單,製作出美味的菜色。

點選的是NT 2250的6人套餐,本是7餸(含兩前菜)1湯,但因當天魚生不新鮮,換成兩款菜替代,加上司機請店家醒多了一碟小食,變成了9餸1湯,份量非常足夠。

圖一:前菜有涼拌海鮮和醋漬洋葱,還有贈送的沙律,都是酸酸甜甜的開胃菜。

圖二:左邊是原裝餐單的七號子排和洋葱椒麻雞;右邊是替代生魚片的糖醋魚和椒鹽蝦,當中以椒麻雞和椒鹽蝦較好。

圖三:上面是海遇干貝茶巾和恆春野菜(雨來菇),都是本地的特產;下面值得推介的是香草牛奶海鮮湯,以恆春道地的香料海鮮和濃醇的鮮奶加以清燉,奶香濃而不膩,不愧是招牌出品。

推介菜式: 香草牛奶海鮮湯, 兩來菇
每人消費: 約310新台幣 (午餐)
評分: 味道4   服務5   環境5   衛生5   抵食4
雨天的選擇 ok喇2010-11-29
主場館
主場館
特別展館今期主題是海龜
特別展館今期主題是海龜
館方另一自豪之作 - 3層樓高魚缸
館方另一自豪之作 - 3層樓高魚缸
世界水域館
世界水域館

吃到差不多就與司機商量飯後的行程,由於外面正下著雨,第一天本來就打算盡快去齊能影相的景點,不過這種天氣實在提不起勁,只得兩個選擇:

一是全員到下塌旅館安頓後取裝備到室內的「水世界」(福華飯店內)玩水;另一選擇是到同樣是室內的「國立海洋生物博物館」(後稱「海生館」)。

「水世界」是室內水上樂園,外面眾多沙灘,還有「應該有」的藍天白雲,泳池自然看不上眼,蠻委屈的;想玩水的團員都希望玩曼波/大腳鴨/甜甜圈/香蕉船/大力水手/水上摩托車一類活動,不打算下水的也想在岸上踩踩沙,拍拍團友被刺激水上活動折磨得半死的靚相,故此「水世界」的提議很快被否決。

剩下來只有「海生館」,最初諗行程時是有計劃過到這裡的,但一來怕像海洋公園般呃細路,二來又覺入了場後司機等於白支人工,最終是列入天氣不佳時的選擇,如今正好大派用場。

「海生館」的入場費是每位NT450,司機不知從哪裡弄了幾張較平的,這個海洋博物館共有3個主題館(台灣水域館、珊瑚王國館及世界水域館)和特展館(當時是海龜展),主館再細分多個部份,有興趣的可到「海生館」的官網查看,不一一細表,當中值得一提是有夜宿服務,遊人可在內打地鋪與魚同眠,這服務的目標客群明顯是學校宿營或幾個家庭一起旅遊的小朋友。

本來就對這景點寄望不大,但也能在裡面待到2個多小時,當中最喜歡世界水域館養企鵝和海鸚鵡的部份,是不錯的拍攝場地;不過那條看來是館方最自豪的海底隧道,很抱歉,本貓覺得玻璃有點髒,不夠透徹,至少曼谷Siam Paragon的Siam Ocean World會乾淨一點。

8位進場,館方送了4個館內熱點的合成照匙扣,算是門券的回贈,總體評價…

都係覺得適合小朋友玩多一點。(不妨歸咎本貓根本不太想入內)
推介項目: 世界水域館
參觀時段: 下午
入場價錢: 每人450新台幣
評分: 值得去3  

去完海生館,下一站是貓鼻頭,正常天氣好的話,此地剛才就會來,這時間該在關山看日落,不過下雨就無辦法了。

途中先駛往恆春鎮恆南路的一間人氣站 – 小杜包子,共選了8款包,上車再分來吃。

吃完就到真正目的地了,「貓鼻頭」位於台灣海峽與巴士海峽的分界點,因有一從海崖上滾落的珊瑚礁岩,外形像一隻俯臥的貓,因而得名。

除了往上到觀景台看石外,亦有另一條向下往海岸邊,近距離觀賞珊瑚礁岩的通道,不過天色已開始昏暗,不遠處亦有大片烏雲迫近,在觀景台看過就算。

回到遊客中心看看,見到隔鄰有些賣乾貨的商店,賣的小食非常便宜,剛才在「海生館」買的櫻花蝦(其實有分別的),同樣大小卻賣半價(NT100),店家非常熱情,不斷的讓我們試吃,更送上杯裝水;總數不過買了千多元貨品,另外各式小食也獨立送了一小袋帶走,皆大歡喜。

推介項目: 乾貨商店選擇多, 價錢平
參觀時段: 下午
入場價錢: 每人0新台幣
其他消費: 種類繁多的乾貨
評分: 值得去3  
幫襯時碰巧不多人
幫襯時碰巧不多人
買包N大規條
買包N大規條
出口介紹, 平均NT25-40元, 經濟實惠
出口介紹, 平均NT25-40元, 經濟實惠
店家似乎和鄰居相處不好
店家似乎和鄰居相處不好
舖面看來很整齊
舖面看來很整齊
咭片提示如何分辨各款包子
咭片提示如何分辨各款包子
素包
素包
肉包
肉包

「小杜包子」幾乎是每本旅遊書都推介的店,號稱最「難吃(到)」的包子,想光顧等半小時是等閒,而且規矩多多,排隊取籌一定是指定動作;出爐包子的款式不定,有甚麼就買甚麼;買不到心水的要等下一爐;自信出品款款都是佳品,不能問哪款好吃…

即使如此「招積」,依然其門如市,全台只此一家,店主堅持不開分店或特許經營影響品質,單這一點就很值得尊敬。

知道這店名聲響規矩多,我們也不一定要吃,只抱經過見到有就買,無就算的心態,只是司機強烈推薦,又說由他出面買就不用等太久,既然有門路當然不錯過。

去到,按吩咐只派兩位跟著去,其餘留在車內,大概不要惹起排隊的顧客留意吧…

現場所見約有10多人,沒有介紹說的哄動,不到5分鐘就買了8款包回去,只差辣味的沒有買。

當中以招牌出品「起司包」最好,其餘「麻糬泡芙」、「麻糬紅豆」等齌包較合口味;肉類的「洋葱烤肉」、「培根香腸」無大印象,只有「蛋黃香菇」的香氣四溢感覺不差。

素包:咖喱菜包 / 起司包 / 麻糬泡芙 / 麻糬紅豆
肉包:大肉包 / 洋蔥烤肉 / 培根香腸 / 蛋黃香菇 

推介菜式: 起司包, 麻糬泡芙/紅豆包, 蛋黃香菇包
每人消費: 約30新台幣 (下午茶)
評分: 味道4   服務2   環境2   衛生4   抵食5
天雨關係, 並不壯觀
天雨關係, 並不壯觀
星期四晚墾丁大街並不熱鬧
星期四晚墾丁大街並不熱鬧
團友送上的貢品
團友送上的貢品

六時多天已黑齊,是日最後一個景點是恆春鎮東門不遠的「出火特別景觀區」,,該處因天然氣由地底洩出,點火後燃燒猶如噴火,因此稱為「出火」,不過時值雨季,遇上當天曾下雨的話,會不夠壯觀。

此地平日充斥著不少非法活動,包括在該處玩煙花,烤爆谷等,而且遊客多數沒有公德心,玩完後搞得污煙瘴氣,管理當局在旺季更會派人看守,嚴禁進行上述行為。

我們知道規矩,只帶備手電筒和腳架玩寫字就算,可惜下午的雨實在下得太大,下車後的一段路四處積水,天黑下在微弱的電筒燈光引路下也難免沾濕。

好不容易才行到去,只見一兩處有火噴出,皆有點失望,加上本貓只顧找花小姐拍照(要試機試閃光燈丫嘛…),惹起團友們怨言,不等腳架Set好就抗議離場…

7時過後去到下塌的旅館,安頓好後到墾丁大街晚餐和逛夜市,星期五、六才是旺日,攤檔在10時過後已開始打佯,明晚再走一趟,氣氛完全不同。

回旅館後,團友取出剛才悄悄買下的蛋糕和紅酒,作為貓誕賀禮。

推介項目: 自備腳架、手電筒玩寫字,注意公德,勿玩放煙火、燒爆谷等違法活動
入場價錢: 每人0新台幣
評分: 值得去2  
墾丁傳奇 ok喇2010-11-29
選食物採自助模式
選食物採自助模式
店內有不少名人到訪的相片
店內有不少名人到訪的相片
不建議選難入味的丸類配料
不建議選難入味的丸類配料

回旅館安頓好後出外晚餐,吃甚麼沒有頭緒,加上吃完「小杜包子」不久不太餓,在大街上兩旁的食肆逛上一圈,門面光鮮有格調的多數是泰國/南洋菜;門口堆滿人的是海鮮/滷水店;標榜是恆春菜本地口味的價錢最平,不過多數無人問津。

最終選定了有優惠券的「一品滷味」。

此店是位於墾丁大街上第一家老字號的滷味店,從原本的小攤位,已發展成全台灣連鎖店,是屬於墾丁的傳奇之一,書上介紹用料品質新鮮,滷料及熬滷的時間,強烈推薦云云。

點菜採取自助模式,攤檔已按份量佈滿各式食物,明碼實價,顧客自行挑選後交給店員和付款,取了號碼紙等約10分鐘即可品嚐。

滷水味的確很香,但總覺不太入味,尤其是丸類配料,滷水汁只在表面;若選一些半製成品如滷蛋、豬腸、豬腳;或易吸收汁液的配料如菇菌類、菜和粉麵之類則較好。總括來說評價屬一般,或許是選錯材料的緣故。

推介菜式: 一品斷魂醬
每人消費: 約120新台幣 (晚餐)
評分: 味道4   服務3   環境3   衛生3   抵食2
左邊是前門接待處,住邊間都係呢度辦手續;右邊的後門通往其餘兩座
左邊是前門接待處,住邊間都係呢度辦手續;右邊的後門通往其餘兩座
旗艦店門面1
旗艦店門面1
旗艦店門面2
旗艦店門面2
房間其實不大,官網介紹的明顯靠鏡頭突出
房間其實不大,官網介紹的明顯靠鏡頭突出
室內的彩繪都有趣,顏色配搭又好
室內的彩繪都有趣,顏色配搭又好

到墾丁的日子仍是旺季,團友們要求入住的旅館是平、靚和方便去玩,要「平」只要入住青年旅館或民宿即可以;要「方便」首選自然是不夜天的墾丁大街;「靚」比較廣義,可以指外面景色、內裡的佈置或兩者兼備。

不過,最大的問題是很難找到能容納8位連住兩晚的民宿,因不想分開住(有分館的另當別論),一則方便照應,二則訂房匯款搞多幾次怕麻煩,多番選擇下終決定入住墾丁,「棋盤腳民宿家族」的幾間主題民宿 ─ 牧場旅棧、二手童話及牛舍。

這裡的優點如下:

價錢平、兩晚每位平均約500港元(星級酒店要Double); 座落墾丁大街牧場區,行出大街玩只是幾分鐘,旺中帶靜; 雖然牧場區無海望到,但旅館有不同主題的佈置彌補; 在中銀香港有帳戶,落訂方便。

老闆(阿牛)是設計師,在墾丁大街上開店賣自家設計的Tee,2002年時機緣巧合下與妻子經營了「牧場旅棧」,後來生意好就多開了「牛舍」和「二手童話」,都是以房間設計為招徠。

亦因為有多款主題房花多眼亂,本來兩晚皆可包起獨立小屋「牛舍」,最終都決定3間試齊,反正都是隔鄰左右,算是主館和別館。

首先介紹的是「牧場旅棧」,佈置有強烈的牧場原野風格,多間房都定為乳牛手工繪彩和擺設的主題房,雖然是同一主題,但都以配色各自表現可愛、活潑、沉實的路線,只有一間例外,是以烏龜來做主題。入住的是二樓的「乳牛四人房2」。

想要露台望牧場內圍的大概是二人房,我們住的都沒有。這裡沒有門禁,唯一要求是去完沙灘最好在旅棧的接待處沖沖沙才上房,入房亦請除鞋;整體本貓算滿意住宿的環境和服務。

每晚價錢: 3200新台幣 (多人房)
其他消費: 可購買老闆自家設計的T-Shirt, 住客有折
評分: 設備4   服務5   環境4   衛生3   抵住4
二手童話較近路口,房間的主題亦較多
二手童話較近路口,房間的主題亦較多
房外公用地方的佈置
房外公用地方的佈置
石器時代主題的「中古蛋生」真係好石頭...
石器時代主題的「中古蛋生」真係好石頭...
賣點之一的「蛋殼床」
賣點之一的「蛋殼床」

接著是新一點的「二手童話」,主題較多様化,全楝五個房間各有不同的故事,有以墨西哥風格的「南漠風情」(地下6人)、車子和機器為主題的「愛情公路」(2樓2人)、器時代的「中古蛋生」(2樓4人)、田園風味的「北歐農場」(頂層2人)、石器和純白簡約的蝴蝶主題(頂層2人)。

入住的是石器時代背景的「中古蛋生」,房內裡立體壁雕、蛋殼床都很別緻,據說最受歡迎的就是這間房呢。

我住的是旅棧和牛舍,二手童話只是過去坐坐,感覺上二手童話那邊的房間大一點(同是四人房),網頁上老闆用Wide鏡拍的照片不能作準。

另外,住二手童話的團友投訴房間有「小強」出沒,而且不只一隻…(我唔明點解佢哋會掀起床褥囉)

每晚價錢: 4200新台幣 (多人房)
評分: 設備4   服務5   環境4   衛生2   抵住3
獨立王國 ok喇2010-11-29
牛舍就在二手童話隔離
牛舍就在二手童話隔離
個前園可能天雨積水多蚊,並不吸引
個前園可能天雨積水多蚊,並不吸引
廳房的佈置,若分租時要留意,廳雖稱共用,但只有左邊房能直達
廳房的佈置,若分租時要留意,廳雖稱共用,但只有左邊房能直達

獨立小屋「牛舍」,本來是荒廢了的小屋,裝修成有兩房一廳和庭院,很適合6-8位住宿又不被干擾的環境。多數的日子都要全間包起才肯出租,除了淡季的閒日。

牛舍的確是私隱度較高,玩得癲一點也不怕騷擾其他住客,但所謂的前院感覺髒髒的,而且很多蚊,不可能是適合晨早坐出來優雅地嘆早餐的環境,或者是那幾天都下雨,積水所致。

很不幸,當晚在「牛舍」亦發現一隻巨大的「小強」,嚇得房間內的團友雞飛狗走。

當時本貓忙於在客廳勾微弱的Wifi線上網劃回程機位(另外兩間有ADSL上網的),沒有目睹事件經過,最後當然是有人被逼當勇者去解決。

果頭話哂荒山野嶺,有這些東西不出奇啊,而且嗌得最大聲果位據聞在農曆七月一向情緒不穩,交多了戲也說不定…

每晚價錢: 7600新台幣 (多人房)
評分: 設備3   服務4   環境3   衛生2   抵住4
終日播放抒情音樂的「墾丁愛情海」
終日播放抒情音樂的「墾丁愛情海」
以雙人房為主的「橘月」
以雙人房為主的「橘月」
「香格里拉」外觀豪華
「香格里拉」外觀豪華
「馬丁威」色彩搶眼
「馬丁威」色彩搶眼
全白的「空間」頗具型格,不過對正一間庵堂
全白的「空間」頗具型格,不過對正一間庵堂
旅館提供的早餐,新鮮熱辣
旅館提供的早餐,新鮮熱辣

最先起床,拉起窗簾見到藍天白雲,大喜,立即梳洗再到外面逛逛,今天晨運的目的是探路,視察有沒有合適的跑步路線,打算明早晨操,來之前在Google Map畫過路線,由旅館跑至夏都沙灘酒店(街頭)再跑到福華大飯店(街尾)折返旅館,來回約7公里,輕鬆跑45分鐘該可完成,但總要實地考察一下路面是否適合跑步。

昨天入黑才到,路旁又滿佈攤檔看不清,現在正是時候,發覺兩旁不像有行人路,就算有,商舖似乎習慣把門外到馬路的範圍當成自家地方,各自設計得高低不平,又擺滿雜物,行人大都在馬路旁行,如此環境根本沒可能安心跑,有點失望。

在大街上走了半小時,早上除了便利店和 三兩 間賣簡食的小店就沒甚麼了,拍了些相片,三幾張街道照和附近旅館的模樣,隨便的吃了碗魯肉飯,再到便利店買盒糙米奶,天色突然陰暗起來就匆匆回去,團友們剛好聚集在旅館前廳等吃早餐,正好趕上一塊吃第二次早餐。

之後回房整理行李,搬過另一間旅館,今天住的是獨立小屋「牛舍」,本來兩晚也可以住「牛舍」的,但團友們覺得其他房也佈置得很有特色,訂房時決定兩晚也選不同的房間。

很簡單搬過對面而已,安頓好後10點鐘就出發。

參觀時段: 早上
入場價錢: 每人0新台幣
評分: 值得去3  
7-11那處就是「亞哥之家」,10大民宿之首「伯利恆」亦只隔幾間屋
7-11那處就是「亞哥之家」,10大民宿之首「伯利恆」亦只隔幾間屋
天色尚可,希望餘下行程也是如此
天色尚可,希望餘下行程也是如此
其實剩係得舊石,住呢頭日對夜對直頭去少個景點
其實剩係得舊石,住呢頭日對夜對直頭去少個景點
零星的有人玩水上活動,難得出太陽,唔玩等幾時?
零星的有人玩水上活動,難得出太陽,唔玩等幾時?

最初包車的預算是1.5天,即12小時,首天連機場接送加上因天雨進了「海生館」,已佔去近5小時,之後只到過3個景點,行程可以說是嚴重落後。

今天10時開車,已打算加鐘至包全日,不過未有跟司機說明,因為擔心天氣不穩又是困在室內消磨時間。

繼續往南走,先到不遠的船帆石、砂島、鵝鑾鼻燈塔以及最南點,,再到東半島方向的龍磐公園、風吹沙和佳樂水進發。

在車城吃過「熊家萬鑾豬腳」後若天氣好會繼續包車,去港仔沙漠玩吉普車颷沙,順道看多一兩個景點再落沙灘踩踩,水上活動或許能成行…

出發時陽光普照,在船帆石見識到哪塊高18米的人頭狀珊瑚岩。感覺上船帆石較清靜和風景優美,至少不像墾丁大街是兩旁皆有建築物,故那處的民宿較多面海的房間,第一次來我覺得以方便去玩為主,這邊晚上少了夜市總覺欠了熱鬧,再來的心態該會悠閒一點,會喜歡住這邊多點。

參觀時段: 早上
入場價錢: 每人0新台幣
評分: 值得去4  
與烏雲競賽 笑臉2010-11-29
廣闊的草原,環境開揚
廣闊的草原,環境開揚
初次來要住這裡,應該會擔心晚上會悶
初次來要住這裡,應該會擔心晚上會悶
又想起前天打風,救災隊曾在附近待命...
又想起前天打風,救災隊曾在附近待命...
這邊應該是龍磐公園那邊,今天能去吧...
這邊應該是龍磐公園那邊,今天能去吧...
司機叔叔提議拍跳躍相,還率先試範
司機叔叔提議拍跳躍相,還率先試範
不過成班打壞得一個跳得起...
不過成班打壞得一個跳得起...

接著本來向砂島出發,不過途中司機帶我們到了一個叫「埔頂」的地方,這裡有一個大草原,亦有一列外型漂亮,佔地甚廣的民宿,之前見的其實都很細小,大概是新界3層高丁屋的規模。司機說這是一個較少人知的地方,佢私人醒的,我們聽到都有點高興,但回來再看一看資料,網站都有介紹,不過像是旅行團不會到,包車的多數會來這裡。都算是一個頗特別的地方,因為這裡普遍看的景點都是石和水。

在埔頂停留了十多分鐘,就看到大片烏雲有飄過來之勢,不能擔心太多,還是抓緊時間向下一景點出發。

參觀時段: 早上
入場價錢: 每人0新台幣
評分: 值得去4  
這一邊已不能進入
這一邊已不能進入
亦是保護範圍
亦是保護範圍
不太起眼的展示館
不太起眼的展示館
石灘另一邊有人在釣魚
石灘另一邊有人在釣魚
Model們把握機會出來曬太陽
Model們把握機會出來曬太陽

離開埔頂後到的是「砂島」,這裡的海灘本多有很多貝殼,被海浪不斷沖衝打碎,形成漂亮的貝砂,不過成為旅遊熱點後被遊客拾走了不少,故現在設立了保護區,不准進入;遊人也並非無機會接觸貝殼砂,因為還有一個「貝殼砂展示館」可以參觀,有圖文介紹保護區的各種資源。

圍封範圍的另一方可以釣魚和潛水,當日所見就有人在釣魚,這時已逃離了烏雲,是兩天來最好天的時候,把握機會放Model們出來拍照。

推介項目: 貝殼砂展示館
參觀時段: 早上
入場價錢: 每人0新台幣
評分: 值得去4  
法輪常在 哭臉2010-11-29
下車時的天氣多好?
下車時的天氣多好?
時間緊迫已縮短行程,只左轉直接到燈塔
時間緊迫已縮短行程,只左轉直接到燈塔
環境看來十分舒適,適合野餐
環境看來十分舒適,適合野餐
園內獲贈法器,感動得上天哭了出來...
園內獲贈法器,感動得上天哭了出來...
好好的一個「台灣八景」之一,天色如此立時無哂心情
好好的一個「台灣八景」之一,天色如此立時無哂心情
竟然花了最多時間在此避雨
竟然花了最多時間在此避雨

再下一站是到鵝鑾鼻燈塔,位於門票NT40的國家公園內,甫下車就見到應該是法輪功分陀在對面。

佔地廣闊的公園當然不只單單只有燈塔值得去,沿著園內縱橫交錯的海濱棧道,可到展示館、擎天石、親吻石、滄海亭、又一村、迎賓亭等地標。不過我們時間有限,只去了最主要的燈塔,其他的都放棄了…

在入口左轉步行約5分鐘就可以到燈塔,途中經過一幅有不少植物的草地,還有在園內駐紥的法輪功信徒,向遊人派發蓮花飾物。

不是危言聳聽,草籽接過法器後就立即天陰,到燈塔圍牆已遮蔽了太陽,眼見勢色不妙,胡亂的在外圍拍了幾張相想快快離開,但已來不及了,刮起風雨起來,狼狽的躲下樹底下保護相機,好不容易才逃回出口旁賣紀念品的地方。

雨勢不小,難免被弄濕,雖然可立即上車到別處,但雨未停去到下一站也沒意思,故又逗留多15分鐘,這景點竟是避雨的時間多於遊覽…

參觀時段: 早上
入場價錢: 每人40新台幣
評分: 值得去5  
本以為是行泥路,沒想到已鋪上了磗,下雨看以破舊,非戰之罪
本以為是行泥路,沒想到已鋪上了磗,下雨看以破舊,非戰之罪
影得唔好,驚濤拍岸頗震撼的
影得唔好,驚濤拍岸頗震撼的

雨停了就出發往「最南點」,距離鵝鑾鼻公園約5分鐘車程,下車後再沿棧道行約500米就可見到一個平台,這東經120度、北緯21度的地方正是台灣「本島」最南方的地方,由平台望出去是太平洋與巴士海峽的交界處,波濤洶湧,驚濤駭浪,放眼遠眺是望不到盡頭的壯闊景像,天氣好的話更是周圍海天一色,更為吸引。

雖然停了雨,但天色昏暗,拍不了幾張照就開始有其他遊人到來,反正無心情逗留,還是沿路回去,很好運,走回上車地點又下起大雨多,在裡面再留多1分鐘也中招。

評分: 值得去3  
錯誤選擇 2010-11-29
正面是藍天白雲
正面是藍天白雲
擰轉背就烏雲密怖,認真頭痛...
擰轉背就烏雲密怖,認真頭痛...

時間已過了中午,是時候決定接下來的行程。

本來打算今天加鐘,包全日車的,可以順路去埋東半島的幾個景點:龍磐公園、風吹砂、港口吊橋、佳樂水;更可以到港仔沙漠玩吉普車颷沙,幾位不是專程拍照的團友無得玩水已很悶,連這個陸上活動也玩不到未免太可憐。

可惜,司機叔叔的回覆是失望的,這幾天的大雨令場地積水,「颷沙」變了「颷泥」,就算遊客肯玩,安全起見亦不會鼓勵。

立時失去了預算,又忘記了地圖各景點的位置,竟下了個愚蠢的決定 ─ 原路折返旅館換乾衣服,再到車城的「熊家萬巒豬腳」午餐,飯後請司機載我們到恆春鎮就讓他收工,明早送我們到高雄即可。

雖然不原路折返去到景點也是下雨,至少計返距離是到龍磐公園及風吹沙也下不了車(回旅館變裝後,過了南灣才停雨),但還有港口吊橋和佳樂水,我一直以為佳樂水很近港仔沙漠的颷沙場地,又以為一定要經過此地才有路到車城,為免去到觸景傷情;加上又接近午飯時間,去齊隨時搞到兩三點餓親團友,故索性連這幾個地方也不去,其實起碼差半小時車程以及有第二條路走的…總之就下錯決定!

參觀時段: 早上
入場價錢: 每人0新台幣
失控 笑臉2010-11-29
就像一個平實的大食堂
就像一個平實的大食堂
上:蕃薯苗/野蓮;下:滷大腸/薑絲大腸
上:蕃薯苗/野蓮;下:滷大腸/薑絲大腸
上:宮保蝦球/紅繞豆干;下:宮保花枝/招牌豬腳
上:宮保蝦球/紅繞豆干;下:宮保花枝/招牌豬腳
上:酥炸花枝丸/冬瓜封;下:炒板條/麵線。麵線太乾,不絆些醬汁不行
上:酥炸花枝丸/冬瓜封;下:炒板條/麵線。麵線太乾,不絆些醬汁不行
全家福還有蜆仔湯,不過就像開水上放材料,團友說清甜,但本貓不懂欣賞
全家福還有蜆仔湯,不過就像開水上放材料,團友說清甜,但本貓不懂欣賞
只是點得太多,食品格價不算高
只是點得太多,食品格價不算高

屏東縣有很多賣「萬巒豬腳」的店,顧名思議是起源於當地的「萬鑾鄉」,在云云眾店知名度來說,「海鴻」和「熊家」的可謂手屈一指,前者號稱始創店,後者則發揚光大,擁有比總店更廣闊的分店。

我們光顧的是位於「熊家」車城鄉的分店,有著寬敞的食堂和停車場,散客或是旅行團團體餐也能照顧到。

這個字號由1948年開業至今已傳至第3代,秘傳的製作配方和佐料獨樹一幟,而選取的豬前腿肉中帶筋,吃起來不油膩,煙靭爽口,沾上獨有的醬汁令風味更佳,一試難忘。菜單除萬鑾豬腳是主打外,更提供多款客家菜,混合恆春半島本土山產海産製作出美味的菜色。

今餐有點失控,總共點了11餸一湯外加共6人份的炒板條和麵線,個別菜色口味重覆,如「宮保蝦球」搭「宮保花枝」再拖碟「酥炸花枝丸」;跟手「滷大腸」搭多碟「薑絲大腸」,本貓對此略有微言,因為大部份團友都不吃辣,終歸都係我食哂…

每碟都份量十足,幸好「包底王」發揮職能,否則浪費食物。

推介菜式: 萬鑾豬腳、冬瓜封、酥炸花皮丸
每人消費: 約380新台幣 (午餐)
評分: 味道4   服務3   環境3   衛生3   抵食4
預算大亂 ok喇2010-11-29
甜品吃到一半就變成如此
甜品吃到一半就變成如此
兩天以來最大的一場雨,完全打亂行程安排
兩天以來最大的一場雨,完全打亂行程安排
到南灣附近才現曙光,不過心情已大受影響
到南灣附近才現曙光,不過心情已大受影響

由於剛才一餐預埋司機叔叔,他也禮尚往來,帶我們到福安宮附近吃甜品。

由吃飯到福安宮都是晴朗的天氣,甜品吃到一半心想離這裡不遠(5公里)有個叫「石門古戰場」的景點,正想提出就下起雨來,雨來時仍有太陽的,還是將提議吞回肚…

雨愈下愈大,連吃完趁空檔到對面全台灣最大的土地公廟「福安宮」看看也不行,有點沮喪。

這場雨可說是兩天來最大又下得最久的一場,車子駛到恆春鎮時只是稍為小了點,萬分不願的請司機送我們回旅館,讓團友取裝備到「福華水世界」玩水。

不過,我會自行組團坐巴士回恆春鎮逛街,最多不帶單反相機方便行走。

約10分鐘後到南灣,雨終於都停了,太陽亦都出來,司機提醒「水世界」只營業到5時(聽錯!其實係最後入場時間,可玩到6時半),玩兩個多小時夠嗎?入場費NT500又不太甘心(晚上再逛大街見到有酒店住客6折票倒賣),因為只是無奈的選擇,決定賭一鋪,U-Turn回恆春鎮逛街。

最終,今天(10:00 – 15:00)的包車只算半天,以為超過了1小時會酌量增收費用,而司機叔叔亦表明不懂路可Call他回來,他就住附近,10分鐘左右就能救援。

推介項目: 進入福安宮前有個大型市場,聽聞有靚鴨蛋賣,可惜今次無去。
參觀時段: 下午
入場價錢: 每人0新台幣
評分: 值得去3  
地道甜品 ok喇2010-11-29
若非仍然很飽,一定要吃多碗
若非仍然很飽,一定要吃多碗

在車城,其實通街都有攤檔賣「綠豆蒜」,司機帶我們到的一家就在福安宮牌樓隔鄰的「石川綠豆蒜」,據知已是開業20年以上的店子了。

綠豆蒜和蒜頭無任何關聯,是一種剝殼綠豆仁(嫌豆殼口感不好)煮成的甜品,又因綠豆仁易散,加了太白粉和蕃薯粉煮得黏黏的。正名應該是「綠豆饌」,因為綠豆仁外形很像打碎了的蒜頭,所以用台語口音稱做「綠豆蒜」。

製法看似很簡單,材料該不難找,有機會會試做一鍋。

推介菜式: 粉條綠豆蒜
每人消費: 約35新台幣 (下午茶)
評分: 味道5   服務3   環境2   衛生2   抵食5
雨過天晴 ok喇2010-11-29
終於都放晴了
終於都放晴了
除了介紹的店舖,大部份商店都未開門 (執哂?)
除了介紹的店舖,大部份商店都未開門 (執哂?)
團友不願入內,也無謂要他們等
團友不願入內,也無謂要他們等
郵局很多人,排了近20分鐘
郵局很多人,排了近20分鐘
最熱鬧是「南門」了,因為是出入的主要道路
最熱鬧是「南門」了,因為是出入的主要道路
截巴士不太難。街尾就是小杜包子
截巴士不太難。街尾就是小杜包子

有計劃的選了在恆春鎮的西門落車,理由是近郵局;因昨晚逛夜市時團友都買了木製明信片,而《海角七號》有不少場面是在恆春鎮取景的,這兒的郵局亦有特別的郵戳提供。

來之前參考別人的遊記,有抱怨恆春鎮荒蕪,十室九空的模樣,作者歸咎是太早去的緣故,認同了沒有深究,去到才知所言非虛,環繞東南西北四隻城門的道路,即是旅遊書大煲特煲的範圍,除了標明是《海》拍攝場地的地方和推介的店舖,人跡罕至,這時已經下午3時有多了!

如前文所述,團友們大都沒看過《海角七號》或《我在墾丁天氣晴》,那些場景根本沒有共鳴,他們只是見木板明信片有趣,又知有特別郵戳才會來…

原以為可以在這裡行齊4隻城門,消磨至黃昏,甚至在這邊晚餐後才回去,結果寄完信就無所事事,誤打誤撞的到了家農民協會超市,草籽竟發現一款很喜歡的啫喱,團友們聽到推介也不執輸入貨,買得大包小包,見團友覓得心頭好也有點安慰。

買完東西順著的走連接交通頻繁的恆南路,熱鬧程度與剛才的老街天壤之別,行過西門與南門,東門昨晚已經過,尚欠放置了一架坦克車的北門,不過團友們負重物也不好走太遠,時間已是5時多,坐巴士回去。

有說墾丁的巴士半小時才有一班、亦有說在路上揚手就會停車,不一定要在巴士站上落。我們的經驗就不同,先來隨便截車,但接連兩架車都不停,唯有找車站所在和順道逛街,車並不算少,慢行了約5分鐘剛到車站就有車埋站了,過程十分順利,不如想像中的不便。

推介項目: 海角七號拍攝場地,若對套戲有共鳴的話...(我有的)
參觀時段: 下午
入場價錢: 每人0新台幣
其他消費: 50元參觀阿嘉之家、街頭小食、紀念品
評分: 值得去3  
網那邊好像是夏都範圍,只供住客使用
網那邊好像是夏都範圍,只供住客使用
可進入的一邊豎了個牌說不宜玩水,所以不算多人
可進入的一邊豎了個牌說不宜玩水,所以不算多人
應該是夏都的「普羅館」
應該是夏都的「普羅館」
回去時順道買了藝人戎祥開設的「戎將軍手工包子」,小杜好吃一點呢
回去時順道買了藝人戎祥開設的「戎將軍手工包子」,小杜好吃一點呢
團友們就是買了這款啫喱,個盒唔錯,但我嫌佔行李箱無買
團友們就是買了這款啫喱,個盒唔錯,但我嫌佔行李箱無買

墾丁大街的巴士站在街頭「夏都」和街尾「福華」,在街頭下車與花小姐入7-11看一看墾丁特別版的T恤,出來就發覺其他人都走了,見天色甚佳,還想提議他們到大灣沙灘走走,已到門口了,怎麼這麼趕呢…

行到6時多才回旅館,街上已比昨天熱鬧,不少包車來渡週末的本地人陸續到達,加上攤檔和其他遊客,氣氛不錯。

回去休息一會又出去晚飯 + 掃街。

推介項目: 一望無際大海、咸蛋黃大一個
參觀時段: 下午
入場價錢: 每人0新台幣
評分: 值得去4  
南國風情 笑臉2010-11-29
月亮蝦餅夠脆口;右下碟排骨唔記得有食過
月亮蝦餅夠脆口;右下碟排骨唔記得有食過
最記得是錯認左上的咖哩是右下海鮮湯,分了來喝
最記得是錯認左上的咖哩是右下海鮮湯,分了來喝

「沙哇帝卡」看店名就該知是泰菜館,本來不是今餐的第一選擇,原本想去的「迪迪小吃」、「冒煙的喬」和「Amy’s Cucina」都堆滿了人,不過這間也不失禮。

如墾丁大街上其他同類菜館一様是以南島風情裝潢搭配地道泰式料理,給顧客置身當地的感覺。米和香料都從泰國直接引進,以保持原汁原味的泰式風情,開業約兩三年已得到高的評價。

只點了6菜1湯再加碟炒飯,當中以大路的「月亮蝦餅」和「鳳梨炒飯」較突出;「龍鳳果蝦球」酸酸甜甜的很開胃;有一定期望的「香椰海鮮濃湯」不是不好,只是「藍色海遇」的「香草牛奶海鮮湯」好一點;「清蒸檸檬魚」就遜色少少,檸檬味略嫌蓋過了魚味,喧賓奪主。

《悠遊墾丁》網站提供了8折優惠券,今餐埋單不用NT 1500,都算抵食。

推介菜式: 月亮蝦餅、鳳梨炒飯、龍鳳果蝦球
每人消費: 約200新台幣
評分: 味道4   服務4   環境4   衛生4   抵食4
夜市掃街 笑臉2010-11-29
唔係檔檔食哂,不過最失敗係遺忘了馳名的「大腸包小腸」
唔係檔檔食哂,不過最失敗係遺忘了馳名的「大腸包小腸」
這家近「墾丁青年旅舍」的流動雪糕車很抵食,NT100有6球
這家近「墾丁青年旅舍」的流動雪糕車很抵食,NT100有6球

飯後在夜市很久,街上的氣氛跟昨晚分別很大,攤檔和遊人都多了,非常熱鬧,沿途不斷掃街和進小商店買紀念品,不過對哪些攤位遊戲實在提不起勁,多是用玩具槍射氣球,而且奬品不吸引。

行到近十一時,滿載而歸。

臨睡前還要網上辦理回程的登機手續,儘管不像昨夜「旅棧」有ADSL,「牛舍」只能用貧弱的Wifi,而且勾到的線是隔鄰「墾丁愛情海」的訊號,弄足1小時有多才完成有點火,不過總算劃位理想座位。

推介項目: 冰匠流動雪糕車、現場氣氛
參觀時段: 晚間
入場價錢: 每人0新台幣
其他消費: 小食、購物自費
評分: 值得去5  
心有不甘 笑臉2010-11-29
路面接近乾透
路面接近乾透
環島單車團?
環島單車團?
把握最後機會在旅館拍照
把握最後機會在旅館拍照
再見了!墾丁
再見了!墾丁

又是早上出外晨運,再到大灣沙灘那邊,大街感覺上車多了,回去時更碰上單車隊經過,十多二十架單車加上支援車,規模不小,是近半年興起的環島單車團吧?整個行程大概是9天,據說參加者沿路都會得到當地居民的熱情招待。

早餐過後收拾行裝,把握機會為Model們在旅館拍照,到10時就向高雄出發,還有1天半的行程。

今天墾丁陽光普照,剛才在大街上見路面差不多都乾了,上車後,姑且問一問今天是否適合去玩「颷沙」,答案仍是不可以,他轉移推介玩其他活動如實彈射飛碟、高卡車和一個把玩者果在巨球內滾動的遊戲(好像叫「飛球」),不過我們與趣不大。

車子駛過南灣,遠望見太陽傘已鋪得滿滿的,好不熱鬧。司機提議下車去感受一下氣氛,不過團友們反應不大,我自己早上又已經踩過沙灘…

高雄的行程編排得很緊密,雖然心有不甘,還是按計劃中午到達好了。

約12時到達高雄,由於不清楚訂了的旅館是附屬於某幢大廈,明明到了也繞路走了,躭誤了些時間,安頓過後大概1時就出發,正式展開高雄段的行程。

推介項目: 一望無際大海,渴望已久的藍天白雲
參觀時段: 早上
入場價錢: 每人0新台幣
評分: 值得去4  
蝗蟲突襲 笑臉2010-11-29
店家熱情招呼,可惜半途遇上一群蝗蟲煞風景
店家熱情招呼,可惜半途遇上一群蝗蟲煞風景
這裡大概NT500咁上下
這裡大概NT500咁上下
愛文芒又甜又多汁
愛文芒又甜又多汁
值得推介的店
值得推介的店

出高雄途中,司機依約帶我們去買芒果乾,號稱純天然不加糖的。其實是一個水果批發商店,店家很熱情的切了些芒果/柿給我們吃,吃完後已不想買芒果乾,因為新鮮生果實在好吃,買這些更為實際,反正明晚就回去,保質期有3-4天呢。(芒果乾由其他團友買)

付款後店主再送上一盤水果,品嚐間突然來了一車大陸團,蝗蟲般席捲試吃品,吃完自給他們的仍不夠,竟過來我們那邊,用他們吃過的牙籤逐塊挑,店家雖立時阻止,並取出另一碟給蝗蟲,但我們已胃口全失;仍在驚愕之間他們大部份已逃竄上車,鮮見有幫襯!

本貓深信,這群蝗蟲吃免費的遠比買的多,虧本了。

(墾丁段完結,高雄段將緊接推出)

推介菜式: 愛文芒
每人消費: 約200新台幣 (早餐)
評分: 味道5   服務5   環境3   衛生4   抵食3
  0 個留言    |  加入你的留言