到北海道, 一定要食蟹。之前做找過資料研究邊間食蟹好味, 又好多選擇, 最後決定試依間かに本家。晚餐價錢貴D, 唯有試一試午餐。
早一晚經過, 入去訂第二日午餐, 仲可以即時揀埋叫邊款午餐。
知道日本人好守時, 所以我地在原定0既時間剛好到達。

最緊要先俾咗張0係佢地公司WEB SITE0既 “謝恩10%割引券”, 可以有九折優惠。

先除鞋, 坐升降機到7/F, 係一間間房仔, 入到去, 係座TATAMI, 已經SET好枱, 立即有得食, 其他就慢慢上, 應該係我地到達才開始整!
我地4人叫咗4個唔同0既LUNCH SET, 推介係凍蟹 (即是menu中的"味くらべかに酢") 同埋 豆腐 (即是menu中的 “本タラバかに豆腐”)。

好優閒咁享受一餐高檔0既日本蟹料理，因為係午餐0既關係, 咁0既價錢幾抵食。

呢日準備返香港, 離開之前嘅最後1餐早餐梗係要食我最愛嘅壽司啦...
我幾日前已經同酒店講定叫佢幫我book車, 我仲放棄埋酒店嘅早餐嚟食呢餐添...

約左司機8 am, 佢非常準時...上車就同我講要接多1個人..同埋約定我回程時間...(如果回程唔返酒店可以選擇去車站) 由酒店去北の漁場大概20分鐘車程, 我好慶幸我book左車,因為呢日雖然只係10月,但係都幾大雪..如果自己行可能會變雪條!

去到餐廳先8:30, 但係已經唔少人食緊...

我睇完1輪menu, 決定要11件壽司set(2940 yen), 而嫲嫲就要刺身set(1680 yen)..
2個set都跟個帆立貝set, 另外我個set有麵豉湯, 刺身set就跟個蟹湯!

我個set d壽司非常新鮮, 每一件都好好味 (不過當然冇壽司大咁好啦)
刺身set呢都好味, 其實有好多都係我食! 不過激死我, 因為我嫲嫲竟然attempted將個魷魚同八爪魚放落帆立貝度煮熟佢!..所以最後我費事煩, 好偉大咁食晒d野! 對刺身同壽司我嘅吞吐量係大d架.!

1場去到登別住兩晚, 我當然唔齋會喺酒店hea啦! 所以第2日一早就出發, 去睇我最鍾意睇嘅動物同埋登別marine park! 我先去車站買3000 yen嘅nixe pass, 用呢個pass可以去晒熊牧場同marine park,比散買飛抵d!

我地朝早去完marine park, 晏晝3點幾坐巴士返黎睇bear! 落車之後行大概2分鐘就到吊車站, 我見個吊椅好似好刺激咁, 所以上去果程就揀左坐吊椅, 每人200 yen! 點知上到去原來其實冇乜高度, 1d都唔刺激, 而且1分鐘就到.. 咁就冇左400 yen喇!

坐完吊椅之後仲要坐多1程免費嘅登山欖車, 全程都幾斜幾高, 要坐大概7分鐘! 我去果陣係10月尾, d葉雖然未算紅, 但係由上面望落去見到滿山黃葉都幾靚!

我1上到去就去"第1牧場", 入面有好多隻好大嘅男bear...我嚟到呢度先知d bear真係大得咁緊要... 以前喺其他動物園都唔覺....不過唔知點解, 除左bear之外同時亦有好多烏鴉飛黎飛去, 我估烏鴉仲多過bear! 由於我超驚烏鴉, 所以影左2張相之後我就去左"人之籠"

"人之籠"係比人近距離睇bear, 只係隔住塊厚玻璃, 當我地望佢地嘅時候, 佢地亦都觀察緊我地, 好得意! 呢度仲可以買包餅餵佢地添, 我冇買到, 不過就見到有幾個日本人餵緊...d bear貼住塊玻璃個為食樣好可愛!

之後其實我已經準備走, 因為週圍都係烏鴉嚇到我暈低咁滯, 點知臨走見到有好多人圍埋等睇表演, 我見仲有5分鐘就開始, 所以就睇埋先走!

個表演大概10-15分鐘, 係睇隻bear自己識打千秋, 玩滑梯同埋識同人say goodbye! 好勁! 當然中間不斷有訓練員隔住鐵絲網餵佢食野同埋比水佢飲啦.!

睇完表演之後我地就落返去喇...回程我地坐完欖車就行落山, 2分鐘貨仔...! 跟住就返酒店浸..!

雖然唔係逗留左好耐, 不過我覺得呢個牧場好值得黎! 話晒bear bear都要好難先見到!

由於我去水族館果日係weekday, 由登別坐巴士黎到, 附近人都唔多個... 週圍又冇指示牌喎, 攪到我以為自己落錯車! 好彩仲有間郵局比我問下路...

我地由車站行去marine park正門大概5-10分鐘, 沿途係民居, 好靜..有d餐廳仔不過都好似冇開!
我一路行一路諗入到去唔知會唔會成個水族館得我地2個, 點知由正門一行入去之後完全係2個世界...入面人山人海超熱鬧, 好多人成家黎玩..亦到見到有1個旅行團!

1入去就見到好大班人圍埋等睇企鵝散步, 佢地好似鬥快咁...好攪笑...有d行下行下仲爭d撞落圍觀者度...

睇完企鵝, 我地就係dolphin pool睇海豚表演..呢個表演最特別嘅地方就係呢個池係indoor喇...而且仲好細添...我覺得d海豚真係好鬼勁, d超高難度嘅動作都做到, 個波升到去天花咁高都1定頂到...所以我由細個開始已經好鍾意睇海洋劇場!
不過我去完北海道返到hk之後睇左<海豚灣>, 入面講d日本人原來對d海豚好殘忍...知道真相之後, 其實呢d表演唔值得鼓勵!

睇完dolphin pool, 我地就去一個室內館度睇龜! 我從來唔知道有咁多唔同品種嘅龜, 亦都唔知龜可以生長到咁大隻...我仲見到2隻大龜食食下野無啦啦打交添...

跟住就去sea lion pool, 之前睇dolphin pool果陣個工作人員話會有水花, 叫d人盡量坐高d....
所以我今次去到sea lion pool...懶醒目咁坐到最高, 點知1開場就話有好多表演係喺水底, 叫我地盡量坐低d!   睇sea lion主要睇佢同個trainer嘅默契, 點樣合作喺水度整d花式...拍手,擺尾...等等... 其實都好好睇, 不過唔知點解只係得幾個觀眾, 比起睇海豚嘅人爭好遠...

不過喺sea lion pool最吸引到我反而係有個細路用部類似 nds嘅野係咁影相, 我初初仲諗點解個細路入黎睇野仲掛住打機, 之後先發現佢果部係相機...好攪笑...唔知點解我部nds影唔到相呢!  

之後, 我地就去城堡度睇魚, 呢座野好似海洋公園嘅海洋館咁 (其實世界各地d水族館都係咁上下), 不過呢座就比我地海洋館失色喇...我覺得佢只係1個個大魚缸, 入面放住好多魚, 我地1路行..有好多落斜位, 或者有好多路都係冇乜野睇...冇海洋館果種覺得自己行緊入深海嘅感覺, 同埋d魚亦都好似只係比人飼養緊咁囉, 比唔到身處大海嘅感覺佢地!

睇完魚之後, 我地就準備返去睇bear...本來想喺呢度求其食野, 不過真係揀唔落, 而且呢度得hot dog, waffle, 雪糕果d...天氣凍我地2個都唔想食fast food...

所以之後我地就去坐巴士返溫泉喇!

出發之前睇旅遊書同討論區, 見到有好多唔同嘅食蟹舖頭, 間間都有人話好同唔好...所以我一去到薄野就決定自己去視察下..睇下邊間多人似樣d...

最後去到かに家, 雖然佢明明同かに將軍同group...但係我見かに將軍門口有一班遊客擾攘緊(可能係好多中港台旅遊書介紹, 所以比較多遊客) 所以我就決定去かに家!

一入到去就有人帶我地上3樓, 去到3樓門口就換拖鞋... 跟住就帶我地坐低啦...好滿意, 環境好好...同埋3樓全層都係本地人!  (我唔係唔鍾意見到香港人, 不過如果間舖淨係多遊客好可能只係旅遊書效應, 要多日本人先証明d食物真係好味!)

我打開menu, order左2個set, 1個食蟹, 1個食牛, 再加1個啤酒, 1個清酒!

好快就有個waitress黎set檯, 我地有2個鍋, 1個煮菜 (呢個鍋最後仲會用埋黎煮粥), 1個煮牛...

蟹就一如既往咁好味啦. 同平時喺蟹道樂食差不多...其實只要d蟹新鮮點整都咁好味架啦! 至於個"十勝和牛" set真係嚇死我...好味到暈低咁滯! 呢度食野真係好好, 有個waitress喺度幫你煮埋, 食得就夾埋比你, 所以一定唔驚d野overcook... 其實碟和牛上檯已經見到d雪花好靚, 但係我冇諗過就咁水煮都可以咁好味...wow!  

食晒d 主菜個waitress就開始煮d菜, 蘿蔔, 豆腐..等等, 全部都好大portion! 因為我其實都幾鍾意食菜, 所以我覺得好好味...但係有d人如果入去淨係打算食蟹呢, 就應該揀d淨蟹set囉!

最後食完仲有個甜品添, 有1個係雪糕, 另1個好似係桂花糕!

我下次1定要再黎食和牛呀!!

少於2000日圓, 可吃到海膽魚生飯

二条市場絕不能做到

它不只是一碗魚生飯, 而是定食; 有湯及2-3個涼菜

廳堂近窗 放置日式枱椅, 近樓梯處有洋式枱椅

豐富, 美味的午餐 … 和暖的陽光 … 寧靜的街角 … … … 太幸福了!

還有, 用餐尾段送上甜品 – 哈蜜瓜果凍 ( 回想起來, 很窩心, 若跟餐一起送到, 便不是最佳的溫度 )

一客魚子+魚的魚生飯定食都只需1200日圓

哈蜜瓜果凍最少價值100日圓

超值嗎!

還有還有, 結帳後再送你一張只有日文的字條, 落樓梯有所小型西式咖啡店, 可在那兒享用一杯咖啡, 望見街上人們忙著, 體會另一種享受

當然我會推薦你先到內面的手信店逛逛, 有些貨品較狸小路便宜

你喜歡熊嗎?  樓上餐廳及樓下各有一隻大白熊可跟你一起坐

現在的店舖再過十年也不覺老套, 超市形式自由參觀
富良野大部份手信也能在這裹買到

這是我們到日本的第一餐。我們一坐下，有2位大叔於店內招呼。此店面積不太，好似旅遊車的一半。

原來四眼大叔懂少少廣東話，大家指手畫腳後，我便選了較為泠門的雲吞拉麵。

日本的雲吞原來係一塊正方形黃色的大皮包住一塊小免治豬肉，對摺再對摺的三角形東西。幾有特色。不過，因為北海渡除了有殼的海鮮外，其他的都是從另一些省份送來的，所以這塊雲吞及叉燒，都是驚喜不大。不過，唔知係咪心理作用，這碗麵比起香港的都好吃，叉燒也有肉汁，OK好味。

拉麵方面，唔知係咪第一批整，我覺得好似拉麵心中間有D UN UN 地。

另外，其中一位大叔煮食時，我見他的眼鏡就跌就跌....(因為佢全程用手攪D食材，所以我都好關心佢的衛生程度。)西利的是，他的眼鏡全程冇跌，佢又冇用手去托。利害!

之後我們仲叫了個餃子，煎得唔夠燶，燶D仲好....

過關好慢，等埋行李，我哋去到酒店己經１７３０．　　

攞完房，就是晚餐時間，　團體餐是札幌拉麵，但我哋離咗團，去咗酒店對面的蝦蟹合戰．

放題限時90分鐘，有多種選擇．我哋吃4200yen嗰款,　另外，每人必須叫一杯飲品，我哋點咗清酒(350yen/杯)　

第一輪　：　包括 毛蟹、鱈場蟹、松葉蟹、茶碗蒸、小蝦天婦羅, 蝦蟹壽司.

鱈場蟹的蟹腳肉好粗, 比平日吃的“蟹柳”更長更厚！　其他食材也很新鮮好食．我哋食完第一輪己經有點飽，因為這是自助餐，食得少好似唔扺，所以都點吓第二輪，　我哋只是點咗鱈場蟹和壽司，但滿足感已大大減低。

餐廳不設非吸煙區，如果大家唔想吸二手煙的話，提議早點吃晩餐．

兩個人埋單一萬ｊｐｙ有找，以食物和地點來說，推介必吃；　但以空氣質素來説，到此一遊就夠了．　

吃完晩餐，我哋走去狸小路行吓，地面濕滑，亙相扶持, 感覺窩心．

旭川企鵝動物園：　動物園面積小，動物也不趣緻，形單隻影，目光呆滯，令人慘不忍睹，我們匆匆拍照後便離開．

早知如此, 離團去其他地方行吓.

 雙人車每位￥7,500  :  雖然上斜和許多彎位，但由於車速唔快，兩個人一架車，前座可負責駕駛，後座可負責拍照.

午餐很簡單，所以我哋由小樽運河到玻璃趣緻街不停食嘢：

 牛奶布丁　（￥150）　－　布丁很幼滑, 加上香濃的牛奶味，唔太甜，必吃．　

Le Tao 芝士旦糕（免費）－　試食

三角朱古力（免費）－　試食

六層雪糕　（￥500）　－　味道普通, 可以略過, 只是拍照道具.

燒元貝　－　轉眼間已經沽清，無得吃．

 晚餐是自助鐵板燒 : 團體餐有雞肉, 豬肉等, 但導遊的介紹實在吸引, 我哋自費加咗3L帶子及牡丹蝦.  味道果然十分鮮甜, 不過價錢好貴, 平日食d 普通就夠了.

日本的雪很幼, 很白，很厚，軟綿綿，很舒服．小朋友到支笏湖冰祭會玩得很開心.

看完冰祭, 我哋在路邊的雪糕小店，指手劃腳咁叫咗芝麻雪糕（JPY280），裡面有一粒粒的黑芝麻和白芝麻，好香，又唔太甜，令人十分懷念。

這次北海道之旅終於使不愛購物的我感受到去日本旅行的樂趣, 雖然用了不少銀糧, 但吃得開心; 平凡的食物只要是用心經營, 簡簡單單已經很好吃, 我欣賞佢哋默默耕耘, 然後等待成果.

我期待再次去北海道....聽說在二月的日本, 雪祭很出名, 馬拉松也很出名.

外國舉辨的馬拉松做到全城起動, 跑出正能量, 馬拉松跑手可以跑7-8小時, 不用怕被趕上巴士, 市民又會在賽道圍觀, 為跑手歡呼打氣, 贊助商攪到好似嘉年華咁, 成為國家其中一個旅遊盛事我都好想見識吓, 如果將來我也有能力到外國跑馬拉松就好了.

感謝所有給跑步的人讓路的司機和途人和狗 ( 成身臭汗, 不要聞我).