11月13日（晴）：大阪的第三天

XO仔遊埠時對食、買、玩可謂分秒必爭，臨離開大阪前都要早啲起身，趕及八點半先去見識一吓大阪必到之地「黑門市場」。喺街市入面即場食完幾輪魚生兼水果後，小肥就行多轉街街買玩具。眼見酒店退房手續要十二點前辦妥，坐黃昏機可選乘下午一點半班「南海特急快速列車」前往機場，中間幾大都夾多餐人氣拉麵「一風堂」，為肚肚作最後一擊！

嘻嘻，九人去到機場不單有足夠時間繼續買手信、飲咖啡，出咗境後登機前，仲可以享用埋貴賓室嘅茶點酒品先施施然上機。回程都係搭「香港航空」，好彩嗰日冇乜延誤，只係個阿茂飛機餐搞到啲長輩未落機已經要諗定去邊度食宵夜！

11月12日（晴）：神戶一天遊

XO仔年假有限，京阪神之旅只能撥出六天時間，眼見旅遊書上嘅神戶唔係太多景點，主要都係以食為主，所以細佬就編排好家人玩即日來回神戶一天遊。

朝早放棄食酒店包咗嘅早餐，九人就行咗去附近一間咖啡屋「BROTHERS Cafe Namba Store」度食更為精美可口嘅班戟，之後就出發去神戶。由大阪搭地鐵去神戶三宮站只需四十五分鐘，每人每程410円，方便又夠抵。

去到三宮，第一時間先去咗男女老幼都咁啱濕平嘅「Loft」，狂購後再慢慢行去「すき焼きしゃぶしゃぶ神戸牛 石田」食咗個堅掂嘅神戶和牛涮涮鍋做午餐。飯後由哥哥帶路去「元町商店街」及往日本精品店「Village Vanguard」買手信同玩具。各自各活動後就相約於「神戶大丸」集合，整日之劣就係喺百貨公司入面間「AfternoonTea TEAROOM Daimaru Kobe Store」飲咗個都幾不知所謂嘅下午茶。

神戶秋季天氣比香港寒冷得多，見日頭食完涮涮鍋，晚餐就安排去一間地道人氣店「三宮 炭火焼肉 新撰組」食火力更猛嘅高質燒肉放題，真係好開心個個都有讚冇彈，煮得同食得都咁高興！

11月11日（晴）：大阪的第二天

入住「Fraser Residence Nankai」公寓式酒店，房費包咗地下間「Massaマッサ」嘅早餐券，不過簡單講句，試過一次都嫌多！

大阪街道十分易行，地圖顯示出由酒店往午餐之處「La Cime」，一條直路走，路程約四十分鐘左右；頭腦比較簡單嘅小肥就規劃好喺酒店食完個早餐，就慢慢散步行過去，沿途可經過兩條商店街「心齋橋筋商店街」及「戎橋筋商店街」，方便長輩可邊行邊購物，既輕鬆又健康。姨媽們大讚「La Cime」嘅潮牌法式午餐有創意嘅同時，日籍師傅喺佳餚混合咗兩國嘅精髓，配酒又夠講究，廚藝及溝思精湛非常，絕對值回票價。

因XO仔預咗下午茶要一訪人氣甜品店「gram」，飯後就帶隊行去附近行街街，實行運動一番再繼續濕平。點知大家狂購到過哂鐘，去到甜品屋時，限量「梳乎厘班戟」早已售清，好彩餐店其他甜品同特飲都好有水準，結果都冇掃到興。

整個旅程最地道嘅一餐相信都要數細佬喺日本飲食網搵返黎間樓上居酒屋「まこ家」（Makoya）。小店食客全為本地人，氣氛好，服務佳，送酒小食又夠平，抵佢咁旺場！

2017京阪神六天遊

11月10日（晴）：京都的第三天及大阪的第一天

外遊訂酒店，如果要包埋個自助早餐每每都要加成兩、三千円一日，小肥覺得絕不化算，因有心要留肚食個豐富嘅晏，早餐其實只需要飲杯咖啡，另加件蛋糕或多士已經好足夠。離開京都嗰朝早路經「Inoda Coffee」，見到地方夠大又有位，所以好隨意地就行咗入去，點知居然俾肥肥家族發現店子有超正西多士食。

之後返酒店辦妥好退房手續後就由哥哥就帶隊去咗「JR京都伊勢丹」狂購多輪，並於商場入面間「天一」食埋餐即叫即炸嘅天婦羅晏，午後先搭車去大阪。

今次喺大阪逗留三晚，應長輩推介入住「Fraser Residence Nankai」，公寓式單位豪華舒適得黎設備齊全，可謂超掂呀！安頓好一切就出咗去條街到慢慢行去「ぜろはち」（Zerohachi），同居大阪嘅表弟一家四口食咗完頓抵食且服務一流嘅燒肉放題後就早啲休息，準備明早繼續血拼！

DAY 1 + DAY 2 - 大阪 > 廣島 > 早餐: 廣島沾麵本鋪 爆彈屋> 宮島 > 午餐: 牡蠣屋 > 嚴島神社 > 晚餐: BOSS


多得廉航的發達, 現在一年去數次日本實在不再是夢想了. 很多人去日本旅行都會選擇東京, 大阪, 無他, 就是貪血併方便嘛. 不過對於宅女這種去得比較多日本的人來說, 近年去日本追求的巳經不再只是一味購物, 反而開始更懂得去欣賞他們的文物, 了解每個景點背後的故事更有趣. 所以這次趁著妹妹難得從英國回來香港短聚, 就即興計劃了這趟廣島之旅, 希望可以不只是吃吃喝喝, 也想跟她一起了解更多日本文化跟歷史~

那麼既然要去廣島, 怎麼不坐直航去廣島呢? 現在廉航也有航班由香港出發嘛. 不過航班始終較少, 時間比較難預, 加上最主要的原來是去關西機場的機票常常有超優惠, 所以當然就買去關西的機票比較划算了.

而這次買的是來回關西5天的機票, 第一天其實是下午的班機 (沒辦法便宜機票時間是比較爛), 所以到達關西巳經是晚上, 就決定第二天才出發去廣島, 始終不想太趕.
酒店方面就第一天晚上住在大阪, 之後幾天都是待在廣島酒店, 因為不想轉太多酒店太麻煩了.

因為這次在大阪逗留的時間不多, 加上妹妹在英國很久沒吃日本菜, 所以打算吃得好一點. 這晚就一早預約了這家吃新派懷石料理的餐廳, 水準相當不錯的, 但價錢相對一點都不貴. 晚餐一位只是萬多YEN但巳經有和牛有刺身還有原條透明墨魚!